ايه اكتر مكان روحته كفسحه وعجبك

[zago]

انا اكتر مكان بحبه
ودايما بروحه
ومبزهقش منه
المطبخ
فيه كل حاجه
واكل وشرب كمان

بس لو مصر يعني ....

اسماعيليه

[MOUSTAFA_SAAD]

مرسي مطروح . . . تحديدا شاطئ اسمة حشيش كان معايا نضارة بانبوب تنفس وكنت بدخل لشعب وجزر مش بعيدة تحت المية وكنت بتفرج علي سمك جميل جدا وملون . . والمية رائعة . . ودة الي حببني جدا d: عشت جو ناشيونال جيوجرافيك

قرية بلساحل الشمالي ناسي اسمها احلي شئ عاجبني ان وراك جبال رمل وقدامك البحر واقرب واحد ليك بعد كيلو متر !!!! فا قاعد براحتك لو معاك العيلة او غيرة ان شاء الله لو تحفر نفق تحت المية محدش هيبقي شايفك

d: حاجة بعيدة شوية المدينة المنورة راااااااااائع واكتر مكان ارتحت فية وانا بعمل عمرة ايام ثانوي ربنا يكتبهالي تاني



بلمناسبة انا رحت شرم والغردقة . . . والبحر الاحمر . . معجبونييييييش خالص بخلاف المناظر الضايعة والسيئات الي مش هتلاقي اشولة تعبي فيها المية وحشة جدا مالحة جدا وسيئة معجبتنيش ابدا مطروح احسن كتييييير والسكة اقرب كتتتتتتتتتتتتتتتتتتتتتتتتتتتتتتتتتتير . . انا من اسكندرية

شكرا على المشاركه

طب سؤال هي مطروح ع بعد العيد كدا هتبقي اسعارها ايه تقريبا ؟
و هل هتبقي برد فعلا ؟

شهر 9 فى مصر مبقاش برد واكيد الاسعار حتكون ارخص والبلد رايقه

انا اكتر مكان بحبه
ودايما بروحه
ومبزهقش منه
المطبخ
فيه كل حاجه
واكل وشرب كمان

بس لو مصر يعني ....

اسماعيليه

ههههههههههههههههههههه
ده بقى اكتر مكان بكرهه خصوصا لما اقف اطبخ فيه فى عز الحر

[Ghosts]

موضوع كويس أوى يا أستاذ مصطفى ....
وهيساعدنا أننا نعرف أماكن منعرفهاش ....
بصراحة بلدنا بقى صعب أوى الخروج فيها ....
عشان كدة أنا بفضل أوى البقاء فى البيت وبعتبر دة أحسن خروجة ....
أتجننت مرة ورحت حديقة الأزهر يا لهوااااااااااااااااااااااااااااااااااااااااااااااى ....
على قد ماهى نضيفة أوى على قد ما البشر اللى فيها بيئة جدآ ....
يا دوبك قعدت ربع ساعة وبعدين جريييييييييييييييييييييييييييييت على بيتنا ....

[أبو إياد]

ياااااااااااااااااه فكرتنى بايام حلوه اوى يا ميسو قضتها فى الغردقه شيرى والممشى وزبرجد والدهار وشارع المدارس وشيراتون فعلا الغردقه جميله جدا بس اهم حاجه هى الاموال علشان تقدر تستمتع فيها

[gebreel]

يا اهلا يا اهلا الحمد لله اني لقيت حد زيي يا مصطفى =)

قلي بقى افريكانو فين علشان بنت اختي سنتين و شوية و اتجننت لما وديتها جنينة الحيوانات الحقيرة بتاعة الجيزة فعاوز اوديها حاجة نضيفة هي قريبة من بوابات القاهرة ولا اسكندرية و عربيتنا تنفع جوة ولا هلاقي قرد عمال يتنطط فوق المراية و ابقى مش قادر انزل =) ساعتها و الله اروحلهم باللادا و هما حرين

انا بحب السفر اللي هو يوم بليلة او يومين و ارجع علشان كدة بعشق السخنة بس اليومين دول هتلاقيها حر جدا لأنها حر خلقة

من الاماكن المحببة لقلبي قاهرة المعز شارع ابن طولون و بيت السحيمي اسمع عنو كلام حلو قوي و الغورية و الخيامة بجد هتستمتع من العمارة اللي في الاماكن دي انا نزلتها زيارة عادية مش فسحة لكن بالرغم من كدة كنت قمة في الاستمتاع و ناوي انزل اصور هناك شوية

[shaddadfalcon1]

انا كمان بكره الخروج موت وبحب القعده في البيت
احسن مكان رحته في حياتي كانت سفريه تبع الشغل في كندا - اونتاريو - تورونتو

[MOUSTAFA_SAAD]

موضوع كويس أوى يا أستاذ مصطفى ....
وهيساعدنا أننا نعرف أماكن منعرفهاش ....
بصراحة بلدنا بقى صعب أوى الخروج فيها ....
عشان كدة أنا بفضل أوى البقاء فى البيت وبعتبر دة أحسن خروجة ....
أتجننت مرة ورحت حديقة الأزهر يا لهوااااااااااااااااااااااااااااااااااااااااااااااى .... :_alshmokh08[1]:
على قد ماهى نضيفة أوى على قد ما البشر اللى فيها بيئة جدآ ....
يا دوبك قعدت ربع ساعة وبعدين جريييييييييييييييييييييييييييييت على بيتنا ....

فعلا المشكله انك ساعات تروح اماكن وتلاقى ناس هناك تخليك تهرب وتقلق خصوصا فى الايام دية

ياااااااااااااااااه فكرتنى بايام حلوه اوى يا ميسو قضتها فى الغردقه شيرى والممشى وزبرجد والدهار وشارع المدارس وشيراتون فعلا الغردقه جميله جدا بس اهم حاجه هى الاموال علشان تقدر تستمتع فيها

فعلا اهم حاجه الاموال علشان كده انا عملت الموضوع ده وكل واحد يقول خبرته واسعار المكان ايه وساعتها ممكن نقيم قبل مانتدبس فى حاجه مش فى امكانياتنا

يا اهلا يا اهلا الحمد لله اني لقيت حد زيي يا مصطفى =)

قلي بقى افريكانو فين علشان بنت اختي سنتين و شوية و اتجننت لما وديتها جنينة الحيوانات الحقيرة بتاعة الجيزة فعاوز اوديها حاجة نضيفة هي قريبة من بوابات القاهرة ولا اسكندرية و عربيتنا تنفع جوة ولا هلاقي قرد عمال يتنطط فوق المراية و ابقى مش قادر انزل =) ساعتها و الله اروحلهم باللادا و هما حرين

انا بحب السفر اللي هو يوم بليلة او يومين و ارجع علشان كدة بعشق السخنة بس اليومين دول هتلاقيها حر جدا لأنها حر خلقة

من الاماكن المحببة لقلبي قاهرة المعز شارع ابن طولون و بيت السحيمي اسمع عنو كلام حلو قوي و الغورية و الخيامة بجد هتستمتع من العمارة اللي في الاماكن دي انا نزلتها زيارة عادية مش فسحة لكن بالرغم من كدة كنت قمة في الاستمتاع و ناوي انزل اصور هناك شوية

ازيك ياجبريل

بص افريكانو دية بعد بوابة اسكندريه وانت رايح فى اتجاه القاهره بحوالى 40 كيلو تقريبا ممكن اكتراو اقل وحتلاقيها على يمينك وفيه تماثيل كبيره لحيوانات عند المدخل بتاعه يعنى حتبقى ظاهره اوى

بالنسبه للوجان هى عز الطلب هناك عاوز اقولك اننا كنا خمسه فى العربيه وفى عين العدو كمان ههههههه والشنطه محمله وماشيين فى المدق بتاع القريه وفيه مطبات كتيره وماشاء الله العربيه زى الاسد محكتشى فى ولا مطب وكنت شايف عربيات تانيه صعبانه عليا اوى من كتر ماهى واطيه وحتجيب الارض

قرود البابون اول لما تشوف العربيه حتطلع عليها على طول بس ماتخفشى حجمها صغير ووزنها خفيف وحيمسكوا فى المرايا وحيعملوا البدع واظرف حاجه لما يجيلك قرد صغير وتشوفه وهو عمال يتشعبط على العربيه او الاكصدام وعاوز يطلع زى العيل الصغير بالظبط لما يتشعبط فى السرير وعاوز يطلع عليه بس بلاش تخليهم يحدفوا اكل القرود على العربيه علشان ممكن يتعاملوا بعنف لو حتة سودانايه دخلت فى حطه مزنوقه او تحت المساحات

بلاش الادا غير لو روحت فى الشتا علشان حتحتاج التكييف فى الحر ده لان فيه حيوانات بيمنعك من انك تنزل من العربيه او تتفح الازاز حتى زى البابون والضبع والاسد طبعا وساعاتها التكييف حيبقى مهم جدا
و ان شاء الله بنت اختك حتنبسط اوى

انا كمان بكره الخروج موت وبحب القعده في البيت
احسن مكان رحته في حياتي كانت سفريه تبع الشغل في كندا - اونتاريو - تورونتو

ههههههههه انا بقول كويس انى لقيت حد زيى والغريبه ان كل اللى دخلوا الموضوع مش غاويين فسح زى بعض يظهر اللى بيتفسحوا طنشونا

[gebreel]

يعني علشان اتأكد اني فهمت صح هي في اتجاه القاهرة و انت جاي من اسكندرية هلاقيها على اليمين زيها زي واحة عمر بس بعد البوابات بحوالي 40 كيلو او اكثر

لو كدة بقى يبقى اكون واخدها اسكندرية و احنا مروحين نمسك الطريق بدري شوية لكن مش هسافر انا مخصوص =)

و الف شكر يا باشا و نفسي اقابلك على فكرة لما تبقى نازل القاهرة عرفني يا باشا علشان نعمل معاك اي واجب

[MOUSTAFA_SAAD]

يعني علشان اتأكد اني فهمت صح هي في اتجاه القاهرة و انت جاي من اسكندرية هلاقيها على اليمين زيها زي واحة عمر بس بعد البوابات بحوالي 40 كيلو او اكثر

لو كدة بقى يبقى اكون واخدها اسكندرية و احنا مروحين نمسك الطريق بدري شوية لكن مش هسافر انا مخصوص =)

و الف شكر يا باشا و نفسي اقابلك على فكرة لما تبقى نازل القاهرة عرفني يا باشا علشان نعمل معاك اي واجب

بالظبط كده بس الرحله فى افريكانو بتدخل فى حوالى ساعتين وممكن اكتر على حسب مزاجك ووقفت اد ايه فى كل مكان وهما بيقفلوا بوابة الدخول الساعه 3 علشان كل اللى جوه بيخرج الساعه 5 فبيديلك ساعتين على الاقل لودخلت الساعه 3 بحيث تقدر تخرج على الساعه 5

واحب اقولك انك شكلك دبست نفسك بمقابلتى ولو حتسالنى ليه علشان انا نازل القاهره ان شاء الله يوم الحد من الصبح الساعه 10 لغاية الساعه 5 تقريبا فى مدينة نصر عند دارالدفاع الجوى وتقريبا حاقضى اليوم فى سيتى ستارز لانى حاستنى اختى لما تطلع من التدريب بتاعه فى شركتها

وكنت عامل الموضوع ده علشان باسال على السكه وبعض الحاجات

http://www.nilemotors.net/Nile/232871-a.html

ههههههههههههه انت اللى جبته لنفسك ياجبريل

[gebreel]

حبيب هارتي الاحد الجاي ده اللي هو 24 يوليو اللي هو اجازة؟
و في مدينة نصر كمان

زي الفللللللللللللللللللل كلمني نظبط مع بعض يا كبير
0108462290 =)

[MOUSTAFA_SAAD]

حبيب هارتي الاحد الجاي ده اللي هو 24 يوليو اللي هو اجازة؟
و في مدينة نصر كمان

زي الفللللللللللللللللللل كلمني نظبط مع بعض يا كبير
0108462290 =)

ماشى ياباشا حديك تليفون اول لما اوصل ان شاء الله 0183449294
بس انت بتصحى الساعه كام

[Ghosts]

انا كمان بكره الخروج موت وبحب القعده في البيت
احسن مكان رحته في حياتي كانت سفريه تبع الشغل في كندا - اونتاريو - تورونتو

بيقولك أحسن مكان فى مصر ....
أحنا فين والبلاد النضيفة دى فين ؟؟؟!!!
بس بصراحة المشكلة مش فى بلدنا ....
المشكلة الأساسية للأسف فى سكان بلدنا ....
تفتكر حضرتك بلد فيها فقر وتخلف ومرض وحكومات فاسدة ....
هيبقى معظم أفراد شعبها حالتهم أية وبيتصرفو أزاااااااااااااااااااااااااى ؟؟؟!!!

[bakkoor]

انا لسه جاى من شرم يوم الجمعه اللى فاتت
بصراحه انا رحت شرم والغردقه بس اللى انا لاحظته ان فى ظل الظروف الحاليه شرم افضل للاسباب دى
1- الطريق امان جدا والجيش حاميه
2- المدينه امان جدا مع انك ماتلاحظش ده لان مش هاتلاقى جيش كتير
3- المدينه نضيفه وفيها قواعد والكل ماشى عليها يعنى فيها داخل المدينه اقصى سرعه على 60 وفيه رادار
4-المناظر التحفه والجلاس بووت ومناظر الجبال والعشا البدوى تحفه
5- المناظر السيئه موجوده فى الاتنين بس صدقونى المصريين بيعملو حاجات اقذر بكتير من الاجانب وعلى فكره الاجانب مش كتير اليومين دول
6- الاسعار رخيصه جدا انا كنت نازل فى تروبيكانا all inclusive الغرفه ليا ومراتى والطفلين ب 350 جنيه فى اليوم والفندق كان فى قمه النضافه لكن تصرفات المصرينن عاوزه حلقات تتكتب فيها وهى دى من ضمن الحاجات السيئه القليله اللى لاقيتها هناك

الخلاصه لو عاوز مكان هادىء وتستريح يعنى ميه واكل ونوم وراحه يبقا على شرم
ونصيحه لاى حد عاوز يصيف يبقا فى الاول تدخل على الموقع ده وتشوف الصور وتعليقات السياح هاتعرف كل حاجه عن الفندق من مستوى الخدمه والاقامه والاكل
WWW. TripAdvisor.com
الموقع ده تحفه بس خلو بالكو ان طريق شرم طويل شويه خمس ساعات من الدائرى بس العربيه هاتنفعك كتير لان اسعار التاكسى هناك نار
نصيحه اخيره لو هاتحجز فى شرم او الغردقه يبقا تحدد الفندق وتجيب رقم تليفونه وتتصل بيه وتكلم المبيعات وتفاصل معاهم اه والله تفاصل معاهم واوعى تحجز فى شركه سياحه صدقونى ده افضل

[Mustafa_Farouk]

very nice subject :)

tayb any one visit this hotel ?: Panorama El Gouna

[shaddadfalcon1]

بيقولك أحسن مكان فى مصر ....
أحنا فين والبلاد النضيفة دى فين ؟؟؟!!! :n_no[1]:
بس بصراحة المشكلة مش فى بلدنا ....
المشكلة الأساسية للأسف فى سكان بلدنا ....
تفتكر حضرتك بلد فيها فقر وتخلف ومرض وحكومات فاسدة ....
هيبقى معظم أفراد شعبها حالتهم أية وبيتصرفو أزاااااااااااااااااااااااااى ؟؟؟!!!

اكتر حاجه بكرهاا في بلدنا هي اسلوب الشحاته
يعني تروح اي بلد في الدنيا تنزل في المطار كل شيء منظم ونظيف
عندنا ممكن تلاقي المكان نظيف لكن الناس مش نظيفه

اخر مره سافرت من مطار برج العرب الجديد وماشاء الله جميل بس اول مانزلت خدت الشنطه ورحت علي عربية الشنط دي مش عارف اسمها ايه والاقي واحد مخصوص واقف عليها وواحد تاني نطلي وحط الشنطه وسحبها قدامي كاني متكسح مثلا ولما دلخت جوه وحطيت الشنطه علي الجهاز وباخدهها لقيت واحد واقف وبيشيلها وبيقولي كل سنه وانتي طيب وانا رديت عليه ولقيته بيقولي مفيش حاجه ليا بقي ؟

وطبعا الباشا اللي خد الشنطه ممشيش الا لما خد اللي فيه النصيب


نفس القصه وانا راجع حطيت الشنطه علي العربيه وزقيتها قدامي بايدي اللي ربنا خلقني بيهم ورحت لحد العربيه ووالدي وحمي اختي قابلوني وحطيت الشنطه في شنطة العربيه ولقيتلك ده طالع عشان يرجع البتاعه مكانها ومش عايز يتحرك وكل اللي نازل عليه حمد الله علي السلامه وممشاش الا لما والدي اداله اللي فيه النصيب

طيب لييييييييييييييييييه بجد منظر مقرف وغبي وتحس انك ماشي في وسط شوية شحاتين وزي مايكونوا بيعاقبوك انك بتسافر او انك سافرت تجيب فلوس وراجع لازم تفرق عليهم

بجد حاجه تقرف ونادرا لما تلاقي مكان نظيف والناس اللي شغاله فيه شبعانه ومش بتبص للي رايح واللي جاي