الاطباء يستعدون لاضراب مفتوح واستقالات جماعية

[Ahmed R08]

أظن كده النقاش بقى على مين أحسن من مين ومين اخلاقه احسن من مين كفاااااااااااااااااااااااااااية

أحسن ان الموضوع يتقفل .............

عشان ميكونش في حزازات بين الاعضاء بعضهم البعض ........

اللي بيصعب علينا بس ..... من الاخر ان الواحد بيتخرج وبيكون نفسه يخدم الناس ويعالجهم ....... لكن في نفس الوقت هتلاقي الوزارة مش موفره حاجة ولا اجهزة ولا حتى جهاز ضغط عدل تقيس بيه ضغط عيان ........ وف الاخر نتهم بأننا مقصرين بسبب سوء الامكانات اللي ادامنا زائد جهل اكيد غير متعمد من الناس ......... النتيجة طبيب او ممرضة بيضرب او بيتخطف .. وبيتهزأ كمان من وزير زي وزير المالية .........


مش عارف اكتب ايه ......... بس ياريت يتقفل الموضوع عشان محدش يزعل او يشيل من التاني ..........

ومفيش حد لا طبيب ولا مهندس ولا أي انسان أفضل من غيره الا باخلاقه وبالبتقوى زي ما قال ربنا

+1111111111111111111111111111111
دة اخر رد ليا فى الموضوع ان شاء الله عشان انا صحتى بقت على ادى خالص :)
ربنا يكرمنا احنا الاطباء ان شاء الله ونرجع حقوقنا المهدورة
وربنا يكرم بقيه الناس ويبعد عنهم وعننا المرض.

[megamoudy]

انا معاك كمان فى الطلب ده يا دكتور الموضوع لو اتقفل احسن عشان الى بيحصل ده كتير واحنا مش ناقصين
ده الى يغيظك انه فيه زمايل لينا داخلين يسخنوا ويتظاهروا فى صوره ملايكه على حسابنا حسبى الله ونعم الوكيل

حصل خير

[shaddadfalcon1]

العضو الفاضل طبيب على فكره اسمه دكتور احمد من التوقيع بتاعه
هو حضرتك عندك رد موضوعى لكل كلمه بتتقال
انت ان شاء الله ابنك لما يكبر ادامك لو عندك اولاد وطالع عينه ليل نهار مذاكره وسهر وواحد تانى فى سنه قاعد يلعب و يخرج ويتفس ويسافر ومروق نفسه وابنك دخل طب و اشتغل علطول و مش بتشوفه الا كل فين وفين عشان المستشفى والتانى طلع سواق اجره او فلاح او عامل هل هتساوى تعب ابنك بالى كان عايش حياته ؟

ياسيدي الفاضل انا مش بقلل من مجهود حد ومقولتش كده خالص في اي مشاركه ليا
انا كل اعتراضي هيا نبرة التعالي وان الطب اعلي من غيره

لافرق بين عربي واعجمي الا بالتقوي

بالنسبه لمثالك فاكيد ابني بالرغم من انه هيتعب لكن هيعيش عيشه محترمه ومستوي ثقافي محترم وتعامل مع ناس محترمه وهيتعامل باحترام وزي مانت قلت هيشتغل لكن اللي كان مقضيها هيركن علي القهوه مع زمايله او هيشتغل شغلانه مهينه ومش هيبقي ليه مكانه اجتماعيه
واخد بالك من مكانه اجتماعيه دي؟ اكيد كل وظيفه وليها مكانتها الاجتماعيه لكن ده مش معناه ان حد يقول انه احسن من الباقي

اي وظيفه بتقدملي خدمه انا اشيل صاحبها علي راسي من فوق ولما ابني بيتعب وربنا يكتب شفاه علي يد دكتور الأطفال انا بيبقي هاين عليا اشيله من علي الأرض بس برده ده لايعطيه الحق في التعالي عليا او انه يمن عليا انه كشف علي ابني

يارب وجهة نظري تكون وصلت ومحدش يزعلي مني وكلنا اخوات ولو في كلمة انا قلتها زعلتك انت او اي عضو تاني فانا شديد الأسف وحقكو علي راسي من فوق

علي فكره جدي الله يرحمو من حبه في الطب كان نفسه ومني عينه اني ابقي دكتور لدرجه انه كان واعدني بعربيه لو دخلت طب بس للأسف عمري ماحبيت الطب (عشان موضوع اني ابقي مسئول عن انسان وممكن يموت بسببي)

[megamoudy]

ياسيدي الفاضل انا مش بقلل من مجهود حد ومقولتش كده خالص في اي مشاركه ليا
انا كل اعتراضي هيا نبرة التعالي وان الطب اعلي من غيره

لافرق بين عربي واعجمي الا بالتقوي

بالنسبه لمثالك فاكيد ابني بالرغم من انه هيتعب لكن هيعيش عيشه محترمه ومستوي ثقافي محترم وتعامل مع ناس محترمه وهيتعامل باحترام وزي مانت قلت هيشتغل لكن اللي كان مقضيها هيركن علي القهوه مع زمايله او هيشتغل شغلانه مهينه ومش هيبقي ليه مكانه اجتماعيه
واخد بالك من مكانه اجتماعيه دي؟ اكيد كل وظيفه وليها مكانتها الاجتماعيه لكن ده مش معناه ان حد يقول انه احسن من الباقي

اي وظيفه بتقدملي خدمه انا اشيل صاحبها علي راسي من فوق ولما ابني بيتعب وربنا يكتب شفاه علي يد دكتور الأطفال انا بيبقي هاين عليا اشيله من علي الأرض بس برده ده لايعطيه الحق في التعالي عليا او انه يمن عليا انه كشف علي ابني

يارب وجهة نظري تكون وصلت ومحدش يزعلي مني وكلنا اخوات ولو في كلمة انا قلتها زعلتك انت او اي عضو تاني فانا شديد الأسف وحقكو علي راسي من فوق

علي فكره جدي الله يرحمو من حبه في الطب كان نفسه ومني عينه اني ابقي دكتور لدرجه انه كان واعدني بعربيه لو دخلت طب بس للأسف عمري ماحبيت الطب (عشان موضوع اني ابقي مسئول عن انسان وممكن يموت بسببي)

+ 1111111111111111111

وركز علي دي

لافرق بين عربي واعجمي الا بالتقوي

[ahmedsamir5edr]

يا دكتور اعتذارك عن حاجه انت معملتهاش شعور نبيل بيبين حسن اخلاق وتربية حضرتك وطبعا اعتقد من معرفتى بكثير من الاطباء سواء عن تعامل معاهم كاطباء او اصدقاء بـتأكد كلامك عن اخلاق معظم الاطباء والدليل حضرتك ودكاتره كتير فى المنتدى
واكيد تعالى بعض الاطباء اوشعورهم انهم فئة افضل من الناس هتلاقية فى مهن تانيه لانه اساسا بيكون جزء من شخصية وتكوين بعض الناس وملوش دعوه بمهنته

شكرا علي ردك .. جزاك الله خيرا

لتالت مره مش هرد عليك وهسيب الموضوع للاداره
وياريت لو حضرتك تقرى عن ethics بين الدكاتره

كلامي مش موجه ليك يا سياده " النائب الجامعي الموقر "

[zkralla]

ازيك يا باشا
اقسملك بالله انه اى مريض فى مستشفى عام انا شغال فى مستشفى جامعى بيتعامل و بيبقى فيه اهتمام اكتر من اى مكان بره من حيث العلاج والتحاليل الفوريه ويا سيدى ربنا ما يجيب تعب لاى حد عزيز عليك والله دى امنيه منى ليك وليا ولاى حد فى الدنيا المرض شىء صعب ربنا ما يكتبه على حد
انا مش مضطر انى اقول انى بعمل و بشتغل وبسوى دى حاجه بينى وبين نفسى
وبعدين انا مش بصادر رايك ولا ينفع انى امنعك عن الكلام انت حر فى كلامك فى اى مكان بس مع مراعاة شعور الاخرين وتعبهم و بحترم ردك فعلا لكن فيه واحد محترم تعمد استفزازك برده بطريقه هسيبك انت تحكم عليها اكيد انت ما تعرفنيش كويس بس لو عرفتنى واتعاملت معايا هتعرف انى حد مش وحش زى ما البيه صورلك واستفزك وخلاك ترد بالطريقه دى على العموم لو كلامى دايقك اتمنى انك ما تزعلش انت او اى حد تانى فى الموضوع ده
كان نفسى يبقى فيه وقفه معانا و الناس تساندنا ما هو يا جماعه احنا لو اخدنا حقنا و المهندسين عملوا اضراب هنقف معاهم و الزبال لو عمل اضراب هنقف معاه وهيبقى فيه عداله اجتماعيه الى هى هدف الثوره لكن طول ما كلنا واقفين لبعض و بنحقد على بعض قول على البلد دى السلام

يا دكتور مفيش حاجه ومتشكر على دعوتك وربنا يجازيك خير على تأديه عملك بما يرضى الله
بس انا عاوز اوصل لحضرتك أن معظم الناس متعاطفين مع الدكاتره وعارفين انهم الى شغال منهم فى المستشفيات الحكومية والجامعية مظلومين
الفكره بس اننا سبنا الموضوع ده ودخلنا فى مقارنه بين المهن وبعضها وافضلية مهنه الطب ومين عقليته افضل من مين
انا شخصيا متأكد ان الدكاتره فى الحكومه و سلك الجامعه مطحونين جدا ومظلومين
انا واحد صاحبى كان نائب نسا فى عين شمس واتوفى فى المستشفى وهو شغال بازمة قلبية بعد اجهاد شديد جدا تعرض ليه وكان لسه يا دوب مخلص الماجستير - وطبعا مع مرتب ضعيف جدا واحترام شديد من التمريض والناس بيفرض عليك مظاهر معينه ومستوى معين من المعيشه صعب انك توفيها فى ظل المرتب ده بدون مساعده مالية من الاهل

[rosebox]

اولا انا ضربت المثل بتاعى على طبيب "امتياز" واقف فى الاستقبال نابطشيه 12 ساعه بيعالج المريض من غير ما يحط اى حاجة فى جيبه التذكرة ببلاش والعلاج ببلاش من وزاره الصحه ولو مجابش نتيجه فى وقتها بنضطر اسفين نبعته يجيب دوا من بره عشان الوزاره موفرة انواع قليله جدا "ومرتبنا دلوقتى الحمد لله 241 جنيه بالتمام والكمال" .....

طبيب امتياز يعنى لسه اول السلم رغم انه لسه مكتشفش حاجة جديدة فى الطب ولا لسه عمل اى انجازات بس لما يعمل كدة والعيان يرتاح يدعيله دى عندى بالدنيا :)

كلنا فى اول السلم لازم نتعب عشان نرتاح فى الاخر انا مسنعتش ان فى عسكرى بقى لواء و مرتاح فى اول السلم ده غير بقى ان فيه مهن بتبقى من اول السلم لأخره تعب و غلب على الاخر. لا اختلف معك نهائيا ان الاطباء فى مصر مظلومين اخر ظلم انما كلنا مظلومين مش الاطباء بس و لا ايه؟ بص على اى مهنه فى مصر زى المدرس مثلا من اول يوم لحد اخر يوم بيتعب نفس التعب بس ده اللى بيطلع الطبيب و المهندس و المدرس الى اخره.

ثانيا مفيش فى اى دوله حد بيرفع قضيه على طبيب عشان العلاج مجابش نتيجه لكن من حقه يرفع قضيه لما الطبيب يخطىء فى عمله ويضر العيان... عمليه العلاج عمليه معقده ومش سحر هتاخد دوا هتخف احيانا كتيرة مش كل العلاج بيمشى مع كل الناس والاستجابه للعلاج مش واحده عند كل الناس

فى قواضى كتير قوى بترفع مثلا لأن الدكتور فى العياده بتاعته ما رعاش شكل الكراسى مثلا فتسبب فى وقوع احد المرضى و كسر مثلا بالمناسبه التعويضات بتبقى كبيره قوى. و ده مش على الدكاتره بس ده فى كل مكان الزبون يجب احترامه و معاملته كأحسن ما يكون و الاطباء على فكره فى البلاد المتقدمه و اللى الدكاتره فيها بيعملوا ابحاث كتيره قوى و بتطلع عنيهم بجد فى البحث و تطوير نفسهم برضه بتترفع عليهم قواضى كتير قوى

ثالثا انا مستهونتش بمجهود اى مهنه تانيه وكلهم على عينى وراسى انا بتكلم على مهنتى وتعبى واللى بشوفه وبردو مش عاجب حد ولا حد بيقدر فى مقابل مادى ولا مقابل معنوى ولا اى حاجة ولما نحاول ناخد ولو حق واحد من حقوقنا ضمن حقوق كتير للمرضى بردو والله العظيم مش عاجب بردو

مين قال مش عاجب بس؟؟؟؟؟؟؟؟ الدكاتره فى مصر بيحظوا بكل تقدير و احترام. و احنا معاهم فى كل وقفاتهم لأنها حتعود علينا بالنفع برضوا لأننا اكيد حناخد خدمه احسن. بحضرتك مش شايف برضوا ان الوقفات دى بتيجى على الغلابه بس؟

رابعا كل مجال فى الكويس والوحش فى اللى بيعامل ضميره وفى لا فى اللى بيخاف ربنا وفى لأ حضرتك مسكت الامثله السيئه كلها وقولتها ومخادتش بالك من اى امثله كويسه لانك مش فى المجال ومش عارف

واخده بالى من الامثله المشرفه اللى فى مهنة الطب. انما كان ردى برضه على بعض الأعضاء اللى استحقروا المهن الاخرى جميعا.
خامسا اسلوب حضرتك فى الكلام وتشخيص الكلام عليا غير مقبول

و الله العظيم انا ما اقصدش خالص تشخيص الكلام عليك نهائى خليها عليا انا خليها على س او ص من الدكاتره على اى حال احنا اخوه فى الاول و الاخر و مش عايزه حضرتك تاخد كلامى بأى حساسيه. خصوصا ان حضرتك اكدت انك مش معتقد ان مهنة الطب اهم من اى مهنه اخرى

كل الاحترام والتقدير لشخص حضرتك ...

لك منى كل الاحترام و الود

[rosebox]

جزاكي اللي خير
ده اللي عايزين نوصله
ان كل مهنه ليها مزاياهه وعيوبها - انا شغلي كل يوم قدام الكمبيوتر والتكييف واخر دلع بس ببقي ماشي بكلم نفسي ومطلوب مني يوميا قرايه مش اقل من ساعتين تلاته واتعلم كل الحاجات الجديده اللي بتنزل وشغل يوميا مالايقل عن 10 ساعات وكل ده مجهود زهني اللي هو علي الاقل بالنسبه ليا اصعب كتير من المجهود العضلي

اللي بيشتغل في مهنه بيبقي حاببها مش المفروض انه يمن علي بقية الخلف انه بيشتغلها لانه مش بيشتغلها ببلاش ولو كل واحد قال انا شغلتي كذا وكذا يبقي الناس هتمشي تبص لبعضها من فوق لتحت وكل واحد فاكر نفسه اعلي من اللي حواليه

طيب هو في حد بيتعب زي العمال مثلا؟ الفلاحين اللي طول النهارماسكين الفاس وشغالين بيها؟ ولا عمال البناء؟ ولا اللي بشتغلو في شركات الصلب ؟ ولا عمال اللحام اللي بيشتغلو تحت المياه وصحتهم بتبوظ؟

احنا كل ده بنتكلم ومجبناش سيرة الدكاتره الفاسدين مهنيا واخلاقيا واللي بيتعاملو مع المرضي كانهم اسف في اللفظ حيوانات واللي مش بيلتزموا بمواعيدهم وييجو متاخرين كنوع من انواع البريستيج وللي بينسو حاجات جوا المريض وغيره وغيره

كلنا منظومه واحده بتكمل بعضها ياجماعه

والعضو الفاضل اللي قال علي كلامي مستفز انا نفسي اعرف كلامي مستفز في ايه

بجد انا مش عارفه فعلا بعض الاطباء هنا فعلا اتكلموا بلهجه متعاليه جدا استفزيتنا جميعا. و ده فى مصر اللى احنا عارفين كويس قوى احنا نظام تعليمنا اصلا كلنا فاشل و تدريبنا عارفين كلنا عامل ايه و شغلنا عامل ازاى و ان اولاد الدكاتره دكاتره ازاى و المهندسين بيبقوا مهندسين من انهى كليات و هكذا. و مع ذلك مش حنستورد شعب من بره. لو بس اهتمينا ببلدنا اكتر حنبنيها صح و فى الاخر حتدينا احلى ثمره

[د.أحمد السعيد]

رجاء ضبط النفس
ملحوظة:
علاوة الانجاب 2 جنيه لكل طفل تضاف على المرتب (كله مش الاساسى طبعا )
و بحد اقصى 3 اولاد يعنى 6 جنيه بحالهم

على فكرة ال 6 جنيه دول من قديم الازل و كانو يشتروا ارض و تبنى بيهم عمارة

[heshamzaky]

يا فندم حضرتك انا مش بتكلم فى مين احسن من مين دى خالص, انا بتكلم فى كميه التعب والاجهاد والارهاق اللى بيشوفها الطبيب فى عمله خصوصا لو لسه متخرج ,انا عارف ان معظم الناس مش هتفهم ومش هتقدر التعب دة لانها مجربتش النبطشيات ال 12وال 24 ساعه !!
,فالتسفيه من المجهود دة غلط انا بالنسبالى والله مش مستنى شكر من اى حد وربنا اعلم باللى جوا كل واحد وبنيه كل واحد فى اللى بيعمله

وبالمناسبه مش لازم يبقى الطبيب معاه ماجستير ودكتوراه وأضاف للطب عشان يقدر ويحترم طبيب الامتياز اللى هو لسه على اول السلم لما يجيله عيان بمغص كلوى الساعه 4 الفجر بيعض فى الارض ويديله مسكن يريحه يقدر ويحترم طبيب الامتياز لما يطلع فى حاله مع اسعاف ويسافر ب ال 4 وال 6 ساعات من محافظه لمحافظه"عمال يتدحرج فى الاسعاف ورا" عشان يوصل الحاله لمستشفى اكبر تقدر تتعامل مع الحاله يقدر ويحترم ويحسب انجاز ليه !

حا أرد على الاسئلة جزئية جزئية .
أنا لآ أقصدك بشخصك لما بتكلم عن مين احسن من مين بس ردود بعض الزملاء أتكتبت و أظهرت ان دة الى جواهم و بجد دى مصيبة لآن البعض متخيل و اكرر متخيل أنة احسن عقلية و أحسن مهنة و الدكتور ممكن يعيش و يشتغل اى حاجة بس مفيش حد حا يعرف يشتغل دكتور زية . لو مسك كتب و ذاكرها حا يبقى دكتور
الدكتور بعد ما بيتخرج من الكلية ما يعرفش يعمل عملية كبيرة لسة بدرى جدا على الموضوع دة ممكن يغامر و ممكن جدا يفشل
بالنسبة للتعب الى الطبيب بيتعبة الناس كلها بتتعب و بتشقى و مفيش حد مرتاح فى شغلة و كلة بيشتغل فى طاحونة علشان يعيش عيشة كويسة محدش سفة من المجهود المبذول للأطباء بس لو هوة لسة صغير و ما تعبش دلوقتى مش حا يتعلم حاجة و لا يا ينفع لآن الدراسة فى الكلية حاجة و مباشرة المرضى على ارض الواقع حاجة اخرى و موضوع النبطشيات ناس كتير جدا جدا بتشتغل نبطشيات و بتسهر عادى جدا العمل فى نبطشية مش معناة أن الشخص عمل مجهود خارق للعادة يعنى المطارات شغالة 24 ساعة الموظفين و الطيارين و بتوع الصيانة شغالين على مدار اليوم و مش داخل مبنى مقفول لآ دة ممكن يتحرك فى عز الشمس فى أغسطس و فى برد يناير .
بالنسبة لآن الطبيب مش لازم يبقى معاة ماجيستر و لا دكتوارة أنا مقولتش أن الى مش معاة دكتوراة لا يحترم و لكن تطرقت الى موضوع أخر لو ما عملش كدة ترقياتة حا تفضل محلها سر و الاهم من زيادة مرتبة هو شخصيا مش حا يبقى مواكب للتطور الى فى عالم الطب . الاستاذ الدكتور على طول عمال بيطور نفسة و مش بيقف عند حد معين لآنة لو وقف على الى عندة حا تلاقى دكتور دارس فى جامعة أجنبية تقريبا عارف أكتر منة فى المجال بس الى حا يفرق بينهم الخبرة الزمنية و عدد الحالات الى تعامل معها

[heshamzaky]

بجد انا مش عارفه فعلا بعض الاطباء هنا فعلا اتكلموا بلهجه متعاليه جدا استفزيتنا جميعا. و ده فى مصر اللى احنا عارفين كويس قوى احنا نظام تعليمنا اصلا كلنا فاشل و تدريبنا عارفين كلنا عامل ايه و شغلنا عامل ازاى و ان اولاد الدكاتره دكاتره ازاى و المهندسين بيبقوا مهندسين من انهى كليات و هكذا. و مع ذلك مش حنستورد شعب من بره. لو بس اهتمينا ببلدنا اكتر حنبنيها صح و فى الاخر حتدينا احلى ثمره

بالظبط كدة أنا موافق على الكلام دة كلة .
طيب و الله ممكن تلاقى حكيمة بقالها 25 سنة فى الخدمة تعرف أحسن من بعض الاطباء الحديثى التخرج بس فية حساسية رهيبة بين الطرفين فى بعض الاحيان و بتكون الحكيمة هية الى صح .
الطالب الى لسة فى الكلية للأسف بعضهم و ليس كلهم بيصيبة نوع من انواع الغرور و تلاقى فى البيت بيقولو لة يا دكتور فلان مع أنة كان لسة تلميذ فى المدرسة فى الثانوية العامة من 3 شهور و أول ما دخل الكلية والدة ووالدتة يقولو لة يا دكتور و عاوز البواب يقولة يا دكتور . التصرف دة لو فى حدود المعقول ممكن يديلة دفعة و ممكن جدا يبقى سلاح ذو حدين لانة بيصب صاحبة بنوع من الغرور و على الفاضى مش فى محلة حتى و لما يتخرج لو اشتغل فى مستشفى جامعى بيبقى مش طايق عيشتة . أعضاء هيئة التدريس البعض منهم بيتعاملو مع الدكاترة الجداد بطريقة بايخة فعلا و يفضل الدكتور الحديث تحت ايد المعيد و لا الاستاذ فترة كبيرة لغاية ما يتعلم .
أنا شخصيا شوفت أن بعض الدكاترة الجداد مجرد بيباشر الحالة و بيرفع تقرير تيليفونى للدكتور المعالج ما يقدرش يكتب قرص دواء الا بعد الرجوع للطبيب المعالج حتى ميعاد الدواء قبل و لا بعد الاكل لازم يرجع للدكتور قبل ما يتصرف من دماغة
بصراحة تصرفاتهم مع بعض لم تعجبنى

[yyy]

الناس ال بتقول كل الوظايف زي بعضها و مفيش فرق و كلهم فيهم نفس الجهد


يبقي ليه في فرق في المرتبات و ليه الزبال ما ياخوش مرتب زي مرتب الطيار ؟

[heshamzaky]

الناس ال بتقول كل الوظايف زي بعضها و مفيش فرق و كلهم فيهم نفس الجهد


يبقي ليه في فرق في المرتبات و ليه الزبال ما ياخوش مرتب زي مرتب الطيار ؟

التوصيف و القياس مش كدة .
حضرتك بتحسبها ماديا و بتسأل عن الاجر و الفلوس بس مش بتتكلم عن المجهود المبذول من طرف كل شخص
فية بعض الطيارين بياخدو مرتبات فلكية لو شغال فى شركة اجنبية و طيار فى شركة طيران متوسطة بياخد مبلغ أقل بكتير جدا
أما الزبال مش كل الزبالين هما الى بيجو يلمو القمامة من البيوت و العمارات فية زبالين مليونيرات بس هوة عيشتة و ملابسة كدة و حا تلاقى دخلة اعلى من الطيار و الطيار موظف و لكن الزبال بيشتغل عمل حر و هوة و شطارتة نمى نفسة و تعب ربنا بيرزقة ال 5 جنية الى باخدها من كل شقة مش هو مصدر الدخل الحقيقى لة

[د/أحمد ابراهيم]

يا جماعه حد يقولى الاعتصامات دى امتا بالظبط علشان اعمل حسابى و متعبش

ههههههههههه

هو الموضوع كبر كده ليه ياجماعة؟

الاصل ان النقاش في حدود الاخوة وتبادل الاراء والافكار بين الاعضاء!

[heshamzaky]

و الله العظيم بجد الى حا يتظلم فى الموضوع بتاع الاطباء الناس الغلابة الى بتروح تكشف بتذكرة ببلاش أو بمبلغ رمزى باقى الناس حا تروح أى مستشفى أستثمارى و حا يدفع 100 أو 150 جنية و ينقى الدكتور الى هو عاوز يكشف عندة و يقولك دة شاطر و دة لآ مش حلو و حا ينقى يكشف و يتابع مع مين .
الناس الغلابة هية الى حا تروح فى الموضوع دة فى الرجلين