متي تاخد قرار الطلاق ؟

[hussein]

هو فى كلام الواحد مش عايز يقوله عشان هيدخل فى بند للكبار فقط
بس لما مراتك تكون دايما بتمنعك من نفسها يبقى غالبا هى مش بتتبسط معاك
ودى غالبا بتكون مشكله منك انت لازم تعرف الغلط فين وتعالجه

[mohammedabdallh]

بص انت مابتصدق تلاقي بنت الحلال اللي تقدر تقول عليها هتبقي مراتي
اثناء فترة الخطوبه اكيد الأنسان مش بيقدر يركز علي كل حاجه لاسباب كتييره
منها ان الاتنين عايزين يعيشو شوية ايام حلوه وفي ناس بسمعها والله تقولك نعيش ايام حلوه قبل النكد يعني هما عارفين ان اللي جي زي الزفت ومكملين

كلا الطرفين بيتصنع وبعد الجواز بيتحول ومااكثر حالاات الطلاق اللي بتبقي بسبب كده

اخر حاجه ان الواحد ساعات بيشوف عيب في الطرف التاني بس بيقول مش مهم لانه مش هيعمل مشكله او هيحاول يصلحه فيه ويحي بعد كده ياما يسبب مشكله كبيره او يفشل في تصليحه

ايون اقعد صلح بقى
او تفوت وتكبر دماغك
زى ناس كتييير بتعمل
علشان لو نورت صوابعك العشره كانهم شمع مش هيعجب برده
فكبر علشان نقدر نعيش الحياه

[mohammedabdallh]

هو فى كلام الواحد مش عايز يقوله عشان هيدخل فى بند للكبار فقط
بس لما مراتك تكون دايما بتمنعك من نفسها يبقى غالبا هى مش بتتبسط معاك
ودى غالبا بتكون مشكله منك انت لازم تعرف الغلط فين وتعالجه

ده موضوع تانى خالص
ليه علشان بتسمع من صحبتها فى مواضيع دى كلام كتييير
او بتشوف الافلام ايها ونفسها فى حاجات من دى
ومش لاقيه المتعه دى

[magid1010]

ده موضوع تانى خالص
ليه علشان بتسمع من صحبتها فى مواضيع دى كلام كتييير
او بتشوف الافلام ايها ونفسها فى حاجات من دى
ومش لاقيه المتعه دى

بالعكس يا باشا فيه ستات بيبقى عندهم مشاغل طول اليوم فاخر اليوم بيهربو من المواضيع دى باى شكل باى نكد و الراجل لازم يستحمل و ده بيعمل شرخ كبير فى العلاقات لذلك رجاله كتير نفسها تتجوز تانى علشان ترجع ايام شهر العسل

[أحمد كمال]

انت بالذات عايز اسمع تعليقك المره اللى فاتت كنت هضرب بسببم علشان قعدت اهز السرير وانا بضحك فصحيت الدنيا -المرة دى انا قدمت وقاعد لوحدى -ههههه

كانت انهي بوست دي :)

[minicooper20]

لو قلت لى مراتك انا لو نمت و انا غضبان عليكى
ربنا هيكون غضبان عليكى و مفرقش معاها
يبقى انتا اخترت غلط
بس عايزين نكلم بانصاف
ممكن انتا تكةن سبب فى الطلاق
لان هى نسبه ة تناسب مفيش ست كامله و مفيش راجل كامل
بص على نفسك و خلى حد يحكم عليك لو قلك نات صح بص على الست و حللها
لو لقيت المشكله دور على حلول
ملقتش حلول
يبقا طلاق حل وحيد
بس معتقدش واحد بيتقلا ربنا فى مراتو وواحده بتتقى ربنا فى جوزها مهما كان درجه الخلاف انهم هيطلقو
زى ما احمد قال هى توفيق ربانى

[samyyousef]

الدعوه مفتوحه للمناقشه العقلانيه من كلا الجنسين وياريت اللي يرد يبقي عن خبره يعني حد متجوز او مطلق او علي الأقل خاطب يعني مش عايز ردود حد لسه متحمس ومشفش ولا جرب ولا اتعامل[/quote]

السلام عليكم
الخبرة ليس شرطها أن اكون متزوج او مطلق ...فالأخيرين لكل منهم تجربة شخصية و ليست خبرة, اما الخاطب فلا أظن انه من المناسب ان يدلي بدلوه في هذا الموضوع.
لذلك اسمحلي بالمداخلة و لو لم اكن متزوج او مطلق
ابدأ حديثي بأن اذكرك بأن الزواج قدر ..و الطلاق قدر
الطلاق في حالة عدم وجود أطفال فهو خيار...اما في حالة وجود أطفال فلا يكون الا اضطرار ..فاليعلم المطلق ابو الأولاد أنه في ظل المنظومة القانونية المصرية أن اولاده سيعيشوا كالايتام رغم حياة والدهم, بل أن الايتام حالهم قد يكون افضل لأنهم يذكرون والدهم بالخير . أما في حالة الطلاق فلن يُذكر اباهم امامهم الا بكل سوء.

سيلاحق بكم من القضايا التي لا اول لها و لا آخر

و الكارثة لو ان له بنت في حضانة امها ثم تزوجت الأخيرة من رجل غريب و عاشت الأبنة معه !!!

ثم أين سيعيش المطلق إذا استقلت المطلقة الحاضنة بمسكن الحضانة؟؟؟؟

المشكلة ليست في الخسارة المادية بقدر ما هي في خسارة الابناء
هل معنى ذلك أن محدش يطلق؟؟؟؟

لا

لكن قبل أن يتخذ هذا القرار يجب أن يكون على بينة من أمره و ما الذي سيخسره...و بعد أن يحسبها جيدا إذا رأى أنه يريد الطلاق...فالأمر يستحق الطلاق فعلا... و الله أعلم

[Eng_hatemfathy]

[QUOTE=khaled_legend;3874610490]حضرتك الراجل و يجب ان تتم دورك كزوج علي اكمل وجه للحفاظ علي بيتك من الانهيار



يجب ان تحاول ان تعالج تلك العيوب و تلفت نظرها لتلك العيوب
جميل جدا بس انا كمهندس مشروعات هناك فكرة للمشروع ودراسة جدوى ومدة للتنفيذ وارباح ولو واحدة من دول وقعت يبقى مشروع فاشل
دلوقتى امتى تقول انا فشلت فى تغيير صفات عمرها 30 او 31 سنة فى بيت اهلها مفكروش يربوها على غيرها وسابوها لما يشربها واحد غشيم حظه انه اتجوز ومرضيش يلعب ببنات الناس
امتى تقول هنصفى اعمال وكفايه خساير
امتى تقول انا مش عارف ادير المؤسسة شوفوا حد تانى انا منسحب واعلن خسارتى بكل معانى الخسارة مادية ومعنوية وبشرية

[Eng_hatemfathy]

كانت انهي بوست دي :)

الموضوع ده مش فاكر انهى بوست-اعتقد لما حطيت صور الحشرات والحاجات دى

http://www.nilemotors.net/Nile/255343-a.html

[hobiko]

الطلاق فى رأيى ....... حل سهل جدا و جميل بل و أشجع عليه ماعادا حالة واحدة

لو فيه أولاد

لو انت من النوع اللى بيحب اولاده جدا و هما بيحبوه جدا اكتر من مامتهم و بيحبوا يلعبوا معاه هو و يخرجو معاه هو و يكلموا معاه هو

بيبقى صعب اوى عليك تخليهم يمروا بالتجربة دى ........ التضحية بتبقى كبيرة تضحية براحتك و سعادتك و شبابك بس عشان تشوفهم كويسين و فرحانين و مايطلعوش معقدين نفسيا

الطلاق ممكن برده حتى لو فيه اولاد ....... لو فقط فى حالة ان استمرار الزواج مسبب للأطفال مشاكل نفسية اكبر من اللى حيسببها الطلاق

فى الحالة دى اتكل على الله و طلق ...... بس بيفضل ضميرك يأنبك على الخطوة دى عشان الأولاد

موضوع معقد اوى و الله يسامحها اللى مش مقدرة جوزها و بيتها و أطفالها

[Eng_Doaa]

الموضوع ده مش فاكر انهى بوست-اعتقد لما حطيت صور الحشرات والحاجات دى

http://www.nilemotors.net/nile/255343-a.html

كلام حضرتك صح . بس فعلا فى بنات كتير و أكيد بتشوفوهم بيعرفوا يمثلوا كويس جدا و يبينوا عكس ما فى نفسهم . و أول ما بيتجوزوا (يوقعوا الزبون على رأيهم) بيبانوا و بيبان أهلهم معاهم .

أنا شفت للأسف بنات كتير بالشكل ده . و الحمد لله يارب إنى مش منهم و لا عيلتنا الحمد لله بس أهم حاجة كل واحد من الطرفين يتقى الله كويس جدا و ما يتجوزش أول حد يشوفه قبل ما يفكر كويس و يستخيييييييييييييييييييييييييير ربنا كويس جدا و ما يتسرعش . أسوأ شىء التسرع .

و ربنا يعافينا و يعافى جميع المسلمين من الأمر ده لأن كما قال الرسول صلى الله عليه و سلم "و كسرها طلاقها" بس للأسف فى رجالة كتير بعد تجربة زواج فاشلة بينعكس على نفسيته و تصرفاته إنعكاس كلى .

[Eng_Doaa]

الطلاق ربنا شرعه فى ديننا رحمة بالناس . لكن للأسف أسأء المسلمين استخدامه .
فأصبح فى زماننا هذا أسهل حل الطلاق على أى مشكلة أو أى حاجة . للأسف و هذا من الاستهتار بهذا الأمر و عدم تعظيم شعائر الله .

فى حال أجدادنا لم نجد حالات الطلاق الكثيرة كما فى عصرنا . على الرغم من أنه لا يتعرف عليها إلا بعد الزواج . و ليس مثل الأن . الناس بتتعرف سنتين و تتخطب سنتين و تتجوز سنة و بعدين يتطلقوا !!!! أكيد فى حاجة غلط

زمان كانوا بيبحثوا عن بنات الأصول اللى تعمر البيت و تكون بنت أصول
دلوقتى بيدوروا على البنت الجميلة الشيك الستايل اللى أمشى بيها وسط صحابى و عينهم ما تنزلش من عليها أهم حاجة عند الشباب الان الجمال .

بعد الزواج بأه بيلبس فى الحيط للأسف لأن الجمال وحده لا يكفى ؟؟؟ لأنه خلاص اتعود على شكلها و هى كمان فمباقش باقى إلا الاخلاق و مش هتلاقى بأه .

فالطلاق بيبدأ من أول الاختيار .اختار على اساس صح و استخير ربنا و فوض أمرك ليه هتلاقى ربنا يساعدك و يقف جنبك و يبارك لك فى ما رزقك . أما بأه تعيش حياتك و تتسلى على النت و بره النت و تتسلى بالبنات فأكيد النهاية مش ظريفة . نسأل الله العافية .

حاليا ناس كتير بتطلب الطلاق . بس فى حالات كتير منهم خيانة و ده من قلة الدين . أو عدم صبر . مبقاش فى حد بيحب يصبر على حد و كل حاجة بقت سهلة . لازم الناس تصبر على بعض و التغيير مش بييجى فى يوم و ليلة ده عايز صبر و صبر سنين مع الدعاء .

و ربنا يحفظنا جميعا من كل شر و سوء و يحفظ بيوتنا

[Eng_hatemfathy]

كلام حضرتك صح . بس فعلا فى بنات كتير و أكيد بتشوفوهم بيعرفوا يمثلوا كويس جدا و يبينوا عكس ما فى نفسهم . و أول ما بيتجوزوا (يوقعوا الزبون على رأيهم) بيبانوا و بيبان أهلهم معاهم .

أنا شفت للأسف بنات كتير بالشكل ده . و الحمد لله يارب إنى مش منهم و لا عيلتنا الحمد لله بس أهم حاجة كل واحد من الطرفين يتقى الله كويس جدا و ما يتجوزش أول حد يشوفه قبل ما يفكر كويس و يستخيييييييييييييييييييييييييير ربنا كويس جدا و ما يتسرعش . أسوأ شىء التسرع .
ما معنى الا اتزوج اول واحده هل يعنى ان ادخل بيت واتنين وعشره وبعدين انقى منهم ولا امشى مع 5 او 6 بنات وبعدين اختار احسنهم الرجل الذى يخاف الله بضع نصب عينيه خطوط عريضه ويدخل البيت متى وجد 80% منها بدأ اتخاذ خطوات الزواج وقد لا تزيد الخطبه عن اسبوع او شهر او 4 اشهر بالكثير يراها مره فى الاسبةع مع مكالمات نادرة فى الغالب او ممنوعه فى بعض البيوت يراها وهى فى كامل ثيابها وبالطبع كاوية العبايه والطرحه ولو بتلبس اسود مش هيعرف اخبار زوقها ايه فى الالوان ومش هيعرف معلوماتها عن الموضه ايه لزوم البيت والزينه ليه وطبعا هيشوف حماته مطلعه طقم الصينى اللى مطلعش من ايام خطوبه اختها الكبيره ولو هيا الكبيره يبقى مطلعش من يوم ما دخل النيش وحماه طبعا يطلع وش الرجاله قدام مراته لزوم الرستيج الذى سرعان ما يوضع فى الثلاجه بعد العريس ما يروح ويطلع وش حنفى من فوق الدولاب
كيف للمسكين ان يرى النكش والبهدله وعدم النظافه والراجل اللى بقى فرخه قدام مراته فى اول خناقه للعريس مع بنتها ويروح لحماه يشتكيله من بنته اللى قاله بنتى لو غلطت هاتهالى اربيهالك يلاقيه يا ولداه عرقان والحماه المصون بتهلل من المطبخ ايه هوا عايز ايه تانى مش مكفيه اللى عامله فى البت واخدها شمعه ويا كبد امها ملحقتش تفرح وبالطبع لا كانت شمعه ولا نيله ده لولا الكوافيره كانت فضيختها فى الفرح بقت بجلاجل
ازاى هعرف مراتى قبل ما اتجوزها وازاى اعرف اهلها والجواز فى مصر بختك يا ابو بخيت فى اللى بيعرف يمثل لحد ما يكمل وفى اللى بيتكشف بدرى
بتجارب شخصيه وعائليه عديده جدا قربت اوصل لقناعه ان الولد المصرى لو ليه طلبات فى الجواز يعنى مش راجل بركه سكره ويتحط جنب الحيط مفيش داعى يتجوز مصريه لكن لو واحد طيب وعايز يبقى متجوز وخلاص اياكش يتجوز ام عبده فده يعيش حلو
عارف ان البنات هيهجموا عليا لكن كل كلمه قلتها عندى ليها تجربه بل تجارب
و ربنا يعافينا و يعافى جميع المسلمين من الأمر ده لأن كما قال الرسول صلى الله عليه و سلم "و كسرها طلاقها" بس للأسف فى رجالة كتير بعد تجربة زواج فاشلة بينعكس على نفسيته و تصرفاته إنعكاس كلى .

انا لسه خابط عربيتى فى حيطه بسبب الموضوع ده والتفكير فيه طب ايه الحل قدام الغ.....اء

[sting_2010]

الو يعلم الابوان ما سيسبباه للابناء من الانفصال ..ويحمل الطفل (حتى عندما يكبر ) ..ابويه مطلقان . لما فكرا فى الانفصال ابدا !

[msobhy]

نفسى أرد - والله العظيم نفسى أرد
لكن للأسف مش هاقدر بسبب وجود زملاء لى فى العمل على منتدنا العزيز
انا مريت بتجارب مهوله فى موضوع الجواز ده
لدرجة ان فيه ناس محامين مكنوش مصدقين اللى انا فيه
لكن أحب أقولكم كلمه صغيره جدا
انا غلطت غلطه واحده فقط سنة 2006 - ترتب عليها انهيار حياتى تماما صحيا وماديا وادبيا
وغلطه تجر غلطه لغاية لما بقى احسن حل - ان مفيش حل
نصيحتى لأى شخص بيمر بأى مشكله مع زوجته - أصبر واديها فرصه واتنين وتلاته - لكن فى وضع مجمد - بمعنى فى الفتره ديه بلاش اطفال - وبلاش التزمات ماديه اكبر من طاقتك - اتصلح حالها يبقى تحطها فوق راسك وتحمد ربنا على نعمته
ماتصلحش حالها بعد اكثر من فرصه وبعد فتره معقوله لا تقل عن 6 شهور - طلقها - أوعى تفكر فى أى حاجه - لو عندك لوح زجاج مكسر مهما عملت عمره ما هايتصلح - بجد طلق
وبما ان المشكله الاساسيه دائما فى الانفصال هما الاولاد
ف انا بأنصح كل الازواج فى بداية جوازهم بتأجيل الاطفال لمدة سنه واحده فقط
مهما اتقال عليك سواء تريقه من اصحابك او تلميح من أهلك - انا يتقال عليه عبيط واهبل وبرياله - بدل ما اعيش عيشه زفت طول عمرى والسبب أولادى
واللى يقولك امال فترة الخطوبه راحت فين
أسف فى اللفظ ولا أقصد المعنى الجنسى - فيه فرق كبير لما تبقى انت وخطيبتك قدام بعضكم بهدومكم - ولما تبق انت ومراتك عريانين ملط.................
بالمناسبه
حد أخد باله من كم المشاهدات المفزع للموضوع ده !!!!!!