الرئيس محمد نجيب - دعوه للحوار الجاد المثمر

[MTAK]

الاخوه الاعزاء

الايام الاخيره حالتى كانت عامله زى كل الناس تقريبا

قرف و هم و نكد من اللى بيحصل و بنشوفه , و الواحد مش عارف مين الصح و مين الغلط

و خناقات كتير على المنتدى و فى العمل و فى اى جلسه حوار

كل واحد حاسس انه هو الصح و الاخرين يا ريت كان فاكرهم غلط المشكله انه بيعتبرهم حمير و مش فاهمين

و طالما بتشتم الاخوان يبقى انت كويس و فاهم (الا من رحم ربى)

المهم فكرت الواحد ليه مايدورش فى الماضى و يطبق مقوله الماضى انعكاس للحاضر

طيب ابتدى منين , طبعا السلخ اللى على الاخوان و اللى هما كمان بيزودوه باللى بيحصل فكرت ابتدى من بدايتهم

بس حاجه لمعت فى رأسى

لقد كان لنا رئيس يدعى محمد نجيب و لم اجد اى معلومه عنه سوى انه تم اعتقاله و سجنه فى بيت بالمرج حتى وفاته سنه 1984

اى انه فضل معتقل ثلاثه عهود رئاسيه , و لم يتكلم احد عن التهمه و لم اجد معلومه

رجعت الى ارشيف الجرائد فوجدت ما هالنى

بحثت عن كتابه الذى يعد مذكراته (كنت رئيسا لمصر) فوقف شعرى مما قرأت الى الان

و لانى لست من اتباع سماع طرف واحد فاعذرونى لن انقل ما حصلت عليه حتى نسمع اراء الناس الخبراء بيننا فى المنتدى

و اخض بالذكر صديقنا mahora لما لمست لديه من ثقافه عاليه و موسوعيه

و اتمنى ان يكون الحوار حول

محمد نجيب الرئيس ........ لماذا تم سجنه و ما له و ما عليه

[fepsceasar]

اولا ده القسم الاجتماعى والموضوع ده هيقلب خناقة غالبا
ثانيا محمد نجيب اتسجن لانه كان منافس لعبد الناصر وكان من انصار الديمقراطية وكان محبوب
ثالثا الاخوان مش ابرياء تماما لانه لما كان محمد نجيب فى الحكم كانت اللجنة اللى اتشكلت لوضع دستور (1954) بما فيها من اخوان (لما كانوا سمنة على عسل) مع عبد الناصر
قالوا تبقى مصر دولة برلمانية ..لان ده كان هوى عبد الناصر ساعتها لانه كان رئيس الوزراء
رابعا: هل اختلاف الاخوان مع عبد الناصر كان خلاف على قيم ومبادئ ولا على حتة من التورتة استكترها عليهم عبد الناصر؟؟

[MTAK]

اولا اشكر لك اهتمامك و ردك

ثانيا : انا ممكن انقله الشارع المصرى , بس حسيت انى موضوع تاريخى

ثالثا : انا لم اضعه ليقلب بخناقه و لا حاجه , غايتى هو المعرفه و لا دائما التاريخ يكتبه المنتصر فأحببت ان انبش فى التاريخ يمكن نعرف حاجات تانيه تفيدنا فيما بعد

لم اضع هذا الموضوع علشان الاخوان او شئ من هذا القبيل

كما ذكرت اريد المعرفه و كما احسست عندما قرأت مذكرات محمد نجيب ان التاريخ يعيد نفسه و لكن للأسف لم نتعلم منه الى الان

[w-m-a]

الكتاب ده اكثر من رائع
انا مبفوتش وقت فراغ من غير ماقرأ فيه شويه
وعلشان حضرتك توصل لنتيجه مرضيه فى الحكم
راجع كتب
البحث عن الذات لانور السادات
سيده من مصر جيهان السادات
اعترافات اعتماد خورشيد (وان كان لى تحفظ عليه )
الطريق الى زمش لمحمود السعدنى
سنه اولى سجن لمصطفى امين
غير عشرات الكتب للمنتمين للاخوان
وكده ممكن تحكم برؤيه جيده
بس محمد نجيب مفيش سبب يخليه يكدب
وخاصه انه كتب الكلام ده وهو على فراش الموت

[w-m-a]

فى كمان جزء فبراير ومارس 1954
تقريبا كأنك بتقرأ جرنال النهارده

[MTAK]

فى كمان جزء فبراير ومارس 1954
تقريبا كأنك بتقرأ جرنال النهارده

بالضبط

و انا اتابع الاهرام منذ حادث المنشيه و حتى اعتقال محمد نجيب حدث لى شئ فى عقلى مما اقرأ

و انا ارى كتابه و الجزء الخاص بما بعد فاروق و ماذا سيفعلون معه بقيت

من الذى قال ان التاريخ يعيد نفسه حتى اعطيه جائزه و ايضا جائزه لبن جوريون (على ما اذكر) حينما قال ان العرب لا يقرأون

مش عاوز اقول لحضرتك انا تقريبا قرأت اكثر من 40 % من الكتاب منذ امس فقط و العيال بتنطط حولى و لا حاسس بهم بتاتا

كنت قرأت منذ فتره طويله

البحث عن الذات

سيده من مصر

اعترافات اعتماد خورشيد (معك فى تحفظك )

و لكنى اظننى محتاج اقرأ من اول و جديد

[fepsceasar]

اولا اشكر لك اهتمامك و ردك

ثانيا : انا ممكن انقله الشارع المصرى , بس حسيت انى موضوع تاريخى

ثالثا : انا لم اضعه ليقلب بخناقه و لا حاجه , غايتى هو المعرفه و لا دائما التاريخ يكتبه المنتصر فأحببت ان انبش فى التاريخ يمكن نعرف حاجات تانيه تفيدنا فيما بعد

لم اضع هذا الموضوع علشان الاخوان او شئ من هذا القبيل

كما ذكرت اريد المعرفه و كما احسست عندما قرأت مذكرات محمد نجيب ان التاريخ يعيد نفسه و لكن للأسف لم نتعلم منه الى الان

لكن بما انك طرحت الموضوع وانا اساسا باحث فتقبل منى مشكلة فى طرحك وهى ان لو الاخوان وحشين يبقى عبد الناصر حلو او العكس، انا رايي ان الطرفين لهم اخطاء قاتلة فى تكوين نظامهم

[MTAK]

لكن بما انك طرحت الموضوع وانا اساسا باحث فتقبل منى مشكلة فى طرحك وهى ان لو الاخوان وحشين يبقى عبد الناصر حلو او العكس، انا رايي ان الطرفين لهم اخطاء قاتلة فى تكوين نظامهم

يا سيدى الفاضل ليس هناك مشكله

الموضوع فتحته للأستفاده من خبرات اشخاص مثلك (بما انك باحث)

القصه ليست مين الحلو و مين الوحش , لانى مقتنع ان مفيش حد او فصيل حلو على طول الخط او سئ على طول الخط

القصه و ما فيها معرفه جزء مغيب عن معظمنا و الاستفاده منه فى حاضرنا

[A.Saad]

وفي عام 1929 تعلم محمد نجيب درسا من مصطفى النحاس، فقد أصدر الملك فؤاد قراره بحل البرلمان لأن أغلبية أعضائه كانوا من حزب الوفد الذي كان دائم الاصطدام بالملك فتخفى في ملابس خادم نوبي، وقفز فوق سطح منزل مصطفى النحاس، وعرض عليه تدخل الجيش لإجبار الملك على احترام رأي الشعب، لكن النحاس قال له: أنأ أفضل أن يكون الجيش بعيدا عن السياسة، وأن تكون الأمة هي مصدر السلطات، كان درسا هاما تعلم من خلاله الكثير حول ضرورة فصل السلطات واحترام الحياة النيابية الديمقراطية، وهو الدرس الذي أراد تطبيقه بعد ذلك عام 1954.

حددت هذه الأزمة تاريخ مصر إلي الآن، فلم تكن أزمة مارس مجرد صراع علني علي السلطة بين اللواء محمد نجيب وأعضاء مجلس قيادة الثورة بل كانت الأزمة أكثر عمقا، كانت صراعا بين اتجاهين مختلفين اتجاه يطالب بالديمقراطية والحياة النيابية السليمة تطبيقا للمبدأ السادس للثورة (إقامة حياة ديمقراطية سليمة)، وكان الاتجاه الآخر يصر علي تكريس الحكم الفردي وإلغاء الأحزاب وفرض الرقابة علي الصحف.

“العبارة الأخيرة التى قالها فاروق لى: "ليس من السهل حكم مصر". ساعتها كنت اتصور أننا سنواجه كل ما نواجهه من صعوبات الحكم باللجوء للشعب, لكننى الان أدرك ان فاروق كان يعنى شيئا اخر.. لا أتصور أن احدا من اللذين حكموا مصر أدركوه, وهو ان الجماهير التى ترفع الحاكم الى سابع سماء هى التى تنزل به الى سابع أرض .. لكن.. لا أحد يتعلم الدرس.”

[yaserbasha2000]

للاسف التاريخ فعلا يكتبه المنتصرون

انا قريت في الفترة دي كتب كتير للسادات و هيكل و جمال حماد و نجيب و كتب للمحسوبين علي الاخوان

المشكله ان المصريين تلاقيهم مطلعين نفسهم ملائكه في مذكراتهم و صعب جدا انك تعرف حقيقة الامور من مذكرات الفتره دي لانك بتلاقي الكلام و عكسه تماما لي لسان اخر

اللي وقع في نفسي ان الصراع بين نجيب و بقيه الضباط في مجلس قياده الثورة كان صراع سلطه و صراع رؤيه و صراع اجيال و كان عامل الحسم فيه للقوه و الشباب اللي شافوا انهم اللي خططوا و نفذوا الانقلاب العسكري و انهم احق بالحكم و تنفيذ رؤيتهم و عدم قصر الانقلاب علي حركه اصلاحيه

المجمل ان جمال عبدالناصر انحاز للناس و قدر يحول الانقلاب لثورة حقيقيه غيرت في النظام الاقتصادي و الاجتماعي و السياسي و الطبقي و كان عصره عصر انجازات و عمل و مشاريع كتير وده اللي باقي له بعد 40 سنه من موته و يذكره اهالينا اللي عاشوا في الفترة دي بالخير لحد دلوقتي

و طبعا كانت له اخطاء فادحه و مثل تولية اهل الثقه علي حساب الكفاءة و محو كل ما هو معارض و الانفراد بالحكم دون سماع رأي معارض مما و لد روح النفاق للحاكم بشكل كان غير موجود في العهد الملكي حتي و صلت أخطاءه لكارثه في 67

و لخص احمد فؤاد نجم - اللي سجنه عبدالناصر- الكلام ده في كام بيت شعر ضمن قصيده بعد موت عبدالناصر قال فيهم:

عمل حاجات معجزه و حاجات كتير خابت
و عاش و مات وسطنا
على طبعنا ثابت
و ان كان جرح قلبنا كل الجراح طابت

الكلام ده لعموم المصريين وغالبيتهم لكن بالنسبه للناس اللي اضيرت في عهده زي ملاك الاراضي الزراعيه و الاقطاعيين و اصحاب رؤوس الاموال و الاخوان و الاحزاب فطبعا مش بيغفروا لعبدالناصر اخطاءه ومش بيشوفوا غير عيوبه

[MTAK]

اشكرك يا استاذ احمد على الاقتباسات من الكتاب و تلك تؤكده ما ذكرته فى البدايه ان التاريخ يعيد نفسه

و بصراحه اكتر جننتنى العباره الاخيره

لانى سمعتها كتير اوى الايام دى و لكن على لسان مبارك بيقولها لمن حوله و من قابلته يرددها زايط بها فى ان مبارك له من الحكمه الكثير لقول تلك العباره

ايضا هناك الكثير من اقوال ان فاروق تنازل عن العرش حتى يحقن دماء المصريين و ايضا تشبيه مبارك بكده

و لكن ما قرأته حاجه تانيه خالص

عموما طالما بدأنا بالاقتباس من الكتاب فاسمحوا لى بتلك الاقتباسه

[A.Saad]

اللى سمعت انه من اصدق المذكرات ولكن للأسف لم أقراها مذكرات خالد محى الدين

صاحب الموضوع بيثير نقطة هامة
ازاى اتحول اصدقاء الامس الى اعداء اليوم وحدث بينهم صراع على السلطة
وازاى انهزم دعاة الديمقراطية ودخلت البلد فى ديكتاتورية كلفتها الكثير
الغلبة بتكون للأقوى
المجلس كان أقوى من الرئيس محمد نجيب
ولما الشعب وقف جنبه لم يستعمل الشر وفضل الخير
لكن الاخرين استعملوا الشر فى التخطيط ضده للاستمرار فى الحكم واقصائه
واللى عرفته ان الكرسى مغرى
وعمرك ما تثق بسياسى له طمع فى السلطة مهما وعد

[A.Saad]

اشكرك يا استاذ احمد على الاقتباسات من الكتاب و تلك تؤكده ما ذكرته فى البدايه ان التاريخ يعيد نفسه

و بصراحه اكتر جننتنى العباره الاخيره

لانى سمعتها كتير اوى الايام دى و لكن على لسان مبارك بيقولها لمن حوله و من قابلته يرددها زايط بها فى ان مبارك له من الحكمه الكثير لقول تلك العباره

ايضا هناك الكثير من اقوال ان فاروق تنازل عن العرش حتى يحقن دماء المصريين و ايضا تشبيه مبارك بكده

و لكن ما قرأته حاجه تانيه خالص

عموما طالما بدأنا بالاقتباس من الكتاب فاسمحوا لى بتلك الاقتباسه

قصة تنازل فاروق عن العرش حقناً للدماء مش خيالية بغض النظر عن ربطها بمبارك
لأن فاروق كان فى الاسكندرية فى شهر يوليو ككل عام
ولما الجيش قرب من القصر أو أبتدى يدخله
الحرس الملكى تصدى له حصل تبادل لاطلاق النيران ولكن فاروق امر بايقافه وقال مش هسمح انكم تضربوا بعض بالنار هو انتوا بتضربوا على انجليز
وانا كنت عامل موضوع قريب عن الحادث ده ممكن ترجع له للتفاصيل لو تحب

[A.Saad]

[Khaled Online]

اسمحلي أقول رأيي وهو اجتماعي بحت ملوش علاقة بالسياسة
الرئيس جمال عبد الناصر عيبه الأكبر هو قتله لروح المعارضة والاختلاف في نفسية الشعب المصري. الشعب المصري من ساعتها وسامحوني بيتعامل من الجيش والقيادات اللي مسكت البلد من 1952 لحد 2011 على إنه بيبي وملوش يتكلم. والنتيجة إن بعد ما الناس فاض بيها وعملت الثورة مابقاش حد عارف يعترض ويحترم اللي جمبه في نفس الوقت. عشان مش متعودين نختلف. متعودين ناخد الأوامر من غيرنا نتكلم في إيه ومنتكلمش في إيه وشكرا

باختصار هو خلى الشعب جسد بلا روح. ومابانش الكلام ده إلا بعد فوات الأوان وبالمقارنة مع شعوب تانية كانت حالتها أسوأ مننا ألف مرة وخارجين من الحرب العالمية متبهدلين بس شوفهم دلوقتي فين وإحنا فين.

ممكن نسامح الظلم لكن قتل روح الابتكار والفردية عند شعب بحاله محتاجة وقفة