قبل الــــــــــــــ 30

[mr_vampire]

يابن ادم :
: (يا ابن ادم لا تخف من ذي سلطان ما دام سلطاني موجود وسلطاني وملكي لا يزول,لا تخف من فوات الرزق ما دامت خزائني مملوءة لا تنفذ وخلقت الاشياء كلها من اجلك وخاقتك من اجلي فسر في طاعتي يطعك كل شىء,لي عليك فريضة ولك غلي رزق فان لم تخالفني في فريضتي لم اخالفك في رزقك,وان رضيت بما قسمت لك ارحت قلبك وان لم ترض بما قسمته لك فوعزتي وجلالي لاسلطن عليك الدنيا تركض فيها كركض الوحوش في البرية ولا ينالك منها الا ما قسمته لك وكنت عندي مذموما

الله. تسلم ايدك....
هو ده يافندم حديث قدسي ؟؟؟؟؟
كل فترة بيظهر ادامي ... ولما بقراه بحس براحة نفسية جداااااااااااااااا....

تخيل ظابط كبير قالك فيم وبلطج واعمل اللي عايزه براحتك وانا وراك....

- فما بالك بقي مع الفارق الشاااااااااااااااااااااااسع وعظمة القائل ان ربنا بيطمنك ان رزقك بيده فقط وان كل شيء مخلوق لاجلك.

تسلم ايدك كمان مرة ياقندم...

[shouk_1987]

موضوع رائع وقريته كومنت كومنت لحد اخره

بص ياباشا هتكلم من وجهة نظرى المتواضعه جدا

أناسنى زيك تقريبا برده ( 29 سنه) ومتجوز الحمد لله وعندى جاسر كمان وبأمر الله أخته جايه فى السكه إن شاء الله

ممكن كلامى يكون هيزود خنقتك بس انت جيت على حاجه وجعه ناس كتير أوى واتكلمت فيها............

للأسف فعلا مصر بلد طارده للشباب اللى من سن 25 لحد 35 انا بتكلم عن الفتره الحاليه

انا مهندس مدنى على فكره وبرده كنت بشتغل وانا فى الجامعه ومعايا دبلوم دراسات عليا فى ادارة الانشاءات\

لحد سن 26 سنه كنت حاسس نفس احساسك بالظبط انى تعبت ومعملتش حاجه خالص وان اليوم ماشى بيومه

لحد لما قابلت فى يوم مش هسناه راجل كبير فى السن على القهوه بتاع 55 سنه - مكنتش اعرفه ولا يعرفنى يا دكتور أحمد والله - كان قاعد سامعنى وانا بكلم واحد صاحبى فى الموبيل وبقوله انا قرفان من الشغل وعاوز اهاجر وبتاع، لقيته بعد ما قفلت بيشاورلى بايده تعالى اقعد معايا بصراحه استغربته بس اللى طمنى انه شكله شيك اوى يعنى ومحترم وبيه زى ما بنقول ، رحت قعدت معاه وبدون مقدمات قعد يحكيلى حكايته ، الراجل يا أحمد وهوا بيتكلم بين كل كلمه عربى وكلمه عربى بيقول كلمه انجليش وطبعا بيبان اوى ان كان اللى قدامك بيصتنع الموضوع ولا لأ وباين من الاكسنت بتاعته انه بيتكلم انجليش بطلاقه.

الراجل ده يا دكتور أحمد طلع مهندس مدنى وعنده شركة مقاولات كبيره فى السويد بص يا سيدى قصة حياته، ابوه كان حلاق وامه ربة منزل ومش بيعرفوا يقروا ولا يكتبوا وفى اخر الثمانينات - كنت انا وانت لسه فى حضانه - ابوه وامه ماتوا فى حادثة قطر وكان لسه متخرج تقريبا ومعندوش اى مصدر دخل.......الراجل يا أحمد بيقسم بالله انه كان بيشتغل مهندس مدنى مع مقاول بجلبيه الصبح وكان بيجيب كتب وابحاث عن الأساسات والتربه لأنه كان حابب المجال ده وبيقعد يقراها بليل وكان بيقسملى بالله انه بياكل مرتين فى اليوم عشان يعرف يشترى الكتب دى ويتعلم منها........وبالصدفه البحته فى يوم المقاول ابو جلبيه ده جاتله شغلانه فى السعوديه وخده معاه لأنه كان بيصعب عليه وضعه وسافر السعوديه وفى اول عمره ليه قعد يدعى ربنا دعاء غريب أوى قدام الكعبه " يارب افح لى أبواب رزقك كما باعدت بين الأرض والسماء" أنا مش ناسى الدعاء ده واتعلمته من الراجل وبقيت بقوله وانا بصلى على طول ، الراجل جاله فرصة سفر بالصدفه برده وراح السويد فى دورة مع منظمة ابحاث سعوديه ، وهوا فى السويد فى احدى المحاضرات كان موضوعها اساسات التربه ( اللى كان بيتشرى الكتب والابحاث بتاعتها بتمن وجبة الغداء) - قعد يتناقش مع المحاضر - كان دكتور انشاءات سويدى كبير - ويراجعه فى حاجات ويعترض عليه ويتناقش معاه - بعد المحاضره الدكتور السويدى قاله تعالى اشتغل معايا هنا وراح السويد وبقى صاحب شركه كبيره هناك.

بعد قعدتى مع الراجل ده - قبلها كنت رافض فكرة السفر للخليج نهائيا - بداعى انى محبش حد يتحكم فيا والجنيه فى بلدى ولا الالف جنيه ببهدلتى بره - سافرت الامارات بعدها بشهرين وقعدت سنتين بس ، والحمد لله الحمد لله بفضل ربنا عملت فى سنتين اللى معملتهوش فى 10 سنين هنا والله.

ليييييه حكتلك القصه الكبيره دى....................الخلاصه يعنى اتعب واتعب واتعب واتعب واتعب وراعى ربنا فى شغلك ومتقولش انا لسه معملتش حاجه وبقيت 29 سنه وتعبت كتير وبرده ماشى ياليوم بيومه ، متستناش نتيجة تعبك السنه دى او السنه الجايه.....نتيجة تعبك جايه جايه وهتحقق اللى انت بتحلم بيه هتحققه بأمر الله......بس امتى بقى.......؟؟ انا ولا انت ولا العالم كله يعرفها..........علمها عند ربنا......لأن ربنا عمره ما هيضيع تعب حد بيراعى ربنا فى شغله وبيعمل اللى عليه والرزق ده أبوابه كلها عند ربنا.

أنا طولت عليك أوى...........بس نفسى أشيل من عندك حتة الإحباط دى والله وربنا سبحانه وتعالى قال" إن الله لا يضيع أجر من أحسن عملا " صدق الله العظيم

يابن ادم :
: (يا ابن ادم لا تخف من ذي سلطان ما دام سلطاني موجود وسلطاني وملكي لا يزول,لا تخف من فوات الرزق ما دامت خزائني مملوءة لا تنفذ وخلقت الاشياء كلها من اجلك وخاقتك من اجلي فسر في طاعتي يطعك كل شىء,لي عليك فريضة ولك غلي رزق فان لم تخالفني في فريضتي لم اخالفك في رزقك,وان رضيت بما قسمت لك ارحت قلبك وان لم ترض بما قسمته لك فوعزتي وجلالي لاسلطن عليك الدنيا تركض فيها كركض الوحوش في البرية ولا ينالك منها الا ما قسمته لك وكنت عندي مذموما

+1111111111
يا جماعة أنا أشعرت من الكلام الجامد ده و دمعتى قريبة

[Screenplays]

رائعه والله
واما نشوف اللي حيهاجر حيروح يعمل ايه
:)

ياخوفي ياسكرين لتتجوز واحده اجنبيه وفي الاخر تطلع امها مصريه :)

ههههههههه ازاي يعني ؟

[Dr.cairoky]

+1111111111
يا جماعة أنا أشعرت من الكلام الجامد ده و دمعتى قريبة

يا باشا احنا كلنا هنا اخوات فى الله

وكل واحد فينا بيجيله لحظه بيشوف الدنيا متقفله وسودا قدامه غصب عنه

فلازم وحق اخواتنا علينا اننا نفوقهم ونقويهم ونعينهم عشان أكيد برده هتجيلنا نفس اللحظه دى فى يوم فساعتها ربنا يكرمنا بحد يهونها علينا

[Dr.cairoky]

-يافندم ده شرف ليا انا التعرف بيك..
-انا اخوك ( احمد ) مهندس الكترونيات وتحكم الي . وتقريبا نفس السن ( 28 ).

-انا بقي عكسكو ... لما تخرجت 2006 كنت قافل خالص من ناحية الشغل في مصر لان بصراحة الشغل في مصر ( لا يشبع من جوع ولا يؤمن من خوف ) فكان كل همي السفر برا وطبعا لدولة عربية عشان عالاقل اشتغل بشهادتي اللي ابويا وامي تعبو في تعليمي عشان اخدها لاني معنديش استعداد خالص اهين نفسي واخيب املهم فيا واسافر بلد اوروبية امسح صحون او محارة ولو بفلوس الدنيا ( مع احترامي للشباب اللي شغالين كدة بس الظروف تختلف من شخص لشخص ).

-فسافرت الكويت اعدت فيها فترة وبعدين سبتها وروحت سوريا وبعدين سبتها ورجعت الكويت تاني.

-اقدر اقول اني فعلا بقيت افضل بكتير من ناحية التفكير ومن ناحية الاعتماد عالنفس في كل كبيرة وصغيرة وطبعا محدش بيحكم علي نفسه بس تقدر تقيم نفسك من خلال رؤيتك لتصرف وتفكير الاخرين ومقارنتها بيك لو كنت في موقف مشابه.

اتشرفت بيك والله يا هندسه ..........وربنا يعزك ويكرمك يارب ويرزقك من حيث لا تحتسب

[Dr.cairoky]

الله. تسلم ايدك....
هو ده يافندم حديث قدسي ؟؟؟؟؟
كل فترة بيظهر ادامي ... ولما بقراه بحس براحة نفسية جداااااااااااااااا....

السؤال:

ما مدى صحة هذا الحديث و هل من المكن ذكر المرجع إذا وجد؟

الجواب:

المفتـــي: مركز الفتوى بإشراف د.عبدالله الفقيه


الحمد لله والصلاة والسلام على رسول الله وعلى آله وصحبه أما بعد:

فلم نجد هذا الحديث مرفوعاً إلى النبي صلى الله عليه وسلم لا في دواوين الإسلام المشهورة، ولا في ما بين أيدينا من أجزاء الحديث المنثورة، بل لم نجده في الكتب المصنفة لكشف الأحاديث الموضوعة، وما دام الأمر كذلك فلا تجوز نسبته إلى النبي صلى الله عليه وسلم، ومثل هذا يقال فيه: موضوع أو لا أصل له، قال ابن الجوزي: ما أحسن قول القائل: إذا رأيت الحديث يباين المعقول، أو يخالف المنقول، أو يناقض الأصول، فاعلم أنه موضوع.

قال السيوطي في تدريب الراوي: ومعنى مناقضته للأصول: أن يكون خارجاً عن دواوين الإسلام من المسانيد والكتب المشهورة.

وإنما وجدناه في كتاب الفتوحات المكية لابن عربي، وكتاب المستطرف في كل فن مستظرف للأبشيهي منسوباً إلى كعب الأحبار أنه وجد هذه الكلمات بطولها في التوراة.

ولا يقطع بصحة نسبته إلى كعب أيضاً، لعدم وروده بالإسناد إليه، كما أن الكتابين المذكورين ليسا من الكتب المعتمدة عند أهل العلم في نقل الأخبار.

قال الشيخ عبد الرحمن المعلمي: ليس كل ما نسب إلى كعب في الكتب بثابت عنه، فإن الكذابين من بعده قد نسبوا إليه أشياء كثيرة لم يقلها.

وعلى افتراض صحة نسبة هذا إلى كعب -وهو أمر مستبعد- فإنه لن يعدو أن يكون من الإسرائيليات

والله أعلم.

[Sherifmt]

بشتغل من وانا عندي 9 سنين علشان اصرف علي نفسي بالرغم من وجود والدي ووالدتي بس كانو منفصلين وجدتي هي اللي بتربيني علشان تكسب ثواب ربنا وبفضل الله كنت باعمل طيارات ورق وابيعها في الصيف وساعات صبي ميكانيكي وعامل في مكتبة لغاية الاعدادية كان مجموعي صغير في اعدادي 140 درجة فقط مع العلم كنت شاطر وكنت متاكد ان التصحيح غلط وبرضة كنت حابب اكمل الحاجة الوحيدة اللي قبلتني كانت مركز تدريب مهني في امبابة كملت برضة وانا بشتغل والحمد لله خلصت الاول علي المركز والتاني علي ترتيب محافظة الجيزة(:
ايامها مكنش في جامعة مفتوحة وبدل كدة اخدت كورسات في جامعة القاهرة بفلوس رمزية اسمها مركز خدمة المجتمع انجليزي وكمبيوتر وبقيت لما انجح في مستوي علي طول ادخل اللي بعدة وكل دة وانا شغال ساعات في محل فطير واحيانا كاشير في محل واحيانا عامل في مطبعة وشيال في فندق j وبعد 3 سنين كورسات سافرت الخليج و اتعلمت ازاي اتعامل مع الاخر 40 جنسية ديانات والوان ولغات.
انا عمري في حياتي ما هنسي الفرحة اللي من القلب لما بشوف واحد كنت اعرفة من سنين في الخليج وعلي وشة ابتسامة من القلب انة شافني تاني بعد 8 سنين برغم اختلاف الدين واللغة والسن ومكنش طايقني ايامها علشان عربي مسلم قوي (: وهو يهودي ومديري لكن الشركة الام في كندا كانت بعتاني هناك يعني مش بمزاجة وضغطني ضغط رهيب اول اسبوعين لغاية ما زهق مني وبالحسني اشتغلنا مع بعض 11 شهر متواصلين ولما جة وقت مغادرته كنت حريص اني اكون في وداعه بهدية (: اول ماشفني تاني كان تاني سؤال لية بعد انت فين؟ كان انا عايزك تشتغل معايا تاني في مشروع جديد !!!
فعلا مش كلام الرضا لمن يرضا ودايما اشكر ربنا علي كل شيء.
ربنا كرمني ووضعي اتحسن كتير جبت عربية وبعدين شقة وبعدين كرمني بانسانة فوق الممتازة اتجوزنا بعد ما عرفتها ب 85 يوم (: ايوة يوم وكان عندي 25 سنة يعني من 13 سنة ور بنا رضاني بطفل وطفلة هما وامهم اجمل ما في حياتي كلها بعد امي وابويا.
انا بكتبلكم دلوقتي من شنغهاي الشركة العالمية بعتاني شهر علشان تدريب فريق الشركة الصيني استعدادا لافتتاح مشروع جديد في الصين والحمد لله المسلم المصري العربي الافريقي الوحيد في المجموعة كلها بكل فخر.
حد عايز حاجة من الصين (:

المشاركة دي ليه من سنتين كانت في موضوع لزميلتنا نور القمر حابب أشارك بيه معاكم هنا واكملكم عليه يمكن يساعد كل طموح ويفكره ان اللي جاي أحسن ...... بعد ما خلصت مشروع شنغهاي عديت علي مكه لمشروع برج الساعة وبرضة للتدريب واول مرة بصيت من شباك غرفتي في الدور ال45 واللي كانت بتطل علي الحرم بالكامل والكعبة المشرفة مباشرة لقيت نفسي بردد لا شعوريا الحمد لله راضي يا رب راضي يا رب و قلبي انشرح جدا وبقي يدق جامد من الفرحة وعيني دمعت وحسيت اني لو مت في اللحظة دية هكون في الجنة ومن يومها مش ممكن أنما قبل ما اردد ومن قلبي اللهم اني رضيتك ربي وبالأسلام ديني وبسيدنا محمد نبي ورسولي 3 مرات وراضي يارب كمان 3 مرات ..... ربنا كرمني وعملت اكتر من عمرة وخلصت شغلي ورجعت شغلي في مصر وبعد ما الثورة قامت والأحوال وقفت شركتي في كندا بعتولي تاني علشان مشروعين جداد في ألأمارات وبعدهما نقل طيب فيين تخيلو............................... في مكة المشروع اللي كنت بجهز فيه سعوديين من سنه طلبوني علشان اكون مدير للقسم كلة مع أقامة كامله انا وألأسرة ودلوقتي عندي 40 سنه بقالي سنة هنا وبفضل الله ربنا كرمني بالحج انا وأسرتي و بكتبلك من شغلي في برج الساعة والحمد لله راضي يا رب راضي يا رب راضي يارب وعقبالكم جميعاً..........تحياتي من مكه (:

[friendship7897]

الحمد لله راضي يا رب راضي يا رب

ربنا يزيدك من نعمه ومن رضاه ، ويبارك لك في أولادك وزوجتك . "لَئِن شَكَرْتُمْ لأَزِيدَنَّكُمْ"

[ahmedaglan]

الله. تسلم ايدك....

ربنا يباركلك
هو ده يافندم حديث قدسي ؟؟؟؟؟
تمام
كل فترة بيظهر ادامي ... ولما بقراه بحس براحة نفسية جداااااااااااااااا....


تخيل ظابط كبير قالك فيم وبلطج واعمل اللي عايزه براحتك وانا وراك....

- فما بالك بقي مع الفارق الشاااااااااااااااااااااااسع وعظمة القائل ان ربنا بيطمنك ان رزقك بيده فقط وان كل شيء مخلوق لاجلك.

اكيد
وربنا بيقول
بسم الله الرحمن الرحيم
ربنا ما خلقت هذا باطلا سبحانك فقنا عذاب النار
صدق الله العظيم

تسلم ايدك كمان مرة ياقندم...

ربنا يبارك في عمرك ياباشا

[mr_vampire]

اتشرفت بيك والله يا هندسه ..........وربنا يعزك ويكرمك يارب ويرزقك من حيث لا تحتسب

الشرف ليا انا والله... ويارب يرزقك بمثل واكثر مما دعوت به لي.

ربنا يبارك في عمرك ياباشا

الله يخليك ويكرمك يارب..

[Sherifmt]

ربنا يزيدك من نعمه ومن رضاه ، ويبارك لك في أولادك وزوجتك . "لَئِن شَكَرْتُمْ لأَزِيدَنَّكُمْ"

ربنا يعزك ويراضيك (:

[DR/WAFEK]

والحمد لله راضي يا رب راضي يا رب راضي يارب وعقبالكم جميعاً..........تحياتي من مكه (:

الله عليك و ربنا يزيدك كمان وكمان

[Sherifmt]

الله عليك و ربنا يزيدك كمان وكمان

تسلم وعقبال ما ربنا يكرمك بزيارة مكة حاجاً بمشيئة الله........تحياتي

[A7MED_PHARMA]

شكرا لكل الردود.. وكل التجارب ياشباب

.
المشكلة عندي
في الوقت
الوقت بيتسرق بسرعة خيالية ..
شهــر بيسلم شهر.. تلاقي السنة عدت


أنا مش طامح لفلوس كتير أو زيادة الحصيلة العلمية ..او ...........
من واقع إيماني الثابت (مش عاوز أتناقش في النقطة دي علشان مش هنخلص)..إن كل حاجة فانية والعمــر قصير
فمش محتاج أعمل دراسات ..أو دكتوراه أو خلافه
ولا عاوز فلوس كتير


.
أنا بس عاوز أكون مستور .. مش قلقان من بكره (ماديــا)
وعاوز أشوف بلاد تانية وناس تانية قبل ماأكبر على مرحلة الإستمتاع بالتغيير
علشان كده
أديني عارض الصيدلية للبيــع
وهسافر
أي مكان .. بس ألاقي بيعة الأول

[Screenplays]

طب يا احمد اكتبلي بيانات الصيدليه علي الخاص ممكن اشوفلك بيعه ليها بس هاخد 99 % هههههههههههه