شهادتى من وسط أهالى العباسيه اللى بيقولوا عليهم بلطجيه

[Amr Axel]

مظبوط يا ريس
اصدقائي بيؤكدوا اللي حصل و واحد منهم بيقولي لو احنا ( اهالي العباسية يعني ) بلطجية عشان بندافع عن بيوتنا و اهلنا يبقي بلطجية و نفتخر

و مش عارف ايه الناس اللي خلوهم نواب عن الشعب و يتكلموا بالنيابة عننا انا عن نفسي معملتش لحد توكيل يتكلم بالنيابة عني انا اعرف اتكلم كويس

و ياما قولنا كلها بترتيب عشان البلد تولع نلاقي الناس خادتها الجلالة
و يقولك دول ابطال و احنا نفتخر باننا مش عارف ايه و هم و لا عارفين حاجة و لا عايشيين في الدنيا اصلا

[م. عمرو شرف]

طب اصدقك إنت ولا التانيين

دى راجعه لحضرتك زى ما أنا سمعت الكلام ده يوم الجمعه وقلت أتأكد

حضرتك برضه ممكن النهارده وبكره تتابع الأحداث والنت وتتأكد مين اللى تصدقه

مع تحياتى

حتى لو إفترضنا إنهم أهالى العباسية ، فهل اللى عملوه ده مش أعمال بلطجة والمفروض يتحاكموا عسكرياً

راجع الكلام بتاعى هتلاقى أن الضرب يوم الجمعه لما الأهالى منعوا البلطجيه يدخلوا شوارعهم

والضرب يوم السبت لما برضه منعوهم من دخول الشوارع لأنهم كانوا جايين يضربوهم على اللى حصل يوم الجمعه

لكن ركز فى نقطه مهمه

المتظاهرين اللى ماشيين رايحين لجامع النور بيعدوا الأول من أهالى العباسيه ومحدش كان بيكلمهم لأنهم مش بيضربوهم

أنا كنت واقف ورا أهالى العباسيه وكان بيعدى جنبى المتظاهرين ويعدوا بعد كده من وسط الاهالى ويوصلوا للجامع ومحدش بيكلمهم لأنهم ماشيين فى حالهم

يبقى الموضوع مش بلطجه

[رزق]

دى راجعه لحضرتك زى ما أنا سمعت الكلام ده يوم الجمعه وقلت أتأكد

حضرتك برضه ممكن النهارده وبكره تتابع الأحداث والنت وتتأكد مين اللى تصدقه

مع تحياتى

لما يكون عضوين وال 2 محترمين وشهادتهم متناقضة تماما الموضوع يبقى مش سهل

[تامر.محمد]

[youtube]http://www.youtube.com/watch?v=XvgxA7upApE[/youtube]

[م. عمرو شرف]

همممممممممممم , كده انا بقيت مندهش , كده فيه تضارب فظيع

عزيزى م/تامر

التضارب هيبان ويوضح النهارده وبكره لأن الشهادات هتبتدى تتقال

لما بنقول بلطجية الداخليه مش هنعرف نروح نسأل الداخليه عليهم

لكن لما نقول بلطجية العباسيه أى واحد فينا ممكن ببساطه ياخد عربيته ويروح هناك ويقعد على القهاوى ويسألهم

لأنهم فخورين جدا أنهم صدوا البلطجيه


بالمناسبه
فاكر لما قولتلك الموضوع أكبر من الدستور أولا وتابع الأحداث .

تابع يا تامر وشوف اللى بيحصل


بره الموضوع وبصفه عامه

أنت لما بتسمع كلام لموضوع بتقول رأيك بصراحه حتى لو كان ضد باقى الاراء

لكن بلاحظ أنك لما بتعرف صحته أو نفيه بتقول برضه رأيك بصراحه

وده شئ عاجبنى فيك أنك مش من الناس اللى بتصر على رأيها مهما حصل

تقبل تحياتى

لما يكون عضوين وال 2 محترمين وشهادتهم متناقضة تماما الموضوع يبقى مش سهل

تعليقى على كلامى وعلى كلام العضو الأخر

فاكر قصة لما 3 أشخاص عميان دخلوا غرفه بها فيل علشان يفحصوه

واحد مسك الزلومه وواحد مسك الديل وواحد مسك رجليه وكل واحد قال تفسير مختلف

محدش فيهم كاذب بس كل واحد قال اللى شافه

بس لما يدخل وحد رابع بيقول الوضع بالضبط بيتفسر الموضوع صح

الشخص الرابع ده هيبان النهارده لما شهادات أهالى العباسيه تظهر أو أى عضو مننا يروح العباسيه ويسألهم

مع خالص تحياتى

[dr.amr]

تسلم يا سيادة المقدم

محمود عبد النبي ده عاملهم مشاكل كتير في الداخليه لأنه للاسف شريف ومحترم

[youtube]http://www.youtube.com/watch?v=xvgxa7upape[/youtube]

[أبومعاذ]

هو دا نفس محمود عبد النبي اللي متحول للتحقيق عشان تصريحاته؟

[dr.amr]

هو دا نفس محمود عبد النبي اللي متحول للتحقيق عشان تصريحاته؟

الراجل ده للاسف هيتسحل

شبكة ااخبار مصر | عمرو موسى: لا بد من التحقيق الفوري في أحداث العباسية والاعتداء على المتظاهرين السلميين

[م. عمرو شرف]

كلام المقدم محمود هو اللى حصل فعلا

المتظاهرين راحوا لقوا الجيش قافل الطريق

وأهالى العباسيه كانوا قافلين شوارعهم علشان عارفين أنهم هيحاولوا يضربوهم بسبب يوم الجمعه

وبدأ الضرب من الطرفين

كل ده حصل فعلا

بس هو فسره أن الجيش متفق مع أهالى العباسيه أنهم يحاصروا المتظاهرين , وده مش حقيقى لأنى كنت واقف وشايف اللى بيحصل

أى عضو يروح العباسيه ويعرف الموضوع بنفسه دى سهله قوى

[A.Saad]

‫ط´ط§ظ‡ط¯ ط¹ظٹط§ظ† ظ…ظ† ط§ظ„ط¹ط¨ط§ط³ظٹط© ظٹظƒط°ط¨ ظ…ط§ طھظ‚ظˆظ„ظ‡ ط£ط³ظ…ط§ط، ظ…طظپظˆط¸ ط¹ظ† ظ…ط§ ظٹطط¯ط« ظپظٹ ط§ظ„ط¹ط¨ط§ط³ظٹط©‬‎ - YouTube

[dr.amr]

الراجل كداب وبيعترف


[youtube]http://www.youtube.com/watch?v=O4zDuW9vquk&feature=player_embedded[/youtube]

[dr.amr]

كلام المقدم محمود هو اللى حصل فعلا

المتظاهرين راحوا لقوا الجيش قافل الطريق

وأهالى العباسيه كانوا قافلين شوارعهم علشان عارفين أنهم هيحاولوا يضربوهم بسبب يوم الجمعه

وبدأ الضرب من الطرفين

كل ده حصل فعلا

بس هو فسره أن الجيش متفق مع أهالى العباسيه أنهم يحاصروا المتظاهرين , وده مش حقيقى لأنى كنت واقف وشايف اللى بيحصل

أى عضو يروح العباسيه ويعرف الموضوع بنفسه دى سهله قوى

حضرتك لو ممكن تسأل حد من العباسيه

ان في ميكرفونات مشيت في نفس المنطقه بتوعي الناس وتقولهم

ان في مظاهره هتيجي وعايزين يهجموا علي المجلس

ويدمروا البلد وانهم عملاء وخونه

[epnmasr]

اللي فهمته من كلام حضرتك إن بتوع يوم الجمعه فعلاً مش شكل ثوار لكنهم ناس مدفوعه للفتنه والوقيعه ونشروا خبر أن الجيش والبلطجيه بيضربوا في الثوار وذلك من خلال الجزيره والفضائيات اللي مش بيكلفوا نفسهم يبعتوا كاميرا علشان يتأكدوا من صحة الخبر و الثوار لما سمعوا كده راحوا أمس السبت وتوجهوا للمجلس العسكري وحدث ما حدث وطبعاً لهم العزر علشان لما يسمعوا إن فيه ثوار تم ضربهم وسحلهم يجب الذهاب لنصرتهم
معلش أنا حبيت أوضح ما فهمت و أرجوا التأكيد لو ده صحيح
لأن ده رأيي أيضاً فيما حدث و أن الثوار ليسوا مصدر الفتنه ولكن هناك من ينفخ في النار وعلى المجلس العسكري المحترم التصدي لذلك ووقف الفتنه
وليس على الثوار التصدي لهم وكفانا شهداء ومصابين بسبب نظام مبارك وحزبه وفلوله وحسبي الله ونعم الوكيل فيهم

[dr.amr]

نص الموضوع منقول من مجلة روزاليوسف
http://www.akhbarak.net/articleview.php?id=2647559
استبعد الطبيب الألماني ماركس بوشلر الذي زار الرئيس المخلوع للمرة الثالثة الأربعاء الماضي حاجة مبارك لإجراء عملية جراحية وذلك بعد أن انتشرت الخلايا السرطانية في أنحاء جسده انطلاقاً من البنكرياس الذي استأصل منه ورم سرطاني خبيث أثناء فترة علاجه في ألمانيا وكشف التقرير الطبي الذي أعده بوشلر ويعتزم فريد الديب محامي الرئيس المخلوع ارفاق نسخة منه بمذكرة الدفاع وكذلك اخطار النائب العام به أن مبارك يعاني من غيبوبة متصلة وأصبح فاقداً للتركيز في لحظات افاقته ولا يستطيع الحركة.

كما اكتفي الطبيب الألماني ماركس بوشلر بالاعتماد علي أدوية يتناولها مبارك من خلال المحاليل معتبراً أن حالته الصحية متأخرة جداً ومن الصعب إنقاذ حياته.

وقالت مصادر مقربة من أسرة مبارك أنه من المتوقع تأجيل محاكمة مبارك بعد أن أصبح فاقداً للوعي وفي حالة صحية لا تسمح بمحاكمته أو نقله إلي مجمع محاكم شرم الشيخ كما تردد مؤخراً.

[AshTurbo]

طيب خدوا عندكم السيناريو ده وقولولي مقتنعين بيه ولا لأ :


بلطجية مأجورين شباب وبنات كبار وصغار ( علشان يبان أنهم من المتظاهرين ) معاهم أسلحة وطوب ومولوتوف يطلعوا على المجلس العسكري ومفيش مانع لو راح معاهم حبة متظاهرين ( مش عارفين الحقيقة ) ويشتبكوا ويطلع أشاعة من بتوع الرويني ومن على شاكلته أن المتظاهرين بقيادة 6 أبريل بيضربوا في الجيش ويبدأ المواطنين العاديين يحدفوا على المتظاهرين طوب وتبدأ معارك مع البلطجية .... تبدأ الأخبار في الأنتشار ( ألحقوا الجيش بيضرب المتظاهرين وفي بلطجية في العباسية بيضربوا معاه ) ويبدأ أنسحاب البلطجية المأجورين وفي اليوم التالي مع أنتشار الشائعات يبدأ المتظاهرين يتوجهوا للمجلس العسكري وتحصل أشتباكات مرة أخرى وبعدها بيوم يقولك خبر أن الجيش بيحرس المتظاهرين المتجهين الى التحرير وويأمن لهم خروجاً آمناً من العباسية .


الأهداف من الخطة دي :

1- تشويه صورة 6 أبريل ومن يدعمهم أو سيدعمهم .

2- حشد تأييد كبير للمجلس العسكري .

3- أنقلاب الشعب على المتظاهرين وبالتالي على الثورة .


المشاركين في المؤامرة دي والمؤيدين لها بشكل أو بآخر :

1- النظام السابق .

2- المجلس العسكري .

3- التيارات الأسلامية التي تستعد للحشد وتطهير الميادين من المتظاهرين العلمانيين الكفار .



كلمة أخيرة :

لما نكون أحنا كمثقفين ومطلعين على التاريخ وعلى مصادر المعلومات المختلفة ومتابعين للأخبار بشكل متواصل يحصل تخبط وسطنا ونبقى مش عارفين أيه اللي بيحصل ولا أيه اللي هيحصل فمبالكم المواطن البسيط العادي اللي لا هو متعلم ولا ليه في السياسة يعمل أيه ؟

الله ينتقم من 6 ابريل ومن البرادعى العميل ومن كل حلفاء امريكا واسرائيل
الشعب الطيب مش هايسكت تانى والحلم وهدوء الاعصاب اللى متحلين بيه انتهى
يوم الجمعة ان شاء الله نازل مع التيار الاسلامى وربنا يقدرنا لنصرة بلدنا وحمايتها
ومستعد لكل الاحتمالات وهانظف ميدان سعد زغلول فى الاسكندرية من الزبالة اللى فيه

أسر الشهداء على راسى من فوق لكن استغلال قضيتهم من العلمانيين لن اسمح بيه

حضرتك هتنزل تضرب مواطن مصري زيك ويمكن يكون مسلم وخير عند الله منك ففكر تاني في اللي بتقوله .