ايه اكتر مكان روحته كفسحه وعجبك

[MOUSTAFA_SAAD]

السلام عليكم ورحمة الله وبركاته

الموضوع ده عامله علشان نحط فيه خبراتنا عن الاماكن اللى ممكن الواحد يروح يتفسح فيها وايه النصايح اللى ممكن نقدمها لبعض

انا للاسف من هواة الجلوس فى البيت برجع من الشغل ياما ادام الكومبيوتر ياما ادام التليفزيون ماسك ريموت الدش وعمال احول كل كام ثانيه الف على القنوات الموجوده كلها لا بعرف اشوف حاجه معينه واثبت عليها ولا باخلى اللى معايا يشوف حاجه لدرجة ان والدى واختى بيزهقوا منى وبيحاولوا يسيبولى البيت ويخرجوا


بس بعد لما العربيه جت بحاول اغير النظام ده بصراحه واحسن مكان روحته من شهر وعجبنى جدا كان افريكانو بارك اللى على الطريق الصحراوى قريبه من كارتة اسكندريه وقرية الاسد العيب الوحيد الجو حر جدا وانا مش باستحمل الحر خالص وبسيح واتفرهد على الاخر

غير كده مكان تحفه فعلا خاصة لمحبى الحيوانات زىى حتلاقى متعه كبيره جدا فى التعامل مع عدة انواع من الحيوانات عن قرب وتاكلها وتلمسها براحتك وكل واحد وشجاعته

ورغم حبى للحيوانات خفت ااكل اى حد فيهم ماعدا الحصان السيسى طيب جدا ودمه زى العسل وبعد لما اكلته بايدى ملقيتش ليه اى ريحه نفس وحشه على ايديا خاصة ان انا بقرف من التعامل باللمس

سعر تذكرة الدخول كامله للعربيه باللى فيها 250 جنيه ايا كان عدد الافراد
انصح بهذا المكان وخاصة لو معاك كاميرا تصور الصور الرائعه اللى فيه ويفضل عدم الذهاب خلال الاشهر 6,7,8 علشان حرارة الجو الفظيعه

مستنى خبراتكم عن بعض الاماكن اللى زورتوها

[wa7d]

علي فكرة انا زيك بيتي جدا ومش بحب الخروج , بس احسن خروجة كانت قريبة رحت قرية ريفية زيارة , كان الجو رائع جدا والخضرة جميلة والطيور والهدووووووووووووووووووووووووووووووء يااااااااااااااااااااااااااااه كنت حاسس اني قاعد مرتاح وبصراحة مكنتش عايز اروح

[MOUSTAFA_SAAD]

كويس ان فيه ناس زىى انت كده طمنتنى احسن اصحابى بيقولوا عليا معقد

[hobby10]

موضوع جميل وفعلا مهتمة جدااا

[MOUSTAFA_SAAD]

موضوع جميل وفعلا مهتمة جدااا

طب ماتقوليلنا على مكان روحتيه قبل كده حتى لو مصيف معين

[misoalex]

الغردقه

ونفسى اروح هناك قريب بس صعب جدا الايام دى

[MOUSTAFA_SAAD]

الغردقه

ونفسى اروح هناك قريب بس صعب جدا الايام دى

فين فى الغردقه بالظبط والاسعار ايه

[tarekomar66]

انا بعشق مرسى مطروح هوه المكان بعيد شويه بس يستاهل انك تروحه لدرجه انى من كام سنه ماكانش عندى فرصه غير الخميس بعد الشغل حتى فجر الاحد والعوده على الشغل
الاسعار متفاوته بتبتدى من 150 فى اليوم حتى 800 ج فى اليوم والكلام بالنسبه للشقق وحسب موقعها وبحرى او قبلى او ترى البحر وفيها تكيفات ولا لأ وطبعا

[misoalex]

بص انا روحت حتت كتير
والغردقه الميزه فيها انها مش زى شرم لا دى مدينه زى اسكندريه او مطروح كده والشواطئ بتدخلها ببصات او تذاكر

وفيه على حسب ميزانيتك فيه شواطئ ب 70 جنيه واكتر
وفيه شؤاطئ ب 10 جنيه تقريبا

ودى فيها اجانب ودى فيها اجانب بس الفرق فى المستوى طبعا والهدوء وغيره

بس فيه فندق رخيص ومكانه جميل جدا

اسمه فندق فلوباتير

مكانه فى وش اتوبيس الجونه على طول وطبعا مطل على شارع عمومى كبير جدا فى الغردقه وجنبه كل حاجه قريبه منه سواء حتمشى او حتركب مواصلات

هو الليله فيه كانت ب 90 جنيه تقريبا وكانت غرفه دابل ليا وللمدام ودلوقتى ارخص اكيد لان الجو هناك هادى دلوقتى


وطبعا فيها اماكن زى شيرى والممشى ودى مليانه بازرات وديسكوهات وكافتريات ومطاعم وكل حاجه انت عاوزها

هناك لو عاوز تاكل سندوتش فول وكوبايه شاى وتدفع 5 جنيه حتلاقى ولو عاوز تاكل كافيار واستاكوزا وتدفع 1000 جنيه حتلاقى

على عكس شرم كلها اسعار سياحيه ونظام قرى وشواطئ تبع القرى غاليه جدا
او لازم تبقى نزيل فى القريه عشان تدخل الشاطئ

الخلاصه الغردقه تجمع بين شرم ومطروح يعنى كأنك فى مطروح بس روحت شرم هههههههههه

بس هى مشتى اكتر من انها مصيف
درجه الحراره فى الصيف بتوصل الظهر ل 40
فى الشتاء هناك كنت بنزل البحر عادى جدا فى شهر 2 اللى الناس هنا بتبقى لابسه جلد وصوف ههههههههههه

[MOUSTAFA_SAAD]

انا بعشق مرسى مطروح هوه المكان بعيد شويه بس يستاهل انك تروحه لدرجه انى من كام سنه ماكانش عندى فرصه غير الخميس بعد الشغل حتى فجر الاحد والعوده على الشغل
الاسعار متفاوته بتبتدى من 150 فى اليوم حتى 800 ج فى اليوم والكلام بالنسبه للشقق وحسب موقعها وبحرى او قبلى او ترى البحر وفيها تكيفات ولا لأ وطبعا

شكرا على المشاركه ياباشا

بص انا روحت حتت كتير
والغردقه الميزه فيها انها مش زى شرم لا دى مدينه زى اسكندريه او مطروح كده والشواطئ بتدخلها ببصات او تذاكر

وفيه على حسب ميزانيتك فيه شواطئ ب 70 جنيه واكتر
وفيه شؤاطئ ب 10 جنيه تقريبا

ودى فيها اجانب ودى فيها اجانب بس الفرق فى المستوى طبعا والهدوء وغيره

بس فيه فندق رخيص ومكانه جميل جدا

اسمه فندق فلوباتير

مكانه فى وش اتوبيس الجونه على طول وطبعا مطل على شارع عمومى كبير جدا فى الغردقه وجنبه كل حاجه قريبه منه سواء حتمشى او حتركب مواصلات

هو الليله فيه كانت ب 90 جنيه تقريبا وكانت غرفه دابل ليا وللمدام ودلوقتى ارخص اكيد لان الجو هناك هادى دلوقتى


وطبعا فيها اماكن زى شيرى والممشى ودى مليانه بازرات وديسكوهات وكافتريات ومطاعم وكل حاجه انت عاوزها

هناك لو عاوز تاكل سندوتش فول وكوبايه شاى وتدفع 5 جنيه حتلاقى ولو عاوز تاكل كافيار واستاكوزا وتدفع 1000 جنيه حتلاقى

على عكس شرم كلها اسعار سياحيه ونظام قرى وشواطئ تبع القرى غاليه جدا
او لازم تبقى نزيل فى القريه عشان تدخل الشاطئ

الخلاصه الغردقه تجمع بين شرم ومطروح يعنى كأنك فى مطروح بس روحت شرم هههههههههه

بس هى مشتى اكتر من انها مصيف
درجه الحراره فى الصيف بتوصل الظهر ل 40
فى الشتاء هناك كنت بنزل البحر عادى جدا فى شهر 2 اللى الناس هنا بتبقى لابسه جلد وصوف ههههههههههه

الف شكر على المعلومات
ممكن نمرة تليفون الفندق

[misoalex]

انا بعشق مرسى مطروح هوه المكان بعيد شويه بس يستاهل انك تروحه لدرجه انى من كام سنه ماكانش عندى فرصه غير الخميس بعد الشغل حتى فجر الاحد والعوده على الشغل
الاسعار متفاوته بتبتدى من 150 فى اليوم حتى 800 ج فى اليوم والكلام بالنسبه للشقق وحسب موقعها وبحرى او قبلى او ترى البحر وفيها تكيفات ولا لأ وطبعا

مشكله مطروح انها لمت اوى اوى اوى

دى غلبت اسكندريه ياراجل ده انا روحت هناك قابلت ناس اسكندرانيه مكنتش بشوفهم فى اسكندريه هههههههههه

عاوز تروح هناك تروح شهر 6 او 9 بس المشكله انه الجو فى التوقيت هناك بيبقى ساقع جدا

[misoalex]

ش النصر
الدهار, الغردقة
الهاتف:
065-3541104, 065-3541105

اللينكات دى فيها وصف لمكان الفندق ورقم التلفون
ظپظ†ط¯ظ‚ ظپظ„ظˆط¨ط§طھظٹط±, ط§ظ„ط¯ظ‡ط§ط±, ط§ظ„ط؛ط±ط¯ظ‚ط©, ظ…طµط± | ظپظ†ط§ط¯ظ‚ ظˆظ…ظ†طھط¬ط¹ط§طھ | Yellow.com.eg | ط´ ط§ظ„ظ†طµط±

[MOUSTAFA_SAAD]

شكرا misoalex

[ahmedbatoos]

مرسي مطروح . . . تحديدا شاطئ اسمة حشيش كان معايا نضارة بانبوب تنفس وكنت بدخل لشعب وجزر مش بعيدة تحت المية وكنت بتفرج علي سمك جميل جدا وملون . . والمية رائعة . . ودة الي حببني جدا d: عشت جو ناشيونال جيوجرافيك

قرية بلساحل الشمالي ناسي اسمها احلي شئ عاجبني ان وراك جبال رمل وقدامك البحر واقرب واحد ليك بعد كيلو متر !!!! فا قاعد براحتك لو معاك العيلة او غيرة ان شاء الله لو تحفر نفق تحت المية محدش هيبقي شايفك

d: حاجة بعيدة شوية المدينة المنورة راااااااااائع واكتر مكان ارتحت فية وانا بعمل عمرة ايام ثانوي ربنا يكتبهالي تاني



بلمناسبة انا رحت شرم والغردقة . . . والبحر الاحمر . . معجبونييييييش خالص بخلاف المناظر الضايعة والسيئات الي مش هتلاقي اشولة تعبي فيها المية وحشة جدا مالحة جدا وسيئة معجبتنيش ابدا مطروح احسن كتييييير والسكة اقرب كتتتتتتتتتتتتتتتتتتتتتتتتتتتتتتتتتتير . . انا من اسكندرية

[shadygalal669]

طب سؤال هي مطروح ع بعد العيد كدا هتبقي اسعارها ايه تقريبا ؟
و هل هتبقي برد فعلا ؟