مطبخ نايل موتورز

[nonetta]

بااااااااااااظ الريجيم يا حاج احمد
ايه يا ستات المنتدى
انا مشمرة م الصبح وانتو قاعدين تتفرجوا عليا
ما تياللا انتي وهيا تعالوا شمروا وساعدوني

[nonetta]

هجبك اسمه النهارده علشان انا جعت ومش فاكر اسمه

في سبايسي
في فيجيتار
في كوكي
بس انا مش باحتاج الحاجات دي الحمدلله
باعمله احلى منها

[mohammedabdallh]

عرق الرستو او اللحمة الباردة

تجيب العرق الفلتو
تخرمه بالسكينة خروم كتير
وكل فتحة نغرز فيها فص ثوم
نلف العرق بدوبارة عشان يمسك نفسه طبعا كلنا عارفين الدوبارة
او ممكن ما نلفهاش عادي

نقدح شوية سمن في الحلة
نقلب فيها عرق اللحمة ونتبلها بالملح والفلفل والبهارات ونشوحها كويس
هتنزل مرقتها وتشربها
نحطلها كل شوية حبة مية
اوعى تسيبها تنشف احسن تتحرق
وتقلبها كل شوية
لحد ما تغرس فيها السكينة ما تطلعش منها سوايل
ممكن قبل ما تستوي خالص تقطع شوية جزر وبطاطس مكعبات وتحمرهم نص تحمير وتقلبهم مع اللحم
تستنى لما تبرد خالص
تتقطع شرايح رفيعة بسكين حامي سمك سنتيمتر تقريبا

نصيحة اخوية
العرق دة مش بيبقى اقل من 2-3 كيلو وبيكش في السوا للنص تقريبا
احسن لك خلي حد يعزمك عليه

يعنى الواحد يروح يشترى 3 كيلو يطلعوا كيلو ونص
ده مش حرام ولا ايه
وكمان فى الظروف الى احنا فيها دى
حرام

[heshamzaky]

هجبك اسمه النهارده علشان انا جعت ومش فاكر اسمه

ماشى يا باشا فى الانتظار

[heshamzaky]

في سبايسي
في فيجيتار
في كوكي
بس انا مش باحتاج الحاجات دي الحمدلله
باعمله احلى منها

الفيجيتار دة مش حلو اوى مش زى بتاع الشارع و لا بتاع كنتاكى مختلف شوية

[mohammedabdallh]

في سبايسي
في فيجيتار
في كوكي
بس انا مش باحتاج الحاجات دي الحمدلله
باعمله احلى منها

لا مش من الانواع دى
هجبلكوا نوعه بكره اصلى فى الشغل وكفايه كدا انا جعت

[nonetta]

يعنى الواحد يروح يشترى 3 كيلو يطلعوا كيلو ونص
ده مش حرام ولا ايه
وكمان فى الظروف الى احنا فيها دى
حرام

لو عاوز تعمل لك حاجة يبقى طعمها قريب ومش مكلفة زي عرق الرستو
هتجيب كيلو من عند الجزار من العرق دة مقطع شرايح او كيلو بفتيك
يتعمل في صينية عالبوتاجاز بنفس الطريقة ونحطالتوم فصوص معاها
و البطاطس والجزر قبل ما تطفي عليها
هتلاقي نفس الطعم
ومش هتحس بتكلفة عالية
بس الفرق ان العرق الرستو بيبقى لونه فاتح من جوة وغامق من برة
دي هتبقى كلها لون واحد

[heshamzaky]

لا هيبقى زيه بالضبط ان شاء الله
وبعدين انت عاوز تزعل نيفو مننا ليه


بسسست بسست نيفو
ولا كأنك سمعتي حاجة

ههههههههه بنحب نجيب اكل من برة
هو بصراحة أكل الشارع لة رونق يعنى يا سلام على طبق كشرى من الشارع ممكن ما يكونش انظف من بتاع البيت طبعا و كلة مكرونة بس بيبقى حلو
سبحان الله أرزاق ربنا بيوزعها حتى عربية الفول الى فى الشارع تحفة بصراحة

[mohammedabdallh]

لو عاوز تعمل لك حاجة يبقى طعمها قريب ومش مكلفة زي عرق الرستو
هتجيب كيلو من عند الجزار من العرق دة مقطع شرايح او كيلو بفتيك
يتعمل في صينية عالبوتاجاز بنفس الطريقة ونحطالتوم فصوص معاها
و البطاطس والجزر قبل ما تطفي عليها
هتلاقي نفس الطعم
ومش هتحس بتكلفة عالية
بس الفرق ان العرق الرستو بيبقى لونه فاتح من جوة وغامق من برة
دي هتبقى كلها لون واحد

ايوه كدا ده حاجه فى اللذيذ ومش مكلفه
خلى عرق الرستو ده فى العزومات :b4_388:

[نور القمر]

خلطة للفراخ بتكون احلى من كنتاكي
بعد سلق الفراخ عادي والافضل تكون مقطعة 8 قطع
هنعمل الخلطة التالية
بيضة معلقتين توم مفروم مستردة كاري صلصة مايونيز اي حاجة عندك حطها ولو مفيش مش مهم بس التوم هو المهم
ملح وفلفل وبهارات شوية دقيق يعني حوالي 3 4 معالق
قلب في بعضه
ونزل فيها الفراخ ممكن تنقعها شوية وممكن لا لو مستعجل
بعدين على جنب دقيق على بقسماط
وتطلع الفراخ من الخلطة السابقة وتحاول تخلي عليها اكبر كمية ممكنة وممكن تدخل منها تحت الجلد وتحطها في خلطة الدقيق بالقسماط وتكبس فيها عشان يلزق
واقلي الفراخ في زيت عزير
واو مقرمش من برة وطري ولذيذ من جوة

[Osama_I]

السلام عليكم و رحمة الله و بركاته

يا جدعان اقفلوا باب الاجتماعى ريحة الأكل ماليا المنتدى ....
مينفعش كده

[nonetta]

خلطة للفراخ بتكون احلى من كنتاكي
بعد سلق الفراخ عادي والافضل تكون مقطعة 8 قطع
هنعمل الخلطة التالية
بيضة معلقتين توم مفروم مستردة كاري صلصة مايونيز اي حاجة عندك حطها ولو مفيش مش مهم بس التوم هو المهم
ملح وفلفل وبهارات شوية دقيق يعني حوالي 3 4 معالق
قلب في بعضه
ونزل فيها الفراخ ممكن تنقعها شوية وممكن لا لو مستعجل
بعدين على جنب دقيق على بقسماط
وتطلع الفراخ من الخلطة السابقة وتحاول تخلي عليها اكبر كمية ممكنة وممكن تدخل منها تحت الجلد وتحطها في خلطة الدقيق بالقسماط وتكبس فيها عشان يلزق
واقلي الفراخ في زيت عزير
واو مقرمش من برة وطري ولذيذ من جوة

ايوة كدة
هلوا
الخلطة جميلة اوي يا نور
هاجربها
بس الثوم مش كتير ملعقتين
انا باحب التوم بس كدة هيبقى طعمه باين اوي
ولا قصدك توم مجفف انا بصراحة مجربتوش بس باسمع انه حلو

[nonetta]

السلام عليكم و رحمة الله و بركاته

يا جدعان اقفلوا باب الاجتماعى ريحة الأكل ماليا المنتدى ....
مينفعش كده:_alshmokh08[1]:

اتفضل معانا الاكل كتير
هات كرسي يا عثمان وطبق فاضي واغرف للباشا

[i_Boy]

عرق الرستو او اللحمة الباردة

تجيب العرق الفلتو
تخرمه بالسكينة خروم كتير
وكل فتحة نغرز فيها فص ثوم
نلف العرق بدوبارة عشان يمسك نفسه طبعا كلنا عارفين الدوبارة
او ممكن ما نلفهاش عادي

نقدح شوية سمن في الحلة
نقلب فيها عرق اللحمة ونتبلها بالملح والفلفل والبهارات ونشوحها كويس
هتنزل مرقتها وتشربها
نحطلها كل شوية حبة مية
اوعى تسيبها تنشف احسن تتحرق
وتقلبها كل شوية
لحد ما تغرس فيها السكينة ما تطلعش منها سوايل
ممكن قبل ما تستوي خالص تقطع شوية جزر وبطاطس مكعبات وتحمرهم نص تحمير وتقلبهم مع اللحم
تستنى لما تبرد خالص
تتقطع شرايح رفيعة بسكين حامي سمك سنتيمتر تقريبا

نصيحة اخوية
العرق دة مش بيبقى اقل من 2-3 كيلو وبيكش في السوا للنص تقريبا
احسن لك خلي حد يعزمك عليه

ماما بتعملها
اعتقد الاكله الوحيده اللي مبيتبقاش منها ولا فتفوته
هي وحوالي 15 اكله تانيه :)


متأكده من موضوع انها بتكش دي ؟؟ اصلي دايما بحسها مش بتكفيني اصلا
مع اني بكلها عشا

[i_Boy]

طب ما تزعلش
بس هنا ركن الريجيم
عندك استعداد ولا ايه؟

معنديش اي استعداد للرجيم نهائي
انا مش بتاع ريجيمات
بتاع اكلات
:)