عايز اجيب موتور مياه ..لعمارة او لشقة !!!!!

[msafa]

معش يا باشمهندس عصام عندس سؤال
انا كان عندي موضوع في اللينك ده:

http://www.nilemotors.net/Nile/170734-a.html

للأسف العمارة مش متفقة على الموتور الجديد و لفو القديم بس طبعا المية ضعييييييييف جدا

انا قررت اعمل وصلة لوحدي ب موتور لوحدي فهل هيكون برضه 2 حصان؟ انا ان شاء الله ناوي برضه على كالبيدا

انا في الدور ال 12 و ارتفاع الدور 3 متر و في خطين مية، انا هعمل وصلة واحدة و بعدين هعديها من فوق السطح للمنور التاني انا السطح فوقي على طول يعني الارتفاع هيزيد حوالي 3 متر

انا مرة واحد سباك قاللي لما يكون الخط طويل بيحمل حمل شوية على الموتور فبيفضل عمل بلف في نص الخط يعني في الدور السادس مثلا


وآسف للاطالة

http://www.nilemotors.net/Nile/170734-a.html

[mohamedrabia]

والموتور لشقتك (شقتك فى الدور الكام) ولا للعمارة كلها (كام شقة وكام دور)

بس انا هقولك لحضرتك تجيب موتور قد ايه
انما انا معرفش الاسعار

الدور الثالث ليا لودي لان مفيش حد بالعمارة حاليا غيري

[MOSTAFABASAL]

انا كنت جايب الكالبيدا النص حصان ب 580 جنيه وانا في الدور الرابع

[abo_hosni]

شوف الموضوع ده http://www.nilemotors.net/Nile/57769-a.html

انا اشتريت كالبيدا 0.45 حصان بالأوتوماتيك و البالونة و العداد كله بـ 670 أو 760 جنيه مش فاكر و السباك خد بمستلزمات التركيب 180 جنيه
و أنا عملتله وصلة الكهرباء بمفتاح في حمام الشقة اللي فوق و خرمت في الحيطة خلال شاسيه المفتاح نفسه و عديت السلك من المسقط بحيث مافيش أي سلك يظهر داخل البيت.
و الموتور ده بيرفع مياه لارتفاع أقصاه 41 متر و يقدر يوفر تدفق مياه بمعدل أقصاه 2.3 متر مكعب/دقيقة . طبعاً العلاقة بين الارتفاع و معدل التدفق عكسية في منحنى و الكلام ده بيبقى موضح على الموتور
يعني مش القدرة الحصانية بس هي المعيار عند شراء الموتور و ياريت ما تخليش سباك يقنعك بحاجة تخالف تفكيرك السليم. ياريت يكون دور السباك هو التركيب فقط و ليس الفتوى
حالياً احنا في الدور الأول علوي و البيت 3 أدوار علوي كل دور شقة واحدة، و الموتور ده كافي جداً للوضع اللي عندنا.

ودى هدية منى ليك، عن طريقة ولوازم تركيب الموتور الكهربائى بالبالونة والأوتوماتيك

[mohamedrabia]

انا اشتريت كالبيدا 0.45 حصان بالأوتوماتيك و البالونة و العداد كله بـ 670 أو 760 جنيه مش فاكر و السباك خد بمستلزمات التركيب 180 جنيه
و أنا عملتله وصلة الكهرباء بمفتاح في حمام الشقة اللي فوق و خرمت في الحيطة خلال شاسيه المفتاح نفسه و عديت السلك من المسقط بحيث مافيش أي سلك يظهر داخل البيت.
و الموتور ده بيرفع مياه لارتفاع أقصاه 41 متر و يقدر يوفر تدفق مياه بمعدل أقصاه 2.3 متر مكعب/دقيقة . طبعاً العلاقة بين الارتفاع و معدل التدفق عكسية في منحنى و الكلام ده بيبقى موضح على الموتور
يعني مش القدرة الحصانية بس هي المعيار عند شراء الموتور و ياريت ما تخليش سباك يقنعك بحاجة تخالف تفكيرك السليم. ياريت يكون دور السباك هو التركيب فقط و ليس الفتوى :b4_039:

مجهود رائع ميرسي لاهتمامك

[fire333works]

السلام عليكم ..أنا مش عارف اللى هقوله ده هيفيد حد ولا لأ ...أنا فى نفس قصة إحتياج عمارتنا لطلمبة ميه و بعد البحث على المنتدى وبالذات الموضوع ده ..توكلت على الله و إشتريت طلمبة كالبيدا 2 حصان تحضير ذاتى .. من شركة عبد الحميد توفيق بتاريخ 16/8/2010. لسه هيركب بإذن الله فى خلال اليويمن دول فهقول ملاحظات بسيطة كده قبل ما أقولكم على الأداء_ علما بأن العمارة 12 دور _24 شقة _ والماسورة الرئيسية بعيدة عن العمارة 8 متر

_ التوكيل الشرق الهندسية ((عبد الحميد توفيق)) مكان محترم جدا جدا .حتى ساعتها كان فيه مشكلة من أحد العملاء و إبن صاحب التوكيل نزل يتفاهم معاه بكل أدب وإحترام وحل المشكله بسهولة
_ الطلمبة كان تمنها + ضريبة المبيعات = 3640 جنيه مصرى و ده أغلى حبة من أى مكان تانى فى شارع الجمهورية بمبلغ لا يقل عن 200 جنيه و مش عارف ليه واللى خلانى مسترخصش نصيحة الأعضاء المكرمين عشان ملبسش فى مضروب
_ الطلمبة معاها ضمان سنة ضد عيوب الصناعة ..وسالت واحد من العملاء كان بيصلح طلمبة تبعه برده عندهم قالى إنهم محترمين جداااا فى التعامل و الأسعار
_ جبت كمان مع الطلمبة بالونتين و طقم نحاس و مفتاح أتوماتيك و عداد ضغط عملوا كل دول 320 جنيه تقريبا

ويارب أكون أفدتكم

[hemeds82]

مهندس عصام ازي حضرتك انا الحمد لله اشتريت كالبيدا 0.75 حصان بمستلزماتة بس كل اللي تحتي واللي فوقي جابو كالبيدا 1 حصان هل دة ياثر علي المياة اللي بتيجي ليا ولا مالهوش دعوة سؤال تاني بعد اذنك هل المفتاح بتاع الكهرباء اسيبة شغااال علي طول ولا المفروض لما ضغط المياة كويس اقفلة وان شاء الله انا هسافر اسبوعين بعد العيد المفروض اعمل اية علشان اتجنب ان المروحة تقف والموتور مايشتغلش (بيقولو الموتور يقفش ) واسف علي الاطالة

[م. عصام مهنى]

مهندس عصام ازي حضرتك انا الحمد لله اشتريت كالبيدا 0.75 حصان بمستلزماتة بس كل اللي تحتي واللي فوقي جابو كالبيدا 1 حصان :_alshmokh08[1]:هل دة ياثر علي المياة اللي بتيجي ليا ولا مالهوش دعوة سؤال تاني بعد اذنك هل المفتاح بتاع الكهرباء اسيبة شغااال علي طول ولا المفروض لما ضغط المياة كويس اقفلة وان شاء الله انا هسافر اسبوعين بعد العيد المفروض اعمل اية علشان اتجنب ان المروحة تقف والموتور مايشتغلش (بيقولو الموتور يقفش ) واسف علي الاطالة

مبروك عليك الموتور
مش هيتأثر لانك بتغذى شقة واحدة
لو انت اشتريت مجموعة مشتملات(بالونة واتوماتيك وعداد ووصلة نحاس ) يبقى هتشغل مفتاح الكهرباء مرة واحدة وتسيبه شغال والبالونة هى اللى هتقوم بموضوع فصل ووصل الموتور اتوماتيك
انما لما المياة تكون قاطعة فى المنطقة ومفيش مياة واصل ليك تفصل مفتاح الكهرباء فورا علشان الموتور ميتحرقش وهو شغال على الفاضى بدون مياة .
وانت مسافر افصل مفتاح الكهرباء بس علشان لو المية قطعت وانت مسافر الموتور ميشتغلش بدون مياة ويتحرق.

وكل سنة وانت طيب
وترجع بالسلامة

[hemeds82]

مبروك عليك الموتور
مش هيتأثر لانك بتغذى شقة واحدة
لو انت اشتريت مجموعة مشتملات(بالونة واتوماتيك وعداد ووصلة نحاس ) يبقى هتشغل مفتاح الكهرباء مرة واحدة وتسيبه شغال والبالونة هى اللى هتقوم بموضوع فصل ووصل الموتور اتوماتيك
انما لما المياة تكون قاطعة فى المنطقة ومفيش مياة واصل ليك تفصل مفتاح الكهرباء فورا علشان الموتور ميتحرقش وهو شغال على الفاضى بدون مياة .
وانت مسافر افصل مفتاح الكهرباء بس علشان لو المية قطعت وانت مسافر الموتور ميشتغلش بدون مياة ويتحرق.

وكل سنة وانت طيب
وترجع بالسلامة

شكرا علي الرد يا باشا وحضرتك طيب وبالصحة والسلامة

[fire333works]

معلش أسف على التداخل مع صاحب الموضوع بس أستأذن المهندس عصام فى سؤال ...أنا كنت إستريت الكالبيدا ال 2 حصان لعمارة 12 دور _24 شقة ..بعد تركيب الموتور أدائه كويس جدا ((علما بإنى ركبتله 3 بالونات بناءا على نصيحة السباك)) لاحظت إنه بيفصل بعد فترة كبيرة نسبيا (أوقات يشتغل بال20 دقيقة متواصلة على ما يفصل) فهل ده عادى ؟؟ سؤال تانى عندنا المنطقة بيقطع فيها الميه كتير فهل فيه حل أخر غير إن أفصل كهربا الموتور((وقت إنقطاع الميه)) عشان البواب ساعات بيبقى ضارب حاجة تقريبا ومش بياخد باله ..أو مثلا علامة سهلة جدا أفهم بيها البواب عشان برده ساعات مش باخد فى بالنا أصلا إن الميه قاطعه وهو شغال على الفاضى

[MMamdouh]

سبب طول مدة التشغيل هو عدد البالونات الكتير... الموتور بياخد وقت طويل على ما يملا البالونات التلاتة بالمياه

انا شايف انهم كتير جدا على شقة واحدة... احنا عمارتنا 6 ادوار و الموتور بتاعها ببالونتين فقط و انا موتورى الشخصى ببالونة واحدة

MMamdouh

[fire333works]

__سبب طول مدة التشغيل هو عدد البالونات الكتير... الموتور بياخد وقت طويل على ما يملا البالونات التلاتة بالمياه

انا شايف انهم كتير جدا على شقة واحدة... احنا عمارتنا 6 ادوار و الموتور بتاعها ببالونتين فقط و انا موتورى الشخصى ببالونة واحدة__

لأ يا فندم الموتور للعمارة كلها مش ليا لوحدى بس

[MMamdouh]

انا افتكرت الموتور ليك لوحدك... كدة يبقى طبيعى ان الوقت يبقى كبير

الموتور ابو بالونة بيملاء البالونة بالمية لحد ضغط معين بيحددة ضبطة الاوتوماتك... و بما ان الموتور راكب علية 3 بلالين يبقى الوقت اللى حياخدة الموتور كبير عشان يملاء البلالين دى... ضيف على كدة احتمال ان حد من السكان يكون فاتح المية اثناء ملء البلالين و بالتالى دة بيساهم فى اطالة المدة اللى بياخدها الموتور فى العملية دى

MMamdouh

[م. عصام مهنى]

معلش أسف على التداخل مع صاحب الموضوع بس أستأذن المهندس عصام فى سؤال ...أنا كنت إستريت الكالبيدا ال 2 حصان لعمارة 12 دور _24 شقة ..بعد تركيب الموتور أدائه كويس جدا ((علما بإنى ركبتله 3 بالونات بناءا على نصيحة السباك)) لاحظت إنه بيفصل بعد فترة كبيرة نسبيا (أوقات يشتغل بال20 دقيقة متواصلة على ما يفصل) فهل ده عادى ؟؟ سؤال تانى عندنا المنطقة بيقطع فيها الميه كتير فهل فيه حل أخر غير إن أفصل كهربا الموتور((وقت إنقطاع الميه)) عشان البواب ساعات بيبقى ضارب حاجة تقريبا ومش بياخد باله ..أو مثلا علامة سهلة جدا أفهم بيها البواب عشان برده ساعات مش باخد فى بالنا أصلا إن الميه قاطعه وهو شغال على الفاضى

الأخ الفاضل :
الموتور 2 حصان دى قليل على 24 شقة وبالتالى فان البالونات بتاخد وقت كتير علشان تتملى ودى بيخلى الموتور يشتغل كتير لان البالونات مش بتلحق تملى مع الاستهلاك الموجود .
المفروض ان 24 شقة تاخد مية 160 لتر/دقيقة عند 50 متر رفع بمعدل ان كل شقة تاخد متوسط 7 لتر/دقيقة بضغط واحد بار على الاقل ودا لانى بافترض ان كل الشقق فاتحة المية فى وقت واحد ودا وارد ، طيب الحل ايه
اجيب اتوماتيك ضغط عالى من 4-8 بار وازود بالونة كمان واضبط الاتوماتيك على الفتح على 4 بار والفصل على 6 بار بحيث اننى اقلل الفترة اللى بين الفصل والوصل
لان الاتوماتيك اللى عند حضرتك ممكن يكون 2-4 بار اللى هو العادى ودى قليل على عدد الشقق 24

تقبل تحياتى
وكل عام وانتم بخير

[amr5500]

[overline] [/overline][overline][/overline][overline]
السلام عليكم ورحمه الله وبركاته

كل عام وحضراتكم طيبين


لو سمحت كنت عايز اسال عن ماتور مناسب
انا في الدور الاول علوي والعماره 6 ادوار كل دور شقتين
الحقيقه الميه ضعفت جدا في الايام الاخيرة وكنت عايز اشتري طلمبه مناسبه
مع العلم ان حوالي 7 شقق مشتركين في موتور وبعض الشقق كل شقه ليها طلمبتها الخاصه
انا كنت عايز اعرف قدرة الطلمبه المناسبه بالنسبه لي
مع العلم اتي عايز اضعها في البلكونه فهل يمكن الاستغناء عن البالون لان حجمها كبير
مصدر الميه يبعد حوالي 6 متر افقي و3 متر راسي
ارجو من حضرتك افادتي بخبرتك
وجزاك الله كل خير علي مجهودك

تحياتي
[/overline]