الاطباء يستعدون لاضراب مفتوح واستقالات جماعية

[yyy]

بس للاسف الشديد بعض الردود من السادة الزملاء يوجد بها نوع من الخيلاء و الكبر الواضحة جدا مش محتاجة أى ذكاء علشان تفهم منة المعنى الى فى بطن الشاعر زى ما بيتقال

دي نسبه بسيطه مش كل الاطباء

حا أقولك حاجة أنت عارف لو أى دولة غير مصر طالبة أطباء ب الله عليك تفتكر حا تاخد دكتور لسة بيتعلم و لسة جديد و لا حا تضع شروط و تطلب شهادات و أوراق أعتمادة علشان ياخد الوظيفة هو مش حا يدفع مرتبات بالألاف علشان يجيب ناس لسة حا يتعلمو لآ حا ينزل أعلان و يطلب أعلى مؤهلات

لا
عادي بياخدو ناس لسه بتتعلم :النواب (بدايه سلك الطبيب)
بس طبعا بيبقي في فرق كبير بين النايب و الاستشاري مثلا في البلاد العربيه النايب (يعني عندو الاساسيات بس و لسه بيتعلم)بياخد مرتب محترم جدا بالنسبه لما يسمي مرتب هنا حسب الشهادات و الخبره ال معاه و الاستشاري ممكن يوصل 5-6 اضعاف النايب او اكتر

طيب يا أخوانا ما نقول صراحة المرتبات التى يتقاضاها الاطباء مهببة و مش حلوة ساعتها و الله حا تلاقى الناس كلها تقول و الله عندكم حق و حا يساندو الاطباء فى مشكلتهم

طب ما حنا بنقول كده

بس بردو عاوزين مع المرتبات امكانيات

علي الاقل يوفروا امكانيات للطوارئ

ال الناس تموت بسبب عدم وجود امكانيات عدله في استقبال المستشفيات

الحالات ال كولد ممكن الناس تتصرف تستلف او تعمل اي حاجه

لكن حاله طارئه و مفيش امكانيات يبقي ايه الوضع ؟!!!

[heshamzaky]

الاستاذ العزيز skybird حا أحكيلك قصة حا تفطسك من الضحك و فى نفس الوقت حا تزعلك من الوضع الى الاطباء فية فى مصر
الموصوع ببساطة أنا معايا كارت بتاع تامين صحى بس مش الحكومى كان بتاع puba و كنت فى كورس تبع الشغل فى زيورخ بسويسرا واحد من الى كانو معنا فى الكورس مش مصرى تركى الجنسية كان بيجرى و مجرد وقع رجلة أتلوت حاجة تافهة جدا بصراحة المهم قال عاوز اروح المستشفى أنت مجرد بتطلع الكارت تكشف فى أى مكان فى العالم متعاقد مع بوبا . المستشفى لو اقولك أنا بصراحة اتخضيت من منظرها كشفو علية مع أنة كان ماشى زى القرد أحنا فى مصر و كمصرين معندناش الدلع دة كدة المهم بعد الكشف مع أنة بيمشى زى الجن قالو لآ لازم اشعة عمل اشعة و بعد مفيش 10 دقائق الاشعم الدكتور شافها و مجرد ربط على رجلة حتت رباط ضاغط ههههههههههههه و الله بس كدة و مضى على الفاتورة و قيمة الكشف و سلامو عليكم عارف القيمة كام مش حا تتخيل السفة لف الرباط الضاغط على رجلة ب 200 فرنك يعنى 1000 جنية و الكشف و الاشعة حوالى 400 فرنك يعنى 2000 جنية تقريبا كل دة فى حتت لوية رجل بس .

[heshamzaky]

دي نسبه بسيطه مش كل الاطباء


لا
عادي بياخدو ناس لسه بتتعلم :النواب (بدايه سلك الطبيب)
بس طبعا بيبقي في فرق كبير بين النايب و الاستشاري مثلا في البلاد العربيه النايب (يعني عندو الاساسيات بس و لسه بيتعلم)بياخد مرتب محترم جدا بالنسبه لما يسمي مرتب هنا حسب الشهادات و الخبره ال معاه و الاستشاري ممكن يوصل 5-6 اضعاف النايب او اكتر
طب ما حنا بنقول كده

بس بردو عاوزين مع المرتبات امكانيات

علي الاقل يوفروا امكانيات للطوارئ

ال الناس تموت بسبب عدم وجود امكانيات عدله في استقبال المستشفيات

الحالات ال كولد ممكن الناس تتصرف تستلف او تعمل اي حاجه

لكن حاله طارئه و مفيش امكانيات يبقي ايه الوضع ؟!!!

بص لو حا اقولك على ناس معرفة ليا اصدقاء و بعض الاقارب بيعملو اطباء راحو اشتغلو فى دول عربية و كان فية أطباء و البعض متخصصين فى ادارة المتشفيات و أول ما بيوصل بيبقى لهم سكن محترم جدا و عربية محترمة جدا و مرتب مجزى للغاية بس و الله ما كملوش الدنيا مش لطيفة قوى زى ما البعض متخيل حا تلاقى حد بيحاول يتحكم فيك بمبدأ بفلوسنا و المرتب الى بدية لك و يا تقبل الوضع يا تسيب و ترجع دة مش شرط اساسى بس وارد جدا حدوثة و الغلطة هناك حا تكلفك وظيفتك فى ثانية .
الناس الى مش لاقية علاج بجد دول الى حا يتم طحنهم يعنى لا معاهم ابيض و لا اسود و لو مفيش أى أمكانيات يبقى ربنا معاهم بجد
بالنسبة للعمل فى مصر تكلمت مع الاطباء أصدقائى و قولت لة طيب لية ما تفتحش عيادة عبارة عن شقة فى مكان متوسط و يكون تمن الكشف بسيط نسبيا قالى مصيرها الفشل محدش حا يروح لدكتور فى عيادة خاصة كدة حتى لو الكشف مش غالى و بسعر معقول جدا لآن فية مستشفيات الكشف فيها ب 20 جنية و تلاقى الدكتور الى بيكشف أستاذ جراح مثلا ف المريض حا يجيلى العيادة لية بالرغم من أن بعضهم حاصل بالفعل على الماجيستير و الدكتوراة .
أما صديقى طبيب الاسنان لما قولت لة مينفعش تفتح عيادة خاصة قالى هاتلى الاجهزة و شوف دى بكام و حا اسدد تمنهم منين لو مفيش كشف نسبيا مرتفع و زباين يجو العيادة من غير ما اكون متعاقد مع شركات تأمين مثل أجى كير أو يونى كير أو أليكو و حاجات زى كدة

[Forever.Leo]

الحقيقة لفت نظري في الردود اللي فاتت تعالي بعض الاعضاء الاطباء .. باعتبار انهم صفوة المجتمع و العقول ! .. الحقيقة اللي اعرفه ان صفوة اي مجتمع هي الصف الاول من جميع المجالات .. يعني التطور الطبي العظيم اللي بيعيشوا العالم دلوقي هل ساهم فيه الاطباء بس !! فين المهندسين و العلماء اللي اخترعوا اجهزة مذهلة في التشخيص و العلاج و الي بقت مكون اساسي من مكونات الطب ما يقدرش يستغنى عنها الطب .. طيب بلاش المهندسين و العلماء .. خلينا في الفني الصحي لو عمل اضراب من بكره هيبقى ايه وضع الطب في مصر ؟! .. ما فيش مجتمع او مجال بيتقدم لوحده .. و الشئ العجيب ان الاطباء لما حبوا يعملوا اضرابات فئوية .. غلفوا اضرابهم بغرض انساني وقالوا ان الهدف هو الارتقاء بخدمة المريض .. و باين من ردودهم ان الكلام ده مش مظبوط .. و بالرغم من كده اذا كان الطبيب مظلوم فمن حقه يطالب برفع الظلم .. بس عايز اقول انه زي ماهياخد حقة .. لازم يدى قصاده .. و يتحاسب عند التقصير . و في النهاية .. المشكلة في مصر ان مافيش scale للمرتبات و لا الاسعار.. يعني الطبيب او المهندس لو خذ اللي عايزه النهارده من يضمن له ان التاجر و لا اي حد بيتعامل معاه مش يرفع اسعاره من بكرة ؟!

　
　

[dr-mohamed]

[warning]
أنا اسف لك بشده عن Medicalist فهو عضو لا يمثل الا نفسه .. و لا يتحدث عن جموع الأطباء .. أرجو تقبل اعتذاري مره اخري
الأطباء و الله أخلاقهم أفضل من كده بكتير .. بس العصبيه العمياء بتطلع فقط النص الوحش

اما بالنسبه لنصف المشاركه الاخر .. ف حضرتط طبعا مرحب بيك ترد في اي مكان و اي وقت .. أهلا و سهلا [/warning]

جزاك الله خيرا اخونا د احمد سمير خضر
وللاسف عرض القضية هنا بهذه الطريقة افسدها وبدلا من ان يقف جموع الاعضاء بجوار مطالب الاطباء - وهي في رايي مشروعة وحق - حدث العكس

لتالت مره مش هرد عليك وهسيب الموضوع للاداره
وياريت لو حضرتك تقرى عن Ethics بين الدكاتره

يا دكتور ما فعله د احمد سمير خضر هو صلب ال professional ethics ويتفق تماما مع ال medical ethics وارجو من حضرتك تهدا حتي لا تضيع حق الاطباء
ولعلم حضرتك قبل ان تقول لي انا الاخر ان اقرا عن ethics بين الاطباء اني لست طبيبا لكني ادرس الاخلاق المهنية ومنها الاخلاق الطبية لاعضاء هيئة التدريس بالجامعة أي زملائك أو أساتذتك ولا اجد منهم الا كل تواضع يكشف عن أطباء وعلماء حقيقيين

[Medicalist]

جزاك الله خيرا اخونا د احمد سمير خضر
وللاسف عرض القضية هنا بهذه الطريقة افسدها وبدلا من ان يقف جموع الاعضاء بجوار مطالب الاطباء - وهي في رايي مشروعة وحق - حدث العكس



يا دكتور ما فعله د احمد سمير خضر هو صلب ال professional ethics ويتفق تماما مع ال medical ethics وارجو من حضرتك تهدا حتي لا تضيع حق الاطباء
ولعلم حضرتك قبل ان تقول لي انا الاخر ان اقرا عن ethics بين الاطباء اني لست طبيبا لكني ادرس الاخلاق المهنية ومنها الاخلاق الطبية لاعضاء هيئة التدريس بالجامعة أي زملائك أو أساتذتك ولا اجد منهم الا كل تواضع يكشف عن أطباء وعلماء حقيقيين

اوكى يا فندم بس ياريت لو حضرتك تقولى فين صور وجمل التعالى بتاعتى فى الموضوع ؟ وانا ارد عليك فيها اذا وجدت !

[Medicalist]

اولا
ايه الردود المستفزة دي على الاطباء
محدش قال الطبيب اعلى درجة من غيره احنا بنقول ان مهنتنا اهم مهنة لسبب
لانك انت الانسان اهم شئ
غلط جدا تقول اللي يبني عمارة زي الطبيب لانك كده تساوي الانسان بشوية طوب
ولما حد يقول زي مبرمبج كمبيوتر يبقى ساويت نفسك بجهاز كمبيوتر
ولما تقول مهنة الطبيب زي اللي يصنع عربية يبقى ساويت الانسان بسيارة
ولما تقول ان مهنة الطبيب زي الزبال يبقى ساويت الانسان ب.......................

ثانيا
اللي يتكلم عن عمل الطبيب في عيادته الخاصة فاسمح لي لا دخل لك بعملي الاضافي لانه مجهود اضافي على بدني احنا بنتكلم عن الدوام الرسمي ونقارن وضع الطبيب باي موظف حكومة تاني يعمل نفس ساعات العمل
اما العمل الاضافي فهو مجهود زيادة ممكن اشتغل في مستشفى خاص او ابيع بطاطا مشوية
يعني مش هقول للكهربائي معلش انت ممكن تشتغل كهربائي بعد الظهر
او اقول للمهندس انت فاتح مكتب استشارات هندسية بعد الظهر
او اقول للمدرس انت بتدي دروس خصوصية بعد الظهر
للاسف الحكومة بتفكر بنفس منطقكم الغير سليم اطلاقا

ثالثا
محدش من الاخوم استفز من اوضاع الاطباء لما قلت ياريت نتساوى بعامل كهرباء او موظف سنترال
يمكن المعلومة دي تستفز حد
هل تعلم
ان الطبيب ياخذ بدل عدوى تقريبا 6 جنية او رقم مخجل زي ده
وان المحاسب في بنك ياخد بدل عدوى 500 جنيه !!!!!!!!!!!!
الطبيب اللي مدعوك طول اليوم وسط الميكروبات زي اللي يعد فلوس على مكنة وان ممكن الفلوس دي تنبقى ملوثه من ايد الناس .................... يا سلام

احنا مش طالبين حاجه
طالبين ان نتساوي مع موظف البنك ........... فهل تعدينا على العدالة الاجتماعية ؟؟
طالبين ان مستشفيات الوزارة تبقى كاملة من ادوية واجهزة ومستلزمات لان احنا اللي في وش المدفع ونقابل غضب الناس وليس الوزير المحروس

جبت من الاخر ربنا يبارك فيك

[Ahmed R08]

لا تعليق
اليوم السابع | بالصور..عملية قلب مفتوح على ضوء موبايل بـ"أطفال مصر"

[rosebox]

الرد داخل الاقتباس

اولا
ايه الردود المستفزة دي على الاطباء
محدش قال الطبيب اعلى درجة من غيره احنا بنقول ان مهنتنا اهم مهنة لسبب
لانك انت الانسان اهم شئ
غلط جدا تقول اللي يبني عمارة زي الطبيب لانك كده تساوي الانسان بشوية طوب
ولما حد يقول زي مبرمبج كمبيوتر يبقى ساويت نفسك بجهاز كمبيوتر
ولما تقول مهنة الطبيب زي اللي يصنع عربية يبقى ساويت الانسان بسيارة
ولما تقول ان مهنة الطبيب زي الزبال يبقى ساويت الانسان ب.......................

بجد بجد انا تعبت و مش مصدقه ان لسه الساده الاطباء بيردوا الردود دى. انما الحمد لله بعض الدكاتره بيتبروا من الردود اللى من النوعيه دى
يعنى حضرتك عايز تقول ان الفرق ما بين الطبيب و زبال هو نفسه الفرق اللى بين الانسان و الزباله؟؟؟؟؟؟؟ و الله حرام و يا ترى الانسان بشكل مطلق و لا برضه الطفل حاجه و الشيخ حاجه و المتعلم حاجه و الجاهل حاجه تانيه؟ و الغنى حاجه و الفقير حاجه تانيه؟ و نيجى بقى للزباله هل تعامل زبالة العشوائيات نفس معاملة زبالة الصاغه مثلا؟؟؟
طيب و هل يتساوى جميع الاطباء؟ ما يطلع بكره الاطباء النفسيين يقولوا احنا بنتعامل مع ارقى حاجه فى الانسان و ايه وضع بتوع التحاليل ؟اكيد مش معاكم فى الكلام ده... طيب ما المدرس بيتعامل مع عقل و سلوك و تربية الانسان, هل تروا التدريس افضل المهن؟ و ضابط اللى بيحافظ على ارواح الناس من القتله و الاشقياء, ايه وضعه بين المهن؟ طيب يا افندم ما الحانوتى برضه بيتعامل مع الناس و فى وضع بيبقوا لا حول و لا قوة. طيب و الحلاق ماهو بيتعامل برضه مع الناس.

القياس ما يبقاش كده ابدا ابدا.

ثانيا
اللي يتكلم عن عمل الطبيب في عيادته الخاصة فاسمح لي لا دخل لك بعملي الاضافي لانه مجهود اضافي على بدني احنا بنتكلم عن الدوام الرسمي ونقارن وضع الطبيب باي موظف حكومة تاني يعمل نفس ساعات العمل
اما العمل الاضافي فهو مجهود زيادة ممكن اشتغل في مستشفى خاص او ابيع بطاطا مشوية
يعني مش هقول للكهربائي معلش انت ممكن تشتغل كهربائي بعد الظهر
او اقول للمهندس انت فاتح مكتب استشارات هندسية بعد الظهر
او اقول للمدرس انت بتدي دروس خصوصية بعد الظهر
للاسف الحكومة بتفكر بنفس منطقكم الغير سليم اطلاقا

ثالثا
محدش من الاخوم استفز من اوضاع الاطباء لما قلت ياريت نتساوى بعامل كهرباء او موظف سنترال
يمكن المعلومة دي تستفز حد
هل تعلم
ان الطبيب ياخذ بدل عدوى تقريبا 6 جنية او رقم مخجل زي ده
وان المحاسب في بنك ياخد بدل عدوى 500 جنيه !!!!!!!!!!!!
الطبيب اللي مدعوك طول اليوم وسط الميكروبات زي اللي يعد فلوس على مكنة وان ممكن الفلوس دي تنبقى ملوثه من ايد الناس .................... يا سلام

احنا مش طالبين حاجه
طالبين ان نتساوي مع موظف البنك ........... فهل تعدينا على العدالة الاجتماعية ؟؟
طالبين ان مستشفيات الوزارة تبقى كاملة من ادوية واجهزة ومستلزمات لان احنا اللي في وش المدفع ونقابل غضب الناس وليس الوزير المحروس

نرجع و نقول موضوع الفلوس ده كلنا مظلومين فيه و انا مش مع البدلات و الكلام ده دى اصلا حيله عشان موظفى البنوك ياخدوا مرتب احسن و ايام ما عملوا موضوع البدل ده كع الاطباء كان نفس الفكره. هو انا ليا مرتب مقابل مهنة اكسب منها اكل عيشى مرتبى ده بيبقى محسوب ضمنا مخاطرها.

[rosebox]

هكررو لحضرتك مره كمان

هل الوظايف كلها زي بعضها و مفيش فرق في الاهميه بينهم
ولا
في الاهم ف المهم ؟
(n.b: مقولتش ان في وظايف ملهاش لازمه انا بقول في الاهم ف المهم )

طبعا الوظائف مش زى بعضها و طبعا فية الاهم فالمهم .
بس تحديد الاولويات امر نسبى بيختلف من شخص لآخر و كل شخص حا يبص لما يتناسب مع ظروفة و يقولك كذا لة أولوية أولى و كذا لة أولوية ثانية و هكذا
بس مش حا ينفع تقول أن الطب أهم حاجة فى الوجود على كوكب الارض الطبيب أداة فقط الشافى هو الله و العافى هو الله .
مش عارف لية بفتكر فيلم قنديل أم هاشم بتاع شكرى سرحان لو شوفت الفيلم حا تعرف أن بعض الناس ممكن تتخيل و تصاب بنوع من الثقة للاسف ستؤدى ألى نتائج خطيرة لو أستحوذ على تفكيرهم شيىء معين

+1111111111111111111

و لى نفس الرد بطريقه اخرى و تقبل احترامى

الهدف من كل مهنه هى الانسان اولا و اخيرا

يعنى العالم الدينى بيهتم بعلاقة الانسان بربه و ده حينفعه فى الحياة الاخره (اللى هى اهم من الحياة الدنيا) انما بيبقى الملعب هنا فى الحياة الدنيا و المهنة دى من وجهة نظرى اهم المهن
مهنة المدرس اللى بتهتم بعلم الانسان و سلوكه و بيبقى اول مثال بيتخذه الانسان بعد الاب و الام؟
الفلاسفه و الشعراء و المثقفين و المفكرين و الروائيين و الممثلين و المغنيين و لاعبين الكره و المشاهير عموما بيشكلوا ثقافة الانسان
الاطباء بيعالجوا و بيحافظوا على صحة الانسان
الفلاحين بيزرعوا ما يأكله الانسان و الذى لا يستطيع العيش بدونه
عمال المجارى و الزبالين و عمال النضافه بيحافظوا على صحة الانسان و لولاهم لأنتشرت الامراض الفتاكه بالانسان و كمان محافظه على ان تقع عين الانسان على ما هو قبيح من مشاهد الزباله المنتشره
المحامين و القضاه و النيابه مهمتها نشر العداله بين الناس و التأكيد ان محدش يتظلم و يدفع تمن جريمه لم يقترفها
الداخليه و العسكر مهمته حفظ الامن و الكرامه بين الناس و المساعده فى الطوارئ كالحريق و غيره
الدبلوماسيين حفظ كرامة الانسان خارج بلده و حماية حقوقه

طبعا مقدرش اذكر المهن كلها و لا اذكر اهمية كل مهنه على وجه الدقه و اكيد لم انصف كثير من المهن لعدم علمى بالجوانب كلها انما من حقك تختار المهنه الاهم من وجهة نظرك. انما ماتفرضش وجهة نظرك على الاخرين بأى شكل.

[rosebox]

طب طريقه القياس تبقي ازاي
المجهود المبذول المفروض ياخد مقابلو ايه ؟........ يعني ايه المقابل بقي ال مفروض نديه للزبال علشان يتساوي مع الطيار غير المقابل المادي

- ملناش دعوه بالزبال المليونير و ال طيار العالمي
هات طيار مبتدئ و زبال مبتدئ
هل الاتنين مجهودهم واحد
و هل المفروض الاتنين ياخدو نفس المرتب ؟



و بردو الناس ال حالاتها متقدرش تستغني عن دكتور طورائ (علي عكس ما حد من الاعضاء قال هنا انو عادي يستغني عن الاطباء كام يووم مش هيحصل حاجه ) في حلات لازم تتعالج في خلال نص ساعه والا العيان هيموت

اسمحلى ادلى بما لدى فى الموضوع ده
موضوع المرتبات فى الدول اللى عايزه تحترم نفسها بتبقى بناءا على خطه و حسابات دقيقه (انا بتكلم على المرتبات الحكوميه)
بمعنى الدوله شايفه ان فئه معينه كتير قوى و بيمثلوا عبء عليها او عايزه تهتم بالمجال الخاص بتاعها او او او فمتزودش المرتب جامد او متديش مزايا عاليه قوى للفئه هى كده كده بتزود المرتبات طبقا للتضخم انما بتحاول تقلل الناس اللى بتتعلم علشان توصل و تبقى للفئه دى

مثال ( و حتكلم عن شغلى انا و شغل الاخ shaddadfalcon1 اللى واضح من كلامه ان زميل كفاح و مأمأة عين) جت الهند مره و قالت ان من الحاجات اللى حهتم بيها هندسة الكمبيوتر فراحت مزوده المرتبات و اهتمت بالمشاريع و دعمت حتى المشاريع الخاصه و ادت كورسات ببلاش فبقى كل الناس عايزه تشتغل IT و طبعا شايفين الهند بقت عامله ازاى فى المجال ده
برضه احمد نظيف حب يطبق الموضوع ايام ما كان وزير اتصالات عمل كورسات ببلاش و دراسات كتيرة قوى و شهادات عالميه و عمل مشاريع جامده جدا و جاب هنا الشركات الكبرى و عمل المدينه الذكيه و حاجات كده و حسن المزايا (انما مش المرتبات) اللى بتعطى للit فى الحكومه.

طبعا لا مجال للمقارنه بين اللى عملته الهند و اللى عملته مصر لإن فى الاخر الهند دوله بتحترم نفسها و احنا هنا


المرتبات عموما (الاجره) بتعطى على حسب الاحتياج و الاعداد اللى عندى و انا عايزه اوصل البلد دى لفين.
انما فى الخاص الموضوع يزيد عليه الكفاءه و السمعة و الثقه و الامثله اوضح من انى اشير اليها

[dr-mohamed]

بص انا هقولك على حاجه جت على بالى
انا ممكن ابقى ظابط على فكره ومن غير ما اقف فى الشمس بدخل الاكاديميه وابقى ظابط دكتور و بيبوسوا رجلينا عشان نقبل وندخل
و ممكن ابقى ظابط جيش انى اتقدم فى الكليه الحربيه بعد التخرج وبيطلبونا باغراءات بالهبل
وممكن اشتغل فى البترول الحمد لله ممكن نشتغل فى اى مكان بس احنا فينا غريزه الطبيب المصرى الى عايز يشتغل و يتعلم منا ممكن اجيب عقد البترول ده واخد 4 الاف جنيه وانا نايم فى بيتنا
نسيت اقولك انه مستحيل طبعا ظابط الشرطه يبقى دكتور و ظابط الجيش يبقى دكتور
ليه لانه الدكتور بيدخل كليه الطب باعلى مجموع وبمجهوده لكن ظابط الشرطه بيدخل ب 50 فى الميه فى الثانويه العامه ومساعده الغير والرشاوى والذى منه
انا مش هكمل هوفر مجهود الكتابه لحاجه اهم

ونسيت اقولك لو تعبت او حد من عيالك تعبت ما تبقاش تقول الحقنى يا دكتور اقعد جمبه و ادعيله ربنا يشفيه

[/quote]
كل اناء ينضح بما فيه
انا مش هنزل لمستواك وارد عليك والكلام ماكانش موجه ليك[/QUOTE]

شوف شغلان
لا حول ولا قوة الا بالله
حقد مش ممكن انا عمرى ما اتخيلت انه فيه ناس حاقده كده
الناس دى هتعبش وتموت مش فاهمه حاجه اقصى طموحاتهم يفتحوا النت ويلاقوا حد عاملهم مجامله
ان شاء الله نشوف شغلانه فى المستشفيات الخاصه الى هم بيقولوا عليها دى و يبقوا ييجوا يقابلونا هناك هههه
تحذير لجميع الاعضاء المشاركين في الموضوع بضبط النفس وعدم الشخصنة والاهانات
والا سيتم تطبيق العقوبة مضاعفة
مشرف ب2
5:20 pm

اصل خد بالك احنا شعب فرعون و البعض متصور انه عشان معاه قرشين يقولك انا اودى الى تعبان اجدعها مستشفى خاصه وبفلوسى
ما يعرفش انه المرض مالوش كبير ما يعرفش انه فيه حالات الفشل الكلوى والكبدى و حالات التسمم المستشفيات الخاصه ما بتستقبلهاش
انا مع كلام الدكتور ذكى ناخد الى احنا عايزينه ونطير

انا معاك كمان فى الطلب ده يا دكتور الموضوع لو اتقفل احسن عشان الى بيحصل ده كتير واحنا مش ناقصين
ده الى يغيظك انه فيه زمايل لينا داخلين يسخنوا ويتظاهروا فى صوره ملايكه على حسابنا حسبى الله ونعم الوكيل

اوكى يا فندم بس ياريت لو حضرتك تقولى فين صور وجمل التعالى بتاعتى فى الموضوع ؟ وانا ارد عليك فيها اذا وجدت !

هو حضرتك مش شايف في المشاكرات السابقة اي صورة من صور التعالي ؟
وعلى فكرة هذه النبرة لم تكن من حضرتك فقط يا دكتور لكن كانت من غيرك من بعض الاساتذة الاطباء الذين شاركوا في الموضوع
بخصوص مشاركاتك لو شفتها واعتذرت عنها هاتكبر اكيد في نظر الجميع
لو مش شايفها يبقي لله الامر من قبل ومن بعد

[shaddadfalcon1]

لا يا اخي الفاضل

حضرتك وصفت التعبير غلط

يعني مثلا ما ينفعش تدخل على المدير بتاعك اللى انت بتحبه مثلا وتقوله:

والله باحبك اكتر من زبال العمارة!
(ولما يزعل تقوله: انت فهمتني غلط... اكتر من زبال العماره دي مسافه مفتوحة...)

وبرده ما ينفعش تيجي لاخوك وتقوله انت صبرك غلب صبر الحمار
(على اساس ان الحمار صبور جدا.. وانت نيتك حسنه!)

حضرتك معاى

برده حضرتك فهمتني غلط
انا كل اللي عايز اقوله ان اخلاق وعقليه الأنسان مش لازم تبقي مرتبطه بمهنته

كل اللي عايز اقوله في المشاركه اللي حضرتك علقت عليها ان ممكن جدا تلاقي راجل في وظيفه مرموقه جدا وتلاقيه ماشي عكس الأتجاه او بتاع ستات او بيشرب خمره واخلاقه زي الزفت وممكت مع كل ده تلاقيه ناجح في وظيفته وممكن تلاقي واحد في شغلانه مهينه ومفيهوش اي حاجه من الحاجات دي
وطبعا مش هروح اقوله انت كذا وكذا - فهمني؟

مرتبات اي حد بره بتبقي عاليه ودي حاجه تتوقف علي ظروف البلد - يعني مرتبات الدكاتره في مصر مش زي السعوديه مش زي الامارات مش زي امريكا او اوروبا وده مش معناه اني مواقف علي الكام ملطوش اللي حديثي التخرج من الدكاتره بياخدوهم اللي ميكفوش حتي مواصلات

[Medicalist]

كل اناء ينضح بما فيه
انا مش هنزل لمستواك وارد عليك والكلام ماكانش موجه ليك[/quote]










هو حضرتك مش شايف في المشاكرات السابقة اي صورة من صور التعالي ؟
وعلى فكرة هذه النبرة لم تكن من حضرتك فقط يا دكتور لكن كانت من غيرك من بعض الاساتذة الاطباء الذين شاركوا في الموضوع
بخصوص مشاركاتك لو شفتها واعتذرت عنها هاتكبر اكيد في نظر الجميع
لو مش شايفها يبقي لله الامر من قبل ومن بعد[/quote]

لله الامر من قبل ومن بعد

[ahmedsamir5edr]

جزاك الله خيرا اخونا د احمد سمير خضر
وللاسف عرض القضية هنا بهذه الطريقة افسدها وبدلا من ان يقف جموع الاعضاء بجوار مطالب الاطباء - وهي في رايي مشروعة وحق - حدث العكس



يا دكتور ما فعله د احمد سمير خضر هو صلب ال professional ethics ويتفق تماما مع ال medical ethics وارجو من حضرتك تهدا حتي لا تضيع حق الاطباء
ولعلم حضرتك قبل ان تقول لي انا الاخر ان اقرا عن ethics بين الاطباء اني لست طبيبا لكني ادرس الاخلاق المهنية ومنها الاخلاق الطبية لاعضاء هيئة التدريس بالجامعة أي زملائك أو أساتذتك ولا اجد منهم الا كل تواضع يكشف عن أطباء وعلماء حقيقيين

جزاك الله خيرا يا أستاذي د/ محمد

المشكله و الله ليست شخصيه مع الأخ ) medicalist ) اللي بدأت أشك من طريقه كلامه أنه ليس طبيب و الله العظيم .. أو كأنه يحاول متعمدا أن يشوه صوره الطبيب .. طب ليه كده ؟؟ الأطباء ما يستحقوش كده

و الشعب المصري و الله طيـــــــــــــــب و عواطفه دايما سابقاااااااااه ( الخطاب الثاني لحسني مبارك ) .. يعني لو احنا استحملنا شويه و راعينا ظروف البلد و كننا أحسن من كده .. وقت الازدها بقي نستحق أي شيء