كده قلة أدب

[A7MED_PHARMA]

علي قد معلوماتي المحدودة لان دة مش تخصصي مش المفروض ان الدكتور بيشخص المرض و الصيدلي هو اللي بيحدد العلاج
و لو دة صح ليه مش مطبق في مصر ؟

مهو ده مطلب أساسي للصيادلة قبل وبعد الثورة
علشان نخلص من القصة دي خالص...وكل مجال يلتزم بتخصصه بدون تعدي ..وبدون إحتكاك
ولمهنتين..سواء الطب أو الصيدلة..يتظبطوا ومجال اللعب والبدايل يختفي
وطبعا
نرحم الصيادلة من إنهم يجيبوا أدوية كتيررررررر مالهاش لازمة..ونصهم بيطلع إكسباير

[MOUSTAFA_SAAD]

علي قد معلوماتي المحدودة لان دة مش تخصصي مش المفروض ان الدكتور بيشخص المرض و الصيدلي هو اللي بيحدد العلاج
و لو دة صح ليه مش مطبق في مصر ؟

انت كده عاوز تقفل سبوبه لبعض الدكاتره اللى معندهمشى ضمير وبياخدوا هدايا او رشاوى سميها زى ماتسميها براحتك من شركات الادويه علشان يكتبوا نوع معين للدوا عن نوع اخر وبالطريقه دية حتتنقل لبعض الصيادله برده اللى معندهمشى ضمير وحياخدوا هما الهدايا والرشاوى علشان يكتبوا ادويه مضروبه مفيهاش تاثير ولا ماده فعاله تفيد المريض وحتبقى ساعاتها بصوره اكبر لان الصيدليات معظم اللى واقف فيها بنات بدبلوم يدوبك بيقروا الروشته بالعافيه يبقى ازاى حيحددوا الدوا بنزاهه وامانه

ملحوظه ياجماعه انا اتكلمت عن بعض الدكاتره والصيادله اللى معندهمشى ضمير وهم قله ومقولتش كلهم علشان محدش يزعل منى لان كل مهنه فيها الكويس والوحش

[Dr Ahmed]

فعلا صرف الدواء فى مصر محتاج ثورة مخصوص

[A7MED_PHARMA]

فعلا صرف الدواء فى مصر محتاج ثورة مخصوص

والله يادكتور أحمد..سوق الدواء المصري لازم يتفرمت ويتعمل من أول وجديد
وبالذات شغل تحت السلم ..واحد معاه كام ألف..يروح يعمل نوع جديد فيه مادة خايبة..ودعاية ومندوبين وخصومات وأفلامانات
وهيصة في الأسعار والخصومات..وإحتكار الشركات لأنواعى أدوية بعينها...وقصص مالاهش أول من أخر
والمتضرر الأساسي...المريض ..يليه الصيدلي

[Dr_ElSioufy]

والمتضرر الأساسي...المريض ..يليه الصيدلي

يليه الطبيب..

الموضوع ده أزلي يابوحميد و كان زايد قوي مؤخرا نتيجه نقصان انواع كتير في السوق من قبل الثوره كمان وانت عارف
فكره ان الدكتور يشخص ويسيب الصيدلي يحدد العلاج دي هتبقى هايله قوي و اهو الصيدلي هيشيل حمل كبير من على الدكاتره و بيستفيد باللي اعتلمه وتعب فيه و بكده هنكون في غنى عن مخالفات الصيادله عند صرف البدائل بس طبعا يشترط في الحاله دي صيادله فاهمين جدا لان سمعة الطبيب بتتوقف على نتيجة العلاج.
وللاسف بنلاقي الاعلانات اللي نازله في الجرايد مطلوب آنسه للعمل في صيدليه ! او شاب متفرغ للعمل بصيدليه! اوامال الشهاده دي لازمتها ايه بقى ؟! وطبعا في مجتمعنا في ناس كتير بتستسهل وتروح للصيدلي على طول عشان يشخصلها المرض ويوصفلها العلاج و ساعتها معتقدش ان الآنسه دي او الشاب المتفرغ هيتورع انه يكرر كلمتين سمعهم عن دوا للمغص او مجموعة برد...
وانا ضد المقوله الي بنسمعها كتير, ان الصيدلي بقال ! الصيدلي راجل صاحب شهاده محترمه و يقدر فعلا ينقذ موقف لو جاله عيان في حدود ويقدر يوفر العلاج للحالات الـcommon ومن غيره الطبيب مش هيشتغلو لكن دخلاء هذه المهنه هم من اساؤا ليها ويتحمل هذه المسؤوليه اصحاب النفوس الضعيفه من اصحاب الصيدليات اللي يسيب دكتور صيدلي عاطل ويشغل الأنسه او الشاب المتفرغ .
وربنا يصلح الحال...

[A7MED_PHARMA]

يليه الطبيب..

الموضوع ده أزلي يابوحميد و كان زايد قوي مؤخرا نتيجه نقصان انواع كتير في السوق من قبل الثوره كمان وانت عارف
فكره ان الدكتور يشخص ويسيب الصيدلي يحدد العلاج دي هتبقى هايله قوي و اهو الصيدلي هيشيل حمل كبير من على الدكاتره و بيستفيد باللي اعتلمه وتعب فيه و بكده هنكون في غنى عن مخالفات الصيادله عند صرف البدائل بس طبعا يشترط في الحاله دي صيادله فاهمين جدا لان سمعة الطبيب بتتوقف على نتيجة العلاج.
وللاسف بنلاقي الاعلانات اللي نازله في الجرايد مطلوب آنسه للعمل في صيدليه ! او شاب متفرغ للعمل بصيدليه! اوامال الشهاده دي لازمتها ايه بقى ؟! وطبعا في مجتمعنا في ناس كتير بتستسهل وتروح للصيدلي على طول عشان يشخصلها المرض ويوصفلها العلاج و ساعتها معتقدش ان الآنسه دي او الشاب المتفرغ هيتورع انه يكرر كلمتين سمعهم عن دوا للمغص او مجموعة برد...
وانا ضد المقوله الي بنسمعها كتير, ان الصيدلي بقال ! الصيدلي راجل صاحب شهاده محترمه و يقدر فعلا ينقذ موقف لو جاله عيان في حدود ويقدر يوفر العلاج للحالات الـcommon ومن غيره الطبيب مش هيشتغلو لكن دخلاء هذه المهنه هم من اساؤا ليها ويتحمل هذه المسؤوليه اصحاب النفوس الضعيفه من اصحاب الصيدليات اللي يسيب دكتور صيدلي عاطل ويشغل الأنسه او الشاب المتفرغ .
وربنا يصلح الحال...

ماهو الصيدلي لما يقف في صيدلية..مش أقل من 600 جنيه وإنت طااالع
إنما البنت...بتاخد200-300 وبتمسح وتكنس وتبيع وتعمل كل حاجة
ودي ظروف البلد...
يعني صيدليات كتير ماتقدرش تتحمل تكلفة صيدلي في كل شيفت+عامل ينضف

[M.Mosaad]

ماهو الصيدلي لما يقف في صيدلية..مش أقل من 600 جنيه وإنت طااالع
إنما البنت...بتاخد200-300 وبتمسح وتكنس وتبيع وتعمل كل حاجة
ودي ظروف البلد...
يعني صيدليات كتير ماتقدرش تتحمل تكلفة صيدلي في كل شيفت+عامل ينضف

ال 600 دول بيقبضهم الصيدلي اللي هو خريج صيدله اللي جايب في الثانويه العامه 93 فما فوق و قضي خمس سنين كليه

ربنا يكون في عونكم

بس هو فعلا علشان يتطبق الصح و هو ان الدكتور يشخص و الصيدلي هو اللي يحدد الدوا المناسب الموصوع عايز نقله بس تدريجيه مينعشي يصدر قرار بيه فجأة

[atefadel]

المشكلة دي عادي ومكررة كتييير
يعني لما الدولفين لبوس كان ناقص
كنت بطلع بابي ريليف
اذا فجأة الاقي الدكتور يقول لن البابي ريليف دة ممنوع انا كاتب الدولفين
اة الحل والمريض زعلان وبيبرطم
روحت متصل بالدكتور وفهمتوا ان المادة الفعالة واحد يبقي ازاي دة هيضر وازاي دة لالالا

[A7MED_PHARMA]

المشكلة دي عادي ومكررة كتييير
يعني لما الدولفين لبوس كان ناقص
كنت بطلع بابي ريليف
اذا فجأة الاقي الدكتور يقول لن البابي ريليف دة ممنوع انا كاتب الدولفين
اة الحل والمريض زعلان وبيبرطم
روحت متصل بالدكتور وفهمتوا ان المادة الفعالة واحد يبقي ازاي دة هيضر وازاي دة لالالا

أيام نقص الدولفن لبوس...كان البيبي ريليف بيطلع عادي
ومكنتش بقول لحد إنه بديل...أصل الموضوع كله 2.5 أو 3 جنيه
ومش مستاهله أقعد أشرح قصة كل يوم إنهم نفس المادة الفعالة

[atefadel]

أيام نقص الدولفن لبوس...كان البيبي ريليف بيطلع عادي
ومكنتش بقول لحد إنه بديل...أصل الموضوع كله 2.5 أو 3 جنيه
ومش مستاهله أقعد أشرح قصة كل يوم إنهم نفس المادة الفعالة

المشكلة ان الدكتور كان فاكر دي مادة ودي مادة اخري:b4_592:

[materna]

فى مرة ايام الدعاية بكلم دكتور كبير اوىيييييي محدش ميعرفوش فى بر مصر كلها - مش هقول على اسمة -عن صنف معين ولقيتة بيتنفض ويقولى لالالالالالالالالالالالالالالالالالالالالالالالالا لالالالالالالالالالالالالالالالا الا الصنف دة مبرضاش اكتبة عاشان الاثار الجانبية و drug interaction بتاعةالمادة س المضافة لية مرعبة



قولتلة بالراحة كدة عليا انت عارف اية هية المادة س دى ( على فكرة اسمها ملعبك موت ) دى احدى مشتقات الstarch زى السكر يعنى علشان القرص ميحجرش ويدوب بسهولة
لك الله يا مصر

[medo2o1o]

ال 600 دول بيقبضهم الصيدلي اللي هو خريج صيدله اللي جايب في الثانويه العامه 93 فما فوق و قضي خمس سنين كليه

ربنا يكون في عونكم

بس هو فعلا علشان يتطبق الصح و هو ان الدكتور يشخص و الصيدلي هو اللي يحدد الدوا المناسب الموصوع عايز نقله بس تدريجيه مينعشي يصدر قرار بيه فجأة

و احنا يعنى ملناش نصيب فى الدعوة
بعد 6 سنين كلية و مصاريف قد كدة فى الكلية بناخد 500 جنيه بحالهم

احلى حاجة عندنا هما 10 ادوية بالكتير محفوظين هما اللى بنديهم فمفيش عك كتير

[adel_2346]

خلاص حضرتك استغل إجادتك لدراستك فى تلافى أخطاء عملك ورفع مستوى الخدمة فى الصيدلية ورفع مستوى العاملين بها من حملة المؤهلات غير الصيدلانية واترك أخطاء الآخرين لأصحابها يصلحوها بمعرفتهم

كلمتين جمال جدا شكراااا لحضرتك

[MarwanKh]

اول حاجه طريقه عرض الموضوع فظه وما يصحش وصف اى دكتور بانه غبى لانه الروشته روشتته و وظيفه الصيدلى انه يصرف العلاج الى مكتوب بدون بديل لانه النتيجه هتتحسب على الدكتور مش على الصيدلى
طبعا السالبين الوينيكتام زى بعض بس اليونيكتام سعره الضغف وبالتالى تركيبته انضف وافضل وتاثيره اعلى او مواصفات الدوائيه بصفه عامه اعلى وافضل
يعنى انا مثلا ساعات بكتب علاج لحالات و بتيجى ليا الحاله تانى مره مفيش تحسن اجى ابص فى العلاج الاقيه حاجات غريبه غير الى انا كاتبها ومع ذلك عمرى ما لمحت للمريض انه الصيدلى خدعه بس بطلب منه يورينى العلاج لانه للاسف الصيدلى بينسى انه دكتور و بيتعامل بمبدأ التجاره الى هو عايز امشى البضاعه الى عندى وخلاص
لو كان الموضوع فى الماده الفعاله ليه مضادات حيويه كتير من نفس المجموعه بس اسعارها بتتفاوت فى حالات معينه بنستخدم الانواع الغاليه
النهارده حاله كاتبلها علاج ترايتون اقراص الصيدلى عاطيها هيدروكين بتاع الملاريا
وكاتبلها ابيدون عشان مش عنده عاطيها موتيليوم
واكتب زيثروماكس 600 شراب يعطى اريثروسين 100
لا تعليق
فياريت كل واحد يلتزم بشغله ومهمته المحدده بدون تجريح

[megamoudy]

بقولك ايه يا احمد بيه بدل التعامل مع الفلاحين ......... ماتيجي هنا الزقازيق ............ في ف الحتة اللي عندنا صيدلية فتحت وقفلت على طول ومجهزة تمام يدوب هتشيل اليافطة وتحط اليافطة بتاعتك

الصيدلية قفلت لأن الدكتور صاحبها والله اعلم مش مهتم بيها وكل ماكنت اروحله واوقوله على دوا يقولي مفيش مش عندي

تقريبا هو ببيشتغل ف مكان تاني ومكفيه

الصيدلية ف الفلل .......... عند مدرسة اللغات بنات كده