الرئيس محمد نجيب - دعوه للحوار الجاد المثمر

[MTAK]

اشكر لك ردك قبل اى شئ
و اختلف معك فى مسأله نقاش لا هيودى و لا هيجيب و جدالات و ما ذكرته

حضرتك بتذكر وجهة نظرك و التى احترمها و المفروض ان الكل كذلك بغض النظر عن الاتفاق معها او الاختلاف

و الميزه فى وجهة نظرك و التى لم التفت اليها الا مؤخرا للأسف (لم اكن متابع جيد ) انها مبنيه على قراءت مستفيضه (كما اراها و كما ذكرت من قبل ) و ليست مبنيه على سمع و عاطفه و اجتهاد مع الميل العاطفى

لذا اراها مفيده , حتى ان خالفتها

انا لا يهمنى ان اصل انا فقط الى نتيجه و لكن اريد ان اثرى الموضوع عسى ان يستفيد شخص اخر و لو حتى بكلمه ذكرت فيه

فى النهايه احترم وجهة نظرك فى موضوع الكتابه

[Imhotep]

حاضر يا سيدى الفاضل.... نزولا على رأيك الكريم..... انت عايز تعرف من الاخر احنا رايحين فين و جايين منين..... نرجع لورا شوية كتير و نشوف...... و نسيب التاريخ يدل خطواتنا مما نستخلصه من عبره...... و هرجعلك لغاية يادوبك العصور الوسطى..... لانها كانت مفترق طرق لشعوب و كتل بشرية كتير...... الخلاصة لعصور اوروبا الوسطى هتلاقيها فى مشاركتى رقم 25 من الموضوع ده:

http://www.nilemotors.net/Nile/291362-a-3.html

طيب و احنا؟ احنا للاسف جه واحد و احتل بلدنا 300 سنة (من 1517-1805) و ده لسبب واحد..... انه عمل حيلة لطيفة جدا..... انه كرر اللى عمله من قبله الاسكندر الاكبر قبلها ب 2000 سنة لما عشان يخلى حكمه لمصر شرعى قام اعلن نفسه ابن لامون..... فبعد موقعة الريدانية سليم الاول دخل مصر و عرف الناس بيه انه مسلم زيهم و كمان سنى..... هيصوا و هتفوا له..... و ذهبوا المماليك و اتى العثمانيون 300 سنة

مع ترنح الدولة العثمانية مع الوقت و الفساد اللى دب فى اوصالها..... و مع نداءات اليقظة لدخول عصر جديد اللى تمثلت فى الحملة الفرنسية..... جه محمد على..... خد بأسباب العلم و بعت بعثات للخارج (مش قال عايز يعرب العلوم زى ما ناس اصحابنا كتبوا فى دستورهم.... قال يعنى شماليل قوى و بيقودوا قاطرة العلم فى العالم عشان كده عايزين كل حاجة تبقى بلغتهم) و عرف مفاتيح التقدم و عوض ال 300 سنة جمود و تخلف عن ركب العلم السابقين بتوع حكم العثمانيين..... لكنه ارتكب خطأ قاتل.... سمعت قبل كده عن مبدأ مونرو؟ جيمس مونرو هو خامس رئيس لامريكا..... و جه بعد ثورتهم بكام و عشرين سنة يعنى البلد كانت لسه فى اولها..... فعمل مبدأ للسياسة الخارجية خلاصته ان امريكا مش هتتدخل فيما حولها من شئون العالم الا لما تكتمل لها اسباب القوة اللى تخليها تتدخل عشان تأثر فى هذه الشئون...... عارف المبدأ ده استمر سارى لغاية امتى؟ لغاية الحرب العالمية الاولى يعنى بعدها ب 100 سنة و ساعتها لما امريكا اتدخلت كانت تملك من اسباب القوة ما يجعلها تؤثر...... محمد على بقى غلطته كانت انه استعجل على الطبخة..... الحلم الامبراطورى اخذه و خلاه يحلم يكون وريث الامبراطورية العثمانية رجل اوروبا المريض و اللى فى نفس الوقت كان بينافسه على تركتها القوى العظمى الاخرى فى ذلك الوقت و بالاخص بريطانيا...... و لانه استعجل و طلع يتوسع بره بلده بدرى زى ما قلنا فكان من السهل على الامبراطورية اللى لا تغيب عنها الشمس و كانت مازالت فى اوج قوتها انها تقود تحالف دولى ضده رجعه تانى لحدود مصر مقهورا مدحورا بعد ما حسسهم بتهديد حقيقى..... و استمر حكم الاسرة العلوية 100 سنة كمان بعد محمد على بقوة دفع انجازاته ليس الا......

نيجى لثورة 52...... حركة من ضباط صغار فى السن طموحين عندهم رغبة فى التغيير و نفذوها فى شكل انقلاب عسكرى الذى تحول الى حركة مباركة (كبداية لتسويقها للشعب) ثم انتهى الى ثورة لما فترة العك و صراعات السلطة خلصت و الناس لقت رمز تلتف حوله فى شخص جمال عبد الناصر..... احلام التحرر و الظروف الدولية و كمان الرغبة الحقيقية على الاقل فى البداية فى الاصلاح ساعدت ناصر فى ان الناس تلتف حوله اكتر و اكتر..... العدوان الثلاثى و اندحاره...... قوانين الاصلاح الزراعى و الرغبة باللحاق بركب التقدم فى التصنيع و القاهر و الظافر و غيره...... بس برضه و كأنه مش مكتوب يعيشلنا حلم..... عبد الناصر كان زمنه زمن الحاكم الفرد..... و ساعده على كده حب الناس و كاريزمته الشخصية...... و النتيجة نظام شمولى قمعى كان فاكر نفسه حاجة (النظام) و طلع و لا حاجة لما كشفته النكسة

السادات..... حاول يبقى عبد الناصر معرفش..... و لانه كان سياسى بيلعب بالبيضة و الحجر..... ضرب كذا كرسى فى الكلوب لغاية ما الكلوب نفسه وقع على دماغه هو شخصيا و مات بيد من اخرجهم من السجون.... لكن يحسبله انه اخذ قرار حرب اكتوبر اللى ربنا ستر و عدت بسلام و بعدها المفاوضات اللى برضه عدت بسلام لغاية ما خدنا ارضنا تانى بالتيلة.....

مبارك..... بداياته كانت توحى بأنه كأنسان كويس (البدل الصيفى بتاعة الطبقة الوسطى و التاييرات العادية جدا لمراته)..... لكن لان السلطة المطلقة مفسدة مطلقة..... كان ما كان و انتهينا الى ما انتهينا اليه..... و لانه كان محدود الامكانيات..... فلم يكن مميزا على اى صعيد سياسى..... استسلم لفكرة السادات ان 99% من اوراق اللعبة فى يد امريكا و عن طيب خاطر سلم لهم ال 1% الباقى..... داخليا اتعملت حاجات كويسة فى البلد لكن لانها بلا رؤية متكاملة فلم تتماشى مع حجم البلد و فى النهاية الفساد اكل كل شئ.....

وصلنا لثورتنا الاخيرة..... المرة دى كانت من تحت (الناس) لفوق (تغيير قمة النظام) مش زى 52 من فوق (ممثلا فى الجيش) لتحت (لما الشعب اقتنع بيها و ايدها)..... و لان ثورتنا كانت شعبية بلا قائد.... فوصل الى السلطة فى اخر مسارها من كان عنده اجندة و فكرة بيحلم بيها من زمان.....

كل الكلام اللى فات معروف و مفيش فيه جديد..... طب ايه اللى خلانى اكتب المقدمة الطويلة اللى فاتت؟ هو انى هربطها كلها بالاخوان و نظامهم اللى بيبنوه دلوقت و مستقبله كمان.....

الاخوان ككيان مبنية على فكرة..... يعنى حلم..... جميل اوى..... بس من الاساس فى خلل فى تكوين كيانهم ده..... هم حلمهم سياسى..... لكن اليافطة اللى بيسوقوا الحلم ده تحتها هى دينية..... و هنا نيجى لاول خلل و نرجع لاول نقطة انا كتبتها و هى خروج اوروبا من عصورها الوسطى..... طيب يا عم ما ممكن ينطلى الموضوع على المصريين زى ما حصل ايام العثمانيين و يسيبوا الاخوان 300 سنة بسبب انهم بيقولوا قال الله و قال الرسول...... بس المصريين مش عبط و الوعى اتطور و الناس عينيها فتحت...... و النتيجة ان الخدعة دى..... انك تبيع نفسك للناس على انك بتاع ربنا يعنى المفروض عندك اخلاق الدين لكن افعالك مفيهاش غير كل انتهازية السياسة...... مش واكلة مع الناس لانهم فهموا كويس ان كل غرضك الكرسى.....

طيب و الحلم الجميل بتاع الاخوان..... الخلافة..... استاذية العالم..... ميستاهلش ان احنا كشعب نعتنقه معاهم؟ و هو مين ما يبقاش عايز انه يتسيد العالم..... المشكلة الحقيقية هى ازاى..... و هنا نأتى للخلل التانى و هو خطأ محمد على..... الاخوان كل ما يهمهم هو الوصول الى الكراسى فى اى حتة و الاستحواذ عليها بأى ثمن..... يعملوا ايه بقى بالكراسى دى هو ده اللى احنا اكتشفنا انهم ببساطة معندهمش ادنى فكرة عنه..... على رأى اللى قال..... قعدوا 80 سنة بيسعوا انهم يحكموا...... بس فى الطريق نسيوا يفكروا يحكموا ازاى لما يوصلوا..... طيب يا عم الاخوان الحلم بتاعكم العابر للدول ده الله يكرمكم ركزوا بس فى البلد اللى انت مسكتوها و احسنوا ادارة احوالها و بعدين ابقوا كملوا..... لأ..... لا يتطورون و لا تبدوا اى علامات على تطويرهم لميراثهم الفكرى اى بادرة..... الكارثة الاكبر انه حاليا معندهمش اى حد بقامة فكرية كبيرة يقدر يقود التجديد الفكرى المطلوب..... عشان كده هم واقفين عند سيد قطب اللى بدوره اخد من ابو الاعلى المودودى.....

ثم من الاساس..... هل الخلافة كما نشأت مما يزيد على الف سنة قابلة للاستنساخ الان؟ من اكتر من الف سنة نشأت الخلافة بقوة دفع دين جديد و فى ظروف دولية موائمة فيها قوتين عظمتين تتهاويان..... عشان كده نجحت..... شوف بقى ظروفنا دلوقت..... احنا فى سبنسة التقدم البشرى على كل المستويات

طب و الاخوان كنظام سياسى؟ حدث و لا حرج..... بكل نشاط و همة يعملون لاحلال استبداد العسكر السابق بأستبدادهم الخاص بنظامهم المنهمكون فى تأسيس اركانه..... يعنى عاملين كوكتيل ظريف من عبد الناصر (رغم ان المقارنة مش فى محلها اوى الا ان الشاطر هو اللى فيهم بيمشى الامور بطريقة عبد الناصر الحاكم بأمره) على السادات (الانتهازية السياسية و اللعب بالبيضة و الحجر و اللعب على كل الحبال طالما هتوصل و الغاية تبرر الوسيلة) على مبارك ( الافق المحدود و عدم الطموح و الجمود و عدم وجود رؤية قابلة للتنفيذ على ارض الواقع و قلة الحيلة فى الحلول للمشاكل الاجتماعية و السياسية و الاقتصادية).......

طب و النتيجة...... رايحين فين؟ رايحين مطرح ما راحت الثورة الفرنسية اللى احلت دكتاتورية نابليون محل لويس ال 16..... و مطرح ما ستالين استولى على الحكم فى 1924 بعد 7 سنين من قيام الثورة البلشفية (و يا للعجب كلمة بلشفيك معناها الاغلبية :) بعد ازاحة كل معارضيه بالذات من المفكرين امثال لينين و ليون تروتسكى و استمر فى الحكم الى 1953......

طب يا عم مفيش امل خالص؟ الامل فى ان يصلح الاخوان مسارهم و احلامهم و يطوروا ميراثهم الفكرى اولا لكى نرى تغييرا على الارض..... هل ده هيحصل؟ لا اعتقد..... هم متمسكون بأهداب الماضى كما ورثوه و ليس لديهم الرغبة و لا القدرة حتى لتطويره.....

طب و الناس؟ الناس لما هيفيض بيها الحال و مع استمرار تجاهل الاخوان لاثار قراراتهم المتخبطة على الناس..... الناس لما يفيض بيها الحال البلد هتقلب كلها بورسعيد..... بس يا عم ازاى ده الاخوان مؤيديهم كتير و عندهم ميليشيات و بيأخونوا الدولة و بيزرعوا اذرعهم و اتباعهم فى كامل جنباتها..... الاجابة ببساطة هى مش بورسعيد فيها اخوان؟ و ميليشياتهم كمان؟ طب هم فين؟ و هل حد فيهم بيجرؤ دلوقتى يعلن و يجاهر بأخوانيته؟ الطوفان لما بييجى بيزيح..... و المرة الجاية مش هيبقى طوفان سياسة و لا رغبة فى تغيير نظام الحكم..... لأ هيبقى طوفان بلد تحترق بنار نظام الاهل و العشيرة و الجماعة و الاخوة اللى بدل ما يخلصوا النية لله و للوطن مازال اللى فى دماغهم فى دماغهم بالاضافة ان اصلا مفهوم الوطن ده مش فى منظومة معتقدانهم من الاساس..... و بورسعيد سيل صغير و عينة مما يمكن ان يكون

هييجى حد يقولك ايه يا عم الكآبة دى و التحامل الشنيع على الاخوان ده..... انت مش شايف فيهم حاجة عدلة خالص.... ايه التحيز و التحامل ده...... و كمان قبطى..... عشان كده بقى :)

هقول و الله شاهد على ما اقول..... انى رغم اختلافى الكامل مع فكر الاخوان من اساسه الا انى كنت اتمنى لهم النجاح و الفلاح من كل قلبى.... ليه؟ ببساطة لان نجاحهم هو نجاح لبلدى و رخاء و عيشة كويسة لى و لكل مواطنى هذا البلد لان هذا هو ما يستحقونه ..... ده ببساطة موقفى..... لو كانوا اثبتوا كفاءة و كرامة كنت انا شخصيا اول واحد هيعطيهم صوته لكى يستمروا..... و انا كمواطن يهمنى ايه غير راحتى فى عيشتى و راحة بالى على مستقبلى فى البلد اللى عايش فيها؟

هييجى حد يقولك طيب و البديل؟ يعنى انت عايزهم يمشوا طب و ييجى مين مكانهم؟ انت يعنى شايف الساحة مليانة قوى بالسياسيين الشماليل اللى هيصلحوا المايلة؟ الاجابة برضه ببساطة ان انا مش عايز حد بعينه..... المفروض ان الناس هى اللى تحدد..... و تحدد صح..... بس ناخد بالنا..... ان عشان الناس تحدد صح لازم و عيها يكون من النوع اللى لا بيتباع و لا بيتشرى..... و كمان من النوع الناضج الفاهم الدارس..... مش كله بيطجن و يفتى و خلاص بدون علم و لا دراسة...... و طبعا عشان ده يحصل محتاج عشرات السنين...... هيفرحوا الاخوان و محبوهم و يقولك قشطة احنا عاوزين عشرات السنين دى :) هقولهم متفرحوش اوى لان لو معرفتوش تصلحوا من حال البلد على اى مستوى و بسرعة قريب مش هيبقى فى بلد تحكموها اساسا...... اضف الى كده كابوس الوضع الدولى الاقليمى و الاعصار اللى بيتشكل فى الافق......

و فى النهاية...... (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ) و الاية الحكمة دى انا بقولها لنفسى اولا ثم للكل ثانيا..... حاكم و محكومين

استريحت يا سيدى و خليتنى اتكلمت :)
اعتقد دلوقتى هتقول يا ريتك فضلت ساكت احسن :) و انا كمان رأيى كده :) الغريب انه رغم ده كله انا مازال عندى امل...... و رغم الاحباط اللى احيانا بيصيبنى..... الا انى لا افقد الامل فى انصلاح الاحوال..... لان هذا هو ما تستحقه هذه البلد..... و التاريخ لما تدرسه بيقوى جواك الشعور بالامل ده..... لان البلد دى يا ما شافت..... و تاخد كل هودر و هودر و تقف على حيلها تانى و اكتر من كده و ربنا بيزيح :)..... و ده مش لحاجة الا عشان تم ذكرها بالخير فى جميع الكتب السماوية..... دى فى حد ذاتها كفاية

[Imhotep]

نقطة اخيرة بس..... هى انى زى ما انا كتبت رؤيتى.... اللى يحب يعرض رؤيته المغايرة يتفضل..... بس انا و لا عايز اخش فى اقتباسات متبادلة و لا مبارزات فى الردود..... لان زى ما انا قلت قبل كده.... ناس كتير تعرف ارائى من قبل كده.... و انا كمان اعرف اراء و انتماءات ناس كتير برضه من قبل كده و مش هنجر لمعارك جانبية لا لزوم لها..... و احتفظ لنفسى بحق التعامل فقط مع الاراء التى ارى فيها نقاطا موضوعية للمناقشة ..... غير كده يبقى لكم دينكم و لى دين.... عفوا لكم رأيكم و لى رأى :)

[w-m-a]

الاخ العزيز أ/ mahora
صباح الفل
صدقنى احترامى لحضرتك زاد بعد هذا التحليل
وارفع لسيادتك القبعه
تحليل سليم وواقعى
وانا مؤمن به جدا
ومؤيده
ولاجدال فى ذلك
ولا يصدر الا من مصرى وطنى بغض النظر مسلم او قبطى
بس يمكن انا مؤيد شويه لمرسى علشان يكمل
وبعدين نحكم
لو ضايع هيضيع نفسه وجماعته
لو كويس هيرفع البلد ونفسه وجماعته

لكن لى نقطه واحد مع حضرتك الا وهى
البديل
حضرتك عارف العراق بعد الحكومه التوافقيه ضاعت
يبقى ايه الحل
شكرا لحضرتك جدا

[Imhotep]

الاخ العزيز أ/ mahora
صباح الفل
صدقنى احترامى لحضرتك زاد بعد هذا التحليل
وارفع لسيادتك القبعه
تحليل سليم وواقعى
وانا مؤمن به جدا
ومؤيده
ولاجدال فى ذلك
ولا يصدر الا من مصرى وطنى بغض النظر مسلم او قبطى
بس يمكن انا مؤيد شويه لمرسى علشان يكمل
وبعدين نحكم
لو ضايع هيضيع نفسه وجماعته
لو كويس هيرفع البلد ونفسه وجماعته

لكن لى نقطه واحد مع حضرتك الا وهى
البديل
حضرتك عارف العراق بعد الحكومه التوافقيه ضاعت
يبقى ايه الحل
شكرا لحضرتك جدا

شكرا لك انت يا باشا..... صدقنى و انا كمان مع ان مرسى يكمل لنهاية فترته.... ما هو اصل احنا مش كل كام شهر هنغيرهم زى ما بنغير قنوات الدش :)..... خوفى بس من انه بعد 4 سنين ابقى قول على فكرة نزاهة الانتخابات دى يا رحمن يا رحيم..... و ميكافيلية الاخوان اللى شوفنا شواهد كتير عليها تخليهم يظبطوها براحتهم..... بس برضه ساعتها هيبقوا فعلا من الغباء السياسى بحيث انهم بيحفروا قبرهم بأنفسهم لو فكروا يستمروا بغير ارادة الناس.... زى ما كانت انتخابات 2010 هى القشة التى قسمت ظهر مبارك.....

اما بخصوص البديل..... ممكن يكون اى حد مادام هيعرف يقنع الناس برؤية حقيقية لتحسين احوال البلد يختارونه بسببها عن اقتناع فى انتخابات حرة و نزيهة..... مش مجرد عنده اجنده فى دماغه عايز ينفذها من خلال حكم البلد و خلاص يعنى البلد دى بالنسبة له وسيلة و ليست غاية ..... يعنى يخلص النية لله و للبلد و اهلها..... و صدقنى اللى هيخلص النية لله و للبلد دى و ناسها..... مش بس هيحكم العالم..... ده هيخلى البلد فعلا تبقى حاجة تانية خالص و ساعتها هتتوفر لينا كل عوامل القوة الداخلية اللى تخلينا نعمل اللى احنا عايزينه..... بس اللى يفهم و يعى دروس التاريخ و يطور نفسه طبقا للمتغيرات.... ربنا يكرم ان شاء الله لانه زى ما قلت قبل كده..... قد يكون العقل و الواقع و التاريخ بيقولوا اشياء معينة فى اتجاه معين..... لكن الايمان بالله و بالبلد دى و ناسها و ما يستحقونه يخليك دايما عندك امل فى ان تنصلح الاحوال

[MTAK]

ماهر باشا

اعذرنى فى التأخر فى الرد عليك , بصراحه انا زعلان منك بجد

كل ده مخبيه عننا يا راجل و ساكت ( بالمناسبه انت بتشتغل ايه , اصلك المفروض تطلع بدل الخبراء الاستراتجيين اللى بيصدعونا بكلام هما نفسهم مش فاهمينه)
و صدقنى انت مش كاتب زياده و لا حاجه

انا قرأت كلامك حوالى 3 مرات من فرط الاعجاب و التركيز
بعد المقدمه الحلوه دى و انت بصراحه تستحقها (كفايه وقتك اللى شغلناه علشان تكتب كل ده )

انا مثل اخى w-m-a ارفع لك القبعه احتراما و اؤيدك فى تحليلك

نحن شعب دينى بطبعه سواء مسلم او مسيحى لذا الكل يدخل من جهته

و من اجل ذلك ايضا انا اتمنى ان الرئيس مرسى ينجح لكذا سبب منها عاطفه دينيه

المشكله عندى انى حاسس ان فى ناس مش عاوزاهم ينجحوا و خلاص

زى ما اقابل واحد ضابط و لا يقوم بعمله و يقولى احسن الشعب يستاهل , ابقى هاتجنن و اقوله طيب ما انت امك و اختك و بنت خالتك من الشعب ولا كلكم ظباط فى الداخليه , يهز كتفه و يمشى

انا معك فى غباء كثير من قيادات الاخوان خاصه عندما يتحدثوا فى وسائل الاعلام و يا ريتهم كانوا فضلوا ساكتين
------------

مشكله بورسعيد عندما فكرت فيها كان عندى حل و هو

كل اللى هايفضل فى بيته هو امن و ادخل بالجيش اكنس اللى هاشوفه فى وشى بس حسيت انها ستكون حمص المصريه
و باقى الحلول على ما اسمع الناس رافضاه
طيب انا لو مكان مرسى اعمل ايه
---
بالشركة التى اعمل بها يتم الاستعانه بمقاول يأتى بعماله يتم تشغيلها فى عده اماكن بالشركة بنظام اليوميه
و تكون تلك العماله تابعه بالكامل للمقاول من مرتبات و تأمينات و ما الى ذلك

المهم مجموعه منهم اعتصمت داخل موقع العمل
الشركة قالتلهم هاضغط على المقاول علشان يزود مرتباتكم
قالوا لأ
طبعا قالوا لنا احنا عاوزين كذا مطلب

1- رئيس مجلس الاداره و رئيس القطاع يتشالوا (يترفدوا و يمشوا من الشركه)
خلى بالك دى عماله مقاول و لا تمت للشركه بصله

2- تعيين كامل متكامل بالشركة الام مع اخذ جميع البدلات و المستحقات للمعينين

يا كده يا مش ماشيين
كل ده عادى و بيحصل فى البلد كلها انما اللى مش عادى
ان تيجى كذا قناه تصور و تلاقى ريبورتاجات عن حقوق العامل الغلبان و ازاى عايش تحت القهر
و لو لمسته دخلنا فى قصه تانيه خالص
----------------

انا مش عارف المواضيع عماله تفرع معى كده ليه
اعتذر عن ذلك و لكنى مشوش جدا كما ذكرت لك من قبل

[MTAK]

بمناسبه الحكومه التوافقيه

لى صديق يعمل بمجال البترول فى العراق رجع منذ كام يوم و سألته ايه الاخبار

قال لى العراق دلوقتى انضف حى فيها مثل اسوء حى شعبى عندنا

ليه يا عم

معندهاش طاقه :)

قالى الانتاج اليومى حوالى 4.5 مليون برميل , يعنى فلوس بالعبيط و لو حتى امريكا بتاخد 90 % منهم فاتوره فالباقى برضه مش قليل على العدد و المساحه

قلي له ايه السبب

قالى رئيس كردى ووزير شيعى و نائب سنى و اخر تركمانى و التانى غسانى
و بعد كام شهر الدنيا تتقلب

و العبى يا العاب
(المسميات السابقه للدلاله و ليس واقعيه او تأكدت من صحتها )
-------------------------------------------------------------------------

عاوز انكشك فى موضوع ايران شويه طالما وافقت انك تفتح خزينتك
شوف وقت ما تحب :)

[sha2e]

كلام سليم بس عبد الناصر ساب السودان مش ضمها
وانت مشترك معاها فى كل حاجه الحدود والنيل والبحر والصحراء والامتداد الطبيعى
وبعدين جرى على سوريا التى لايجمعها معك اى شئ
ومحمد على المماليك لم يساندوه من سانده مشايخ واعيان البلد وخلص منهم
اما المماليك كانو عقبه فى طريق فخلص منهم
صحيح مش كلهم بس اتلموا
لكن السودان ومكه وغزة كانو ضمن الحكم المصرى
هما دول التلات نجوم بتوع العلم زمان
اما جزر اليونان وكريت وتقدمه تجاه اوروبا ده بدايه تدميره
ووفاه ابراهيم ابنه الكبير وامله وخليفته
هو من قضى عليه تماما

بخصوص جمال عبدالناصر والسودان فأنا متفق مع حضرتك جدا وشايف ان دي غلطه ضخمة من ضمن غلطاته وللاسف ايامها الشعب لا اتكلم ولا بعدها التاريخ وقف واتكلم او تناولها بقدر من التحليل الكافي

اما محمد علي والمماليك فهم لم يعلنوا اعتراضهم الصريح عليه من البدايه وان كانوا لم يبذلوا جهد لتوليه كما فعل المشايخ والاعيان

بخصوص حدود الدولة المصرية فى عصره :
الحجاز : منقدرش نقول انها كانت تابعه للحكم المصري "او انا على الاقل محبش يتقال ان ارض الحجاز تابعه لاي دوله اخري حتى لو كانت مصر واعتقد ناس كتير توافقنى الرأي ده " لكن نقدر نقول انها كانت تحت حماية مصر - وده كان اقرب للحقيقه - ومحمد على عمل كده عشان يكسب دعم سياسي وديني أكبر ليه
وان كانت استغلت بشكل غير صحيح بعد كده بعد تمكن الوهابيين بالسعودية واصبح لدى بعض اهل الحجاز تخوف من طموح حكام مصر لضم ارض الحجاز للحكم المصري

بخصوص جزر البحر المتوسط فدي كانت الخطوة الاولي لخطة محمد على لضم الشام بالكامل لمصر لتكوين حلمه فكان لازم انه يأمن نفسه بالجزر دي عشان تكون خط دفاع ليه وفى نفس الوقت موقع استراتيجي على مرمى حجر من الوالي العثماني ودول اوروبا

بخصوص القوس الجنوبي الغربي للبحر المتوسط (مصر والشام ) فعلى مر العصور مفيش دولة اتيح لها أمارة القوس ده الا وكونت حضارة او امبراطوريه بداية من الحضارة الفرعونيه الى الرومانيه الى الفتح الاسلامي
ودي حاجه كان فاهمها كويس كثير من القاده فى العصر الحديث بدايه من نابليون الى محمد على الى هتلر الى عبد الناصر
برغم علمهم ان كل الدول والقوى فى العالم ممكن تتحد مع بعض رغم اختلافهم لهدم تكوين هذه الدوله
لكن تقول ايه الانسان دعييف

[sha2e]

هههههههههههه ظلمتك يا غالى :-)
اما من ناحية الوحدة و التحالفات. . . احنا ما شاء الله نشنا و نشانا رشق :-) رايحين نلوش على ايران . . . اللى هتنضرب بالجزمة قريب. . . نفسى اعرف مين اللى بينصحهم النصايح المنيلة بنيلة دى. . . ده لو حد عايز يودى حد فى داهبة عن عمد مش هيعمل فيه كده :-)

انا شايف الموضوع بسيط جدا
ايران بتضغط على اميركا بتهديدها من صوبعها الى بيوجعها "اسرائيل" عن طريق حزب الله الموجود فى جنوب لبنان
مصر او الاخوان بشكل ادق بتحاول تلعب نفس اللعبه عن طريق حماس الموجوده فى غزة
لكن هتجيب لحماس سلاح منين ؟
الجيش المصري استحاله يفرط فى سلاح هو مطورها او شاريه
فكده مفيش طريق غير ايران هي الى تجيب السلاح ( سواء من عندها او من كوريا ) لادخاله غزة
عشان الحكومة تقدر تضغط بعد كده على امريكا أو اسرائيل بحماس

طبعا ده اسمه افلاس ولعب بالنار لان حماس وايران او ما هيلسعوا هيلسعونا احنا


بخصوص وضع ايران والاعصار الدولي الى حضرتك بتشير ليه من بعيد فأنا شايف انه جاي جاي لامحاله لكن مش دلوقتى والوضع فى سوريا شاهد
الموضوع كله مرهون على وجود لسم واحد على الساحه: " بوتين " هو ده كلمة السر
طول ما هو موجود عمر ما الغرب هيفكر فى الدخول فى صدام مباشر او غير مباشر مع الشرق لاسباب كتير :
1- السلاح : ديما السلاح الشرقي اقوي من السلاح الغربي رغم كل ما ينسج عن التقدم التكنولوجي الغربي فى مجال السلاح وبص على 35 سواء السو او الاف
2- الروح القتالية : المحارب الشرقي عموما بدايه الياباني او الروسي ممكن يضحي بروحه لو حس انها ممكن تكون سبب فى حسم المعركه (والحرب العالمية شاهد) والمحارب او الجندي العربي بتكون عنده عزيمة القتال والفدائية رغبه فى النصر او الشهاده اكتر من اي جندي
3- الاستخبارات او شراء الذمم : وده العنصر الاهم الذي تعتمد عليه بشكل كبير الدول الغربية بدايه من تراجع الحكم الاسلامي باوروبا والحملات الصليبيه والحرب العالميه او فيتنام وحتى دخول بغداد والحرب فى افغانستان والوضع فى فلسطين
طبعا فى وجود تعلب مخابرات زي بوتين هيكون سلاح الغرب الاقوى "المخابرات او الفلوس" محدود جدا

وبالتالي لا اتوقع حدوث اعاصير دوليه الان مع وجود بوتين فى الحكم

[mahmoudysf]

شكرا لصاحب الموضوع
ولكل اللي شاركو فيه
المختلف ماعهم قبل المتفق معهم
بصراحة انا مستمتع بالموضوع وبالمشاركات سواء كنت معها اوضدها
ومن زمان مشفناش موضوع تاريخي (سياسي ) بعيد عن التفاهة والسطحية
متابع وماجل رايي لاشعار اخر

[Imhotep]

ماهر باشا

اعذرنى فى التأخر فى الرد عليك , بصراحه انا زعلان منك بجد

كل ده مخبيه عننا يا راجل و ساكت ( بالمناسبه انت بتشتغل ايه , اصلك المفروض تطلع بدل الخبراء الاستراتجيين اللى بيصدعونا بكلام هما نفسهم مش فاهمينه)
و صدقنى انت مش كاتب زياده و لا حاجه

انا قرأت كلامك حوالى 3 مرات من فرط الاعجاب و التركيز
بعد المقدمه الحلوه دى و انت بصراحه تستحقها (كفايه وقتك اللى شغلناه علشان تكتب كل ده )

انا مثل اخى w-m-a ارفع لك القبعه احتراما و اؤيدك فى تحليلك

نحن شعب دينى بطبعه سواء مسلم او مسيحى لذا الكل يدخل من جهته

و من اجل ذلك ايضا انا اتمنى ان الرئيس مرسى ينجح لكذا سبب منها عاطفه دينيه

المشكله عندى انى حاسس ان فى ناس مش عاوزاهم ينجحوا و خلاص

زى ما اقابل واحد ضابط و لا يقوم بعمله و يقولى احسن الشعب يستاهل , ابقى هاتجنن و اقوله طيب ما انت امك و اختك و بنت خالتك من الشعب ولا كلكم ظباط فى الداخليه , يهز كتفه و يمشى

انا معك فى غباء كثير من قيادات الاخوان خاصه عندما يتحدثوا فى وسائل الاعلام و يا ريتهم كانوا فضلوا ساكتين
------------

مشكله بورسعيد عندما فكرت فيها كان عندى حل و هو

كل اللى هايفضل فى بيته هو امن و ادخل بالجيش اكنس اللى هاشوفه فى وشى بس حسيت انها ستكون حمص المصريه
و باقى الحلول على ما اسمع الناس رافضاه
طيب انا لو مكان مرسى اعمل ايه
---
بالشركة التى اعمل بها يتم الاستعانه بمقاول يأتى بعماله يتم تشغيلها فى عده اماكن بالشركة بنظام اليوميه
و تكون تلك العماله تابعه بالكامل للمقاول من مرتبات و تأمينات و ما الى ذلك

المهم مجموعه منهم اعتصمت داخل موقع العمل
الشركة قالتلهم هاضغط على المقاول علشان يزود مرتباتكم
قالوا لأ
طبعا قالوا لنا احنا عاوزين كذا مطلب

1- رئيس مجلس الاداره و رئيس القطاع يتشالوا (يترفدوا و يمشوا من الشركه)
خلى بالك دى عماله مقاول و لا تمت للشركه بصله

2- تعيين كامل متكامل بالشركة الام مع اخذ جميع البدلات و المستحقات للمعينين

يا كده يا مش ماشيين
كل ده عادى و بيحصل فى البلد كلها انما اللى مش عادى
ان تيجى كذا قناه تصور و تلاقى ريبورتاجات عن حقوق العامل الغلبان و ازاى عايش تحت القهر
و لو لمسته دخلنا فى قصه تانيه خالص
----------------

انا مش عارف المواضيع عماله تفرع معى كده ليه
اعتذر عن ذلك و لكنى مشوش جدا كما ذكرت لك من قبل

كلنا دماغنا بتلف من اللى شايفينه بيحصل حوالينا مش انت بس.... انت عندك اسباب كتير عايز مرسى ينجح عشانها انا عايزه ينجح عشان حالنا ينصلح...... باقى هو يبقى عايز ينجح و عارف ايه اللى ينجحه :)

خلى بالك الامور فى البلد مازالت فى حالة سيولة شديدة من كل ناحية..... المشكلة ان برعونة الاخوان الامور بتبهوق اكتر بدل ما تتماسك.....

و لا بورسعيد و لا اى حتة فى مصر بقى ينفع فيها الحل الامنى..... كان زمان و جبر..... و بصراحة مرسى و الاخوان هم اللى حطوا نفسهم فى المزنق ده..... هتيجى تقولهم احكام القضاء..... هيقولك هأو.... مش القضاء ده اللى اتباعك حاصروه و انت عمال تدوس عليه بالج.....

اما بخصوص الموقف اللى حصل فى شركتكم و تلميحك لدور الاعلام فى زيادة اشعال الازمات..... الاعلام يا باشا له حل بسيط جدا..... زى ما بيستخدمك..... انت كمان استخدمه..... يعنى ايه؟ لقيته عمال يجيبلك العمال البلطجية و عامل منهم شهداء...... مجلس ادارة الشركة يعمل مؤتمر صحفى محترم يدعو له كل القنوات اللى بتتنشق على خبر و يعين متحدث بأسمه محترم يكون بيعرف يتكلم كويس و يشرح هو كمان ما له و ما عليه...... و بكده الازمة هتتحيد......

[Imhotep]

بمناسبه الحكومه التوافقيه

لى صديق يعمل بمجال البترول فى العراق رجع منذ كام يوم و سألته ايه الاخبار

قال لى العراق دلوقتى انضف حى فيها مثل اسوء حى شعبى عندنا

ليه يا عم

معندهاش طاقه :)

قالى الانتاج اليومى حوالى 4.5 مليون برميل , يعنى فلوس بالعبيط و لو حتى امريكا بتاخد 90 % منهم فاتوره فالباقى برضه مش قليل على العدد و المساحه

قلي له ايه السبب

قالى رئيس كردى ووزير شيعى و نائب سنى و اخر تركمانى و التانى غسانى
و بعد كام شهر الدنيا تتقلب

و العبى يا العاب
(المسميات السابقه للدلاله و ليس واقعيه او تأكدت من صحتها )
-------------------------------------------------------------------------

عاوز انكشك فى موضوع ايران شويه طالما وافقت انك تفتح خزينتك
شوف وقت ما تحب :)

حكومة ايه دى يا باشا اللى توافقية..... و لا الاخوان عندهم رغبة و لا تفكير يعملوها و لا حتى بقت تنفع كتمن تسكت بيه المعارضة (بغض النظر عن تقديرنا لقيمتها الحقيقية)..... يعنى ذهب المعز لا ينفع معاهم حاليا و مينفعش غير مع واحد انتهازى زى ايمن نور اللى هيموت على كرسى و مستبعدش ان مرسى يكون بيلمعه عشان يعمله رئيس وزراء مثلا بعد انتخابات مجلس الشعب و يكسب بيه بنط على باقى المعارضة و بنط تانى انه جاب رئيس وزراء من غير حزبه و غير اتباعه و عشيرته...... المشكلة بقى ان ايمن نور نفسه ما يساويش و بالتالى الابناط دى هتطلع فشنك..... اما ايران..... فالكلام عليها جاى حالا :)

[Imhotep]

انا شايف الموضوع بسيط جدا
ايران بتضغط على اميركا بتهديدها من صوبعها الى بيوجعها "اسرائيل" عن طريق حزب الله الموجود فى جنوب لبنان
مصر او الاخوان بشكل ادق بتحاول تلعب نفس اللعبه عن طريق حماس الموجوده فى غزة
لكن هتجيب لحماس سلاح منين ؟
الجيش المصري استحاله يفرط فى سلاح هو مطورها او شاريه
فكده مفيش طريق غير ايران هي الى تجيب السلاح ( سواء من عندها او من كوريا ) لادخاله غزة
عشان الحكومة تقدر تضغط بعد كده على امريكا أو اسرائيل بحماس

طبعا ده اسمه افلاس ولعب بالنار لان حماس وايران او ما هيلسعوا هيلسعونا احنا


بخصوص وضع ايران والاعصار الدولي الى حضرتك بتشير ليه من بعيد فأنا شايف انه جاي جاي لامحاله لكن مش دلوقتى والوضع فى سوريا شاهد
الموضوع كله مرهون على وجود لسم واحد على الساحه: " بوتين " هو ده كلمة السر
طول ما هو موجود عمر ما الغرب هيفكر فى الدخول فى صدام مباشر او غير مباشر مع الشرق لاسباب كتير :
1- السلاح : ديما السلاح الشرقي اقوي من السلاح الغربي رغم كل ما ينسج عن التقدم التكنولوجي الغربي فى مجال السلاح وبص على 35 سواء السو او الاف
2- الروح القتالية : المحارب الشرقي عموما بدايه الياباني او الروسي ممكن يضحي بروحه لو حس انها ممكن تكون سبب فى حسم المعركه (والحرب العالمية شاهد) والمحارب او الجندي العربي بتكون عنده عزيمة القتال والفدائية رغبه فى النصر او الشهاده اكتر من اي جندي
3- الاستخبارات او شراء الذمم : وده العنصر الاهم الذي تعتمد عليه بشكل كبير الدول الغربية بدايه من تراجع الحكم الاسلامي باوروبا والحملات الصليبيه والحرب العالميه او فيتنام وحتى دخول بغداد والحرب فى افغانستان والوضع فى فلسطين
طبعا فى وجود تعلب مخابرات زي بوتين هيكون سلاح الغرب الاقوى "المخابرات او الفلوس" محدود جدا

وبالتالي لا اتوقع حدوث اعاصير دوليه الان مع وجود بوتين فى الحكم

الموضوع التالى فيه كذا مشاركة ليا عن الموضوع ده من اول المشاركة رقم 20 و انت طالع:

http://www.nilemotors.net/Nile/284636-a-2.html

باقى بس ان احنا ممكن نغير بداية السيناريو من حماس كالمعتاد الى سوريا او لبنان و العكس صحيح

و خلى بالك الموضوع ده من شهر ابريل اللى فات يعنى داخل على سنه..... طب ايه التطورات فى السنة دى؟ فى الصيف كانوا مستنيين نتيجة الانتخابات المصرية بالاضافة الى ان الصيف مش موسم عمليات عسكرية فى منطقتنا بسبب الحرارة الشديدة...... و فى الخريف ابن المجنونة نتنياهو كان هيعملها لولا ان انتخابات امريكا عطلته و ساومهم على انه يستنى شوية كمان بس التمن شحنة اسلحة هجومية من احدث طراز..... بس الخريف معداش عادى..... تمت فيه اضخم مناورة اتكلفت مليارات الدولارات بين الجيشين الامريكى و الاسرائيلى و قيادة المتوسط الاوروبية لربط كامل انظمة الدفاع الصاروخى للجيشين بكل مستوياتها البرية و البحرية و الجوية..... و هتلاقى عنها كلام هنا:
IDF - Israel Defense Forces : Austere Challenge 12 concludes with live-fire exer
Largest US-Israel missile defense drill to kic... JPost - Defense

المشكلة بقى فى ايه..... ان العوامل اللى انت تكرمت و شرحتها خلاص كلها اتحيدت بوسائل الحرب الحديثة اللى نقلت ميادين المعارك من الارض الى السماء..... و هتلاقى هنا كلام عن المفاهيم العسكرية الحالية:
Shock and awe - Wikipedia, the free encyclopedia

المفاهيم دى فى حيز التطبيق بقالها 10 سنين كاملة فبالتالى تقدر تتخيل كمان حجم التطوير اللى طرأ عليها..... و كان ال case study لتطبيقها هو جيش العراق فى 2003 اللى تم ابادة 20 فرقة مقاتلة منه بكامل عتادها...... من الجو

اما موضوع بوتين و الصين كمان..... فهم هيسكتوا و يعدوها لو قبضوا التمن المناسب..... و التمن ده بيقبضوه فعلا على دفعات...... امريكا سابت التوسع فى استغلال بترول نيجيريا (واحد من اكبر الاحتياطيات فى العالم) للصين...... بيلاعبوا روسيا بتفكيك الدرع الصاروخى فى اوروبا و بالذات من تركيا لانها مجننة الروس لانها فركة كعب من حدود روسيا..... و شد و جذب كجزء من لعبة سيب و انا اسيب و تعلية تمن اللعبة

[MTAK]

ايوه كده يا باشا رجعنى للموضوعات القديمه

انا مش عارف انا كنت فين وقتها :)

طبعا لا استطيع مجاراتك فى التحليل و جمع المعلومات لعدة اسباب منها ضعف لغتى و قدرتى على التحليل المنطقى

و لكنى لاحظت ان الموضوع منذ عام تقريبا و انت توقعت تقريبا عام لبدء العمليات

فهل يا ترى حصل جديد

الجزء الثانى لاحظت ان معظم كلامك عن قدرات ايران هى قدرات صاروخيه فقط و التى تم و يتم تحييدها بواسطه القبه الحديده

و لكنى على ما اذكر فى اخر عامين

ايران نجحت فى اسقاط اكثر من طائره بدون طيار سليمه على الارض ( اى التداخل معها و التحكم بها ) و لو كان خبر مثل هذا صحيحا فأظنه دليل على تقدم ايران فى مجالات اخرى لا نعلم عنها شئ

مثل على ما اذكر قدره الصين على اسر طياره من طائرات الشبح التى كان معروف عنها استحاله كشفها بالرادار

و معنى هذا وصولهم الى تكنولوجى اعلى من امريكا و لكن فى طى الكتمان
---------------------------------------------------------------------------------------
حتى لا تفهمنى بشكل غلط من موضوع مساندتى للأخوان

انا لست اخوانيا :) بجد و الله
و لكن كما ذكرت اؤيدهم لانجذابى لهم بعاطفه الدين و لانى اخشى ان فشلوا ان يتم تعليق الفشل على الدين
و انا عارف ان الدين ليس بحاجه لاثبات و لكن هناك الكثير الذى سوف يستغل هذا و هناك الاكثر الذى عنده استعداد لتصديق هذا و لو حتى من وراء عقله

و لكن انا معك فى ان لهم مشكله الاصطباغ بالصبغه الدينيه ثم الاتيان بكل موبقات السياسه و هذا ما يجعل موقفهم ضعيف فى كثير من الاحيان او بالبلدى مالكش نفس تدافع عنهم
------------------------------------------------------------------
فكرتك بخصوص الاعلام رائعه و بصراحه مزجتنى
و لكن عندما فكرت فيها من خلال القائمين على الشركة عندى
وجدت التالى
1- الشركة التى اعمل بها عباره عن شراكه بين عده شركات عربيه و مصر و معظم تعاملها ان لم يكن كله مع السوق الخارجى عن مصر
لذا مبدأها منذ نشأتها من اواخر السبعينيات
مايطلعش منى نفس او يحس بى احد , لدرجه ان كثير جدا من الناس قالولى كانوا فاكرين مقرها عباره عن فندق باسم غريب
فموضوع مؤتمر صحفى هايعمل للناس المعتصمه دى قيمه و هم مش على قوتى من الاساس
و حلهم بسيط فى ظرف ساعه زمن الصاعقه تيجى تلمهم و يختفوا لانهم بيهددوا مؤسسه استراتيجيه
(انا بفكر بدماغهم)

2- الارخم بقى فى الموضوع ان اعلامنا الغير شريف ما هايصدق
و القناه اللى مطلعش فيها المؤتمر هاتكون الراعى الرسمى للناس المعتصمه و ممكن يعملوا لهم قناه مباشر من موقع الحدث و الباقى حرفتهم

[Imhotep]

ايوه كده يا باشا رجعنى للموضوعات القديمه

انا مش عارف انا كنت فين وقتها :)

طبعا لا استطيع مجاراتك فى التحليل و جمع المعلومات لعدة اسباب منها ضعف لغتى و قدرتى على التحليل المنطقى

و لكنى لاحظت ان الموضوع منذ عام تقريبا و انت توقعت تقريبا عام لبدء العمليات

فهل يا ترى حصل جديد

الجزء الثانى لاحظت ان معظم كلامك عن قدرات ايران هى قدرات صاروخيه فقط و التى تم و يتم تحييدها بواسطه القبه الحديده

و لكنى على ما اذكر فى اخر عامين

ايران نجحت فى اسقاط اكثر من طائره بدون طيار سليمه على الارض ( اى التداخل معها و التحكم بها ) و لو كان خبر مثل هذا صحيحا فأظنه دليل على تقدم ايران فى مجالات اخرى لا نعلم عنها شئ

مثل على ما اذكر قدره الصين على اسر طياره من طائرات الشبح التى كان معروف عنها استحاله كشفها بالرادار

و معنى هذا وصولهم الى تكنولوجى اعلى من امريكا و لكن فى طى الكتمان
---------------------------------------------------------------------------------------
حتى لا تفهمنى بشكل غلط من موضوع مساندتى للأخوان

انا لست اخوانيا :) بجد و الله
و لكن كما ذكرت اؤيدهم لانجذابى لهم بعاطفه الدين و لانى اخشى ان فشلوا ان يتم تعليق الفشل على الدين
و انا عارف ان الدين ليس بحاجه لاثبات و لكن هناك الكثير الذى سوف يستغل هذا و هناك الاكثر الذى عنده استعداد لتصديق هذا و لو حتى من وراء عقله

و لكن انا معك فى ان لهم مشكله الاصطباغ بالصبغه الدينيه ثم الاتيان بكل موبقات السياسه و هذا ما يجعل موقفهم ضعيف فى كثير من الاحيان او بالبلدى مالكش نفس تدافع عنهم
------------------------------------------------------------------
فكرتك بخصوص الاعلام رائعه و بصراحه مزجتنى
و لكن عندما فكرت فيها من خلال القائمين على الشركة عندى
وجدت التالى
1- الشركة التى اعمل بها عباره عن شراكه بين عده شركات عربيه و مصر و معظم تعاملها ان لم يكن كله مع السوق الخارجى عن مصر
لذا مبدأها منذ نشأتها من اواخر السبعينيات
مايطلعش منى نفس او يحس بى احد , لدرجه ان كثير جدا من الناس قالولى كانوا فاكرين مقرها عباره عن فندق باسم غريب
فموضوع مؤتمر صحفى هايعمل للناس المعتصمه دى قيمه و هم مش على قوتى من الاساس
و حلهم بسيط فى ظرف ساعه زمن الصاعقه تيجى تلمهم و يختفوا لانهم بيهددوا مؤسسه استراتيجيه
(انا بفكر بدماغهم)

2- الارخم بقى فى الموضوع ان اعلامنا الغير شريف ما هايصدق
و القناه اللى مطلعش فيها المؤتمر هاتكون الراعى الرسمى للناس المعتصمه و ممكن يعملوا لهم قناه مباشر من موقع الحدث و الباقى حرفتهم

ايام المواضيع القديمة كنت انت العاطفة الدينية مغمية عينيك :-) بس طبعا حقك فى ان تميل الى اى جانب يعجبك. . . السياسة كلها نسبية و تفضيلات المفروض فيها المرونة. . . يعنى مش علشان حبيبك يبلعلك الظلط يبقى نسيبهم يغرقوا و يغرقونا معاهم. . . لازم يفوقوا او الناس هتفوقهم. . . و صدقنى ياريت ينجحوا فى حاجة بقى عشان نحس بأى تغيير. . . بس المشكلة انهم بيتعلموا فينا

لو خدت بالك من الموضوع القديم اللى فيه حكاية ايران. . . هتلاقى من اكتر من سنة كنت كاتب ان اخر ميعاد هو ربيع 2013. . . اللى احنا داخلين عليه. . . ده بتزامن مع ان بهوات ايران لسه مشغلين اجهزة طرد مركزى اقوى بكتير من الاجيال القديمة. . . عشان يسرعوا معدل انتاج اليورانيوم كأنهم بيستفزوا الاسرائيليين او عشان عارفين ان الوقت خلاص مبقاش فى صالحهم. . اما بخصوص قدراتهم فهم فعلا مركز قوتهم هو الصواريخ اللى التكنولوجيا بتاعتها جاية من كوريا الشمالية اما باقى جيشهم فهو تقليدى و قديم لم يتم تحديثه و ده لتركيزهم زى ما قلت على حاجتين تكنولوجيا الصواريخ بعيدة المدى كوسائل توصيل الرؤوس الحربية الغير تقليدية اللى عايزين ينتجوها . . . بالتبعية الاسرائيليين حيدوا الصواريخ طويلة المدى بنظام حيتس 2 او السهم اللى شغال من سنة 2000 بدقة اعتراض تبلغ نسبتها 98% و حاليا بيطوروا حيتس 3 عشان يعترض الصواريخ طويلة المدى بره الغلاف الجوى خالص. . . اما بخصوص قصة الطيارة البدون طيار. . . ففى نظريتين لم يتم حسمهم كل طرف ليه نظريته. . . الامريكان بيقولوا الطيارة حصلها عطل و حاولوا ينزلوها فى قاعدتها فى افغانستان لكن معرفوش و نزلت على الحدود مما مكن الايرانيين من الاستيلاء عليها. . . الايرانيبن بيقولوا انهم نزلوها بال know-how بتاع التشويش الاكترونى و القرصنة على انظمة الملاحة للطائرة لجعلها تهبط فى ايران. . . و ده نوع صعب اوى و مش سهل على ايران انها تطوره. . . الطيارة الامريكانى اللى اجبرت انها تهبط اضطراريا فى الصين ما كانتش شبح. .. دى كانت طيارة تجسس و معلومات عن الحادث ده هتلاقيه هنا:
Hainan Island incident - Wikipedia, the free encyclopedia