شهادتى من وسط أهالى العباسيه اللى بيقولوا عليهم بلطجيه

[ahmedbatoos]

لما يعدي أكثر من 6 شهور على الثورة والمجلس العسكري لم يحاكم فرد واحد يبقى ده أسمه أيه ؟ لما ألف يتقتلوا واللي قتلوهم ياخدوا براءة يبقى أسمه أيه ؟ لما الوزراء والرئيس وحاشيته وكل اللي كانوا ناهبين البلد وواكلين حقى وحقك وحق ولادنا ياخدوا براءة في التهم المنسوبة أليهم يبقى أسمه أيه ؟ لما اللي قاموا بالثورة واللي ماتوا فيها هم وأهاليهم يتقال عليهم علمانيين وشيوعيين وكفار وبلطجية وخونة وليهم تمويل من الخارج يبقى أسمه أيه ؟

1- المجلس العسكري مش من اختصاصة يحاكم ولا يصدر احكام !! الا بقة لو احنا نزلنا في مظاهرة سرية واتفقنا انة هو الي يحاكم !! والقضاء يبقي صورة بس

2- لم يأخذ الجميع برائة ولا حاجة بعضهم اخد برائة في تهم مختلفة . . ودة شئ وارد في القضاء والقانون الوضعي وبيحصل في حتت كتير واحنا بدل ما ندورعلي الدلائل الدامغة او نضغط لاظهار دلائل من المخابرات او قلب امن الدولة بنعترض علي بعض الاحكام الي ربما تكون قانونيا سليمة !!

3-الوزراء والرئيس مخدوش في برائة !! البرائة طلعت لبعض منهم في قضايا محددة . . وكل واحد منهم اساسا علية بتاع 20-30 قضية . . وكل دة ايضا مش اختصاص المجلس العسكري . . بخلاف ان كلهم في السجن تقريبا . .


4-الي استشهدو وماتو وو و . . وشيوعين وعالمنين دة نظرة عنصرية عجيبة لان اولا محدش محتكر الثورة . . ولو حد هيحتكرها مع احترامي للجميع يبقي الاخوان لان هما الاكثر تنظيما واكثر ناس في وسط الثورة ساهمت في انجحاها بلتنظيم وسرعة استدعاء افرادها . . لكن الجماعة مقلتش كدة . . لكن يطلع ناس محدش سمع عنهم ويقلك احنا الثورة والثوار وانتوا مش عارف اية !!


بعدين محدش قال علي الشهداء وعلي الثوار عالمنين اتقي الله . . لو الجرائد اعاقة ذهنية . . واعلام حقير سافر . . يبقي احنا عندنا عقل نفرق . . اذا كان من اول الثورة وبوسطها وصف كبار الشيوخ الي بلتحرير بلمرابطين . . و حسبوا من قتلوا شهداء كل علي نيتة . . و اول من وفر دعم مادي لاهالي الشهداء كانوا الشيوخ في السويس لما عطوا لكل اسرة شهيد شقة و اموال تصرف علي نفسها . . .



ولما يكون في في التحرير ملحدين وعالمنين و و و . . معروف مين هما والكلام موجة ليهم . . مش عشان يهربوا يقولوا يحولوا الاتهام لكل الي موجدين اذا كان في التحرير لحد الان ملتحين مثلا !! ومنتقبات دول شيوعين وعالمنين !!


العالماني والشيوعي و الملحد عارف نفسة كويس . . وشكلة لوحدة باين علية . . وافكارة واهدافة الي مختلفة تماما عن اهداف اغلب المصرين ومن صنعوا الثورة . .


لما التيارات الاسلامية نزلت يوم 8 نزلت لاهداف محددة كلها اهداف الثورة ولما لقت الامر خرج عن الاتفاق وتحول لتهديديدات ومشاكل هنا وهناك انسحب الغالبية الساحقة من الميدان

والجمعة الي بعديها محدش نزل والميدان كان فاضي

ويوم الجمعة القادمة في مظاهرة بلتحرير للتيارات الاسلامية ايضا واي حد يمكن ان يشارك باهداف محددة وواضحة . . واهداف اجماع الشعب عليها . . .


يبقي مين الي لية مطالب الثورة . . وبيحاول يحققها ومين الي صوتة عالي وبيستخدم دم الشهداء والناس الغالبة لتحقيق اهداف ما يعلم بيها الا ربنا . . رغم ان كل شئ واضح مش محتاج تفسير وانا قلت يوم 8 اقسم برب الكعبة في وسط الاعتصام بليل مشيت بعد ما لقيت ان اغلب قادة الاعتصام ببصاتة مش مشكلتهم الشهداء ولا دم الشهدا وسمعتها بوداني هدفهم ايصال مجموعة من 5 افراد للحكم معروفين اسما !!

بس مش اكتر !!

محدش عمل قلق علشان الدستور أولاً ولا أي حاجة من الكلام ده اللي في ميدان التحرير بيطالبوا بالقصاص العادل والحرية والعدالة الأجتماعية اللي شايف غير كدة غلطته مش غلطتهم .

وانا مجبتش سيرة الدستور اولا الي كان بيطلب الدستور اولا ( هدفة واحد وهما هما الي عاملين القلق الان )

لكن فقط مشكلة الدستور اولا انتهت قالك نعمل مشكلة جديدة

والدليل بكل بساطة

ان في انتخابات بعد شهر اي عاااااااقل في الدنيا يقلك خلي المجلس العسكري بطئ سئ الادارة مش مشكلة شهر يقعد يخبط واحنا رايحين للحكم ساعتها نظبط قوانينا ونحاكم ونغير النظام الادارة كلة براحتنا

لكن الي يجي قبل انتخابات !! ويقلك مش عايز المجلس . . وعايز اعمل مجلس مدني من اشخاص معينة . . يبقي اكيد ليه اهداف تانية . . لان دة ابعد ما يكون عن المنطق والعقل

ودة مفهوم التيارات الاسلامية كلها

افتح برامج التوك شو الاسلامية علي الناس والحكمة تكلموا علي فضائح لامن الدولة

زي تهديد اسرة السيد بلال بقتلة ابنة الاسبوع الماضي
خطف ومحاكمة اشخاص بدون تحقيق . .
عدم سيطرة وزير الداخلية ( الشريف المحترم ) علي الوزارة

الخ الخ

لكن اهو مدام هي الدولة كانت متسلمة بايظة من كل حتة وفي موازنات وحاجات منقدرش نعرفها خلاص اوصل للحكم براحتي مدام كلها شهر . . وساعتها اطهر براحتي وافهم كل شئ براحتي واعدل كل شئ براحتي


انما ان اجي اقول الجيش يسقط
الشرطة تسقط
الحكومة تسقط
وعندي كام اسم عايز اغصب الناس عليهم يحكموا مصر

يبقي مع احترامي مفيش اي حسن نية اتجاة الي بيعمل كدة . . .


--------------------


ومع احترامي للكن اقسم بللة ويامين احاسب علية المجلس العسكري هو الجيش والجيش هو المجلس العسكري والي بيحاول يضحك علي الناس ويقلهم دة شئ ودة شئ واسقط المجلس والجيش هيبقي معاكو هدفة يحول مصر لحرب اهلية ويفكك الجيش


والي يقلك ضربوا ومش ضربوا ومتظاهرين سلمين اية الي موديهم لوزارة الدفاع . . ووزارة الدفاع دية مقر اداري وقيادة هي والمنطقة الشمالية يعني مش شئ رفاهية عادي يلة نحاصرة ويلة نعتصم قدامة وهيبة مصر كلها فية


ولو في اي دولة محترمة في العالم كانوا اضربوا


ودول متظاهرين اسبانيا . . . السلممممممين جدا الي بيضربوا مبيرفعوش عصاية ولا طوبة . . .
مش واحد رايح يشتم ورايح بدون حتي سبب منطقي و رايح لمظهر سيادة للدولة . . !!

‪Video of brutal Spain riot police crackdown, over 100 protesters injured‬‏ - YouTube


بلمناسبة الولايات المتحدة اعتقلت بدون سبب وقيدت حرية تنقل لشباب امريكي مناهض لحرب العراق . .

ودية امريكا

‪G20 protest in US: Police silence freedom of speech‬‏ - YouTube



‪Military Attacks American Citizens With Sound Weapons & Tear Gas At G20 5/6‬‏ - YouTube



‪Video Allegedly Shows Md. Police Beating Student‬‏ - YouTube


1- الشرطة شكلها غبي وتسليح عالي
2- قنابل مسيلة للدموع
3- قنابل للاعماء
4- سلاح صوتي لالام الاذن للرجوع
5- الجيش يعتقل متظاهرين
6- مروحية فوق وعربيات مضرحة وقنابل ورصاص صوتي
7- ضرب بلعصيان بغباء
8- اصابات بلمئات
9- الشرطة بخيول سلاح فرسان



فياريت شوية تعقل للناس الي تقلك في ناس اتصابت !!!

وكئن اي دولة يلة تظاهروا ويلة اعملوا الي عايزينة !!! في مصر الحرية يترجمها اشخاص للفوضي
في العالم الحرية هي حرية محدودة لا تعتدي علي الدولة او علي هيبتها او كيان الدولة
اذا كان في فرنسا ودول اوربا منعوا النقاب والمأذن فقط لحماية هوية فرنسا العالمنية او الدول الاخري المسيحية !!

[ashouhdy]

طيب خدوا عندكم السيناريو ده وقولولي مقتنعين بيه ولا لأ :


بلطجية مأجورين شباب وبنات كبار وصغار ( علشان يبان أنهم من المتظاهرين ) معاهم أسلحة وطوب ومولوتوف يطلعوا على المجلس العسكري ومفيش مانع لو راح معاهم حبة متظاهرين ( مش عارفين الحقيقة ) ويشتبكوا ويطلع أشاعة من بتوع الرويني ومن على شاكلته أن المتظاهرين بقيادة 6 أبريل بيضربوا في الجيش ويبدأ المواطنين العاديين يحدفوا على المتظاهرين طوب وتبدأ معارك مع البلطجية .... تبدأ الأخبار في الأنتشار ( ألحقوا الجيش بيضرب المتظاهرين وفي بلطجية في العباسية بيضربوا معاه ) ويبدأ أنسحاب البلطجية المأجورين وفي اليوم التالي مع أنتشار الشائعات يبدأ المتظاهرين يتوجهوا للمجلس العسكري وتحصل أشتباكات مرة أخرى وبعدها بيوم يقولك خبر أن الجيش بيحرس المتظاهرين المتجهين الى التحرير وويأمن لهم خروجاً آمناً من العباسية .


الأهداف من الخطة دي :

1- تشويه صورة 6 أبريل ومن يدعمهم أو سيدعمهم .

2- حشد تأييد كبير للمجلس العسكري .

3- أنقلاب الشعب على المتظاهرين وبالتالي على الثورة .


المشاركين في المؤامرة دي والمؤيدين لها بشكل أو بآخر :

1- النظام السابق .

2- المجلس العسكري .

3- التيارات الأسلامية التي تستعد للحشد وتطهير الميادين من المتظاهرين العلمانيين الكفار .



.

الله يفتح عليك

الناس نسيت سبب تسمية حركة 6ابريل بالاسم دة .... نسيتم اللى حصل فى 6ابريل وبيقولوا عليهم 6ابليس

حسبى الله ونعم الوكيل

[M.Mosaad]

من بعد 11 فبراير الحقيقه غابت في مصر قبل 11 فبراير مصر كانت فرقتين ثورة و نظام سابق يعني كان في ابيض و اسود و الواحد عارف مين الصح و مين الغلط و عارف طريقه من غير شك او لبس

بعد 11 فبراير اللون كله بقي رمادي بقي كله زي بعضه بس علي طريقته مفيش طرف صح 100 % او حتي 60 % كل طرف بقي تفكيرة صح بنسبة لا تتجاوز ال 30 % و دي نسبة متكفيش الواحد انه يتبع خطي المجلس العسكري او الثوار

انا بتعجب جدااااااااا من الاخوة من الطرفين اللي محسسني انهم عارفين طريقهم ايه لاني شايف ان كل طرف عليه كميه مأخذ كتيرة جداااااااااا و عيوبه اكتر من مميزاته

يعني المجلس العسكري او الجيش اه حمي البلد و ساهم بصورة فعاله في انهاء الثورة في اسرع وقت و حمي البلد من الانقسام و الدخول في حرب اهليه و لكن في المقابل بطء رهييب في المحاكمات يقترب من التواطؤ حكومه جديدة تمتليء بكل رموز النظام السابق عدم وضع خطة و رؤيه مستقبليه للبلد و مخطط واضح لتسليم السلطه و استفتاء ملوش اي معني او اي لازمه لالهاء الناس و خلاص

و من يطلقون علي انفسهم لفظ الثوار الغايه المعلنه لهم غايه نبيله و سميه و هي تطهير البلد من النظام السابق و استمرار جذوة الثورة مشتعله و لكن في المقابل و في الخفاء تصارع علي السلطه و محاوله الالتفاف علي نتيجه الاستفتاء اللي الشعب اختارها بحجه ان الشعب جاهل و مش عارف مصلحته يعني نفس منطق النظام السابق من غير اختلاف و محاوله فرض الرأي بالقوة علي الشعب يعني دكتاتوريه صريحه و ملهاش اي علاقه بالديمقراطيه المنتظرة و الاعتصام في ميدان التحرير و غلق المجمع و قطع الطرق في تحدي سيء جدااااااا و خطوة خسرتهم كتير جداااااااااا من تعاطف حزب الكنبه علي حد قولهم و قدموا للمجلس العسكري علي طبق من ذهب هديه تعاطف الشعب المصري و المتاجرة بدم الشهداء من الأتلافات الثورة و دي حاجة انا متأكد منها تماما من سفريات و منح و عطايا و دايما بعجبني اوي مداخلاتهم علي التليفون اوقات الضرب و السحل و هما بيتكلموا عادي و طبيعي انهم واقفين في التحرير او العباسية و الطوب و المولوتوف بينهمر عليهم و مع ذلك بيتكلموا بمنتهي الثبات و بتنفس طبيعي لدرجه بتخليني اشك انهم حتي باتوا ليله في خيمه في التحرير مع الغلابه اللي بايتين ليل و نهار في الحر دة


يعني من الاخر اللي عارف طريقه بجد في البلد دي و واثق من نفسه انه يصدق المجلس العسكري او يصدق الثوار انا بعتبرة عبقري لاني من بعد 11 فبراير مش قادر احدد طريقي لان كل طرف له ما له و عليه ما عليه

بالنسبة للعباسية بقي طول ما الشعب المصري اي حد بيضحك عليه باي اشاعه و الناس بتنزل تجري ورا اي اشاعه بتسمعها العباسيه هتتكرر في كل مناطق مصر و كل شهر هيبقي في موقعه مدينه نصر و المهندسين و مصر الجديدة .....

لكي الله يا مصر

[ahmedbatoos]

شهادة الناشط احمد غربية عن احداث يوم امس في العباسية..

العباسية في 23 يوليو
بدأ اليوم بنجاح أكثر من توقعاتي و حماس كبير، و انتهى بفشل غير مبرر. بدأنا المسيرة من التحرير حوالي الساعة 16:45 في شارع رمسيس في اتحاه ميدان العباسية ال كنا عارفين أن الجيش سادّه و متمترس فيه. الأعداد كانت معقولة بالنظر إلى اليوم و الوقت و الحشد المضاد ال كان الجيش بيعمله قبلها بيومين. في أقصى حجم لها في الثلث الاوسط من شارع رمسيس المسيرة المسيرة كانت حوالي 5000، لكني كنت باسمع من الناس حولي تقديرات من نوعية 10 آلاف و 30 ألف! قبل الكتدرائية اتمطّت المسيرة في خط طويل رفيع بسبب الكوبري و بالتالي كان ممكن للسائرين أنهم يسمعوا تعليقات أهالي من المنطقة غيرمرحبين بالمسيرة، لكنها خافتة و على مضض. ماكانش فيه مقاومة تدل على رفض قوي. لمحت على اﻷقل بلكونة واحدة فيها أشخاص يبدون امتعاضهم من المسيرة بتعبيرات إيديهم، و ووقفت عند أسرة تتألف من مجموعة ستات أبدوا اعتراض ساخط فوقف واحد من المتظاهرين يشرح لهم بكل ذوق أهداف المسيرة، و كان المتظاهرين طول الوقت حريصين على ترديد "يا أهالي العبّاسية المسيرة دي سلمية" لإعلان حسن النية.بوصولنا عند جامع النور اتضح لي المشهد: مدرعات - بينهم سيارة مطافئ الجيش - تسد الطريق في أضيق نقطة، بين ناصية المسجد و ناصية عمارة مقابلة له عبر الشارع، مكونين ساحة كبيرة تكفي حشد من الناس بمخرج رئيسي واحد هو شارع رمسيس. وراء المصفحات، في موقف ميكروباصات العبّاسية، كان بضعة شباب - غالبا من السائقين و عمّال الموقف - واقفين على أسطح الميكروباصات يتفرجوا على المشهد عبر صفوف الجيش و الساحة من بعده، لكني سمعت من الناس ال حولّي تعليقات عن "أن فيه بلطجية واقفين مع الجنود على المدرعات". دا كلام فاضي، و ال عجز عن أنه يمييّز في ضوء النهار الوضع ال أنا وصفته دا فعليه يعفينا من تحليلاته الاستراتيجة عن الضرب كان بييجي منين و من بدأ و من ما بدأش، و كمان يعفينا من تقديراته للأعداد ﻷن واضح أنه مش بيشوف. تتابع وصول المسيرة على دفعات تحتشد في الساحة ال مالهاش غير مدخل واحد ظاهر هو الطريق ال وصلنا منه. الأعداد ال انتهت معنا في الساحة كانت أقل من تعداد المسيرة في أفضل حالاتها. دا كان واضح للجميع و الكل علّق عليه في وقته. بعد فترة وقوف قصيرة و دعوات للجلوس في انتظار اكتمال الحشد، بدأت مناوشات على ناصية الشارع المقابل للجامع المفضي إلى الساحة من يمين الجيش، ال كان واقف عندها جمع من شباب المتظاهرين.في الدقايق التالية حدث ما يأتي:جرية غير مبررة بين صفوف المتظاهرين بدأت من الواقفين قرب المدرعات و ناصية الشارع المذكور، أفزعت الناس.اندفاع جنود مسلحين ببنادق في ساحة المسجد لتطويق سوره الحديد من الداخل و منع المتظاهرين من دخول ساحته.تراشق بالحجارة متبادل على ناصية شارع التماس بينا وأهالي المنطقة، و من فوق سطح العمارة ال على ناصيته.ضرب دفقات طويلة من الرصاص في الهوا من قبل الجيش للتهويشعدة جريات تالية ﻷسباب غير مفهومة و لاخطر ظاهر كانت تثير الفزع وسط المتظاهرين على سطح العمارة المذكورة كان فيه ناس؛ رجال و ست واحدة على الأقل في متوسط العمر، الواضح أنهم سكان، كانوا يلقون الحجارة و الزجاجات الفارغة على المتظاهرين المتجمعين أسفل العمارة عند ناصية شارع المناوشات. العمارة دي قبلها بلحظات كان واقف عليها أشخاص بيصوروا بكاميرات فيديو مختلفة الأحجام. أشار متظاهر واقف جنبي إلى شخص على سطح العمارة و وصفه لي بأنه جندي يقذف حجارة، لكن الحقيقة أنه كان شخص لابس قميص مشجّر مخضر على أبيض مختلف عن زيّ الجنود الرمالي الواقفين قدّامنا، بعدها ظهر فعلا جندي واحد كان قالع قميصه و فانلته ظاهرة و بنطلونه الكاكي، كان بيحاول إقناع الناس على السطح بالامتناع عن قذف الحجارة و يشير للمتظاهرين تحت بيديه الفارغتين بالسلام لتهدأتهم. ألقيت حجارة من بضعة من المتظاهرين باتجاه المسجد على الجنود الواقفين في ساحته ورا السور الحديدي ال كان واقف قباله متظاهرين من طرفنا، أنا منعت واحد منهم. في الوقت دا حدثت عدة إصابات في أوساطنا بسبب تراشقات الحجارة في مواضع مختلفة في الساحة. كانت فيه مبادرات غير مبررة بإلقاء حجارة من أشخاص وسط المتظاهرين في اتجاهات مختلفة، و بإصرار شديد. وارد أن منهم مدفوعين لدا لتخريب المسيرة و أكيد فيهم ناس عاديين هي دي طريقتهم الوحيدة في النضال، زي ال كان مصر يلقي حجارة على بلكونة مطلة على الشارع وقف فيها شاب و شابة واضح لي تماما أنهم متفرجين محايدين ما حاولوش يعتدوا بأي شكل على الحشد ال تحت، و أشاروا بيديهم أنهم مسالمين. من اللحظة دي كان واضح لي أن المناوشات بين المتظاهرين و سكان المنطقة كانت تتطور في اتجاه الحدة، و بعد شوية انفتحت جبهة جديدة في طرف الساحة البعيد عن الجيش عند مدخل شارع آخر حاول الأهالي الخروج منه لمهاجمتنا من الخلف، و بالتالي أصبح طريق العودة خطرا و شبه مغلق. أنا أصر على وصف المهاجمين بأنهم أهالي المنطقة و رافض نظريات البلطجية، لأن هم دول نفسهم الناس ال احنا بنرفض نسميهم بلطجية أما الجيش يقول عليهم كدا، و هم الناس ال بينزلوا في اللجان الشعبية يدافعوا عن مناطقهم ضد الغرباء. هل حدث أن ناس اندفعوا في البداية المبكرة المناوشات من الشارع الجانبي الملاصق للجيش بسلاح أبيضو هددوا المتظاهرين و استفزوهم و ألقوا عليهم زجاجات بلاستيك: أيوة حصل. لكن الحل في رأيي كان أن المتظاهرين يمتصوا الاستفزاز، و يعلنوا أنهم مش جايين يتخانقوا مع أهالي المنطقة و يصروا على سلميتهم تجاههم، و يبدأوا مفاوضات معهم. لكن القلة سريعة الاستفزاز هي ال سيطرت. ال حصل في العباسية كان خناقة نفوذ على مناطق زي ال بتحصل طول الوقت في أحياء القاهرة الشعبية بين وافدين على منطقة غير منطقتهم و أهالي المنطقة ال مش عاجبهم وجود الوافدين. في حالتنا أكيد أن الأهالي تأثروا بالحشد ال عمله الجيش ضدنا سواء بالبيان 70 ال أصدره المجلس بعد مسيرة اليوم السابق يشكر "مواطنين شرفاء وأدوا الفتنة" في مواجهة آخرين - نحن - مفهوم ضمنا أنهم غير شرفاء، و ربما باتصال مباشر مع ضباط شجعوهم على أنهم "يدافعوا عن منطقتهم" زي ما سمعنا، و غالبا هم مش فاهمين الهدف من المسيرة و احتمال كبير يكونوا مش عاجبهم نداءات محاسبة المجلس الأعلى و الضغط عليه زي فئة كبيرة من المصريين. كل دا غير مستبعد و بنسمع من الناس العاديين في الشوارع ما يدل على أنه وارد و حاصل. الشباب في ثلاثيناتهم ال قبضوا على أخوي عمرو أثناء خروجه و كانوا مقتنعين تماما أنه "جاسوس من 6 أبريل" زي ما الجيش أعلن، تدرب في الخارج و يتلقى تمويل، و زادوا من عندهم على التهمة حيازة "بودرة" و "إلقاء متفجرات على جامع النور" و هم بيحكوا للضباط، كانوا هم كمان مواطنين شرفاء مقتنعين بال بيعملوه [Log In | Facebook] فيه ناس منّا مصرين يفسروا ال حصل على أنه مؤامرة استخدم فيها بلطجية مأجورين، لكني شايف دي ضلالات، و إما هم مش فاهمين ديناميكيات خناقات الشوارع في المناطق الشعبية، أو مصرين يتجاهلوها زي ما حصل في وقائع كثير خلال اليوم، و يفسروها تفسيرات ثورية و نضالية لأنه أريح لهم و حكاية ثورة مسلية، أو يمكن ماحضروش معارك مهمة قبل كدا و لها مغزى فحبوا يعملوا لهم تاريخ."البلطجي" في النهاية هو شاب فتوة خشن مستعد للدفاع بعنف عن الحاجة ال تهمه أو موقف معتقد بصحته. زي سامبو. في المقابل بعض من كانوا في صفوف المتظاهرين كان يتصرف بطريقة الدكر الجامد ال مش عاوز يبطل خناق علشان ما حدّش يبقى علّم عليه. واحد منهم أما زعقت له أننا مش جايين نتخانق مع الناس في منطقتهم إنما جايين مظاهرة ضد المجلس العسكري رد الرد التقليدي بتاع أي خناقة شوارع "هم ال بدأوا..أسيبهم يقولوا علي مراة!".. واحد غيره اشتبكت معه في نقاش عنيف و مع أنه كان فاهم "أننا اتجرينا للمعركة علشان يوقعوا بينا و بين الأهالي و يشغلونا عن هدفنا" لكنه كان مصمم على موصلة المعركة! و مش شايف مناص منها. عارف أنه بيتورط و رافض يتصرف بذكاء. و لاحقا أما سخنت المعركة أكثر كان بعضهم بييجي يستنهض الرجال علشان يطلعوا يحاربوا و يشتم الواقفين الرافضين يشتركوا في المعركة. في الوقت دا عرفنا بوجود مخرج عبر مستشفى كلية الطب. ساعتها مشيت. أنا ماكنتش طايق المعركة دي و لا دعاتها المتحمسين، لأنها عبثية مالهاش أي سبب و لا يمكن نطلع من وراها بأي مكاسب. و كان رأيي أن غير الموافقين عليها لازم ينسحبوا لأن وجودهم يعطي شرعية لمثيري الحرب و يحسسهم بأنهم يدافعون عن بقية الناس ال ورا دول "علشان ما نندبحش". أغلب معارفي كان رأيهم أنها عبثية، لكن بعضهم كان حاسس بتأنيب ضمير أنهم يتركوا معارفنا الباقيين ال كان مستحيل نجمعهم كلهم، و\أو يتركوا شباب المسيرة ال تورطوا في المعركة يواجوا مصيرهم لوحدهم، و بعضهم فعلا كان حاسس بالواجب في الدفاع..عن إيه! ماعرفش!! ماكنّاش مضطرين للمعركة، و ثاني: مافيش منها أي مكاسب، و مش ممكن ننتصر نصر واضح غير أننا نكون "علّمنا على الأهالي" قبل ما ننسحب برضه في النهاية، و نكون عملنا معهم ثار. لو كان أغلب الناس الرافضين المعركة العبثية انسحبوا زي ما كان مفروض كانت القلة الباقية من هواة المعارك هتلاقي نفسها وحدها بلا متفرجين يشهدوا بطولاتهم الوهمية و تخويناتهم للباقيين، و كانوا هيضطروا سريعا للانسحاب المحتوم..بإصابات طبعا لكنها لحد الوقت دا كانت هتبقى أقل كثير من ال الإصابات ال وقعت بسبب استمرار المعركة الساعات التالية، و أكيد بخسائر معنوي أقل كثير للمسيرة. كانت فيه أكثر من محاولة للانسحاب بجموع المسيرة، لكنها أُحبطت بسبب المزايدات و قلق الناس المفهوم على زملائهم. واحدة منهم حاولتها أنا و خالد علي بالهتاف لكننا أسكتنا سريعا. بكدا، شوية منا خرّبوا اليوم ال كان ناجح، بهدف أنهم يثبتوا أنهم جامدين و بيضربوا أي حد في أي منطقة.أغلبنا كنا شايفين أننا بنتورط في معركة غير هدفنا لكننا عجزنا عن تصحيح المسار ﻷن أقلية سيطرت بأفعالها.دعاية الجيش المضادة بالتخوين و العمالة لا تختلف بتاتا في نوعها و لا أثرها على بعض الناس عن خطاب بقية نظام مباركواضح لي تماما أن قيادة الجيش مستعدة تضع بينا و بينها مدنيين، و مستعدين يتفرجوا علينا و احنا بنتخانق مع بعض فيما يشبه الحرب الاهلية..عادي جدا، طالما دا هيخليهم هم المسيطرين على الموقف. أروح أنام بقى،تحديث بعدما صحيت: إجابات أسئلة شائعة لاختصار نقاشات مالهاش لازمة: هل كنت مؤيدا للمسيرة؟ طبعا هل ستخرج في مسيرات أخرى لنفس الهدف؟ فورا حتى مع خطر أن نتائجها ممكن ما تعجبكش؟ الثورة عمل خطر و غير مضمون النتائح، لا مبارح و لا يوم 25 و لا 28 و لا 2 فبراير كانوا مضمونين. الثورة بنتعلمها و احنا بنعملها.

[wael17]

من بعد الثورة و انا مش مستريح للي اسمها اسماء محفوظ دي و الحمد لله ان تم كشف حقيقتها للجميع

[Everlasting]

مسيره من العباسيه لميدان التحرير لتقديم اعتذار لثوار التحرير



‫ظ…ط³ظٹط±ظ‡ ظ…ظ† ط§ظ„ط¹ط¨ط§ط³ظٹظ‡ ظ„ظ…ظٹط¯ط§ظ† ط§ظ„طھط.ط±ظٹط± ظ„طھظ‚ط¯ظٹظ… ط§ط¹طھط°ط§ط± ظ„ط«ظˆط§ط± ط§ظ„طھط.ط±ظٹط± | Facebook‬

[wael17]

مسيره من العباسيه لميدان التحرير لتقديم اعتذار لثوار التحرير



‫ظ…ط³ظٹط±ظ‡ ظ…ظ† ط§ظ„ط¹ط¨ط§ط³ظٹظ‡ ظ„ظ…ظٹط¯ط§ظ† ط§ظ„طھط.ط±ظٹط± ظ„طھظ‚ط¯ظٹظ… ط§ط¹طھط°ط§ط± ظ„ط«ظˆط§ط± ط§ظ„طھط.ط±ظٹط± | facebook‬

انا عندي سؤال بخصوص المسيرة دي
دلوقتي الناس منقسمة بين وجهتي نظر
1-غالبية بتقول ان اهالي العباسية تصدوا للمتظاهرين و منعوهم من الاشتباك مع الجيش
هل اهالي العباسية شعروا بالندم علي جريمتهم النكراء و قرروا يعملوا مسيرة لمصالحة ثوار التحرير؟


2- اقلية بتقول ان اللي اعتدوا علي المتظاهرين بلطجية تبع الجيش
هل البلطجية ضميرهم صحي و قرروا يروحوا يعتذروا لثوار التحرير؟

الاحتمال الثالث ان المسيرة هاينظمها ناس مش من العباسية اساسا و غالبا تبع 6 ابريل و ذلك لتطييب خاطر ثوار التحرير

[korkor]

مسيره من العباسيه لميدان التحرير لتقديم اعتذار لثوار التحرير



‫ظ…ط³ظٹط±ظ‡ ظ…ظ† ط§ظ„ط¹ط¨ط§ط³ظٹظ‡ ظ„ظ…ظٹط¯ط§ظ† ط§ظ„طھط.ط±ظٹط± ظ„طھظ‚ط¯ظٹظ… ط§ط¹طھط°ط§ط± ظ„ط«ظˆط§ط± ط§ظ„طھط.ط±ظٹط± | facebook‬

انت مصدق برده موضوع الاعتذار ده دول رايحين يكملوا على الحبه اللى لسه صاحيين فيهم

[م. عمرو شرف]

انا عندي سؤال بخصوص المسيرة دي
دلوقتي الناس منقسمة بين وجهتي نظر
1-غالبية بتقول ان اهالي العباسية تصدوا للمتظاهرين و منعوهم من الاشتباك مع الجيش
هل اهالي العباسية شعروا بالندم علي جريمتهم النكراء و قرروا يعملوا مسيرة لمصالحة ثوار التحرير؟


2- اقلية بتقول ان اللي اعتدوا علي المتظاهرين بلطجية تبع الجيش
هل البلطجية ضميرهم صحي و قرروا يروحوا يعتذروا لثوار التحرير؟

الاحتمال الثالث ان المسيرة هاينظمها ناس مش من العباسية اساسا و غالبا تبع 6 ابريل و ذلك لتطييب خاطر ثوار التحرير

أو لأيهام الناس أن اللى ضربوا المتظاهرين فعلا بلطجيه وبالتالى :

الشعب مش ضد الهجوم على المجلس العسكرى

البلطجيه دول متأجرين ( وشوف مين اللى مأجرهم ) وأهالى العباسيه بيتبرأوا منهم

[أبومعاذ]

ashturbo
هو أيه اللي دخل التيارات الإسلامية في القصة دي ولا هو اي كلام في إطار تجريح الغير عشان تبقى زيك زيك أخواتك أصحاب التهم الجاهزة و المعلبة؟

[أبومعاذ]

أنا لم أقحم التيارات الأسلامية هي التي أقحمت نفسها مرتين المرة الأولى عندما لم تشارك في الثورة وحتى لم تدعو لها من البداية بل على العكس أدعت أنها شاركت فيها وقامت بالقفز على الثورة .

المرة الثانية مايحدث حالياً من أنفصال وأنقلاب على المتظاهرين والدعوة الى تطهير الميادين منهم بأدعاء أنهم من العلمانيين والكفار والشوعيين والذين يريدون الأنقلاب على ولي الأمر وهو المجلس العسكري الذي لم يحاكم فرداً واحداً حتى الآن .

انت متأكد إنك معانا في مصر و بتسمع وتشوف نفس الأخبار اللي بنسمعها و بنشوفها؟ ولا بتجيب الكلام الجامد دا منين؟

[wael17]

أو لأيهام الناس أن اللى ضربوا المتظاهرين فعلا بلطجيه وبالتالى :

الشعب مش ضد الهجوم على المجلس العسكرى

البلطجيه دول متأجرين ( وشوف مين اللى مأجرهم ) وأهالى العباسيه بيتبرأوا منهم

ده ايه التخطيط الشيطاني ده!!!!
الناس دي ما كانتش بتلعب في صربيا.

[AmAhmed]

كنت داخل اقول كل واحد شاف نص الحقيقة يعتقد انه عرف كل ما حدث و اذكر روايات اخري تُكمل مشاركة الاستاذ sharafconsult ... حتي قرأت مشاركة الاستاذ ahmedbatoos و فيها رواية الناشط احمد غربية و التي هي الاقرب للحقيقة و تتفق مع تجميع انصاف الحقائق التي يروج لها لها جميع الاطراف

يتلقي كل اللوم علي ما حدث المجلس العسكري بتحريضه الشعب ضد بعضه بدون دليل و اشعاله شرارة حرب اهلية بلا وعي و تأليب الناس علي بعضها غير مدرك لاندفاع الكثير و ضعف الوعي و الثقافة و تردي الحالة الاقتصادية .. متجاهلا دوره الواجب في قيادة البلد بحكمة و مسئوليته في ادارة الامور بهدوء

يشارك ايضا في تحمل تبعات ما حصل ، وزارة الداخلية التي لا هم لها الا حشد القوات و اطلاق القنابل المسيلة للدموع و حولهم من يحمل الاسلحة البيضاء و يشعل النار و يقذف الطوب و لا يتدخلوا لضبط الامن او التفاهم و يكتفوا بالفرجة

و كذلك اهل منطقة العباسية و المتظاهرين و الهمجية و العشوائية التي حدثت بين الطرفين و لا عذر لهم
رسالة الي اهل العباسية بل و سكان كل المناطق : ( يا أيها الذين ءامنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين )قال رسول الله: ( إن المفلس من أمتي يأتي يوم القيامة بصلاة وصيام وزكاة، ويأتي قد شتم هذا، وقذف هذا، وأكل مال هذا، وسفك دم هذا، وضرب هذا، فيعطى هذا من حسناته، وهذا من حسناته، فإن فنيت حسناته قبل أن يقضى ما عليه أخذ من خطاياهم فطرحت عليه، ثم طرح في النار! ) صحيح مسلم (2581)

صراحة لا استطيع ان الوم قوات الشرطة العسكرية فقد وقفت علي الحياد و قامت بمهمتها بدون اعتداء و لا تجاوز .. فقط اغلاق مسجد النور كان خطأ لكن تم تصحيحه بعد مناشدة الامام الازهري

الغريب في الامر ان احدا لم يحرك ساكنا من المسئولين و هو يري الحشد بين الطرفين و اطراف اخري مثل صفحة انا اسف ياريس و صفحات التحرير و بعض المحرضين في القنوات الفضائية ... و كأنه سعيد بمشاهدة اقتتال بين افراد الشعب بل و يمنع التصوير في محيط الاحداث ربما ليفرض قصته و يوجه الاكاذيب لخدمه اهدافه
و هو سعيد بهذا الاقتتال الذي يُلهي الناس عنه و عن من يحمي من الفاسدين .. و ينفض يديه و يقول و انا مالي هما حيخلصوا امورهم مع بعض .. اي امانة هذه التي يحملها هؤلاء تجاه امن و سلامة الشعب بكفاءة طوائفه و انتماءاته و توجهاته .. و اي عجلة انتاج او استقرار يمكنه الحديث عنهم بعد ما تُركت الامور للناس في الشارع لتحاسب و تحاكم بعضها

[ashouhdy]

يعنى بالراحة كدة لو هم فعلا جماعة انقلابية و خونة و معاهم اجندات المجلس ملمهش لية طالما واثق اوى كدة ولا هو بيلم موافقة شعبية لعمل غير قانونى!

[Centurion]

مسيره من العباسيه لميدان التحرير لتقديم اعتذار لثوار التحرير



‫ظ…ط³ظٹط±ظ‡ ظ…ظ† ط§ظ„ط¹ط¨ط§ط³ظٹظ‡ ظ„ظ…ظٹط¯ط§ظ† ط§ظ„طھط.ط±ظٹط± ظ„طھظ‚ط¯ظٹظ… ط§ط¹طھط°ط§ط± ظ„ط«ظˆط§ط± ط§ظ„طھط.ط±ظٹط± | facebook‬

احنا اسفين يا 6 ابريل

ههههههههههههههههههههههههههههههههه