إعـــــــلان

Collapse

.

,
See more
See less

ماذا تفعل لو كنت مكانى- ترجع مصر ولا لا

Collapse
X
 
  • Filter
  • الوقت
  • Show
Clear All
new posts

  • #31
    المشاركة الأصلية كتبت بواسطة y a r i s مشاهدة المشاركة
    انتا جالك مرض الحنين الى الوطن.
    والمرض ده شائع ومنتشر برة زي الؤلفنونزة كده .... بس عامة كل ما تحس بوجع الحنين ومغص الوطن روح هاتلك علم مصر واقعد بوووس فيه .... ولو الحنين نقح عليك قوووي. اديني عنوانك وانا ابعتلك بطرمان مليان شوية تراب وطن انما ايه على كيف كيفك شمو كل يوم قبل ما تنزل على الشغل .... واكيد هتلاقي واحدًمصري فاتح محل فول وطعمية هناك او محل كوشري ابقى عدي عليه من الوقت للتاني واضربلك طبق كوشري .... انا كنت بعمل كده ايام ماكنت في الغربة.

    بس قد ما كانت الغربة صعبه بره مصر بس بتبقى فرحان لان لو حصل اي حاجة هتاخود بعضك وترجع بلدك .... لكن تصور لمن تحس بالغربة في بلدك وحصلك اي حاجه هتلم بعضك وتروح فييييين !!!

    انتا بس اعمل الي قلتلك عليه وانتا ترتاح هات علم مصر وان ملقيتش علم مصر برة بسيطة اي لباس احمر على فنيلة بيضة على تشيرت اسود وابره وفتلة وارسم عليهم حمامة وخليه يرفرف كده في الاوضة عندك هترتاح نفسياً .... واقولك على حاجة لزيزة كمان الاسكاي بي. وفي برنامج اسمو فايبر حل جميع المشاكل واللهي بقعد بالساعه والساعتين اتكلم دولي ببلاش ومسجات ببلاش كمان هتقولي اصحابك في مصر معندهمش سمارت فون. .... هنا يجي دورك يابطل ابعتلهم ياغالي ( تهادوا تحابوا ) كام موبايل اي فون على جلاكسي ثري وعيش اجمل مافي اللحظة وتحياتي
    ههههههههههههههههههه حرام عليك مش قادر من الضحك

    و نصيحة لصاحب الموضوع أوعى ترجع لتندم زي ما أنا ندمان خليك برة و اعمل السح :)))

    قالك وطني لو شغلت بالخلد عنه ...... نازعتني اليه في الخلد نفسي هاهاهاهاهاهاهاي

    يا راجل ده أنا نفسي أخد جنسية تانية و أولع في الجنسية المصرية و انت تقولي أرجع

    يا راجل كبر مخك و أقعد و أشتغل برة و حس بآدميتك

    Comment


    • #32
      السلام عليكم

      اولا يا باشا مترميش وداتك للناس اللى يأولك فى حب مصر و اللى و اللى ..... الناس مش فالحة فى حاجة غير الكلام
      - مفيش حد على دراية بحالة غير نفسة, شوف مصلحنك فين ,لان البلد دى برضة مش حتكرهلك الخير
      - صلى استخارة "لو كنت اصلا بتصلى" و خد رأى والديك ..و بس, و لو لك نصيب فى حاجة حتشوفها
      و ربنا يأدملك ما فية الخير .

      Comment


      • #33
        نصيحه
        خليك هناك خليك .......
        الله يرحمك يا ست ورده....
        [B][FONT=Arial][SIZE=3]يا رب لك الحمد ، يارب نسألك من فضلك ،يا واحد يا احد يا حنان يا منان[/SIZE][/FONT][/B]

        Comment


        • #34
          انا داخل اعلق على موضوع الغربة فقط
          هو انت متجوز ولا لا ولو لا اتجوز واظن موضوع الغربة ساعتها هيقل او هيختفى
          فيه ناس كتير فى مصر بيروحوا لاهلهم كل عيد

          Comment


          • #35
            اللى ايده فى النار مش زى اللى ايده فى النار ..

            مع انهم نارين (نار قرف مصر ، ونار الغربة) إلى انهم مختلفين

            فهيفيدك أكتر لو تاخد النصيحة من ناس مكويين بنارك انت مش بنارنا احنا.

            [LEFT]The only alternative to coexistence is codestruction - [I]Nehru[/I]
            [/LEFT]
            [LEFT][COLOR=#000000][LEFT]

            [/LEFT]
            [/COLOR][/LEFT]

            Comment


            • #36
              انا معرفش حد نزل من اي بلد كان بيشتغل فيها ومبسوط دلوقتي
              ومنهم اللي رجع تاني بمركز ومرتب اقل من الاول

              عندك والدي مثلا من اكتر من 27 سنة وهو برة ولما مجرد انه ينزل اجازة لمدة 5 - 7 ايام بيكره نفسه وبيكرهني انا واخواتي كمان :))

              بس بصراحة انا شايف وجوده في مصر مفيد ليه لانه بيعلمه الاستغفار الكتير والحسبنة على حال البلد والمصريين وتصرفاتهم الغوغاء + انه اتعلم الصبر ههههههههههههههههههههههههههههه

              دع غير طبعاً المصاريف اللي بيصرفها بدون ادنى داعي ومن غير اي استفادة مش بس 1000 ولا 2000 جنيه .. ده بيصرف اكتر من 30 الف كل ماينزل
              eng f3lix سابقا

              Comment


              • #37
                السلام عليكم و رحمة الله و بركاته




                أنا بصراحة قريت الموضوع, بس ماقريتش مداخلات كل الأعضاء.

                الغربة و الكلام الغريب ده, احنا اللى بنخلقه لنفسنا عشان نعمل لنفسنا أزمة و مشكلة و نعيش فى معاناة و بالتاللى نصعب عالناس و على نفسنا, أنا عشت فى السعودية 3 سنين و بعد كده هاجرت كندا و فيه زيى كتيييييييييييييييييييير كانوا فى الخليج و بعد كده اللى نط على كندا نط و اللى كسب فى هجرة أميركا كسب و نط على أميركا و عايشين و مستمتعين و لا غربة و لا كلام فاضى.

                استمتع بحياتك و طول ما العائد المادى و مستوى المعيشة أفضل فى الخليج, خليك هناك و لما مصر توحشك, ابقى انزل أجازة و زور أهلك و لا هما يجولك و خلاص.

                و لو مش عاجباك العيشة فى الخليج لأى سبب كان, حاول و أنت شغااااااااااال هناك, أنك تخطط لأنك تنط على أى بلد أوروبى محترمة و لا أميركا و لا كندا و كمل بقيت حياتك مرتاح, ايه اللى هيرجعك برجلييييييييييييك لأنك تعيش و تعانى !!!!!!!!!!!!! أما ممكن تعيش من غير ماتعانى, أما غريبة أوى !!!!!!!!!!!

                أنا هنا فى كندا, فيه مهاجرين بالهبل و كله عايش و مستمتع بالحياة الجميلة و التعليم الراقى و المستقبل المضمون للأطفال و أفضل رعاية صحية و أما بياخدوا الجنسية بيروحوا يتفسحوا و يعملوا شوبنج فى أميركا و بيبقى أولادهم عندهم بشويه مذاكرة و مجهود فرصة أنهم يتعلموا فى جامعات كندا و ان ماعجبهومش يروحوا يتعلموا فى جامعات أميركا و عيشة غير العيشة تماما و العيل من دول بيطلع حااااااااااااجة تانية خااااااااااااااالص, تجيبه أنت تعلمه فى مصر و جامعات مصر, عشان أما يتخرج, يلاقى معاه شهادة لا تساوى أى شيييييييييييييييئ و ينضم الى طابور العاطلين !!!!, و حاجات تانية كتير غير كده, تسيب أنت العز اللى أنت فيه عشان ترجع لفيروس c و لا b لييييييييييييييييييييييييييه ؟؟؟!!!!!!!!!!

                احنا كمصريين اللى عندنا مشكلة, أن الدنيا و الحياة ماتسواش من غير مصر, لكن الدنيا و الكون ماشيين عادى, بمصر ماشيين و من غيرها ماشيين, شوف مصلحتك و راحتك فين و اجرى عليها.

                هنا, فيه سوريين و لبنانيين و عراقيين و عايشين و مبسوطين و ناسيين حاجة اسمها سوريا و لبنان و العراق و مندمجين فى المجتمع و كله ألسطه.

                بالتوفيق ان شاء الله.
                [CENTER][FONT=Comic Sans MS][SIZE=7][COLOR=cyan][B][I]Maserati Quattroporte[/I][/B][/COLOR][/SIZE][/FONT][/CENTER]
                [CENTER][B][FONT=Arial Black][SIZE=3][COLOR=#8b0000]بسم الله الرحمن الرحيم[/COLOR][/SIZE][/FONT][/B][/CENTER]
                [CENTER][B][COLOR=navy]لقد كفر الذين قالوا إن الله هو المسيح ابن مريم وقال المسيح يا بني إسرائيل اعبدوا الله ربي وربكم إنه من يشرك بالله فقد حرم الله عليه الجنة ومأواه النار وما للظالمين من أنصار(72)لقد كفر الذين قالوا إن الله ثالث ثلاثة وما من إله إلا إله واحد وإن لم ينتهوا عما يقولون ليمسن الذين كفروا منهم عذاب أليم(73)[/COLOR][/B][/CENTER]
                [CENTER][B][FONT=Arial Black][SIZE=3][COLOR=darkred]صدق الله العظيم[/COLOR][/SIZE][/FONT][/B][/CENTER]

                Comment


                • #38
                  عليك ان تختار بين.... حياة محترمة فى البيت و الشغل و الشارع (فى معظم الاحوال) فى الغربة..... و بين حياة محترمة فى الشغل (انت بتقول الشركة اللى عارضة عليك الشغل فى مصر كويسة) و البيت ( عشان ده يحصل لازم تحاول تسكن فى كومباوند فى مصر و ده هيكلف كتير اوى) اما الشارع المصرى فعمره ما هيبقى محترم و ده فى حد ذاته كفيل بأنه يخرجك من هدومك بصفة يومية :)

                  Comment


                  • #39
                    المشاركة الأصلية كتبت بواسطة mtak مشاهدة المشاركة
                    الوضع طبعا مش سئ للدرجة دى

                    و علشان محدش يضرب

                    انا قولت كده لانى شايف ناس عايشين و لا فارق معاهم اللى فى البلد لانهم عايشين و مش عايشين فيها

                    لا يضطروا الى دخول حوارى بالعربيه او معامله بائع فى سوق الناصريه

                    انما من البيت للنادى للشاليه و ايام الاجازة ممكن يروحوا تركيا صد رد

                    تفتكروا الناس دى لو عاوزه تعيش بره مش ممكن من بكره الصبح تسافر و تعيش كويس

                    السؤال هل انت منهم ؟؟؟

                    ثانيا ممكن ترجع و تعيش بعيد شويه عن المنغصات و لكن يبقى شئ صعب توفره فى مصر لعائلتك

                    و هو quality of life

                    موضوع الغربه و ما الى ذلك - طبعا صعب و لكن هناك الاصعب و كله حسب درجة استحمالك للوضع

                    لو عاوز تشترى عربيه كيا بـ 240 الف جنيه و ممكن تجيب بنفس الفلوس تويوتا سوخوى اللى اكيد معظمنا ماسمعش عنها ( انا نفسى ماسمعتش عنها غير لما صديق لى بالسعوديه اشتراها ) يبقى ارجع

                    اكيد لن تبقى مسافر عالطول و مسيرك ترجع

                    ارجع بعد ما تعلم ولادك صح و تعيشهم صح

                    الناس اللى حضرتك بتقول عليهم دول يا فندم فعلا موجودين حاليا لكنهم اصبحوا هدف الحكومه او القطط السمان بالنسبه لها لجمع الفلوس منهم عن طريق اعتبار اى حاجه فى ايدهم رفاهيه و عماله تسن سنانها علشان تاكلهم شويه بإلغاء الدعم عن البنزين الغالى بتاعهم و شويه يطلعلهم بالضريبه العقاريه و زياده الاسعار و البلاوى التانيه اللى بيخططولها. يعنى ده هو المطمع لأن هو ده اللى معاه الفلوس اللى هما عايزينها و بالتالى الوضع مقلق. لو الموضوع يا باشا متأزم معاك و عند الحنين إلى الوطن خد أجازه أسبوع و لا اتنين انزل فيهم مصر و حاول تخرج كتير و ممكن تعمل زياره للشركه اللى مقدمالك العرض و روح المشوار ليها الصبح بدرى و جرب الزحمه و بالليل نعنش رئتك بدخان السحابة السودا و اقعلك فى كام بلاعه و لا حفره و انت سايق و أقفلك كام طابور و دور لك على ركنه ساعه و جرب اشترى اى حاجه و أوعى ضغطك من الارتفاع من السعر او من أخلاق معظم الناس اللى حواليك و او عدك انك هتخف من الحنين ده و هتقول حقى برقبتى كفايه قوى الاجازات

                    Comment


                    • #40
                      المشاركة الأصلية كتبت بواسطة OMAR61995 مشاهدة المشاركة
                      طالما مستريح خليك هناك
                      ناس كتير قالوا زيك و رجعوا مصر و اتصدموا و ندموا على الرجوع
                      +11111111111111

                      Comment


                      • #41
                        ادام غربتك برة مصر ليها تمن يبقي انسي اى حاجة تانية والاهل والاحباب والاصدقاء ده موضوع تانى سؤال بسيط هل ينفع تعيش فى مصر من غير تمن فللاسف احنا هنا متغربين جوة بلدنا وبنتعامل على اساس ان احنا مش اصحاب البلد وان احنا ضيوف عايز اقولك على حاجة كل اللى متغرب وبينزل البلد اجازة بيكره عيشته من اللى بيشوفه وبعدين ياسيدي لو انت مش متجوز انزل اتجوز وخدها معاك وسافر وعيش حياتك انا عن نفسي كنت مستعد اسافر واسيب زوجتى واولادى فى سبيل ان اخليهم يعيشو كويس وبعدين ابعت اخدهم
                        [img2]http://nileup.com/up/uploads/nilemotors_13649876441.jpg[/img2]

                        Comment


                        • #42
                          أوعى ترجع .......... انا كانت نفس ظروفك بالظبط

                          كنت شغال فى الأمارات و كله تمام بس كانت شركة صغيرة ...... اتعرض عليا شغل فى مصر فى شركة اقل ما يقال عنها انها عملاقة و تقريبا بنفس الفلوس اللى كنت باخدها فى الأمارات

                          قلت ديه فرصة ذهبية و الواحد يرجع بلده بين اهله و ناسه ......... و كانت المصيبة

                          غرزت فى مصر و مش عارف اطلع لغاية دلوقتى

                          حقولك كلمة واحدة

                          الأسوأ من شعور الغربة اللى انت بتعانى منه ...... انك تحس بالغربة فى بلدك و انها مش بلدك

                          Comment


                          • #43
                            المشاركة الأصلية كتبت بواسطة egyptawy2010 مشاهدة المشاركة
                            ياجماعة انا فى حيرة جامدة

                            انا شغال فى الخليج الحمد لله بقالى 5 سنين وشغل كويس ومرتب كويس وشركة محترمة

                            دلوقتى جالى عرض فى مصر شركة كبيرة ومرتب محترم



                            ياترى تعمل ايه لو كنت مكانى
                            فيه ناس بتقولى ظروف البلد مهببة وخليك احسن وناس بتقولى تعالى عشان ده فرصة ما تتعوضش


                            ياترى اعمل ايه

                            هو فعلا ظروف البلد وحشة .
                            بس لو حضرتك واثق من الشركة دى تماما و من كل حاجة فيها استخير و انزل و خد وضعك الوظيفى فى بلدك .
                            لأنك أكيد بعد فترة هتحتاج تنزل تستقر فى بلدك بس ممكن تتنازل عن مرتبك و منصبك و حاجات كتير مقابل إنك تستقر فى بلدك .

                            لكن لو كبرت فى وظيفتك فى بلدك أحسن لك .

                            و ربنا يختار لك الخير

                            Comment


                            • #44
                              المشاركة الأصلية كتبت بواسطة eng_doaa مشاهدة المشاركة
                              هو فعلا ظروف البلد وحشة .
                              بس لو حضرتك واثق من الشركة دى تماما و من كل حاجة فيها استخير و انزل و خد وضعك الوظيفى فى بلدك .
                              لأنك أكيد بعد فترة هتحتاج تنزل تستقر فى بلدك بس ممكن تتنازل عن مرتبك و منصبك و حاجات كتير مقابل إنك تستقر فى بلدك .

                              لكن لو كبرت فى وظيفتك فى بلدك أحسن لك .

                              و ربنا يختار لك الخير
                              انا مع الرأي دا,,
                              الناس اللي علقت دي كلها بتبص للحظه الحاليه انما لو بصيت ادام شويه ف المستقبل هتعمل ايه
                              لما تكبر شويه ف السن وعايز تنزل بلدك مثلا ولا كدا ومفيش شغل وتخيل
                              نفسك عندك 50 سنه مثلا ورايح تقدم ف وظيفه لسه ؟؟
                              .. ربنا يوفقك للي فيه الخير
                              سبحانك اللهم وبحمدك ، أشهد أن لا إله إلا أنت أستغفرك وأتوب إليك
                              Ahmad Zarzora

                              Comment


                              • #45
                                بص يا زعيم
                                انا مش محتاح اتخيل لو كنت مكانك لاني كنت مكانك بالفعل

                                انا اتولدت و عيشت طول عمري في الكويت
                                و كنت شغال هناك في شركه multinational و معايا بورش و الحياه اخر جمال
                                لكن الحق يقال مكنتش مبسوط و دايما حاسس باحساس الغربه اللي انت حاسس بيه دلوقتي و كنت منتظر اللحظه اللي ربنا هيئذن لي و انزل مصر بين اهلي و ناسي و ولاد بلدي و هو استمتع بقي بحياتي و بفلوسي بعد التعب والذل اللي شفتهم في الغربه

                                و ربنا اراد و نزلت مصر اول السنه مش علي شركه لا علي شغل خاص بوالدي يعني اخر راحه و دلع و فلوس زي ما انا عايز

                                لكن هيهات
                                و احب اقولك ان لحد دلوقتي ندماااااااان اشد الندم علي اللي عملته ده

                                الحياه هنا صعبه جدا جدا جدا علي واحد زي حلاتي و زي حالاتك دلوقتي

                                اولا مليش اي خبره حياتيته هنا (الخمس سنين اللي انت عشتهم كفيله بنسيانك لكل خبراتك السابقه و ده مش منك انت لا من الناس اللي اتغيرت و توحشت) و بتسرق و بيتنصب عليا كل يوم من ولاد بلدي بسبب قله خبرتي دي
                                ثانيا متعود علي النظام و الدقه في كل حاجه سواء المرور او انجاز المصالح الشخصيه و الحكومية و حتي في مواعيدي و دول مفيش منهم اي حاجه هنا في مصر للاسف كله هرجله و قله نظام و ادب و قيمه
                                ثالثا بقي من حيث الحياه الاجتماعيه انت نازل بقي و كل الناس واحشينك و عندك شوق لقرايبك و اصحابك و زملائك و عايز تعيد الذكريات بقي و تتقابلوا و تتفسحوا و نخرجوا و تقضوا وقت حلو و للاسف كلللل ده مش هيحصل لان كل واحد ملهي في حاله و في شغله و مشاكله و هتلاقي نفسك زي ما انت في الغربه بالظبط ما عدي والديك هما دول اللي ممكن تلاقي فرصه تعمل معاهم حاجه لو انت فضيت
                                ده غير المشاكل و العقد و البلاوي اللي هتتحدف عليك من حيث لا تعلم و الزنقه بالساعات في الشوارع و غيره و غيره من اللي بقيت الاعضاء قالوا لك عليه

                                من كل ده بقي تلاقي ان حياتك في الغربه احلي و انظف و نفس المشاكل او الصعاب اللي عندك هتلاقيها هنا و عليها اضافات تانيه كفيله بتحويل حياتك الي جحيم زي ما انا حاسس دلوقتي

                                و معنديش اضافه تاني غير اني اقتبس الجلمه دي لانها فعلا بتعبر عن اللي بحس بيه بالظبط

                                المشاركة الأصلية كتبت بواسطة hobiko مشاهدة المشاركة

                                حقولك كلمة واحدة

                                الأسوأ من شعور الغربة اللى انت بتعانى منه ...... انك تحس بالغربة فى بلدك و انها مش بلدك
                                و الاسوء من ده كله انك متعرفش تستمتع بحياتك و بمالك و حاجتك اللي تعبت و سهرت و سفيت التراب عشان توصلها او تجيبها


                                و كلمه اخيره اوعي تفتكر انك لو نزلت مصر هتعرف ترجع تسافر تاني
                                انا بقالي اكتر من 8 شهور بحاول و مش عارف
                                و حتي الفرص اللي جاتلي اقل بكتيييييير من اللي كنت فيها قبل ما انزل

                                و اديني مستني الفرج من عند ربنا
                                Sharief Mansy شريف منسي
                                شكرا نايل موتورز
                                [SIGPIC][/SIGPIC]
                                Farewell my Cayenne, you were the best car i ever had and driven

                                Comment

                                Working...
                                X