شقاوة العيال و كوارثهم

[OlaOsman]

زي ما احنا دلوقتي بنشوف المصايب و البلاوي اللي بيعملوها في أهاليهم الأطفال اللي في العيلة او ولاد اللي عندهم ولاد.. برضه احنا كان لينا مصايبنا اللي عملناها في أهالينا و احنا صغيرين.. حوادث او حركات عملناها فيهم بكل براءة و هي في الواقع مصاااااااااايب

مرة و انا صغيرة كنت بالعب مع اخويا و ولاد خالي و باجري منهم و عشان ما يمسكونيش طلعت فوق التربيزة.. و قدامي حد منهم على الأرض بيحاول يمسكني.. و انا طبعا حريصة كل الحرص انه ما يمسكنيش و بارجع بضهري.. و انا فوق الترابيزة طبعا.. بس معرفش ليه ما استوعبتش ساعتها ان الترابيزة دي ليها آخر و ان آخرها ده بيودي على الأرض عدللللللل.. ما استوعبتش بأه إلا و انا باتهبد على الأرض و ريحة الكولونيا مالية الدنيا.. أتاريني وقعت على راسي و أعمن علية كمان :o

مرة تانية برضه مع نفس العيال ولاد خالي (شكلهم كده كانوا مدبرينها لي بالعنية).. بنعلب اننا بنحط نفسنا في كراتين و نتقلب بيها.. ايه اللعب المؤذي ده؟
و لما جه علية الدور لسه بيقلبوني بالكرتونة على ظهري.. برضه فجأة لقيت نفس الريحة بتاعة المرة اللي فاتت.. طبعا ريحة الكولونيا مالية الدنيا

[OlaOsman]

مرة برضه انا و اخويا كنا عايزين نشوف حاجتين على قناتين مختلفتين على التليفزيون.. التليفزيون الكبير كان بابا بيشوف عليه برنامج ديني تقريبا و الصغير كنا بنتخانق عليه انا و اخويا.. طبعا انا عايزة اشوف الحاجة اللي انا عايزاها و هو كمان.. و طبعا نزلنا عند في بعض و هو يحول و انا أحول.. قمت متغاظة و عشان أنهي الموقف تماما قلت أشيل الفيشة.. الفيشة كانت في مشترك.. و المشترك راكب فيه كذا فيشة تانية.. قمت انا من غيظي ما شفتش قصادي و قمت هابشة المشترك كله و باشده.. أتاري كان فيه حتة عريانة من المشترك هي دي اللي هبشتها.. و عينك ما تشوف إلا.. كهرباااااااااااااااا

من غير الخوض في تفاصيل مؤلمة.. لسه لحد دلوقتي السبابة و الإبهام في الإيد اليمين معلم فيهم الإصابة

انا مش بيصعب علية في المواقف دي غير الأم.. ياعيني بتتبهدل بسبب غباء العيال

[M_HaFeZ]

شكرا على الموضوع

[Adham_Sabry]

زوجتي راحت الشغل
وانا اخذت بنتي ( وكان عندها في الوقت ده 3 سنوات ) ورايح اوديها الحضانه واروح الشغل ...
خرجت واقفلت باب الشقه بالمفتاح ..
روحت عند العربيه وفتحتها بالريموت ..
فتحت الباب الخلفي ووضعت بنتي علي كرسي الأطفال ..
قفلت الباب الخلفي ...
ورايح علشان اركب ..
السنترلوك قفل مديت ايدي في جيبي اكتشفت ان سلسله المفاتيح مش موجوده
وبالبحث اتريها وقعت مني في العربيه وانا بركب البنت واصبح الموقف كالتالي:
زوجتي في العمل (فيها ساعه لما تجيلي)
انا خارج العربيه والشقه مقفوله بالمفتاح
والبنت والمفاتيح داخل العربيه والعربيه مقفوله
وكانت حووووووووووووووووووووووووسه
ماذا تفعل لو كنت مكاني ؟؟

[Goodle]

أنا متابع الموضوع باستمتاع :)

[Nader]

انا كنت غاوي حيوانات اليفة وانا صغير ولحد دلوقتي وليا معاهم مغامرات

كتيييييير ومصايب كتير:).

مرة كنت طالع من المدرسة لقيت راجل بيبيع كتاكيت ورا

المدرسة فكنت بشتري منة كام كتكوت كدة واروح اجيب علبة كارتون

من بتاعة الشمعدان واخرمها واحط فيها الكتاكيت.

وابدأ رحلة العودة للبيت منتظراً المترو على المحطة. كنت بشيل العلبة

في الشنطة علشان مكنتش بحب اشيل حجات كتير في ايدي. المهم يجي

المترو واركب ولا كان في اي حاجة وادفع التذكرة واقعد وهما يصوصوا ....

والناس تستغرب .... هو الصوت دة جاي منيييين؟؟! وشوية كمان ويصوصوا

تاني والمحصل "الكومسري" اتجنن عمال يتلفت حولية ومش عارف مصدر الصوت

وانا فطسان على نفسي من الضحك:D وفرحان ... كانت لعبة:D!

المهم بعد ما اوصل البيت واتغدى واعمل الواجب اروح اجيب الشنطة وادخل البلاكونة

قال يعني بذاكر:D:D واطلع الكتاكيت اللي حمضوا في الشنطة دول والعب بيهم شوية

واول ما احس ان في حد جاي................................. كنت بحدف الكتكوت

من البلاكونة!!!



عزائي الوحيد حالياً ان القطط كانت بتفرح اوي كل ما ارميلهم كتكوت!!

طبعاً كانوا بيموتوا لما يقعوا بس انا مكنت عارف كدة!! انا كنت فاكر ان

القطط كانت بتلعب معاهم!!!

بعدين اكتشفت انهم كانوا بيكلوهم مش بيلعبوا معاهم!!



عندي مصايب كتير وانا صغير ... كنت كارثة متحركة منها صحابي اللي كنت

بكسر رجليهم وايديهم في حوادث كرة القدم ومنها السمك اللي بحط لة البزازة!!

دة غير اللي كنت بعملة في الارانب و السحلفة .... كان عندي حديقة حيوانات مصغرة

في البلكونة:D والمهم ان كل اللي يدايقني .... القطط مستنياة تحت:D

[noureymo]

زوجتي راحت الشغل
وانا اخذت بنتي ( وكان عندها في الوقت ده 3 سنوات ) ورايح اوديها الحضانه واروح الشغل ...
خرجت واقفلت باب الشقه بالمفتاح ..
روحت عند العربيه وفتحتها بالريموت ..
فتحت الباب الخلفي ووضعت بنتي علي كرسي الأطفال ..
قفلت الباب الخلفي ...
ورايح علشان اركب ..
السنترلوك قفل مديت ايدي في جيبي اكتشفت ان سلسله المفاتيح مش موجوده
وبالبحث اتريها وقعت مني في العربيه وانا بركب البنت واصبح الموقف كالتالي:
زوجتي في العمل (فيها ساعه لما تجيلي)
انا خارج العربيه والشقه مقفوله بالمفتاح
والبنت والمفاتيح داخل العربيه والعربيه مقفوله
وكانت حووووووووووووووووووووووووسه
ماذا تفعل لو كنت مكاني ؟؟

هي البنت لسة في العربية ولا ايه

[cpt_shawky]

هي البنت لسة في العربية ولا ايه

:D:D:D:D:D:D:D:D:D:D:D:D:D

[Karim_Monir]

يوووووووة
ده انا بلاعة لو اتفتحت مش هاقفل
انا والدي كان مسميني استاذ اذى
بس الكارثة الحقيقية اللي طلعها عليا بسببها الاسم ده
كنت انا وحد من قرايبي بنلعب في اشقتنا في بيتنا القديم
ووالدي نايم العصرية ووالدتي مش موجودة
كنت صغير قوي
وماسك شمعة وكل شوية نولع في حاجة في الشقة ونطفيها على طول
نولع في ورقة نتيجة وهوووف نطفيها
نولع في طرف السجادة وهوووف نطفيها
نولع في طرف الستارة وهوف .. هوووف
هووووووووووووووووووووووووووووووووووووف
مش عايزة تطفي والتارة خدت شعلة النار كلت الستارة وشبطت في البرقع ومنه على البلتكانة الخشب
واحنا نجري نجيب مية من الحمام ومش عايزة تطفي
جالنا هيستريا صراخ ووالدي قام مفزوع لقي الشقة بتووولع
والجيران اتلموا
الخساير تقريبا نص الشقة
وحروق في ايد ورجل ابي واحد الجيران
وانا نابني من الحب جانب
قصدي نار الحب جانب
ومن حب اب جانب اخر وعلقة تمام
نييييييييييييييييييههههههههههههههههههههههههههههه
ولنا عودة لما ارجع من المشوار

[cpt_shawky]

حدث أمبارح فالعمارة اللى جنب الشركة نونة صغيرة (سنة ونصف ) كانت بتلعب مع الجيران فشقتهم فالدور السادس ومع الأسف وقعت مالبلكونة....الله يرحمها:(:(:(

والمصيبة أمن الشركة واقف ينادى عالعمارة حد وقع من عندكم وكلو واقف يتفرج مالبلكونات ويقول لأ معندناش...مش تبعنا لغاية مفتكروا ان كان فى كائن صغير معاهم فالدور السادس!:(

[fahd_628]

انا كنت غاوي حيوانات اليفة وانا صغير ولحد دلوقتي وليا معاهم مغامرات

كتيييييير ومصايب كتير:).

مرة كنت طالع من المدرسة لقيت راجل بيبيع كتاكيت ورا

المدرسة فكنت بشتري منة كام كتكوت كدة واروح اجيب علبة كارتون

من بتاعة الشمعدان واخرمها واحط فيها الكتاكيت.

وابدأ رحلة العودة للبيت منتظراً المترو على المحطة. كنت بشيل العلبة

في الشنطة علشان مكنتش بحب اشيل حجات كتير في ايدي. المهم يجي

المترو واركب ولا كان في اي حاجة وادفع التذكرة واقعد وهما يصوصوا ....

والناس تستغرب .... هو الصوت دة جاي منيييين؟؟! وشوية كمان ويصوصوا

تاني والمحصل "الكومسري" اتجنن عمال يتلفت حولية ومش عارف مصدر الصوت

وانا فطسان على نفسي من الضحك:D وفرحان ... كانت لعبة:D!

المهم بعد ما اوصل البيت واتغدى واعمل الواجب اروح اجيب الشنطة وادخل البلاكونة

قال يعني بذاكر:D:D واطلع الكتاكيت اللي حمضوا في الشنطة دول والعب بيهم شوية

واول ما احس ان في حد جاي................................. كنت بحدف الكتكوت

من البلاكونة!!!



عزائي الوحيد حالياً ان القطط كانت بتفرح اوي كل ما ارميلهم كتكوت!!

طبعاً كانوا بيموتوا لما يقعوا بس انا مكنت عارف كدة!! انا كنت فاكر ان

القطط كانت بتلعب معاهم!!!

بعدين اكتشفت انهم كانوا بيكلوهم مش بيلعبوا معاهم!!



عندي مصايب كتير وانا صغير ... كنت كارثة متحركة منها صحابي اللي كنت

بكسر رجليهم وايديهم في حوادث كرة القدم ومنها السمك اللي بحط لة البزازة!!

دة غير اللي كنت بعملة في الارانب و السحلفة .... كان عندي حديقة حيوانات مصغرة

في البلكونة:D والمهم ان كل اللي يدايقني .... القطط مستنياة تحت:D

هههههههههههههههههههههههههههههههههههههههههه

بجد انا فطسان من الضحك يا نادر

حرام عليك الكتاكيت :D :D





انا بالنسبالى مرة كنا فى الغردقة و بعدين كنا بنلعب انا و اختى و قرايبنا ( اختى اصغر منى بسنة ) و بعدين انا اتزحلقت فى شوية مياة الأرض تقريبا اقل من 1 سم و اختى خافت عليا جامد و راحت جرى على الشالية تقولهم فهد غرق فهد غرق طبعا امى و ابويا لقيتهم هما و العائلة جايين جرى عليا و لاقونى كنت واقع فى شوية المياة دول هههههههههههههههههههههههههههههههه طبعا كانو مخضوضين خضة مالهاش حل :)


و حاجات تانية كتييير جدا بس مش فاكرهم لو افتكرتهم حقولكم

[Noha.M]

انا عمرييييييييي ما كنت شاقية ولا اعرف اتشااقااا خاااااااالص بالعكس انا كنت

بطة بلدى قاعدة جنب مامتى علىطووووول بس يجيبولى شوكولا و خلاص كدة :D

[OlaOsman]

انا عمرييييييييي ما كنت شاقية ولا اعرف اتشااقااا خاااااااالص بالعكس انا كنت

بطة بلدى قاعدة جنب مامتى علىطووووول بس يجيبولى شوكولا و خلاص كدة :D

هو انتي في البيت بيجيبوا لك شوكولاتة .. تروحي المرور تطلعي رخصة يجيبوا لك شوكولاتة.. هو انتي عندك chocolate appeal و لا ايه يا نهى؟ :D

[OlaOsman]

زوجتي راحت الشغل
وانا اخذت بنتي ( وكان عندها في الوقت ده 3 سنوات ) ورايح اوديها الحضانه واروح الشغل ...
خرجت واقفلت باب الشقه بالمفتاح ..
روحت عند العربيه وفتحتها بالريموت ..
فتحت الباب الخلفي ووضعت بنتي علي كرسي الأطفال ..
قفلت الباب الخلفي ...
ورايح علشان اركب ..
السنترلوك قفل مديت ايدي في جيبي اكتشفت ان سلسله المفاتيح مش موجوده
وبالبحث اتريها وقعت مني في العربيه وانا بركب البنت واصبح الموقف كالتالي:
زوجتي في العمل (فيها ساعه لما تجيلي)
انا خارج العربيه والشقه مقفوله بالمفتاح
والبنت والمفاتيح داخل العربيه والعربيه مقفوله
وكانت حووووووووووووووووووووووووسه
ماذا تفعل لو كنت مكاني ؟؟

آدي بأه اللي بيحصل لما الرجالة تشيل مسئوولية الولاد و لو ساعة واحدة :p

طيب قول لنا عملت ايه.. شوقتنا

[Noha.M]

هو انتي في البيت بيجيبوا لك شوكولاتة .. تروحي المرور تطلعي رخصة يجيبوا لك شوكولاتة.. هو انتي عندك chocolate appeal و لا ايه يا نهى؟ :D

يلهويييييييييي يا علااااااااااااااااا :D:D:D:D:D

انا عملت حركة تكسف فى الشغل عشان خاطر الشوكولاته دى .. يا بنتى مديري رجع من امريكا و جايب

بتاع 4 شوكولاتات من الحجم الكبير دة :D و قالى ابقي وزعى باة على صحابك اللى معانا يعني فى

الشغل انا ياختى باة نسيييت خااااالص و كل يوم مع كباية الشاى بتاعة الصبح اسحبلى كام بار ببص

بعد اسبوع اشوف هوزع ايه لقيت الورق السلفان بسسس:D:D:D ولا وزعت و لا نيلت

امت نزلت مترو ادور على النوع دة ملقتش و جبت نوع تانى عشان لو سأل يعني الناس :D:D:D