مشكلة زوجية عويصة

[cyborg_ift]

أانا اخوكم صلاح
لفت انتباهي ردودكم وحبيت اتناقش معاكم
محمود حكالي عن اعضاء المنتدى كتير وعن انهم اخوات وحبيت اخد رايكم

[human]

انا مش عارف ليه الردود كلها ببتجاهل ان هيه ليها حقوق و اكيد عندها نقطه نظر مختلفه احنا مش عارفيتها

انا مش فاهم هو مافيش حد ليه اخت او ابنه فى يوم ممكن تتحط فى موقف زى ده
و هى الستات مش هتنفع غير بالضرب و نكسر ضلع!!

[cyborg_ift]

انا مش عارف ابدا منين بس كل اللي قاله محمود صح وعلشان اكون واقعي اكتر انا بايت معاه من امبارح وديه اول مره ابات بعيد عن اولادي

[cyborg_ift]

حضرتك انا رافض تماما مبدأ الضرب لإنه اهانه لنفسي قبل ما يكون اهانه ليهه ومش هنكر انهه وقفت جنبي كتير بس الواحد تداخلت عليه الأمور لحد ما عجز عن فهمها

[cyborg_ift]

وعارف ان السبب الرئيسي في كل اللي بعانيه انى اظهرتلهه اني باقي على العشره جدا لدرجة بقت بتعاملني معامله جافه وبرضه مش هنكر اني فيه عيوب بس والله اكتر عيب اني حبيتهه اوي وبينت ده والمفروض اني كنت اتقل شويه

[human]

انا مش عارف ابدا منين بس كل اللي قاله محمود صح وعلشان اكون واقعي اكتر انا بايت معاه من امبارح وديه اول مره ابات بعيد عن اولادي

نصيحه يا فندم لوجه الله
برجاء عدم مشاركه مشاكلك الشخصيه مع اخرين و الافضل ان تذهب للتحدث مع شريكتك فى المشكله

الكلام اللى هتسمعه هنا من ناس لا شايفه ولا معايشا اللى انت فيه و انت مش هتقدر تنقل الصوره كامله غير ان حضرتك بتاخد حق من حقوقها اللى هو انك بتتكلم عليها و هى مش موجوده تدافع عن نفسها

[cyborg_ift]

انا بسأل حضراتكم هل الخطوه اللي خدتهه صح ولا لأ

انا سيبت الشقه امبارح وهيه مش عارفه اني عند محمود والغريب انهه حتى ما اتصلتش بيه وحاسس اني مش فارق عندهه

المفروض اعمل ايه استمر في اللي عملته ولا فيه حل تاني

[AmatoALLAH]

انا مش عارف ليه الردود كلها ببتجاهل ان هيه ليها حقوق و اكيد عندها نقطه نظر مختلفه احنا مش عارفيتها

انا مش فاهم هو مافيش حد ليه اخت او ابنه فى يوم ممكن تتحط فى موقف زى ده
و هى الستات مش هتنفع غير بالضرب و نكسر ضلع!!

صحيح هي لها حقوق وانا معاك في اللي قلته و اكيد في حاجه هي اللي وصلتها تعمل كده

بس دا مايدهاش الحق انها تمد ايدها عليه
و لا يديه حق انه يمد ايده عليها

انا مش عارفه اللي بيتعملوا بالضرب دول بيبصوا في وش بعضهم ازاي بعد كده

مش عاجبه كانت تسيبه و كل واحد له رزقه لكن يوصل عدم الاحترام لكده

بس ليا سؤال لصاحب المشكله هي كده من اول ما اتجوزتها و لا هي دا مؤخرا

هل انت لما اتجوزتها كان فيه مشاكل ماديه و لا دا شئ طارئ

هل حاولت تتفاهم باحترام معاك بدون تطاول عليك في الاول ؟

[cyborg_ift]

انا والله اتكلمت معاهه كتير وكل ما نقول هنبدأ صفحه جديده كل شئ يتعقد تاني ومقدرش اجيب حكم من اهلهه وأهلى لإن عمرى ما بينت لأهلي انهه مش كويسه معايا لدرجة انهم فاكرينهه ملاك مبيغلطش بس انا كان مبدأي ان محدش يخش بيننا

[أحمد كمال]

استاذ صلاح

1- انشف و اوعى تنخ و ترجع الا لو عايز تزيد من قوتها

2- تجاهلها شوية و خليك سايب البيت و لكن اول الشهر ابعت لها مصروف البيت المعتاد لا تزود و لا تنقص

3- نصيحة ارمي عليها يمين طلاق معلق قول لها لو مديتي ايدك تاني تبقي طالق .......

4- طول ما هي حاسة انك ما تقدرش تعيش من غيرها عشان الاولاد او اي سبب تاني هتفضل متجبرة ..... معلش دوس على قلبك بالبيادة و اعمل نفسك كانك و لا فارق معاك لا انت كمان مبسوط و بالك مرتاح و سايبها هي شايلة الليلة .....

5- كفاية ردود فعل ضعيفة انا عارف ان ده لان شكلك محترم و ابن ناس و متربي ...... بس لو مدت ايدها تاني لازم تعرف ان الايد اللي تتمد عليك تتقطع ...... صدقني ولادك مش هيحترموك و بنتك عمرها ما هتعمر في جوازة لانها هتطلع زي امها و ابنك مش هيحترم صنف الستات كله بسبب اللي بيشوفه ..... لو ضربتك او زقتك ترد الضربة بمثلها ..... صوتها علي صوتك يعلى اكتر ....... مش عاجبها مستواك المادي قول لها هو ده اللي عندي مش عاجبك روحي لابوكي يصرف عليكي او شوفي لك زوج تاني ...... اكسر شوكتها شوية ارجوك .....


اخيرا و ليس اخرا لو مفيش حاجة نفعت يبقى الطلاق باحترام و تحضر و تشوف عيالك ..... و لو حرمتك من العيال فيه 100 سكة تقدر تقرفها انت بيهم ...... و قريب ان شاء الله قوانين الحضانة و الرؤية هتتعدل و كل الهبل اللي بيحصل دلوقتي يتغير


انت عايش و مش عايش و الاسم عشان ولادك ...... دلوقتي انت كده كمان 6 شهور و لا سنة و لا سنتين هتقول ابو العيال يا فكيك و هتندم على كل سنة ضاعت معاها ...... و هي للاسف مش فاهمة ان ليك اخر كل ما هتضغط و انت تستحمل هتفهم انها كسبت و هتزود الضغط اكتر


كفاية بقى خنوع يا رجالة هو فيه ايييييييييييه

[cyborg_ift]

لأ هيه عصبيه جدا ومن زمان وانا بحاول اكون هادي علشان الأمور متكبرش والمشاكل الماديه من زمان بس الحمد لله عايشين كويس مش لدرجة الانعدام يعني

هوه الغريب ان بعيدا عن المشاكل بتكون انسانه تانيه خالص بس بتشك في كل الناس لدرجة ان اي حاجه بتحلفني عليهه ومبتحبش اني اتكلم مع حد حتى اصحابي قاطعتهم علشان ما أضيقهاش

[cyborg_ift]

استاذ احمد انا عندي مشكله في موضوع الطلاق

[cyborg_ift]

اولا مش هقدر ادفع المؤخر ثانيا قالتلي ان اخوهه مضاني عل قايمه بميت الف جنيه وانا طبعا كنت اهبل ومضيت

[cyborg_ift]

والمشكله الاكبر في الطلاق مش عاوز اولادي يتدمرو بالفرقه بيني وبينهه

[cyborg_ift]

انا اسف طبعا اني دخلتكم في مشاكل متخصكومش بس زي مقولتلكم مقدرش ادخل اهلي في الموضوع وحبيت اعرف اراءكم