حدث الأن في المطار القديم

[shrofa]

كله دة عشان مقيش نظام في البلد والحكومة ميهماش تنفيذ القانون ، كل إللي يهمها أمن النظام وبس

وأبسط شيئ ممكن تشوفه كل يوم السايس إللي بتلاقية في كل حتة زحمة والركن فيها صعب حتى لو قدام سوبر ماركت

عمرك شوفت أمين شرطة ولا عسكري بيقوله أنت بتعمل إية ؟؟؟

فاكرين فيلم همام في أمستردام والمشهد بتاع .... باركينج أند كلينج .... كلينج أند باركينج لما محمد هنيدي وقف جنب العجل عشان يتسول ويلم فلوس من الناس شوفتوا الشرطة إتحركت إزاي ومنعته بسرعة ... تخيل دة لو حصل هنا في مصر في جيش السياس إللي في البلد هتبقى صعبة على الحكومة وهل الحكومة محتاجة إصدار قوانين جديدة ومناقشتها في مجلس الشعب عشان تقدر تمنعهم

يا باشا ده فيلم ...وبعدين مش كل حاجة تحملوها للحكومة ....الشعب نفسه بياكل فى بعض ...

الحكومة بترفع قرش التاكسى بيرفع الأجرة على الناس 10 جنيه...وهكذا ...نصلح حالنا الأول بينا وبين بعض وبعدين نقول الحكومة ....

[shrofa]

يعنى يا باشا ....المرة الى فاتت لما الحكومة رفعت البنزين ال 90 ...30 قرش

كنت باخد مشاور بالتاكسى ...المفروض كبيره 10 جنيه بس كنت بدفع له 12 جنيه وكان بيبقى مبسوط ومزقطط...

بعد زيادة البنزين...بقى عايز ياخد 20 جنيه ...ليييييييييييييييه

هو علشان الصفيحة (20 لتر بنزين 90 اذا كان اصلا بيحط 90)...زادت 6 جنيه ....يبقى سواق التاكسى يرفع الأجرة على مشوار أصلا ميكملش 15 كيلو ...يرفعها 10 جنيه مرة واحدة ....

وتقولى حكومة ...ربنا يرحمنا

[kh_talaat]

[quote] يا باشا ده فيلم ...وبعدين مش كل حاجة تحملوها للحكومة ....الشعب نفسه بياكل فى بعض ...

الحكومة بترفع قرش التاكسى بيرفع الأجرة على الناس 10 جنيه...وهكذا ...نصلح حالنا الأول بينا وبين بعض وبعدين نقول الحكومة .... [quote]


أستاذ shrofa

إسمحلي أقولك إن الحكومة هي المسئولة عن هذا البلد وهي المسئولة عن تنفيذ القوانين ، يعني الحكومة لو عايزه تنظم موضوع عداد التاكسي إللي بقاله 20 سنة مش شغال وتلزم التاكسي بيه هتقدر تلزمة (زي ما بتحبط أي مظاهرة سلمية بجيش من الأمن المركزي يفوق عدد المتظاهرين )... يعني مش وظيفة المواطن إنه كل ما يركب ما تاكسي جشع وطماع يتخانق معاه ويمسكوا في بعض

[shrofa]

[quote=kh_talaat;266150][quote] يا باشا ده فيلم ...وبعدين مش كل حاجة تحملوها للحكومة ....الشعب نفسه بياكل فى بعض ...

الحكومة بترفع قرش التاكسى بيرفع الأجرة على الناس 10 جنيه...وهكذا ...نصلح حالنا الأول بينا وبين بعض وبعدين نقول الحكومة ....

أستاذ shrofa

إسمحلي أقولك إن الحكومة هي المسئولة عن هذا البلد وهي المسئولة عن تنفيذ القوانين ، يعني الحكومة لو عايزه تنظم موضوع عداد التاكسي إللي بقاله 20 سنة مش شغال وتلزم التاكسي بيه هتقدر تلزمة (زي ما بتحبط أي مظاهرة سلمية بجيش من الأمن المركزي يفوق عدد المتظاهرين )... يعني مش وظيفة المواطن إنه كل ما يركب ما تاكسي جشع وطماع يتخانق معاه ويمسكوا في بعض

بصراحة فى موضوع العداد ...صح أنا معاك قلبا وقالبا (مع إنى مش فاهم الجملة بتاعت قالب ده)....

بس كلامك كده عملى ومنطقى ومقدرش اقول حاجة عنه....

[د.أحمد سمير]

هذه هي سمة العشوائية التي تؤدي إلى الفهلوة وسياسة " اللي تطوله خده "
أما تعامل التاكسي مع الأجانب فسائقي التاكسي يتعاملون معهم بضرب الجنيه المصري في الدولار وإعادته مرة تانية للجنيه ..
يعني مشوار بعشرة جنيه يبقى بعشرة دولار ، والدولار ينضرب في 6 يبقى ستين جنيه .. وأقل من كدة ميركبش وأكثر من كدة ميضرش .

[heshamhasib]

مفيش فااااااااااااااااااااااااااااااااااااااايده

[AlmAhAtmA]

يا عالم متاخد من صاحب العربيه دي قد ايه تمن الوقفه
يا عالم وراه ديون قد ايه او قسط او كمبياله
يا عالم بحاله

الطف بينا يا الله

المشكله مش في السرقه
المشكله في الوقاحه

ان حرامي ينط علي حبل غسيل يسرقه دي اسمها جريمه سرقه لكن انك تدخل بيتك تلاقي الحرامي قاعد و مستنيك تحط الحاجات في كياس و تنزلها له العربيه دي اسمها ايه وقاحه

عبد الناصر ° السد العالي ° التموين كان فيه كوبونات فلفل اسمر
السادات ° حرب اكتوبر ° كان ابويا الله يرحموا بيجيب لبسه مستورد و ياكل كافيار
عمي و عم الشباب ° ستار اكاديمي ° يارب افرح بيكي يا شاهيناز

[tmz9111]

عبد الناصر ° السد العالي ° التموين كان فيه كوبونات فلفل اسمر
السادات ° حرب اكتوبر ° كان ابويا الله يرحموا بيجيب لبسه مستورد و ياكل كافيار
عمي و عم الشباب ° ستار اكاديمي ° يارب افرح بيكي يا شاهيناز

تعليق معبر جدا

[eng_mkhalaf]

يا جماعة وإية يعنى 30 جنية يعنى 4 يورو - مش حاجة للأجانب لكن حاجة كبيرة للغلبان سواق التاكسى

يا عالم متاخد من صاحب العربيه دي قد ايه تمن الوقفه
يا عالم وراه ديون قد ايه او قسط او كمبياله
يا عالم بحاله

الطف بينا يا الله

المشكله مش في السرقه
المشكله في الوقاحه

ان حرامي ينط علي حبل غسيل يسرقه دي اسمها جريمه سرقه لكن انك تدخل بيتك تلاقي الحرامي قاعد و مستنيك تحط الحاجات في كياس و تنزلها له العربيه دي اسمها ايه وقاحه

عبد الناصر ° السد العالي ° التموين كان فيه كوبونات فلفل اسمر
السادات ° حرب اكتوبر ° كان ابويا الله يرحموا بيجيب لبسه مستورد و ياكل كافيار
عمي و عم الشباب ° ستار اكاديمي ° يارب افرح بيكي يا شاهيناز

العريس رجع - زغرودة يا جماعة - وحشتنا والله

[elpasha009]

يا جماعة محدش فيكم فهم قصدي إيه.
يا جماعة الراجل ده مش تاكسي ده عربية ملاكي نوعها مازدا موديل التسعينات .ده أولا.
تاني حاجة المشوار نفسه ممكن يتاخد مشي في أقل من 5 دقايق أو حتى يركب الباص اللي ببلاش اللي بين الصالات.
تخيلوا لو السائح ده عرف إن أصلا كان فيه باص ببلاش أو حتى ركب نفس المشوار تاني لأي سبب وركب مع واحد إبن حلال وعرف إنه إتنصب عليه.أو حتى إكتشف إنه أصلا مش راكب تاكسي ده عربية ملاكي هيبقى إيه الموقف؟؟؟؟؟؟؟؟؟؟؟؟

[د.أحمد سمير]

تخيلوا لو السائح ده عرف إن أصلا كان فيه باص ببلاش أو حتى ركب نفس المشوار تاني لأي سبب وركب مع واحد إبن حلال وعرف إنه إتنصب عليه.أو حتى إكتشف إنه أصلا مش راكب تاكسي ده عربية ملاكي هيبقى إيه الموقف؟؟؟؟؟؟؟؟؟؟؟؟

إيه الموقف ؟؟؟؟؟
سوري يعني هي فلوس السياحة دي بتدخل جيوبنا .. أبداً
بيتصرف بيها على التنمية (لو لسه فيه حاجة اسمها تنمية ) ... أبداً
سمعة مصر وناسها هتبقى سيئة ... ما هي أصلاً متنيلة بنيلة .

إيه ممكن يكون الموقف ؟؟؟ ولا حاجة ؟؟؟
لو احنا حاسين إن البلد بلدنا يبقى نزعل .. لكنها لم تعد كذلك على رأي فاروق جويدة
هذي بلاد لم تعد كبلادي .
ربنا يلطف بينا جميعاً
تقبلوا خالص مودتي

[tutankhamoun]

يا جماعة وإية يعنى 30 جنية يعنى 4 يورو - مش حاجة للأجانب لكن حاجة كبيرة للغلبان سواق التاكسى

لما يقوموا بإعطائه ال 30 لحلوح و هما عارفين إن دي صدقة ماشي
إنما السرقة حرام يا باشمهندس حتى لو السواق مش لاقي يأكل

و بصراحة أحنا شعب .......... يقرف .... بس من الأخر

طيب أنا هاحكيلك على حاجة

أنا كنت لسة راجع من خارج مصر
و ساعات شكلي بيكون مش مصري و خصوصا لما أكون لابس لبس معين
المهم
واحد تاكسي وقفني في المطار
و كلمني أنجليزي ......... قلت في نفسي كلمه انجليزي و شوف ايه الموضوع
المهم طلبت منه يوديني في مكان معين فلقيته طلب 300 جنيه .... قصدي 300 لحلوح
المهم أول ما قالي 300 جنيه ......... كلمته بالعربي
قالي هو أنت مصري ... ؟
قلتله أه
قال هو الحظ الوحش ده ........أنا كنت فاكرك خواجة و هاخد بالدولار ؟؟
قلتله أنت حرامي .......... زبون خواجة أيه يا معفن !!!
أنا هاتصل بالشرطة .......
قعد يجر ناعم .......... و أخذ في المشوار 60 جنيه فقط
شوفت السرقة ........... عيني عينك
و مفيش حاجة أسمها علشان أجنبي و 4 يورو
المنطق ده بيقول إن الغني المصري المفروض يدفع مبلغ أكبر بما أنه مش هايفرق معاه


الــــــســـــــــرقة تعريفها واحد ............. و لا يتجزء

[tutankhamoun]

يا جماعة محدش فيكم فهم قصدي إيه.
يا جماعة الراجل ده مش تاكسي ده عربية ملاكي نوعها مازدا موديل التسعينات .ده أولا.
تاني حاجة المشوار نفسه ممكن يتاخد مشي في أقل من 5 دقايق أو حتى يركب الباص اللي ببلاش اللي بين الصالات.
تخيلوا لو السائح ده عرف إن أصلا كان فيه باص ببلاش أو حتى ركب نفس المشوار تاني لأي سبب وركب مع واحد إبن حلال وعرف إنه إتنصب عليه.أو حتى إكتشف إنه أصلا مش راكب تاكسي ده عربية ملاكي هيبقى إيه الموقف؟؟؟؟؟؟؟؟؟؟؟؟

أغلب السياح بنهاية فترة إقامتهم بيعرفوا أنهم اتظبطوه
و بيقولوا المصريين دول حرامية و شعب معفن و زبالة
و بسمعها بودني و بتخانق كتير
بس لما بأسمع حكايتهم ......... بأعذرهم

[KarimAbulEla]

صدقنى الاجانب مش عبط برده - يعنى عم توقعوا ان المطار يكون قريب بس مشكلتهم المساعدة ، يعنى عندما لم يجدوا من يساعدهم فى الوصول لهدفهم مجانا ، حاولوا الحصول عليها فى مقابل مادى ، و هنا يبقى الراجل ده اعطى خدمة و اخد المقابل لها و هنا تختلف الاراء ، هل كل واحد حر فى تقدير خدماته ، يعنى ممكن سواق ما يعرفش يكلم و لا كلمة انجليزى ياخد 5 جنيه ، و سواق اخر يعرف يكلم كلمتين ياخد 20 و هكذا ، عموما تقدير الخدمات متروك لمن يؤديها

اما اذا كنت عايز الاجنبى يحصل على الخدمة مجانا فعندها ممكن تتدخل و تساعدهم بدون مقابل و عندها لن تكون ضيعت رزق الراجل ، لانها سوف تكون خدمة لبلدك فى شكل خدمة لسائح

يعنى فى النهاية كل التصرفات لن تكون خاطئة سواء من جانبك او من جانب الراجل اياه

طيب ايه رايك اول امبارح واحد صاحبى من فنلندا ركب تاكسى من ماريوت الزمالك و حتى مركزالمؤتمرات و دفع 20 جنيه ، و انا متاكد انى لو مكانه كنت دفعت 30 جنيه على الاقل بالخناق
و ده كان راى كل المصريين اللى سمعوا الموقف ده

[tutankhamoun]

صدقنى الاجانب مش عبط برده - يعنى عم توقعوا ان المطار يكون قريب بس مشكلتهم المساعدة ، يعنى عندما لم يجدوا من يساعدهم فى الوصول لهدفهم مجانا ، حاولوا الحصول عليها فى مقابل مادى ، و هنا يبقى الراجل ده اعطى خدمة و اخد المقابل لها و هنا تختلف الاراء ، هل كل واحد حر فى تقدير خدماته ، يعنى ممكن سواق ما يعرفش يكلم و لا كلمة انجليزى ياخد 5 جنيه ، و سواق اخر يعرف يكلم كلمتين ياخد 20 و هكذا ، عموما تقدير الخدمات متروك لمن يؤديها

اما اذا كنت عايز الاجنبى يحصل على الخدمة مجانا فعندها ممكن تتدخل و تساعدهم بدون مقابل و عندها لن تكون ضيعت رزق الراجل ، لانها سوف تكون خدمة لبلدك فى شكل خدمة لسائح

يعنى فى النهاية كل التصرفات لن تكون خاطئة سواء من جانبك او من جانب الراجل اياه

طيب ايه رايك اول امبارح واحد صاحبى من فنلندا ركب تاكسى من ماريوت الزمالك و حتى مركزالمؤتمرات و دفع 20 جنيه ، و انا متاكد انى لو مكانه كنت دفعت 30 جنيه على الاقل بالخناق
و ده كان راى كل المصريين اللى سمعوا الموقف ده

خدمة التاكسي ........ مسعرة في كل مكان و المبالغة في طلب سعر عالي لخدمة فهو شئ مكروه جدا و إن لم لكن حرام
يعني حتى لو متلقي الخدمة قبل لها

طيب أنا أفتكرت حكاية تاني

واحد ألماني صاحبي واقف عند شارع طلعت حرب و عايز يروح المتحف
و مش عارف يوصل
المهم وقف تاكسي و قاله عايز أروح المتحف
راح الراجل قاله هاخذ 50 جنيه
فصاحبي ده مكنش يعرف هو المتحف فين بالظبط
و لما التاكسجي قاله 50 جنيه أفتكر إن المتحف بعيد
فراح راكب التاكسي و بيبص لقه المتحف على بعد خطوات
و السواق لهف الخمسين جنيه و مشي

هل تظن أن هذا حلال ؟؟؟؟؟؟؟؟؟؟؟؟
و تخيل حصلت فيك أو أي مصري

مع العلم إن الناس خارج مصر كلها بتتعامل معاملة واحدة
( في تاكسي ....... أوتوبيس ...... متحف ......... عيادة ........ مستشفى .......... ضرائب .......... بنوك ........... ممتلكات ......... الخ )