بفكر اشتري كلب جولدن ريتريفر !

[nouranwar]

فكرت اشتري كلب جولدن ريتريفر و لقيت واحد في موقع اعلانات كان ب 1000 جنيه عمر 45 يوم بس ملحقتهوش :( هة حدود سعره كام ؟ و هل هو مزعج ؟ يعني بيهوهو كتير و كده :) ؟ اصل جارنا عنده كلب معرفش نوعه بس مزعج بطريقة رهيبة و الجران بيشتكوا منه دايما و فيه جارتنا عندها كلبين جولدن بس مش بسمعلهم صوت نهاااائي فهل هما بيتدربوا علي كده ولا ايه؟
اشتريت قبل كده كلب جريفون و كان مزاجه يعمل بي بي علي السرير عندي فبيعته طبعا علشان كان غبي مبيتعلمش و بعد كده جبت كلب من الشارع صغنطوط و وديته للدكتورة و اديته التطعيم و ضبطته عالاخر بس موضوع البي بي و الهو هوه كان مزعج بطريقة غريبة
فأيه الحل بقي ؟! هينفع يتعلم يبقي هادي ولا هيجبلي صداااع !! و متوسط سعره بعد اذنكم ؟

[hany63]

مبدئيا عشان تبقى عارف بالنسبه لاي كلب صغير لازم تصبر عليه في موضوع البي بي اولا عشان بيحتاج وقت على ما بيتدرب على مكان واحد بعد ما تعاقبه كل ما يغلط و تكافاءه لما ما يظبط
ثانيا وهو صغير ما بيقدرش يمسك نفسه زي الاطفال عشان عضلات المثانه بتبقى ضعيفه
و انا عندي جريفون فعلا كان مغلبنا لدرجة اننا مشيناه قبل كدا ورجعناه لحد ما كمل ٦ شهور و الدنيا اتعدلت
و الجولدن طبعا تحفه بس يفضل بيت بجنينه او لازم تخرجه يوميا

[hany63]

السعر على معلوماتي في حدود ٣٠٠٠ جنيه بس بصراحه قمه في خفة الدم و الشقاوه و الذكاء

[dede_dodo88]

مبدئيا عشان تبقى عارف بالنسبه لاي كلب صغير لازم تصبر عليه في موضوع البي بي اولا عشان بيحتاج وقت على ما بيتدرب على مكان واحد بعد ما تعاقبه كل ما يغلط و تكافاءه لما ما يظبط

قلبت عليا المواجع :(
كنت جايب لابرادور ريتريفير كان لسة جرو صغير.
هو مكملش أسبوع واحد عندي الحقيقة بسبب الموضوع ده لأن في البيت عندي مستحملوش الموضوع ده خصوصاً أني ببقى معظم اليوم بره البيت في الشغل لحد ما في مرة رجعت البيت لاقيتهم مشوا الكلب.. :(

بس هو سعر الجولدن أعتقد ميقلش عن 2.5 - 3 زي سعر اللابرادور وقت ما جبته..

بس الريتريفرز عموماً سواء جولدن أو لابرادور بيبقوا مسليين و بيحبوا اللعب و مستوى الذكاء عندهم كويس..
أنا عاجبني أوي أوي الهاسكي.. شفته مرة واحدة في الحقيقة.. فلو في يوم فكرت أجيب كلب تاني هفكر في الهاسكي..

[nouranwar]

مبدئيا عشان تبقى عارف بالنسبه لاي كلب صغير لازم تصبر عليه في موضوع البي بي اولا عشان بيحتاج وقت على ما بيتدرب على مكان واحد بعد ما تعاقبه كل ما يغلط و تكافاءه لما ما يظبط
ثانيا وهو صغير ما بيقدرش يمسك نفسه زي الاطفال عشان عضلات المثانه بتبقى ضعيفه
و انا عندي جريفون فعلا كان مغلبنا لدرجة اننا مشيناه قبل كدا ورجعناه لحد ما كمل ٦ شهور و الدنيا اتعدلت
و الجولدن طبعا تحفه بس يفضل بيت بجنينه او لازم تخرجه يوميا

شاكر جدا لحضرتك بجد انا عرفت دلوقتي سبب الغباء بتاعهم طلع غباء من عندي انا علشان مكنتش اعرف حاجة عنهم
موضوع اخرجه كل يوم مفيهاش مشكلة هبقي مبسوط و انا معاه :)
بس ايه حكاية السعر ده ؟ انا لقيته ب 1,000 جم عمره 45 يوم بس للاسف ملحقتهوش

[Abo.Moazz]

الجولدن ممكن تلاقيه بداية من 700 جنيه لحد 4000 جنيه حسب التقليب بتاعه .. ممكن اللى عارضه بألف جنيه مش عارف تمنه أو يكون الكلب تقليبة ضعيف .. يعنى مخلط
عموماً أكثر الكلاب إزعاجاً بيبقى الجيرمان شيبرد .. بس فى المقابل عنده ذكاء جامد .. أقلهم إزعاج بيبقى البيتبول .. بس ذكاءة قليل وحركته كتيرررررررررررررررررة أوى ومحتاج مساحة واسعة جداً ( موجود عندى لو سيبته من غير ماتربطه مش هاتسمعله صوت بس هايبهدلك الشقة عضعضة وتكسير .. ولو سيبته مربوط هايبهدلك الدنيا هوهوه )
وبرده الكلب بالتدريب ثم التدريب ثم التدريب ....
لو عايز موقع عليه أى معلومات عن الكلاب خش على الموقع ده

http://animalsfanclub.com/

[sarawe511]

هل الكلاب نجسة و هل الملائكة لا تدخل مكان به كلاب ..

[ALMAGICO]

انا اسمع والله اعلم ان الجولدن كل ماكان لونة اغمق كل ماكان افضل وبالتالى سعرة ازيد
اكثر الكلاب ازعاجا الجيرمن شيبرد ودة عن تجربة طلع عينى معاة كنت حاطة فى السطوح الدور ال14 وانا الدور الاول وصوتة ولا كانة نايم جمبى بس مع التدريب نباحة قل خالص يبقى اهم حاجة التدريب عشان كدة بردة تلاقى كلاب معروضة ويقولك تربية منزلى دة بيبقى الكلب هادى جدا
اقل الكلاب ازعاجا الدوبر والروت وايلر والبيتبول
الجولدن شكلة جميل وبيحب اللعب وذكى وكلب عائلى زى الجيرمن على عكس الدوبر والروت والبيتبول لان الدوبر والروت بالذات كلاب حراسة شخصية يعنى مش عائلى من الدرجة الاولى
فى الجيرمن شيبرد كل ماكان الكلب دماغة كبيرة ضخمة يعنى كل ماكان اذكى هل دة ينطبق على كل الكلاب بانواعها ولا لا الله اعلم
ونصيحة منى خليك صبور مع الجرو وعاملة اكنك بتعامل بيبى صغير ومتستعجلش فى تدريبة يعنى ابدا تدريبات الطاعة مثلا عند سن 3 شهور قبل السن دة خلية يعرف اسمة بس
نصيحة اخيرة اوعى تخلى مقياس حبك للكلب مدى تقليبة واوعى تسمع لكلام الناس بعد متشترى لانهم هيكرهوك فية
المفروض حضرتك تحط ميزانية معينة للشراء والاهم حضرتك تقول اية احتياجاتك من الكلب يعنى حراسة ولا لعب وتسلية وهكذا
اسف على الاطالة
والله اعلى واعلم فيما قلت

[nouranwar]

الجولدن ممكن تلاقيه بداية من 700 جنيه لحد 4000 جنيه حسب التقليب بتاعه .. ممكن اللى عارضه بألف جنيه مش عارف تمنه أو يكون الكلب تقليبة ضعيف .. يعنى مخلط
عموماً أكثر الكلاب إزعاجاً بيبقى الجيرمان شيبرد .. بس فى المقابل عنده ذكاء جامد .. أقلهم إزعاج بيبقى البيتبول .. بس ذكاءة قليل وحركته كتيرررررررررررررررررة أوى ومحتاج مساحة واسعة جداً ( موجود عندى لو سيبته من غير ماتربطه مش هاتسمعله صوت بس هايبهدلك الشقة عضعضة وتكسير .. ولو سيبته مربوط هايبهدلك الدنيا هوهوه )
وبرده الكلب بالتدريب ثم التدريب ثم التدريب ....
لو عايز موقع عليه أى معلومات عن الكلاب خش على الموقع ده
http://animalsfanclub.com/

انا اسمع والله اعلم ان الجولدن كل ماكان لونة اغمق كل ماكان افضل وبالتالى سعرة ازيد
اكثر الكلاب ازعاجا الجيرمن شيبرد ودة عن تجربة طلع عينى معاة كنت حاطة فى السطوح الدور ال14 وانا الدور الاول وصوتة ولا كانة نايم جمبى بس مع التدريب نباحة قل خالص يبقى اهم حاجة التدريب عشان كدة بردة تلاقى كلاب معروضة ويقولك تربية منزلى دة بيبقى الكلب هادى جدا
اقل الكلاب ازعاجا الدوبر والروت وايلر والبيتبول
الجولدن شكلة جميل وبيحب اللعب وذكى وكلب عائلى زى الجيرمن على عكس الدوبر والروت والبيتبول لان الدوبر والروت بالذات كلاب حراسة شخصية يعنى مش عائلى من الدرجة الاولى
فى الجيرمن شيبرد كل ماكان الكلب دماغة كبيرة ضخمة يعنى كل ماكان اذكى هل دة ينطبق على كل الكلاب بانواعها ولا لا الله اعلم
ونصيحة منى خليك صبور مع الجرو وعاملة اكنك بتعامل بيبى صغير ومتستعجلش فى تدريبة يعنى ابدا تدريبات الطاعة مثلا عند سن 3 شهور قبل السن دة خلية يعرف اسمة بس
نصيحة اخيرة اوعى تخلى مقياس حبك للكلب مدى تقليبة واوعى تسمع لكلام الناس بعد متشترى لانهم هيكرهوك فية
المفروض حضرتك تحط ميزانية معينة للشراء والاهم حضرتك تقول اية احتياجاتك من الكلب يعنى حراسة ولا لعب وتسلية وهكذا
اسف على الاطالة
والله اعلى واعلم فيما قلت

شكرا جزيلا لحضراتكم فتحت الموقع و هقرأ فيه
طيب انا مبفهمش في الكلاب و خايف اني اتخم فيه يعني حضرتك بتقول بيدأ من 700 لغاية 4000 انا عامل حسابي علي 1,000 جنيه كأقصي تقدير و سايب 200 جنيه علشان لو هجيبله طوق و سلسلة و احتياجاته و كده فهل هيكفي المبلغ ده ؟!
و ايه هي احتياجاته التانية ؟ و ايه الاكل اللي بياكله ؟
انا احتياجي من الكلب تسلية علشان هروح اعيش في شقة لوحدي فعايز كلب علشان يسليني
انا مش فارق معايا تقليبه بس يبقي حاجة نضيفة
الميزانية 1000 جنيه

بجد شكرا ليكم جدا افدتوني والله

[محمد بدر]

هل الكلاب نجسة و هل الملائكة لا تدخل مكان به كلاب ..

لولا نجاسة الكلاب كنت أول واحد ممكن يشترى كلب
انا جربت تربية الكلاب فى الصغر بصراحة من أروع الحيوانات وألطفها فى التربية خاصتا لو كانت مدربة
ويكفى انه وفى بكل ما تحمله الكلمة من معانى

[hany63]

لولا نجاسة الكلاب كنت أول واحد ممكن يشترى كلب
انا جربت تربية الكلاب فى الصغر بصراحة من أروع الحيوانات وألطفها فى التربية خاصتا لو كانت مدربة
ويكفى انه وفى بكل ما تحمله الكلمة من معانى

والله انا الكلب انقذ حياتي انا و الاسره لما المطبخ ولع الفجر و كلنا في سابع نومه و قافلين الابواب و فضل يهوهو لحد ما قمت بالعافيه و انا بزعق فيه فوجئت بالبراد الكهربا عامل ماس و مولع و النار وصلت للخشب و المهم ان زوجتي كانت هتوصله لاختها في الصبح بلا رجعه عشان عندهم كلب و هي كانت زهقت من موضوع البي بي عشان كان لسه صغير
تخيل حضرتك الكلب النجس زي ما بتقول لو مكنش موجود كنا هنموت محروقين
وطبعا احتفظنا بيه بعد ما ربنا جعل منه سبب لنجاتنا

[eng/muhamad]

حد يعرف سعر جرو جيرمن كام ؟
و اجيبه منين

[hany63]

لولا نجاسة الكلاب كنت أول واحد ممكن يشترى كلب
انا جربت تربية الكلاب فى الصغر بصراحة من أروع الحيوانات وألطفها فى التربية خاصتا لو كانت مدربة
ويكفى انه وفى بكل ما تحمله الكلمة من معانى

والله انا الكلب انقذ حياتي انا و الاسره لما المطبخ ولع الفجر و كلنا في سابع نومه و قافلين الابواب و فضل يهوهو لحد ما قمت بالعافيه و انا بزعق فيه فوجئت بالبراد الكهربا عامل ماس و مولع و النار وصلت للخشب و المهم ان زوجتي كانت هتوصله لاختها في الصبح بلا رجعه عشان عندهم كلب و هي كانت زهقت من موضوع البي بي عشان كان لسه صغير
تخيل حضرتك الكلب النجس زي ما بتقول لو مكنش موجود كنا هنموت محروقين
وطبعا احتفظنا بيه بعد ما ربنا جعل منه سبب لنجاتنا

[hany63]

حد يعرف سعر جرو جيرمن كام ؟
و اجيبه منين

الوسيط مليان اعلانات بس ياريت حد معاك يكون فاهم

[hany63]

شكرا جزيلا لحضراتكم فتحت الموقع و هقرأ فيه
طيب انا مبفهمش في الكلاب و خايف اني اتخم فيه يعني حضرتك بتقول بيدأ من 700 لغاية 4000 انا عامل حسابي علي 1,000 جنيه كأقصي تقدير و سايب 200 جنيه علشان لو هجيبله طوق و سلسلة و احتياجاته و كده فهل هيكفي المبلغ ده ؟!
و ايه هي احتياجاته التانية ؟ و ايه الاكل اللي بياكله ؟
انا احتياجي من الكلب تسلية علشان هروح اعيش في شقة لوحدي فعايز كلب علشان يسليني
انا مش فارق معايا تقليبه بس يبقي حاجة نضيفة
الميزانية 1000 جنيه

بجد شكرا ليكم جدا افدتوني والله

اعمل حسابك في ٢٠٠ جنيه تقريبا مصاريف سنويه تطعيمات و رخصه
عشان لازم الكلب تكون صحته كويسه جدا عشان هيختلط بيك و العيله