شقاوة العيال و كوارثهم

[aif]

كده يا احمد باشا مكنش شيكوبون و زيتون كلاتاتا اللى احنا واكلينه مع بعض على العموم اقول انا بدل ما اتفضح الحكايه و ما فيها يا جماعه ان انا يوم سبوعى ولاد عمى سهوا مامتى و خدونى حطونى فى السبت و نزلونى تحت فى الشارع و خالى كان تحت هو اللى لحق و خدنى و طلعنى لمامتى تانى



بس لك يوم برده يا احمد باشا و ممكن نوصل لمدام شوماخر و نخبسلها عليك

مش تكمل الحكاية عشان تطمنهم

اكمل انا ....

المهم يا جماعة ان السبت كويس ما حصلوش حاجة والحبل كمان زي الفل ... ربنا ستر والحمد لله :D

[OlaOsman]

4-الموقف ده بقى يا جماعه اكتر موقف مسخره حصلى فى حياتى كنا عند جدى فى البلد و كانت الاسره كلها مجتمعه هناك المهم فأنا و ابن خالتى كنا بنحب نلعب مع الحيوانات هناك المهم اثناء لعبنا مع الحيوانات لقينا جدى(معزه بقرنين) واقف لوحده بعيد فقررنا انا و ابن خالتى ان احنا نجيبه نوقفه مع بقية الحيوانات المهم انا قولت لأبن خالتى روح هاته انت علشان انا الصراحه كنت بخاف منهم المهم ابن خالتى حب يعمل فيها شجيع السيما و يشد الجدى من القرنين بتوعه و كانت الفاجعههههههههههه
قرنين الجدى اتخلعوا فى ايد ابن خالتى و انا واقف متنح و هو واقف يبص على ايده و الجدى راسه غرقانه دم و انا طبعا مش اسكت لأ فضيحه و الحقونااااااااااااااا اسلام خلع القرنين بتوع الجدىىىىىىىى

أنا بأه صعب علية الجدي بشكل :(

[hamedo0]

هههههههههههههههههههههههههههههههههههههههههههههه

مسخـــــــــرة بجد:D:D:D

قرمت الواد يا عمرو ؟:p:p:p فكرتنى باخويا توأمى كان على طول بيعضنى و كان مسيميييني الالى

الشرييير و هو مازنجر و يعد يضرب فيااا :o:p:p:p

تلائقي كنتي بتخدى منه الشوكالاته بتاعته منه
انا طول عمري طفل هادى ومازلت برده مش بتاع مشاكل خالص

[Abonora]

يا تري انتى اولادك هاديين يا ام ماللك
ما تحكيلنا ماللك بيعمل معاكي ايه:p:p

ابنى مالك طالع هاددددددددى جدا جدا جدا:D
لدرجه ان كل حاجه فى البيت زى ماهيه مافيش حاجات بتكسر ولا بتتقطع
ولا كل شويه بيقع من فوق حاجه ولا بيشيل الكرسى البلاستيك ويوقف عليه وعاوز يطلع فوق شاشه الكمبيوتر
ولالالالالالا اى حاجه من دى بتحصل
مش بقول لكم طالع هادددددى جدا
اوعوا تفهمونى غلط والا حاجه:p:p:p

[SaLM!Na]

انا كنت ف اعدادي لما حصلتلي المأساة الكبرى
كان عندي درس رياضة و كنت بكره اروح المهم الدرس ده كان جنب ترعة المحمودية اللي ف اخر سموحة
المهم كنت بعدي المعدية و مستعجلة و مش شايفة قدامي
المعدية كانت عبارة عن قضيبين قطر و فوقيهم خشب كده كتير مرصوص جنب بعض بالعرض زي المراتب
على حظي الهباب كان في خشبتين متشالين و انا ماشية و مستعجلة قمت وقعت ف نصهم
سندت بكوعي على القضيبين بالعافية و انا عمالة استنجد بالناس اللي واقفين
المهم اني مش فاكرة حاجة غير واحدة ست عجوزة شايفاني عمالة اصرخ و اعيط و هيا بتضرب كف على كف و عمالة تقول ياعيني يا بنتي
ها ها قمت وقعت و كل الكتب و الكراريس و الالة الحاسبة كله بخ
المهم جم العمال اللي بيصلحوا المعدية و اللي كانوا هما السبب ف وقوعي و مافيش اي انذار ولا تنويه يخلي الناس تاخد بالها ف الاخر طلعوني
روحت و انا غارقانة و بعيط
على حظي الدنيا كانت بتشتي فالناس ماخدوش بالهم اوي
اول ما روحت قعدت اقول لماما انا جاتلي البلهارسيا
بس بجد اتعلمت من الموقف ده اني ما بصش قدامي خالص و دايما باصة ف الارض طول ما انا ماشية

[mohamed_88sk]

هههههههههههههههههههههههه
لا حول ولا قوة إلا بالله يا salm!na
بس إيه أخبار الأله جرالها حاجه هههههههههههههههههههه
هي المهمه في كل ده ههههههههههههههههه
بهزر طبعا .

[SaLM!Na]

الالة خلاص بقى اكلتها البلهارسيا و زمان الباقي منها اتحلل كمان
ده كان موقف صعب اوووووي
انت لو كنت واقف كان زمانك و قعت ورايا من الضحك على منظر الست العجوزة اللي غايظاني لحد دلوقتي
بس الحمد لله جت سليمة

[mohamed_88sk]

السنه اللي فاتت كنت رايح الكليه الصبح
وكنت ساكن في العامرية قبل ما نعزل
فكنت بنزل دوران شرق وأعدي وأكمل للكليه من عند الشاطبي
المهم اليوم ده كان مطر جامد وأنا بعدي الطريق ورايح الجزيرة اللي في النص فبجري ومش واخد بالي أن الرخام اللي في الأرض مبلول أمت زيييييييييييييييييييييييو
متشألت وأنا فاتح برجل المشكله كنت متشيك يومها ومظبط حالي
الناس بقت تبصلي وتضحك قمت طبعا وأنا محرج وعملت نفسي أل مستعجل وعندي أمتحان هههههههههههههههه
وكملت جري هههههههههههههههه(الجري نص الجدعنه)
_______________________
وانا صغير كان مزاج عندي واحنا في ليبيا الفيش بتاعة الكهربا
أجيب المسمار المحترم وأعيش هههههههه أفاجأ بشلوت من والدي يبعدني ههههههههههه
_______________________
أختي بقى في سبوعها كنت بجري مع جيرانا وهوب بنط من فقيها وهي في اللفه عالأرض بس المرة دي كان بوكس من والدتي عشان يبعدني ههههههههههههههههه
كنت ملطشه .........

[ahmed_khalil]

ايه يا جماعه المواقف خلصت ولا ايه؟؟؟؟؟؟؟؟؟
انا قلت ارفع الموضوع تانى

[Eng_Mostafa_89]

انا وانا صغير كنت هادى بس كنت شغال عبقري بحب اصلح الالعاب بتعتى من وانا تقريبا فى يمكن ثالثة ابتدائى المهم بابا كان جايبلى كاوية لحام وكنت بخاف قوى امسك القصدير كنت بخلى اخواتى يمسكوة وانا السعهم بالكواية بتاعت اللحام.
--------------------------
ومرة تانى كنت صغير تقريبا كنت فى سنة اولى ابتدائى المهم بهزر مع اختى الكبيرة بعد لما رجعنا من المدسة حطيت لها فى الجزمة مياة وطبعا مستنى تانى يوم بفارغ الصبر علشان اتفرج والشراب بتاعها بيتبل
جية تانى يوم اليوم المنتظر اختى بتلبس الحذاء واذا بالماء (حتة شعر حلوة) طبعا اختى اية دة وانا اضحك طبعا رد بابا جاهز طاااااااااااااااخ كدة بوظت الجزمة بتاعت اختك.

[الغزالى]

انا وانا صغير كنت هادى بس كنت شغال عبقري بحب اصلح الالعاب بتعتى من وانا تقريبا فى يمكن ثالثة ابتدائى المهم بابا كان جايبلى كاوية لحام وكنت بخاف قوى امسك القصدير كنت بخلى اخواتى يمسكوة وانا السعهم بالكواية بتاعت اللحام.
--------------------------
ومرة تانى كنت صغير تقريبا كنت فى سنة اولى ابتدائى المهم بهزر مع اختى الكبيرة بعد لما رجعنا من المدسة حطيت لها فى الجزمة مياة وطبعا مستنى تانى يوم بفارغ الصبر علشان اتفرج والشراب بتاعها بيتبل
جية تانى يوم اليوم المنتظر اختى بتلبس الحذاء واذا بالماء (حتة شعر حلوة) طبعا اختى اية دة وانا اضحك طبعا رد بابا جاهز طاااااااااااااااخ كدة بوظت الجزمة بتاعت اختك.

تستهال :POINTI~2[2]: فى حد عاقل يعمل كدة تبوظ جزمت اختك الكبيرة

[الغزالى]

خدوا عندكوا الموقف دى عندكوا مرة اونا فى 4 او 3 ابتدائى كنا فى العيد الصغير المهم كان البلايستشن لسة طالع ون طبعا المهم كان فى واحد جارنا فاتح محل وجايب واحد
المهم رحت اللعب عندة انا وابن عمى وعمتى وورحت البيت مش فاكر عشان اعمل اية
المهم كان فى مية فى الشارع وانا بجرى وهوب عايز اعدى من فوقيها رحت واخد باك ويرد على ظهرى زى الفل فى المية طلعت جت العلقة التمام ونمت
ومرة تانية كنت برضو كنت ستى الله يرحمها
وخالى كان بيجب الاجهرزة بتاعتة عشان يتجوز المهم ويحطها فوق الدولاب قمت انا
طالع على الدولاب وعايز اتشعلق علية وامشى بطول الدولاب وانا متشعلق
هوب راحت ماسك فى كارتونة تننننننننننننننننننننننننننننننن
كل الى على دولاب بئى على الارض الحج خبطنى قلم ساعتها زى الفل لولا ستر ربنا كان فى ناس قرابينا عندنا حاشوهم عنى وسعاتها مرجعتش البيت معاهم
فى حكايات تانى استنواااااااا شوية كدة

[Eng_Mostafa_89]

وخالى كان بيجب الاجهرزة بتاعتة عشان يتجوز المهم ويحطها فوق الدولاب قمت انا
طالع على الدولاب وعايز اتشعلق علية وامشى بطول الدولاب وانا متشعلق
هوب راحت ماسك فى كارتونة تننننننننننننننننننننننننننننننن

خلاص ضاقت بيك الدنيا طالع تتمشي فوق الدولاب انا لو من باباك كنت قتلتك

[fady.bekatcho]

يوووة دا انا كنت عيل مصيبة

اولا انا ليا اخ توائم

ولينا مصايب الدنيا والاخرة

انا فاكر اننا قعدنا فترة كبيرة قوى نحب نعدى قدام العربيات لدرجة ان اهل المنطقة تعبوا من كتر ما كانوا بيطلعونا من خبطة عربية او موتوسيكل

ومرة كنا عند اهلى والدتى فى اسيوط
هما فى الدور الاول بس البلكونة تحتيها محل تحت الارض ومعملة سلم وكدة
البية اخويا راح شالنى ورمينى من البلكونة وانا رحت متعلق فيها وجسمى برة وهو عمال يضحك ويبصلى

ومرة تانية واحنا راجعين بالقطر ضربت فى دماغنا نقلد الافلام
رحنا نزلنا من القطر واستنناة لما مشى وجينا نجرى وننط وهوب ما عرفناش وكنا بتاع 6 سنين مثلا

اتبهدلنا بهدلة فى اليوم دة وعملنا افلام على الناس كلها علشان نعرف نرجع
والى غاظنى ان عمى اول ما شفنا راح جرى علينا وبصنا وحضنا لان العيلة كلها مستنيانا على المحطة بس لما اتجمعنا فى البيت قلب القصة اننا احنا الى جرينا علية وكدة

ومرة وانا فى حضانة اول يوم لينا المدرسة فكرت بس تحطنى فى فصل واخويا فى فصل عينكم ما تشوف الا نور بالجزم عليها وادى وتانى يوم رحت واحد سكينة المطبخ الكبيرة معايا وهيا تجرى وانا اجرى وراها
كلت علقة فى اليوم دا مية مية


ومرة تانية كنت عايز اشيل الكاسيت واخدة برة اسمع
كنت بتاع 8 سنين والكاسيت كان فى الدولاب فوق خالص
ففى درج بيتسحب ويبقى كانة مكتب رحت طالع علية وماسك الكاسيت بايدد وماسك فى الدولاب بايد علشان ما اقعش ورحت شايل الفيشة ببقى بقى
ورحت هب منطور ومكتهرب ومتبهدل اخر بهدلة

دا غير حاجات تانية كتير

[M.Mostafa80]

أنا وانا صغير واللى يشوفنى يقولى كنت صغير أزاى ههههههه
كنت بحب اروح مع بابا الشغل ههههههههههه على فكره عندى 30 سنه دلوقتى ومتجوز ومخلف بنوته عندها 3 سنين ونص
المهم كنت بحب أروح مع والدى الشغل ووكان عندى ساعتها 6 سنين
والدى كان بيشتغل فى بنك هونج كونج أتش أس بى سى حاليا فرع أبو الفدا فى الزمالك المهم بابا خلص الشغل وأنا نازل معاه عشان نروح وخرجنا من باب البنك أنا طبعا عارف بابا راكن العربيه فين سيبت أيده وطلعت اجرى على العربيه لحد هنا مفيش مشكله المشكله بقى ان العربيه كانت الناحيه التانيه من الطريق وهب فرامل جامده لحد الصراخ وعيل عندو 6 سنين نصه التحتانى تحت عربيه 1300 والستات زمايل بابا يصرخو العيل دا كان أنا والسواق دمو نشف وانا قمت وقفت هههههههههههه