اعمل ايه انا دلوقتي..انا اتخنقت!

[i_Am_Legend]

يارجالة..دلوقتي في بنت عجبتني جدا.انا كنت بفييم العربية عند واحد.وانا واقف لقيت بنت شكلها محترم جدا.ومعاها والدتها.البنت شدتني.فجاءة دخلت البيت اللي جنبي.انا سألت الراجل بتاع محل الكماليات.قالي دي ساكنة هنا.قالي بتسأل ليه.قولتلة مافيش!.قالي بص وراك اخوها قاعد عندي في المحل.انا اتخرست مش عارف ليه.

[FunnyMickey]

خلاص ياعم شيل الفاميه :)

قوللي الاول انتا عجبتك خطوبه وجواز وبتاع ولا عجبتك معاكسه ؟

اصلك مش حتخاف من اخوها لو عجبتك كارتباط
انما لو التانيه يبقي مفيش قدامك غير يااما اضرب ياصلاح يااما احنا اسفين ياصلاح

[i_Am_Legend]

الراجل ألح عليا في السؤال.بتسأل ليه.قولتلة ياعم مافيش.البنت عجبتني.وبفكر اتقدملها.وبعدها هو انشغل.وماعرفتش اكمل كلام معاه.بعدها لقيت اخو البنت خرج بيكلمني!قالي انت هاتفيم الفوانيس.قولتلة اه.الي خليها احمر بدل اسود وبتاع.هو شاب محترم ولذيذ بصراحة.ومعاه عربية 128.بيعدلها.

[mesaharaty]

يعنى حنقول مبروك ؟

[hosamsief]

الله .... ده مهى متسهله معاك اهو ...
مستنى يقولك بقى ... هتيجى امتى تقابل ابوها ....
خير البر عاجله ..... زى ما ركب فاميه فى عربيتك .. ركب كمان فاميه على عينك و توكل على الله ..

[i_Am_Legend]

اخو البنت مش تبع المحل خالص.هو ساكن في نفس العمارة.هو اخد رقمي وانا اخدت رقموا.وبقينا اصحاب.بس يعلم ربنا اني.ماتصحبتش عليه علشان البنت.هو فعلا ظريف.ومريح نفسيا في الكلام معاه.مش عارف اقولة .ولا اصبر .ولا ابتدي ازاي.

[i_Am_Legend]

اساسا قبل ما أنزل من البيت.كانت لسة والدتي مزعقة معايا جامد علشان جايبلي اكتر من بنت.وجايبلي صورة بنت واحدة صاحبتها.وبتقولى تعالي نشوفها.وانا مش راضي.قولتلها مش طالبة احراج.مش بحب انا طريقة الفرجة دي مش بحبها.افرضي ماعجبتنيش.او انا ماعجبتهاش.مش بحب الطريقة دي.ونزلت بعدها افيم.واديني وقعت لوحدي!.

[A.Saad]

هو ايه اللى خلا اخوها ييجى يكلمك ؟؟؟

[i_Am_Legend]

اخوها شاف عربيتي السمارا وعجبتوا.ولما لقاني كنت هافيم الفوانيس اسود.اقترح عليا اللون الاحمر.ووراني عربيتة ال128.وحكي معايا انة بيسقط موتور وكدة.انا رشحتلة اكتر من حاجة. وكدة يعني

[Screenplays]

و الله لو كنت بنت عجبتك روحت تكلم اهلها يبقي هتتجوز 1000000000000 واحده

[i_Am_Legend]

ليه كدة يا سكريين .قفلتها في وشي يا معلم.انا ماصدقت الاقي واحدة كويسة.وساكنة في شبرا بردوا!.انا بس مش عارف ابتدي منين؟.

[FunnyMickey]

ياعم استهبل واعمل نفسك متعرفش انها اخته واسأله عليها وقوله تعرف البنت دي ؟
وطالما غرضك شريف ايه المشكله
بس اوعي تطلع متجوزه

[Screenplays]

الناس العاقله تبدأ تقف علي ارض صلبه الاول يعني شغل محترم بمرتب محترم + شقه فلو انت عندك كل ده فلازم برضه يكون سنك مناسب عشان تبقي برضه عشت حياتك و متعدش تندب في حظك الهباب انك خيشت بدري زي ناس معانا هنا في المنتدي و بعدين انا شوفتلك موضوع قبل كده برضه مشابه فواضح ان اي واحده حلوه بتلفت نظرك علي طول فاتمني تكون عرفت ليه رديت ردي السابق و انا بنصحك لوجه الله

[OMAR61995]

لو أنت جاهز للجواز يبقى استنى شويه و قول لأخوها أنك نويت تتجوز و عايزه يدورلك على واحدة
و قوله أنك عايزها تكون معرفة عشان يبقى عارفها و عارف عيلتها و كده
و لو أخته مش مرتبطة يبقى هيرشحالك بنسبة كبيرة
بس لازم تتعرف عليه كويس عشان ميتكسفش

[i_Am_Legend]

يارجالة .انا الحمد لله عندي شقة.وشغلي كويس الحمد لله وماشية.وسني شهر 10 الجاي 27 سنة.ايه رأيكم في الكلام دة.وزهقت من حياة الوحدة.واللاجديد اللي انا فيه دة!وغير كدة العيلة كلها بتصوت عايزني اتجوز.واخواتي البنات بيزنوا عليا اتجوز.