بفكر اشتري كلب جولدن ريتريفر !

[ALMAGICO]

طب تقدر تساعدنى اجيبه منين ؟

اوك مفيش مشاكل حضرتك شوف بس حضرتك ناوى على ميزانية اد اية الاول
عشان نشوف الاختيارات اللى قدام حضرتك بس خالى بالك حذارى من الاستعجال فى الشراء

[blazer]

اوك مفيش مشاكل حضرتك شوف بس حضرتك ناوى على ميزانية اد اية الاول
عشان نشوف الاختيارات اللى قدام حضرتك بس خالى بالك حذارى من الاستعجال فى الشراء

لحد 1000 جنيه بإذن الله
انا جايبه اصلا لواحد صاحبى عشان هو ملوش فى القصه دى خالص عشان عاوز يحطه فى البيت بتاعهم ,, حراسه يعنى

انا عاوز كلب زى دا ,, كان مع واحد صاحبى بس للاسف اداه هدية لواحد يعرفه !!! :((
الكلب دا كان عنده 5 او 6 شهور تقريبا

[ALMAGICO]

لحد 1000 جنيه بإذن الله
انا جايبه اصلا لواحد صاحبى عشان هو ملوش فى القصه دى خالص عشان عاوز يحطه فى البيت بتاعهم ,, حراسه يعنى

انا عاوز كلب زى دا ,, كان مع واحد صاحبى بس للاسف اداه هدية لواحد يعرفه !!! :((
الكلب دا كان عنده 5 او 6 شهور تقريبا

بسم الله ماشاء الله اللى ظاهر ادامى ان الكلب خشب عريض وكفوف وماسك ولونة غامق بس مش عارف باقى مواصفاتة لازم صورة من الجنب وهو واقف
فى واحد محترم جدا اسمة استاذ رابح هو من طنطا الراجل دة انا كنت هتعامل معاة مرتين بس محصلش نصيب بيجيب حاجات محترمة جدا لو حضرتك تحب تكلمة اديك رقمة او لو تحب انا اكلمة واشوف عندة اية من الجراوى اوك بردة بس ياريت حضرتك لو ينفع تزود الميزانية سنة كمان يبقى تمام اوى

[ابوحبيبة2010]

والله ياجماعه الفلوس ده لو طلعت صدقة جارية تبقى تمام
مثلأ جامع محتاج بناء او يتيم محتاج ملابس
وربنا يصلح حال الجميع

[khaled_yassin]

والله ياجماعه الفلوس ده لو طلعت صدقة جارية تبقى تمام
مثلأ جامع محتاج بناء او يتيم محتاج ملابس
وربنا يصلح حال الجميع

انا فكرت انى اشترى كلب وكنت عامل ميزانيه 3000 جنيه وقولت ميزانيه شهريه فى حدود 250 جنيه
قعدت حسبتها وجيت فى الاخر اخدت القرار الى انت قولتوا ده
اطلع الفلوس لله احسن
ونفسى افهم ليه الكلب نجس مع انوا واااااااااااااااافى جدا

[ابوحبيبة2010]

ونفسى افهم ليه الكلب نجس مع انوا واااااااااااااااافى جدا

له فى ذالك حكمة سبحان الله

[nouranwar]

مفيش مانع حضرتك انك تطلع صدقتك و برضه تجيب اللي انت عايزه :) الاثنين يعني

[nouranwar]

هقول لحضرتك على حاجة تعالى نتكلم بالميزانية ونشوف الخيارات اللى قدمنا
بالميزانية اللى حضرتك حطتها ادامك خيارين بغض النظر عن الكلاب الزينة
اولا الجيرمن شيبرد اللى الناس بتقول علية البوليسى ودى صورتة بس دة تقليب عالى من الشكل العام

وفى الحالة دى هيبقى ورك لاين يعنى من غير كسحة بس هيبقى خشب عريض ولون احمر وديل للارض
الاختيار الثانى الدوبر مان وهيبقى تقليبة حلو ولحسن الحظ سعر الدوبر مان فى مصر مضروب لان شعبيتة قليلة فى مصر ودى صورتة

وعلى فكرة الدوبر مان هادى جدا جدا ونباحة قليل ولكن محتاج تدريب كويس لان الكلب دة لو مدرب شراسة ومش مدرب طاعة بيبقى عامل زى القنبلة الموقوتة فى الشارع
الجيرمن شيبرد كلب عائلى جدا جدا وذكى ويسليك منة حراسة ومنة تسلية ومريح جدا فى التدريب وسهل التدريب لان حضرتك مبتدىء ودايما اى حد يبدا فى تربية الكلاب بنصحة بالجيرمن شيبرد
ولو حضرتك عايز راى انا افضل الجيرمن ولو حضرتك زودتها سنة كمان كميزانية يعنى مثلا 1200 تجيب تقليب جيد وخصوصا نظرا لحالة البلد الاقتصادية فى ركود فى حركة بيع الكلاب وبالتالى الاسعار الى حد ما كويسة
واى استفسار انا تحت امر حضرتك
والله اعلى واعلم فيما قلت

شاكر جدا جدا جدا لحضرتك بجد والله
بس الفكرة اني متمسك بالجولدن هتجنن عليه خلاص :(

[nouranwar]

معلومات جميلة - مشكورين جميعاً - و موفق فى الشراء صاحب الموضوع
أنا بعشق الكلاب - بس ساعات الظروف بتمنع الواحد يعمل اللى فى نفسه !

فعلا معلومات راااائعة من الاعضاء بارك الله فيهم جميعا :)

جيب كلاب حقك تدلع بقي :)

هههههههههههههه خلاص يا سامح بقي الواحد يشوف نفسه شوية بقولك ايه ادخل علي موضوع الجيش كان فيه استفسار و بصراحة مش عارف ارد عليه :(

El golden kalb hadi w by7eb el le3b w howa kalb 3a2ly bas ahm 7aga ykoun ta2leebo kwayes w lw enta men alex nasee7a balash tgeeb men 3and el araby elli fe m7ram beh

اولا يا احمد ممنوع الفرانكو :)
ثانيا العربي ده معتقدش هفكر فيه علي الكلام هنا مش هينفعوا ال1000 جنيه ده يقولي فيه واحد ب 700 !!!؟ ازاي ؟

[prince_bondok1st]

الورك لاين من اسمة انة كلب شغل بمعنى هيبقى معرض للحركة كتير وانة يجرى بسرعة زى موضوع العربيات مش فى عربية بتكون عملية اكتر هو هو نفس الموضوع وعشان كدة تلاقى كل كلاب الشرطة فى اى مكان لازم تكون ورك لاين . لية الشولاين سموة كدة ولية مش بيستخدموة زى الورك لاين ؟
الشولاين من اسمة كلب عرض يدخل مسابقات محتاج رعاية واهتمام كبييييييير ثانيا موضوع الكسحة بتاثر على المفاصل الخلفية على المدى البعيد وكمان الورك لاين اسرع من الشو لاين
على فكرة الورك لاين فى منة بيور اذا الفرق بين الورك والشو الكسحة بس فى حاجات متوافرة فيهم هما الاتنين
اولا يقولك الكلب لونة احمر دم طبعا الجيرمن شيبرد البلاك جاك بيبقى لونة خليط بين الاسود والاصفر او البنى الفامق بس بيبقى الاصفر والبنى الغامق اكتر كتورزيع الوان من الاسود طبعا كل ماكان الااللون اللى مع الاسود اغمق كل ماكان افضل ودى صورة للون الغامق بالنسبة للكلب الكبير وفى كمان اغمق من كدة بس دة ورك لاين

ثانيا الخشب العريض والكفوف ودى بتبقى رجلية وهى مستقيمة بتبقى عريضة وكفوفة كبيرة زى الصورة

واخد بالك حضرتك من الكفوف والخشب العريض بسم الله ماشاء الله علية
ثالثا الماسك او يقولك وجههة تقيل تحس ان الكلب لابس ماسك اسود على وجهه وكل ماكان الماسك غامق كل ماكان افضل ودى صورة للماسك



رابعا ذيل الكلب يكون لامس الارض يكون على الارض يعنى
خامسا خالى بالك من دماغ الكلب الافضل تكون ضخمة لان انا اعرف ان الدماغ بتتناسب طرديا مع ذكاء الكلب كل ما كانت كبيرة كل ماكان الكلب اذكى
كل المواصفات دى بتتفاوت حسب السعر بردة
انا عارف انى طولت بس حبيت احط حضرتك فى الصورة نرجع لسؤال حضرتك هو الورك لاين تقليبة مش كويس لا الورك لاين فى منة بيور وتقليب عالى جدا جدا هو هو الشولاين بس الفرق الكسحة
بس عامة لو حضرتك ناوى تتاجر فيهم او هتبيع جراوى وكدة يبقى الشولاين افضل اللى هو بكسحة لية لانك هتقدر تجيب كل الفلوس اللى دفعتها فى الشراء وزيادة كمان
اما لو حضرتك مش هتاجر او هتجيبة تسلية حبا فى التربية ومنة حراسة بردة الورك لاين الاختيار الانسب
ومش معنى كدة ان جراوى الورك لاين رخيصة لا مش رخيصة دة الكلام دة لو حبيت تتاجر بردة فى الورك لاين بس الشو اغلى منها لمنظرها الجمالى
حاجة كمان فى ناس ممكن تفتكر ان الميل هو الكسحة لا خالص فى فرق بين الميل والكسحة اعرف ازاى الفرق انا اللى انا اعرفة ان الكلب لما يجرة وتبصلة من الجنب لو لاقيت ان ضهرة ملفوف او مايل وهو بيجرى يبقى دى كسحة
اما الميل ممكن تلاقى الكلب وهو واقف ضهرة مايل بس لما يجرة تحس ان ضهرة مستقيم مش فى ميل وفى حاجة بردة اسمها العراقيب اللى هى الميل اللى فى اخر رجل الكلب دى موجودة فى الورك والشو
عامة اهم حاجة وانت بتشترى صحة الكلب اوعى تاخد كلب عيان حتى لو عندة برد اوعى
حذارى ان مدى تقليب الكلب هو مقياس حبك لية
وفى النهاية هقول لحضرتك كام معلومة
الجيرمن شيبرد فى منة لونج هير وميديم هير وشورت هير اللى بيدخل المسابقات العاملية الشورت والميديم اما اللونج مش بيدخل بسبب ان شعرة بيبقى مغطى على حجمة
الجيرمن شيبرد فى منة ورك لاين وشو لاين ساعات الناس بتقول على الجيرمن الورك يقولك علية بجلم شيبرد اللى هو الراعى البلجيكى لان الراعى البلجيكى من غير كسحة خالص مفيهوش شو لاين
الجيرمن شيبرد بيتضمن البلاك جاك اختصار كلمة بلاك جاكيت نتيجة لون الاسود اللى على ضهرة
وفى بردة البلاك كوت شرابات ودة بيبقى كلة اسود ماعادا رجلية بيبقوا بنى
وفى الرويال بلاك بيبقى كلة اسود
اما بالنسبة مركز تدريب الكلاب التابع للشرطة بلاش لان بيبقى تقليب متوسط وطالبين مبالغ عالية اوى مقارنة بالتقليب هو مايميز الكلاب عندهم صحة الكلاب وضخامة الكلاب لانهم بيهتموا بيهم بس غالييييين جدا
اسف على الاطالة
واى استفسار انا تحت امر حضرتك
والله اعلى واعلم فيما قلت

ماشاء الله علي معلوماتك
فعلا كفيت ووفيت
واسف لو تعبتك في الكتابه
شكرا جدا
معلومات قيمه

[ALMAGICO]

لا شكر على واجب حضرتك
مفيش تعب ولا حاجة
واى استفسار تانى انا تحت امر حضرتك

[eng/muhamad]

طيب 500 جنيه يجيبو جرو جيرمن شيبرد و لا لا

[MohammedAladel]

بص يا باشا أنا عايش فى قرية وحوالين بيتنا فيه دايما فيه كلاب من زمان قوى الكلاب مبتقطعش من عندنا بتيجى لوحدها تكبر وتترعرع حوالين بيتنا برا وفى الآخر اللى يموت مسموم واللى ياكله قطر
ولكن بيجى كلب غيره يستلم النبطشية ويكمل المهمة بتاعته
مش عارف أخلص منهم المشكلة إن المرة دى كلبة مش كلب وخلفت كلاب صغيرين
وأنا بصراحة مبحبش الحيوانات بالمرة

[MohammedAladel]

طيب 500 جنيه يجيبو جرو جيرمن شيبرد و لا لا

أسمحلى أعلق على ( ان لم تكن ذئب أكلتك الذئاب )
ذات يوم من الأيام قعدت مع واحد اسمه الحاج محمد راجل معرفة لأبويا كدا ..

قال لى مالك يا محمد مش ظاهر ليه كدا مالك يا محمد بتتكسف كدا يابنى الدنيا دى مينفعش فيها الغلابة اللى زيك ( على أساسا أنه يعرفنى وعاشرنى )
وهووووووووووووب راح قال سيدنا النبى قال : تذأبوا ... سيأتى يوما على أمتى إن لم تكن ذئب أكلتك الذئاب هو قال كدا وانا بصراحة مقدرتش أمسك نفسى من الضحك وأنا بضحك قلت له .. حرام عليك يا حاج محمد دا مش حديث أصلا ... رد عليا وقال لى ... لا دا حديث بس ضعيف شوى ههههههههه الله يرحمنا برحمته

[prince_bondok1st]

بالنسبه للعضو الفاضل
ده موقع لواحد اسمه وليد الخضري وعنده تقليب حلو اوي واسعار معقوله جدا وادخل وشوف الصور
بس مشكلته انه في الاسماعيليه بس بيقولوا عنده توصيل للمحافظات
شوف واتفرج

http://www.facebook.com/WlydAlkhdryklabLlby

وفعلا بقت مشكله عشان تلاقي حاجه كويسه