قبل الــــــــــــــ 30

[A7MED_PHARMA]

ياجماعة انا مش طماع
انا تعبت كتير.. وربنا يعلم إني تعب .. والتعب في البلد دي للأسف مالوش مقابل طالما ماشي مستقيم
طالما ماشي مستقيم..يبقا يدوب هتلاقي تاكل وإحتياجاتك الأساسية بس

لكن لما تتعب
محتاج شوية رفاهية
مانا مش عايش علشان أكل وأشرب وألبس بس

والحمد لله على كل حال

لكن لما تبص لواحد في سني في أي بلد تاني
عمرك شوفت بلد فيها شاب (راجل) عنده 28 سنة
ولسه على باب الله غير في مصر

[MASERATI]

السلام عليكم و رحمة الله و بركاته

أنا من رأى أنك (أن تبدأ متأخرا أفضل من أن لا تبدأ على الاطلاق).

و بالنسبة للتعب, فالتعب هو أنك تعمل الحاجة اللى أنت مش عاوز تعملها و أنك تيجى على نفسك و تعملها, أنت سواء قاعد وسط أهلك و ناسك و اشتغلت فى صيدليات عند أى حد و بعدين اشتغلت فى صيدليتك بعد كده, فأنت اشتغلت آه, بس ماعملتش الحاجة اللى أنت مابتحبهاش عشان عاوز توصل لهدف معين و أنت ماحرمتش نفسك من حاجة أنت نفسك تعملها عشان توفر تمنها, زى تلاقى اتنين صيادلة, واحد قاعد هنا فى مصر و بيشتكى من ضيق الحال, و كل ماتجيله فرصة سفر للسعودية ما يرضاش يسافر و يقولك "لا ياعم, أنا ماستحملش حد يتأمر عليا" و التانى جه على نفسه و سافر السعودية مثلا و لا أى بلد تانية و استحمل رزالة الخلايجة عشان القرش و عشان يحقق اللى نفسه فيه و اللى هو على الأقل أنه هيحج هو و أسرته و يعمل عمرة لما يزهق, الأول متهيأله أنه بيتعب و لكنه مابيتعبش لكن التانى فلا تعب.

أنا كان ليا زميل أكبر منى شوية و كان خريج علوم لأنه ماجابش مجموع فى الثانوية العامة, و لما اتخرج من علوم, لقى أنه أكيد مالهوش فرصة فى مصر و لا بره مصر, قرر, أنه ياخد دبلوم أغذية فى جامعة عين شمس على أساس أنه يحسن من فرصته فى أنه يلاقى شغل فى أى مصنع أغذية و كان بيسافر القاهرة من المنصورة كل يوم اتنين, قعد فى الدبلوم دى سنة و لا اتنين مش فاكر, فجأة و بدون مناسبة -لأنه انسان مجتهد و بيعمل اللى عليه, لازم ربنا يوفقه- فيه كليات صيدلة أعلنت سنة 1995, أنها هتقبل خريجى علوم, كانت أسيوط و حلوان و القاهرة على ماعتقد, الأولانية كانت رسومها قليلة و التانيين, كانوا عاوزين فلوس, قرر أنه يدخل صيدلة أسيوط و فعلا راح هناك من سنة أولى و قعد سنتين و برضه لأنه مجتهد و بيعمل اللى عليه و مابيدورش على الحاجة اللى بيحبها بس عشان يعملها, ربنا يسرله أنه يحول صيدلة المنصورة من سنة تالتة و قضى فى المنصورة سنتين, و بعد ماتخرج, اشتغل سنة تقريبا فى صيدليات فى القاهرة و لأنه انسان مجتهد و بياخد بالأسباب و بيعمل اللى عليه, كسب سنة 2000 فى هجرة أميركا و سافر و هناك بدأ من الأول بياع سندوتشات هوت دوج فى محل و بعد كده مساعد صيدلى لحد ماخلص معادلة الصيادلة و بقى صيدلى و الحمد لله دلوقتى مرتاح و وصل للى عاوزه, النوع ده من الناس, حتى لو ماكانشى كسب فى هجرة أميركا, كان هيدور على أى فرصة فى أى مكان و يقبل بيها حتى لو مش عاجباه.

الفكرة, أن ناس كتير بتفكر أن التعب, أنك تعانى و بس, بس التعب, أنك تعمل اللى أنت مابتحبهوش عشان توصل للى أنت عاوزه, أكيد كووووووووووول الناس اللى سافرت الخليج و سابوا أهاليهم فى مصر, ماكانوش بيعملوا كده, عشان بيحبوا كده, بس هما مضطرين عشان يحققوا اللى هما محتاجينه من أساسيات الحياة فى مصر.

و بالنسبة للشغل فى الصيدليات, فأنا كنت بقف فى صيدلية والدتى من و أنا فى سنة تانية ثانوى و لحاد مادخلت طب و أنا فى الكلية برضه كنت واقف فى الصيدلية و كنت كل يوم بقفل بعد ماقفل أدور ألف على المخازن لحد الساعة 3 بالليل عشان أجيب الدوا اللى ناقص و أصحى تانى يوم أروح الكلية و هكذا و هكذا و لحاد ماجاتلى نيابة فى الجامعة و بعد ماخلص النيابة, رجعت أقف فى الصيدلية تانى لحاد ماسافرت السعودية 3 سنين و بعد كده رحت كندا و أكيد الأرض مش مفروشة بالورود هنا و عندى استعداد أنى أبدأ من الأول تااااااااااااانى عشان أحقق اللى أنا عاوزه, و عندى استعداد أنى أبدأ أدرس من الأول سواء طب و لا غيره, عشان اللى أنا عاوزه, و هكذا الحياة, اللى بيتعب بجد فى الأول بيرتاح فى الآخر و اللى بيرتاح و يأنتخ فى الأول, لازم يتعب فى الآخر.

و أنت لسه 28 سنة و لسه صغير و عندك خبرة فى شغلك, و أنا قلتلك قبل كده أن كندا كانت فاتحة باب الهجرة للصيادلة السنة اللى فاتت, لو عاوز تتعب و فى الآخر تلاقى نتيجة, تعالى كندا زى ماصيادلة كتير جم و بدأوا من الأول و بيشتغلوا شغلانات Casual و بيذاكروا المعادلة فى نفس الوقت, و اللى بيتعب ربنا بيوفقه, و على فكرة, فيه صيادلة كانت عاوزه تيجى كندا هجرة و لأن ممعهاش الفلوس اللازمة للهجرة, قرروا أنهم يسافروا الأول السعودية, سنتين تلاتة يلموا قرشين و يطلعوا منها على كندا, هو ده التعب و الشقا, لكن ماينفعش واحد يفضل قاعد فى بلده وسط أهله و ناسه و يقول بتعب, ده مش منطقى طبعا.

بالتوفيق ان شاء الله و لكل المسلمين.

[A7MED_PHARMA]

السلام عليكم و رحمة الله و بركاته

أنا من رأى أنك (أن تبدأ متأخرا أفضل من أن لا تبدأ على الاطلاق).

و بالنسبة للتعب, فالتعب هو أنك تعمل الحاجة اللى أنت مش عاوز تعملها و أنك تيجى على نفسك و تعملها, أنت سواء قاعد وسط أهلك و ناسك و اشتغلت فى صيدليات عند أى حد و بعدين اشتغلت فى صيدليتك بعد كده, فأنت اشتغلت آه, بس ماعملتش الحاجة اللى أنت مابتحبهاش عشان عاوز توصل لهدف معين و أنت ماحرمتش نفسك من حاجة أنت نفسك تعملها عشان توفر تمنها, زى تلاقى اتنين صيادلة, واحد قاعد هنا فى مصر و بيشتكى من ضيق الحال, و كل ماتجيله فرصة سفر للسعودية ما يرضاش يسافر و يقولك "لا ياعم, أنا ماستحملش حد يتأمر عليا" و التانى جه على نفسه و سافر السعودية مثلا و لا أى بلد تانية و استحمل رزالة الخلايجة عشان القرش و عشان يحقق اللى نفسه فيه و اللى هو على الأقل أنه هيحج هو و أسرته و يعمل عمرة لما يزهق, الأول متهيأله أنه بيتعب و لكنه مابيتعبش لكن التانى فلا تعب.

أنا كان ليا زميل أكبر منى شوية و كان خريج علوم لأنه ماجابش مجموع فى الثانوية العامة, و لما اتخرج من علوم, لقى أنه أكيد مالهوش فرصة فى مصر و لا بره مصر, قرر, أنه ياخد دبلوم أغذية فى جامعة عين شمس على أساس أنه يحسن من فرصته فى أنه يلاقى شغل فى أى مصنع أغذية و كان بيسافر القاهرة من المنصورة كل يوم اتنين, قعد فى الدبلوم دى سنة و لا اتنين مش فاكر, فجأة و بدون مناسبة -لأنه انسان مجتهد و بيعمل اللى عليه, لازم ربنا يوفقه- فيه كليات صيدلة أعلنت سنة 1995, أنها هتقبل خريجى علوم, كانت أسيوط و حلوان و القاهرة على ماعتقد, الأولانية كانت رسومها قليلة و التانيين, كانوا عاوزين فلوس, قرر أنه يدخل صيدلة أسيوط و فعلا راح هناك من سنة أولى و قعد سنتين و برضه لأنه مجتهد و بيعمل اللى عليه و مابيدورش على الحاجة اللى بيحبها بس عشان يعملها, ربنا يسرله أنه يحول صيدلة المنصورة من سنة تالتة و قضى فى المنصورة سنتين, و بعد ماتخرج, اشتغل سنة تقريبا فى صيدليات فى القاهرة و لأنه انسان مجتهد و بياخد بالأسباب و بيعمل اللى عليه, كسب سنة 2000 فى هجرة أميركا و سافر و هناك بدأ من الأول بياع سندوتشات هوت دوج فى محل و بعد كده مساعد صيدلى لحد ماخلص معادلة الصيادلة و بقى صيدلى و الحمد لله دلوقتى مرتاح و وصل للى عاوزه, النوع ده من الناس, حتى لو ماكانشى كسب فى هجرة أميركا, كان هيدور على أى فرصة فى أى مكان و يقبل بيها حتى لو مش عاجباه.

الفكرة, أن ناس كتير بتفكر أن التعب, أنك تعانى و بس, بس التعب, أنك تعمل اللى أنت مابتحبهوش عشان توصل للى أنت عاوزه, أكيد كووووووووووول الناس اللى سافرت الخليج و سابوا أهاليهم فى مصر, ماكانوش بيعملوا كده, عشان بيحبوا كده, بس هما مضطرين عشان يحققوا اللى هما محتاجينه من أساسيات الحياة فى مصر.

و بالنسبة للشغل فى الصيدليات, فأنا كنت بقف فى صيدلية والدتى من و أنا فى سنة تانية ثانوى و لحاد مادخلت طب و أنا فى الكلية برضه كنت واقف فى الصيدلية و كنت كل يوم بقفل بعد ماقفل أدور ألف على المخازن لحد الساعة 3 بالليل عشان أجيب الدوا اللى ناقص و أصحى تانى يوم أروح الكلية و هكذا و هكذا و لحاد ماجاتلى نيابة فى الجامعة و بعد ماخلص النيابة, رجعت أقف فى الصيدلية تانى لحاد ماسافرت السعودية 3 سنين و بعد كده رحت كندا و أكيد الأرض مش مفروشة بالورود هنا و عندى استعداد أنى أبدأ من الأول تااااااااااااانى عشان أحقق اللى أنا عاوزه, و عندى استعداد أنى أبدأ أدرس من الأول سواء طب و لا غيره, عشان اللى أنا عاوزه, و هكذا الحياة, اللى بيتعب بجد فى الأول بيرتاح فى الآخر و اللى بيرتاح و يأنتخ فى الأول, لازم يتعب فى الآخر.

و أنت لسه 28 سنة و لسه صغير و عندك خبرة فى شغلك, و أنا قلتلك قبل كده أن كندا كانت فاتحة باب الهجرة للصيادلة السنة اللى فاتت, لو عاوز تتعب و فى الآخر تلاقى نتيجة, تعالى كندا زى ماصيادلة كتير جم و بدأوا من الأول و بيشتغلوا شغلانات casual و بيذاكروا المعادلة فى نفس الوقت, و اللى بيتعب ربنا بيوفقه, و على فكرة, فيه صيادلة كانت عاوزه تيجى كندا هجرة و لأن ممعهاش الفلوس اللازمة للهجرة, قرروا أنهم يسافروا الأول السعودية, سنتين تلاتة يلموا قرشين و يطلعوا منها على كندا, هو ده التعب و الشقا, لكن ماينفعش واحد يفضل قاعد فى بلده وسط أهله و ناسه و يقول بتعب, ده مش منطقى طبعا.

بالتوفيق ان شاء الله و لكل المسلمين.

ربنا يكرمك على رد الواسع
ومين قال اني بعمل حاجة بحبها.. تفتكر إني حابب أقف في صيدلية ومعظم الناس هنا تعاملني على إني بياع
تفتكر إني حابب جهل المصريين حواليا
تفتكر إني حابب إني أقف أبيع حباية بربع جنيه... والناس تفاصل معايا في الحاجة أم جنيه
تفتكر إني مستحمل القرف ده كله ليه ؟
يمكن أعمل منه حاجة .. لكن للأسف لو كان هينفع يتعمل منه حاجة .. كنت عملت من 4 سنين وكام شهر شغل تقريبا 16 ساعة في اليوم..ليل ونهار

مش هينفع أفضل قاعد أكتر من كده..أنا زي مانا

لازم خطوة
أي خطوة
في أي إتجاه...وطالما الحمد لله حملي خفيف..لاعندي زوجة ولا ورايا عيال
هتبقا الخطوة مش خطيرة
علشان الضرر هيبقا عليا أنا لوحدي... وأقصى ضرر مش هيخليني أشحت يعني

أنا عرضتها للبيع .. أو الإيجار علشان يطلعلي منها مبلغ معقول
أقدر أبدأ بيه في أي مكان تاني...أو حتى أي مجال تاني
ونفسي أبدأ في أي حاجة تانية ...وأنا في العشرينيات ( حتى لو في أخرها )

.
مستني أول عرض كويس فيها .. وهخلص منها
وأشوف صيدلية تعملي دخل كويس في مكان راقي .. ودخل أفضل
وإلا بعد كده
السبيل الوحيد ... هيكون الهجرة
أنا ماليش حد في مصر ..... والدي ووالدتي ربنا يديهم طولة العمر قاعدين في البلد وسط العيلة
يعني وجودي من عدم وجودي..مش هيكون مشكلة

ماعنديش واحدة في مصر .. مستنياني
تقريبا كل أصحابي..إلي منهم إستندل معايا..وإلي منهم مسافر
ورجالة نايل موتورز معايا كل يوم على المنتدى



.
ربنا ييسر الأحوال
انا لو سافرت...مش راجع

[pro_samir]

لعنة الوضع الوسط

خدني معاك

[rockana9112007]

انا بكرة فيك يافارما انك ساعات بتيجى على الوجع اللى فياا

انتا معاااك حق ....كل الحق ....انا زيك 29 سنة ويعلم ربنا انى بشتغل من 3 اعدادى واتمرمط وتعبت كتير واجتهدت على قد ماقدرت وعمرى ما اتبعت سلوك غلط او يغضب ربنا
واية اللى حققتة فى حياتى

ولا حققت اى حاجة

اتجوزت ................هو دة اللى عملتة ...ودة معتبروش انجاز على قد ما اعتبرة مسؤولية وهم فوق دماغ الواحد

ولا الواحد عارف يوفر لنفسة اى نوع من انواع الرفاهية بدون مايدفع مقابل كبير جدا وغير مبرر ..لا سفر للخارج مثلا للسياحة مع انى بحلم بدة ولا عندى عربية حتى محترمة .كل العربيات اللى ركبتها فى حياتى ملك للشركات اللى اشتغلت فيها

ولا فية حتى غطاء مادى كويس يوفر للواحد احساس بالامان ...لو بطلت اشتغل كبيرى شهر وهشحت


انا اول مااتخرجت من الكلية ...اشتغلت فى فندق موظف استقبال

اكتشفت ان معظم الطلبة اليابانيين بيجو مصر سياحة عن طريق ادخار جزء من مصروفهم
والسياح الروس اللى احنا بنستحقرهم ونقول شحاتين ...اسأل اى واحد فيهم رحت كام بلد غير مصر سياحة ..لو ذكر اقل من ثلاث بلدان ....قول عليا حماار
الحياة فى الخارج فيها رفاهية اكتر بكتير من مصر وبمقابل غير مبالغ فية


انا فعلاااا ندمان اشد الندم انى ما هاجرتش او سافرت برة مصر

ولا اقصد مطلقاا اى دولة عربية




اخووك احمد

[Screenplays]

معلش يا جماعه ... انتظروا قريبا موضوعي عن الهجره بره العزبه

[Dr.cairoky]

موضوع رائع وقريته كومنت كومنت لحد اخره

بص ياباشا هتكلم من وجهة نظرى المتواضعه جدا

أناسنى زيك تقريبا برده ( 29 سنه) ومتجوز الحمد لله وعندى جاسر كمان وبأمر الله أخته جايه فى السكه إن شاء الله

ممكن كلامى يكون هيزود خنقتك بس انت جيت على حاجه وجعه ناس كتير أوى واتكلمت فيها............

للأسف فعلا مصر بلد طارده للشباب اللى من سن 25 لحد 35 انا بتكلم عن الفتره الحاليه

انا مهندس مدنى على فكره وبرده كنت بشتغل وانا فى الجامعه ومعايا دبلوم دراسات عليا فى ادارة الانشاءات\

لحد سن 26 سنه كنت حاسس نفس احساسك بالظبط انى تعبت ومعملتش حاجه خالص وان اليوم ماشى بيومه

لحد لما قابلت فى يوم مش هسناه راجل كبير فى السن على القهوه بتاع 55 سنه - مكنتش اعرفه ولا يعرفنى يا دكتور أحمد والله - كان قاعد سامعنى وانا بكلم واحد صاحبى فى الموبيل وبقوله انا قرفان من الشغل وعاوز اهاجر وبتاع، لقيته بعد ما قفلت بيشاورلى بايده تعالى اقعد معايا بصراحه استغربته بس اللى طمنى انه شكله شيك اوى يعنى ومحترم وبيه زى ما بنقول ، رحت قعدت معاه وبدون مقدمات قعد يحكيلى حكايته ، الراجل يا أحمد وهوا بيتكلم بين كل كلمه عربى وكلمه عربى بيقول كلمه انجليش وطبعا بيبان اوى ان كان اللى قدامك بيصتنع الموضوع ولا لأ وباين من الاكسنت بتاعته انه بيتكلم انجليش بطلاقه.

الراجل ده يا دكتور أحمد طلع مهندس مدنى وعنده شركة مقاولات كبيره فى السويد بص يا سيدى قصة حياته، ابوه كان حلاق وامه ربة منزل ومش بيعرفوا يقروا ولا يكتبوا وفى اخر الثمانينات - كنت انا وانت لسه فى حضانه - ابوه وامه ماتوا فى حادثة قطر وكان لسه متخرج تقريبا ومعندوش اى مصدر دخل.......الراجل يا أحمد بيقسم بالله انه كان بيشتغل مهندس مدنى مع مقاول بجلبيه الصبح وكان بيجيب كتب وابحاث عن الأساسات والتربه لأنه كان حابب المجال ده وبيقعد يقراها بليل وكان بيقسملى بالله انه بياكل مرتين فى اليوم عشان يعرف يشترى الكتب دى ويتعلم منها........وبالصدفه البحته فى يوم المقاول ابو جلبيه ده جاتله شغلانه فى السعوديه وخده معاه لأنه كان بيصعب عليه وضعه وسافر السعوديه وفى اول عمره ليه قعد يدعى ربنا دعاء غريب أوى قدام الكعبه " يارب افح لى أبواب رزقك كما باعدت بين الأرض والسماء" أنا مش ناسى الدعاء ده واتعلمته من الراجل وبقيت بقوله وانا بصلى على طول ، الراجل جاله فرصة سفر بالصدفه برده وراح السويد فى دورة مع منظمة ابحاث سعوديه ، وهوا فى السويد فى احدى المحاضرات كان موضوعها اساسات التربه ( اللى كان بيتشرى الكتب والابحاث بتاعتها بتمن وجبة الغداء) - قعد يتناقش مع المحاضر - كان دكتور انشاءات سويدى كبير - ويراجعه فى حاجات ويعترض عليه ويتناقش معاه - بعد المحاضره الدكتور السويدى قاله تعالى اشتغل معايا هنا وراح السويد وبقى صاحب شركه كبيره هناك.

بعد قعدتى مع الراجل ده - قبلها كنت رافض فكرة السفر للخليج نهائيا - بداعى انى محبش حد يتحكم فيا والجنيه فى بلدى ولا الالف جنيه ببهدلتى بره - سافرت الامارات بعدها بشهرين وقعدت سنتين بس ، والحمد لله الحمد لله بفضل ربنا عملت فى سنتين اللى معملتهوش فى 10 سنين هنا والله.

ليييييه حكتلك القصه الكبيره دى....................الخلاصه يعنى اتعب واتعب واتعب واتعب واتعب وراعى ربنا فى شغلك ومتقولش انا لسه معملتش حاجه وبقيت 29 سنه وتعبت كتير وبرده ماشى ياليوم بيومه ، متستناش نتيجة تعبك السنه دى او السنه الجايه.....نتيجة تعبك جايه جايه وهتحقق اللى انت بتحلم بيه هتحققه بأمر الله......بس امتى بقى.......؟؟ انا ولا انت ولا العالم كله يعرفها..........علمها عند ربنا......لأن ربنا عمره ما هيضيع تعب حد بيراعى ربنا فى شغله وبيعمل اللى عليه والرزق ده أبوابه كلها عند ربنا.

أنا طولت عليك أوى...........بس نفسى أشيل من عندك حتة الإحباط دى والله وربنا سبحانه وتعالى قال" إن الله لا يضيع أجر من أحسن عملا " صدق الله العظيم

[Most_H]

وكل ما تكتاب وتحس ان الدنيا سودة

افتكر انك عندك حاجات (وان كانت بسيطة) بس غيرك بيتمنى 1/10 منها

مياة سخنة من الحنفية، بطانية فى عز البرد، صحة والحمد لله

واللى مش عندك، ثق فى الله انه مديك القدرة (واللى ناس كتير بتتمناها) على انك تحقق اللى ناقص لك

وان شاء الله خير

[FunnyMickey]

رائعه والله
واما نشوف اللي حيهاجر حيروح يعمل ايه
:)

ياخوفي ياسكرين لتتجوز واحده اجنبيه وفي الاخر تطلع امها مصريه :)

[mr_vampire]

موضوع رائع وقريته كومنت كومنت لحد اخره

بص ياباشا هتكلم من وجهة نظرى المتواضعه جدا

أناسنى زيك تقريبا برده ( 29 سنه) ومتجوز الحمد لله وعندى جاسر كمان وبأمر الله أخته جايه فى السكه إن شاء الله

ممكن كلامى يكون هيزود خنقتك بس انت جيت على حاجه وجعه ناس كتير أوى واتكلمت فيها............

للأسف فعلا مصر بلد طارده للشباب اللى من سن 25 لحد 35 انا بتكلم عن الفتره الحاليه

انا مهندس مدنى على فكره وبرده كنت بشتغل وانا فى الجامعه ومعايا دبلوم دراسات عليا فى ادارة الانشاءات\

لحد سن 26 سنه كنت حاسس نفس احساسك بالظبط انى تعبت ومعملتش حاجه خالص وان اليوم ماشى بيومه

لحد لما قابلت فى يوم مش هسناه راجل كبير فى السن على القهوه بتاع 55 سنه - مكنتش اعرفه ولا يعرفنى يا دكتور أحمد والله - كان قاعد سامعنى وانا بكلم واحد صاحبى فى الموبيل وبقوله انا قرفان من الشغل وعاوز اهاجر وبتاع، لقيته بعد ما قفلت بيشاورلى بايده تعالى اقعد معايا بصراحه استغربته بس اللى طمنى انه شكله شيك اوى يعنى ومحترم وبيه زى ما بنقول ، رحت قعدت معاه وبدون مقدمات قعد يحكيلى حكايته ، الراجل يا أحمد وهوا بيتكلم بين كل كلمه عربى وكلمه عربى بيقول كلمه انجليش وطبعا بيبان اوى ان كان اللى قدامك بيصتنع الموضوع ولا لأ وباين من الاكسنت بتاعته انه بيتكلم انجليش بطلاقه.

الراجل ده يا دكتور أحمد طلع مهندس مدنى وعنده شركة مقاولات كبيره فى السويد بص يا سيدى قصة حياته، ابوه كان حلاق وامه ربة منزل ومش بيعرفوا يقروا ولا يكتبوا وفى اخر الثمانينات - كنت انا وانت لسه فى حضانه - ابوه وامه ماتوا فى حادثة قطر وكان لسه متخرج تقريبا ومعندوش اى مصدر دخل.......الراجل يا أحمد بيقسم بالله انه كان بيشتغل مهندس مدنى مع مقاول بجلبيه الصبح وكان بيجيب كتب وابحاث عن الأساسات والتربه لأنه كان حابب المجال ده وبيقعد يقراها بليل وكان بيقسملى بالله انه بياكل مرتين فى اليوم عشان يعرف يشترى الكتب دى ويتعلم منها........وبالصدفه البحته فى يوم المقاول ابو جلبيه ده جاتله شغلانه فى السعوديه وخده معاه لأنه كان بيصعب عليه وضعه وسافر السعوديه وفى اول عمره ليه قعد يدعى ربنا دعاء غريب أوى قدام الكعبه " يارب افح لى أبواب رزقك كما باعدت بين الأرض والسماء" أنا مش ناسى الدعاء ده واتعلمته من الراجل وبقيت بقوله وانا بصلى على طول ، الراجل جاله فرصة سفر بالصدفه برده وراح السويد فى دورة مع منظمة ابحاث سعوديه ، وهوا فى السويد فى احدى المحاضرات كان موضوعها اساسات التربه ( اللى كان بيتشرى الكتب والابحاث بتاعتها بتمن وجبة الغداء) - قعد يتناقش مع المحاضر - كان دكتور انشاءات سويدى كبير - ويراجعه فى حاجات ويعترض عليه ويتناقش معاه - بعد المحاضره الدكتور السويدى قاله تعالى اشتغل معايا هنا وراح السويد وبقى صاحب شركه كبيره هناك.

بعد قعدتى مع الراجل ده - قبلها كنت رافض فكرة السفر للخليج نهائيا - بداعى انى محبش حد يتحكم فيا والجنيه فى بلدى ولا الالف جنيه ببهدلتى بره - سافرت الامارات بعدها بشهرين وقعدت سنتين بس ، والحمد لله الحمد لله بفضل ربنا عملت فى سنتين اللى معملتهوش فى 10 سنين هنا والله.

ليييييه حكتلك القصه الكبيره دى....................الخلاصه يعنى اتعب واتعب واتعب واتعب واتعب وراعى ربنا فى شغلك ومتقولش انا لسه معملتش حاجه وبقيت 29 سنه وتعبت كتير وبرده ماشى ياليوم بيومه ، متستناش نتيجة تعبك السنه دى او السنه الجايه.....نتيجة تعبك جايه جايه وهتحقق اللى انت بتحلم بيه هتحققه بأمر الله......بس امتى بقى.......؟؟ انا ولا انت ولا العالم كله يعرفها..........علمها عند ربنا......لأن ربنا عمره ما هيضيع تعب حد بيراعى ربنا فى شغله وبيعمل اللى عليه والرزق ده أبوابه كلها عند ربنا.

أنا طولت عليك أوى...........بس نفسى أشيل من عندك حتة الإحباط دى والله وربنا سبحانه وتعالى قال" إن الله لا يضيع أجر من أحسن عملا " صدق الله العظيم

راااااااااااااااااااائعة والله.... وفي نماذج كتير والله من ده بس اللي يدور...

لفارما:::

نصيحتي ليك من الاخر: شوف فرصة شغل برا ( مش هجرة ) فرصة شغل لان فعلا السفر في حد ذاته بيعلمك كتير....

وعلي فكرة وانتا خارج من مصر بتبقي فرحان ومش عايز ترجعلها بس سنة بالكتير وهتتمني تنزل اجازة يوم واحد بس واسال اي حد من الرجالة المغتربين...

[Dr.cairoky]

لفارما:::

نصيحتي ليك من الاخر: شوف فرصة شغل برا ( مش هجرة ) فرصة شغل لان فعلا السفر في حد ذاته بيعلمك كتير....

وعلي فكرة وانتا خارج من مصر بتبقي فرحان ومش عايز ترجعلها بس سنة بالكتير وهتتمني تنزل اجازة يوم واحد بس واسال اي حد من الرجالة المغتربين...

لتانى مره يا Mr.Vampire بيعجبنى تعليقك أوى ........- ممكن بعيد عن الموضوع اتشرف باسمك لو مفيش مانع.

بص يا أحمد - مع حفظ اللقب طبعا انت على راسى من فوق - للأسف معظمنا ( وأنا كنت واحد من معظمنا دول) بيقول مش هسافر ومروحش الخليج عشان الناس هناك بيعاملونا معاملة العبيد وليه أسافر واتهان.....؟؟ وأنا هنا عمرى ما هموت من الجوع...... والكلام اللى انت عارفه أكتر منى ده كله.

بس ليه الإنسان المصرى - برده بقول تانى معظمنا - زى ما بيقولوا ستى وستك بيقدر البلاء قبل وقوعه ، طيب مهو ممكن تسافر يابن الحلال على شركه كويسه أو عقد كويس وتروح تلاقى نفسك بتتعامل مع ناس محترمه ونضيفه وتلاقى صوره عكس ما كنت متخيل فى دماغك وراسمها فى احلامك من الذله والمهانه والبهدله من اهل الخليج...

يعنى الإنسان يتوكل على الله ويستخير ربنا ويعمل اللى عليه ويتعب واللى جاى ده كله بتاع ربنا وبس.....

السفر يا Mr.Vampire زى ما تكرمت وقولت كله فوايد فى فوايد فى فوايد.......

أنا قعدت فى الامارات سنتين كنت رايح نقدر نقول نسبة خبرتى الهندسيه 60% ووالإنجليش عندى 70% والحاله الماديه نقول 50% ، مش بعرف اعمل أكل لنفسى أخرى الشاى والقهوه ، بخاف مووووووت من موضوع الوحده فى الشغل وانى الاقى جنسيات كتير ولغات كتير ، كنت خايف اننى معرفش اثبت نفسى وسط المهندسين هناك وشهر ويقولولى ارجع على بلدك.....و .......و.........و........وحاجات كتيييييييييييير أوى.

رجعت الحمد لله خبرتى الهندسيه بقت 85% والإنجليش بقى 85%والحاله الماديه 85% ، وبعمل أكل أحسن مراتى كمان - مش أوى طبعا بهرج - و......و............ووحاجاااات كتييييييير أوى إيجابيه بفضل الله ونعمته عليا وبرده زيك انا 29 سنه.

مش عاوز أدخل فى موضوع تانى ......أنا معرفكش شخصيا ولا عمرنا اتقابلنا......بس والله العظيم أنا عاوزلك الخير لأننا كلنا أخوه فى الله هنا ، ولو فكرت تسافر يا أحمد اعمل لنفسك تارجت بمعنى .........أنا مسافر ليه؟؟؟؟؟؟عاوز أحقق ايه؟؟؟؟؟؟؟عاوز أقعد كام سنه؟؟؟؟عاوز أضمن لنفسى ايه للمستقبل؟؟؟؟وربنا يارب يعملك اللى فيه الخير وتتجوز وحده تراعى ربنا فيك وتحفظلك بيتك ويرزقك بالذريه الصالحه يارب.

[mr_vampire]

-يافندم ده شرف ليا انا التعرف بيك..
-انا اخوك ( احمد ) مهندس الكترونيات وتحكم الي . وتقريبا نفس السن ( 28 ).

-انا بقي عكسكو ... لما تخرجت 2006 كنت قافل خالص من ناحية الشغل في مصر لان بصراحة الشغل في مصر ( لا يشبع من جوع ولا يؤمن من خوف ) فكان كل همي السفر برا وطبعا لدولة عربية عشان عالاقل اشتغل بشهادتي اللي ابويا وامي تعبو في تعليمي عشان اخدها لاني معنديش استعداد خالص اهين نفسي واخيب املهم فيا واسافر بلد اوروبية امسح صحون او محارة ولو بفلوس الدنيا ( مع احترامي للشباب اللي شغالين كدة بس الظروف تختلف من شخص لشخص ).

-فسافرت الكويت اعدت فيها فترة وبعدين سبتها وروحت سوريا وبعدين سبتها ورجعت الكويت تاني.

-اقدر اقول اني فعلا بقيت افضل بكتير من ناحية التفكير ومن ناحية الاعتماد عالنفس في كل كبيرة وصغيرة وطبعا محدش بيحكم علي نفسه بس تقدر تقيم نفسك من خلال رؤيتك لتصرف وتفكير الاخرين ومقارنتها بيك لو كنت في موقف مشابه.

فبكرر نصيحتي يافارما:: شوف فرصة كويسة تناسبك ( هو اينعم البداية متاخرة شوية لان السفر بدري بدري افضل عشان لما توصل لسننا ده تتجوز وتاخدها معاك .بس معلش ترتيبات ربنا مفيش احسم وافضل منها وعن تجارب كتير ( حاجات قسما بالله لو برتبلها بالورقة والقلم عمرها ماكانت هتبقي افضل من ترتيبات القدر... سبحان الله بجد..

[ahmedaglan]

يابن ادم :
: (يا ابن ادم لا تخف من ذي سلطان ما دام سلطاني موجود وسلطاني وملكي لا يزول,لا تخف من فوات الرزق ما دامت خزائني مملوءة لا تنفذ وخلقت الاشياء كلها من اجلك وخاقتك من اجلي فسر في طاعتي يطعك كل شىء,لي عليك فريضة ولك غلي رزق فان لم تخالفني في فريضتي لم اخالفك في رزقك,وان رضيت بما قسمت لك ارحت قلبك وان لم ترض بما قسمته لك فوعزتي وجلالي لاسلطن عليك الدنيا تركض فيها كركض الوحوش في البرية ولا ينالك منها الا ما قسمته لك وكنت عندي مذموما

[أحمد كمال]

تعالى السودان ...... مش محتاجة فيزا ........ و يادوب بس تاخد حقنة الحمى الصفراء و تقطع التذكرة و تيجي ههههههههههه و تبقى حققت امنية السفر برة :)

[ashouhdy]

كويس انك لاقى شغل وبتصرف على نفسك اصلا ! غيرك لسة بياخد مصروف

مش عارف لية بتفكرنى ب مكى فى قطر الحياة هههههههههههههههههههه