بتصرف كام فى الشهر

[hossam_elwani]

بالنسبة لموضوع أكل الكلاب

طالما الراجل إلتزم بالكائن الحي .. وطالما يقدر يدفع مصاريفع
يبقا مفيش مشكلة

فزاع حبيب بابا .. بيصرف ف الشهر مش أقل من 400 ج
لكن -والحمد لله- بقدر أكفيه مصاريفه يبقا خلاص
د.أحمد يقصد إن الكلب نفسه(كحيوان غير طاهر) مايستهلش يتصرف عليه المبلغ ده
بس فزاع حبيبي ... لو هو ياكل وأنا لا ... مفيش مشكلة
الخيل حيوان طاهر .... وجميل


ع العموم
كل إنسان له حاجة بيحبها .. بيصرف عليها فلوسه

الشخص المتجوز.. بيصرف فلوسه على عياله وعلى مراته
العازب .. بيصرف فلوسه على حاجة بيحبها .. عربيته .. الحيوان الاليف بتاعه ... اي حاجة

ومش شرط انها ماتعجبش ناس غيره
كل واحد وله دماغه الي مريحاه

كلامك سليم ............. المهم الواحد يكون مبسوط

قال الرسول صلى الله عليه وسلم//من بآت آمن في سربه معافى في بدنه عنده قوت يومه فكآنمآ حيزت له الدنيآ بآسرهآ// صدق رسول الله (ص)

[human]

مترو عنده عيش حلو السته بعشره جنيه
غير طبعا الرتش بيك عيش بيلكم و موش عارف العيال بتحبه ليه

خلونى ساكت بدل مايجلى استبحس

الواحد خد عالرفاهيه العيش ابو شلن بقى طعمه مش عاجب

انا فاكر امى كانت تنشف العيش الفينو عشان يبقى بقسماط الله يمسيكى بالخير يامامى

[hossam_elwani]

800 جنيه أكل

كويس
طيب الميه والنور والايجار والعربية والبنزين والزيت
ومصاريف مواصلات العيال .. وفلوس الدكتور
وفلوس الدوا
وفلوس اللبس
وفواتير الموبايل والارضي
ومصاريف نثرية
و.
و..
و...

كده الــ 800 ج هيكفوا؟؟؟؟؟؟؟؟؟؟؟؟؟

عندك حق وكمان لسه لو فيه مناسبه عند حد لازم هديه او نقوط

وكمان اللبس ده لوحده حكايه

وكمان لو نفسك تجيب حاجه جديده فى البيت لازم برضه حيكون من نفس المصروف

وكمان مصاريف صيانة اى حاجه فى البيت سباكه كهرباء تلفزيون باظ تلاجه باظت وخلافه

مع احترامى لست الكل الى قالت ان البيت ممكن يميشى بلمبلغ ده كلمها كان مجتزء يعنى جزء مش كل لو ضافت عليهم البنود التنايه حتلاقى الحد الادنى 2000 والله المستعان

[aif]

ها ها ها ها ها ها ها ها ها
والله انتو ناس زي العسل
انا نفسي اعمل اللي انتو بتقولوه ده من 25 سنة ومش عارف
انا عمري ما قدرد احسب مصروفاتي ولو تقريبيا
ماشية كدة بالبركة

[mohammedabdallh]

مدام نور
عاوزين الروتين الاسبوعى انقليلنا الاسبوع يبقى فى ايه الفطار الغدا العشا لمده اسبوع
ولكى جزيل الشكر يمكن نقدر نمشى عليه ونغير فى حياتنا

[ahmadmidop]

[QUOTE=د.أحمد السعيد;3874042596]لا داعى ان حد يتعقد
لو واحد لسه هيتجوز و معاه اى مبلغ ربنا هيبارك فيه و هيقضيه
و الجواز لوحده سبب ان ربنا يزيد فى رزقك و يا سلام لو جالك بنوته صغيرة هتهيص من الرزق

على فكرة انا كتبت كتابى و دخلى الشهرى حوالى 190 جنيه من 6 سنوات
و اول ما اتجوزت ربنا كرم بحوافز اضافيه وصل المرتب حوالى 350 جنيه
و اول لما جالى آلاء (بنتى الكبيرة ) ربنا كرمنى بشغل اضافى حوالى 300 جنيه فى الشهر
..................................

طبعا دلوقتى الفواتير الثابته و العربيه و النت ......... حوالى 400 جنيه لوحدهم


ارضى بما قسم الله لك تكن اغنى الناس

القناعة كنز لا يفني

و لكن الانسان كثير السخط و عدم الرضا بما في يديه و لو قنع بما أعطاه الله لأرتاحت نفسه و أطمئن قلبه

هذا الفيديو لسيدة مسنة رحمها الله و أبتلاها الله بالعمي و هي صابرة راضية

دخلها في الشهر 60 جنيه فقط وتحمد الله علي ذلك

اما نحن فأحدنا لا يكفيه أضعاف أضعاف هذا المبلغ

أستمع اليها و الي مدي رضاها و شكرها لله فما أحوجنا لأن نتعلم منها

[youtube]http://www.youtube.com/watch?v=ouuF37kPork[/youtube][/QUOT

لسه في التكية بردوووو بس مابحسبش لاني مش انا اللي بدفع

بس الحمد لله بجد ..... انا شفت الفيديو ده بجد انا عيطت والله
ربنا يرحمها ويسكنها فسيح جنااااااااته يارب

[نور القمر]

مدام نور
عاوزين الروتين الاسبوعى انقليلنا الاسبوع يبقى فى ايه الفطار الغدا العشا لمده اسبوع
ولكى جزيل الشكر يمكن نقدر نمشى عليه ونغير فى حياتنا

ملقتش روتين اسبوعي لقيت شهري بس

[moh19227]

وعموما الميزانيه دى للأكل بس
المنظفات والفواتير الشهريه والايجار ومصاريف العيال واللبن والسمنه على جوزى
ربنا يعينه يااااارب
والسكر والزيت والشاى بيجولى من التموين

أنا بجيب في الشهر 20 كيلو أرز سعر الكيلو 3 جنيه ونص
وبجيب 5 كيلو مكرونه متنوعه سعر الكيلو 3 جنيه
وبجيب كيلو فاصوليا بيضاء 9 جنيه
ونص كيلو لوبيا 7 جنيه
و5 جنيه ملح وتوابل

كده الحساب 106 جنيه

بجيب 4 فرخات الواحده 2 كيلو وبقطعها 8 قطع كده سعر الفراخ 100 جنيه
كيلو ونص لحمه جملى 60 جنيه ( وللعلم طعمها خرافه ) سعر الكيلو 40 جنيه
كيلو لحمه مفرومه مجمده 30 جنيه
كيلو بانيه 28 جنيه
كيلو إلا ربع كبد وقوانص 13 جنيه وبضيف عليهم الكبد والقوانص بتاعة الفراخ اللى أشترتها
و6 كيلو سمك 60 جنيه بعملهم على مرتين
و2 كيلو ممبار 50 جنيه ودى أكله مهمه كل شهر لان جوزى بيموت فيه
بس طبعا بعمل معاه أى أكل تانى مكرونه أو بطاطس محمره وسلطه
و2 كيلو كرشه 20 جنيه

كده حساب البروتينات 361
هنضيف عليهم 106 اللى فوق
يبقى الاجمالى 467 جنيه
الباقى من الـ 800 جنيه 333 جنيه

بجيب 10 كيلو بطاطس سعر الكيلو 2 جنيه يعنى 20 جنيه
وبجيب قرصين قرنبيط 8 جنيه
و3 كرومب سعر الواحده 5 جنيه يبقى 15 جنيه
وبجيب 3 كيلو بسله بـ 12 جنيه سعر الكيلو 4 جنيه
وكيلو جزر 2 جنيه
و10 كيلو بصل سعر الكيلو 2 جنيه يعنى 20 جنيه
و2 كيلو قلقاس 5 جنيه
و2 كيلو كوسه 5 جنيه
و2 كيلو سبانخ 8 جنيه
و3 كيلو باذنجان رومى 6 جنيه
وكيلو فلفل أخضر 5 جنيه
و2 كيلو باذنجان عروس للتخليل 6جنيه
10 كيلو طماطم سعر الكيلو 2 جنيه يبقى 20 جنيه
و20 جنيه برطمنات صلصه
برجر العائلى 17 جنيه
6 علب تونه سعر الواحده 3 جنيه يعنى 18 جنيه
2 كيلو جبنه قريش 20 جنيه
كيلو حلاوه طحينيه 12 جنيه
وجبنه مثلثات 15 جنيه
و30 جنيه عيش بلدى في الشهر
و2 كرتونة بيض 30 جنيه

كده الحساب 294
+ 467 اللى فوق
-------------
الاجمالى761
الباقى 39 جنيه

طلعى 9 جنيه صدقه يا ؟؟؟؟؟
و30 جنيه هتجيبى باقي أحتياجاتك من دقيق وبقسماط وشعريه ومرقة دجاج
وأهم حاجه نص كيلو ملوخيه ناشفه لانها بتنفع أوى والنص كيلو بـ 4 جنيه
وخيار وخضره

التموين بفلوس مش ببلاش
الاسعار دي مستحيله دلوقتي ممكن من سنتين تلاته اربعه مثلا
ومعلش 4 فرخات 2 كيلو بـ 100 جنيه ؟!! منين وانا اشتري المحل كله :)
كيلو البانيه ب 28 جنيه لا احنا كده دخلنا في الهزار :)
انا اخر مره سألت عن البانيه في ميتلو قالي تقريبا حاجه وستين او حاجه وسبعين

[pro_samir]

يا مدام نور انتي بتخمي

فين علبة التونه اللي ب3 جنيه دي ؟ والفرخه 8 قطع ؟ هنشتري الفرخه نعذبها ههههه

وكيلو السمك ب10 جنيه :))
من كام يوم اشتريت كيس جمبري ومكرونه ب60 جنيه يدوب وجبه سريعه لأربع اشخاص

طب بلاش الأسعار .. انا جمعت توتال اللحوم وطلع المجموع غلط :))

بس فعلا المشكله مبقتش في الأكل ، يعني انا بقالي فتره سيبت الشقه وعايش مع والدي
يعني مبقتش ادفع ايجار وبواب ولا كهربا ومصاريف الأكل والديليفري نزلت .. إلخ
ومع ذلك مصاريفي الأساسيه اللي قلت عليها بنزين ونت وموبايل ونثريات داخل في 1500ج

امال الواحد لما يفتح بيت هيصرف كام

[morsi]

مصاريف الكلية للولاد(ولد وبنت) فقط بالباص وبدون مصروفهم الشخصى وبدون مذكرات 90000 جنيه سنويا
مصروف الولاد الشهرى 2000 جنيه ومش عاجبهم وأحيان كتيرة بيعملولى أعتصام وساعات كتيرة بيبلطجوا ويقطعوا على الطريق(من يومين بنتى قطعت على الطرق علشان السامسونج جالاكسى تاب 10 بوصة الجديد بالرغم ان عندها اللابتوب بتاعها)
متوسط شهرى لمصروف البيت شامل كل حاجة من اكل وشرب وبنزين وصيانة سيارتين ولبس وكسوة صيف وشتاء وكهرباء ومياه وغاز وخلافه 10000 جنيه شهريا
طبعا دا غير سفريات الفسح والمصيف والخروجات الشهرية
انا صعبان على نفسى قوى والله

[human]

مصاريف الكلية للولاد(ولد وبنت) فقط بالباص وبدون مصروفهم الشخصى وبدون مذكرات 90000 جنيه سنويا
مصروف الولاد الشهرى 2000 جنيه ومش عاجبهم وأحيان كتيرة بيعملولى أعتصام وساعات كتيرة بيبلطجوا ويقطعوا على الطريق(من يومين بنتى قطعت على الطرق علشان السامسونج جالاكسى تاب 10 بوصة الجديد بالرغم ان عندها اللابتوب بتاعها)
متوسط شهرى لمصروف البيت شامل كل حاجة من اكل وشرب وبنزين وصيانة سيارتين ولبس وكسوة صيف وشتاء وكهرباء ومياه وغاز وخلافه 10000 جنيه شهريا
طبعا دا غير سفريات الفسح والمصيف والخروجات الشهرية
انا صعبان على نفسى قوى والله

تعالى كنبى بقى عشان مفروس من الموضوع كله

[wel00000]

90000... انا اعدت خمس سنين فى هندسة متصرفش عليا 9000 جنيه(((((: ده بالكورسات و المذكرات و الخروجات وكل السلاطات.... ده احنا كدة احنا الى هتصعب علينا نفسنا ...((((: ربنا يعينك

[mohammedabdallh]

90000... انا اعدت خمس سنين فى هندسة متصرفش عليا 9000 جنيه(((((: ده بالكورسات و المذكرات و الخروجات وكل السلاطات.... ده احنا كدة احنا الى هتصعب علينا نفسنا ...((((: ربنا يعينك

انا عندى 25 سنه ومشفتش المبلغ ده
وتقريبا ومش هشوفه
ولا اتصرف عليا حتى ربع المبلغ ده

[mohammedabdallh]

مصاريف الكلية للولاد(ولد وبنت) فقط بالباص وبدون مصروفهم الشخصى وبدون مذكرات 90000 جنيه سنويا
مصروف الولاد الشهرى 2000 جنيه ومش عاجبهم وأحيان كتيرة بيعملولى أعتصام وساعات كتيرة بيبلطجوا ويقطعوا على الطريق(من يومين بنتى قطعت على الطرق علشان السامسونج جالاكسى تاب 10 بوصة الجديد بالرغم ان عندها اللابتوب بتاعها)
متوسط شهرى لمصروف البيت شامل كل حاجة من اكل وشرب وبنزين وصيانة سيارتين ولبس وكسوة صيف وشتاء وكهرباء ومياه وغاز وخلافه 10000 جنيه شهريا
طبعا دا غير سفريات الفسح والمصيف والخروجات الشهرية
انا صعبان على نفسى قوى والله

ممكن سوال رخم شويه
حضرتك بتشتغل ايه

[morsi]

90000... انا اعدت خمس سنين فى هندسة متصرفش عليا 9000 جنيه(((((: ده بالكورسات و المذكرات و الخروجات وكل السلاطات.... ده احنا كدة احنا الى هتصعب علينا نفسنا ...((((: ربنا يعينك

شكرا ياباشا. جامعة مصر الدولية وماأدراك ما الجامعات الخاصة