ماليزيا بعين المقيم

[eng/muhamad]

انا عندى سؤال
لو حبيت مثلا اعمل مشروع باسم علامه تجاريه هنا فى مصر او عالميه افتح فرع فى ماليزيا ينفع و لا لا ؟؟؟؟
يعنى مثلااااااااا افتح فرع كنتاكى او ماك او اى علامه تجاريه تكون مش موجوده فى ماليزيا او موجوده بس افتحها فى مكان او منطقه سكنية مفيش فيها العلامه التجاريه دى
و انا مش بتكلم على الاكل بالتحديد انا بتكلم عموما ممكن علامه تجاريه لاكل او ملابس او اى حاجه
الموضوع ده سهل و لا لا ؟

[solyahmed]

طيب يا ستاذ خالد ممكن تكلمنا بالارقام يعني اقل مبلغ يكون بدايه للاستثمار قد ايه ؟ مصاريف تأسيس شركه قد ايه ؟؟ لو حاجي زيارة شهر اشوف الوضع اتكلف كام ؟؟ ايه مجالات الاستثمار الجيده ؟؟ المحالات التجاريه وانا سألتك علي الموضوع ده اكتر من مره ؟ ممكن ايجار للاجنبي ولا لا والايجار في حدود كام ؟؟ وهل ده سبب للاقامه ؟؟
معلش استحمل اسئلتنا وجزاك الله خيراا

[Eslam.Elrefaey]

موضوع جامد وبلد جميلة وبالنسبة للى نقل الموضوع ده هوا قال
وجد احد الاخوة المصريين المقيمين في ماليزيا عمل الموضوع ده لتشجيع المصريين علي الهجرة لماليزيا فحبيت اشاركم الموضوع للنفع العام
وانت مقلتش لازم يكتب المصدر فهوا معملش حاجة غلط
على فكرة مش انا الى نقل الموضوع

[amrrashed]

انا مبهور بروعة التقرير وروعة البلد ... جزاك الله كل خير

[abou_ruqi]

عايز تهاجر بجد سيبك من امريكا وكندا واستراليا وتعال ماليزيا - موقع الدي في دي العربي - dvd4arab.maktoob.com

الحق يا ابورقيه الموضوع تم تداوله
بس للأمانه انه لم يذكر انه من كتبه
و حاسس انه مزود حاجات صغيره

بس اللى ضحكنى تلك الجمله التى نقلها ايضا

بما اننا في منتدى سيارات فيجب التعجيل بتقرير عن السيارات في ماليزيا

80% من السيارات في ماليزيا صناعة ماليزية (والباقي تويوتا )
يوجد في ماليزيا اربع شركات تصنيع و تجميع سيارت

موضوع جامد وبلد جميلة وبالنسبة للى نقل الموضوع ده هوا قال
وجد احد الاخوة المصريين المقيمين في ماليزيا عمل الموضوع ده لتشجيع المصريين علي الهجرة لماليزيا فحبيت اشاركم الموضوع للنفع العام
وانت مقلتش لازم يكتب المصدر فهوا معملش حاجة غلط
على فكرة مش انا الى نقل الموضوع

أنا حراجع كريم منير وحشوف معاه نقدر نعمل إيه , المفروض الموضوع ده ملك ابو رقية وكريم منير , واعتقد أن في قوانين و أداب تنظم المسألة
وبعدين هو يقينا عضو معانا في المنتدى واحتمال يكون ليه مشاركة في الموضوع وكان من باب الإحترام انه يستأذن مني لنقل الموضوع ,وأهو دلوقتي الأعضاء بيسألوه هو عن بعض الإستفسارات , طب حيرد إزاي ؟؟؟

وأعتقد اني حشترك في المنتدى ده وحكلم الإدارة وحكلمه شخصيا

وبعدين انتوا بتقولوا زود من عنده , طب هو زود إيه ؟؟؟

وألف شكر لأخي الحبيب سمير على المتابعة

[abou_ruqi]

إيه أخبار السيول والاعاصير والتسونامي إلخ...؟

أولا كله برحمة ربنا ومفيش بلد في العالم أمنة من ناحية الكوارث الطبيعية

إنما ممكن أقولك عما سبق أما عن المستقبل فده بين يدي الله

لو بصيت لخريطة جنوب شرق اسيا حتلاقي ماليزيا محمية من الناحية الشرقية بالفلبين و الجزيرة الشرقية لاندونيسيا ومن الغرب بالجزيرة الغربية لأندونيسا ( سومطرة) علشان كده لما بيحصل التسونامي غالبا أندونيسا أو الفلبين بيتلقى الضربة الأكبر وغالبا بتنتهي الأمواج عندهم كحاجز امواج طبيعي



وعلى الفكرة المنطقة دي طول عمرها مصروفلها عدد واحد تسونامي كل 4 سنين وأكبر تسونامي وصل لماليزيا كان تقريبا بتاع سنة 2004 وده ضرب جزيرة بينيج فقط (وهي اكبر جزيرة ماليزية) وكما ان كوالامبور ولاية داخلية بعيدة عن البحر (بينيج دي النقطة الصغيرة خالص اللي في شمال غرب الجزيرة الغربية اللي هي توازي شمال اندونيسيا على الخريطة اللي قدامك)

ولا تقع ماليزيا على حزام الزلازل إنما كله بتاع ربنا

انا عندى سؤال
لو حبيت مثلا اعمل مشروع باسم علامه تجاريه هنا فى مصر او عالميه افتح فرع فى ماليزيا ينفع و لا لا ؟؟؟؟
يعنى مثلااااااااا افتح فرع كنتاكى او ماك او اى علامه تجاريه تكون مش موجوده فى ماليزيا او موجوده بس افتحها فى مكان او منطقه سكنية مفيش فيها العلامه التجاريه دى
و انا مش بتكلم على الاكل بالتحديد انا بتكلم عموما ممكن علامه تجاريه لاكل او ملابس او اى حاجه
الموضوع ده سهل و لا لا ؟

أنت تقصد بنظام frinshizing ينفع طبعا دي البلد كلها شغاله كده

طيب يا ستاذ خالد ممكن تكلمنا بالارقام يعني اقل مبلغ يكون بدايه للاستثمار قد ايه ؟ مصاريف تأسيس شركه قد ايه ؟؟ لو حاجي زيارة شهر اشوف الوضع اتكلف كام ؟؟ ايه مجالات الاستثمار الجيده ؟؟ المحالات التجاريه وانا سألتك علي الموضوع ده اكتر من مره ؟ ممكن ايجار للاجنبي ولا لا والايجار في حدود كام ؟؟ وهل ده سبب للاقامه ؟؟
معلش استحمل اسئلتنا وجزاك الله خيراا

ما ينفعش اكلمك بالأرقام , أنت أعمل دراسة جدوى للمشروع بتاعك وأنا حساعدك

أما مصاريف التأسيس فحوالي 17.5 ألف رينجت دي مصاريف الحكومة للشركة الأجنبية تماما (بدون شريك ماليزي ) ذات رأس المال 1 مليون رينجت او ما فوق
وحوالي 10 ألأف محامي (هو مش محامي قوي هو شركة وسيطة لابد من وجودها لتأسيس شركة حيث ان الحكومة لا تتعامل مع أفراد بدون شركة وسيطة ) وفايدة الشركة الوسطية أنك بتروح تمضي عندها مرةواحدة ومالكش دعوة بأي ورق أو مشوار حكومي هما اللي بيعملوا كل حاجة لحد ما يدولك ملف فإيدك وتروح تأخد الإقامة
هي مكلفة بس لا تتخيل قد إيه مفيدة
وحوالي خمسة ألاف مصاريف مقر وتأسيس الشركة

اما مصاريف الزيارة شهر ده على حسب عاوز تعيش ازاي و تروح فين , ممكن تصرف 100 جنيه في اليوم وممكن 1000 جنيه

أما المحل ما أنا حطت أكبر موقع عقارات علشان تأخدوا فكرة عن الأسعار !
والمحل وضعه بيكون أنك بتأسس شركة مالكة للمحل ومقر الشركة هو المحل نفسه , ينفع طبعا
اما المجالات فكل حاجة متاحة
أنا قلت قبل كده ماليزيا بلد زراعي صناعي تجاري سياحي تعديني كمان
قولي مجالك ايه و حقولك رأيي

[abou_ruqi]

التقرير الذي طال انتظاره عن الاماكن السياحية في ماليزيا
أولا كوالالمبور

1- البرجين Petronas twin towers

ودول حتعمل فيهم الآتي
أولا تصعد للدور الأخير وده بـ 40 رينجت أو تصعد للكوبري اللي بنهم وده حيكلفك 12 رينجت
وده مشهد من داخل الكوبري

وفي متحف داخل القاعة المصاعد فيه تفاصيل عملية البناء

ويستحسن تحجز قبلها بيوم التذكرة علشان تتجنب طابور السياح الطويل ( جدا)

وتحت البرجين في أعظم أحياء مائية ممكن تشوفها في العالم aquaria

ويوجد بين البرجين مركز تجاري جميل جدا أسمه سوريا ( يعني الشمس بالماليزيا مش سوريا بتاعتنا)

ويوجد بارك خاصة بالبرجين تصميمها رائع وبها مسجد وبحيرة وممشى و حديقة اطفال وحمام سباحة اطفال بشلال , وكل هذا مجاني

ده بالنسبة للبرجين و تقدر تقضي فيهم يوم كامل

2- حديقة tasik perdana العامة

وهي مجانية طول أيام ا لأسبوع ما عدا السبت و الحد بتذاكر رمزية

ودي فيها حديقة ضخمة أكبر من المنتزة في الإسكندرية و يمر فيها طفطف

و بها المسجد القومي Masjid Negara

و المتحف الإسلامي

وحديقة غزلان

والنصب التذكاري لشهداء مقاومة الشيوعية في الخمسينيات

وضريح تون عبد الرزاق

والقصر الملكي القديم ( الملك لم يعد يسكن فيه , خد قصر ايجار جديد في المنطقة اللي انا ساكن فيها على بعد 4 كيلو من بيتي )

3- مرتفعات جينتينج genting highlands ودي من أكتر الاماكن اللي بحبها أولا علشان موضوع الجبال ده مش متعود عليه غير ان الجو بارد و رائع وفيها فنادق و مطاعم و مدينة ملاهي و تليفريك , تقريبا مدينة كاملة فوق السحاب , الصعود بالسيارة حوالي 45 كيلو صعودا في مناظر خلابة حتى تدخل في السحاب

5- واحد من أحلى أيام العمر , هو اليوم اللي حتقضيه في sunway lagoon
ودي عبارة عن بارك كبيرة جدا تحتوي على 5 ملاهي وفندقين ومركز تجاري
الخمس ملاهي :
- ملاهي الرعب
- ملاهي مائية
-ملاهي مغامرات
-ملاهي مراجيح
-حديقة حيوان

التكلفة للبالغين 100 رينجت لخمس ملاهي و60 رينجت لتلت ملاهي بدون الرعب و المغامرات
للأطفال 60 للخمس ملاهي و 35 للتلاتة

والمركز التجاري الملحق بالبارك اسمه sunway pyramid مبني على الطراز الفرعوني وبصراحة شيك قوي

6- في مكان يتحب بصراحة و هو جبل مطل على كوالا مبني فوقه عدة مطاعم وقهاوي عربي وهو مكان لشاي زردة وشيشة كريز :) اسمه LOOK UP POINT

7- حديقة الحيوان الوطنيه zoo negara

8- مبنى السلطان عبد الصمد , وده كان مقر رئاسية الوزراء قبل ما تنتقل لضاحية بوتراجايا اللي حنتكلم عليها , ودلوقتي المبني ده مزار وملحق به ملعب كورة عليه يمكن أكبر شاشة عرض يكن في ماليزيا و لما بيكون في ماتش عالمي مهم او ماتش للمنتخب الماليزي , الشعب كله بيتفرج على الماتش في الملعب ده

9- في مسجدين لازم يتزاروا في كوالا لحسن الحظ انا ساكن جانب واحد فيهم اللي هو مسجد الولاية اما المسجد الثاني هو مسجد جاميك

جاميك

يتبع بإذن الله ......

[abou_ruqi]

10- منطقة وسط البلد ودي شوفنا صورها قبل كده , ودي فيها معظم مولات كوالا وفيها شارع اسمه Jalan Bukit Bintang وده مجازا اسمه شارع العرب كله اللي ماشين فيه عرب وكل المحلات العربي موجودة فيه


11- الحي الصيني china town
كل حاجة متقلدة ساعات ونظارات وملابس مركات عالمية مضروبة , وكل حاجة في المكان ده رخيصة سواء البضاعة او الأكل او الإقامة حتى البشر





11- معبد الهندوس في كهف باتو batu cave

وده كهف طبيعي الهنود عاملين فيه معبد و فيه يمكن أكبر تمثال لمعبود الهندوس كريشنا وبيسموه المعبد ذو الألف سلمة , حاجة تقطع النفس وهي مرة في العمر ماتتكررش



ومن جوة



12- المعابد البوذي و دي ماديلكومش امارة في اسمائها علشان صعبة إنما هي سواء داخليا او خارجيا تحف معمارية وتتزار للي مهتم بمعرفة الأخر




12- ضاحية بوتراجايا Putra Jaya
وهي العاصمة الإدارية لماليزيا فيها رئاسة الوزراء و مباني جميع الوزارات ,
مهاتير محمد لما كوالامبور ازدحمت أمر ببناء هذه المدينة وأخرج كل المزارات من كوالا ووضعها هنا وهذه المدينة بنيت في اربع سنوات من سنة 1997 إلى 2001
هذه البلد لا صور لها تعكس جمالها , إنما ارجو ألا تفوتك إن زرت ماليزيا

مبنى رئاسية الوزراء


مسجد بوترا جايا




كباري بوتراجايا


محكمة بوتراجايا

قاعة المؤتمرات على شكل طاقية جندي الجيش الماليزي



شوارع بوترا جايا ليلا



فندق بولمان



مسجد السلطان مازن




التصميم المستقبلي لبوتراجايا








ده اللي فاكره من مزارات كوالا لمبور ولو افتركت او اكتشفت حاجة تانية حضفها ان شاءالله

انتظروا باقي المدن

[abou_ruqi]

نسيت اقول على حاجة بخصوص البرجين , أحسن مكان تشوف فيه البرجين هو فندق قصادهم اسمه traders hotel
وده في الدور الـ 33 فيه المكان الفظيع ده , ودي احسن نقطة تستمتع برؤية البرجين من خلالهم

[abou_ruqi]

بالنسبة للتصميم المستقبلي لتوسعة بوتراجايا علشان مخدش حقه صور

[Khaled Online]

الله أكبر
جميلة جميلة جميــــــــــــــــــــــــــــلة ماليزيا
ألف شكر عالتقرير الرائع :)

[msd86]

بص الموضوع القانوني ، مفيهوش مشاكل خالص بالنسبة لتأسيس مشروع في وجود شريك ماليزي او من غير
بس المهم تكون ناوي تشتغل بجد مش تكون الشركة سكة للاقامة وبعدين تقفلها وتدور على شغل

اما موضع الشغل في بينزينة والكلام بتاع امريكا ده هنا بيعملوه بتوع بنجلاديش ونيبال وانت استحالة توافق على مرتبتهم ده غير ان هنا مفيش بقشيش

مرة كمان
كل بلد ليه خصوصيته
ماليزيا مش بلد اللي مش معاه راس مال ولو صغير
او مش بلد الخبير في شغلته

انما عاوز تبتدي صغير اشتغل في مجالك بمرتب صغير قوى لحد ما تلاقي فرصتك في شركة كبير بمرتب كبير لكن متقوليش بنزينة وكده في بلد حر زي دي

إنت كده اجبت فـأوفيت وافادت وتشكر على الموضوع الجامد ده

[Mostafa]

تسلم ايدك تقرير ممتاز ممتاز ممتاز

[MOUSTAFA_SAAD]

تسلم إيدك يا باشا........................

[رزق]

أولا كله برحمة ربنا ومفيش بلد في العالم أمنة من ناحية الكوارث الطبيعية

إنما ممكن أقولك عما سبق أما عن المستقبل فده بين يدي الله

لو بصيت لخريطة جنوب شرق اسيا حتلاقي ماليزيا محمية من الناحية الشرقية بالفلبين و الجزيرة الشرقية لاندونيسيا ومن الغرب بالجزيرة الغربية لأندونيسا ( سومطرة) علشان كده لما بيحصل التسونامي غالبا أندونيسا أو الفلبين بيتلقى الضربة الأكبر وغالبا بتنتهي الأمواج عندهم كحاجز امواج طبيعي



وعلى الفكرة المنطقة دي طول عمرها مصروفلها عدد واحد تسونامي كل 4 سنين وأكبر تسونامي وصل لماليزيا كان تقريبا بتاع سنة 2004 وده ضرب جزيرة بينيج فقط (وهي اكبر جزيرة ماليزية) وكما ان كوالامبور ولاية داخلية بعيدة عن البحر (بينيج دي النقطة الصغيرة خالص اللي في شمال غرب الجزيرة الغربية اللي هي توازي شمال اندونيسيا على الخريطة اللي قدامك)

ولا تقع ماليزيا على حزام الزلازل إنما كله بتاع ربنا

شكرا يا باشا أنا كنت بأسأل عشان المنطقة دي - للامانة فعلا المنطقة المجاورة اندونيسيا وكده - من اماكن العواصف والتسونامي المشهورة