الشروق ولا العبور ولا التجمع الخامس ؟

[dolly13]

مساء الخير
العبور هى اكثر مدينة حية فى الثلاث مدن التى تم ذكرها لما فيها من تنوع فى البيئات ومستويات السكن الاجتماعية
فهى مدينة سكنية زراعية صناعية وده ميزة مش عيب واللى ساكن فيها بيحس بالميزة دى جدا
فيها جميع طبقات المجتمع وده بيخليها مدينة متكاملة الخدمات
بالنسبة لموضوع التوكتوك فهو منتشر فى المكان الشعبى الوحيد فى المدينة فى الحى الاول منطقة المساكن وفى الشباب ولكنه لا يمثل مشكلة لان الشوارع واسعة وممنوع خروجه على الطرق الرئيسية الا طبعا بعد الثورة كان فيه شوية استهتار لكن جهاز المدينة رجع كل شئ الى ماقبل الثورة
ولازم حضرتك تيجى العبور بنفسك وتشوف وتلف فيها كلها عشان تتاكد من الكلام ده وصدقنى هاتحبها من اول مرة
ربنا يوفقك للاختيار السليم

[elrasy]

للاسف الشديد العبور هتبقى شعبية جدا بعد ما دخل فيها التوك توك

كنت فى 6 اكتوبر قريب ولقيت بردة التوكتوك وفى اماكن حيوية كمان

[خالد]

جزاكم الله خير ياأخوان
بس ياريت تدلونى على أحسن الأماكن فى المدينة منطقة هادية وشيك ؟
يعنى أدور فين بالظبط ، علشان ناوى أروح أتفرج بس طبعاً مش ممكن هاأكتشف من أول أو تانى زيارة
ياريت تدلونى وربنا يجازيكم عنى خيراً

[dolly13]

حضرتك لازم تقول عايزها كام متر والثمن التقريبى اللى حضرتك محدده للشقة واكيد هاتلاقى طلبك لانها فيها كل المستويات والمساحات

[خالد]

حضرتك لازم تقول عايزها كام متر والثمن التقريبى اللى حضرتك محدده للشقة واكيد هاتلاقى طلبك لانها فيها كل المستويات والمساحات

من 85- 100 متر
بسعر 85 - 100 ألف جنيه

[MOUSTAFA_SAAD]

نصيحة ابعد عن الدورالالاخير

[خالد]

فعلاً الكل حذرنى من الدور الأخير
ربنا يبارك فيكم جميعاً والله أنا ماعارف أشكركم أزاى على النصائح والأراء الهايلة لكم جميعاً
فاضل سؤال معلش أستحملونى أيه أحسن مكان هناك
وأمكانياتى لغاية 100 ألف مش مهم المساحة حتى لو صغيرة بس مكان هادى وشيك وحلو بس طبعاً لغاية 100ألف بس وربنا يكرمن جميعاً

[ramy87]

رأيي خليك في القاهرة الجديدة

[خالد]

رأيي خليك في القاهرة الجديدة

ليه ؟ ياريت حضرتك توضحلنا ليه تفضل القاهرة الجديدة عن العبور ؟

[elfashne2010]

انا ساكن في الشروق منذ حوالي اربع سنوات ولو شقة الشروق بالسعر ده زى ما بتقول تبقى فرصة اوى تضيعها خدها ومستعد اجبلك فيها سعر اكتر من كده بكتييييير ولو كحتاج اى حاجة في الشروق ممكن تتصل بيا 0140602978

[hugan]

انا ساكن في الشروق منذ حوالي اربع سنوات ولو شقة الشروق بالسعر ده زى ما بتقول تبقى فرصة اوى تضيعها خدها ومستعد اجبلك فيها سعر اكتر من كده بكتييييير ولو كحتاج اى حاجة في الشروق ممكن تتصل بيا 0140602978

+111111111111111111
تقريبا الاسعار ممتازه لو هي فعلا كده
لاني شاري شقه في الشباب 70 متر
عليها 525 جنيه وشاريها ب 78000

[MaZaGAngeE]

الشروق اهدى مدينة فيهم و اروقهم
و كمان امان جدا حتى ايام الثورة كانت هادية جدا

[alynubira]

انا من بنى سويف وماعرفش حاجه عن المدن الثلاثه بس نصيحه اخ فعلا
ابعد عن الدور الاخييييييييييييير
انا بتعذب منه جداااااااااااا

[fineart607]

ليه مش بتفكر فى العاشر من رمضان انا فيها من 1985 ودلوقتى بها كل الخدمات احسن من الشروق والعبور والتجمع وكمان بها كل المستويات واتنوع الأسعار وكل حاجه ربنا يوفقك ان شاء الله

[hugan]

ليه مش بتفكر فى العاشر من رمضان انا فيها من 1985 ودلوقتى بها كل الخدمات احسن من الشروق والعبور والتجمع وكمان بها كل المستويات واتنوع الأسعار وكل حاجه ربنا يوفقك ان شاء الله

حضرتك ساكن وشغال في العاشر
ولا شغلك في مكان تاني
لاني عند بيت هناك والاولاد عايزني انقل لكن شغلي كله في القاهره واكتوبر ومستبعد المسافه
راي حضرتك ايه
عادي يعني المشوار يكون مشوار يومي