شقاوة العيال و كوارثهم

[shaddadfalcon1]

يوووووووة
ده انا بلاعة لو اتفتحت مش هاقفل
انا والدي كان مسميني استاذ اذى
بس الكارثة الحقيقية اللي طلعها عليا بسببها الاسم ده
كنت انا وحد من قرايبي بنلعب في اشقتنا في بيتنا القديم
ووالدي نايم العصرية ووالدتي مش موجودة
كنت صغير قوي
وماسك شمعة وكل شوية نولع في حاجة في الشقة ونطفيها على طول
نولع في ورقة نتيجة وهوووف نطفيها
نولع في طرف السجادة وهوووف نطفيها
نولع في طرف الستارة وهوف .. هوووف
هووووووووووووووووووووووووووووووووووووف
مش عايزة تطفي والتارة خدت شعلة النار كلت الستارة وشبطت في البرقع ومنه على البلتكانة الخشب
واحنا نجري نجيب مية من الحمام ومش عايزة تطفي
جالنا هيستريا صراخ ووالدي قام مفزوع لقي الشقة بتووولع
والجيران اتلموا
الخساير تقريبا نص الشقة
وحروق في ايد ورجل ابي واحد الجيران
وانا نابني من الحب جانب
قصدي نار الحب جانب
ومن حب اب جانب اخر وعلقة تمام
نييييييييييييييييييههههههههههههههههههههههههههههه
ولنا عودة لما ارجع من المشوار

مش قادر امسك نفسي من الضحك
مش عارف لو ابني عمل كده معايا كنت هعمل ايه
هو الحمد لله مسابش قزازة برفام عندي مكسرهاش ومره مسك علبة الكبريت وولع عود منها مع انه معداش سنه ونص

[shaddadfalcon1]

انا عمرييييييييي ما كنت شاقية ولا اعرف اتشااقااا خاااااااالص بالعكس انا كنت

بطة بلدى قاعدة جنب مامتى علىطووووول بس يجيبولى شوكولا و خلاص كدة :d

بتفكريني باختي الصغيره
محدش حس بيها خالص
كانت تقوم من النوم ترضع وتكمل الرساله

[shaddadfalcon1]

حاجة تانية : كنت وانا صغير احب اطلع فوق رفوف الدولاب واقعد فوق ضهر الدولاب وفى يوم اخدت اختى وطلعنا فوق ضهر الدولاب ونمنا وكان والدى ووالدتى يروحوا الشغل ويقفلوا علينا بالمفتاح وفى اليوم ده والدى جاله هاجس وراح راجع بدرى من الشغل ويقلب الشقة علينا واحنا نايمين فوق ضهر الدولاب ومش باينين والراجل حالته بقت حاله ومش عارف يعمل ايه وفيييييييييييييييييين اختى صحيت وصحتنى ولقانا نازلين من فوق الدولاب وزى مايكون واحد لقى مليون يورو نازلينلوا من فوق الدولاب. وكتير غير كده متعدوش

انا مره وانا عندي حوالي 6 سنين كنت ادخل خواتي البنات في الدولاب واقفل عليهم شويه وبعدينن افتح وبعديم نبدل الأدوار.. وفي مره المفتاح اتكسر جوه ومبقاش راضي يفتح وخواتي فضلو يسرخو لحد ماقدرت افتحو تاني

من كام شهر كده اختي بقي بعد طبعا مااتجوزت وخلفت حبت تعمل مفاجاه لجوزها فتعمل ايه بقي؟
دخلت الدولاب وقفلت عليها الباب ونااااااااااااااااااامت
وفضل الغلبان يضور عليها طول الليل

[osamaos20022]

هاه هاه

واحد راجل مهندس معرفه عمره حوالي 40 سنة وقاعد في جلسة عائلية عمال يشكي من شقاوة عياله... هما طالعين لمين اشقياء كدة .. .. لغاية ما والدته فاض بيها .. وقالتله في وسط الناس
دول ملايكة ... هما ييجو حاجة في شقاوتك وانت صغير .....طب ده مرة كان راجع من المدرسة بدري قبل اخوه .. وكان هو في 6 ابتدائي واخوه اصغر منه بسنتين وطبعا انا وابوه في الشغل والبيت فاضي
قام سيادته جايب كرسي وقاعد قدام باب الشقة من جوه وماسك سكينه كبيرة وداهنها ميكروكروم ودالق باقي الزجاجة علي نفسه وهدومه وايده .... وقاعد علي الكرسي وعامل نفسه ميت والسكينة في ايده ولونها احمر .....
اخوه لسة بيفتح الباب ... لقي القتيل ده ..... وجاله حالة هلع وهيستيريا وساب البيت وطلع يجري في الشارع ... المصيبة ان الباشا القتيل ... بيجري وراه عشان يفهمه ان ده مقلب ... لكن بيجري والسكينة في ايده وطبعا شكلها مليانة دم .....
ونزلو الشارع وده يجري والقتيل وراه ....... وكان فيلم رعب انتهي باغمائة طويلة من الاخ الاصغر وعلقة ساخنة من الاب للاخ الاكبر ( القتيل ) ... وفضيحة بجلاجل للاسرة كلها في المنطقة المجاورة

طبعا بعد الحكاية دي والضحك اللي حصل لمده طويلة ... سيادته بقي عمره ما يشتكي من ولاده ... واتعلم الادب

ايه الاطفال دول ولا افلام الرعب

[Eng_Mostafa_89]

اية يا جماعة القصص خلصت ولا اية؟؟؟؟

[نور القمر]

حكيت الحكاية دي في موضوع ليا مشابه لبتاع علا
كنا في البلد وانا وصفت بيتنا في البلد كان عامل ازاي في مشاركة تانية
المهم كان عندنا 2 ولاد قرايبي قعدين كعانا كام يوم واحد من سني والتاني اصغر
وقعدنا نحكيلهم ان البيت بيظهر فيه عفاريت وقعدنا نألف لهم قصص
وفي يوم اختي تلف ورا البيت وتدخل خرطوم في فتحة لجوة الاوضة وقعدت تعمل اصوات عفاريت
وقريبي قعد يزعق ويقول للعفاريت انا مش خايف منكم مش هتقدروا تعملولي حاجة لو رجل اظهر لي ومسك عصايا وقعد يضرب في الهوا ههههههههههههههههه
وطبعا حكى لاخوه الاكبر الحكاية ودي دعمت كلامنا ان في عفاريت

ومرة تانية كان الكبير قاعد معانا على سلم الفراندة وواحدة مننا طلعت السطوح ورمت عليه حاجة سوده من فوق وكلنا مثلنا الخوف وصرخنا وهو معانا ههههههههههههههه
ولغاية دلوقت الموضوع ده سر بيني وبين اخواتي ومش اعترفنا لهم بالحقيقة خالص

[A.Saad]

انا كان عندى ولا زالت هواية ان اخض ماما واختى
وانا صغير كنت اقف ورا باب الشقة واول ما يدخلوا

عووووووو

زكنت ديما اقلد صوت اختى والخبط خالى فينا
بعد ما كبرت بقيت الخبطه فى صوت بابا

مرة عمتى اتثلت
قمت مكلمها اننا بابا
وهيا كانت عايزة خدمة من بابا
وانا قعدت اقولها لا
وقعدت تتحايل وتترجى وانا لا يعنى لا
وفى الاخر
قلت لها
خدى بابا معاكى اهه

بابا كلمها عادى وهوة مش عارف
وبعدين حكيت له
قاللى انها كانت بتعيط فعلا بالدموع وهوة مش عارف ليه

[الغزالى]

انا كان عندى ولا زالت هواية ان اخض ماما واختى
وانا صغير كنت اقف ورا باب الشقة واول ما يدخلوا

عووووووو

زكنت ديما اقلد صوت اختى والخبط خالى فينا
بعد ما كبرت بقيت الخبطه فى صوت بابا

مرة عمتى اتثلت
قمت مكلمها اننا بابا
وهيا كانت عايزة خدمة من بابا
وانا قعدت اقولها لا
وقعدت تتحايل وتترجى وانا لا يعنى لا
وفى الاخر
قلت لها
خدى بابا معاكى اهه

بابا كلمها عادى وهوة مش عارف
وبعدين حكيت له
قاللى انها كانت بتعيط فعلا بالدموع وهوة مش عارف ليه

انت يا استاذ احمد يطلع منك دة كلة دة انت ساعة كارفوررررررر مكنتش بتكلم خالص (قال انا يعنى الى كنت مقطع الدنيا رغى ) بس المهم احكى تانى شكلك كنت بتعمل كوارث وانت صغير

[A.Saad]

انت يا استاذ احمد يطلع منك دة كلة دة انت ساعة كارفوررررررر مكنتش بتكلم خالص (قال انا يعنى الى كنت مقطع الدنيا رغى ) بس المهم احكى تانى شكلك كنت بتعمل كوارث وانت صغير

انا عمال افتكر لقيت الهارد اتعمل له فورمات

بس مش معنى انى ساكت ان ده طبعى لا ابدا

[Ralliart]

موضوع جامد جداً مش قادر ابطل ضحك :POINTI~2[2]:
كان عندي هوايه غريبه في المدرسه اني في حصة الموسيقى كنت بحب اغيظ المدرسه وكنت بقعد ارقص اول ما تعزف على البيانو واضحك العيال والضرب كان ممنوع (مدرسه في الكويت)لدرجة انها من كتر ما اتنرفزت خلعت الايشارب اللي كانت لابساه وقعدت تشد في شعرها
وضربت كل المدرسين اللي في المدرسه وكان عندي كوتشي اميجو بالبوصله كنت بعتقد انه بتاع سوبر مان ولازم اشوط الناس بيه وكنت على طول باخد جوابات استدعاء ولي الامر واقطعها!

ومرره قبل كده كنا بناكل بيض مسلوق وانا كنت عمال احط البيضه كامله في بقي واطلعها ،قام اخويا الصغير (كان عنده سنتين او تلاته) بيقلدني راحت البيضه داخلت بقه ومعرفش يطلعها ووقفت في البلعوم ونفسه اتكتم ووشه ازرق ومقلكوش على حاله الهستيريا اللي حصلت في البيت امي مسكته بالمقلوب وقعدت تخبط على ضهره ووشه بيزرق زياده قام ابويا واخده ونازل شاط باب غرفة البواب كسره (معرفش ازاي ) والبواب ركب معاه في العربيه وماسك اخويا وبيخبط على ضهره وابويا طاير لحد ما راح المستشفى وسلكوها طبعاً عما لحقناهم بتاكسي كان قلبي في رجلي بس الحمد لله

ومرره كنا في مرسى مطروح مع عمتي ووعيالها وانا كنت عيان جداً انا وبنت عمتي المهم سابونا نايمين وخرجو المهم احنا صحينا ملقيناش حد وصوت البحر مرعب وبنت عمتي قعدت تخوفني وتقولي ممكن ييجي حرامي ويخطفنا ،فقررنا الهرب وطلعنا من الشقه وطلعنا على الشارع الرئيسي زي المجانين ،طبعاً هما روحو البيت وملقوش حد وقلبو الدنيا وقعدو يدورو في المطبخ وتحت السرير ........ لحد ملقونا راجعين وكل واحد متغطي بكوفرته زي سوبر مان

وفي مواقف حصلت لاخويا الصغير زي :
كان بيموت في حاجه اسمها بسله المهم كنا حطين حلة البسله في الفرن عشان ميشدهاش من على البوتاجاز ،قام هو فاتح الفرن ووقف على باب الفرن قام البوتجاز كله مقلوب عليه وهو جوا الفرن مع الحله :POINTI~2[2]: :POINTI~2[2]: وطبعاً طلعناه بالبسله :POINTI~2[2]:

[Abdo_Eldesokey]

موضوع جامد جامد جامد ... ده الأطفال دول كوراث

- بالنسبة لي أنا كنت طفل عصبي جداً وأنا صغير ومش بحب أروح المدرسة وبقطع كراساتي وكتبي لو معرفتش أحل سؤال أو كده ، فمرة أمي اتخنقت مني ومن عفرتي قامت حبستني في الصالون ، والصالون بابه نصه الفوقاني قزاز ، قمت بإيدي الاتنين رازع القزاز بإيدي نزل متفشفش كله ع الأرض ، أمي جت جري ومتوقعة إني اتخرشمت ، بس الحمد لله ربنا ستر وطلعت بشوية خدوش بس

- موقف تاني ، في يوم كنا مطلعين المراتب بتاعة السراير في البلكونة تتشمس ، دخلت البلكونة أنا وأخويا الكبيرة ونمنا على المراتب واستغرقنا في نوم عميق ، والجيران تزعق وتصوت وإحنا ولا هنا ، لحد ما لقوا رقم تليفونا واتصلوا بوالدتي في البيت قالولها

- مرة بردوا وأنا راجع من المدرسة وأنا في KG2 نمت في الباص وكان معايا أخويا الكبير ، المهم الباص وصل عند البيت عندنا ، وأخويا نزل وسابني وطلع قال لماما : "أنا نسيت أخويا في الأتوبيس"
طبعاً أنا صحيت بعدها بفترة لقيت نفسي في المدرسة والأتوبيس كله فاضي :POINTI~2[2]: ،
بس الحمد لله بعتوني في أتوبيس مخصوص ومبيتونيش في المدرسة


- من المقالب بقى ... مرة حطيت لابن عمتى ملح في الشاي بدل السكر ، بس والله شكله لما خد أول بق كان يصعب ع الكافر

[pro_samir]

- من المقالب بقى ... مرة حطيت لابن عمتى ملح في الشاي بدل السكر ، بس والله شكله لما خد أول بق كان يصعب ع الكافر

اه فكرتنى

دى من الحاجات السخيفه برضو اللى كنت دايما اعملها فى والدتى ، يا عينى بعد ما تخلص شغل البيت بقى وعايزه تقعد تستريح وتشرب كبايه شاى اقوم انا اقل مزاجها واحطلها فيها ملح

[A.Saad]

كان عندنا كمبيوتر صخر
زكنت جاي عليه جيم اسمها Kings vally
المهم
كنت اجى من المدرسة انا واخواتى
نقعد نلعب شوية بيه قبل ما والدتى تييجى من الشغل
وبعدين نحس بيها عبى السلم
فى ثوانى
الجهاز يتلم فى ثوانى ويتحط فى الكرتونة
بس اتقفشنا كام مرة

مرة تانية
كان والدتى ووالدى وهما نازلين بيقفلوا اودتهم بالمفتاح
والباب كان تلته الفوقانى زجاج
ولو احتجنا حاجة
كنا نجيب كرسى ونزق الزجاج فى المجرى لفوق
ونطلعه مش عارف ازاى بقى
ونرجعه كمان مكانه
والحاجة اللى كنا بنحتاجها دى كانت ساعات التليفزيون

والدى كان عامل مفتاح فى اودته بيفصل بيه الكهربا عن التليفزيون اما نسهر او يخرج مع والدتى
فاحنا نعمل ايه
لو يوم هما برة
ندخل الاودة بطريقة رفع الزجاج ونرجع الكهربا
لو يوم عادى
بنغير الفيشة لمكان تانى
فضلنا كدة
لحد ما دخلت الاعدادى
وجبت واحد صاحبى كان بيعشق شغل الكهربا
فصل المفتاح وخلاه مالوش لازمة

يفصلوا المفتاح
نقوم موطيين صوت التليفزيون ونكل فرجة

مبسوط يا استاذ / محمد غزالى

[shaddadfalcon1]

اه فكرتنى

دى من الحاجات السخيفه برضو اللى كنت دايما اعملها فى والدتى ، يا عينى بعد ما تخلص شغل البيت بقى وعايزه تقعد تستريح وتشرب كبايه شاى اقوم انا اقل مزاجها واحطلها فيها ملح :zb_sor1[1]:

فكرتوني باخت مراتي كنت كل مااروح عندهم وانا خاطب واقول عايز اشرب كانت تجيبلي مايه بملح او علي اساس انها سفن اب

[wael3m]

كنا حوالى خمسه من كل فصل فى سنة أولى وتانية ثانوى
بنطفش كل يوم فى الفسحة نعدى من تحت شباك المدير
وهب واحد فى اتنين فى تلاتة نكون اقتحمنا السور
وعدينا المانع الحصين بكل سهولة ....
تقولش بنعدى خط بارليف فى اليوم دا البوكس كان واقف جنب السور
لأن المدير زهق من كتر نط العيال من على السور فراح
مكلم الشرطة وهما قاموا بالواجب وزيادة ,,,,,,
وطبعا زى كل يوم فى الفسحة نعدى من تحت شباك المدير
وهب واحد فى اتنين فى تلاتة نكون عدينا السور
بس المرة دى كان فى حاجة غريبة العيال مش بتزعق زى
كل مرة ساعة ما بينطوا بصيحة العبور أول وتانى وتالت ورابع
بصراحة الموضوع قلقنى قلت لازم أستطلع الأمر من مكان عالى
تفكير عسكرى ١٠٠% وقمت طالع فوق فى الفصل تانى
علشان أشوف فيه اية ؟ وفجاءة شفت البوكس واقف جنب السور
واللى كان جنب بينط كان بياخد قلم من المخبر
وعلية كام شلوط ويخرس طبعا كنت أول من أطلق صيحة
التحذير على العيال الحق ياد منك له فى بوكس جنب السور
طبعا العيال كانت فى ظرف ثانية إلاربع كانت اختفت تماما
وفى اليوم دا البوكس أخد فى الأسر ٦ من اصحابنا
وطبعا اتصلوا بأهاليهم علشان ياخدوهم من القسم
محسبكوم كان ماسك الأذاعة المدرسية وفى طابور الصباح
تم إذاعة نبأ اعتقال الأبطال واتنادا عليهم واحد واحد ومحسبكوم
عمال ينادى على الأسامى وهو بيضحك والمدرسة كلها بتضحك عليهم
والمدير عمال يديهم فى كلام و وكيل المدرسة واقف جنبى
وأنا عمال أقولة ( عيال متربتش يطفشوا من المدرسة اللى بتعلمهم وهتخليهم حاجة محترمة فى المستقبل ... اخص عليهم مش قادر ابص عليهم عارف حضرتك انتوا تمدوهم على رجليهم قدام العيال علشان يحرموا يعملوا كدا تانى ويكونوا عبرة لغيرهم )
قام الوكيل باصللى وقال ( والله فكرة ) وقال للمدير
وفعلا اتمدوا فى قلب الطابور ....
طبعا بعد المدرسة خدت علقة من العيال محترمة ومن يوميها معدوش بيكلمونى ..... انا كنت بهدى النفوس مع الوكيل