أنا مسلم ....... أنا ليبرالى

[hobiko]

أنا حاحاول أوصل فكرتى عن الليبرالية ببساطة

طبعا كلنا عارفين معنى الليبرالية و وأصلها بالأنجليزية

أنا مش شايف الليبرالية منهج او نظام سياسى من الممكن ان يحل محل الأسلام بشموليته و عظمته

لأن فى الحالة دى ببساطة ..... أنا أبقى بتخلى عن دينى و بساوى الليبرالية بالديانة الأسلامية ..... و ده كده كفر بين

حلو ..... انا مسلم ..... لا أنادى بخالفة شرع الله أو تجاوزه .....

أنا تصورى لليبرالية ..... انها حالة مجتمعية ..... تسود فيها مبادىء الحرية و العدالة و المساواة بين الجميع ..... تحت المظلة الأشمل و الأكبر و الأعمق التى لا تتعارض أبدا مع تلك المبادىء و هى ...... الأسلام

بل و تقوم على تنظيم العلاقة بين الدين و السياسة

المسلم و المسيحى و البهائى و الملحد و العلمانى ...... مواطن فقط

الدولة بكل مؤسساتها و أجهزتها ...... تنظر للمواطن المصرى على انه مواطن .(نقطة كبيرة جدا)

حلو ..... انا مسلم ..... لا أنادى بخالفة شرع الله أو تجاوزه .....

مثال حرية العقيدة :-

من شاء فليؤمن و من شاء فليكفر ...... الموضوع أثير أيام الفتنة الطائفية لما أعضاء مسيحيين فى المنتدى هنا هاجموا أعضاء مسلمين و قالوا : انتو ممكن تسمحوا ان واحد او واحدة مسلمة تتنصر ..... فرد الأخوة المسلمين : احنا عندنا حد الرده انتو ماعندكمش

عشان أبقى متسق :) مع أفكارى ..... بصراحة شديدة انا كنت شايف مش صح انى أرغم حد على دين معين سواء مسلم او مسيحى ..... لو هو مسلم بالأسم بس حيفيدنى فى ايه بالعكس ده ضرره حيبقى أكبر بكتير لأنه مسلم قدام الناس و فى داخله يضمر الشر للأسلام .....

كان رأيى اللى عايز يمشى من الأسلام ...... فى ستين سلامة ..... لكنه حيظل مواطن مصرى متمع بكل حقوقه و عليه كل الواجبات

بس كده أنا حبقى ضد الشريعة اللى بتقول : ان حد الردة القتل

بحثت و دورت و لاقيت ان فى أراء و فتاوى فقهية ملخصها ان المرتد مالم يحارب المسلمين ...... لا يجوز قتله

بس كده ..... أنا مش عايز أكتر من كده ..... يارب يكون المثال واضح

أنا مش حخالف الشريعة ..... حتى لو كانت ضد أفكارى مهما حصل


- لا يا عم انت كداب ..... الليبرالية ليها جانب سياسى ...... ونظام حكم مختلف ..... مش بس حالة مجتمعية زى ما انت بتقول

- حارد عليك كمان شوية

سؤال: ايه لازمة الشعارات الرنانة و الكلام الكبير ده ...... ما كل ده فى الأسلام ..... ما تخليك صريح و تقول اسلامية و تنجز ؟؟؟

اسلامية طبعا اسلامية ...... و هنا أستعير كلمة لعبد المنعم أبو الفتوح و د. العوا ...... ما مصر طول عمرها اسلا مية ...... من زمان أوى

مافيش حاجه اسمها (انهى اسلام) هو اسلام واحد ......

بس بأنهى فهم للأسلام ...... بأنهى توجه للأسلام ...... بأنهى تفسير للأسلام

و لا أقصد الأختلاف الفقهى فى الفروع ...... زى نحلق اللحية ولا نقصرها ...... أقصد الأسلام السياسى و نظام الحكم

انا شايف الليبرالية هى الحالة المجتمعية اللى يجب ان تسود ...... لوأد الخلافات و الصراعات بين كل التيارات و الأطياف ..... تحت مظلة الأسلام

حرية التعبير ..... حرية العقيدة ..... حرية العمل و الحركة ..... حرية الدعوة ..... الحرية المحكومة بضوابط الشريعة و المجتمع

الحالة المجتمعية دى ..... هى القادرة على جعلنا كمصريين .... رجال و نساء ..... عندنا قدرة أكبر على تقبل الأختلاف ..... و محاولة الوصول لشكل دولة تستوعب الجميع

- برضه هريت من السؤال ..... ما كل ده فى الأسلام ...... ليه ليبرالية ؟؟؟؟؟!!!

- لمواجهة التمييز و التعصب ...... كحالة مجتمعية هى الأخرى لا تمت للأسلام بصله

عايزين تكلموا أحلام ...... ولا تكلموا واقع

واقع أنا معاكوا ....... أحلام مش حاعرف

ايه الواقع ...... احنا شعب متعصب ...... مميز (بكسر الياء) ...... لا يقبل الأختلاف ..... تريد كل طائفة أن تنتصر لرأيها مهما حصل .....

احنا متعصبين دينيا (مسلمين و مسيحيين) ...... متعصبين كرويا (أهلى و زمالك) ...... متعصبين عربيا (مصر و الجزائر) ..... متعصبين سياراتيا (و راجعوا خناقات المنتدى عن العربيات) ..... متعصبين فكريا ..... متعصبين جنسيا

اللى بيحصل فى مصر دلوقتى ..... ماهو الا تعبير عن حالة هستيرية من التعصب و التمييز و عدم قبول الأختلاف أو الأخر

لا تتخيلوا ان سيطر الأسلاميين على الحكم ..... العلمانيين حيتقبلوا ده .....

او لو سيطر السلفيين مثلا ..... الصوفيين حيتقبلو ده

أو لو سيطر الوهابيين ...... الأشعرية ستتقبل ده

أو لو سيطر الكاثوليك ..... الأرثوذكس حيتقبلوا ده

و عكس كل ده صحيح

كل ده ..... وفى مجموعة تريد الأسلام فقط الذى يحكم ولا تتقبل مبدأ تداول السلطة ..... و على الطرف الأخر اشك بشده فى نوايا العلمانيين و رغبتهم فى تداول السلطة هما كمان


طيب بشكل أعمق ...... و بشكل أكثر صراحة ......

الليبرالية كما أصفها ...... فى مواجهة التيار الأسلامى السياسى فى مصر

المشروع السياسى لليبرالية ...... فى مواجهة المشروع السياسى للتيار الدينى فى مصر

شكل الدولة فى الليبرالية ..... و شكلها عند التيار الأسلامى السياسى

ده المشاركة اللى جاية ...... عشان عندى شغل :))))))


فى النهاية أرجو عدم التعصب ....... :)))))

[ahmedbatoos]

أنا مش شايف الليبرالية منهج او نظام سياسى من الممكن ان يحل محل الأسلام بشموليته و عظمته

لأن فى الحالة دى ببساطة ..... أنا أبقى بتخلى عن دينى و بساوى الليبرالية بالديانة الأسلامية ..... و ده كده كفر بين

أنا تصورى لليبرالية ..... انها حالة مجتمعية ..... تسود فيها مبادىء الحرية و العدالة و المساواة بين الجميع ..... تحت المظلة الأشمل و الأكبر و الأعمق التى لا تتعارض أبدا مع تلك المبادىء و هى ...... الأسلام

بل و تقوم على تنظيم العلاقة بين الدين و السياسة

الليبرالية كما أصفها ...... فى مواجهة التيار الأسلامى السياسى فى مصر

المشروع السياسى لليبرالية ...... فى مواجهة المشروع السياسى للتيار الدينى فى مصر

شكل الدولة فى الليبرالية ..... و شكلها عند التيار الأسلامى السياسى

الدولة بكل مؤسساتها و أجهزتها ...... تنظر للمواطن المصرى على انه مواطن .(نقطة كبيرة جدا)

امتلك كثير من التسؤلات والاعتراض علي ما حضرتك كتبتة

لكن كا بداية وجد شئ واسع من التناقض



الاسلام دين شريعتة تطول السياسة الاجتماع الاقتصاد

اليبرالية مذهب فكري ان جاز التعبير . . يطول السياسة والاجتماع والاقتصاد


مثل الشيوعية ومثل النازية الاشتراكية الخ . .


. . .

حضرتك حتي قلت في البداية ليبرالية اجتماعية فقط ( ( لا افهم هذا التعبير تحديدا ) )
لكن حتي بعد ذلك وضح من كلامك جدا اليبرالية سياسية . . زي ما منظريها والكتب واظن الجميع يعلم



-----------

سأطرح سألتي بعد ان توضح لي هذا . . واسف لو كنت اسئت فهم شئ . .

[تامر.محمد]

ياااه , اخيرا يا راجل ؟
:)

قبل ما ادخل في الكلام

ايه الفرق بين فكرك و فكر حزب الوسط مثلا ؟

[araberphilosoph]

انا والدي من الاعضاء المؤسسين لحزب الوسط من اول ما بدا سنه 2004 تقريبا
انا شايف نفسي مايل للحزب ده وبرنامجه
بس محتار بينه وبين حزب العدل

[Dr Zezo]

يعني حضرتك عايز اي نوع من انواع الليبرالية ؟

[Ralliart]

يسلم كيبوردك........ما انت مش كافر اهو !!
اسمحلي انقل الكلام ده عالفيس بوك

[hobiko]

امتلك كثير من التسؤلات والاعتراض علي ما حضرتك كتبتة

لكن كا بداية وجد شئ واسع من التناقض

الاسلام دين شريعتة تطول السياسة الاجتماع الاقتصاد

اليبرالية مذهب فكري ان جاز التعبير . . يطول السياسة والاجتماع والاقتصاد

مثل الشيوعية ومثل النازية الاشتراكية الخ . .

. . .

حضرتك حتي قلت في البداية ليبرالية اجتماعية فقط ( ( لا افهم هذا التعبير تحديدا ) )
لكن حتي بعد ذلك وضح من كلامك جدا اليبرالية سياسية . . زي ما منظريها والكتب واظن الجميع يعلم

-----------

سأطرح سألتي بعد ان توضح لي هذا . . واسف لو كنت اسئت فهم شئ . .

لا يا فندم خالص مافيش حاجة .......

بص ...... دى مشكلة عندنا ..... القولبة ...... ليه لازم أستخدم الليبرالية أو أطبقها بصورتها السيئة ..... او مفهومها السيء فى نظر البعض

الليبرالية تظل مجموعة أفكار ..... ذات أهداف ...... تحتاج أليات للوصول لهذه الأهداف

و يظل لأى حد ..... مطلق الحرية فى تعديل الأفكار و توظيفها بما يخدم طبيعة المجتمع اللى عايش فيه و بشكل لا يتعارض معاه (الليبراليه كحالة مجتمعية) ..... بهدف الوصول لأهداف لا أعتقد اننا نختلف فيها على اختلاف اتجاهاتنا .....

الليبرالية ..... كحالة مجتمعية ...... هى الأهم و هى الأساس بالنسبة لى

بس ممكن نختلف فى الأليات (الليبراليه كنظام سياسى)

يتبقى الجانب الأقتصادى ..... وهو أقلهم اهمية بالنسبة لى ..... و لا أعتقد كأحد الدارسين للأقتصاد ..... اننا حنختلف كثيرا ..... العالم يتجه غصبا عنه للأقتصاد الأسلامى

ياااه , اخيرا يا راجل ؟
:)

قبل ما ادخل في الكلام

ايه الفرق بين فكرك و فكر حزب الوسط مثلا ؟

نفسى أحضر مؤتمر جماهيرى ليهم ..... من اسبوعين كانوا عاملين واحد فى اسكندرية بس للأسف جيت متأخر فى أخره تقريبا

بس ده فى دماغى فعلا ..... لا أنكر

[wesam_salom]

YouTube - ‫ط¯ظ‡.... ط¯ظٹظ…ظˆظ‚ط±ط§ط·ظ‰‬‎

[samoevil911]

استاذ محمد الكلام كتير وانا عندي امتحنات

هي كلمة ورد غطاها .. هل الليبراليةعند حضرتك ممكن تخالف الشرع ؟؟

حلوة رد غطاها دي

[hobiko]

:ka_che1[1]:استاذ محمد الكلام كتير وانا عندي امتحنات

هي كلمة ورد غطاها .. هل الليبراليةعند حضرتك ممكن تخالف الشرع ؟؟

حلوة رد غطاها دي

لأ طبعا ...... و خلى الغطا على المرة دى :)))))

[hobiko]

YouTube - ‫ط¯ظ‡.... ط¯ظٹظ…ظˆظ‚ط±ط§ط·ظ‰‬‎

الفيلم ده عالى أوى بصراحة :)))))))) ...... شوف معمول من سنة كام ولسه valid

[bassem.naguib]

متابع وبشدة .. لأن كثير من التناقضات تدور داخلي حول المقارنة : أيهم أفضل للحكم في مصر في الفترة القادمة ؟! وأرجو أن يتم النقاش في هدوء واحترام وجهة نظر الأخر .. عل وعسى أن يقنع طرف الطرف الأخر برأيه .

ياااه , اخيرا يا راجل ؟
:)

قبل ما ادخل في الكلام

ايه الفرق بين فكرك و فكر حزب الوسط مثلا ؟

حزب الوسط ده تبع مين ؟!! .. أصلي مبقتش ملاحق متابعة الأحزاب اللي بتطلع كل شوية .

انا والدي من الاعضاء المؤسسين لحزب الوسط من اول ما بدا سنه 2004 تقريبا
انا شايف نفسي مايل للحزب ده وبرنامجه
بس محتار بينه وبين حزب العدل

حزب الوسط تبع مين .. والحزب العدل تبع مين

[ashouhdy]

ربنا يعينك ع الرد

[تامر.محمد]

حزب الوسط ده تبع مين ؟!! .. أصلي مبقتش ملاحق متابعة الأحزاب اللي بتطلع كل شوية .

أشهر رجالتهم دلوقت جمال سلطان لو تسمع عنه

نفسى أحضر مؤتمر جماهيرى ليهم ..... من اسبوعين كانوا عاملين واحد فى اسكندرية بس للأسف جيت متأخر فى أخره تقريبا

بس ده فى دماغى فعلا ..... لا أنكر

بس حزب الوسط اسلاميين مش ليبراليين !

[araberphilosoph]

باشا حزب الوسط ده عامل بالظبط زي العداله والتنميه بتاع تركيا
يعني ليبرالي بمرجعيه اسلاميه
بس اظن ان تركيبه المجتمع المصري تختلف جذريا عن التركي
فلا اري لهم حظا كبيرا في الانتخاباتللاسف