اعمل ايه انا دلوقتي..انا اتخنقت!

[A7MED_PHARMA]

عيش ندل .. تموت مبسوط
عيش عاذب .. تموت ميسور
.

الواحد ياما شاف بنات عجبته .. لكن الموضوع طبعا مش لمجرد انها عجبتك
لازم تعرف أصلها .. وفصلها..ومستوى تعليمها .. وأهلها..وقرايبها..وعيلتها فيها حد يسئ لسمعة العيلة ولا لأ
وهكذا
الي بيتجوز
بيشيل العيلة على بعضها..مش البنت بس

وبعدين ياراجل..إنت داخل على الــ 27 أهه
كمان 27 زيهم .. وتطلع معاش

فكك بقا وكبر دماغك

[i_Am_Legend]

انا سألت الراجل بتاع المحل امبارح علي البنت.قالي مش مخطوبة.وقالي هاعرفلك هي بتدرس ولا مخلصة.

[Habd]

ربنا معاك ده موضوع الجواز محير جدددددددا

[alaasaid]

ربنا يكرمك بالزوجة الصالحة , عليك اولا بلاستخارة و بعدين تسال على العيلة كويس جدا و بعد كدة تتقدم رسمى و ربنا يكرمك من فضلة

[أبو صلاح]

انا سألت الراجل بتاع المحل امبارح علي البنت.قالي مش مخطوبة.وقالي هاعرفلك هي بتدرس ولا مخلصة.

ياباشا انا قلتلك
شعب مصر كله بيحب يخدم في الحوارات دي

خش على المرحلة التانية
كلم اخوها

وان شاء الله يطلع شاب متفاهم

وربنا يتمم على خير

[Screenplays]

يا عم بلاش الوحده خير من رفيق السوء ههههههههههههههههههههههه

[egyptiandiver]

مبروك

[i_Am_Legend]

ادعولي يارجالة..جد احلي حاجة انك تخطب او تتجوز واحدة وتكون ساكنة قريبة منك او من منطقتك.واحلي حاجة ان يكون اخوها شخص محترم وعيلة محترمة

[rompo10]

ياراجل كبر دماغك انا هافسخ خطوبتي بسبب 30 متر انا مش معايا فلوس غير اني اشتري شقه 130 متر وخطبتي عاوزه 160 وبتقولي الناس تقول ايه عليا كان يوم اسود ومنيل بستين نيله يوم مافكرت اخطب كبر دماغك هاتندم والله

[i_Am_Legend]

طيب اعمل ايه يا كبير.هانفضل مقضنيها كدة.انا حاسس اني بروح الشغل ارجع علي البيت.والعكس.ويوم الاجازة .انزل اروق العربية وادلعها واعملها صيانات هي مابتبقاش محتاجاها اصلا! يعني حياتي مافيهاش غيري انا والعربية وبس!

[minicooper20]

ياراجل كبر دماغك انا هافسخ خطوبتي بسبب 30 متر انا مش معايا فلوس غير اني اشتري شقه 130 متر وخطبتي عاوزه 160 وبتقولي الناس تقول ايه عليا كان يوم اسود ومنيل بستين نيله يوم مافكرت اخطب كبر دماغك هاتندم والله

هههههههههههههههههههههههههههههههههههههههههههههههه
استهدى بالله كده الواحد يما بيشوف و اقطم على طوليعنى قلهم دى امكنياتى هتلقيهم امنو على طول و متزعلش نفسك و الله متستسهل تزعل نفسك

[rompo10]

طيب اعمل ايه يا كبير.هانفضل مقضنيها كدة.انا حاسس اني بروح الشغل ارجع علي البيت.والعكس.ويوم الاجازة .انزل اروق العربية وادلعها واعملها صيانات هي مابتبقاش محتاجاها اصلا! يعني حياتي مافيهاش غيري انا والعربية وبس!

انت كده ياباشا عايش ملك زمانك ولا حد يقولك رايح فين وجاي منين وعربيتك يوم ماهاتظبطها وتدلعها وتصرف عليها هاتديك كل خيرها انما بقي مراتك مهما تعمل حتي لو ولعت في نفسك دايما مقصر وليك جزاء واحد كبر ما احلي العزوبيه

[maryano]

هو كل الناس هناا من انصار العزوبيه؟؟

[i_Am_Legend]

بعد ما اصحابي سخنوني ااخر حاجة النهاردة.اتصلت باخو البنت!..
وكنت خلاص هاقولوا.بس للاسف اتكتمت وكلمتة عاادي.اني بسأل عليه وكدة!وقفلت.مش عارف في المواضيع الرسمية دي بحس ان انا خيبة اخر حاجة! اعمل ايه يارجالة..انا مخنوق اخر حاجة.

[maryano]

بعد ما اصحابي سخنوني ااخر حاجة النهاردة.اتصلت باخو البنت!..
وكنت خلاص هاقولوا.بس للاسف اتكتمت وكلمتة عاادي.اني بسأل عليه وكدة!وقفلت.مش عارف في المواضيع الرسمية دي بحس ان انا خيبة اخر حاجة! اعمل ايه يارجالة..انا مخنوق اخر حاجة.

انتااا كدة تعب نفسك يا كبير احسن حاجة تقابله و تكلمه انتاار اجل محترم جاي البيت من بابه زي مبيقولوو يعني مبنعملش حاجة غلط ثق في نفسك و كلمو و مش حتخسر حاجة باذن الله