عايز اجيب موتور مياه ..لعمارة او لشقة !!!!!

[hussein10100]

السلام عليكم ورحمة الله وبركاته
اولا : اقدم اليكم جزيل الشكر بجد مش كلام فعلا الف شكر للرد والإستفادة من المعلومات
ثانيا : اكيد سيادتك عارف ان الواحد دايما مستعجل وعايز كل حاجة بسرعة
فقمت بعمل الأتى:
نزلت عند الموتور وهناك بالشقة من يقوم بالتشغيل والفصل
1- طلبت من بالشقة ان يقوم بفتح الحنفية لتصفية المياه المتبقة بالخط ولأشاهد ما يحدث من تغيرات
لاحظت ان المؤشر لعداد الضغط ينخفض تدريجيا حتى اقل درجة ممكنة فيه
2-طلبت غلق الحنفيات وتشغيل الموتور ولاحظت ان العداد بدا فى الإرتفاع
3-طلبت فتح الحنفية والموتور شغال انخفض الضغط ثم ارتفع مرة اخرى
4- قمت بخفض المسار الصغير ليضغط على السوسته
5- طلبت اعادة تشغيل الموتور وملاحظة التطورات وتحسن الوضع فى الشقة
6-ملحوظة هامة وضرورية وهنا
السؤال الأول : وبرجاء الإجابة وآسف للإطالة
لحظت ان الموتور لا يفصل حتى والحنفيات مغلقة حيث من المفروض ان يفصل عمل الموتور بعد غلق الحنفية
حيث كما اعلم ان الموتور طالما مفتاح الكهرباء مفتوح يعمل الموتور على الحنفية عند الفتح ويقف عن الغلق
هل من اجابة لذلك السؤال لماذا يستمر عمل الموتور رغم غلق الحنفيات ولا يفصل عن العمل الا بفصل الكهرباء عنه
السؤال الثانى : بخصوص فك البالونة برجاء تصحيح الخطوات وبرجاء عدم الانزعاج او الملل
1-اقوم بغلق المحبس العمومى للمياه الموجود قبل الموتور
2-اقوم بفتح الحنفيات المياه للتصفية المياه منها
هل اقوم بتشغيل الموتور للتأكد من تصفية الخط من المياه او لا اقوم بتشغيل الموتور
واخيرا اريد ان ابلغك بمعلومة عن خط المياه
خط المياه ضعيف ضعيف جدا
فالعمارة كلها تعمل على مواتير(انا قرأت فى الصفحات السابقة عن حل بالغاء المواتير واحضار مواتير للعمارة كلها وهذا حل مستحيل ان يجتمع سكان العمارة على حل فى صالح الجميع لأن الكل اهم حاجة عنده نفسه فقط)
المهم من غير ما اطول عليك
لو فرضنا انى تركت حنفيات الشقة كلها مفتوحة او الحنفية الأرضى بس تركتها مفتوحة لن تدخل المياه الشقة الإ بعد تشغيل الموتور فسوف تدخل المياه لذلك اخاف لما تكون الكهرباء مقطوعة ومفتاح الموتور مفتوح والحنفية تكون مفتوحة الكهرباء توصل فجأة الاقى الشقة غرقت بالمياه ولذلك اكون مطمئن نوعا ما لو الموتور مقفول والحنفية مفتوحة مش ممكن المياه توصل ولا تغرق الشقة
السؤال المهم والأهم بعد الإطالة السابقة وارجو ان لا تنزعج منها
كيفية تركيب الأتوماتيك
لأنى قمت بشراء اتوماتيك جديد لان البعض قد نصحنى بتغير الأتوماتيك القديم وذلك قبل دخول الى موقعكم والتعرف عليكم
والإستفادة من الرد السابق من الشرح الوافى والمفصل
فى انتظار ردكم الكريم

[زهير فكري]

شوف يا باشا هرد علي حضرتك:-

بالنسبه للسؤال الأول : ليس بالضروره ان الموتور يعمل او يقف لحظيا بمجرد فتح او غلق المياه, لأنه زي ما قولنا سابقا
ان وجود البالونه يحد من التشغيل المستمر للموتور و لا يعمل الموتور الا عند وصول الضغط لنقطه التشغيل المضبوط عليها.

لكن هناك ملحوظه هامه : اذات كنت تقصد ان الموتور ظل يعمل لفتره طويله دون فصل, علي الرغم من غلق الحنفيات , فهناك:

احتمال تلف الأوتوماتيك و يمكن اختبار ذلك كما يلي :
حضرتك هتشغل الموتور ( يفضل يكون في ساعات الذروه )و تقفل كل الحنفيات و تراقب مؤشر الضغط في ارتفاعه الي ان يثبت تماما لفتره , و ده يعتبر آخر قدره الموتور علي اعتبار ان موتورك 1/2 حصان و
حضرتك بتقول ان ضغط المياه العمومي ضعيف جدا جدا , المفروض ان ضغط المياه المناسب يكون
3 او 4 بار و ده ضغط الفصل للموتور , لو المؤشر وصل له يبقي تمام لو عدي يبقي 100 % بس لو
لقيته عدي 5 بار و مكمل يستحسن توقفه بسرعه عشان البالونه ممكن ما تستحملش, لو المؤشر
وقف قبل 4 بار , يبقي هنظبط فصل التشغيل عند النقطه دي , ازاي؟


عندك في الأوتوماتيك طبعا هتفك الغطاء بتاعه هتلاقي سوستتين سوسته كبيره و سوسته صغيره . و عليهم مسمارين , مسمار السوسته الكبيره خاص بضبط ضغط الفصل , و الصغير خاص بضغط التشغيل , هتفك مسمار ضغط التشغيل علي الآخر يعني تخليه( مهوي) و تبتدي تلعب في المسمار الكبير , لو عايز ضغط فصل عالي يبقي تربط المسمار لو عايز تقلل يبقي تفك , طبعا في حاله وقوف المؤشر ( اذا حدث) يبقي هنفك المسمار لحد ما الموتور يفصل .

طبعا لو مافصلش يبقي كده الأوتوماتيك فيه مشكله , و قبل ما نغيرهنعمل معاه محاوله اخيره , وهي انه اغلب اعطال الأوتوماتيك بتبقي في الأجزاء الميكانيكيه نتيجه تسرب الرطوبه و عوامل الجو فممكن الأجزاء الميكانيكيه يحصل فيها زرجنه , فأحنا هنفصل الكهرباء عن الموتور و نجيب جاز و فرشاه و ننظف بيه الأجزاء دي .


لو ما اشتغلش برضه , يبقي تغيره و يستحسن تشتري واحد تاني نضيف ايطالي مثلا او فرنساوي


في حاله لو اضطررت لفك الأوتوماتيك , هتعمل نفس خطوات فك البلونه التي ذكرتها سابقا مع التشديد علي فصل الكهرباء , و طبعا هتفك اسلاك الكهرباء الموصله اليه , و تجيب مفتاح مناسب للصاموله الخاصه به من عند الزور الواصل بالوصله حرف تي المشترك معاه عداد الضغط و فتحه تركيب البالونه و تفك عادي جدا عكس عقارب الساعه . و لا تنسي لف قطعه كتان علي الجديد



المهم دلوقتي الهدف انه احنا نجعل الموتور يفصل و يشتغل لوحده يبقي ده 90% , لو البالونه فيها مشكله نفخ هواء او اي حاجه علاجها ان شاء الله سهل جدا , بس نمسك حاجه حاجه.

[factorialx]

أنا عندس سؤال
بعد ما حجبت ماتور مضروب من شارع الجمهورية

هجيب كالبيدا 0.5 حصان لشقه في الدور الرابع و الخط مشترك مع العمارة هل هيكفي

و هل مشتملات الماتور كلها موجوده في الشرق الندسية الأوتوماتيك و البالونه عشان شكلهم هما كمان مضرووبين في المحلات العادية و لو مش موجودين أجيبهم منين

إيه هو الfollow mac بالعامية عشان أقول للسباك عليه و هل ده عايز سباك فاهم عشان يركبه و أجيبه أصلي من التوكيل برضه ؟؟

شكراا

[dr_asaos]

طيب والاجراءات الادراية يا شباب؟ ايه المطلوب والرسوم عشان اعمل عداد لوحدى عشان يقال ان الموضوع مرفوض الا لو هتعمل من الماسورة العمومية على حسابك؟!!!

[hemeds82]

أنا عندس سؤال
بعد ما حجبت ماتور مضروب من شارع الجمهورية

هجيب كالبيدا 0.5 حصان لشقه في الدور الرابع و الخط مشترك مع العمارة هل هيكفي

و هل مشتملات الماتور كلها موجوده في الشرق الندسية الأوتوماتيك و البالونه عشان شكلهم هما كمان مضرووبين في المحلات العادية و لو مش موجودين أجيبهم منين

إيه هو الfollow mac بالعامية عشان أقول للسباك عليه و هل ده عايز سباك فاهم عشان يركبه و أجيبه أصلي من التوكيل برضه ؟؟

شكراا

بص ياباشا الfollow mac دة جهاز بيضبط ضغط المياة اوتوماتيك من غير ماتظبطة يدوي يعني

حضرتك هتشترية يبقي مش هاتجيب بالونة ولا وصلة نحاس ولا اوتوماتيك غير دة كلة هو فية ريشة

تقفل الموتور لو المياة اتقطعت بس المشكلة بتاعتة انة فية زرار اسمة reset لازم تدوس علية لو

المياة اتقطعت هو بصراحة كويس بس انا لما جبت اشتري جبت الاوتوماتيك لان المشكلة ان لو

حصل حاجة فية بيترمي وتجيب واحد تاني لان مفيش حد فاهم فية لكن البالونة ناس كتير جدا بتفهم

فية تمنة في بورسعيد الصيني 120 جنية والايطالي 180 جنية (يارب اكون قدرت افيدك زي ما فية

عضو قبل كدة قالهولي واتاكدت فعلا انة صح)

[hemeds82]

بص يا استاذ حسين , مبدأيا و نظرا لتفشي ظاهره الاستغلال و انعدام الضمير و عدم وجود مكاتب هندسيه متخصصه للاشراف علي الخدمات المنزليه و اصلاح مرافقه , هنا لامانع ابدا من تعلم بعض المهارات و فهم كيف تعمل الأشياء من حولك و اصلاحها بنفسك اذا لزم الأمر .

نيجي لموضوعك ,

استأذن سيادتك بالقاء الضوء علي فكره عمل مجموعه ضخ المياه اللي سيادتك مركبها , قبل ما نحل المشكله , اولا سيادتك طبعا مركب الموتور في منور العماره يعني تحت عند خط التغذيه العمومي , جميل , الموتور ده وظيفته انه بيرفع المياه من مستوي منخفض لمستوي اعلي ( الدور الخامس) بس , طيب ايه لزوم البالونه اللي موجوده فوقه ؟ و الأوتوماتيك و السكس بالف و عداد الضغط ؟ البالونه دي عباره عن كفر معدني لتحمل الضغوط العاليه و جواها قربه مطاطيه عاليه الجوده ووظيفتها ايضا رفع المياه من مستوي منخفض لمستوي اعلي !!! طب ازاي يعني الموتور ده ما لوش لزمه؟؟؟
هقولك , الموتور لوحده بدون اي حاجه ممكن يشتغل , بس طبعا كل ما حضرتك تفتح الحنفيه عشان تغسل ايدك الموتور هيشتغل و لما تقفلها هيقفل ( طبعا حضرتك مركب اتوماتيك) لأنه ببساطه الأوتوماتيك بيحس بانخفاض الضغط فيوصل كهرباء للموتور و يشغله و سيادتك لما تفتح الحنفيه بيحصل انخفاض في الضغط داخل خط مواسير المياه من اول دخله الحنفيه عندك في البيت و انت نازل لتحت لحد ما تقابل الموتور و ده بيسموه ( خط الطرد) اما المواسير من اول الماسوره العموميه لحد الموتور بيسموه ( خط السحب) اظن واضحه؟

الحاله التانيه , ان حضرتك مركب الموتور ( برضه لوحده) بس من غير اتوماتيك ( يعني مركب مفتاح في بيتك بتشغله وقت ما تعوز او لما تلاقي المياه ضعفت ) في الحاله دي هتبقي مشكله , ليه , لانه انت لما تفتح الحنفيه هتفضل تستهلك في المياه اللي متحوشه في مواسير خط الطرد لحد ما كميه المياه تضعف و تقل او تنقطع و بعدين تشغل الموتور , فطبعا الموتور بياخد وقت عقبال ما يبتدي يشتغل و يشحن خط المواسير بالمياه من جديد و طبعا بتكون المواسير فيها هواء فالمياه تاخد وقت كبير لما توصلك .


طب ليه العذاب ده ؟ هنا بقي لزوم البالونه , البالونه ببساطه عباره عن خزان مياه بيشتغل بضغط الهواء , و فكرتها ببساطه انه لما تملاها مياه من الفتحه اللي تحت , المياه هتدخل و تفضل تنفخ القربه المطاط لحد ما تتمدد و اقصي تمدد ليها انه تشغل الحيز الكامل للوعاء الحديدي الذي يحيطها تمام كده ؟ طيب الكلام ده لزمته ايه؟ اللي بيحصل بالضبط زي ما تفضل تنفخ بلا لين العيد و تقوم تفك زور البالونه عشان الهواء يطلع باندفاعه القوي , و يطير البالونه! الفكره ان احنا بنستغل الطاقه دي و نخلي الهواء المحبوس جوه الغطاء الحديدي انه يدفع قربه المياه المطاطيه و يدفع المياه لحد ما توصل لعندك في الدور الخامس ! طبعا الغطاء الحديدي دي بيتملي هواء زي عجل العربيه بالضبط , وده عشان كل ما ضغط الهواء زاد جوه الغطاء الحديدي هيتطلب طاقه اكبر لنفخ القرب المطاط بالمياه و في المقابل يعطي قوه اندفاع اعلي بضغط مناسب لمسافات بعيده .


طولت عليك مش كده ؟ المهم نلخص الموضوع عشان ندخل في مشكلتك ,

الخلاصه , الموتور لو ركب لوحده بدون بالونه ممكن يشتغل بس هيشتغل بعدد ساعات اطول مما يقلل من عمره الافتراضي بالاضافه لتذبذب الأداء , البالونه مع الموتور تعطي اداء افضل وده لان اول ما انت بتفتح الحنفيه البالونه اول ما بيرفع لك المياه , وطبعا بتاخد وقت اكبر في امدادك بالمياه لحد ما تنزل للمستوي اللي الأوتوماتيك بيحس بيه و يبتدي يشغل الموتور , وده معناه قله تشغيل الموتور بالمقارنه بالحاله الأولي , بالاضافه لثبات الأداء و الاعتماديه العاليه .


نيجي لمشكلتك ,
المشكله الأولي
بتقول فيها ,( لاحظت ان عند تشغيل الموتور بفترة بسيطة المياه تقطع واحتاج الى فتح الحنفية الأرضى بالحمام وهى اول نقطة واسفل نقطة يوصل ليها المياه) ده شيء طبيعي وده ليه سببين , اولا اما ان الموتور كانت الكهرباء مفصوله عنه و المياه فضلت تستخدمها لغايه لما البالونه فضيت , و طبعا المواسير خدت هواء , فانت لما جيت تشغل الموتور لازم ياخد وقت لغايه لما يشحن جميع تفريعات المواسير اللي داخل الشقه بالمياه . و السبب التاني ان الأوتوماتيك حساسيته لم تكن مضبوطه يعني اشتغل بعد ما المواسير فضيت من المياه , بالاضافه انه لا يوجد ارتباط بين فتح الحنفيه السفليه ووصول المياه لباقي الحنفيات , لان الحنفيه السفليه دي هي اول حنفيه بيوصلها مياه و بتكون اعلي ضغط مياه فيها عن خلاطات الأحواض مثلا, او انه نظرا لانقطاع المياه و دخول الهواء للمواسير , فانت لما فتحت الحنفيه السفليه عملت خلخله في ضغط الهواء في المواسير بشكل عجل بسرعه تفريغه و بالتالي وصلت المياه لباقي الصنابير .


المشكله الثانيه
بتقول فيها( عند فتح اى حنفية لا تصل المياه مباشرة ولكن تنتظر فترة وتلاحظ اندفاع المياه(المرة السابقة لا تصل المياه مطلقا الا بعد فتح الحنفية الأرضى) نزلت اراقب الموتور عند التشغيل والفصل ولاحظت ان عند تشغيل الموتور (مفتاح الكهرباء) يرتفع عداد الضغط الى اعلى رقم مش متذكرة ولكن هو الرقم الذى تم الضبط عليه اخر مرة وعند فتح الحنفية ينخفض الضغط الى نصف القراءة ثم يبدأ يزداد مؤشر الضغط وتصل المياه)


هو في بعض الأشياء مش واضحه في سؤالك , بس في الغالب هي احتمال يكون نفس السببين اللي ذكرناهم في المشكله الأولي , بالاضافه من تحليل المشكله ان البالونه كده لا تعتبر شغاله ,

علي العموم , نمسك الموضوع واحده واحده , و يا ريت تعمل فحص للكلام اللي هقوله,
1- نمسك الأوتوماتيك , يار يت تسيب مفتاح الكهرباء عندك شغال و تقفل كل الحنفيات( طبعا الموتور هيكون مش شغال) , و تنزل تحت و تخلي حد يفتح المياه فوق , و تراقب عداد الضغط , المفروض لو الدنيا عندك مضبطه و البالونه شغاله هتلاقي العداد بينزل بالتدريج و تختلفسرعه نزوله باختلاف معدل سحب المياه فوق في البيت , و هيفضل ينزل لغايه مستوي معين و بعدين الموتور يشتغل , و هتلاقي المؤشر بدأ يرفع تاني بالتدريج بس مش هيوصل للحد اللي يفصل عنده نظرا لسحب المياه , و اللي بيعمله انه بيعوض بل يتفوق علي كميه السحب اللي انت بتسحبها , بعد كده تقفل المياه هتلاقي المؤشر رفع للحد الذي يجعله يفصل , و يقف الموتور و المؤشر يثبت عند كده و لا يتحرك , و لو لقيت المؤشر بعد ما قفلت الحنفيات و الموتور سكت لقيته بينزل تحت تاني , يبقي هنا عيب في حاجه اسمها( سكس بالف) و دي عباره عن قطعه بتركب علي خط السحب لتمع ارتداد المياه الموجوده بالبالونه في اتجاه الشبكه العموميه.

2- نمسك البالونه, طبعا هتعمل نفس الموضوع , بس الفرق انك هتلاحظ سرعه نزول المؤشر , يعني لو لقيت المؤشر بينزل بسرعه قوي لتحت بمجرد فتح المياه , و يطلع بسرعه لنقطه الفصل بمجرد غلق الحنفيه , يبقي في مشكله في البالونه و ما تقلقش , البالونه سهل اكتشاف عيوبها و هي اما تكون في بارومه في الغطاء الحديدي و اتخرمت و بالتالي الهواء بيهرب وده احتمال مستبعد نظرا لانها جديده ( حسب ما فهمت) , الاحتمال التاني انه يكون حصل ان القربه المطاط فيها مشكله و بالتالي سربت مياه داخل الغطاء الحديدي , السبب التالث و الأخير هو ان البيه السباك ما نفخش البالونه هواء , فا بالتالي هنا حضرتك اكتر واحد يكون عارف هو طلعها من الكرتونه علطول و لا راح لبتاع العربيات ينفخها هواء الأول , لو ده ما حصلش يبقي سيادتك تفكها و تروح تنفخها عند ضغط 40 .

تفكها ازاي؟ اولا هتقطع الكهرباء عن الموتور , و بعدين تقفل المحبس اللي بين الخط العمومي و الموتور ( خط السحب ) , و بعدين تفتح الحنفيات السفليه عندك في البيت لغايه ما المياه( تخلص خالص) و ده مهم جدا و تسيبها مفتوحه , و بعدين تنزل تحت للموتور و معاك ايناء بلا ستيك خفيف و تجيب كيس نايلون او اكتر من واحد و تلفه حول الموتور الكهربي تحسبا لسقوط بعض المياه , و بعدين تمسك البالونه بكامل يديك ( لو كنت تمتلك قوه جسديه كافيه) و تلفها عكس عقارب الساعه , لو ما عرفتش امسكها بجسمك كله و لفها , هتلا قيها اتفكت و هتسمع صوت هواء بيطلع مه نزول بعض المياه متخافش , لو لقيت كده بيحصل معاك سيبها تخلص و ما تفكهاش للآخر , هات الاناء البلاستيك معاك و حطه تحتها عشان ياخد المياه و تقلل من سقوطها عل الموتور , و بعدين فكها خالص و روح عند بتاع العجل . و لما تيجي تركبها تاني ما تنساش تحط كتان و تلفه علي الزور .

معلش يا باشا دلوقتي انا ساعات بلاقي الموتور عندي فجأة بيشتغل لوحدة ويفصل لوحدة بالرغم من اني مش مشغل الحنفية خالص يبقي دة معناة ان السكس بالف عندي مش شغال ولا دة عادي

[adel1414]

ضرووورى جداا ياجماعة انا ساكن فال13 والمياه ضعيفة اركب كام حصان ولا كاام بالونة انصحونى؟

[tito55555]

الي كل الاخوه الاعزاء الموضوع رائع جدا وما شاء الله علي معلوماتكو
دي من اولي المشاركات لي في المنتدي وكنت عاوز اسال عن مشكله عندي : الموتور بيرفع مياه كويس جدا وضغط المياه تمام وهو موتور صيني للاسف ومعلهوش اوتوماتيك ولا بالونه والمشكله بقي ان والمياه شغاله تفصل مره واحده المهم نزلت بصيت علي الموتور لقيت الموتور فاصل المهم قعد فتره 10 دقايق مثلا وراح شغال تاني وكان الموتور سخن المهم فتحت الموتور وبصيت عليه كنت متوقع الاقي ثرموستات بيفصل الموتور مثلا ويشغله عند درجة حراره معينه ولكن طبعا ملقيتش فيه اي ثيرمستور وكان جواه مكثف فقط متوصل في سكة التغذية ال 220 ومش عارف اعمل ايه ياريت لو حد عنده فكره يدلني وشكرا

[khaledassem]

سيدي الفاضل.. م/ عصام مهني

عندي سؤال بخصوص طلبمات التحضير الذاتي..
انا ساكن في الدور السابع وبالرغم من وجود خزان مياه في سطح العمارة.. الا انه دائما المياه بتنقطع ومفيش امل في التعاون بين سكان العمارة لتغيير المواتير او تغيير قطر المواسير..
انا محتاج استعمل طلمبة رفع مياه خاص بيا .. ولكن المشكلة في ان الجيران في الادوار الاولي معارضين موضوع تركلمبة في المنور عندهم.. فهل تركيب الطلبمة ذات التحضير الذاتي في الدور السابع يحل المشكلة ؟ وما هي نظرية التحضير الذاتي

مع احترامي
وشكرا لوقتك
خالد

[Gelgel2004]

موتور رفع المياه للشقه ....

السلام عليكم ,

عندنا فى العمارة فى مشاكل فى المياه والواحد كل شوية يقعد من غير مياه لمده يومين ثلاثة وده بسبب ان موتور المياه فيه مشاكل , وسباك هو اللى ماسك الموتور وحاسس انه بيبوظه اكتر

وسكان كتير فى العمارة كل واحد جايبلوا موتور خاص بيه "وفى نفس الوقت متوصل على موتور العمارة" فطبعا محدش همه لو حصل مشكله فى موتور العمارة كل واحد عنده موتوره

انا ياجماعه عايز اعرف لو حد عنده معلومات ايه احسن موتور نجيبه للعمارة او ليا انا , وبكام ومنين ؟

ولو حد يعرف شركات بتبقى مسؤلة عن الكلام ده , بدل ما رقبتنا فى سباك هو اللى بيتحكم فينا

السلام عليكم و مساء الخير

انوه لحضرتك ببعض المعلومات المفيده
1/ حاول تخلى العماره كلها على 2 موتور 6 بلونه مثلا و لو ان حضرتك بتقول ان كل واحد مركب موتور - اذن موش هينفع .
الحل
1/ تركب موتور رفع موس سحب .
المعلومات العامة

1/ للاسف اغلب مواتير الكالبيدا اللى بنركبها غلط علشان بنجيب مواتير سحب و دى وظيفتها السحب من طلمبات موش رفع مياه - هيا شغاله بس موش هيا المناسبه
2/ قبل ما نركب الموتور نركب فلتر بلاستيك زى اللى فى الرابط ادناه
http://www.nileup.com//uploads/images/domain-f6529b2749.jpg فلتر على الخط العمومى بهد العداد - بحشوه شبكيه بلاستيكيه لا تحتاج لتغيير.
3/ نركب قبل الموتور شيك بلف ايطالى من ماركه معروفه - يورك مثلا - و لابد و حتما المواسير اللى داخله و خارجه من الموتور تكون قطر واحد و الانسب 3/4 بوصه بولى بروبلين.
4/ ممكن تستغنى عن الاتوماتيك تماما و تركب جهاز الفلوماك و ده لو 3 وظائف
- بديل الاوتوماتيك و مابيتحرقش
- شيك بلف
- بيقطع الكهرباء عن الموتور عند انقطاع المياه لحمايه الموتور من التشغيل الجاف.
يمكنك مراجعه موضوعى على الرابط ادناه
http://www.nilemotors.net/Nile/220280-_-2.html
5/ نرجع للموتور
- الافضا الايطالى البنتاكس - عن تجربه - سعر اقل - جوده الكالبيدا - قلب نحاس -بس الاهم تجيبه موتور رفع موش سحب
واذا استنيت يومين اكون نزلت كتالوج الفرق على المنتدى وتقدر تستفيد اكثر.

كلمنى على الخاص لاى استفسار


دمت بود

[Gelgel2004]

دائره الحمايه

الي كل الاخوه الاعزاء الموضوع رائع جدا وما شاء الله علي معلوماتكو
دي من اولي المشاركات لي في المنتدي وكنت عاوز اسال عن مشكله عندي : الموتور بيرفع مياه كويس جدا وضغط المياه تمام وهو موتور صيني للاسف ومعلهوش اوتوماتيك ولا بالونه والمشكله بقي ان والمياه شغاله تفصل مره واحده المهم نزلت بصيت علي الموتور لقيت الموتور فاصل المهم قعد فتره 10 دقايق مثلا وراح شغال تاني وكان الموتور سخن المهم فتحت الموتور وبصيت عليه كنت متوقع الاقي ثرموستات بيفصل الموتور مثلا ويشغله عند درجة حراره معينه ولكن طبعا ملقيتش فيه اي ثيرمستور وكان جواه مكثف فقط متوصل في سكة التغذية ال 220 ومش عارف اعمل ايه ياريت لو حد عنده فكره يدلني وشكرا

السلام عليكم

اشترى دائره حمايه من ش الجمهوريه او خلى الكهربائى و السباك يركبوها
ودى وظيفتها فصل الموتور عند ارتفاع حراره التشغيل و الاجمل

1/ تركب بلونه لحفظ المياه المضغوطه و مايقعدش الموتور شغال على بطال .
2/ تركب الجهاز فلوماك و ده هيرحك من مشاكل كتير
ارجو مراجعه موضوعى على

http://www.nilemotors.net/Nile/220280-_-2.html

دمت بود

[Gelgel2004]

الطلمبة بالموتور كالبيدا واحد حصان 1180 جنية+ مجموعة البرشر سوتش كالبيدا 225 جنية + عدد 2 بالونة كالبيدا 125 جنية علشان تريح الموتور + جهاز فلوماك يركب على طرد الطلمبة لفصل الطلمبة فى حالة انقطاع المياة (مما يؤدى الى حرق الموتور) وبه مسمار لضبط الضغط المثالى للتشغيل 200 جنية يعنى هذا النظام الكامل ح يعمل 1730 بس ممتاز ومتجرب ومن توكيل كالبيدا بشارع الجمهورية اعتمد على الله وركب وادعيلى

السلام عليكم


اشكر مساهمتك و اود ان اوضح لكم ان الفلو ماك يشتغل اوتوماتيك للموتور و بالتالى انت موش محتاج تركب اوتوماتيك و يمكنك تطبيط فتحه الاوتوماتيك -
ارجو مراجعه موضوعى

http://www.nilemotors.net/Nile/220280-_-2.html

http://www.nileup.com//uploads/images/domain-f6529b2749.jpg فلتر على الخط العمومى بهد العداد - بحشوه شبكيه بلاستيكيه لا تحتاج لتغيير.


و دمت بود

[Gelgel2004]

أنا عندس سؤال
بعد ما حجبت ماتور مضروب من شارع الجمهورية

هجيب كالبيدا 0.5 حصان لشقه في الدور الرابع و الخط مشترك مع العمارة هل هيكفي

و هل مشتملات الماتور كلها موجوده في الشرق الندسية الأوتوماتيك و البالونه عشان شكلهم هما كمان مضرووبين في المحلات العادية و لو مش موجودين أجيبهم منين

إيه هو الfollow mac بالعامية عشان أقول للسباك عليه و هل ده عايز سباك فاهم عشان يركبه و أجيبه أصلي من التوكيل برضه ؟؟

شكراا

السلام عليكم
ارجو مراجعه موضوعى

دمت بود
http://www.nileup.com//uploads/images/domain-f6529b2749.jpg فلتر على الخط العمومى بهد العداد - بحشوه شبكيه بلاستيكيه لا تحتاج لتغيير.

الفلو ماك

http://www.nilemotors.net/Nile/220280-_-2.html

[Gelgel2004]

انقطاع المياه عن موتور رفع المياه

مبروك عليك الموتور
مش هيتأثر لانك بتغذى شقة واحدة
لو انت اشتريت مجموعة مشتملات(بالونة واتوماتيك وعداد ووصلة نحاس ) يبقى هتشغل مفتاح الكهرباء مرة واحدة وتسيبه شغال والبالونة هى اللى هتقوم بموضوع فصل ووصل الموتور اتوماتيك
انما لما المياة تكون قاطعة فى المنطقة ومفيش مياة واصل ليك تفصل مفتاح الكهرباء فورا علشان الموتور ميتحرقش وهو شغال على الفاضى بدون مياة .
وانت مسافر افصل مفتاح الكهرباء بس علشان لو المية قطعت وانت مسافر الموتور ميشتغلش بدون مياة ويتحرق.

وكل سنة وانت طيب
وترجع بالسلامة

السلام عليكم
علشان تحل مشكله انقطاع المياه - راجعموضوعى عن الفلو ماك - اشكرك

http://www.nilemotors.net/Nile/220280-_-2.html

مت بود

[Osama_I]

3000 جنيه دى واسعه شويه
جنابك انزل شارع الجمهوريه او السبتيه - اشترى موتور ساير اسبانى لو لقيته او فيم ايطالى او كلبيدا
المهم ابعد عن الصينى رغم فرق السعر الكبير - لان المواتير الصينى تعبانه جدا جدا - ورغم رخصها لكن حتبوظ وتدخلك فى قرف التصليح وترجع خاضع للسباك

انت على 3 شقق يلزمك موتو 2 حصان - مش اكتر علشان ما تحملش على العداد
هات اتوماتك- اتاكد انه ايطالى اصلى - ما تجبش بالونه- حترميها بعد سنه لان الكاوتش بيضرب والميه بتدخل جواها وبتخلى طعم وريحه الميه تقرف

هات سكس بلف - حتى لو البيه السباك قال لك مالوش لزمه يا بيه - والكلام ده
الاهم بقى - ضحى شويه وخلى اللى حيبيع لك الموتور يدلك على فنى كويس- صحيح اى سباك مبتدئ ممكن يركب موتور بس قلة الخبره حتدفع تمنها بعدين لو الموتور اتحرق لاقدر الله مثلا

الموتور والحاجات دى ممكن تدخل فى 1700 1800 لو كتير ممكن تجيب حصان ونص او تجيب موتورين 3/4 حصان وتركبهم على ماسوره واحده - بس دى عمليه مزعجه فى التركيب والصيانه

اهم حاجه تتاكد ان الخط اللى بتسحب منه ما بيفضاش- المقصود ان الميه لما بتقطع - بيبقى ضعف ضغط مش الخط فاضى - لان لو حصل ده الموتور حيسحب هوا وممكن يتحرق

اهم حاجه لازم يعملها معاك فنى التركيب انه يضبط لك ضغط الدخول والخروج - يعنى امتى الموتور يبدا الشغل ويرفع اد ايه ويفصل امتى
ولو جايبه لل 3 شقق يبقى لازم يجرب والتلاته شغالين مع بعض- ميجربش لك شقه شقه

برضه المهم بعد التركيب تتاكد ان وصلات الصحى كلها عندك سليمه وما بتسربش خصوصا وصلات السيفون- لان التسريب ده بيطول فترة تشغيل الموتور ويقصر عمره
لو عرفتم تتفقوا مع بعض كسكان هاتور موتور واحد واتشاركوا فيه - وممكن يبقى لكل واحد مفتاح تشغيل عنده - بكده استهلاك الكهربا حيتوزع على الكل حسب استخدام كل واحد
حاجه تانيه قبل ما تجيب الموتور- راجع المواسير اللى عندك واتاكد من نضافتها - ولو هى نص بوصه غير ل 3/ 4 بوصه او حتى بوصه- ممكن ده يوفر عليك شرا الموتور- اوتجيب موتور صغير للطوارئ فقط

كلام ممتاز بس ياريت نزود أن الماتور يكون تحضير ذاتى علشان لو الميه قطعت.