ايه اكتر مكان روحته كفسحه وعجبك

[misoalex]

ياااااااااااااااااه فكرتنى بايام حلوه اوى يا ميسو قضتها فى الغردقه شيرى والممشى وزبرجد والدهار وشارع المدارس وشيراتون فعلا الغردقه جميله جدا بس اهم حاجه هى الاموال علشان تقدر تستمتع فيها

حبيبى يا ابو اياد
كل كوم والممشى وشيرى كوم تانى

وبعدين ده انت خبره اكتر منى فى الغردقه وفعلا من اجمل مدن جمهوريه مصر العربيه

[MOUSTAFA_SAAD]

انا لسه جاى من شرم يوم الجمعه اللى فاتت
بصراحه انا رحت شرم والغردقه بس اللى انا لاحظته ان فى ظل الظروف الحاليه شرم افضل للاسباب دى
1- الطريق امان جدا والجيش حاميه
2- المدينه امان جدا مع انك ماتلاحظش ده لان مش هاتلاقى جيش كتير
3- المدينه نضيفه وفيها قواعد والكل ماشى عليها يعنى فيها داخل المدينه اقصى سرعه على 60 وفيه رادار
4-المناظر التحفه والجلاس بووت ومناظر الجبال والعشا البدوى تحفه
5- المناظر السيئه موجوده فى الاتنين بس صدقونى المصريين بيعملو حاجات اقذر بكتير من الاجانب وعلى فكره الاجانب مش كتير اليومين دول
6- الاسعار رخيصه جدا انا كنت نازل فى تروبيكانا all inclusive الغرفه ليا ومراتى والطفلين ب 350 جنيه فى اليوم والفندق كان فى قمه النضافه لكن تصرفات المصرينن عاوزه حلقات تتكتب فيها وهى دى من ضمن الحاجات السيئه القليله اللى لاقيتها هناك

الخلاصه لو عاوز مكان هادىء وتستريح يعنى ميه واكل ونوم وراحه يبقا على شرم
ونصيحه لاى حد عاوز يصيف يبقا فى الاول تدخل على الموقع ده وتشوف الصور وتعليقات السياح هاتعرف كل حاجه عن الفندق من مستوى الخدمه والاقامه والاكل
www. Tripadvisor.com
الموقع ده تحفه بس خلو بالكو ان طريق شرم طويل شويه خمس ساعات من الدائرى بس العربيه هاتنفعك كتير لان اسعار التاكسى هناك نار
نصيحه اخيره لو هاتحجز فى شرم او الغردقه يبقا تحدد الفندق وتجيب رقم تليفونه وتتصل بيه وتكلم المبيعات وتفاصل معاهم اه والله تفاصل معاهم واوعى تحجز فى شركه سياحه صدقونى ده افضل

شكرا على الموقع المفيد

very nice subject :)

tayb any one visit this hotel ?: panorama el gouna

شكرا على المشاركه

[misoalex]

اكتر حاجه بكرهاا في بلدنا هي اسلوب الشحاته
يعني تروح اي بلد في الدنيا تنزل في المطار كل شيء منظم ونظيف
عندنا ممكن تلاقي المكان نظيف لكن الناس مش نظيفه

اخر مره سافرت من مطار برج العرب الجديد وماشاء الله جميل بس اول مانزلت خدت الشنطه ورحت علي عربية الشنط دي مش عارف اسمها ايه والاقي واحد مخصوص واقف عليها وواحد تاني نطلي وحط الشنطه وسحبها قدامي كاني متكسح مثلا ولما دلخت جوه وحطيت الشنطه علي الجهاز وباخدهها لقيت واحد واقف وبيشيلها وبيقولي كل سنه وانتي طيب وانا رديت عليه ولقيته بيقولي مفيش حاجه ليا بقي ؟

وطبعا الباشا اللي خد الشنطه ممشيش الا لما خد اللي فيه النصيب


نفس القصه وانا راجع حطيت الشنطه علي العربيه وزقيتها قدامي بايدي اللي ربنا خلقني بيهم ورحت لحد العربيه ووالدي وحمي اختي قابلوني وحطيت الشنطه في شنطة العربيه ولقيتلك ده طالع عشان يرجع البتاعه مكانها ومش عايز يتحرك وكل اللي نازل عليه حمد الله علي السلامه وممشاش الا لما والدي اداله اللي فيه النصيب

طيب لييييييييييييييييييه بجد منظر مقرف وغبي وتحس انك ماشي في وسط شوية شحاتين وزي مايكونوا بيعاقبوك انك بتسافر او انك سافرت تجيب فلوس وراجع لازم تفرق عليهم

بجد حاجه تقرف ونادرا لما تلاقي مكان نظيف والناس اللي شغاله فيه شبعانه ومش بتبص للي رايح واللي جاي

الموقف ده حصل معايا من شهر فى مطار اسكندريه كنت رايح اجيب قرايبى ولقيت ناس من اهلهم هناك مستنينهم
والراجل بتاع الشنط اخد من اللى جاى من السفر فلوس
وراح اخد من اقاربه اللى جاين فلوس وجاى ياخد مننا احنا كمان فلوس
ده فكرنى بالمسحراتى اللى بيلف فى العيد على بيت بيت عشان ياخد فلوس

والراجل يقوله مش انا اديتك رايح تاخد منهم ليه يقوله كل سنه وانت طيب وانا عاوز اخد منه الحلاوه ؟؟؟؟؟؟؟

يعنى المفروض كل واحد رايح المطار ياخد حد يحضر الحلاوه فى جيبه

ده غير الجبايه والفرضه ال 5 جنيه اللى بياخدوها رسوم دخول المطار

فى مطار فى الدنيا بتدفع فلوس علشان تدخله ؟؟؟؟؟؟؟؟؟؟؟؟

[grand hand]

ده غير الجبايه والفرضه ال 5 جنيه اللى بياخدوها رسوم دخول المطار

فى مطار فى الدنيا بتدفع فلوس علشان تدخله ؟؟؟؟؟؟؟؟؟؟؟؟

طب ده مطار وممكن نقول ال 5 جنيه تحت أى بند
انما اللى رايح محطة مصر وبيدفع 5 جنيه برضه قبل دخول موقف احمد حلمى تقول فيه ايه؟!
الحكاية زادت قوى واصبح هم الناس انهم يطلعوا اللى فى جيوب الناس وبس

[misoalex]

طب ده مطار وممكن نقول ال 5 جنيه تحت أى بند
انما اللى رايح محطة مصر وبيدفع 5 جنيه برضه قبل دخول موقف احمد حلمى تقول فيه ايه؟!
الحكاية زادت قوى واصبح هم الناس انهم يطلعوا اللى فى جيوب الناس وبس

هههههههههههه الموقف الجديد عندنا فى اسكندريه كان دخول التاكسى والملاكى بفلوس مش عارف لسه لحد دلوقتى كده ولا خلاص

لكن موضوع المطار ده من 4 اسابيع تقريبا

وده غير المواقف اللى تبع المحافظه اللى على البحر وفى المنشيه الانتظار فيها وصل ل 25 جنيه
وبره الموقف ب 5 جنيه يعنى دلوقتى بتركن فى الشارع بفلوس

وفيه اماكن فى اسكندريه تيجى تركن فى الشارع تلاقى واحد جالك يقولك الركنه هنا ب 5 جنيه او 3 جنيه ويقولك الدفع مقدم يعنى حتقف تدفع

الكلام ده موجود دلوقتى فى اسكندريه
كان موجود قبل الثوره لكن مش بالجبروت والعفيه دى كانو بيخافو لكن دلوقتى محدش بيخاف

اسف على تغير مسار الموضوع لكن المشكله دى فعلا حتقابل اى حد بيفكر يخرج او يتفسح ومعاه عربيته

[akramlail]

بالنسبة لافريكانو بارك
فى حد بيوجهك تمشى ازاى ولا مع نفسك
وحاجة تانية فى نظام الشحاتة من العاملين هناك زى بتاعة الجيزة كدة يجبلك الحيوان وكل سنة وانت طيب ادينى اى حاجة ولا اية

[mahmoudalaa]

حبيبى يا ابو اياد
كل كوم والممشى وشيرى كوم تانى

وبعدين ده انت خبره اكتر منى فى الغردقه وفعلا من اجمل مدن جمهوريه مصر العربيه

موضوع مفيد جدا وا فادني شخصيا بس يا جماعه شارع شيري ده حلو اوي وطراوه كده بس سمعته مش ولا بد ولا انتو شايفين ايه

[misoalex]

موضوع مفيد جدا وا فادني شخصيا بس يا جماعه شارع شيري ده حلو اوي وطراوه كده بس سمعته مش ولا بد ولا انتو شايفين ايه

ليه يا باشا يعنى ايه سمعته مش ولا بد ؟؟؟؟؟؟؟؟؟؟
هو حضرتك شوفت فيه حاجه وحشه يعنى عشان كده بتقول كده ولا حد حكالك حاجه ؟؟؟؟؟؟؟

انا اول مره اسمع الكلام ده وهو شيرى ده زيه زى خالد ابن الوليد فى اسكنريه بالظبط
وعموما كل مكان فيه المحترمين وفيه اللى مش ولا بد مهو خالد ابن الوليد فيه اللى مش ولابد برضه

وعموما برضه الرك على نيه الواحد هو رايح ليه وحيعمل ايه حتى لو رايح جمصه ولا انا كلامى غلط

[MOUSTAFA_SAAD]

بالنسبة لافريكانو بارك
فى حد بيوجهك تمشى ازاى ولا مع نفسك
وحاجة تانية فى نظام الشحاتة من العاملين هناك زى بتاعة الجيزة كدة يجبلك الحيوان وكل سنة وانت طيب ادينى اى حاجة ولا اية

فيه يفط بتبين الاتجاهات

الناس اللى هناك محترمين جدا محدش بيطلب منك جنيه ولو حتى انته اللى ادتهولو بيبقى مش عاوز ياخده
وبيخليك تاكل الحجيوانات لو عاوز بدل المره عشره من غير مايطلب اى حاجه بس لو فيه زحمه بيحاولوا يمشوا الموضوع شويه علشان غيرك ياخد دوره مش اكتر

فى اخر الرحله بيغسلوا العربيه ب7 جنيه غشله اى كلام بس احسن من قلتها وهو ده المبلغ الوحيد اللة دفعته هناك زياده عن التذكره

بس خلى بالك فى رحله بالمركب فى بحيره هناك اوعى تنساها لانها تحفه فعلا وبتكون فى اخر الرحله خالص

[o.boshra]

بالنسبه لى اكيد الغردقه لانى عايش فيها من عشر سنين فعلا ال وصف السابق ليها تمام و ان كنت افضل تاخد شقه مفروشه فى حدود 150 الليله و المطاعم و الشواطئ كتير و متفاوته فى الاسعار بس احسنهم شيراتون بيتهيالى 30 جنيه و المطاعم ممكن تجيب تيكاواى اوفر بكتير دى غير الممشى بالليل كمان سينمات كافتريات على البحر تحفه ............... الخ

[saadelden]

اكتر حاجه بكرهاا في بلدنا هي اسلوب الشحاته
يعني تروح اي بلد في الدنيا تنزل في المطار كل شيء منظم ونظيف
عندنا ممكن تلاقي المكان نظيف لكن الناس مش نظيفه

اخر مره سافرت من مطار برج العرب الجديد وماشاء الله جميل بس اول مانزلت خدت الشنطه ورحت علي عربية الشنط دي مش عارف اسمها ايه والاقي واحد مخصوص واقف عليها وواحد تاني نطلي وحط الشنطه وسحبها قدامي كاني متكسح مثلا ولما دلخت جوه وحطيت الشنطه علي الجهاز وباخدهها لقيت واحد واقف وبيشيلها وبيقولي كل سنه وانتي طيب وانا رديت عليه ولقيته بيقولي مفيش حاجه ليا بقي ؟

وطبعا الباشا اللي خد الشنطه ممشيش الا لما خد اللي فيه النصيب


نفس القصه وانا راجع حطيت الشنطه علي العربيه وزقيتها قدامي بايدي اللي ربنا خلقني بيهم ورحت لحد العربيه ووالدي وحمي اختي قابلوني وحطيت الشنطه في شنطة العربيه ولقيتلك ده طالع عشان يرجع البتاعه مكانها ومش عايز يتحرك وكل اللي نازل عليه حمد الله علي السلامه وممشاش الا لما والدي اداله اللي فيه النصيب

طيب لييييييييييييييييييه بجد منظر مقرف وغبي وتحس انك ماشي في وسط شوية شحاتين وزي مايكونوا بيعاقبوك انك بتسافر او انك سافرت تجيب فلوس وراجع لازم تفرق عليهم

بجد حاجه تقرف ونادرا لما تلاقي مكان نظيف والناس اللي شغاله فيه شبعانه ومش بتبص للي رايح واللي جاي

والله يا فندم دول كلهم مش تبع المطار
من اول الي بينطلك علي الشنط لحاد الي يلزقلك ف العربيه

انا مره كنت راجع م السعوديه و معايا والدتي و اخويا الصغير و معيش غير 150 جنيه و الباقي ريالات
طبعا واحد نط عند الشنط روحت مشيته و بيقولي عشان الحجه و امشيك بسرعه بردو مشيته
ماكنش معانا عربيه وقتها ف اول ما طلعت لقيت واحده طلعتلي بتوع شركات السياحه الي بيسرحوهم هناك ف قولتلها عايز فان
طيب موجود . بكام ؟ . 140 جنيه . عشان والدتي كانت معايا مارضيت اطول في الكلام و قولت ماشي
جه السواق مسك عربيه شنط و نده لواحد تاني بيقوله امسك العربيه التانيه من الباشا ف اتخانقت معاه و قولتله انا اشتاكتلك ؟ ف قالي بنريحك و ماعرفش ايه ف قولتله لا يا عم انا بحب اقرف نفسي انت مالك؟

نزلنا بالاسانسير لقيت 4 نطو قدامي و كل واحد يقولي عنك يا بيه . ف قولتلهم مش دافع ولا مليم ف مشيو و قعدو يبرطمو كالعاده
حط الشنط ف العربيه راح واحد طلع لوالدتي و يقولك حمدلله ع السلامه و كل سنه و انتو طيبين علي اساس انه شال شنطه و حطها ف العربيه بردو مشيته

وصلنا الحمدلله البيت ف اديت السواق 140 جنيه الي اتفقنا عليها ف بيقولي دي فلوس الشركه فين فلوسي انا ؟
روحت مطلعله 2 جنيه فضه و قولتله حلال عليك راح بصلي بصه و قالي انا بشحت منك انا عايز عشره جنيه
سبته و دخلت العماره و قفلت الباب و سيبته يخبط دماغه ف الحيط

دا حاجه تقرف
بقى فيه بلطجيه في كل حته
و لسه والدتي مسافره يوم الجمعه الي فات و دفعت 40 جنيه لشويه الصيع دول

[saadelden]

هههههههههههه الموقف الجديد عندنا فى اسكندريه كان دخول التاكسى والملاكى بفلوس مش عارف لسه لحد دلوقتى كده ولا خلاص

لكن موضوع المطار ده من 4 اسابيع تقريبا

وده غير المواقف اللى تبع المحافظه اللى على البحر وفى المنشيه الانتظار فيها وصل ل 25 جنيه
وبره الموقف ب 5 جنيه يعنى دلوقتى بتركن فى الشارع بفلوس

وفيه اماكن فى اسكندريه تيجى تركن فى الشارع تلاقى واحد جالك يقولك الركنه هنا ب 5 جنيه او 3 جنيه ويقولك الدفع مقدم يعنى حتقف تدفع

الكلام ده موجود دلوقتى فى اسكندريه
كان موجود قبل الثوره لكن مش بالجبروت والعفيه دى كانو بيخافو لكن دلوقتى محدش بيخاف

اسف على تغير مسار الموضوع لكن المشكله دى فعلا حتقابل اى حد بيفكر يخرج او يتفسح ومعاه عربيته

هو المطار عموما عليه كارته
يعني هنا ف السعوديه الي يدخل المطار اصلا بياخد تيكيت و ليه ربع ساعه بس مجانا و بعد كدا بتتحسب الساعه ب 3 ريال
اما والدتي كانت مسافره قعدنا بالظبط في المطار ساعه و 3 دقايق حسبهالنا ساعتين

[saadelden]

الحته الوحيده الي روحتها برا القاهره هي المنصوره
كنت مسافر انا واصحابي و كنا قاعدين ف شقه بتاعت صاحبي علي النيل

هي مفيهاش حاجه جديده بس القصه كلها ان الدنيا هناك رايقه عن القاهره و اسكندريه بكتيييييييير
و التاكسيات رخيصه جداااااا
التاكسي كانا بندفع 2 جنيه في مشوار زي من العباسيه لحاد التحرير

[nonetta]

انا اكتر مكان بحبه
ودايما بروحه
ومبزهقش منه
المطبخ
فيه كل حاجه
واكل وشرب كمان

بس لو مصر يعني ....

اسماعيليه

حر
دبان

[ahmed2y]

انا كمان بكره الخروج موت وبحب القعده في البيت
احسن مكان رحته في حياتي كانت سفريه تبع الشغل في كندا - اونتاريو - تورونتو

يا سلام احساس جميل قوى انك تحس انك مش لوحدك تيجى مراتى تشوف اهو مطلعتش انا لوحدى الى بحب قعدة البيت