الشروق ولا العبور ولا التجمع الخامس ؟

[خالد]

محتار جداً !
أسكن فى منطقة المرج وهى منطقة شعبية شوية ، وأنا لا أطيق سلوكيات وألفاظ وتعاملات البشر فى تلك المنطقة
وللعلم أسكن فى عمارة والدى أنا وأخواتى بس كل واحد له شقتين ، وعندى جراج مخصوص فى العمارة من تحت
وكنت ناوى أغير الماروتى وأجيب كيا كارينز ، ولكن بعد إستشارة الأخوة بالمنتدى نصحونى بالشقة الأول فى مكان نظيف !
دلوقتى أمامى 3 شقق محتار بينهم :

1- شقة 70 متر فى القاهرة الجديدة الشباب - دور خامس وأخير- تمنها 118 ألف وعليها أقساط 320 ج شهرى لمدة 10 سنوات
2- شقة 86 متر بالشروق الحى المتميز - الدور التانى - تمنها 86 ألف وخالصة الأقساط
3- شقة 100 متر بالعبور تمنها 100 ــــالف وتقريباً فى أقساط مش عارف كام تقريباً 400شهرى
ياترى أختار أيه فيهم ؟ شغلى أنا ومراتى فى مصر الجديدة

[محمد محمد]

علي اي حال المدن الجديدة نعمة عظيمة جدااااااااا
اي حد ساكن في مدينة جديدة بمجرد انه بيخرج منها كأن سمكة خرجتها من المية
ال3 مدن كويسين
القاهرة الجديدة كويسة مساحة اصغر وهتدفع اقساط ...زيها في العبور نفس المساحة وتدفع 70ج قسط وهتزود علي الفلوس 5 الاف جنيه مثلا.
الشروق كويسة شديدة الهدوء جدا رحتها من حوالى شهر زي ما هي لما رحتها من 2004 مش شايف اي تغيير..الشقة المعروضة فيها مساحتها وسعرها كويسين لو المنطقة كويسة.
العبور اقرب مدينة لمصر الجديدة ولو فيه مشكلة في طريق مصر الأسماعيلية محلولة بالسير عبر طريق بلبيس القاهرة ومدينة السلام في عز الزحمة هتلاقي نفسك في موقف العاشر من العبور في ربع ساعة وكذلك في الرجوع من جوزيق تيتو تدخل طريق الهايكستب وتطلع من موقف العاشر والطريق بعد كده سالك.
بس تأكد ان الشقة قسط 400ج مش 1100ج لأن ال100م اسكان شباب فيها 3 انظمة تقسيط ب1100 و 350ج تقريبا و 100ج تقريبا.

[egyptawy2010]

نصيحة ابعد عن الدورالالاخير

[خالد]

جزاكم الله كل خير
من ردود حضراتكم نقدر نستبعد شقة التجمع علشان دور أخير
يبقى المقارنة محصورة بين الشروق والعبور
وعلى فكرة شقة الشروق فى الحى الثانى المتميز وبيقولوا عليه كويس جداً وتقسيم الشقة حلو قوى ، وسعرها حلو
العبور مش متأكد من القسط كام بالظبط
العقبات فى الشقتين :
الشروق : المشوار الطويل عن القاهرة حوالى 50كم - تعب وهلك للعربية - وممكن يكون الأمان هناك مش بنسبة 100*100
العبور: الطريق وزحمته وموقف العاشر وغلاسته ، ومصانع العبور ومصانع العاشر من رمضان ومنطقة صناعية مليانة بالعمال !
مستنى الرد النهائى من كل الأخوة

[mailo]

اسعار التجمع اقل من كده

وبص فالأول

[خالد]

اسعار التجمع اقل من كده

وبص فالأول

جزاك الله كل خير
فعلاً حاسس أن السعر كده كتير فى التجمع خاصة أنها عليها قسط 320 ج شهري لمدة 10 سنوات
بس مش واخد بالى حضرتك تقصد أبص فين ؟
ونصيحتك أدور فين على شقق التجمع لأنى فعلاً بحب التجمع عن أى مدينة جديدة تانية ؟

[Mohamed.Ramah]

السلام عليكم ورحمة الله

اولا شكرا على الموضوع المفيد والمشاركات المفيدة

ثانيا انا كنت عاوز اعرف اسعار الشقق فى العبور والمساحات وهل هى افضل ام اكتوبر وافضل الاماكن فين يعنى تكون فى مساحات 100 متر وشكرا

[elrasy]

علي اي حال المدن الجديدة نعمة عظيمة جدااااااااا
اي حد ساكن في مدينة جديدة بمجرد انه بيخرج منها كأن سمكة خرجتها من المية
ال3 مدن كويسين
القاهرة الجديدة كويسة مساحة اصغر وهتدفع اقساط ...زيها في العبور نفس المساحة وتدفع 70ج قسط وهتزود علي الفلوس 5 الاف جنيه مثلا.
الشروق كويسة شديدة الهدوء جدا رحتها من حوالى شهر زي ما هي لما رحتها من 2004 مش شايف اي تغيير..الشقة المعروضة فيها مساحتها وسعرها كويسين لو المنطقة كويسة.
العبور اقرب مدينة لمصر الجديدة ولو فيه مشكلة في طريق مصر الأسماعيلية محلولة بالسير عبر طريق بلبيس القاهرة ومدينة السلام في عز الزحمة هتلاقي نفسك في موقف العاشر من العبور في ربع ساعة وكذلك في الرجوع من جوزيق تيتو تدخل طريق الهايكستب وتطلع من موقف العاشر والطريق بعد كده سالك.
بس تأكد ان الشقة قسط 400ج مش 1100ج لأن ال100م اسكان شباب فيها 3 انظمة تقسيط ب1100 و 350ج تقريبا و 100ج تقريبا.

نشكرك حضرتك على الاختصار الجامد
الحتة بتاعت جوزيف تيتو و بعدين طريق الهايكستب امتى اكسر شمال علشان ارجع لطريق الاسماعيلية تانى؟؟

يا ريت تجاوب بسرعة علشان مش فاضى

[Fadi Ezzat]

العبووووووووووووووور طبعا هايلة ومستقبلها هايل

[askoda]

Interested to Follow up

[khaled_yassin]

اسمع منى الخلاصة يا صديقى
سعر التجمع غالى اوى وعلى الفاضى الدنيا لسة قدمها بتاع 5 سنين على ما تقول يا عمار وكمان الدور الاخير دة تبعد عنوا بالمشوار
الشروق انا كل يوم بعدى عليها رايح جاى من 4 سنين ولحد دلوقتى ما فيهاش اى جديد خالص نفس المبانى الفاضيه والفيللات والشقق المهجورة ومش عارف الناس بتشترلى وترميها ولا ايه
العبور هى عروسة المدن الجديدة اكترهم خدمات ومنطقة كبيرة جدا وفيهاا حياه واقرب مكان لشغل حضرتك وموضوع المصانع والعمال بعاد عن المناطق السكنيه يعنى انت فى وادى وهما فى وادى تانى

[محمد محمد]

نشكرك حضرتك على الاختصار الجامد
الحتة بتاعت جوزيف تيتو و بعدين طريق الهايكستب امتى اكسر شمال علشان ارجع لطريق الاسماعيلية تانى؟؟

يا ريت تجاوب بسرعة علشان مش فاضى

هههههههههههههههههههههههههه ده ايه الطمع ده
هتخش شمال من مدينة الهايكستب هتلاقي علي شمالك موقف اتوبيسات الهايكستب هتخش تمشي علي طول وفيه دخلة شمال وبعد كده يمين حتة صغيرة وتمشي علي طول هتعدي علي شريط القطر هتلاقي نفسك في موقف العاشر هتخرج منه هتلاقي طريق مصر الأسماعيلية...بس كده .

[محمد محمد]

اللى عايز معلومات عن مدينة العبور يخش الموضوع ده انا شغال في الشركة دي

http://www.nilemotors.net/Nile/229557-2011.html

[eng/muhamad]

العبووووووووووووووور طبعا هايلة ومستقبلها هايل

للاسف الشديد العبور هتبقى شعبية جدا بعد ما دخل فيها التوك توك

[محمد محمد]

للاسف الشديد العبور هتبقى شعبية جدا بعد ما دخل فيها التوك توك

العبور لأنها مدينة كبيرة فيه احياء مينفعش فيها غير مواصلة خاصة فطبعا علشان مافيش تاكسي فالتوكتوك هو الحل .