إعـــــــلان

Collapse

.

,
See more
See less

عملية تصحيح النظر بالليزر

Collapse
X
 
  • Filter
  • الوقت
  • Show
Clear All
new posts

  • تفاصيل عملية الليزك - منقول - 2

    نسبة نجاح عملية الليزك
    تتراوح نسبة النجاح لعملية الليزك ما بين 97% إلى 85% وذلك حسب درجة قصر النظر كما هو مدون في عدة دراسات منها دراسة الدكتور وليد الطويرقي وزملائه في مستشفى قوى الأمن بالرياض.
    مضاعفات عملية الليزك
    كما ذكر آنفاً في عملية الليزر فإن حدوث بعض المضاعفات أمر وارد بنسبة قليلة.
    أ- مضاعفات عملية القطع
    تتم عملية قطع القرنية بوساطة أجهزة قطع دقيقة جداً ومتقدمة، ولكن قد تحدث بعض المضاعفات في أثناء هذه العملية، علماً بأن هذه المضاعفات قليلة الحدوث نذكر منها:
    1 - عملية قطع غير مكتملة، ما يؤدي إلى تأخير إجراء العملية لفترة 3 أشهر.
    2 - عملية قطع غير منتظمة.
    3 - عملية قطع كاملة 360 درجة، بحيث تقطع القرنية بشكل دائري.
    4- عملية قطع عميق جداً، حيث تقطع القرنية بكامل سماكتها وهذه نادرة الحدوث.
    5 - عدم عودة القرنية المقطوعة إلى مكانها الطبيعي بعد الانتهاء من عملية الليزك، وهذه تحتاج فقط إلى إعادة الجزء المقطوع إلى مكانه الطبيعي.
    6- بقع دموية تحت الملتحمة وهي غير مضرة ولكنها مزعجة للمريض وتحتاج من أيام إلى أسابيع لتزول.
    ب-مضاعفات عملية تسليط الليزر
    تسلط أشعة الإكزيمرليزر على الطبقات الداخلية بشكل دقيق جداً، ولكن قد تحدث بعض الأمور منها:
    1- علاج بالليزر فوق المطلوب علاجه.
    2- علاج بالليزر تحت المطلوب علاجه.
    3 -قد لا يركز الشخص في أثناء العملية في الضوء المحدد له، ما يؤدي إلى حدوث الاستجماتيزم (اللابؤرية)،أو قد يؤدي إلى عدم تركيز العلاج في منتصف القرنية.
    جميع هذه المضاعفات قليلة الحدوث، حيث إن جميع المقاسات تكون محسوبة حساباً دقيقاً جداً قبل العملية.
    ج-مضاعفات بعد العملية
    1-التهابات داخل العينين.
    2-عدم استقرار الجزء المقطوع من القرنية في مكانه الطبيعي، وهذا يعود عادة إلى أن الشخص لم يلتزم بالتعليمات وعدم عرك العينين، فيقوم الطبيب بإعادة الجزء المقطوع إلى مكانه الطبيعي.
    3- وجود بعض الترسبات داخل القرنية، ما يضطر الطبيب إلى إعادة تنظيفها دون متاعب.
    لقيت هذه الدراسة في الاجتماع السنوي العلمي للجمعية السعودية لطب العيون لعام 1997م.
    الإرشادات الخاصة بعملية الليزر والليزك
    أ-إرشادات قبل الفحوصات
    يجب على الشخص الراغب في إجراء هذا النوع من العمليات التوقف عن لبس العدسات اللاصقة لفترة من 5 أيام إلى 7 أيام قبل الفحص، وذلك لتأثير هذه العدسات على القرنية، وربما يحتاج إلى فترة أكثر من ذلك.
    ب-إرشادات ما قبل العملية
    1-عدم لبس العدسات حسب إرشادات الطبيب المعالج.
    2-عدم استخدام الكحل والمكياج قبل العملية بفترة كافية.
    3-العملية بحمد الله آمنة ولا داعي للشعور بالقلق والتوتر.
    ج-إرشادات في أثناء العملية
    1 - الاستماع إلى إرشادات الطبيب المعالج وعدم تحريك العين في أثناء العملية.
    2 -التركيز على النور المنبعث من جهاز الليزر أثناء تسليط أشعة الليزر على القرنية، وهذا لا يحتاج إلى جهد كبير من الشخص.
    د-إرشادات ما بعد العملية
    1 -استخدام القطرات حسب إرشادات الطبيب.
    2-عدم عرك العين بعد العملية والاكتفاء بوضع القطرة المعطاة حسب الإرشادات.
    3-عدم وضع الكحل والمكياج بالنسبة للسيدات في أثناء الفترة المحددة من قبل الطبيب المعالج.
    4-مراجعة الطبيب فوراً وذلك عند الشعور بالألم بالنسبة لمريض الليزك.
    5-عدم السباحة في الشهرين الأولين.
    6-بالرغم من تحسن الرؤية في اليوم التالي لإجراء العملية إلا أن استقرار النظر وزوال التغبيش والزغللة عادة ما يحتاج من شهر إلى ثلاثة أشهر?
    الليزك والموجات الأمامية
    سعياً نحو التخلص من أعراض التغبيش والزغللة التي يعانيها بعض مرضى الليزك فإن هناك تقنية جديدة تحاول علاج هذا الإشكال? تتلخص فكرة هذه التقنية في أن هناك انكسارات كروية (Spherical Abberations) تحدث مع عملية الليزك العادية، أما عمليات الليزك بإستخدام تقنية الأمواج الأمامية (Wave Front technology) فإنها تمنع حدوث هذه الانكسارات? هذه التقنية مازالت في بدايتها والزمن كفيل بإثبات صحة هذه الدعوى من عدمها.

    Comment


    • المشاركة الأصلية كتبت بواسطة elrasy مشاهدة المشاركة
      انا شفت التحذيرات دى عن عملية الليزك على موقع ال fda وعلى فكرة الناس دى يهمها الناس اكتر من اى حاجة مش زى عندنا


      Know all the risks and procedure limitations

      [SIZE="4"]Overtreatment or undertreatment - are you willing and able to have more than one surgery to get the desired result?

      May still need reading glasses - do you have presbyopia?

      Results may not be lasting - do you think this is the last correction you will ever need? Do you realize that long-term results are not known?

      May permanently lose vision - do you know some patients may lose some vision or experience blindness?

      Dry eyes – do you know that if you have dry eyes they could become worse, or if you don’t have dry eyes before you could develop chronic dry eyes as a result of surgery?

      Development of visual symptoms - do you know about glare, halos, starbursts, etc. and that night driving might be difficult?

      Contrast sensitivity - do you know your vision could be significantly reduced in dim light conditions?

      Bilateral treatment - do you know the additional risks of having both eyes treated at the same time?

      Patient information - have you read the patient information booklet about the laser being used for your procedure?
      [/SIZE
      ]
      هو ده اللى انا عمال اقوله
      الحقيقة اولا و ترك الأختيار للمريض
      و الحمد لله ان الأستاذ احمد فوزى دخل و قرأ و جاب لنا المكتوب على موقع FDA علشان يبقى اثبات للمشاكل اللى ممكن تحصل (و اللى يراجع يلاقى انى ذكرت معظمها فى مشاركاتى قبل كده ، و كده يبقى تأكيد للى قلته ، و ليس كما قال الأخ حلوانى انى باعمل كده علشان مش عارف العملية حسب اتهام سيادته لى)
      ليه مايبقاش الوضع فيه امانة كده عندنا (و هو ده اللى قلته و طلبته)
      و بعد كده المرض حر فى قراره و لكن يكون بدون ان يكون واقع تحت تأثير غش او خداع
      و تحياتى
      [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
      [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
      [CENTER][COLOR=DarkGreen][B][SIZE=5]الصحة تاج على رؤوس الأصحاء
      لا يراه إلا المرضى
      [/SIZE][/B][/COLOR] [/CENTER]

      Comment


      • المشاركة الأصلية كتبت بواسطة Shehab_gomaa مشاهدة المشاركة
        لقيت هذه الدراسة في الاجتماع السنوي العلمي للجمعية السعودية لطب العيون لعام 1997م.

        اخى العزيز استاذ شهاب
        بدون الدخول فى التفاصيل اسمح لى ان اضيف ان هذه الدراسة لعام 1997 و موقع ال FDA محدث اولا بأول
        معظم المضاعفات موجودة و لكن موقع ال FDA حذر ايضا من فقدان النظر
        اليس من الغريب ان نقوم بوصف عملية بالتطور و النجاح و مضاعفاتها تقريبا ما زالت كما هى من 1997 حتى 2009 ؟؟؟
        و الأغرب ان هذه العمليه اختيارية و ليست ضرورية !!! يبقى ليه اجازف بعينى يا ناس ؟؟؟
        ثانيا ، لما نعد كم المخاطر و المضاعفات الممكن حدوثها نجدها كثيرة جدا ... و ده يخلينى اسأل سؤالى تانى ... ليه ؟؟
        عموما ده رأيى الشخصى و كل واحد حر فى قراره و لكن بعد معرفة حجم المخاطرة المقدم عليها
        [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
        [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
        [CENTER][COLOR=DarkGreen][B][SIZE=5]الصحة تاج على رؤوس الأصحاء
        لا يراه إلا المرضى
        [/SIZE][/B][/COLOR] [/CENTER]

        Comment


        • بدون الدخول فى التفاصيل اسمح لى ان اضيف ان هذه الدراسة لعام 1997 و موقع ال Fda محدث اولا بأول
          معظم المضاعفات موجودة و لكن موقع ال Fda حذر ايضا من فقدان النظر
          اليس من الغريب ان نقوم بوصف عملية بالتطور و النجاح و مضاعفاتها تقريبا ما زالت كما هى من 1997 حتى 2009 ؟؟؟
          و الأغرب ان هذه العمليه اختيارية و ليست ضرورية !!! يبقى ليه اجازف بعينى يا ناس ؟؟؟
          ثانيا ، لما نعد كم المخاطر و المضاعفات الممكن حدوثها نجدها كثيرة جدا ... و ده يخلينى اسأل سؤالى تانى ... ليه ؟؟
          عموما ده رأيى الشخصى و كل واحد حر فى قراره و لكن بعد معرفة حجم المخاطرة المقدم عليها





          كلام سليم وعقلى 100 %
          اذا انكسرت النظارة يمكن تصليحها
          اذا فقدت يمكن تعويضها

          طيب اذا انحرقت هل تعوض لانها عمليه كى بالليزر
          وجعلناكم شعوبا وقبائل لتعارفوا

          Comment


          • المشاركة الأصلية كتبت بواسطة MM_Mohsen مشاهدة المشاركة
            [SIZE="4"][SIZE="5"]دكتور شريف ردك بيبن انك Real Gentleman .. كالعادة فمازال الكثيرين منا فى مصر و العالم العربى ينظر للامور نظرة احادية .. مثلا هذه العملية لازم تكون
            اما امنة ميه فى الميه او كارثه بالمطلق .. بينما عن تجربة شخصية و تجارب اخرين فالعملية لم تحقق الهدف منها و بعض الناس حصلت لهم مشاكل جامدة ... و العملية
            كما تقول دوائر طبية بتشتغل فى الموضوع لا تصلح لجميع الحالات بل و مما قرأت ليس نفس الجهاز يصلح لكل مقياس نظر ..كما انى ايضا قرأت من قبل عن مراجعة
            هيئات طبية عالمية فى الدول المتقدمة لهذه العمليات بعد مرور اكثر من عش سنوات لاعادة التقييم حيث ان هناك مشاكل او جوانب سلبية لا تظهر فورا بل قد تحتاج
            لعدة سنوات .. يعنى الموضوع فى النهاية و كما قيل به نسبة مخاطرة مهما كانت نسبة نجاحها مرتفعة .. يعنى فى النهاية الموضوع مش لعبة او هزار لو لم يكن هناك داعى
            او مجرد للظن بأن الشكل افضل بدون نظارة ..
            بالمناسبة يا دكتور شريف عندما اجريت هذه العملية من 6 سنوات خيرنى الدكتور : هل اريد ان استغنى عن نظارة القرأءة ام نظارة المسافات حيث لا يمكن الاستغناء
            عن الاثنين معا .. فهل مازال الامر كذلك حتى الان ؟؟ و ما رأيك فى وجهة النظر التى تقول ان اجراء زرع عدسة اكثر امانا و افضل من عملية الليزر او الليزك ..و هل سمعت عن قام بأجرائها
            اكثر من مرة ؟؟ .. و تحياتى .

            - بالمناسة صورة جراح العيون الذى اجرى لى العملية كانت فى الاهرام من حوالى شهر فى خبر عنه و هو بيحضر مؤتمر طبى .. و الباشا لسه لم يقوم بالعملية .. .و غالبا : لا .. و لم .. ولن يجريها .. و ايضا اثنين اخرين من كبارو مشاهير اطباء العيون المصريين الذين اذهب لهم فى الكشوفات العادية و لتغيير النظارة لم يجروا العملية .. يظهر فعلا باب النجار مخلع او اذا كان رب البيت بالدف ضاربا فشيمة اهل البيت .. etc!

            اولا شكرا لمجاملتك الرقيقة
            ثانيا سبق انى قلت لما لسانى نشف ان فيه مخاطر و مضاعفات و انها مش العملية السحرية اللى ترجع النظر و تخلى الحياة لونها وردى ، و قلت ان لازم المريض يعرف المخاطر اللى هو داخل عليها
            و سبق و قلت كمان ان بيتم اعادة تقييم العملية بعد مرور 10 سنوات عليها و ظهور مضاعفاتها و مشاكلها على المدى الطويل و قلت كمان ان مش معنى ان واحد عملها و بقى كويس يبقى الكل هايعملها و هاتنجح (و تعرضت للهجوم الحاد و اتهامى بوجود مصلحة شخصية من وراء رفضى للعملية و بأنى جاهل بها و لا اعلم عنها شئ من الأخ حلوانى و لكن وضحت وجهة نظرى و موقفى بما لا يدع مجالا للشك فى ما اقوله)
            و سبق ايضا انى قلت انى ممكن اعملها لمريض هى الحل الوحيد له ، اما اللى نفسه يقلع نظارته او نفسه يجربها ، فأرفض ، و هو حر يعملها بس بعيد عنى
            بالنسبة لموضوع الأستغناء عن نظارتى المساقات و القراءة معا فلم يحسم الأمر حتى الآن
            احيانا يقوم الجراح بعمل ليزك للقريب فى عين و للبعيد فى عين و بكده المريض يرى للبعيد و القريب معا (دى مدرسة امريكانى) و انا شخصيا بارفض لسببين
            1) ممكن يحصل مصيبة لو العيان سايق مثلا و دخل تراب فى عينه المضبوطة للبعيد و حب يدعكها ... مش هايشوف يسوق لأن التانية مضبوطة للقريب ...
            2) انا رافض الليزك اصلا بدون سبب قهرى
            بعضهم يعمل الليزك و يلبس نظارة قراءة

            موضوع زرع العدسة داخل العين مازال محفوف بالمخاطر :
            لو العين مقاسها عالى قوى بالسالب ازالة عدسة العين الأصلية ممكن تصلح النظر و لكن لابد من نظارة قراءة !!! (تخيل واحد فى الثلاثينات اخليه يلبس نظارة قراءة)
            لو سبنا عدسة العين الأصلية و زرعنا فوقها عدسة فكده النظر اتصلح لللبعيد و القريب (بشرط السن اقل من 45 سنة علشان ما يحتاجش نظارة قراءة) و لكن المشكلة بسيطة جدا: مكان العدسة دى فى الخزانة الأمامية و شفنا منها المشاكل الآتية
            * لو خبطت ورا فى عدسة العين بتعمل مياه بيضاء
            * لو خبطت قدام فى القرنية بتعمل سحابة على العين
            *رجلين العدسة بتقفل جزء كبير من زاوية العين و ممكن تعمل مياه زرقاء (ارتفاع فى ضغط العين "جلوكوما")

            فيه دراسات دلوقت شغالة عن عدسة قابلة لتغيير بعدها البؤرى يعنى بتعمل (Accomodation) و دى المفروض تتزرع مكان العدسة الأصلية و ليها نظريات كتير و اول واحد ابتدأ الدراسات بتاعتها Prof.Dr George Alio و ده اكبر عالم تصليح نظر فى العالم و دى فعلا لما تنجح هاتبقى طفرة و قفزة مهولة فى مجال تصليح النظر و الأستغناء عن النظارة و لكن الوضع الحالى لأ ... مخاطرتها اعلى من الليزك حاليا
            و تحياتى
            [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
            [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
            [CENTER][COLOR=DarkGreen][B][SIZE=5]الصحة تاج على رؤوس الأصحاء
            لا يراه إلا المرضى
            [/SIZE][/B][/COLOR] [/CENTER]

            Comment


            • المشاركة الأصلية كتبت بواسطة lancer92 مشاهدة المشاركة


              مافيش مشكلة من نزول حمام السباحة بالعدسات ، كل اللى ممكن يحصل ان الكلور اللى فيه يلهب العين
              بالنسبة للبحر فخطر جدا نزوله بالعدسات و ممكن تبوظ و تأذى العين كمان
              العدسة ليها محتوى مائى المفروض ان نسبته ثابته و بيختلف حسب نوع العدسة ، و لو نزلت بيها البحر فالماء المالح فى البحر بيسحب المحتوى المائى من العدسة علشان تعادل درجة الملوحة اللى فى البحر (فاكر الأسموزية ... الخ) و بالتالى العدسة تتكرمش و تبقى زى قشرة الترمس و ممكن العين تتأذى فى الحكاية دى
              ربنا سترها معاك لما نزلت بس مش معنى كده انك تعملها تانى
              طب ايه رأيك ان انا بانصح المرضى بتوعى ان بلاش يقعدوا بيها على البلاج حتى علشان يتجنبوا تكون رواسب على العدسة من الملح و الرمال .. شوف لو لابس نظارة (شمس حتى) تلاقى انك كل شوية بتلمع فيها علشان الملح و الرمل ، فما بالك العدسة اللاصقة اللى جوه العين
              تحياتى
              يا سلام على الردود الحلوة العلمية اللى فى نفس الوقت مبسطة علشان الغلبان زى يقدر يفهم
              [CENTER]AHMED[/CENTER]

              Comment


              • المشاركة الأصلية كتبت بواسطة MM_Mohsen مشاهدة المشاركة
                قبل العملية كان قصر نظر : - 5 و -5.5 للمسافات .. طبعا بعد العملية
                يصبح طول نظر و يتغير نوع العدسة بالكامل .. و على فكرة يا استاذ احمد انا لا اقصد ان انصحك بعدم اجراء العملية بل فقط اتحدث من خلال تجربتى و طبعا
                فى عمليات كثيرة جدا جدا نتائجها جيدة على الاقل على مدى عدة سنوات .. انا فقط انصحك بالتروى و معرفة كل الاحتمالات
                و لو قمت بأجرائها حاول اختيار جراح محترم و موضع ثقة و اختيار افضل مركز مجهز بأدق الاجهزة واكثرها امانا طبعا حسب ما يقوله
                الطبيب الموثوق فيه و لعل الدكتور شريف ينصحك فى هذا الموضوع فأنا مجرب و لست طبيب فأنا غلطت و تعجلت .. و تمنياتى بالتوفيق ... بس
                لو عملتها ابقى خلينا نشوفك و نطمئن عليك ..
                اما سئوالك الاخير عن العدسات الطبية فهى مزعجة جدا و تحتاج لعناية شديدة للمحافظة عليها كما قال اخونا الدكتور ووالدتى الله يرحمها كانت تشترى عدسات جديدة
                بسبب التلف و الجفاف و الضياع اثناء وضعها بالعين و كانت محتاجة ميزانية خاصة لشراء العدسات !! .. يعنى العملية ارحم !! .. عملية زرع العدسات
                افضل و ان كانت اكثر تكلفة من الليزر و لا اعلم هل هى فقط لمن اجرى عملية ميه بيضا ام ممكنة فى جميع الاحوال .. عليك بالدكتور شريف !
                الف شكر يا استاذ/محمد على ذوقك واهتمامك
                وفعلا انا مش مستعجل وبقالى فترة بعمل دراسة جدوى للموضوع وفكرت فعلا الغى الموضوع بس فعلا الاغراءات كبيرة,,, دا كفاية لعب الكورة بدون قلق ,,,,وبصراحة انا زهقت من كتر ما بنتى الصغيرة مابتشد النضارة
                [CENTER]AHMED[/CENTER]

                Comment


                • المشاركة الأصلية كتبت بواسطة elrasy مشاهدة المشاركة
                  معلش يا د/شريف انا بختلف معاك فى النقطة دى, لو حصل كسر او فقد للنضارة الحياة بتكون سوداوية جداااااااااااا, واستحالة اعرف اسوق من غيرها ولو مترين,,, ولو فى ناس حوالية معرفش احدد ملامحهم من غير نضارة ,, بجانب كمان معرفش انزل للبحر من غيرها لانى لما اجى اخرج من البحر مبعرفش الشمسية بتاعتى فين
                  مأسااااااااااااه .. وخصوصاً لو داخل بقلب على شمسية وطلعوا ناس متعرفهمش .. بيبقى موقف كوميدي .. ها ها ها

                  المشاركة الأصلية كتبت بواسطة mohmd76 مشاهدة المشاركة
                  اذا انكسرت النظارة يمكن اصلاحها
                  اذا ضاعت النظارة يمكن تعويضها

                  اذا احترقت وفقدت عدسه العين هل يتم تصليحها هل يتم استعادتها هل لها بديل

                  نصيحه البس نظارة ولا تحرق عينك بالليزر او الليزيك
                  الموضوع يستحق الدراسة وعدم المغامرة طبعاً .. وفي الحالات اللي زي دي وللخروج من الحيرة .. بقترح أن يبقى الوضع كما هو عليه لحين إشعار أخر .
                  [B][FONT=Comic Sans MS][SIZE=5][COLOR=Green]

                  [SIGPIC][/SIGPIC]


                  Life's too Short for the Wrong Job[/COLOR][/SIZE][/FONT][/B]
                  ziabassem سابقا

                  Comment


                  • يا جماعه انا عامل العمليه ديه من سنتيت والحياه احلي بكتير جدااااااااااااااا جداااااااااااااااا
                    :dontudear:

                    Comment


                    • المشاركة الأصلية كتبت بواسطة nomercy22 مشاهدة المشاركة
                      يا جماعه انا عامل العمليه ديه من سنتيت والحياه احلي بكتير جدااااااااااااااا جداااااااااااااااا

                      ربنا يديمها عليك نعمة
                      يا ترى عملتها فين؟
                      وكان مقاس نظرك كام؟
                      وبالنسبة لموضوع الجفاف ورؤية هالات حوالين الاضواء استمرت اد اية؟
                      [CENTER]AHMED[/CENTER]

                      Comment


                      • المشاركة الأصلية كتبت بواسطة elrasy مشاهدة المشاركة
                        ربنا يديمها عليك نعمة
                        يا ترى عملتها فين؟
                        وكان مقاس نظرك كام؟
                        وبالنسبة لموضوع الجفاف ورؤية هالات حوالين الاضواء استمرت اد اية؟
                        انا عملتها في مستشفي نور العيون اللي في المهندسين انا عمي دكتور تحاليل وهو اللي رشحلي دكتور هناك ورحت عملتها وروحت بعد 10 دقائق وعايز اقولك ان انا جنب المستشفي بشارعين روحت مشي وتاني يوم ممكن تمارس حياتك عادي جدا انا فاكر ان انا تاني يوم رحت زرت خالتي كانت تعبانه وفي المستشفي بس اهم حاجه تتبع التعليمات بالملي يعني ماتغسلش وشك 3 او 4 ايام ماتوطيش وحاجات كده تلبس نظاره شمس اسبوع كده انتا اول يوم بس هتبقي خايف من المنظر بس وهتحس ان في حاجه غريبه بعد كده خلاص
                        :dontudear:

                        Comment


                        • اه انا نسيت اقولك ان نظري كان سالب 5 في اليمين والشمال
                          :dontudear:

                          Comment


                          • الف مبروك على العملية .. ويا ريت تسرد لينا التفاصيل كاملة .. يعني تحكي القصة من طأطأ لسلامو عليكم .
                            [B][FONT=Comic Sans MS][SIZE=5][COLOR=Green]

                            [SIGPIC][/SIGPIC]


                            Life's too Short for the Wrong Job[/COLOR][/SIZE][/FONT][/B]
                            ziabassem سابقا

                            Comment


                            • بص ياباشا انا رحت مستشفي نور العيون لدكتور اسمه رياض شلش ابن د- احمد شلش ده مشهور في طب العيون جدا ورياض شلش برضه سنه كبير يعني حوالي 45 سنه كده بس هو شاطر اوي وعمي دكتور هو اللي قالي عليه وهو استاذ دكتور في طب القصر العيني المهم رحت كشت وقولتله انا عايز اعمل العمليه قالي المهم نعرف الاول ينفع ولا لأ قولتله يعني ممكن ماينفعش قالي عايزين نعرف السمك بتاع القرنيه لو خفيف ماينفعش وعايزين نعرف هل سطح القرنيه متساوي ولا لأ راح كتبلي ورقه كده وقالي روح اعمل الفحوصات ديه وتعالي روحت عملتها هما فحصين واحد كده بتاقعد علي جهاز وبيعملك زي رسم للعين وده سهل اوي التاني انا ماحستش بحاجه بس كان في واحد شايفني قالي انتا ازاي استحملنه هو بيحط حاجه كده في العين زي قلم او حاجه كده بيقيس سمك القرنيه بس طبعا مابتحسش باي حاجه المهم بجد بجد الكشف ده مايتعملش في اي حته لان واحده صحبتي عملته في حته اي كلام الحمار اللي عملهلها جبلها قرحه في عنيها المهم اخدت التقرير وبعدين رحت لدكتور قالي تمام الحمدالله وانا فاكر ان انا كنت بقول ساعتها يارب لو فيها الخير قدمها ولو فيها شر ابعدني عنها يارب بس بعد كده الدكتور قالي لو عايز تحدد ميعاد العمليه قولي قولتله ماشي قالي انا مش فاضي قبل اسبوع موافق قولتله اه قالي خلاص المستشفي هتكلمك تقولك الساعه بالضبط و فعلا كلموني كان اول يوم رمضان كان 1-9-2009 قالولي بكره الساعه 2 وتبقي موجود من 1 ونصف كده قولتلهم اوك روحت اكتر حاجه كانت تعباني الصيام لان الخوف بيعطش اوي اوي المهم الدكتور جه بدا يهرج معايا علشان حاسس ان انا متنشن اوي المهم دخلنا وحطلها قطره وبعدين حط مرهم علي الجفن وقالي هو ده البينج قالي 3 دقايق ونبدا قالتله اوك انا فكر قبل مادخل كانت الساعه بالضبط بالضبط 2 المهم جه لقيته حط حاجه حديد كده علشان ماقفلش عينه وهو بيعمل العمليه وبعدين بدا المهم انك تساعده في العمليه يعني يقولك بص علي النور تبص وكده بس انا متعمد ماحكيلكش بعد التفاصيل هتعرفها افضل وانتا في العمليه المهم ثواني ويقولك خلاصت اليمين ويبدا في الشمال لو هي عايزه عمليه هي كمان وثواني برضه ولقيت الاستف بيقوله تسلم ايدك يا دكتور وكده وهنا حسيت انه خلاص و فعلا هو قالي حمدالله علي السلامه عينك بقت زي الفل قالي يالا قوم من علي السرير بس انا كنت خايف شويه فكنت تعبان من كده قالي خلاص ريح دقيقتين وقالي الصيام اللي عامل كده بس الممرضه كانت بتمسحلي وشي من صبغه اليود وبعدين قالي عامل ايه قولتله تمام قالي تقدر تقوم قولتله اه قاالي قوم كده قومت والمفاجاه ان كنت الحمدالله شايف اينعم مش 6 علي 6 بس شايف قالي فين الباب قولتله اهو قالي افتحه واخرج فتحته وطلعت وهو طالع معايا قالي تعالي كده اكشف عليك قولتله اوك كشف قالي قوله تمام ومبروك اهم حاجه ماتوطيش خالص ومتغسلش وشك وماتحطش برفان وروح افطر وصلي المغرب وتجيلي تاني قولتله اوك بس طلعت روحت ولبست نظاره شمس كده وكان كاتب علي كذا قطره كده حوالي 3 وروحت نايو وانا بتفرج علي التلفزيون حاسس ان انا كل دقيقه باشوف افضل وافضل بعدين روحتله قالي اهم حاجه ماتنمش علي بطنك او جنبك نام علي ظهرك قالي غير كده مارس حياتك عادي والبس نظاره شمس الصبح وانت في الشارع وخالي بالك من التراب بس قول يوم بصراحه كنت حاسس ان في حاجه غريبه وبصراحه كل ما اقفل عيني احس ان انا بقفل علي ازاز هههههههههههههههههه بس لما نمت بليل صحيت لقيت كل حاجه طبيعيه جدا وموضوع الازاز خلاص انتهي وحاسس ان انا كنت بدلع امبارح بس مشيت علي الكلام اللي قاله بالملي ورحتله 3 او 4 مرات كمان كان بيطمني وكده وخلاص المهم يارب ماكنش طولت عليكوا ويارب يشفي كل الناس يارب العمليه سهله الحمدالله بس اهم حاجه العنايه واهم حاجه بجد انها تتعمل في مكان صح صح ودكتور كويس لان برضه ديه عين مش حاجه اي كلام الكلام ده بقوله مش علشان اخوف حد بس انا سامع ان في عيادات تجت السلم بتعمل العمليه ديه دلوقتي تخيل حجم التلوث اللي ممكن يحصل وانا تحت امر اي حد في اي استفسار.
                              :dontudear:

                              Comment


                              • أنت عارف المشكلة في أيه غير التردد طبعاً وأن دي عين مش أي حاجة .. المشكلة اني كل ما بفكر في تكنيك العملية قلبي بينقبض .

                                ويا رب يديم ليك السلامة ويحفظك من كل سوء .
                                [B][FONT=Comic Sans MS][SIZE=5][COLOR=Green]

                                [SIGPIC][/SIGPIC]


                                Life's too Short for the Wrong Job[/COLOR][/SIZE][/FONT][/B]
                                ziabassem سابقا

                                Comment

                                Working...
                                X