متي تاخد قرار الطلاق ؟

[Hussein_Emara]

وعلى فكره قرار الطلاق صعب جدا على الرجل بغض النظر عن التفكير المادي لكن مسألة الإضرار بتطليقها صعب عليه

في حين أن طلب الطلاق سهل على المرأة
.

اسمحلي احييك على الجملة ديه تحديدا

قليل ان تلاقي حد فاهم إيه وقع خراب بيت على راجل, اللي ماشي اليومين دول, ده راجل يعمل ما بداله, طب يا جماعة ما ربنا حيحاسبنا على الكلام ده؟؟!!

[shaddadfalcon1]

من الأسباب ايضا لما يبقي الطرفين مش بيتعلمو من اخطاهم
يعني انت قلت كلمه ضايقتها او عملت حاجه ضيقتها تقوم عملها تاني وتالت سواء بقصد او بدون وهي نفس الكلام
والموضوع ده بيغيييييييييييييظ ويحسسك انك متجوز حد مش انسان

[hossam_elwani]

مرة واحد صاحبي كان متجوز ومخلف بنت
ومش قادر يعيش مع زوجته وحياته جحيم وعاوز يطلقها
وبالفعل طلقها
وكل اللي حوله ضغطوا عليه ( وانا منهم ) ولازم تستحمل عشان البنت والكلام اللي انتو اكيد حافظينه
وبالفعل رد زوجته قبل نهاية فترة العدة بأيام واعتبرنا ان ده درس لها وح ينصلح حالها بعد كدة .... لكن هو كان على حق
رجع لزوجته وعاش معاها 4 او 5 سنوات عبارة عن مشاكل يومية وخناق مستمر .... انجب طفلين تاني
وبردو رجع طلقها نهائي ..... بس بعد ما بقى عنده 3 عيال
ولما عرفت انه بيفكر يتجوز جابت العيال بشنطة هدومهم وسابتهم عند بيت امه ومشيت ... وكان اصغرهم اقل من 3 سنوات
مش عاوز اقولكم ان حياته اتدمرت مابين شغله وبيته واطفاله
لو كان طلقها ولم يستجيب لضغوط من حوله في المرة الاولى كان زمان معاه طفل واحد بدل 3 مطلعين عينه تربية ومصاريف
والحمد لله اتجوز تاني بعد سنوات .... وربنا يوفقه
احيانا بيكون الطلاق حل .....
مش لازم الطلاق يكون فشل
ممكن يكون بداية صحيحة
وكل حالة لها وضع خاص بها

انت الى عملت فيه كده يا حاج هههههههههه

[أحمد كمال]

بلاش انا اتكلم

[khaled_legend]

بلاش انا اتكلم

نتمني ان نعرف وجهه نظر حضرتك و "شكلك شايل و معبي زينا"

[Forever.Leo]

اعتقد ان الحالة اللي تخلي الراجل ياخذ القرار ده .. انها تبقى مش عايزة تعيش معاه .. غير كده .. الراجل بيبقى عليه مسؤولية الحفاظ على تماسك بيته .. مهما كانت الضغوط .. و خصوصا لو فيه ابناء .

[Eng_hatemfathy]

بلاش انا اتكلم

انت بالذات عايز اسمع تعليقك المره اللى فاتت كنت هضرب بسببم علشان قعدت اهز السرير وانا بضحك فصحيت الدنيا -المرة دى انا قدمت وقاعد لوحدى -ههههه

[magid1010]

و الله ما حدش مبسوط فى الجواز خالص انا متجوز بقالى 8 سنين ر و اكبر غلطه عملتها فى حياتى انى اتجوزت دول يا با اقدر اقول ان اكيد دامغهم فيها حاجه غلط يدورو على النكد بملقاط و ينسوا اى كلمه حلوه انت بتقولوه لمجرد انهم مختلفين معاك فى راى او انت عاوز حاجه و هما عايزين حاجه تانيه اما موضوع الطلاق بيبقى صعب جدا مع التقدم فى العمر بتكون عامل زى الواحد لما بيخش مستنقع كل شويه رجليه بتغو ص فيه وبس ساعات الواحد بيكبر دماغه و ينعزل عنهم شويه بس برده لازم العكننه لازم يعنى الواحد تعب و كلها مشاكل فعلا بتتراكم و فى لحظه بيحصل انغجار و يرجع صلح و ترجع ريمه لعادتها القديمه فكرت اتجوز تانى بس مش ممكن الواحد يصلح غلطه بغلطه اكبر منها

[dr.hazem]

الموضوع ده متعب بجد...
ابغض الحلال الطلاق..
كل واحد منا عنده طاقة احتمال..
متى ما فاقت الحياة طاقته وحصل الانفجار صعب تتوقع العواقب..
ربنا يعلم بالنوايا ومعتقدش ان في شخص بيبيت النية بالطلاق من غير سبب وتتعدد الأسباب والطلاق واحد...
تحياتي

Sent from my LT18i using Forum Runner

[shaddadfalcon1]

ياريت الناس اللي سبقلهم موضوع الطلاق تدلي بدلوها لان دوول اللي هيفيدونا
ولو فيه سيدات حابه تشارك عشان نعرف الجانب الأخر بيفكر ازاي

[Eng_hatemfathy]

]اصبح الاصل فى الزواج التعاسه عكس المقصد الاصلى وهو المودة والرحمة واصبح الزواج سجن مؤبد والخروج منه يعنى التعرض لاطلاق النار الذى يؤدى الى الوفاة او بتر الاعضاء
هذا باختصار حال بيتنا سواء كان الزواج بنظام الصالونات او بعد قصة حب او زواج الاقارب
لان السؤال الصعب هل عرفت من اود الزواج منها حق المعرفة ام لا ؟
مهما طالت الخطبه ومهما مشيت مع الفتاه هل رأيت فتاتك وهيا منكوشة الشعر -هل رأيتها ولم تتخلص بعد من الشعر الزائد -هل رأيتها وملابسها بها بعض القطع ومكسله على اصلاحها
هل رجعت عدة ايام متتاليه ولم تجد طعام
هل رجعت من عملك ووجدت الشقه الجديدة التى دفعت شقى عمرك فيها بدأت مسلسل التدمير وكام سيراميكة اتكسرت والحيطة اتجرحت وايد الشباك اتخلعت والحوض بينقط
كيف لك ان تعرف ان كانت هذه الفتاه تناسبك ام لا

[ahmedteam]

و الله ما حدش مبسوط فى الجواز خالص انا متجوز بقالى 8 سنين ر و اكبر غلطه عملتها فى حياتى انى اتجوزت دول يا با اقدر اقول ان اكيد دامغهم فيها حاجه غلط يدورو على النكد بملقاط و ينسوا اى كلمه حلوه انت بتقولوه لمجرد انهم مختلفين معاك فى راى او انت عاوز حاجه و هما عايزين حاجه تانيه اما موضوع الطلاق بيبقى صعب جدا مع التقدم فى العمر بتكون عامل زى الواحد لما بيخش مستنقع كل شويه رجليه بتغو ص فيه وبس ساعات الواحد بيكبر دماغه و ينعزل عنهم شويه بس برده لازم العكننه لازم يعنى الواحد تعب و كلها مشاكل فعلا بتتراكم و فى لحظه بيحصل انغجار و يرجع صلح و ترجع ريمه لعادتها القديمه فكرت اتجوز تانى بس مش ممكن الواحد يصلح غلطه بغلطه اكبر منها

الراجل ده بيقول كلام زى الفل

احب اقول ل اى حد خاطب او بيفكر يتجوز افتكر انى قلتلك بلاشششششششششش

[khaled_legend]

و الله ما حدش مبسوط فى الجواز خالص انا متجوز بقالى 8 سنين ر و اكبر غلطه عملتها فى حياتى انى اتجوزت دول يا با اقدر اقول ان اكيد دامغهم فيها حاجه غلط يدورو على النكد بملقاط دماغهم مفيهاش حاجه غلط هي بس مختلفه عن دماغنا جدا و ينسوا اى كلمه حلوه انت بتقولوه لمجرد انهم مختلفين معاك فى راى او انت عاوز حاجه و هما عايزين حاجه تانيه اما موضوع الطلاق بيبقى صعب جدا مع التقدم فى العمر بتكون عامل زى الواحد لما بيخش مستنقع كل شويه رجليه بتغو ص فيه وبس ساعات الواحد بيكبر دماغه و ينعزل عنهم شويه بس برده لازم العكننه لازم يعنى الواحد تعب و كلها مشاكل فعلا بتتراكم و فى لحظه بيحصل انغجار و يرجع صلح و ترجع ريمه لعادتها القديمه فكرت اتجوز تانى بس مش ممكن الواحد يصلح غلطه بغلطه اكبر منها

حضرتك الراجل و يجب ان تتم دورك كزوج علي اكمل وجه للحفاظ علي بيتك من الانهيار

]اصبح الاصل فى الزواج التعاسه عكس المقصد الاصلى وهو المودة والرحمة واصبح الزواج سجن مؤبد والخروج منه يعنى التعرض لاطلاق النار الذى يؤدى الى الوفاة او بتر الاعضاء
هذا باختصار حال بيتنا سواء كان الزواج بنظام الصالونات او بعد قصة حب او زواج الاقارب
لان السؤال الصعب هل عرفت من اود الزواج منها حق المعرفة ام لا ؟ كلنا اتصدمنا في بعض الاشياء بعد الزواج بس يجب التأكد من الاساسيات قبل الزواج
مهما طالت الخطبه ومهما مشيت مع الفتاه هل رأيت فتاتك وهيا منكوشة الشعر -هل رأيتها ولم تتخلص بعد من الشعر الزائد -هل رأيتها وملابسها بها بعض القطع ومكسله على اصلاحها
هل رجعت عدة ايام متتاليه ولم تجد طعام
هل رجعت من عملك ووجدت الشقه الجديدة التى دفعت شقى عمرك فيها بدأت مسلسل التدمير وكام سيراميكة اتكسرت والحيطة اتجرحت وايد الشباك اتخلعت والحوض بينقط
كيف لك ان تعرف ان كانت هذه الفتاه تناسبك ام لا

يجب ان تحاول ان تعالج تلك العيوب و تلفت نظرها لتلك العيوب

[ahmed_su]

الاسباب كتيرة جدا ...

وانا شايف ان النجاح فى الحياة الزوجية هو توفيق ربانى ليس الا

ولكن من منطلق الاخذ بالاسباب انصح كل رجل التحلى بالصبر على قدر

ما يفوق استطاعطه بقليل .... واللجوء للعقلاء من الناس لان عندهم

الكتير من الخبرة لارشادك للطريق السليم - والطلاق فى احيان كتيرة جدا هو الحل

والطلاق تعامل معاه معاملة تجارية من منطلق المكسب والخسارة

يعينى قيم موقفك فى حالة الطلاق ايه اللى هتكسبه وايه اللى هاتخسروه

مش بتكلم على الماديات بس على فكرة ... كمان الستات اليومين دول

حالهم غير ... ميالين بشدة لهدم الحياة وجولة فى المنتديات

الاجتماعية هتشوف العجب الجواز عند قطاع كبير منهم وسيلة للحصول على طفل ونفقة وبعدين فركش الليلة "السينجل ماذر".

[Mostafa.Mahran]

ربنا يبشركم بالخير يا جماعة