عايز اجيب موتور مياه ..لعمارة او لشقة !!!!!

[Gelgel2004]

جهاز الفلو ماك

بص يا اخى الفاضل
الجهاز دى بيعمل كذا حاجة
بيشتغل مكان البالونة والاتوماتيك والعداد والوصلة النحاس وكمان بتشتغل كمان كجهاز حماية ضد نقطاع المياة ودا بيركب فوق الموتور هوبيشتغل لغاية موتور 1.5 حصان فقط ليه كذا اسم حسب الشركة المنتجة مثلا فلوماك أو دومينو أو جينيو
ودى لينك لاحد هذة المنتجات
http://www.lowara.com/lowdata/doc/EN/genyoseries-ed-en.pdf

دا اساسا انتجته شركات ايطالية وكان بينزل بسعر غالى شوية ومكنش فيه اقبال عليه فا بطلت الشركات الايطالية أنتاجه راحو الصينيين خدوا الجهاز عندهم وعملوه صينى سئ جداً
مميزات الجهاز دى
ضغط مياة كويس ومش محتاج ضبط اتوماتيك
ياخد حيز ضغير عن البالونات
مش محتاج تغير كاوتشة بالونة أو اتوماتيك
عيوبه
الجهاز دى فى مفتاح اسمه reset دى لما المياة تقطع وترجع مرة تانية لازم تدوس عليه علشان الموتور يشتغل لانه بيفصل الجهاز والموتور لما المياة تقطع أو المياة ضعيفة .
العيب الاكبر هو انه نظام بوردة لما البوردة دى تبوظ مش حتلاقى غيرها لان تمنها 80% من سعر الجهاز ككل
البوردة كانت مش بتبوظ فى الايطالى إلا نادرا إنما فى الصينى شهر والتانى وتلاقيها ضربت

من دى كله يبان ان فكرته حلوة وعملى بس فى الايطالى
إنما الصينى الموجود فى السوق هيبقى مكلف ليه
انا لما البالونة العادية تبوظ هغير الكاوتشة الداخلية ودى بتقعد كتير والكاوتشة بيبقى سعرها 20 - 30 جنية
الحاجة التانية لما يحصل للجهاز حاجة هترميه لان السباك مش هيعرف يصلحه .

أنا افضل البالونة العادية لان اغلب السباكين عارفين يتعاملوا معاها ولو باظت هتجيب غيرها .

أسف للاطالة

وتقبل تحياتى

وكل عام أنتم بخير

السلام عليكم م عصام
الحقيقه موش عارف اشكرك ازاى على هذا الكم الرائع و الدقيق من المعلومات - جزاك الله كل خير


حبيت انقل لحضرتك تجربتى مع الفلوماك

1/ انا مركبه على خط الطرد بتاع الموتور الرفع ماركه بتاكس و شغال زى الفل.
2/ مركب البلونه و العداد بتاع الضغط بس طببت مدخل الاوتوماتيك اللى فى الزور النحاس - غلط اننا نركب اوتوماتيك مع الفلو ماك - لان الفلو ماك اساسا بيشتغل اكثر من وظيفه منها انه اوتوماتيك .
3/ الشيك بلف قبل الموتور و ليس بعده لان الفلوماك راكب فيه شيك بلف.
4/ الاهم جدا نركب فلتر مياه بعد العداد للمحافظه على الفلوماك. من جهه و المحافظه على الغسالات و الخلاطات خصوصا السيراميك.
5/ مركب البلونه علشان تخفف من فترات تشغيل الموتور و النظام بالشكل ده نتائجه مبهره.


الرابط للموضوع

http://www.nilemotors.net/Nile/220280-_-2.html

http://www.nileup.com//uploads/images/domain-f6529b2749.jpg فلتر على الخط العمومى بهد العداد - بحشوه شبكيه بلاستيكيه لا تحتاج لتغيير.


دمت بود

[Gelgel2004]

م/ عصام

استفسار صغير احنا عندنا في العماره خزان كبير فوق العماره بيغذي العماره كلها 30 شقه و ماتور المياه بيرمي في الخزان

حاليا احنا مركبين عوامه تفصل الموتور لو وصلت المياه لحد معين في الخزان ويشتغل عند حد معين برده

لكن فيه حتتين كنا عايزين نأمن الموتور فيهم
1- لو المياه مقطوعه من البلديه و الماتور اشتغل بيفضل شغال علي الفاضي لان مفيش مياه اصلا
تركب جهاز اسمه flow switch أو flow mac دى بيتباع عند واحد اسمه محمود حسن فى شارع نجيب الريحانى من ش الجمهورية دى تقريبا بيبقى دانفوس دنماركى ودى احسن ماركة
دى بيتوصل على ماسورة الدخول للموتور
الجهاز دى فى ريشة جوة ماسورة السحب (الدخول ) لما يكون فى مياة المياة دى بتزق الريشة فيشتغل الموتور لما ميكونش فى مياة او المياة مقطوعة من العمومى الريشة هترجع مكانها ومش هتشتغل الموتور الموضوع دى بيسموه بالعلمى dry running protection
2- لو الخزان فضي خالص (في حاله غسيل الخزان- او انقطاع المياه لفتره طويله) الموتور بيفضل شغال فترة طويله بدون انقطاع لملو الخزان
اهل هناك حمايه للموتور في الحالتين دول و ايه افضل الانواع و يتكلفوا كام و يركبهم كهربائي ولا سباك

أنت اولا مركب عوامة فى الخزان لما الخزان يوصل لحد معين حيفصل
مفيش مشكلة لو الخزان فضى خالص والموتور اشتغلت فترة طويلة علشان يملى الخزان طالما فى مياة من العمومى طالما فى مياة متقلقش.

اللى يركب جهاز الحماية سباك فاهم
فى نوعين من السباكين
سباك صحى ودى السباك العادى اللى بيركب الحنفيات والمواسير ويسلك الاحواض .................إلخ
التانى اسمه فنى مواتير ودى بيصلح الموتور ويظبط الاتوماتيك او العوامة دى بيبقى فاهم فى المواتير .





السلام عليكم


الفلو ماك بيركب بعد الموتور موش قبله
ارجو مراجعه الموضوع
http://www.nilemotors.net/Nile/220280-_-2.html
ظ…ط±ظƒط² طھط.ظ…ظٹظ„ ظ†ط§ظٹظ„ ظ…ظˆطھظˆط±ط² مكان تركيب الفلوماك

دمتم بود

[althym]

لوسمحت يابشمهندس عصام انا عندى ماتور بدرللو وحاطه فى الشقة بس الايام دى مش بيطلع مياه خالص وعاوز اجيب كالبيدا بس عندى استفسار لو حاطيت كالبيدا فى الشقة يعنى تحضير ذاتى هيطلع مياه ولا احطه فى المنور تحت لو سمحت فادنى ...... وشكرا لحضرتك

[أحمد عادل]

السلام عليكم

كل عام وأنتم بخير ورمضان كريم.

أول مشاركة لي وأريد إفادة من الخبراء لو سمحتم

أنا في الدور الأول علوي (أول شقة) وجنبي على طول المنور، والعمارة 20 دور ومعنديش موتور. السكان اللي فوق قاموا جابوا موتور 2 حصان قوي جداً وسحب كل الميه والحمد لله، وحتى لما بيبقى مقفول والمواتير التانية شغالة مبلاقيش ميه خالص!!

قريت هنا إن أحسن حاجة كالبيدا 0.75 ذاتي التحضير (سحب)، هل ده هو أحسن حاجة في حالتي؟ بس شكل سعره غالي قوي، هل في حاجة بنفس الكفاءة تقريباً وإيطالي بس سعرها خفيف وتعيش؟

وجزاكم الله خيراً

[Gelgel2004]

السلام عليكم

كل عام وأنتم بخير ورمضان كريم.

أول مشاركة لي وأريد إفادة من الخبراء لو سمحتم

أنا في الدور الأول علوي (أول شقة) وجنبي على طول المنور، والعمارة 20 دور ومعنديش موتور. السكان اللي فوق قاموا جابوا موتور 2 حصان قوي جداً وسحب كل الميه والحمد لله، وحتى لما بيبقى مقفول والمواتير التانية شغالة مبلاقيش ميه خالص!!

قريت هنا إن أحسن حاجة كالبيدا 0.75 ذاتي التحضير (سحب)، هل ده هو أحسن حاجة في حالتي؟ بس شكل سعره غالي قوي، هل في حاجة بنفس الكفاءة تقريباً وإيطالي بس سعرها خفيف وتعيش؟

وجزاكم الله خيراً

اهلا وسهلا بيك
كوميت ايطالى او بنتاكس 3/4 ح يكفى جدا و ارجو مراجعه المشاركات السابقه
دمت بود..

[mesaharaty]

م/ عصام

استفسار صغير احنا عندنا في العماره خزان كبير فوق العماره بيغذي العماره كلها 30 شقه و ماتور المياه بيرمي في الخزان

حاليا احنا مركبين عوامه تفصل الموتور لو وصلت المياه لحد معين في الخزان ويشتغل عند حد معين برده

لكن فيه حتتين كنا عايزين نأمن الموتور فيهم
1- لو المياه مقطوعه من البلديه و الماتور اشتغل بيفضل شغال علي الفاضي لان مفيش مياه اصلا
تركب جهاز اسمه flow switch أو flow mac دى بيتباع عند واحد اسمه محمود حسن فى شارع نجيب الريحانى من ش الجمهورية دى تقريبا بيبقى دانفوس دنماركى ودى احسن ماركة
دى بيتوصل على ماسورة الدخول للموتور
الجهاز دى فى ريشة جوة ماسورة السحب (الدخول ) لما يكون فى مياة المياة دى بتزق الريشة فيشتغل الموتور لما ميكونش فى مياة او المياة مقطوعة من العمومى الريشة هترجع مكانها ومش هتشتغل الموتور الموضوع دى بيسموه بالعلمى dry running protection
2- لو الخزان فضي خالص (في حاله غسيل الخزان- او انقطاع المياه لفتره طويله) الموتور بيفضل شغال فترة طويله بدون انقطاع لملو الخزان
اهل هناك حمايه للموتور في الحالتين دول و ايه افضل الانواع و يتكلفوا كام و يركبهم كهربائي ولا سباك

أنت اولا مركب عوامة فى الخزان لما الخزان يوصل لحد معين حيفصل
مفيش مشكلة لو الخزان فضى خالص والموتور اشتغلت فترة طويلة علشان يملى الخزان طالما فى مياة من العمومى طالما فى مياة متقلقش.

اللى يركب جهاز الحماية سباك فاهم
فى نوعين من السباكين
سباك صحى ودى السباك العادى اللى بيركب الحنفيات والمواسير ويسلك الاحواض .................إلخ
التانى اسمه فنى مواتير ودى بيصلح الموتور ويظبط الاتوماتيك او العوامة دى بيبقى فاهم فى المواتير .





السلام عليكم


الفلو ماك بيركب بعد الموتور موش قبله
ارجو مراجعه الموضوع
http://www.nilemotors.net/nile/220280-_-2.html
ظ…ط±ظƒط² طھط.ظ…ظٹظ„ ظ†ط§ظٹظ„ ظ…ظˆطھظˆط±ط² مكان تركيب الفلوماك

دمتم بود

أنا طول عمرى أعرف إن السباك هو اللى بيركب موتور المياه ودائما عندى مشكلة إنى مابلاقيش سباك عدل أبدا وخصوصا لما أكون محتاج له سريعا .
طيب السباك الفنى ده يعنى هو اللى بيصلح المواتير ويلفها مثلا ولا بيتجاب منين وفين أراضيه ؟ ههههه

[Gelgel2004]

السلام عليكم جميعا
الافضل يكون فيه اتفاق مع السكان على 2 موتور 3 حصان مثلا
بس ده هيبقى صعب لو كل واحد مركب موتور و توصيلات خاصه به لاننا فشله فى العمل الجماعى و الحمد لله على كلل حال
انصح فى حال فشل الحل السابق انه تركب موتور
1/ كوميت ايطالى من شركه الكريم للاستيراد 93/95 شارع الجمهوريه
2/ الكالبيدا كويس بس اسعاره عاليه على الفاضى
3/ نفس جوده الكالبيدا و الكوميت و البنتاكس و البيدرلو واحده بس دعايه كالبيد اكثر
4/ يوجد اكثر من موضوع بهذا الخصوص على صفحات المنتدى
ارجو الاستفاده منها
تحياتى.

[MMamdouh]

قريت هنا إن أحسن حاجة كالبيدا 0.75 ذاتي التحضير (سحب)، هل ده هو أحسن حاجة في حالتي؟ بس شكل سعره غالي قوي، هل في حاجة بنفس الكفاءة تقريباً وإيطالي بس سعرها خفيف وتعيش؟

وجزاكم الله خيراً

مترا ايطالى 1 حصان ب 850 جنية... بس دة سعر من كذا سنة ايام ما كان الكالبيدا 1 حصان ب 1200

MMamdouh

[أحمد عادل]

جزاكم الله خيراً جميعاً

في جنبي توكيل البيدرلو جنب بيتي، أعتقد إن ممكن أشتري ده إن شاء الله كما نصح الأستاذ gelgel2004

سؤال أخر: هل يلزم لي وأنا في الدور الأول خزان؟

شكراً لكم

[ahmed.max3000]

ارجو الرد في اقرب وقت

السلام عليكم...اولا احب اشكر كل مشرفي و اعضاء المنتدي علي المعلومات المفيدة دي...ثانيا عندي استشارة فنية...انا ساكن في الخامس و كل دور شقتين..مش كل الشقق ساكنين بس الموجودين مركبين مواتير كل واحد مع نفسه (للاسف)...مش عارف ايه انسب حاجة اجيبها وهتتكلف كام و ايه الافضل في الحالة ديه الموتور التحضير الذاتي ولا الرفع ؟ اسف للاطالة و ارجو الرد من خبراء المنتدي في اقرب وقت-جزاكم الله عنا خيرا

[Gelgel2004]

السلام عليكم...اولا احب اشكر كل مشرفي و اعضاء المنتدي علي المعلومات المفيدة دي...ثانيا عندي استشارة فنية...انا ساكن في الخامس و كل دور شقتين..مش كل الشقق ساكنين بس الموجودين مركبين مواتير كل واحد مع نفسه (للاسف)...مش عارف ايه انسب حاجة اجيبها وهتتكلف كام و ايه الافضل في الحالة ديه الموتور التحضير الذاتي ولا الرفع ؟ اسف للاطالة و ارجو الرد من خبراء المنتدي في اقرب وقت-جزاكم الله عنا خيرا

1 حصان كوميت او مترا او بدرللو مع 1 بلونه لو شقه واحده او 2 بلونه لو 2 شقه بالدور
و الاوتوماتيك من الكريم - ضرورى - لجودته و ايضا المقياس المتاح به لضبط الضغط بقوه
تحياتى..

[attyasat]

ماركة كالبيدا الايطالية

[mrabuali]

عايز اشترى موتور و لسه محتار

[OVERLINE]السلام عليكم .. ارجو الافاده
انا ساكن فى الدور الاول علوى فى عماره 14 دور والدور على شقتين
فى موتور واحد راكب فى العماره بس جهده عالى ,, انا مش عارف اد ايه
هو شغال معايا كويس ,, بس بيحمل كهربا كتير جدا على العماره وده اللى بيخلينى عايز اعمل موتور ووصلة ميه لوحدى لان استخدامى الشخصى مش هيوصل للى بدفعه فى العماره كل شهر
انا عندى حمام ومطبخ بس وعندى سخان غاز والمواسير اللى فى الشقه بولى كلها ,, وانا هركب عداد مياه مع الموتور وانا مش عارف بصراحه قطر المواسير اللى فى الشقه ولا اللى بره
استفسارى انى عايز
1-موتور يكون قوى فى مقابل الموتور اللى راكب فى العماره ويكفى شقتى
2-برده يبقى قوى لو اتركب اكتر من موتور فى اكتر من شقه فى العماره
3- انا مش عارف اشترى السحب الذاتى احسن ولا ايه الافضل منه
4- هحتاج بالونه ولا اتنين علشان اريح الموتور وميتحرقش بسرعه؟
5- يكون بييشتغل اوتوماتيك ويفصل اوتوماتيك ,, ويفصل مع قطع الميه ولو ينفع يرجع يشتغل برده اوتوماتيك لو الميه جت ( علشان موضوع ال Reset ) اللى فى الاوتوماتيك ده ,
6- هل فى حاجه لخزان؟؟
7- ايه هى الحاجات اللى هحتاجها وتقريبى تكلفتها اد ايه بخصوص الموتور والافضل فى الخامه
اسف انى طلباتى كتير ,, بس انا زيرو فى الموضوع ده ويمكن اتعلمت شوية حاجات من المنتدى هنا وبسأل على اساسها
شكرا لكل الاعضاء المشاركين وللقائمين على الموقع
محمود[/OVERLINE]

[Gelgel2004]

[overline]السلام عليكم .. ارجو الافاده
انا ساكن فى الدور الاول علوى فى عماره 14 دور والدور على شقتين
فى موتور واحد راكب فى العماره بس جهده عالى ,, انا مش عارف اد ايه
هو شغال معايا كويس ,, بس بيحمل كهربا كتير جدا على العماره وده اللى بيخلينى عايز اعمل موتور ووصلة ميه لوحدى لان استخدامى الشخصى مش هيوصل للى بدفعه فى العماره كل شهر
انا عندى حمام ومطبخ بس وعندى سخان غاز والمواسير اللى فى الشقه بولى كلها ,, وانا هركب عداد مياه مع الموتور وانا مش عارف بصراحه قطر المواسير اللى فى الشقه ولا اللى بره
استفسارى انى عايز
1-موتور يكون قوى فى مقابل الموتور اللى راكب فى العماره ويكفى شقتى
بالكتير 3/4 حصان
2-برده يبقى قوى لو اتركب اكتر من موتور فى اكتر من شقه فى العماره
3- انا مش عارف اشترى السحب الذاتى احسن ولا ايه الافضل منه
طلمبه رفع او ذاتى
4- هحتاج بالونه ولا اتنين علشان اريح الموتور وميتحرقش بسرعه؟
ممكن جهاز فلوماك بس او بلونه و عداد و اتوماتيك - حسب رغبتكم
5- يكون بييشتغل اوتوماتيك ويفصل اوتوماتيك ,, ويفصل مع قطع الميه ولو ينفع يرجع يشتغل برده اوتوماتيك لو الميه جت ( علشان موضوع ال reset ) اللى فى الاوتوماتيك ده ,كده يبقى الفلوماك
6- هل فى حاجه لخزان؟؟
ابدا
7- ايه هى الحاجات اللى هحتاجها وتقريبى تكلفتها اد ايه بخصوص الموتور والافضل فى الخامه
اسف انى طلباتى كتير ,, بس انا زيرو فى الموضوع ده ويمكن اتعلمت شوية حاجات من المنتدى هنا وبسأل على اساسها كفايه التوصيلات بولى و متزدش عن 3/4 بوصه لضبط الضغط
شكرا لكل الاعضاء المشاركين وللقائمين على الموقع
محمود[/overline]

الموتور او طلمبة الرفع من الكريم 51/53 شارع الجمهوريه ماركة كوميت و تلفونه لاى استفسار 25908691/25885038

و ارجو مراجعه المواضيع بهذا الخصوص بالمنتدى للافادة
تحياتى

[reda elgohary]

بصراحة كنت بواجه نفس مشكلتك بس الحمد لله ،،ممكن تشترك وتجيب موتور 2حصان ونص أو 3 حصان بحوالى 2500 جنيه كالبيدا وممكن يكون أغلى من كدة وكمان هتجيب 2 بالونة ايطالى وان شاء الله هتلاقى الدنيا بقت جميلة .