كده قلة أدب

[A7MED_PHARMA]

السلام عليكم

عارف إني مصدعكم معايا في حكايات الصيدلية
قصة معتادة ممكن تمر ع الصيدلي كل يوم
...
دكتور كاتب في روشتة(يونيكتام 375 حقن)..البنت إلي هنا طلعت مكانه(سالبين 375 حقن)..علشان الدكتور طان بيكتب على اليونيكتام من الصبح..فخلص
طلعنا مكانه السالبين عادي
الست رجعت للبنت تاني
زعيق
وشتيمة
وإنتوا حمير
وإنتوا مابتفهموش
وهقفلكم الصيدلية
وهبلغ عنكم
و
..
و..
..

كويس إني ماكنتش في الصيدلية ساعتها
أنا النهاردة كان يوم غبي جداا في المرور ومكنتش طايق نفسي من الحر والقرف
الموقف ده حصل مع البنت الي شغالة بالليل..ولما جيت الصيدلية بالليل حكيتهولي
يااااااااااااه ع القرف
الموقف ده نادر لما بيحصل
وصعب تفهم الفلاح الغبي..لما دكتور حيوان وغبي وجاهل يقوله""مين الحيوان الي إداكوا الدوا ده..بنتكم كانت هتموووووووووت""
طبعا الدكتور الغبي..لما يقول كده للمريض الأغبى منه
ييجوا يقلوا أدبهم
وعبثا طبعا بتحاول تقنع الناس إنهم زي بعض..مفيش ضرر ولاخطر
لكن تقول لمين
جهل وقرف

لاحول ولاقوة إلا بالله
أنا فعلا نويت أغير المهنة..هشوف حد يمسك المخروبة دي
وأنا أشوف أي مجال تاني إشتغل فيه
بلاقرف

[Eslam.Elrefaey]

طيب متشوف فى مدينة احسن من الارياف

[SAiF3S]

والله يادكتور مع احترامى ,انا شايف البنت اللى عندك هيه اللى غلطانه مش الفلاحه او الدكتور الغبى
المفروض انها تعطى نفس الدواء الموصوف واذا كان مش موجود تشرح ان فيه دواء بديل و تدع الاختيار للمريض و دكتوره المعالج بالقبول او الرفض ولا تفرض عليهم الدواء فرضا

[Nile_Storm]

والله للاسف سوء الفهم بين الدكتور و الصيدلي ساعات كتير سببه العيان نفسه
و حصلت الحكايه دي معايا مره و الصيدلي كلمني معاتبا اني قلت للعيان الدوا ده كان هيموتك و انا و الله ماقلت كده ابدا انا قلتله ان الدوا ده مش اللي مكتوب خليه يغيره بس فهو تهيأ له ان الدوا ده هيموت الواد و الف من عنده بأه " علي فكره مكنتش نفس الماده الفعاله خالص علشان متظلمنيش انا والدي و اهلي كلهم صيادله فعارف مدي رخامه الموضوع ده :)
ايوه فعلا فيه دكاتره بتبقي اوفر في الحوار ده
بس المشكله برضه ان ساعات فيه صيادله مش بتدي الدوا نفسه او نفس الماده فيه ناس بتألف فعلا
باختصار متدايقش نفسك من الصيدله انت بتراعي ربنا في شغلك فسيبك من كلام الناس

[nabaster]

والله يادكتور مع احترامى ,انا شايف البنت اللى عندك هيه اللى غلطانه مش الفلاحه او الدكتور الغبى
المفروض انها تعطى نفس الدواء الموصوف واذا كان مش موجود تشرح ان فيه دواء بديل و تدع الاختيار للمريض و دكتوره المعالج بالقبول او الرفض ولا تفرض عليهم الدواء فرضا

مؤيد للكلام ده

A.Yakout

[A7MED_PHARMA]

طيب متشوف فى مدينة احسن من الارياف

بدور وربنا

والله يادكتور مع احترامى ,انا شايف البنت اللى عندك هيه اللى غلطانه مش الفلاحه او الدكتور الغبى
المفروض انها تعطى نفس الدواء الموصوف واذا كان مش موجود تشرح ان فيه دواء بديل و تدع الاختيار للمريض و دكتوره المعالج بالقبول او الرفض ولا تفرض عليهم الدواء فرضا

حضرتك لو في المهنة .. هتعرف إن الموضوع عادي
طالما الدكتور عاوز المادة الفعالة(أمبيسيللين+سالباكتام)
يبقا عادي جدااا إنك تطلع يونيكتام..أو يوناسين.أو سالبين ..أو ....أو............
طالما إن المادة الفعالة مظبوطة
وده قانونا سليم..بدون أي مخالفة لأداب المهنة ..أو القانون...أو مصلحة المريض

والله للاسف سوء الفهم بين الدكتور و الصيدلي ساعات كتير سببه العيان نفسه
و حصلت الحكايه دي معايا مره و الصيدلي كلمني معاتبا اني قلت للعيان الدوا ده كان هيموتك و انا و الله ماقلت كده ابدا انا قلتله ان الدوا ده مش اللي مكتوب خليه يغيره بس فهو تهيأ له ان الدوا ده هيموت الواد و الف من عنده بأه " علي فكره مكنتش نفس الماده الفعاله خالص علشان متظلمنيش انا والدي و اهلي كلهم صيادله فعارف مدي رخامه الموضوع ده :)
ايوه فعلا فيه دكاتره بتبقي اوفر في الحوار ده
بس المشكله برضه ان ساعات فيه صيادله مش بتدي الدوا نفسه او نفس الماده فيه ناس بتألف فعلا
باختصار متدايقش نفسك من الصيدله انت بتراعي ربنا في شغلك فسيبك من كلام الناس

طيب تعمل إيه وإنت مكاني مثلا
ويدخل عليك واحد معندوش إستعداد للنقاش غير إنه داخل يشتم ويقل أدبه وبسسسسس

مؤيد للكلام ده

a.yakout

منورياعمنا
أخيرا ياعم مسكنا عليك صور

[turboman]

والله يادكتور مع احترامى ,انا شايف البنت اللى عندك هيه اللى غلطانه مش الفلاحه او الدكتور الغبى
المفروض انها تعطى نفس الدواء الموصوف واذا كان مش موجود تشرح ان فيه دواء بديل و تدع الاختيار للمريض و دكتوره المعالج بالقبول او الرفض ولا تفرض عليهم الدواء فرضا

بالضبط كده

[nabaster]

منورياعمنا
أخيرا ياعم مسكنا عليك صور

مجبر اخاك لا بطل :)

وبعدين متزعلش يا عم هشيلها وهريحك

A.Yakout

[wassim_nasser]

زي بعضه ياعلاوى مش جديد وبيحصل كل يوم بس ارجع واقولك البنت غلطانة .. ليه؟ عشان كان مفروض تشد تليفون للأفندي ال كتب الروشته وتستأذنه .. عارف الحركة دي تحسس الدكتور انك وقرته واحترمته و مش هايرفض .. لكن تدي حاجه تانية منك لنفسك ييييييييه تخرب الدنيا وتقوم ماتقعدش .. اما لو الدكتور صمم ع الصنف يبقا تولع الروشته و يغور المكسب ال يجي بقله القيمة .. انا فى ايديا ابيع بعشر قروش ف اليوم بس باقول للزبون مفيش و اضحي بالمكسب وأروح بيتي وانا ف جيبي خمس قروش انا مبسوط بيهم

[turboman]

مضايقات عادية في المهنة
انا مرة كنت كاتب hero baby 1
الصيدلية اعطتهم baby lac premature
مرة تانية zoffran 4 mg
ومي اعطتهم cortigen B6
و مصرة انهم نفس التاثير و اهل المريض جم و قالولي انها بتقول اتهم زي بعض بس الدكتور ده مفتري بيكتب حاجات غالية و خلاص
تقول ايه جهل بقى و سفالة

[Nile_Storm]

طيب تعمل إيه وإنت مكاني مثلا
ويدخل عليك واحد معندوش إستعداد للنقاش غير إنه داخل يشتم ويقل أدبه وبسسسسس

متقلقش كله بيتشتم

[zakiali]

الحل ان بتاع الصيدلية يشرح للمريض انه ده ناقص من السوق وفيه بديل ليه نفس الماده الفعالة .. ويكتبله بالرصاص علي الروشته البديل او ورقه خارجية .. ويقوله يرجع للدكتور .. او تتصل بالدكتور تقوله القصخ دي ... كده يبقي فيه مصداقية والعيان هيجيلك برده

[A7MED_PHARMA]

طيب تعرفوا
الدكتور ده بالذات...عملت معاه موقف..المفروض يشيله ليا
كنت سهران مرة بالليل..وهوا راجع من مشوار بعربيته..كانت عربيته فيورا 127 واكلاها البارومة
عربيته عطلت قريب مني..وكان بيته لسه بعيد
طبعا دخلته الصيدلية..عملتله نعناع..وطلعت بصيت على عربيته..كانت خلصت بنزين
وعلشان هوا سنه كبير
طبعا سيبته قاعد في الصيدلية..وروحت محطة البنزين(على بعد 7 كيلو)..وجبتله 4 لتر بنزين على حسابي..ورجعت
يعني انا لو مكانه...وعرفت ان الروشتة دي إتصرفت من صيدليتي ...وهوا كده كده عارف إن الصنف مظبوط
يبقا مكنش يقول كده

[Dr_ElSioufy]

بص يا دكتور احمد انا دكتور وتعرضت لكذا موقف مش لطيف وحاجه تغيظ فعلا من الدكاتره الصيادله المفروض يادكتور احمد ان الصيدلاني يلتزم بما هو موصوف في الروشته وعدم صرف بدائل ولو الداوء اللي موصوف مش موجود تليفون الدكتور او العياده بيكون موجود في الروشته الصيادله بيكلموني ويقولولي نصرف كذا بدل كذا وان مكانش في مانع بخليه يصرفه وده اللي المفروض يحصل عند عدم توفر الدواء , هتقولي انك دكتور صيدلي ودارس تركيبة الادويه و استخداماتها وانك ممكن توصف بديل للدواء معلش مينفعش الدكتور هوا اللي كشف على الحاله وهوا ادرى بيها و هو المسؤول عن العلاج اللي هوا واصفه.
هقولك على موقف حصل معايا وخلاني روحت للصيدلي بنفسي و كلمته كلام معجبوش...كنت كاتب لطفله نقط ايفورتيل ولا نقط فاركولين مش فاكر المهم البنت رجعتلي في الاستشاره وببص على الروشته لقيت متغير في جرعه الدواء بقولها مين اللي غيرلك الجرعه كده ؟ قالتلي الصيدلي !!!!! قال ايه بيقول ان دي طفله والمفروض ماتخدتش الجرك تغير على روشتة الدكتورعه دي كلها !!! طبعا انا دمي اتحرق و عرفت منها فين الصيدليه دي وطلعت جنب العياده وبعد الشغل روحتله وفهمته ان شغله كصيدلي جايله روشته انه يصرفها فقط مش اكتر ولا اقل وانه لو الروشته مش عاجباه يكتبلها روشته تانيه خاالص ويمضي هوا عليها ويبقى يخلي العيانه تجيلي غي الاستشاره يكشف عليها هوا بقه لكن انك تغير في روشته انا كاتبها وعليا الختم بتاعي فده مش من اختصاصك وده تجاوز وتصرف وقح انك تغير على روشتة الدكتور ! ووالله من يوميها وهو اي شئ غير موجود لازم يتصل بيا يقولي وانا اقله اصرفلها كذا بدل كذا.
فالي يحرق الدم ان الصيدلي يصرف بدائل من نفسه حتى من غير مايقول للعيان! يعني حتى مش مكلف نفسه انه يقول للعيان الدوا ده مش موجود لو تحب في كذا ممكن يأدي نفس الغرض والعيان ساعتها هوا حر ياخده او يروح يضور في صيدليه تانيه لكن انا بقى ابقى عاوز ابيع واصرف بديل بدون حتى ماقول للعيان !! تسميه ده ايه ؟ ساعتها العيان ليه حق يجي يبهدل اللي باعله البديل بدون مايعرفه .
يا دكتور احمد انا جالي واحد بدراعه واقف و مزرق ومن الهيستوري عرفت انه كان موصوفله حقن كيتولاك وريد وان الصيدلي ............ اما ملقاش كيتولاك اداله ديكلوفين وريد !!!!! ديكلوفين وريد !!! هو مش فاهم غير ان ده مسكن وده مسكن ملقاش ده اداله ده !!
قولي ساعتها اقول للعيان على غلطة الصيدلي ولا لاء ؟؟؟
الواحد على قد مابيقدر بيحاول يكون مرن في كتابة الادويه وساعات بكتب نوعين من نفس الدوا عشان لو ملقاش ده يجيب ده عشان الصيدلي ميدهوش حاجه من عنده. لكن في بعض التجاوزات من الصيادله مينفعش السكوت عنها !

[FunnyMickey]

مضايقات عادية في المهنة
انا مرة كنت كاتب hero baby 1
الصيدلية اعطتهم baby lac premature
مرة تانية zoffran 4 mg
ومي اعطتهم cortigen b6
و مصرة انهم نفس التاثير و اهل المريض جم و قالولي انها بتقول اتهم زي بعض بس الدكتور ده مفتري بيكتب حاجات غالية و خلاص
تقول ايه جهل بقى و سفالة

يعني موقف فارما بيقول ان هوا الصح
والموقف ده بيقول ان حضرتك الصح

طب بالله عليك مش عاوزين الناس تتلخبط
ياجماعه انتو مهنتكو مش حفتح النت اجيب عنها معلومات
دي ماده متخصصه
لازم نراعي انك بتكتب حاجه فيها حياه بني ادم
حتي لو بتكتب دوا اسهال
سواء طبيب او صيدلي انتا راجل فاهم انتا بتكتب ايه وفيه غيرك حمير مش فاهمين بيكتبوا ايه
لازم تراعوا ان فيه دخلاء علي مهنتكو

انما حنقول عالناس جهلاء
اهو علي الاقل انا معرفش حاجه في مهنه مش بتاعتي
مش عيب
انما العيب كل العيب اني ادخل لواحد الاقيه مش فاهم في حاجه المفروض انها بتاعته
فرفقا بالناس
ياما ناس ماتت بسبب وصفه غلط او دوا غلط
وياما ناس ماتت بسبب جهل طبيب او انعدام مسئوليته
الناس بردو بتخاف من اللي بتقراه