شهادتى من وسط أهالى العباسيه اللى بيقولوا عليهم بلطجيه

[human]

المجلس هو حامى الشرعيه
المجلس هو اللى حارب اكتوبر
هو اللى حمى ثورة يناير

انتو مش عايزين البلد حالها يتصلح ولا ايه

انا عايز اعيش و اشوف اوبريت اول طوبه جويه انضربت مالعباسيه ادى ادى اديها كمان حريه

[م. عمرو شرف]

مش عرف ليه صاحب الموضوع تجاهل موضوع إن كان فيه بلطجية بجد ...... بشهادته هو ...... هما إلي هاجموا على الناس يوم الجمعة بليل


طب مين دول ؟؟؟؟؟ و مين حرضهم ؟؟؟؟؟ و ازاي المجلس العسكري المحترم بكل اجهزته و مخابراته ....... يطلع يلزقها في 6 ابريل ؟؟؟؟؟؟!!!!!!!!!!!!!

قصدك البلطجيه اللى هاجموا الاهالى مش كده ( لأن مفيش بلطجيه فى الاهالى فى شهادتى )

مش فاهم قصدك أيه بأنى تجاهلتهم , أنا مش محتاج أتكلم عليهم غير اللى قولته , وضحلى أكتر

بالنسبه لموضوع 6 أبريل , مش كل اللى هجموا على الاهالى بلطجيه , الغالبيه العظمى كانوا كده لكن كان فيه تانيين واقفين بيهتفوا

بس أكيد أهالى العباسيه ميعرفوش دول 6 أبريل ولا مين غيرهم , هما كانوا بيضربوا اللى بيضربهم وبيمنعوا الباقى من الذهاب لوزارة الدفاع

[dr.amr]

أولا أنا مقلتش من الحوارى

لكن أعتبرها حوارى وهسألك سؤال : شارع غرب القسلاق يعتبر حوارى ولا حضرتك مش عارفه , أقولك عليه

وأنت ماشى فى شارع رمسيس وبتعدى من قدام مستشفى الدمرداش هو الموازى ليك على اليمين قدام الكاتدرائيه والشارع ده نهايته قدام مسجد النور عند مطلع الكوبرى بالضبط

الشارع التانى هو الشارع اللى على ناصيته محطة بنزين التعاون وفيه ناس كتير عارفاه لأن فيه محسن المشهور بتاع ضبط الزوايا

هما دول الشارعين اللى قلتلك أن المتظاهرين كانوا بيضربوا منهم وعايزين يدخلوا على الأهالى

أيه جاب الشارعين دول لحوارى الوايلى وسوق الخضار

على فكره عزبة أبو حشيش قبل غمره وأنت رايح على رمسيس يعنى بعد مستشفى الدمرداش بحوالى محطه مش لزق فيها خالص

وأنا قلتلك أنك تفتكرهم انهم بلطجيه لكن دول أهالى , لكن ما قلتش أن روايتى تؤكد روايتك بالعكس دى تنفيها تماما لكن قلت أنك شايفها من وجهة نظرك

حضرتك بتقول فيديوهات وشهادات شيوخ كبار وسمعت من أصحابك ومش عايز تتأكد بنفسك

لو حضرتك مصر أن اللى طلعوا بلطجيه مش أهالى رافضين للكلام ده أنت حر

لو حضرتك مش عايز تقابلنى مع أعضاء تانيين علشان نتأكد من الحقيقه , يبقى خلاص أنت حر فى أعتقاداتك لأن أنت بتثبت موقف شعب مش بتثبت روايتك

بس غريبه أنك رفضت

سؤال بس بالنسبه لعزبة ابو حشيش انا لا اقصد باب المستشفي

انا اقصد مستشفي الباطنه من جوا لو حضرتك تعرفها

وهي فعلا قريبه من غمره

وده علي حسب تسمية الاستاذ هشام زكي ليها


بالنسبه لشارع البنزينه والشارع اللي حضرتك وصفته فكل المنطقه دي تابعه لقسم الوايلي

كل الشوارع الجانبيه دي تسمي الوايلي

ولو تلاحظ حضرتك ان الناس خرجت بس من شوارع منطقة الوايلي الجانبيه

وشارع البنزينه ده في كمية بلطجيه ملهاش عدد

وكمان في حاجه معرفش شفتها ولا لأ ان كان في ناس ورا الجيش من اهالي العباسيه برضو

وجه عليهم وقت قعدوا يهتفوا للثوار

مش دول برضو اهالي العباسيه !!

[Amr Axel]

ايه اللي بتقوله ده ؟؟؟

تقصد ايه يا استاذ تامر ؟

[hobiko]

قصدك البلطجيه اللى هاجموا الاهالى مش كده ( لأن مفيش بلطجيه فى الاهالى فى شهادتى )

مش فاهم قصدك أيه بأنى تجاهلتهم , أنا مش محتاج أتكلم عليهم غير اللى قولته , وضحلى أكتر

بالنسبه لموضوع 6 أبريل , مش كل اللى هجموا على الاهالى بلطجيه , الغالبيه العظمى كانوا كده لكن كان فيه تانيين واقفين بيهتفوا

بس أكيد أهالى العباسيه ميعرفوش دول 6 أبريل ولا مين غيرهم , هما كانوا بيضربوا اللى بيضربهم وبيمنعوا الباقى من الذهاب لوزارة الدفاع

حضرتك مش فهمني


أنا عايز مين بعت البلطجية بتوع يوم الجمعة يهاجموا الناس و المجلس العسكري في العباسية ؟؟؟؟؟


و لما هما واضح انهم بلطجية ...... ازاي يطلع المجلس العسكري يتهم 6 ابريل ؟؟؟؟؟

[mfarag]

ومش عايز تتأكد بنفسك

لو حضرتك مصر أن اللى طلعوا بلطجيه مش أهالى رافضين للكلام ده أنت حر

لو حضرتك مش عايز تقابلنى مع أعضاء تانيين علشان نتأكد من الحقيقه , يبقى خلاص أنت حر فى أعتقاداتك لأن أنت بتثبت موقف شعب مش بتثبت روايتك

بس غريبه أنك رفضت

و اللة حضرتك صعبان عليا

ما انا قلت لك مافيش فايدة

امال ازاى هنلاقى حجج نولع فى الجيش و البلد

[م. عمرو شرف]

سؤال بس بالنسبه لعزبة ابو حشيش انا لا اقصد باب المستشفي

انا اقصد مستشفي الباطنه من جوا لو حضرتك تعرفها

وهي فعلا قريبه من غمره

وده علي حسب تسمية الاستاذ هشام زكي ليها


بالنسبه لشارع البنزينه والشارع اللي حضرتك وصفته فكل المنطقه دي تابعه لقسم الوايلي

كل الشوارع الجانبيه دي تسمي الوايلي

ولو تلاحظ حضرتك ان الناس خرجت بس من شوارع منطقة الوايلي الجانبيه

وشارع البنزينه ده في كمية بلطجيه ملهاش عدد

وكمان في حاجه معرفش شفتها ولا لأ ان كان في ناس ورا الجيش من اهالي العباسيه برضو

وجه عليهم وقت قعدوا يهتفوا للثوار

مش دول برضو اهالي العباسيه !!

مش هنقعد نقول الوايلى أو العباسيه ( مع أنها تبع العباسيه )

أنت شايف أن شارع بنزينه التعاون اللى فيه محسن بتاع ضبط الزوايا اللى قدام معهد القلب والجنينه الكبيره فيه كمية بلطجيه مالهاش عدد

أنا بروح أقابل صاحبى هناك من 15 سنه ومعرفش أنه هو وأهله واللى ساكنيين معاه بلطجيه

حرام عليك تتهم الناس دى بالبلطجيه علشان تثبت وجهة نظرك

لكن بمناسبة الحديث عن الشارع ده , أنت قلت أن أهلك و10 من أصحابك ساكنين فى العباسيه ومانزلوش يضربوا حد وده دليلك أن اللى نزل بلطجيه , يا ترى هما ساكنين فى الشارع ده أو أى شارع جنبه ( اللى كلهم بلطجيه على حد وصفك لهم )

لأن لو أجابتك لأ مش ساكنين فيه أو جنبه ( بأعتبارها مناطق بلطجيه ) يبقى حضرتك خدت شهادتك من ناس مش ساكنين هناك وما شافوش اللى حصل

[م. عمرو شرف]

و الله حضرتك صعبان عليا

ما انا قلت لك مافيش فايدة

امال ازاى هنلاقى حجج نولع فى الجيش و البلد

أشكرك لذوقك النبيل

الفكره أن دايما بسمع كلام بيتقال كتير فى المصادمات وأنا بقيم ده من كل المصادر وبقول رأئى

لكن دى أول مره أقرر أنى أروح بنفسى أعرف الموضوع وخصوصا لما لقيت الموضوع ده فى الشارع اللى فيه صاحبى

وكمان أنا شفت كل حاجه بنفسى

وشوفت كمان متظاهرين ( زى ما كتبت فى الموضوع ) واقفين بيتكلموا مع الناس وبيعدوا من وسط الضرب ومحدش بيكلمهم

لكن على العموم أنا كتبت شهادتى ومش محتاج أفضل أدافع عنها

مش الغرض من الشهاده أنى أقول لازم تمشوا ورا كلامى , اللى مصدقه أو غير مصدقه دى حريه شخصيه

ومش هيخلينى عضو مميز معاكم أو عضو مرفوض منكم

دى شهاده لأى عضو بيسأل فيه أيه فى العباسيه

لكن يصدقها أو لأ أنا جاوبت على سؤاله وخلاص

مع خالص تحياتى

[Amr Axel]

اعتقد يا جماعة
ان العباسية في الوقت ده مكونة من 3 فئات غير الشرطة العسكرية
اول فئة الاهالي
تاني فئة المتظاهرين
تالت فئة البلطجية

البلطجية بيضربوا في الاهالي و المتظاهرين

و الاهالي فاكرين المتظاهرين البلطجية
و المتظاهرين فاكرين الاهالي البلطجية

و شكل البلطجية خلعوا و سابوا الفئتين كل واحد فاكر التاني بلطجي و نزلوا طحن في بعض

ده توقعي و الله اعلم

[Everlasting]

[Everlasting]

من موقعة العباسية ....... البلطجية في حماية الشرطة العسكرية:

[khaled_sabry]

من موقعة العباسية ....... البلطجية في حماية الشرطة العسكرية:

lملحوظه صغيره
الاخ ابو ازرق ده انا شايفه مش بلطجى و لا حاجه و لا لابس الفانله الحملات المقطعه (اللى بقيت علامه البلطجيه لو كانو ضدكم امال لو كانو فى صفكم فعادى جداا - حتقولو هو شكله كده و تجبولى صورة البنت الصغيره و هى رافعه لوحة انا بلطجيه )
سيبنا من الاخ ده المهم السلاح اللى ماسكه ده مش سنجه
دى سكينه كبيره موجود منها عن البقال اللى على اول شارعنا و بيستخدمها فى تقطيع الجبنه
و تلاحظ عليها انها جديده مش زى السنج اللى بنشوفها مع البلطجيه (من نوعيه الفانله المقطعه ) بيبقى ليها يد خشب (علشان ارخص) او بيبقى يدها اتخلعت اساسا من كتر المعارك .. و ماتبقاش بيد بيضه و منوره كده 1و السن بتاعها بيلمع
فى اعتقادى الاخ ده صاحب محل بقاله و سحب اى حاجه علشان يشارك اهالى منطقتة

و بعد كده ليه الاستشهاد التام بكاركاتير كارلوس لاتوف و استخدامه كأنه حقيقه واقعه
الراجل ده برازيلى يعنى خارجى فالمفروض مانلهوش ودن اوى ... ولا احنا خلاص اتعودنا نسمع للبره فى كل حاجه

[Ahmed Sharaf]

من موقعة العباسية ....... البلطجية في حماية الشرطة العسكرية:

واضح إن حضرتك مش شايف السلك الشائك اللي موجود بينهم.
إزائ يعني بيحمية وفية بينهم فاصل, ولا عايز الشرطة العسكرية تنط وتمسكة ويتقال ان الشرطة العسكرية ومسكت واحد من أتباع سامبو الثائر الهمام.
حضرتك عايز الشرطة العسكرية تتدخل ولا ما تتدخلش , ولا تسأل الاول اللي هتمسكة هو حضرتك ثائر ولا بلطجي.

ولو حضرتك ما تعرفش في الايام السودة اللي فاتت ايام اللجان الشعبية كنا كلنا زي اللي في الصورة دة , وكلنا مع إختلاف طباعنا ووظائفنا كنا واقفين في الشوارع نحمي اللي جاي يهددنا وفينا اللي ماسك سكينة وهو اصلا مش عارف هيستخدمها إزاي واللي ماسك شومة وكانت مدرعات الجيش بتعدي من على الكماين اللي كنا عاملينها , هل المفروض وقتها إننا بلطجية في حماية الشرطة العسكرية .

ولما اللي واقفين في العباسية بيهتفوا ( الشعب يريد إسقاط المشير ) هو الشعب كان عملهم توكيل بالنيابة عنة ؟
على فكرة كل كلامي على الاحداث الحالية والتي لا تمت بصلة إلي الثوار الذين تواجدوا في الميدان منذ 25 يناير, واللي أعتقد 90% منهم مش موجودين في الميدان.

وفي الآخر يا رب أرنا قدرتك فيمن يسعون الي خراب البلد أي كان إنتمائاتهم.

[beautiful0mind]

انا مصدقك يا أستاذى لان روايتك تتفق مع الواقع مش الاوهام اللى بعض الاعضاء يرويها لنا

[م. عمرو شرف]

من موقعة العباسية ....... البلطجية في حماية الشرطة العسكرية:

هو مين البلطجى بالضبط ,اللى لابس ازرق ولا احمر ولا علم مصر

أصلى شايفهم كلهم فى الناحيه التانيه من السلك , مش ناحية الجيش ,

أنامكن أقولك على الصوره دى أن المتظاهرين معاهم سنج وسكاكين وأدى صورتهم

والدليل أنهم واقفين جنب بعض من الناحيه التانيه من السلك

أثبتلى أن ده مش من المتظاهرين غير أنك تقولى أن المتظاهرين طيبين ومايعملوش كده