الشروق ولا العبور ولا التجمع الخامس ؟

[محمد محمد]

للأسف موضوع التوكتوك دة وباء ومنتشر فى المدينة
عندى الحى التانى فية تكاتك وياريت جت على شكلهم وبس لأ كفاية صوت الكاسيت والاغانى اللى مشغلينها

عيوب العبور
- قلة اهتمام جهاز المدينة بالنظافة ( المدينة نضيفة بس مش زى الاول زمان كانت الرقابة اكتر )
- شوارع المدينة اتبهدلت بعد توصيل الغاز وتوصيل وصلات مية مستقلة للفيلات علشان الحدائق ( محتاجة كلها تتسفلت تانى من اول وجديد بدل شغل الترقيع اللى زى قلتة )
- طبعا مشكلة التوكتوك ( انا عارف انة مش حكر على العبور ) بس بجد اختراع يقرف ولازم جهاز المدينة يشوفلة حل ويتمنع نهائيا ويتم استبدالة بالميكرباصات السوزوكى حتى كأرخص وسيلة مواصلات بعد التوكتوك وشكلها محترم , على الاقل يوم مايعمل مصيبة هيتجاب واللى هيسوقة هيبقى معاة رخصة مش طفل بيسوق
- طبعا طريق الاسماعيلية وموقف العاشر والسندباد مأساة كبيرة جدا لدرجة لنى ساعات بروح الف من الشروق لطريق السويس اسهل ( بالمناسبة مشروع طريق الاسماعيلية بدأ تقريبا مع مشروع طريق السويس ان مكانش قبلة , طريق السويس خلص وابتدا يتبهدل وطريق الاسماعيلية محلك سر يادوب خلصوا فردة من كوبرى موقف العاشر !!!!!! )


حل مشكلة طريق الاسماعيلية سهلة وممكنة ومفهاش اى تعقيد بس حكومتنا اللى كانت متخلفة
1- وجود مطالع للدائرى فى كل الاتجاهات ( تقاطع حر ) زى اللى على طريق السويس مش كوبرى متخلف لا هيقدم ولا يأخر
2- نقل موقف العاشر كليا من المكان دة ويبقى بعيد عن الطريق ولية مدخل خاص ( مفيش موقف على مدخل العاصمة !!!!)
3- العمل على ايجاد حل للكنافة اللى عند السندباد
4- محاولة توسيع الطريق وخصوصا فى الحتة من عند العبور الى شارع جوزيف تيتو ( ماشاء الله الصحرا كتير والجزيرة اللى فى النص عريضة )

مافيه حلول تانية الخروج لموقف العاشر من العبور عبر طريق بلبيس ومدينة السلام في 15 دقيقة بالظبط هتلاقي نفسك عند موقف العاشر وسيبك من طريق الأسماعيلية القاهرة خالص.
والرجوع في وقت الذروة من طريق الهايكستب والخروج من موقف العاشر وطريق جوزيف تيتو في اي وقت بيبقي رايق في الرجوع للعبور.

[kar!m]

للأسف موضوع التوكتوك دة وباء ومنتشر فى المدينة
عندى الحى التانى فية تكاتك وياريت جت على شكلهم وبس لأ كفاية صوت الكاسيت والاغانى اللى مشغلينها

عيوب العبور
- قلة اهتمام جهاز المدينة بالنظافة ( المدينة نضيفة بس مش زى الاول زمان كانت الرقابة اكتر )
- شوارع المدينة اتبهدلت بعد توصيل الغاز وتوصيل وصلات مية مستقلة للفيلات علشان الحدائق ( محتاجة كلها تتسفلت تانى من اول وجديد بدل شغل الترقيع اللى زى قلتة )
- طبعا مشكلة التوكتوك ( انا عارف انة مش حكر على العبور ) بس بجد اختراع يقرف ولازم جهاز المدينة يشوفلة حل ويتمنع نهائيا ويتم استبدالة بالميكرباصات السوزوكى حتى كأرخص وسيلة مواصلات بعد التوكتوك وشكلها محترم , على الاقل يوم مايعمل مصيبة هيتجاب واللى هيسوقة هيبقى معاة رخصة مش طفل بيسوق
- طبعا طريق الاسماعيلية وموقف العاشر والسندباد مأساة كبيرة جدا لدرجة لنى ساعات بروح الف من الشروق لطريق السويس اسهل ( بالمناسبة مشروع طريق الاسماعيلية بدأ تقريبا مع مشروع طريق السويس ان مكانش قبلة , طريق السويس خلص وابتدا يتبهدل وطريق الاسماعيلية محلك سر يادوب خلصوا فردة من كوبرى موقف العاشر !!!!!! )


حل مشكلة طريق الاسماعيلية سهلة وممكنة ومفهاش اى تعقيد بس حكومتنا اللى كانت متخلفة
1- وجود مطالع للدائرى فى كل الاتجاهات ( تقاطع حر ) زى اللى على طريق السويس مش كوبرى متخلف لا هيقدم ولا يأخر
2- نقل موقف العاشر كليا من المكان دة ويبقى بعيد عن الطريق ولية مدخل خاص ( مفيش موقف على مدخل العاصمة !!!!)
3- العمل على ايجاد حل للكنافة اللى عند السندباد
4- محاولة توسيع الطريق وخصوصا فى الحتة من عند العبور الى شارع جوزيف تيتو ( ماشاء الله الصحرا كتير والجزيرة اللى فى النص عريضة )

ياخى المهندس مهندس برضه

[ENG\AHMED]

مافيه حلول تانية الخروج لموقف العاشر من العبور عبر طريق بلبيس ومدينة السلام في 15 دقيقة بالظبط هتلاقي نفسك عند موقف العاشر وسيبك من طريق الأسماعيلية القاهرة خالص.

والرجوع في وقت الذروة من طريق الهايكستب والخروج من موقف العاشر وطريق جوزيف تيتو في اي وقت بيبقي رايق في الرجوع للعبور.

عارف الطريقين للأسف

- طريق بلبيس ثم يمين مدينة السلام من اودام ماكرو ( الله يرحمة) وبعد كدة ياما تطلع طريق اسماعيلية من عند الدائرى او تكمل على طول وتدخل الحرفيين ومنها على جسر السويس
- مدينة السلام الشارع مكسر واوقات بيبقى واقف وهتتعامل مع عقليات عجيبة من سواقين الميكروباصات واللذى منة
- هتطلع طريق اسماعيلية هتلاقى اودامك مطلع كوبرى الحرفيين واقف نتيجة ان مدخل الحرفيين واقف ولما تعدى الحتة دى كلها هتلاقى جوزيف تيتو تقريبا كلة واقف نتيجة الشخص العبقرى اللى صمم الحتة اللى عند الكلية الحربية
- الحمد لله هنعدى دة كلة هندخل على المرحلة الاخيرة ياما تدخل صلاح سالم واللى غالبا واقف او تدخل من تحت كوبرى المطار ( عنق الزجاجة) على شيراتون ومدينة نصر

الحمد لله وصلنا :)


طيب نروح بقى
طريق الهايكستب ماشاء الله طريق فردى اوقات الذروة هتلاقى الاتجاهين واقفين فى وش بعض ومفيش مانع انك تبقى ماشى وتلاقى نص نقل بينط فى وشك علشان يعدى اللى اودامة وعلشان تفادية ياتقف لو فى مسافة او تنط فوق التراب برة الطريق علشان ميخبطكش

ياباشا انا شغلى فى المطار يعنى رايح جاى على الطريق دة لما ورمت لدرجة انى اوقات بلف من الشروق لو نازل بعد العصر , اطول بس ارحم !!
من العبور لمصر الجديدة بالكتير نص ساعة بسبب الهبل دة اوقات بتبقى بالميت ساعة ان مكانش اكتر

[ENG\AHMED]

بالمناسبة انا سامع ان فى محاولات وقضية مرفوعة علشان العبور تبقى تبع القاهرة بدل القليوبية

[alaasaid]

العبور لازم يعملوا ليها طريق بحيث تتربط مع طريق السويس او الدائرى مباشرة بدل طريق الاسماعيلية و زحمته الرخمة جدا

[ENG\AHMED]

العبور لازم يعملوا ليها طريق بحيث تتربط مع طريق السويس او الدائرى مباشرة بدل طريق الاسماعيلية و زحمته الرخمة جدا

تتربط بطريق السويس مباشرة صعبة جدا
تتربط بالدائرى وتروح منة للمكان اللى انت عايزة سهلة جدا بس اللى يفكر بقى !!

[خالد]

العبور لازم يعملوا ليها طريق بحيث تتربط مع طريق السويس او الدائرى مباشرة بدل طريق الاسماعيلية و زحمته الرخمة جدا

فعلاً أكتر سبب مخلينى ماروحش أسكن فى العبور هو الطريق وقرفه
ربنا يصلح لنا الأحوال

[mada_76]

السلام عليكم
اولا ربنا يوفقك في اللى فيه الخير ليك ولاسرتك
ثانيا احب اقولك راي المتواضع
انا برجح كفة القاهرة الجديدة طبعا
اولا اقرب للقاهرة والطريق فاضي دائما وهو ال na او طريق الحي العاشر في ظرف خمس دقايق بالظبط تبقى في القاهرة الجديدة .
ثانيا مدينة متكاملة من كل شيء بلا استثناء . ارقى مدارس في مصر ونوادي و مستشفيات وبعدين بينك وبين الرحاب دقيقتين وبينك وبين مدينة نصر 10 دقايق .
ثالثا 80% من المباني عبارة عن فلل ومنتجعات والباقي اسكان شباب ( انا ساكن في اسكان الشباب )
رابعا جهاز المدينة شغال بضمير والشوارع نضيفة والخدمات شغالة بصورة منتظمة زي غسيل العمارات وري الاشجار وعربية الناموس كمان شغالة كل يومين مثلا . وركبوا اشارات مرور في الشوارع وشغالة بالعداد وعايز اقولك ان الناس بتقف لو الاشارة حمرا حتى لو الشارع فاضي وده بيدل على رقي الناس اللى ساكنة فيها .( باستثناء طبعا تصرفات البعض زي الميكروباصات وبعض العشوائيين اللى ساكنين في مساكن القطامية ودول مش جنبنا مباشرة يعني هما في جنب واحنا في جنب .
خامسا الخدمات التجارية متاح فيها كل الاسماء الكبيرة زي سوبر ماركت سعودي ومترو وكارفور ومحطات البنزين وكل المطاعم والكافيهات وفي حوالي 3 مولات شغالة بكامل طاقتها وسينما نضيفة ( فيوتشر مول اسكان الشباب ) .

سادسا الامان وده شيء مطلوب الايام دي والحمد لله احنا عندنا الجيش مازال موجود وبيعمل دوريات بليل ودائما عربية الجيش واقفة عند مرتفعات القطامية وفي تواجد للشرطة في صورة لجان مرور لكن مش بصورة مكثفة اوي .

بالنسبة للسعر اللى انت لقيته فهو سعر مش بطال لان اسعار الشقق في العمارة اللى انا ساكن فيها عاملة 170 الف ( 70 متر ) وفي مساحات تانية زي 100 متر 135 متر .
بس على حسب المبلغ اللى معاك بقى تقدر تحدد
ربنا يوفقك ولو عايز اي حاجة انا تحت امرك انا ساكن امام مستشفى القاهرة الجديدة مباشرة وتحت العمارة عندنا في مكتب عقارات لو تحب اخليهم يبحثولك عن شقة انا تحت امرك .

[خالد]

السلام عليكم
اولا ربنا يوفقك في اللى فيه الخير ليك ولاسرتك
ثانيا احب اقولك راي المتواضع
انا برجح كفة القاهرة الجديدة طبعا
اولا اقرب للقاهرة والطريق فاضي دائما وهو ال na او طريق الحي العاشر في ظرف خمس دقايق بالظبط تبقى في القاهرة الجديدة .
ثانيا مدينة متكاملة من كل شيء بلا استثناء . ارقى مدارس في مصر ونوادي و مستشفيات وبعدين بينك وبين الرحاب دقيقتين وبينك وبين مدينة نصر 10 دقايق .
ثالثا 80% من المباني عبارة عن فلل ومنتجعات والباقي اسكان شباب ( انا ساكن في اسكان الشباب )
رابعا جهاز المدينة شغال بضمير والشوارع نضيفة والخدمات شغالة بصورة منتظمة زي غسيل العمارات وري الاشجار وعربية الناموس كمان شغالة كل يومين مثلا . وركبوا اشارات مرور في الشوارع وشغالة بالعداد وعايز اقولك ان الناس بتقف لو الاشارة حمرا حتى لو الشارع فاضي وده بيدل على رقي الناس اللى ساكنة فيها .( باستثناء طبعا تصرفات البعض زي الميكروباصات وبعض العشوائيين اللى ساكنين في مساكن القطامية ودول مش جنبنا مباشرة يعني هما في جنب واحنا في جنب .
خامسا الخدمات التجارية متاح فيها كل الاسماء الكبيرة زي سوبر ماركت سعودي ومترو وكارفور ومحطات البنزين وكل المطاعم والكافيهات وفي حوالي 3 مولات شغالة بكامل طاقتها وسينما نضيفة ( فيوتشر مول اسكان الشباب ) .

سادسا الامان وده شيء مطلوب الايام دي والحمد لله احنا عندنا الجيش مازال موجود وبيعمل دوريات بليل ودائما عربية الجيش واقفة عند مرتفعات القطامية وفي تواجد للشرطة في صورة لجان مرور لكن مش بصورة مكثفة اوي .

بالنسبة للسعر اللى انت لقيته فهو سعر مش بطال لان اسعار الشقق في العمارة اللى انا ساكن فيها عاملة 170 الف ( 70 متر ) وفي مساحات تانية زي 100 متر 135 متر .
بس على حسب المبلغ اللى معاك بقى تقدر تحدد
ربنا يوفقك ولو عايز اي حاجة انا تحت امرك انا ساكن امام مستشفى القاهرة الجديدة مباشرة وتحت العمارة عندنا في مكتب عقارات لو تحب اخليهم يبحثولك عن شقة انا تحت امرك .

ربنا يبارك فيك ويجزيك عنا خير الجزاء
القاهرة الجديدة فعلاً رائعة وأنا عشقتها من أول مرة ولفيت كتير فى المدن الجديدة ولكن غرام القاهرة الجديدة أقوى !
ياريت فعلاً تسألى المكتب اللى عندك فى العمارة ويكونوا ناس أمناء وكويسين لحسن قابلت ناس كتير مش أمناء وبيحاول يدبسك فى أى حاجة وخلاص المهم عمولته
وماتعرفش موضوع التحويل للمدارس سهل ولا صعب ، أنا أولادى فى مدارس تجريبى ثالثة ورابعة أبتدائى هل سهل أحولهم ولا لأ ؟
معلش هتعبك معايا شوية ، بس هدعيلك بظهر الغيب وإن شاء الله يكون فى ميزان حسناتك
ربنا يباركلك ويرزقك من حيث لاتعلم ولاتحتسب

[mada_76]

ربنا يبارك فيك ويجزيك عنا خير الجزاء
القاهرة الجديدة فعلاً رائعة وأنا عشقتها من أول مرة ولفيت كتير فى المدن الجديدة ولكن غرام القاهرة الجديدة أقوى !
ياريت فعلاً تسألى المكتب اللى عندك فى العمارة ويكونوا ناس أمناء وكويسين لحسن قابلت ناس كتير مش أمناء وبيحاول يدبسك فى أى حاجة وخلاص المهم عمولته
وماتعرفش موضوع التحويل للمدارس سهل ولا صعب ، أنا أولادى فى مدارس تجريبى ثالثة ورابعة أبتدائى هل سهل أحولهم ولا لأ ؟
معلش هتعبك معايا شوية ، بس هدعيلك بظهر الغيب وإن شاء الله يكون فى ميزان حسناتك
ربنا يباركلك ويرزقك من حيث لاتعلم ولاتحتسب

ممكن تبعتلي رقم تليفونك على الخاص وانا هاخاليهم يتابعوا معاك . هي اسمها الشركة الالمانية .
انا معرفش اذا كانوا امناء ولا مش امناء , بصراحة انا ماتعاملتش معاهم واكيد هما يهمهم العمولة لان دي شغلتهم . لكن خلينا نجرب ومش هانخسر حاجة لانك مش هاتدفع مليم غير لما يعجبك حاجة .
موضوع المدارس بصراحة معنديش فكرة عنه للاسف.

[خالد]

ممكن تبعتلي رقم تليفونك على الخاص وانا هاخاليهم يتابعوا معاك . هي اسمها الشركة الالمانية .
انا معرفش اذا كانوا امناء ولا مش امناء , بصراحة انا ماتعاملتش معاهم واكيد هما يهمهم العمولة لان دي شغلتهم . لكن خلينا نجرب ومش هانخسر حاجة لانك مش هاتدفع مليم غير لما يعجبك حاجة .
موضوع المدارس بصراحة معنديش فكرة عنه للاسف.

الألمانية دى اللى فى المحلية التالتة المنطقة الرابعة
لأن دول تقريباً اللى أتكلمت معاهم أمبارح !!

[mada_76]

الألمانية دى اللى فى المحلية التالتة المنطقة الرابعة
لأن دول تقريباً اللى أتكلمت معاهم أمبارح !!

بالظبط هما دول .

[خالد]

أسعارهم عالية شوية !!!
طبعاً يهمهم البيع بسعرعالى علشان العمولة بتاعتهم بتزيد !!!
ماأستريحتش فى الكلام معاهم أمبارح !!

[mada_76]

أسعارهم عالية شوية !!!
طبعاً يهمهم البيع بسعرعالى علشان العمولة بتاعتهم بتزيد !!!
ماأستريحتش فى الكلام معاهم أمبارح !!

انا زي ماقلتلك ماتعملتش معاهم قبل كده .
على العموم لو وقع قدامي حاجة هاحاول ابلغك .
وربنا يقدم مافيه الخير

[greenday]

انصح حضرتك انك تبعد نهائيا عن مكاتب العقارات لانهم بيرفعوا من سعر الشقق بشكل كبير يعنى ممكن صاحب الشقة يكون عايز يبيع بسعر اقل من اللى هما عارضينه عليك وده طبعا عشان يزودوا عمولتهم قد ما يقدروا