إعـــــــلان

Collapse

.

,
See more
See less

عملية تصحيح النظر بالليزر

Collapse
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة lancer92 مشاهدة المشاركة
    اخى العزيز د/ ابو سيف
    مش قادر اقول لك اد ايه انا مستمتع بمناقشتى معاك ، و بعدين يا سيدى الفاضل ده مش جدال علمى ، دى مناقشة لذيذة و بطريقة راقية و فيها عرض جميل للآراء بدون تعصب او سفسطائية بلا معنى زى ما عادة بيحصل فى الموضوع الشائك ده
    استكمالا لحوارنا الجميل ده اسمح ارد انا كمان على كذا نقطة
    و الله انا مستمتع جدا جدا بالحوار الراقي مع حضرتك و دة شيء انا استفيد منه من حضرتك خلقيا و علميا


    طب ايه رأيك ان فيهم ناس بيلبسوا عدسات و زى الفل معاهم بدون مشاكل و يتقال لهم هاتعمل و هاتعمل فلازم ليزك ...يا عزيزى الربح المادى السريع (و السهل نوعا ما) فى الموضوع ده طغى على نفوس فئة (مش قليلة والله) من الأطباء دول للأسف

    طبعا الربح المادي السهل و السريع شيء مغري لكن بردو عشان منتهمش الناس و نرميهم كلهم بالتهمه الكبيرة دي ان كل اللى بيقولوا كدة نصابين م الاخر و كل همهم الفلوس
    ممكن جدا ياباشا يكون الدكتور دة شايف جداااااااا و رأيه له الاحترام العلمي بمدى جودة العمليه و هوا بيتحرى اسباب النتيجه الكويسه و في نفس الوقت شاف مشاكل كتيرة من العدسات اللى احيانا كتير بتكون خطيـــــرة جدااااااااااا مش دة المجال لذكرها اللى لا تخفى على سيادتك فهوة شايف ان النصيحه دي حاجة بيتقرب بيها لله و حضرتك شايفها جريمه !!!
    انا عايز اقول بس انه ممكن جدا يكون الدكتور دا له السبب اللى بينصح بيه عشان كدة


    تخيل يا باشا ان واحد كان عايز يعملها لبنت عندها 9 سنين علشان مش عايزة تلبس النظارة (و واضح ان والدتها كمان مش عاجبها ان البنت تلبس نظارة) .. ده تقول عليه ايه بقى ؟؟؟

    9 سنين مقولش حاجة بصراحه !!!
    طيب ايه رأيك فى اللى باعت مطالبة (من مركز مشهور فرعه عديدة داخل مصر و الوطن العربى) مع طالب جامعى بقيمة الليزك فى عينيه علشان يعملها مع ان الطالب عنده (غير قصر النظر) تليف بمركز الأبصار بعينيه الأثنين ناتج من داء القطط (Toxoplasma macular scarring both eyes) و زى ما سيادتك عارف واحد زى ده نظره لايمكن يتحسن عن 6/60 يبقى لازمته ايه الليزك (و طبعا مش محتاج اتكلم عن غسيل المخ المعمول للطالب ان ده اللى هايرجع له نظره) !!!

    هوا سؤال ع الماشي بس انتو في جامعه القاهرة بتتحمل للطلبه العمليات التكميليه دي؟؟؟؟

    و بردو عشان منظلمش حد حضرتك عارف كويس اد ايه في مرضى كدابين و بينقلوا الكلام بين الاطباء غلط و دة واحد بيطالب بفلوس عمليه لازم يقول اكتر من كدة اللى اقصده ان ممكن جدا الدكتور يكون عرض عليه ان نظرة مش هيتحسن بعد العمليه لأكتر من كذا و هوا بردو اللى عايز يعملها عشان مش عايز يلبس النظارة
    انت كده فهمت قصدى و جبت المفيد من غير ما اتكلم
    لازم اقول له قبل العملية
    و للأسف ده مش بيحصل
    فيه فئات اخرى غير جراحين العيون ممكن الموضوع ده يأثر عليها كمان ، عارف زى مين ؟؟؟ السواقين على طرق السفر بالليل (و فئات اخرى لا يتسع المجال لذكرها)

    و الله انا رأي ان الليزك بكوالتي كويسه لازم يتعمل اجبااااااري للسواقين !!!!
    ايوة اجباري
    فيه نسبة خطأ
    اه فيه
    ممكن ميسوقش تاني
    اه ممكن
    لكن في الوضع الطبيعي و لو الامور مشيت بالوضع العادي بجد بجد الفئه دي لازم تعمل العمليه
    ليه؟؟؟؟
    انا مشوفتش سواق بيحب يلبس نظارة
    و لما بيعمل النظارة مبيلبسهاش و هوا سايق
    دي كارثه بجد
    تخيل حضرتك واحد +4
    او -6 و مبيلبسش نظارة
    طبعا في مقاسات اكبر من كدة بس انا كتبت متوسط
    و مش لابس نظارة و سايق عربيه نقل بمقطورة
    و الله كارثه على الطريق
    النظارة بالنسبه للفئه دي كارثه
    مفيش وعي و لا ثقافه و لا اي حاجة
    هوا عنده بالنسباله هوا كدة شايف
    انا بيجلي الاخوة الافاضل دول يقولي انا نظري زي الفل و مفيهوش اي حاجة بس سقطوني في امتحان النظر في المرور
    اشوف نظرة الاقيه 6/60و في اقل من كدة كمان و الله بس انا بردو كتبت متوسط
    و مهازل و الله
    عشان كدة بجد انا بطالب رسميا طالما العمليه معتمدة و مصرحه دوليا باجبار الفئه دي بعمل العمليه
    انا سمعت و معرفش الكلام دة صح و لا غلط ان في امريكا الموضوع دة مطبق (( بقول معرفش صحة الكلام دة ))

    شفت حالتين بيندموا على الليزك لأن بعد ما عملوه مش عارفين يسوقوا كويس بالليل على طرق السفر و شغلهم مش راضى ينزلهم بالنهار و بيدوروا على شغل فى مجال تانى خالص
    كل ده من اخفاء الحقيقة و المبالغة فى النتائج



    اسمح لى اختلف معاك و اصر على التشبيه ده
    يا عزيزى كون المريض مبسوط بنتيجة العملية ليس مقياس لنجاحها الفعلى و على سبيل المثال المريض اللى بتعمل له مياه بيضاء و يحصل له انسكاب امامى فى الجسم الزجاجى لما المحفظة الخلفية للعدسة تنقطع و تعمله عدسة خزانة امامية مع استبدال امامى للجسم الزجاجى و يطلع يادوب شايف كذا متر و برغم كده تلاقيه فرحان ... ليه ؟؟ لأنه قعد سنين طويلة المياه البيضاء قافلة عينه خالص ، فلما شاف اى درجة بقى فرحان . و لكن جراحيا ، العملية مليانة مضاعفات و نتيجتها ليست كما يجب
    و بالتالى فعلا انا شفت ناس من الفلاحين اللى باعوا اللى وراهم و اللى قدامهم و عملوا العملية علشان النظارة عيب ، و اتصدمت لما الاقى الفلاب معضعضة و decentered و الاقى debris فى ال interface و العيان نظره على احسن الخالات 6/18 و لكنه سعيد .. فهل ده معناه ان العملية ناجحة و بدون مشاكل او مضاعفات ؟؟

    لأ طبعا مش معناه كدة و اكيد انا لما ضربت المثال كنت اقصد ان الوضع كويس جدا مش زي ما سيادتك ذكرت
    هل لأن ظروف الفئة دى من المرضى بتخليه يفرح باى نتيجة يبقى اعمم الموضوع
    اكيد لأ
    و بارجع و باقول : ممكن تاخذ 10 مرضى بنفس ال parameters و بعد ما تعمل نفس الأجراء لهم تلاقى كل واحد نتيجة شكل و ده لأن ال tissue reaction لليزك مختلف من واحد للتانى
    هو ده يا عزيزى السبب اللى ظهر بعد 10 سنين من تطبيق الليزك و خلاهم يعيدوا دراسة النتائج فى امريكا دلوقت علشان نقدر نقول للمريض انت نسبة التصحيح بعد العملية كذا % و ارتجاع المقاس كذا % و المضاعفات كل واحدة كذا % ، ساعتها تبقى مش صالة قمار لكن دلوقت الموضوع مش حاسم



    يا دكتور انا قصدى ان نشر الحقيقة لا يتنافى مع الحرية الشخصية و مش باشبه الليزك بالسجاير ، حضرتك فهمتنى غلط هنا



    اسمح لى ارد فقط بالمثل القديم اللى بيقول "طباخ السم بيدوقه"
    العملية اكيد مش سم ، لكن ليه الأحجام الواسع الأنتشار من اطباء العيون عنها ؟ مازلت عند رايى ان لو آمنة اكتر كنا اول ناس نعملها و نستفيد منها .. و لا ايه رأيك يا عزيزى ؟؟؟

    ما انا و حضرتك اتفقنا انه عشان هيأثر على شغله تحت الميكرسكوب !!
    مع ان الدكتور اللى ذكرته لحضرتك من اشطر الناس في ال anterior segment و جراح شاطر جدا جدا
    بس بردو العمليه ليها مشاكل في النقطه دي لا انكرها
    بس الاهم من كدة مين هيحس بيها
    دة قصدي !!


    اخى العزيز ، انا مش باناقش التكنيك ده ، لأ ... ارجع لكلامى تلاقى انى كاتب

    انا باقصد قصر الوقت بعد العملية ، ده النظارة المؤقتة بتتعمل بعد العملية بشهر و النهائية 6 شهور زى ما سعادتك عارف ، يقوم ييجى الدكتور ده ياخد المريض حمرى جمرى و يعمل له ليزك بعد العملية على طول بوقت غير كافى ؟؟
    فهمتنى يا اخى العزيز؟؟
    هنا انا باتكلم عن الأفراط abuse فى تطبيق العملية على اى حد

    كدة متفقين طبعا
    مجرد ما الدكتور يسمع كلمة نظارة يروح قايل للمريض اعمل ليزك
    هو ده قصدى
    و تحياتى
    عموما انا سعدت جدا بالنقاش مع حضرتك بجد
    و لكني حبيت اوضح بس ان اللى بيعملوا العمليه دي مش مجرمين و لا نصابين في منهم كتير ناس دة تخصصهم و مقتنعين بيه (علميا)جدا و في اللى يؤيد الاقتناع دا و زي ما في نتايج وحشه في ناس كتير النتايج الحلوة مغطيه جدا و ردي كان لمجرد عدم ظلم الاطباء و اتهامهم في حاجة زي دي

    Comment


    • اسف على تكرار المشاركة ارجو من الادارة حذف احداهما

      Comment


      • المشاركة الأصلية كتبت بواسطة ابو سيف مشاهدة المشاركة
        عموما انا سعدت جدا بالنقاش مع حضرتك بجد
        و لكني حبيت اوضح بس ان اللى بيعملوا العمليه دي مش مجرمين و لا نصابين في منهم كتير ناس دة تخصصهم و مقتنعين بيه (علميا)جدا و في اللى يؤيد الاقتناع دا و زي ما في نتايج وحشه في ناس كتير النتايج الحلوة مغطيه جدا و ردي كان لمجرد عدم ظلم الاطباء و اتهامهم في حاجة زي دي
        يا اخى العزيز مافيش لا ظلم و لا اتهام
        كل اللى طلبته توضيح كل شئ للمريض بدون تجميل او اخفاء للحقيقة
        و ترك القرار له
        و فعلا سعدت بمعرفتك و بالنقاش معك
        [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
        [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
        [CENTER][COLOR=DarkGreen][B][SIZE=5]الصحة تاج على رؤوس الأصحاء
        لا يراه إلا المرضى
        [/SIZE][/B][/COLOR] [/CENTER]

        Comment


        • و الله يا جماعة احنا الاسعد بالمناظرة العلمية القيمة دي لانها بتبين للاعضاء اللي معندهومش خلفيه علمية كافيه عن الموضوع مدي خطورة العمليه من عدمها.

          طبعا في كتير اشيا انا ما فهمتا لانها مصطلحات علمية و بالتالي وقعت مني بعض المعلومات

          و لذلك ياريت نستنتج النتيجة النهائيه من المناقشه و حضراتكو تقولولنا بما اننا ناس عاديه مش عندنا خلفيه علمية ياتري العمليه خطر و لا لا

          انا شخصيا واحده عاوزة اعملها من زمان و اخر مرة روحت لدكتور قالي نقيس نظرك و نشوفه بعد ست شهور و بعدين بعد سنة و نشوف هيتغير قد ايه و وقتها نحدد اذا كانت العمليه مناسبه ليكي او لا

          لكن ما اجبرنيش اطلاقا علي العملية و قالي لو فيها اي نسبة خطورة عليكي هاكون واضح معاكي من الاول و هاقولك لو مش مناسبه ليكي بس الكلام ده بعد الفحص المبدأي قبل العملية.

          يا تري فعلا العمليه فاشله مع كل الناس و مضرة اوي كده؟

          و لا هي مع ناس بتبقي نتيجتها كويسة و ناس لا؟

          ياريت توضيح مبسط شوية و يلخص كل كلام حضراتكو لانو انا ما فهمت معظمه بصراحة.

          و جزاكم الله كل خير
          [COLOR="DarkOrchid"][SIZE="3"][I][CENTER]il n’est pire aveugle que celui qui ne veut pas voir[/CENTER][/I][/SIZE][/COLOR]

          Comment



          • انا دلوقتى بقالى شهر تقريبا بعمل دراسة جدوى للموضوع دة
            ولما لقيت اختلاف بين اراء الدكاترة , قلت اركز على الناس اللى عملوا العملية "علشان المثل بتاع اسال مجرب",, المهم الدراسة دى شملت اصدقاء و اصدقاء الاصدقاء ومعارف ومعارف المعارف وانترنت وغيرة ,,المجموع كان حوالى 25 شخص وعاملين العملية من اسبوع الى 8 سنين نسبة 99% قالوا انهم مرتحين وال 1% كانوا بشتكوا من بعض الجفاف وزغللة ليلية ,, والناس اللى بتوع 1% بيقولوا ان الشكاوى دى لا تساوى
            مدى الراحة اللى حسوا بية بعد العملية,,,
            انا كدة تقريبا شبة مقتنع بيها ,, بس انا محترم الاراء اللى لا ترجح العملية وخصوصا كمان انى قريت ان المستشفيات الحكومية فى امريكا وانجلترا مبتعمليش العملية دى بسبب انها مش واثقة فى نتايجها على المدى الطويل,,
            فعلشان كدة هكمل دراسة الجدوى كمان شهر او شهرين,, وربنا يقدم اللى فية الخير.
            [CENTER]AHMED[/CENTER]

            Comment


            • بس انا محترم الاراء اللى لا ترجح العملية وخصوصا كمان انى قريت ان المستشفيات الحكومية فى امريكا وانجلترا مبتعمليش العملية دى بسبب انها مش واثقة فى نتايجها على المدى الطويل,,
              فعلشان كدة هكمل دراسة الجدوى كمان شهر او شهرين,, وربنا يقدم اللى فية الخير


              اتمنى هذا اخى الفاضل لان العين لا تعوض مهما كانت العمليه حتى فى امريكا انظر وزيرة الخارجية وكبار المسؤلين يرتدون نظارات واغلب زعماء العالم



              نصيحه لوجه الله البس اغلى نظارة فى العالم ولا تحرق عدسات العين الربانيه الصنع
              وجعلناكم شعوبا وقبائل لتعارفوا

              Comment


              • المشاركة الأصلية كتبت بواسطة Bossy_Fadl مشاهدة المشاركة
                و الله يا جماعة احنا الاسعد بالمناظرة العلمية القيمة دي لانها بتبين للاعضاء اللي معندهومش خلفيه علمية كافيه عن الموضوع مدي خطورة العمليه من عدمها.

                طبعا في كتير اشيا انا ما فهمتا لانها مصطلحات علمية و بالتالي وقعت مني بعض المعلومات

                و لذلك ياريت نستنتج النتيجة النهائيه من المناقشه و حضراتكو تقولولنا بما اننا ناس عاديه مش عندنا خلفيه علمية ياتري العمليه خطر و لا لا
                أنا اسف جدا ، يمكن بس روعة النقاش مع الأخ العزيز د/ أبو سيف خلت الواحد يبتدى يتكلم فى نقط طبية و ينسى يشرحها

                المشاركة الأصلية كتبت بواسطة Bossy_Fadl مشاهدة المشاركة
                انا شخصيا واحده عاوزة اعملها من زمان و اخر مرة روحت لدكتور قالي نقيس نظرك و نشوفه بعد ست شهور و بعدين بعد سنة و نشوف هيتغير قد ايه و وقتها نحدد اذا كانت العمليه مناسبه ليكي او لا

                لكن ما اجبرنيش اطلاقا علي العملية و قالي لو فيها اي نسبة خطورة عليكي هاكون واضح معاكي من الاول و هاقولك لو مش مناسبه ليكي بس الكلام ده بعد الفحص المبدأي قبل العملية.
                ده مثال لدكتور امين مع المريض بتاعه ، و زى ما قلت ، انا مش باعمم و لكن قلت ان فيه عدد مش قليل بيحاول يخلى العيان يعملها باى طريقة

                المشاركة الأصلية كتبت بواسطة Bossy_Fadl مشاهدة المشاركة
                يا تري فعلا العمليه فاشله مع كل الناس و مضرة اوي كده؟
                ماحدش قال كده خالص ، حضرتك كده فهمتى غلط

                المشاركة الأصلية كتبت بواسطة Bossy_Fadl مشاهدة المشاركة
                و لا هي مع ناس بتبقي نتيجتها كويسة و ناس لا؟
                باختصار شديد و بدون تعقيدات هو ده اللى انا عايز اقوله للناس و مذكور فى المشاركات السابقة لنكات لتوضيح كامل العملية و نسبها ما بين نجاح و فشل و مخاطر و مضاعفات و ايه نوع كل واحدة و نسبتها ... الخ الخ
                يعنى كل حاجة تبقى امام المريض "على بلاطة" و هو بقى حر فى رأيه

                المشاركة الأصلية كتبت بواسطة Bossy_Fadl مشاهدة المشاركة
                ياريت توضيح مبسط شوية و يلخص كل كلام حضراتكو لانو انا ما فهمت معظمه بصراحة.

                و جزاكم الله كل خير
                ارجو ان كده تكون الصورة و ضحت
                و تحياتى
                [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
                [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
                [CENTER][COLOR=DarkGreen][B][SIZE=5]الصحة تاج على رؤوس الأصحاء
                لا يراه إلا المرضى
                [/SIZE][/B][/COLOR] [/CENTER]

                Comment


                • المشاركة الأصلية كتبت بواسطة elrasy مشاهدة المشاركة


                  انا كدة تقريبا شبة مقتنع بيها ,, بس انا محترم الاراء اللى لا ترجح العملية وخصوصا كمان انى قريت ان المستشفيات الحكومية فى امريكا وانجلترا مبتعمليش العملية دى بسبب انها مش واثقة فى نتايجها على المدى الطويل,,
                  فعلشان كدة هكمل دراسة الجدوى كمان شهر او شهرين,, وربنا يقدم اللى فية الخير.

                  تمام كده
                  و على فكرة ، الناس دى مابتلعبش
                  دول خايفين من الدعاوى القضائية فبيبعد عن الشر و يغني له
                  اعرف اللى ليك و اللى عليك و بعد كده انت حر فى قرارك

                  المشاركة الأصلية كتبت بواسطة mohmd76 مشاهدة المشاركة
                  العين لا تعوض مهما كانت العمليه حتى فى امريكا انظر وزيرة الخارجية وكبار المسؤلين يرتدون نظارات واغلب زعماء العالم

                  بيتبعوا مبدأ السلامة اولا
                  و فعلا العين لا تعوض
                  و ارجع و اقول اعرف المزايا و المشاكل و اوزن دى مقابل دى مقابل احتياجك الحقيقى للعملية
                  و توكل على الله فى قرارك
                  و تحياتى
                  [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
                  [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
                  [CENTER][COLOR=DarkGreen][B][SIZE=5]الصحة تاج على رؤوس الأصحاء
                  لا يراه إلا المرضى
                  [/SIZE][/B][/COLOR] [/CENTER]

                  Comment


                  • معلش اسمحوا لى اكون متشائم شوية و لكن كلنا عارفين ان FDA هى اللى بتسمح لأى تكنيك جديد او جهاز جديد انه ينزل للسوق
                    و طبعا لو حصل مشاكل فهى اعلى جهة يبعتوا لها بالمشاكل دى علشان ياخدوا تصرف سريع
                    انا عارف ان ناس كتير عملتها و زى الفل و مبسوطة ، و ان نسبة المضاعفات و المشاكل بسيطة (او ضئيلة حسب ما البعض بيقول)
                    و لكن انى اقول انها لا تسوى فده انا مش موافق عليه

                    المجموع كان حوالى 25 شخص وعاملين العملية من اسبوع الى 8 سنين نسبة 99% قالوا انهم مرتحين وال 1% كانوا بشتكوا من بعض الجفاف وزغللة ليلية ,, والناس اللى بتوع 1% بيقولوا ان الشكاوى دى لا تساوى
                    مدى الراحة اللى حسوا بية بعد العملية
                    ممكن يكون السبب ان مضاعفاتهم بسيطة و ربنا ستر ، او زى ما قلت قبل كده ان الأهم هو خلع النظارة و كله يهون فى سبيل كده

                    و لذلك اليكم امثلة حديثة من الشكاوى المقدمة لل FDA من ناس عملت ليزك (حديث او من فترة) و بيوصفوا مشاكلهم و بيوصفوا ازاى الحقيقة تم اخفاؤها عنهم و منهم اللى بيندم عليه
                    اتركم مع شكواهم و احكموا بنفسكوا ، برغم قلة نسب المضاعفات أو الأعراض الجانبية ، هل تسوى المخاطرة ؟؟

                    اختيار سئ للمريض و هو فقط اللى بيدفع الثمن

                    مضاعفة ادت الى عجز

                    شهر و نصف فاتوا و لسه فيه مشاكل

                    استعجال و تقييم غير كامل = مشاكل

                    مشاكل ما بعد العملية و الحياة اتلخبطت

                    المريض بيقول انها اكبر غلطة فى حياته !!

                    يا ريت نقرا و نحكم و نقرر بعدها
                    و تحياتى
                    [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
                    [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
                    [CENTER][COLOR=DarkGreen][B][SIZE=5]الصحة تاج على رؤوس الأصحاء
                    لا يراه إلا المرضى
                    [/SIZE][/B][/COLOR] [/CENTER]

                    Comment


                    • المجموع كان حوالى 25 شخص وعاملين العملية من اسبوع الى 8 سنين نسبة 99% قالوا انهم مرتحين وال 1% كانوا بشتكوا من بعض الجفاف وزغللة ليلية ,, والناس اللى بتوع 1% بيقولوا ان الشكاوى دى لا تساوى
                      مدى الراحة اللى حسوا بية بعد العملية


                      هذا تقرير يؤيد
                      اريد تقرير اخر لا اعرف اسم الجمعيه الصادر عن الذين عملوا العمليه وفشلت وهم بالملايين فى امريكا


                      سؤال ورجاء اخير هل الطبيب الذى يقوم بهذه العمليات عملها وجربها فى عينيه ام لا ؟
                      سؤال اخر استشير خبير المانى او فرنسى باى طريقه من الانترنت او راسله بالخارج واساله عن هذه العمليه وما يقوله افعله وانت حر
                      وجعلناكم شعوبا وقبائل لتعارفوا

                      Comment


                      • معلش انا خبرتى فى الموضوع ده صفر
                        بس انا قدامى حاله عملتها من سنه و دلوقتى نظرها رجع زى الاول ويمكن اسوأ
                        هو فيه معايير كتير لعمل عملية الليزك اهمها على ما اعتقد تفاصيل واعتبارات بالقرنيه لازم تبقى موجوده بس الى بشوفه انه اغلب الدكاتره بتطنش
                        بالنسبه انه ليه اغلب الدكاتره الرمد مش بيعملوها ؟ الى سمعته انه فيه درجات معينه من رؤيه الالوان بتروح وده بياثر فى الجراحات الميكروسكوبيه الى دكاتره الرمد بيعملوها
                        والله اعلم
                        [FONT=Comic Sans MS][SIZE=4][COLOR=red]LiverPooL[/COLOR][/SIZE][/FONT]
                        [FONT=Comic Sans MS][SIZE=4]You Will Never Walk Alone[/SIZE][/FONT]

                        Comment


                        • المشاركة الأصلية كتبت بواسطة lancer92 مشاهدة المشاركة


                          .
                          .
                          .
                          .
                          .
                          .
                          .
                          باختصار شديد و بدون تعقيدات هو ده اللى انا عايز اقوله للناس و مذكور فى المشاركات السابقة لنكات لتوضيح كامل العملية و نسبها ما بين نجاح و فشل و مخاطر و مضاعفات و ايه نوع كل واحدة و نسبتها ... الخ الخ
                          يعنى كل حاجة تبقى امام المريض "على بلاطة" و هو بقى حر فى رأيه



                          ارجو ان كده تكون الصورة و ضحت
                          و تحياتى
                          ميرسي لحضرتك يا دكتور انا كده فهمت وجهة نظر حضرتك

                          يعني هي مع ناس و ناس

                          و في النهاية اهم شي يكون الطبيب صريح مع المريض عشان ما يكون فيه نسبة خطأ يدفع تمنها المريض.

                          جزاك الله كل خير و بارك فيك
                          [COLOR="DarkOrchid"][SIZE="3"][I][CENTER]il n’est pire aveugle que celui qui ne veut pas voir[/CENTER][/I][/SIZE][/COLOR]

                          Comment



                          • عودة للموضوع بعد متابعة الحوار الجميل .. كما سبق و قلت فقد اجريت العمليه من حوالى 6 سنين و لو رجع بى الزمن - و طبعا الزمن ندل و مش حيرجع تانى ! - فلن اقوم بأجراء العملية بالتأكيد فكما سبق و قلت انى عدت لارتداء النظارة بعد العملية اولا فى القراية و بعد سنه واحدة فى المسافات كمان ثم احتجت لتغيير العدسات عدة مرات للضعف التدريجى فى الرؤية بل و احتاج من جديد لتغييرها
                            ففعلا القراءة الان بالذات مجهدة جدا بل و لا ارى الخطوط الصغيرة و العيب ليس فى دكتور العيون لانى غيرت الطبيب اكثر من مرة و برضه بعد الكشف الجديد مشكلة قراءة الخطوط الصغيرة مستمرة
                            ( مثلا قراءة الترجمة العربية على الافلام الاجنبية ) ..
                            و فعلا الطبيب الذى اجرى لى العملية نفسه لم يجرىهو نفسه العملية حتى الان !! .. يعنى البيه بياخد فلوس لاجراء عملية لا يقوم بها لنفسة يعنى عدم امانه و ذمه و مسألة تجارية بحته !!.. و فعلا كما سبق و قلت و قال غيرى اى عملية بها نسبة مخاطرة حتى لو عملية لوز او شفط دهون كالمرحومة سعاد نصر و غيرها ..
                            و فعلا اعانى ايضا من جفاف مستمر بالعينان ليس فقط لمدة 6 شهور بل حتى الان و احتاج لاستعمال قطرات بصفة مستمرة ..
                            و اخيرا مالها النظارة ؟؟ بل بعض الناس شكلهم بالنظارة احسن بدونها !!
                            و نقطة اخيرة ذكرها الدكتور احمد سامى بأن يعمل الانسان استخارة ليقرر اجراء العملية ام لا ؟.. المفروض فى موضوع علمى ان نستشير اهل العلم المختصين فى الموضوع .. و كان لى زميل
                            عزيز كان فى موضوع محير و مش عارف باخد قرار و نصحته و نصحه زملاء اخرين بامر ما
                            لكنه قرر عمل صلاة استخارة و اتخذ قرار خاطئ مائه فى المائة و كان تصرفه كارثيا بمعنى الكلمة .. هذا رأى اقوله بأمانه و اعرف مقدما رد الفعل !
                            [COLOR=darkslateblue] [SIZE=3] مع تحيات محمد محسن ( محسن بيه )[/SIZE][/COLOR] :)

                            Comment


                            • المشاركة الأصلية كتبت بواسطة MM_Mohsen مشاهدة المشاركة

                              و نقطة اخيرة ذكرها الدكتور احمد سامى بأن يعمل الانسان استخارة ليقرر اجراء العملية ام لا ؟.. المفروض فى موضوع علمى ان نستشير اهل العلم المختصين فى الموضوع .. و كان لى زميل
                              عزيز كان فى موضوع محير و مش عارف باخد قرار و نصحته و نصحه زملاء اخرين بامر ما
                              لكنه قرر عمل صلاة استخارة و اتخذ قرار خاطئ مائه فى المائة و كان تصرفه كارثيا بمعنى الكلمة .. هذا رأى اقوله بأمانه و اعرف مقدما رد الفعل !
                              حبيبي واخي الاكبر محسن بيه .... اولا اخبارك اية ويا رب تكون بخير
                              ثانيا ...
                              انا داخل الموضوع الشيق ده ... عشان ...
                              عشااان ....

                              عشاااان
                              ....
                              عشان اقول اني فعلا من المؤيدين لعدم اللجوء لهذه العملية الا عند الضرورة ... وليس مجرد بديل للنظارة ... العين أغلى من ان نضعها محل اختبار ...
                              انا مستمتع جدا بالحوار المحترم ده
                              ...
                              العامل المادي اصبح له طغيان على كل شيء .... كل شيء بدون استثناء ....
                              لكن طبعا بدون تعميم فيما يختص بالاشخاص والجهات ... اكيد ح يفضل فيه ناس على الحق وناس عندها ضمير ...
                              الخير في امة الاسلام الى يوم الدين
                              ....
                              وبرضه مش ح اجادل في الكلام اللي انت كاتبه بخصوص الاستخارة

                              ...
                              ... متابع الموضوع بانسجام
                              [SIZE=5][COLOR=blue]يظن الناس بي خيرا وإني ... لأشقى الناس إن لم ترض عني[/COLOR][/SIZE]
                              [SIZE=5][COLOR=blue]ومالي حيــلة إلا رجــائي ... وعفوك إن عفوت وحسن ظني [/COLOR][/SIZE]
                              [SIZE=5][SIZE=3][COLOR=black]محاسب / احمد ابراهيم [/COLOR][/SIZE][/SIZE]

                              Comment


                              • المشاركة الأصلية كتبت بواسطة MM_Mohsen مشاهدة المشاركة

                                عودة للموضوع بعد متابعة الحوار الجميل .. كما سبق و قلت فقد اجريت العمليه من حوالى 6 سنين و لو رجع بى الزمن - و طبعا الزمن ندل و مش حيرجع تانى ! - فلن اقوم بأجراء العملية بالتأكيد فكما سبق و قلت انى عدت لارتداء النظارة بعد العملية اولا فى القراية و بعد سنه واحدة فى المسافات كمان ثم احتجت لتغيير العدسات عدة مرات للضعف التدريجى فى الرؤية بل و احتاج من جديد لتغييرها
                                ففعلا القراءة الان بالذات مجهدة جدا بل و لا ارى الخطوط الصغيرة و العيب ليس فى دكتور العيون لانى غيرت الطبيب اكثر من مرة و برضه بعد الكشف الجديد مشكلة قراءة الخطوط الصغيرة مستمرة
                                ( مثلا قراءة الترجمة العربية على الافلام الاجنبية ) ..
                                و فعلا الطبيب الذى اجرى لى العملية نفسه لم يجرىهو نفسه العملية حتى الان !! .. يعنى البيه بياخد فلوس لاجراء عملية لا يقوم بها لنفسة يعنى عدم امانه و ذمه و مسألة تجارية بحته !!.. و فعلا كما سبق و قلت و قال غيرى اى عملية بها نسبة مخاطرة حتى لو عملية لوز او شفط دهون كالمرحومة سعاد نصر و غيرها ..
                                و فعلا اعانى ايضا من جفاف مستمر بالعينان ليس فقط لمدة 6 شهور بل حتى الان و احتاج لاستعمال قطرات بصفة مستمرة ..
                                و اخيرا مالها النظارة ؟؟ بل بعض الناس شكلهم بالنظارة احسن بدونها !!
                                و نقطة اخيرة ذكرها الدكتور احمد سامى بأن يعمل الانسان استخارة ليقرر اجراء العملية ام لا ؟.. المفروض فى موضوع علمى ان نستشير اهل العلم المختصين فى الموضوع .. و كان لى زميل
                                عزيز كان فى موضوع محير و مش عارف باخد قرار و نصحته و نصحه زملاء اخرين بامر ما
                                لكنه قرر عمل صلاة استخارة و اتخذ قرار خاطئ مائه فى المائة و كان تصرفه كارثيا بمعنى الكلمة .. هذا رأى اقوله بأمانه و اعرف مقدما رد الفعل !
                                ممكن حضرتك تدينا معلومات اكتر

                                يعني نظر حضرتك قبل العمليه كان ناقص كام و دلوقتي ناقص كام او زائد كام
                                و سن حضرتك اد ايه

                                و موضوع ان الدكتور مش امين مع حضرتك دي انا مش شايفها لأني مظنش انه قلع النظارة و قال لحضرتك اعملها و انا عاملها و بعد ما عملها ليك لبس النظارة و قالك انه بيضحك عليك
                                حضرتك شوفته لابس النظارة و عملت عنده العمليه
                                هوا معملش العمليه ليه اولا بصفته انسان عادي قولنا في ردود مسبقه ان العمليه عملية تكميليه مش كل انسان مجبر انه يعملها لأنها مش عمليه ضروريه ممكن جدا اكون مرتاح كدة و حضرتك نفسك ذكرت كدة في مشاركتك
                                و بصفته طبيب عيون ففصلنا بردو في ردود مسبقه انا و دكتورنا الفاضل شريف ليه طبيب العيون ممكن تكون العمليه خطيرة عليه اكتر من غيره و ان حضرتك مش هتحس بالمشكله دي نهائيا حسب طبيعه عملك

                                طبعا طبعا انا معرفش مين الدكتور اللى انا دافعت عنه دلوقتي يعني مش بدافع عنه من باب معرفتي بيه و لا من باب الزماله و لكن فقط انا شايف نقطه مش واضحه و من خلالها بيتم الهجوم على اطباء العيون و دة في غير محله خالص !!!!

                                Comment

                                Working...
                                X