كنت حضرب النهاردة علقة مووت

[ashouhdy]

ومش بعيد فعلا كان حد استغل انى انزل ويعمل حاجة ...

موقف زبالة بجد

[mohammedabdallh]

بص يا دكتور بدال معاك المدام والاولاد كبر دماغك حتى لو اتخبط امشى وكبر
هما ولا العربيه
حضرتك ولا العربيه
فده العادى من الشعب الهمجى ده وانا اسف انى بقول همجى علشان كلنا من هذا الشعب
فكبر دماغك دايما
والف حمدلله على السلامه ليك وللعائله
وغلطتك انك رجعت
انا عارف ان نيتك سليمه بس هو .........

[Screenplays]

معلش يا باشا خلينا مستحملين لحد ما نشوف اخرتها ايه في ام البلد دي اللي ناويه تنضف

[Medicalist]

شعب و ....
اقل حاجه ممكن تتقال ربنا يكون فى عون مراتك وبنتك ربنا ينتقم منهم

[تامر.محمد]

ما كنتش تقف من الاول

[ashouhdy]

انا فعلا غلطان وقسما بالله ما انا واقف لحد بعد كدة

خلى الناس تاكل فى بعض بقى فقدت الامل فى دى بلد على دة شعب

[engtmk]

انا فعلا غلطان وقسما بالله ما انا واقف لحد بعد كدة

خلى الناس تاكل فى بعض بقى فقدت الامل فى دى بلد على دة شعب

هههههههههههه انت بتفقد الامل بسهوله انا حصل معايا موقفين زي بتوعك:

الاول

ايام الثوره المجيده والانفلات الامني اللي علي حق كنت راجع انا ووالدتي بالعربيه وقال الحق قاطعين الكورنيش خش من جوه أدخل المعصره .

دخلت وفضلنا واقفين بتاع ساعتين وناس بتنظم المرور تعدي الصف التاني وانا ورايا اتوبيسين ساديين الطريق والجهه العكس هتقفل عشان الاتوبيسات واقفه في مكان ضيق
نزلت بقول للناس عدونا عشان الاتوبيسات تعدي والشارع يفتح الاتجاهين

كاني غلط وسبيت او لعنت

انتو معندكوش احساس مفيش دم انا سايب بيتي وقلت انظم المرور عشان تعدوا وبردو مش نافع.

انا رديت يا حاج انا بقول لحضرتك الطريق عشان يفتج....

ثواني وشباب المعصره الحاضر الواعي الفاهم جيه واتلموا وفيه ايه هو مفيش حاجه عاجبه راجل كبير ومش عاجبك

وانا رحت داخل شمال فيهم كلهم وعلي راي المثل عن ابوووووووووووووووووكو كلكو لقيت والدتي راحت مصوته ونزلت شديتني وتقول سامحوه خلاص عدينا يا عم والناس زقتي في العربيه وركبت ومشيت


الموقف التاني:


في موقف ميكروباصات شوف الجبروت بتاعي وعطف ربنا عليه

الطريق واقف عشان برنس من الميكروباصات بينزل ساعه عملت انا ايه دخلت من جمبه لقيت واحد بفسبه في وشي.

فرملت وهو عدي وخلاص لقيته شتم وراح نازل ويشدني من العربيه عايز ينزلني


المهم هو بيشد ومش قادر ينزلني من العربيه وهات يا شتيمه وطبعا الجدعان السواقين كل واحد جيه يجامل ( هو لو لوحده بصراحه كنت دسته بالعربيه رايح جاي مرتين وضميري مرتاح)

انا لقيت ناس بتلف حوالين العربيه قلت اه مش طالبه عيل معفن يكسر القزاز رحت منزل ايده من علي قميصي بكل بساطه وسبته يهوهو وركبت ومشيت


فيه ناس متردش عليه اساسا مهما شتم هتكسب ايه لما ترد كرامتك ماهتروج اكتر
انت شوج بايدك من العربيه وخلاص وسيبه يهاتي مع نفسه

[م. حاتم السباعي]

والله ياجماعة ومهندس حاتم انا ملحقت اصلا انزل الازاز و اارفع ايدى حتى بدليل ان رزع على الصاج هبد مرتين قبل ما العربية حتى تعدى دة حتى الازاز ميلحقش ينزل

تانى حاجة ولا لحقت اراقب ولا نيلة دى اشارة و واحد رمى نفسة ومعملش حساب حتى انة معاة ست كبيرة و مقدرش المسافة اللى بينة وبين العربية حتلحق تقف ولا لأ

اللهم رفع دراعة وجرر الست جر لنص الطريق وانا قدامى حلين

يا أضرب فرامل ومراتى وبنتى يلزقوا فى التابلوة دة غير ان اللى ورا حيخبط ويرزع يعنى تأثير مضاعف على الرضيعة من الخبطة

يأما ارمى شمال بعيد عنة ومفيش ضرر ودة اللى حصل

انا اصلا غلطان انى رجعت

ولو كان سكت كان ممكن انزل واقولة فعلا ملحقتش اقف

الراجل بقى اخوانى مش اخوانى فلول ولا لأ فى المقام الاول دة بنى أدم :)))

بس انا دمى فاير من الشتيمة اللى ختها ومن الناس اللى قامت عليا من غير سبب ومن بهدلتى قدام الاسرة من شتايم ... :(((

يعنى كنت اعمل اية

ربنا يجازيك كل خير علي صبرك و تحملك
و ربنا يجعله في ميزان حسناتك و لا تحزن و ادعي ربنا يهديهم
انا امس سائق تاكسي شبه شتمني و لم اكن غلطان ابدا و هو عاوز يزنق عليا ببوز العربية فتركت له المجال انه يعدي بدون اي مشكلة
و لما حديدة زنقته في شماله و معرفش يعديني اتجنن و قعد يلفظ الفاظ غريبة ربنا يهدينا و يهديه
تحياتي اليك

م.حاتم السباعي

[ashouhdy]

الحمد لله

مش لاقى حاجة اقولها ....

[matrix_it]

ربنا ينتقم من كل ظالم

[mrghost]

اللى انت عملته صح والاصح كمان اللى انت معملتوش انك مفروض مكنتش وقت حتى لما شتمك اول مره
لان فى بلدنا شيئ عجيب انه كله بيجامل وخلاص حتى لو غلط
يعى عندك ع المحور مثلا تلاقى الناس بتدعى ع العسكرى اللى بياخد نمر العربيات النقل اللى بتمشى على المحور كأنهم صح وهو اللى غلط
وكمان معظم الناس عندهم عقده من العربيات
يعنى يبقى ماشى فى نص الشارع ومطلوب من سيادتك تمشى بعربيتك انت ع الرصيف ولو ضربت كلاكس تلاقيه بيبص بقرف كأنك انت اللى غلط

[Ghamrawy]

عادى
دلوقتى فى ناس كتيير من العينة دى فى كل حتة لو ركزت معاهم حاتتعب
لحمد لله انها جت على اد كده
و نفسى نعمل شبكة تصفية للعينات دى
و الله حانرتاح و ننضف البلد

[kar!m]

بص يا أحمد كلنا بنقابل المواقف دي كل يوم أكتر من مرة .. و أنا الأول كنت بلوم على الناس دي و أقارن سلوكهم بسلوك الناس اللى فى بلاد تانيه .. لكن لما تيجي تبص للموضوع بنظرة اعمق تلاقي الراجل ده مظلوم زيك بالضبط.

هو عاش طول حياته .. محدش بيقول له ايه الصح و ايه الغلط .. و الناس حواليه كلهم بيشتموا و يسرقوا .. و محدش قال له الصح من الغلط .. فطلع سلوكه بالشكل ده.

يمكن انت ربنا قدر لك انك تتربى تربيه كويسه فا سلوكك أفضل منه .. انما هو ذنبه على ولاة الأمر اللى مزرعوش القيم فى الناس و سابوهم بالشكل ده.

و ان شاء الله الحال يتصلح.

[ashouhdy]

بس احساس صعب لما تسمع شتيمتك بودنك و تمشى ....

[A7MED_PHARMA]

الهبل من ده كتير يابوحميد
.
انت اتصرفت صح طالما معاك مراتك
وللأسف
للأسف
المفروض العربجي ده طالما بيركب عربيات..يبقا كان لازم يفهم انك قرصت علشان مكنش ينفع تقف
والمصريين الحلوين عندهم مبدأ قائم
أي واحد راكب عربية ..وخصوصا لو موديل عالي
يبقا ابن تيتتتت

.
وطبع الحسد والحقد في مصريين كتير مش هتتغير

المهم انك بخير