اعتداء ضابط جيش على سيارتى وعلى اهلى "حسبى الله ونعم الوكيل"

[heshamzaky]

هو عرض التصالح غير لما عرف انى اشتكيته !
دا عاوز يودينى فى داهيه
يعنى اللى عرفته ان ابوه عور نفسه وقال انى اعتديت عليه وانى شتمت امه وبتحرش بأخته
يعنى افعال ناس ,,,,,,,,

بص لو فعلا أبوة عور نفسة و قال أنك أعتديت علية الاجراء القانونى الى كان حا يعملة أنة يطلع على مستشفى حكومى و يجيب تقرير ب الاصابات الى حدثت لة و يطلع على القسم و يعمل لك محضر و القسم يعملك طلب استدعاء و طبعا انت حا تقول أنة بيتبلى أو هو ضربك ساعتها لو أنت قولت أنة ضربك عفوا أنتو الاتنين حا تباتو فى الحجز لحين العرض على النيابة دة لو ما عملتوش صلح بس طالما ما جالكش أستدعاء من القسم يبقى بيهوش خلى بالك الشكوى الى أنت عملتها بالنسبة لة ضربة فى مقتل

[blazer]

ما حضرتك لما عمل كدا فى واحد مقدم جيش ساكن فى العماره
فكلمه وقاله بمعنى الكلام انه يلم نفسه
لان هما عملوه كدا مع ناس برده حصلت بينهم مشكله ونفس الفلم دا

[heshamzaky]

من الواضح أنهم عائلة غجر شوية و بتوع مشاكل بص ما ترحمهوش بجد دة يستاهل الى يجرا لة . و لو لا قدر الله أبوة عور نفسة و أتبلا عليك و الموضوع وصل النيابة وكيل النيابة بيبقى شاطر و بيحدد من شكل الاصابة و المنظر العام اذا كان الشخص دة لبط و لا بجد انضرب و ساعتها لازم تذكر أن فية خصومة و تقدم صورة من الشكوى الى فى أبنة علشان تثبت ان فية نية مبيتة للأنتقام و الموضوع كيدى

[blazer]

شكرااا لحضرتك على الاهتمام :):)

[ashouhdy]

متقلقش تاريخ شكوتك قبل تاريخ تحرير محضرة بأيام .... سيبة الاهبل يعور نفسة !! وبعدين أثار الأصابة بتبان اذا كانت النهاردة او من يوم او تلاتة :)))

[bisoo]

ان شاء الله ربنا هينصرك وهتاخد حقك
بالله عليك متتصالحش معاه حتي لو باس ايدك
خليه يكون درس لغيره علشان هو ناقص عقل بالحركة بتاعته دي

[MoToRiZeR]

الصلح ده لما تبقي مشكلة بينك وبينه يبقي أه فيه مساحة للصلح
لكن ده حرك وحدة عسكرية!!!!!!!!!!!

[devilishtigers]

اللي يعمل كل دا
ابوه يعور نفسه ويقول انك ضربته
وانك بتتحرش بأخته
و...........
و...........
يستاهل انك تعمل فيه كل حاجة تقدر تعملها فيه

[احمد المصرى]

متابع لمعرفه اخر ال هتوصل ليه يا باشا بس اوع تسيب حق مصر وحقك وحق المجتمع كله اوع تسيب حقك

[Sherif Khalifa]

السلام عليكم

اولا انا هقولك حاجه . طبعا اللي حصل ده لا يرضي اي حد ولا يرضي ربنا . وفعليا الرائد ده هيشوف ايام سودة لسبب
اولا تحريك فصيلة مسلحة من مكانها او من وحدتها ده لازم يكون بامر عسكري او جواب مأمورية والامر العسكري بيكون من قائد اللواء او على الاقل قائد الكتيبة . تاني حاجه س 28 تحريات و نيابات هتجيبلك حقك لان اكتر حاجه يترعب منها ظابط جيش هي س 28 ده غير ظروف البلد دلوقتي مخليه التحريات والنيابات والشرطة العسكرية ماشيين زي الساعة . انا لو منك بصراحة مضيعش مستقبله لمجرد انه متهور و لو هو عرض التصالح وانه يعتذرلك في محل الواقعة خليك انت احسن منه . وده رأيي المتواضع لان انك تقبل الصلح هيكون درس اقوى من انك تمشها قانوني وتقبل فائق تحياتي

انا اسف فى ردى و ارجوك متزعلش منى
بس كدة السلبيه بعنها
و لو اتصالح فين العبرة للغير كدة ؟
الى زيه هيتلم ازاى ؟
فى حاجة اسمها المصلحة العامة
بمعنى يروح فى ستين داهبة شخص اخطاء خطاء كبير فى سبيل ان الباقى يمشى عدل
يعنى لو كان بلطجى و اعتدى نفس الاعتداء دة فى نفس الموقف هنقول هنقبل الصلح علشان ميتئزيش؟

[Mahmode]

لازم ياخد جزائه. إستمر في الشكوى وربنا معاك

[tarekzein]

كلنا معاك لغاية لما تجيب حقك بالقانون

لازم الناس عقليتها تتغير

مش كل واحد يتحامى فى بدلته

العصر ده أنتهى

[أبو_حمزة]

فى حالة حدوث أمر مماثل التصرف الصحيح هو الاتصال الفورى برقم الشرطة العسكرية و الابلاغ ان فى اشخاص مسلحين و يرتدون ملابس عسكرية يقومون باعمال بلطجة وقطع طريق فى المكان الفلانى
بالتالى ستتوجه الشرطة العسكرية لمكان الاشكال و لو تم ضبطة بالسلاح و المعدات العسكرية فستتم محاكته عسكريا و الحكم رادع جدا

[htkamal]

بص يابامشهندس تتطلع الى وزارة الدفاع اللى فى شارع الخليفة المامون وتقدم شكوى هناك مع ذكر كل تفاصيل الواقعه ولو امكن شهادات من الجيران اللى حضروا الواقعه وانشاء الله حقك حيرجع ليك

[medociv]

كلم الشرطة العسكرية على ارقامهم