قبل الــــــــــــــ 30

[A7MED_PHARMA]

السلام عليكم


.
كان نفسي قبل ماوصل التلاتين
اعمل مليوووووووووون حاجة

هي حاجات في نظري..تخليني مبسوط
حاجات أنا بحبها.... وإن ناس تانية شافت إنها هايفة

.
بما إني (تقريبا) مش ناوي على جواز أو إرتباطات تاني
فكان نفسي أسافر بره أي مكان
أنا دلوقتي عندي 28 سنة
وماخرجتش بره المحروسة ولا مرة

كان نفسي أسافر تركيا ولو أسبوع..أو أي بلد أوروبي
كان نفسي أكمل لعبة الحديد بشكل إحترافي .. علشان اعمل جسم كويس
كان نفسي أركب عربية إيفووو .. أو حتى عربية معدلة تعديل extreme
كان نفسي أوصل للإستقرار المادي..إلي ماكنش فيه خايف أو مقلق
وإني أقدر أجيب أي حاجة أنا عاوزها وقت ماحب..من غير ماراجع حساباتي واشوف ينفع ولا ماينفعش

.
كان نفسي يكون عندي خيل .. بس الله يرحمه .. مات فزاع

كان نفسي أعيش وسط ناس عاقلة بتفهم .. بس للأسف دي أصعب حاجة

.
كان نفسي قبل ماكمل التلاتين ..إني أكون حجيت أو عملت عمرة على الأقل
.
كان نفسي قبل ماعدي التلاتين .. إني أكون أب (لكن مش عاوز أكون زوج) ماحدش يسألني إزاي ؟
.
كان نفسي شغلي يكون كبير .. ومن غير قرف ولا وجع دماغ ولا مناهدة كل يوم
.
بس
مين بقا كان نفسه في ايه ؟
وحققه ولا محققوش

[ossamayk]

إللي متحققش قبل التلاتين ممكن يتحقق بعدها المهم الإصرار على تحقيق الهدف.
أنا كان نفسي في حاجات كتيرة جداً قبل التلاتين أهمها إني أختم القرآن حفظاً وللأسف لم يتحقق.
كان نفسي برضه أسافر وأستقر بره، سافرت إيطاليا متحملتش العيشة هناك ورجعت، معجبتنيش الحياة المادية البحتة إللي هناك، حياة بلا روح ولا معنى.
من الحاجات إللي حققتها قبل التلاتين الحمد لله إني اتجوزت وبقيت أب.
ولسة فيه حاجات تانية كتير أرجو إن ربنا يحققها سواءً على المستوى الشخصي أو العام

[A7MED_PHARMA]

ماهو فيه حاجات لو إتحققت بعد التلاتين..مش هيكون لها طعم

[Screenplays]

كل ده ممكن تحققه بعد التلاتين و الله الحال من بعضه بس انا لسه قدامي 5 سنين الحمد لله

[friendship7897]

بما إني (تقريبا) مش ناوي على جواز أو إرتباطات تاني

أنا اسفة يا دكتور أحمد
أنا من فترة ما دخلتش المنتدى - هو أنت فسخت خطوبتك ؟
عموماً ربنا يقدم لك الخير .
وموضوع قبل ال 30 ، إن شاء الله اللي محققتهوش تقدر تحققه خلال حياتك - ما تخنأش نفسك بأنك ما عملتش كذا وكذا وبص لنصف الكوب المليان - ربنا سبحانه وتعالى ما خلقش السموات والأرض في يوم واحد (قل أئنكم لتكفرون بالذي خلق الأرض في يومين وتجعلون له أندادًا ذلك رب العالمين * وجعل فيها رواسي من فوقها وبارك فيها وقدر فيها أقواتها في أربعة أيام سواء للسائلين * ثم استوى إلى السماء وهى دخان فقال لها وللأرض ائتيا طوعًا أو كرهًا قالتا أتينا طائعين * فقضاهن سبع سموات في يومين وأوحى في كل سماء أمرها وزينا السماء الدنيا بمصابيح وحفظًا ذلك تقدير العزيز العليم ) فصلت / 9ـ12.

كان نفسي أعيش وسط ناس عاقلة بتفهم .. بس للأسف دي أصعب حاجة
كان نفسي شغلي يكون كبير .. ومن غير قرف ولا وجع دماغ ولا مناهدة كل يوم

.
دول طبعاً أمنيات غير طبيعية لأن ربنا سبحانه وتعالى (لقد خلقنا الإنسان في كبد) - فلازم نتعب علشان نوصل للإحنا عاوزينه .
أنا بالنسبة ليا : الحمد لله ربنا رزقنا بشغل كويس وزوج صالح وولدين ربنا يحرصهم .
طبعاً : نفسي أحج أو أعمل عمرة ، ولسة ربنا ما كتبهاليش ، كان نفسي أعمل مشروع خاص ، وعملته شوية ومنجحتش فيه لعدم التفرغ ، كان نفسي أبني الكبير يكون بطل سباحة ، لكن عدم التفرغ برضوا ، وعندي أمل إن يكون أبني الصغير بطل سباحة إن شاء الله - خليكوا فاكرين أبني الصغير أسمه محمد ماهر .
وربنا يوفق الجميع .

[A7MED_PHARMA]

الحمد لله فسخت
لأسباب كتير .. ليس أقلها فارق السن الي كان موجود

.

وانا فعلا شغال من سنين يعني من وأنا 20 سنة وأنا شغال سواء في صيدليات..لحد ماشتغلت في صيدليتي
كان نفسي فترة الــ 10 سنين بين الــ 20 والــ30
يكونو هما فترة التعب .. وأستريح بعد كده
لكن مش باين لها راحة
أديني 28 اهه
والشغل لسه يدوبك بيغطي مصاريفه
أنا عرضت الصيدلية للبيع فعلا .. في البلد المقرفة الي انا فيها دي
ومستني أول زبون..ييجي يشيل
وأنا هفتح في مكان تاني..أو حتى أشتغل في مجال تاني

[Screenplays]

اوعي تعمل كده ... اللي يخرج من داره يتقل مقدراه ... عن تجربه

[Most_H]

انا 21 واكتآبت من اللى قرآته

[A7MED_PHARMA]

إكتئاب ليه ياجميل
الإكتئاب لسه جااااااااااااااي .. إصبر


سكرررررررررررين
انت مش مكاني علشان تعرف القررررررررررررف الي انا فيه .. لازم أجرب حاجة تانية أو مكان تاني

[ossamayk]

مع إحترامي لحضرتك أنا شايفك متشائم حبتين، احمد ربنا على إللي أنت فيه وتفائل دائماً إن إللي جاي أحسن إن شاء الله، كلنا محطوطين تحت ضغوط كبيرة في مجال الشغل والمعاملة مع الناس والطرق الغير أمنة دا حتى الواحد بقى يكره يخرج بالعربية عشان هم الركنة.
ولكن مع كل ده لازم دايماً نحمد ربنا حمداً كثيرا كما ينبغي لجلال وجهه وعظيم سلطانه و(إن مع العسر يسرا) وإللي جاي أحسن إن شاء الله والحمد لله حالنا أحسن من ناس كتييييييييير.
متخليش الشيطان يتمكن منك ويوصلك لدرجة القنوط
وربنا ييسرلنا جميعاً كل خير

[Screenplays]

سكرررررررررررين
انت مش مكاني علشان تعرف القررررررررررررف الي انا فيه .. لازم أجرب حاجة تانية أو مكان تاني

حرف الره حرام عليك ههههههههههههه و الله انا حاسس بيك جدا علي فكره ... عموما غير المكان ماشي لكن متغيرش المجال ... اصلك تعبت 5 سنين كليه عشان تغير المجال في الاخر ؟ انت ليك في مجالات تانيه غير الصيدله ؟ اصل بصراحه حرام تبتدي مشروع من اول في جديد في الظروف دي ... و الله انا مش عارف اقولك ايه ... ربنا يقدم اللي فيه الخير

[Screenplays]

مع إحترامي لحضرتك أنا شايفك متشائم حبتين، احمد ربنا على إللي أنت فيه وتفائل دائماً إن إللي جاي أحسن إن شاء الله، كلنا محطوطين تحت ضغوط كبيرة في مجال الشغل والمعاملة مع الناس والطرق الغير أمنة دا حتى الواحد بقى يكره يخرج بالعربية عشان هم الركنة.
ولكن مع كل ده لازم دايماً نحمد ربنا حمداً كثيرا كما ينبغي لجلال وجهه وعظيم سلطانه و(إن مع العسر يسرا) وإللي جاي أحسن إن شاء الله والحمد لله حالنا أحسن من ناس كتييييييييير.
متخليش الشيطان يتمكن منك ويوصلك لدرجة القنوط
وربنا ييسرلنا جميعاً كل خير

معلش ارد انا

لا مش متشائم و لا حاجه ... الراجل مجتهد بزياده في بلد عايزه صيع و عيال توتو و بلطجيه ... علي رأي عادل امام " البلد مش عايزه اللي ينجح فيها " ... ان شاء الله فرجه قريب

[mazher_m]

السلام عليكم


.
كان نفسي قبل ماوصل التلاتين
اعمل مليوووووووووون حاجة

هي حاجات في نظري..تخليني مبسوط
حاجات أنا بحبها.... وإن ناس تانية شافت إنها هايفة

.
بما إني (تقريبا) مش ناوي على جواز أو إرتباطات تاني
فكان نفسي أسافر بره أي مكان
أنا دلوقتي عندي 28 سنة
وماخرجتش بره المحروسة ولا مرة

كان نفسي أسافر تركيا ولو أسبوع..أو أي بلد أوروبي
كان نفسي أكمل لعبة الحديد بشكل إحترافي .. علشان اعمل جسم كويس
كان نفسي أركب عربية إيفووو .. أو حتى عربية معدلة تعديل extreme
كان نفسي أوصل للإستقرار المادي..إلي ماكنش فيه خايف أو مقلق
وإني أقدر أجيب أي حاجة أنا عاوزها وقت ماحب..من غير ماراجع حساباتي واشوف ينفع ولا ماينفعش

.
كان نفسي يكون عندي خيل .. بس الله يرحمه .. مات فزاع

كان نفسي أعيش وسط ناس عاقلة بتفهم .. بس للأسف دي أصعب حاجة

.
كان نفسي قبل ماكمل التلاتين ..إني أكون حجيت أو عملت عمرة على الأقل
.
كان نفسي قبل ماعدي التلاتين .. إني أكون أب (لكن مش عاوز أكون زوج) ماحدش يسألني إزاي ؟
.
كان نفسي شغلي يكون كبير .. ومن غير قرف ولا وجع دماغ ولا مناهدة كل يوم
.
بس
مين بقا كان نفسه في ايه ؟
وحققه ولا محققوش

لو عايز الخلاصه
لو انت عايز فتاكد انك هاتعمل فعلا
واكيد اكيد كل اللي انت عايزه هتعمله
ثق في الله

[Screenplays]

احنا واثقين في الله و في رحمته و في عدله

بس برضه واثقين ان البلد دي عمر ما حلها هيتعدل و كله هيفضل مظلوم فيها و السيئه بتعم

ربنا يطلعنا منها علي خير

[Ghosts]

كان نفسى يكون ليا زوجة تعوضنى كل عذابات العالم و تملى عليا حياتى و يجمعنا حب مابينتهيش ....
وأكيد كان نفسى يبقى عندى أولاد أربيهم كويس و أسعدهم ....
وكان نفسى أكون صاحب عمل مش عبد أجير يروح شغلة عشان يتمرمط وياخد أوامر من ناس ملهاش أى 60 لازمة ....
كان نفسى أعيش فى بلد تانى غير مصر ....

حد فينا يقدر يشكل حياتة زى ما هو عايز؟؟!!
حد فينا يقدر يختار والدية أو البلد اللى هيعيش فيها أو عقيدتة اللى هيؤمن بيها و يبقى متعصب ليها
أو بيختار شكلة هيبقى عامل أزاى ولا صحتة عاملة أية ولا هيتجوز مين ولا هيخلف ولا لأ و هيموت أمتى؟؟!!

تخيل كدة لو حققت كل اللى نفسك فية و مبقاش فى حاجة ناقصاك ....
هترفع عينك للسما وتقول يارب؟؟!!

أحنا كلنا ما بين أيدين ربنا و مفيش حد فينا بيختار أى حاجة ....
أنا زيك بالظبط نفسى فى حاجات كتيييييييييييير أوى بس غصب عنى مش قادر أحققها ....

فسلمت أمر لله و مابقولش غير يارب ....