اعمل ايه انا دلوقتي..انا اتخنقت!

[البرنس]

غير كدة مش عارف اخودلهم ايه وانا رايح!في ناس بتقول روح فاضي.وانا محرج اني ادخل فاضي كدة.

تروح فاضي يا باشا و لما يحصل قبول إنشالله تجيب الدنيا كلها عن تجربة مع إبن عمتي أوعي تجيب حاجة علشان إحتمال كبير إن دي مش هاتكون أول مرة تروح تشوف فيها عروسة في البيت قدامك علي الأقل 10 مرات و لو كل مرة جيبت حاجة ب100 جنية و لا حاجة هايتخرب بيتك و لو جيبت حاجة و محصلش قبول هاتقعد تتحسر علي الحاجة اللي جبتها و تقول حار و نار في جتتهم فا ما فيش داعي أول مرة تروح فاضي بعد كدة لو حصل قبول و الدنيا تمام هات اللي إنت عايزة

[minicooper20]

خد معاك عليه شيكولاته محترمه
حتى لو البنت معجبتكش
لاكن انتا دخلت البيت لازم تخوش بقمتك

[i_Am_Legend]

اعمل ايه انا دلوقتي طيب!. أخد حاجة وانا رايح ولا لأ.الرجالة معظمهم قال لأ وعادي انك تروح فاضي ومعظمهم قال خد حاجة معاك.اعمل ايه انا بقي.

[koheya]

خد حاجة معاك.مينفعش تدخل وايدك فاضية.

[أحمد كمال]

ما تروحش فاضي ..... علبة شيكولاتة محترمة من باشيونال .....

[Lion_Heart]

روح معاك شيكولاته
لو روحت فاضى بيتقال انك جاى تتسلى و لاثبات الجدية
حاجة بسيطة مش مكلفة دى لاول مرة

[i_Am_Legend]

اهم حاجة البنت تطلع حلوة والناس يطلعوا طيبين.علشان انا مش ناقص صدمات.لأن البنت في الصورة شكلها حلو .مش عارف بقي علي الطبيعة هايبقي في ايه.

[شريف]

خد اي شي في المعقول ولو كان حتي طبق حلويات شرقيه من تسيباس او طبق جاهز من لابوار في حدود ٦٠ جنيه

[Screenplays]

اهم حاجة البنت تطلع حلوة والناس يطلعوا طيبين.علشان انا مش ناقص صدمات.لأن البنت في الصورة شكلها حلو .مش عارف بقي علي الطبيعة هايبقي في ايه.

معلش سؤال لولبي

ايه اللي غاصبك علي جواز الصالونات ده ؟ اصلي شايف انك محير نفسك و محيرنا معاك

معلش و الله مش قصدي اتدخل بس مستغرب ان في شاب عايز يتجوز اليومين دول

[i_Am_Legend]

والله ياسكرين انا حسبتها لقيت انك كدة كدة هاتتجوز فبدل ماتجوز عندي 30 سنة ولا اكتر يبقي اتجوز دلوقتي واخلص.لأن الجواز حاجة هاتحصل لأي واحد فينا عاجلا او اجلا.وحاليا سني داخل علي ال27. وعلي ماجهز نفسي وخطوبة وكدة يبقي 28 .ولا ايه رأيكم.

[أحمد كمال]

والله ياسكرين انا حسبتها لقيت انك كدة كدة هاتتجوز فبدل ماتجوز عندي 30 سنة ولا اكتر يبقي اتجوز دلوقتي واخلص.لأن الجواز حاجة هاتحصل لأي واحد فينا عاجلا او اجلا.وحاليا سني داخل علي ال27. وعلي ماجهز نفسي وخطوبة وكدة يبقي 28 .ولا ايه رأيكم.

و ايه يعني لو اتجوزت 30 او فوق ال 30 ...... لووووووووز

[ZOoOoMA]

لا طبعا مش لوز لما يتجوز و وا عندو 30 سنه و بعد كده على ما يخلف و ابنو يبقى عندو 10 سنين هيبقى هوا عندو 40 سنه و بعد كده ابنو على ما يوصل 20 هيكون هوا بقى 50 سنه و ديه مشكله كبيييره لان الفرق الشاسع ده مخلي في مشاكل كتيييييييييير بتحصل بيني و بين والدي نتيجه اختلاف شاسع في الافكار مقارنه بصاحبي اللي ابوه متجوز و هوا عندو 22 سنه و بالتالي صاحبي لما وصل سن 20 سنه كان والده عندو42 و ده خلى في قرب في الافكار بينه و بين والده مقارنه بيا

[ZOoOoMA]

و ربنا يسهلك يا كبير انا تعبتلك و الله

[i_Am_Legend]

حتي الان في عروستين! ربنا يسهل وواحدة تعجبني فيهم.

[ZOoOoMA]

ههههههههههههههههههههه انت كده عايز عروض جواز