مشكلة زوجية عويصة

[أحمد كمال]

و الرد بسيط ..... انا مش هاكتب حاجة باسم حد و عمري ما هابقى جوز الست اللي عايش في شقتها و راكب عربيتها .... و اما اموت ابقوا قسموا الورث بالشرع مش هتورثوني بالحيا

[cyborg_ift]

يا أستاذ احمد هيه متأكده انه بيحبهه وعشان كده حليم عليهه وأوقات كتير كانت بتقوله نبعد عن بعض شويه وده طبعا تهديد علشان عارفه انه بيحب الاولاد جدا

ونفس الكلام اللي حضرتك بتقوله هوه عمله قالهه مش هكتبلك حاجه إلا لما مزاجي يقولي

ده غير اني بسمعهم ساعات من المطبخ وهيه بتعايره انه مش قادر يصرف عليهه كفايه وانهه زهقت وتمالي تقوله انا لو رجع بيا الزمن مش هتجوزك لأ مش هتجوز خالص ده انت كرهتني في الرجاله كلهم

والله الكلام ده سمعته بودني

[تامر.محمد]

همممممممممممم
انا طبعا مش عارف المشكلة وصلت لحد فين
بس انا مش شايفه شيء صحيح بالمرة انه يقرب منها بالطريقة اللي بتوصفها و هو عارف انها بتمد ايدها بأي شكل
مش منطقي بصراحة

ثانيا , انا مش شايفك ذكرت ان كان فيه مشكلة اساسية هي السبب في الخناق , اظن ان كان فيه يبقى من الأولى حلها و ده قبل اي حاجة , يجرب الحل السياسي و يشوف , ان ما كانش , يبقى الحل الامني بقى :)))

ثالثا , ان كان مافيش و ان كان ده خناق على الفاضية و المليانة فأظنه يجرب بقى الاساليب المختلفة , يعني يجرب الحاجة اللي تتخانق عليها يعمل العكس على طول (اللي بيسموها قفلة الدماغ و العند ) لحد ما هي تعرف و تتعلم ده عملي , يجرب مجرد ما الكلام يحتد يقطع الكلام على طول و ينسحب من المناقشة لأن ده مش اسلوب نقاش يصح (و طبعا يبقى الوضع على ما هو عليه و اللي هي بتتخانق عشانه ما اتحققش) , يجرب الشخط و يشوف هايجيب فايدة ولا لأ

موضوع كملن حكالى دلوقتي عليه انهه اوقات كتير بتطالبه بانه يكتبلهه الشقه والعربيه باسمها وهوه مش عارف ده طمع ولا ايه مع العلم انهه مش ماديه

تييييييييييييييييييييييييييييييييييييييييييييييييي يييييييييييييييييت

ايه الكلام الفارغ ده ؟؟؟؟؟؟؟؟؟؟؟؟؟؟؟؟؟؟؟
لو عمل كده ما يلومش غير نفسه !

[human]

ناقصها حنان و تحس انه جنبها على طول
اللى بتعمله ده عشان هى متعلقه بيه بزياده و متأكده انه مش هيروح فى حته بعيد عنها و دايما بتزود عشان ممكن يكن عاجبها الاحساس ده عشان مش بتحسه بطريقه مباشره

اللى انت بتقوله مش سئ للدرجه - المهم انه يبقى فاهم هى بتعمل كده ليه

من غير ضرب و من غير ما يطول لسانه عليها طالما هادى و بيكظم الغيظ يقدر انه يخليها تعرف الصح من الغلط من غير ما هو يغلط و الموضوع بسيط لو اتعرف ليه

اعتقد لو اتكلم معاها مباشره هتقولو اللى هى حساه بس يصبر

و الراجل ده راجل محترم و ربنا يكتر من امثاله لانه يعامل فيها الله و غالبا مشاعره ليها كتير و هو مش بيعرف يوصلها

[أحمد كمال]

يا أستاذ احمد هيه متأكده انه بيحبهه وعشان كده حليم عليهه وأوقات كتير كانت بتقوله نبعد عن بعض شويه وده طبعا تهديد علشان عارفه انه بيحب الاولاد جدا

يبقى لازم في مرة يعرفها انه مش عشان بيحبها يبقة ملطشة

ونفس الكلام اللي حضرتك بتقوله هوه عمله قالهه مش هكتبلك حاجه إلا لما مزاجي يقولي

و لا اما مزاجه يقول له ...... ما يكتبش حاجة خالص و اما يموت تبقى تورث ..... اللي زي دي مالهاش امان

ده غير اني بسمعهم ساعات من المطبخ وهيه بتعايره انه مش قادر يصرف عليهه كفايه وانهه زهقت وتمالي تقوله انا لو رجع بيا الزمن مش هتجوزك لأ مش هتجوز خالص ده انت كرهتني في الرجاله كلهم

والله الكلام ده سمعته بودني

يعني مستقلية بيه و بتهين رجولته (على الصرف ..... مش عاجبك مستواه اتجوزتيه ليه؟) .... و مستكترة نفسها عليه ....


من أجل هذه خلق الطلاق

[friendship7897]

أيه الزحمة دي ؟
بتضرب .... وصوتها عالي من المطبخ ..... بتزله .... بتعيره ....
وهو راجل متدين ؟!! - هو الدين يقوله أن يتهان الإهانة دي ؟ ( المؤمن القوي خير من المؤمن الضعيف ) ، وعلشان أيه ؟ - أنا شايفة إنها مش طبيعية ، وهو كمان مش طبيعي
المصيبة أنه لما يجيب حكم من أهلها وحكم من أهله هيقول لهم أيه مراتي بتضربني ؟
لكن بتحبني ؟! والعيال شايفين المسخرة دي - دا مش كرامه ليهم ولا خوف عليهم - دا ظلم ليهم لما يشوفوا أن أبوه بيتهذأ من واحدة ست ولو حتى أمهم !!
أنا بعد ما بدأت كتابة بحماس - هبط - ولاقيت ما فيش أنسب منها ليه ولا أنسب منه ليها - أنا أسفة - بصراحة دا عبيط وهي مجنونة - بارك الله فيما رزق - روح قول لصحبك ( إن الله لا يغير ما بقوم حتى يغيروا ما بأنفسهم )

[AmatoALLAH]

انا ماقرتش كل الردود لاني مشغولهدلوئتي

بس استوقفني جدا كلامك اناه بتمد ايده عليه

اذا كان لو الراجل مد ايده علي زوجته دا بيفقده احترامها له امال لو هي اللي عملت كده هيفقدها ايه من ناحية زوجها

و ايه اللي وصل الامور لعد الاحترام اللي متبادل دا

[amr5500]

الطلاق هو الحل الامثل
انا مش قادر اتصور ان واحدة تمد ايديها علي جوزها
ومنين مؤدبه ومتدينه وبتعمل كده
دي ولا تعرف حاجة عن الادب ولا الدين

[Ashraf_Ibrahim]

العلاقة الزوجية تفسد من شيئين في حال ان الاتنين عايزين بعض
اختفاء الاحترام
الاهتمام بالمال
والنقطتين دول متوفرين في حالة صاحبك دا للأسف
هي بتفكر في الفلوس اللي معاه عايزة الشقة والعربية وبعد كدة صدقني هترميه لأنها لو بتحبه فعلا عمرها ما هتطلب دا لأنها اكيد عارفة ان بدون ورق ولا عقود الحجات دي بتاعتها اصلا هي وعيالها
والاحترام!
ودا مش متوفر ايضا لأن هي بتعلي صوتها وبتكون سليطة اللسان وممكن كمان تمد ايدها وكل دا ينهي اي علاقة يا صديقي
انا مش عايز اخرب البيت لكن يحاول يصلحها والاصلاح هنا هيكون بالعقاب
الاول يهجرها فالمراة تصبر 4 أشهر فليهجرها هجرا تاما يعني لا سلام ولا كلام ولا اي حاجة ولا ينام معاها في نفس الاوضة ولا ما شابه
وبعد مدة ولتكن شهرين مثلا يتكلم معاها لو منفعش الحال يتحول لمرحلة التانية وهي الضرب ويكون ضرب غير مبرح لا يترك علامات ولكن بهدف الاهانة عشان تعرف ان فيه حجات هي ما شافتهاش وانه قادر على اهانتها وافقادها كرامتها
بس يوضحلها انه بيحافظ عليها لآخر لحظة في حياته ويفهمها الكلام دا بعد ما يهجرها وقبل ما يضربها
لو مجابش نتيجة يبقا ضرب قاسي بس برده لا يترك علامات ولا يترك أثر
يوجع بس ميعلمش
لو مجابش نتيجة يبقا حكم من اهله وحكما من اهلها ويحكمهم في الوضع ككل واكيد هيوصلوا لحل الا وهو الطلاق !
ربنا يسامحني لو انا مخطيء بس دا تصوري للموقف الحقيقة
يمكن لو الواحد كان دخل دنيا كان يبقا موقفه مختلف بس دا رأيي :d

[أحمد كمال]

هي بتفكر في الفلوس اللي معاه عايزة الشقة والعربية وبعد كدة صدقني هترميه لأنها لو بتحبه فعلا عمرها ما هتطلب دا لأنها اكيد عارفة ان بدون ورق ولا عقود الحجات دي بتاعتها اصلا هي وعيالها

مش عارف هو ازاي مش فاهم مغزى الطلب زي ما حضرتك قلت ........واضحة زي الشمس .... تاني يوم هتقول له طلقني و اطلع برة دي شقتي و مش بعيد بعد العدة تتجوز فيها !!!!!!

[SHNORY]

يكسرلها ضلع
بكل ما تحمله الكلمه من معاني
بدنيا ونفسيا
والا حياخد علي دماغه بالشبشب قدام الناس بعد كده
ولو معملش كده يبقي هو عاجبه حاله وهو مدمن شكوي
ودي حاله انا شوفتها كتير لرجاله متعرفش تعيش غير كده وناس كبيره عدت ال 60 وطول عمرهم كده ومبسوطين كده
والموضوع مش بالجته
الموضوع بالقلب

[cyborg_ift]

يا جماعه انا أسف انا خليت صاحب الموضوع يقرا التعليقات علشان يتواصل معاكم بنفسه هوه مشرفني لحد ما ميعاد الشغل يخلص وهيتواصل معاكم بالأكونت بتاعي

[cyborg_ift]

السلام عليكم ورحمة الله وبركاته

[أحمد كمال]

خليه يكلمني عالتليفون يا سايبورج ......... انا حاسس اني بقيت زي الراجل بتاع اعلانات بريل اللي بيخلي الناس قلبها يجمد ههههههههههههههههه

[أحمد كمال]

السلام عليكم ورحمة الله وبركاته

و عليكم السلام يا اخي ...... شد حيلك كلنا هذا الرجل و الله