ماليزيا بعين المقيم

[misoalex]

شكرا لك يا استاذ خالد .. ولكن في بعض التوضيح اللي عايز شرح من حضرتك الطرق اللي حضرتك قولت عليها للاقامه عديده وشرحك جميل ولكنه اكاديمي بعض الشئ وتعتريه صعاب كثيرة تغلق الباب تمام ونحن نستفسر عن الواقع الفعلي والطرق والاساليب السهله بعض الشئ

مثال لواحد بيبدأ حياة جديده في بلد جديد جيجيب منين مالزيين يشاركوه وهو اصلا ما يعرفش حد علشان يخفض المبلغ المطلوب للاستثمار ومش حيعرف يستثمر لواحده وهو لس مش عارف في البلد بالاضافه الي المبلغ اللي حضرتك قولت عليه كبير

موضوع اني ادور علي النت واخذ مواعيد واروح صعب اني اجمعها في ميعاد واحد وزي ما حضرتك قولت الميل وصلك بعد ما رجعت مصر

الجميل في الهجره لامريكا وكندا واوربا انك ممكن تشتغل اي حاجه لغايه ما تظبط اوضاعك وتلاقي حاجه كويسه وهذا اللي حضرتك لم تشر اليه يعني اللي جاي زياره ممكن يدور علي وظائف بسيطه مطعم فندق بنزينه سواق اي حاجه زي كده لغايه لما يلاقي حاجه وهل ده ممكن يوفر له اقامه ولا لا وايجار المحالات بكام لل عايز يعمل مشروع صغير ؟ وهل ممكن ولا لا ينفع يأجر ولا ممنوع علشان معهوش اقامه ولو اجر ده سبب للاقامه ؟

انا قصدي تعرفنا طرق فعليه ابسط للاقامه والعمل لا يعتمد على مبالغ كبيره ولا وظائف انترناشيونال .. يعني في ناس راحت امريكا ولا هي شغاله في وظائف معينه كبيره ولا معاها فلوس كتيره كمان وربنا كرمهم وبنوا نفسهم وعملوا فلوس ومشاريع

انت جبت المفيد اللى انا عاوز اوصله

عشان كده انا سألت هل ينفع ان صاحب شركه يعمل فيزا عمل لاجنبى وهل الفيزا تقدر تشتغل بيها فى اى مكان
دى كده الطريقه الوحيده اللى انا شايفها سليمه للى عاوز يطلع يشتغل والمؤهل بتاعه مش مطلوب هنا وموضوع السى فى والسفر والمقابلات ده حوار ومصاريف وفى الاخر يمكن يطلع على الفاضى زى ما ابو رقيه محصل معاه

لكن تروح كده كأنها زياره او سياحه وتدور على شغل مش حينفع لان كده مفيش معاك تصريح عمل ومحدش اصلا حيرضى يشغلك لانه مخالف للقانون
ده اللى انا فهمته من كلام ابو رقيه

بس برضه لسه فيه حاجات مبهمه فعلا ممكن تكون صغيره لناس بس عائق كبير بالنسبه لناس تانيه

يعنى اصحاب المهن العاديه واصحاب الحرف اظن البلد دى متنفعش معاهم خالص
انا شايف انها عاوزه نوعين من الناس
1- حد معاه شهادات وخبره كبيره
2- حد معاه فلوس وعاوز يعمل مشروع ويستثمر فلوسه

والاتنين انا شايف ان فرصهم فى دول تانيه ممكن تكون افضل زى دول الخليج مثلا

لكن الناس اللى مش من النوعين وعاوزه تعيش وتشتغل هناك بصفه دائمه اظن ان الموضوع يكاد يكون صعب جدا بالنسبالهم

[abou_ruqi]

انت الوحيد اللي تاعبني يا خميس
المشاركة اللي فاتت دي كلها صح ما عدا الحتة بتاعة تصريح العمل ، علشان بيطلعهولك صاحب العمل بعد ما تتقبل ، ممش انت بطلع تصريح العمل وبعدين تدور على شغل
اي بانيكة هامبورجر ممكن يعينك عنده ويطلعلك تصريح عمل كل الحكاية حيسألوه مجبتش ماليزي ليه بدل المصري حيقولهم علشان هو اسكندراني وانا حفتح فرع كبدة اسكندراني

[SHNORY]

هو اسكندراني وانا حفتح فرع كبدة اسكندراني

ههههههههههههههههههههههههههههههه
انت لسه جعان ياعم
حتي اجاباتك بتنم عن احلامك ههههههههه
واحشني يا خالد وربنا يوفقك

[abou_ruqi]

اسكت مش لقيت كبدة ، نزلت علشان رمضان
بقالي كام يوم مظروط كوالامبور ريحة ثوم وكمون

[misoalex]

انت الوحيد اللي تاعبني يا خميس
المشاركة اللي فاتت دي كلها صح ما عدا الحتة بتاعة تصريح العمل ، علشان بيطلعهولك صاحب العمل بعد ما تتقبل ، ممش انت بطلع تصريح العمل وبعدين تدور على شغل
اي بانيكة هامبورجر ممكن يعينك عنده ويطلعلك تصريح عمل كل الحكاية حيسألوه مجبتش ماليزي ليه بدل المصري حيقولهم علشان هو اسكندراني وانا حفتح فرع كبدة اسكندراني

ربنا يخليك لينا يا ابو رقيه من دلوقتى بتقول تاعبنى ده كده انا مسألتش لسه هههههههههههههههههههههههه

تمام جدا انا فاهم ان تصريح العمل ده لما اتقبل فى شغل صاحب العمل حيطلعهولى
بس انت مش فاهمنى لحد دلوقتى
حشرحلك وجهه نظرى

لو واحد عاوز يروح يشتغل هناك ويدور على شغل حتى لو مؤقت لحد ميشتغل فى مجاله وطبعا الفيزا بتاعه السياحه مش بتدى الفرصه للعمل خالص

طب العمل ايه
ان اللى عاوز يشتغل هناك ده اى صاحب شركه يعمله تصريح عمل وطبعا حياخد بيه اقامه سنتين + تصريح عمل يقدر يشتغل بيه فى اى مكان كعمل مؤقت
وطبعا صاحب الشركه اللى عمل التصريح ده مش حيعمله كده اكيد فيه ناس بتطلع التصاريح دى بفلوس الا لو بيعمله لحد من الاقارب مثلا

دى الوسيله اللى انا شايفها قانونيه للبحث عن اى عمل هناك بطريقه قانونيه بدل متروح لسه لمكان وتقوله شغلنى واعملى تصريح عمل وانا حعمل اقامه والحوار ده لان اظن ده مش حيحصل الا لو انت خبره كبيره وهو اللى محتاجك
ده قصدى صح ولا انا غلطان

ومعلش يا كبير انا بلوك كتير بس ادينا بنتناقش

[SHNORY]

اسكت مش لقيت كبدة ، نزلت علشان رمضان
بقالي كام يوم مظروط كوالامبور ريحة ثوم وكمون

هههههههههههه
مبروك
كويس انك لقيت توم وكمون
عقبال الكوارع
سامحني يا صاحبي روحنا عند زيزو نتانه ملقيتش طلبك
ومتكيفتش من الاكل
ضربت واحد سدق اسكندراني تعبان وواحد سكلانس
بس علشانك روحت كملت اكل عند بحه بواحد مشكل زي الفل
وبعدها واحد قنبله من عند الكرنك
فروت سلاط وكنافه ورز بلبن وعليهم حته قشطه ترم العضم
ها مرضي ياعم كده ومبسوط؟

[abou_ruqi]

صح يا خميس المرادي صح
بس في جانب مش واضح شوية
العرب هنا وبالذات المصريين ليهم نظرة مختلفة لدى الشعب نظرة علوية
يعني هما شايفين ان احنا ناس كويسة قوي ومقامنا عالي واهل الدين والعلم والمال
فماينفعش عربي هنا يطلب يمسح صحون او يحط بنزين او كده
وفي الحقيقة مفيش عرب هنا كده تاعرب هنا طبقة عالية سواء اصحاب مصانع وشركات ومدارس او مديرين
مقصودش اقول ان الشغل عيب اطلاقا انما اسيا مش زي امريكا ده غير ان مرتبات الشغل ده بسيط جدا

[abou_ruqi]

هههههههههههه
مبروك
كويس انك لقيت توم وكمون
عقبال الكوارع
سامحني يا صاحبي روحنا عند زيزو نتانه ملقيتش طلبك
ومتكيفتش من الاكل
ضربت واحد سدق اسكندراني تعبان وواحد سكلانس
بس علشانك روحت كملت اكل عند بحه بواحد مشكل زي الفل
وبعدها واحد قنبله من عند الكرنك
فروت سلاط وكنافه ورز بلبن وعليهم حته قشطه ترم العضم
ها مرضي ياعم كده ومبسوط؟

قلبيييييييي
انا رجليا مش شايلاني ، اكلت كل ده ؟ وانا هنا باكل نودلز ؟

[misoalex]

صح يا خميس المرادي صح
بس في جانب مش واضح شوية
العرب هنا وبالذات المصريين ليهم نظرة مختلفة لدى الشعب نظرة علوية
يعني هما شايفين ان احنا ناس كويسة قوي ومقامنا عالي واهل الدين والعلم والمال
فماينفعش عربي هنا يطلب يمسح صحون او يحط بنزين او كده
وفي الحقيقة مفيش عرب هنا كده تاعرب هنا طبقة عالية سواء اصحاب مصانع وشركات ومدارس او مديرين
مقصودش اقول ان الشغل عيب اطلاقا انما اسيا مش زي امريكا ده غير ان مرتبات الشغل ده بسيط جدا

مهو ده اللى شدنى للموضوع انهم بيحبو العرب والمسلمين وبلد فى جمال وحضاره اى بلد اروبى ده غير ان السفر منها واليها سهل مش زى دول كتير لازم فيزا وحوارات كبيره
ده غير انك ممكن اى حد من عائلتك يجيلك يزورك بكل سهوله

انا من فتره كبيره سألت عن موضوع ماليزيا بيتك الثانى بس طبعا لما عرفت الشروط والمبلغ المالى قفلت السكه دى بالضبه والمفتاح ههههههههههه

بس انت عندك حق هو الشغل مش عيب بس الموضوع مش حيوصل لغسيل صحون وشغل فى بنزينه ما الواحد هنا بكرامته وبيتقاله يا باشمهندز ههههههههههههههههه وبتبقى طالعه ايييييييييه من بقهم مقولقكش

[abou_ruqi]

وتقولي ليه ما انا عارفها :-)

[alaa_dash]

لو اتكلمنا عن المجالين اللي واحد بيفهم فيهم و عملنا دراسة جدوى تقديرية و سريعة هتبقى كالتالي :

الفكرة ... مطعم ...بمكان سياحي او عمران...بياع يعني
نبدأ بالمكان ... لو 250 م2 يبقى الايجار حوالي 6520 رينجيت شهريا =80 الف سنويا

رواتب العمال لو قلنا متوسط اجر العامل 1200 رنجت في 10 عمال في وردتين =1200*10*2=24 الف رينجت = 280 الف رينجت سنويا
تكاليف شهرية مياه و كهربا و خلافه 1500 رينجي شهريا =18 الف رينجت سنويا
المجموع = 80الف+280 الف +18 الف= 380 الف سنويا ...
انا حددت راتب العمال من موقع الي حضرتك قلته و الايجار حددته على كوالالمبور من الموقع برضه ...
لو قلنا ان تكلفة المواد الخام 50% من الدخل اليومي
تبقى محتاج دخل يومي مش اقل من 2500 عشان تغطي مصاريفك ...و تحقق هامش ربح معقول المطاعم بتدخل المبلغ ده تقريبيا كده ولا ايه ؟

بس الارقام كده قريبة و لا انا بهيس ؟
اعتبره خيال الصباح ..بس فكرة جت في بالي عالسريع :)

[SHNORY]

قلبيييييييي
انا رجليا مش شايلاني ، اكلت كل ده ؟ وانا هنا باكل نودلز ؟

الحلو دا كله علي بعضه
مش كل حاجه لوحدها
كمان ماهو انت موصيني
اكسفك يعني

[viper911s]

بالنسبة لو شركات سياحة صغيرة مابين هنا مصر وماليزيا
او محلات الورود او البازارات المختلفة
اية رئيك
طبعا انا مش عارف اقولك اية على مجهودك الرائع دة بجد كفيت ووفيت
وكفاية يا شنورى الراجل مش ناقص

[abou_ruqi]

لو اتكلمنا عن المجالين اللي واحد بيفهم فيهم و عملنا دراسة جدوى تقديرية و سريعة هتبقى كالتالي :

الفكرة ... مطعم ...بمكان سياحي او عمران...بياع يعني
نبدأ بالمكان ... لو 250 م2 يبقى الايجار حوالي 6520 رينجيت شهريا =80 الف سنويا

رواتب العمال لو قلنا متوسط اجر العامل 1200 رنجت في 10 عمال في وردتين =1200*10*2=24 الف رينجت = 280 الف رينجت سنويا
تكاليف شهرية مياه و كهربا و خلافه 1500 رينجي شهريا =18 الف رينجت سنويا
المجموع = 80الف+280 الف +18 الف= 380 الف سنويا ...
انا حددت راتب العمال من موقع الي حضرتك قلته و الايجار حددته على كوالالمبور من الموقع برضه ...
لو قلنا ان تكلفة المواد الخام 50% من الدخل اليومي
تبقى محتاج دخل يومي مش اقل من 2500 عشان تغطي مصاريفك ...و تحقق هامش ربح معقول المطاعم بتدخل المبلغ ده تقريبيا كده ولا ايه ؟

بس الارقام كده قريبة و لا انا بهيس ؟
اعتبره خيال الصباح ..بس فكرة جت في بالي عالسريع :)

أمطاعم مكسبها حسب المكان
ثانيا فين المحل اللي 250 متر بستة الاف؟ ممكن اشوف الاعلان ؟
اصلا هنا المساحات بالقدم مش بالمتر !
ثم عشر عمال في الوردية ليه ده مكدونالد بيشغلوه 4!
وبعدين المرتبات دي بتاعة ماليزي انما الناس هنا بتجيب نيبال وبنجلاديشي دول من500 الى 750
ثانيا هامش الربح غلط بيزنس الاغذية والمشروبات ثمن المنتج هو ثمن المواد الخام اللي فيه مضروبة قي تلاتة بحد ادنى
عيد حساباتك تاني انت كده خسران قبل ما تفتح

[تامر.محمد]

ما عندكش مكان لأسرة اخوك الصغير يابو روقي ؟
:(