بفكر اشتري كلب جولدن ريتريفر !

[eng/muhamad]

أسمحلى أعلق على ( ان لم تكن ذئب أكلتك الذئاب )
ذات يوم من الأيام قعدت مع واحد اسمه الحاج محمد راجل معرفة لأبويا كدا ..

قال لى مالك يا محمد مش ظاهر ليه كدا مالك يا محمد بتتكسف كدا يابنى الدنيا دى مينفعش فيها الغلابة اللى زيك ( على أساسا أنه يعرفنى وعاشرنى )
وهووووووووووووب راح قال سيدنا النبى قال : تذأبوا ... سيأتى يوما على أمتى إن لم تكن ذئب أكلتك الذئاب هو قال كدا وانا بصراحة مقدرتش أمسك نفسى من الضحك وأنا بضحك قلت له .. حرام عليك يا حاج محمد دا مش حديث أصلا ... رد عليا وقال لى ... لا دا حديث بس ضعيف شوى ههههههههه الله يرحمنا برحمته

ههههههههههههههههههه حلوه دى
بس هو فعلا مش حديث دى مجرد مقولة
و بالمناسبة بقى تعرف مين أبو مروى؟

[MohammedAladel]

و بالمناسبة بقى تعرف مين أبو مروى؟

الحاج محمد

[ALMAGICO]

طيب 500 جنيه يجيبو جرو جيرمن شيبرد و لا لا

ممكن يجيبوا بس هيبقى تقليب اقل من المتوسط وممكن متوسط ياريت تزود المبلغ دة شوية حضرتك على الاقل يكون التقليب فوق المتوسط

[MohammedAladel]

أيه هو التقليب دا ؟

[ALMAGICO]

أيه هو التقليب دا ؟

كل كلب مهما كان نوعة بيبقى لية مواصفات معينة عشان يكون الكلب بيور ومش مهجن ومن اصول كويسة يعنى الاب والام والجد يكونوا بيور مواصفتهم حلوة يعنى
التقليب بقى هو مدى توافر المواصفات دى فى الكلب مش بس كدة ونسبة توافر كل صفة من الصفات دى
مثلا الجيرمن شيبرد البلاك جاك بيبقى لونة خليط بين الاسود والاصفر ومفيش لون تانى يعنى لو فى ابيض يبقى كلب هجين وكل ماكان اللون اللى مع الاسود اغمق كل ماكان افضل
لو حبينا نطبق اللى انا قلتة فى الاول على المثال
مدى توافر الصفة هى اللونين بتوعة وعدم وجود اللون الابيض
نسبة توافر الصفة دى بتبقى درجة غمقان اللون اللى مع الاسود
اتمنى يكون معنى التقليب وضح
واى استفسار انا تحت امر حضرتك
والله اعلى واعلم فيما قلت

[MohammedAladel]

هو باين عليه موضوع مش سهل وعايز حد فاهم فيهم....طيب الكلاب اللى بتدور عندنا فى القرى دى كلاب إيه ؟ بيقولوا عليها كلاب بلدى

حتى عمى عنده كلب بوليسى زى قلته بيخاف من القطة

[ALMAGICO]

هو باين عليه موضوع مش سهل وعايز حد فاهم فيهم....طيب الكلاب اللى بتدور عندنا فى القرى دى كلاب إيه ؟ بيقولوا عليها كلاب بلدى

حتى عمى عنده كلب بوليسى زى قلته بيخاف من القطة

هو فعلا الموضوع مش سهل ولا صعب يعنى المفروض قبل متربى اى حيوان لازم تقرأ عنة كتير جدا لان الاهم من الشراء التربية والتعامل معاة
كنت فى مرة عند الدكتور بالكلب بتاعى فبنتكلم عن كلاب الشوارع وانا بقول عليهم بلدى قالى مفيش حاجة اسمها كلب بلدى دول اسمهم الكلاب الاناضولى
اما موضوع ان كلب يخاف من قطة دى بتبقى مشكلة فى شخصية الكلب نفسة من صغرة
لان انا كان ليا صديقى كان عندة جرو حوالى 4 شهور او اكبر شوية الكلب كان واقف فى الشارع عدى الطريق موتوسيكل خبطة بس الحمد لله لحقناة ومن ساعتها والكلب بيخاف يعدى الشارع وبيترعب من العربيات والموتوسيكلات
واى استفسار انا تحت امر حضرتك
والله اعلى واعلم فيما قلت

[nouranwar]

ايه يا رجالة افقد الامل اني اجيب جولدن نضيف ؟ :(
و ايه موضوع الرخصة ؟ وبتطلع منين؟

[ALMAGICO]

ايه يا رجالة افقد الامل اني اجيب جولدن نضيف ؟ :(
و ايه موضوع الرخصة ؟ وبتطلع منين؟

للاسف حضرتك جولدن نضيف صعب شوية
موضوع الرخصة دى بتطلع بعد مطعم السعار يعنى مثلا لو بطعم الكلب عند دكتور معين بيبقى فى دفتر كدة بيكتب فية كل التطعيمات اللى اخدها الكلب واخرهم السعار ودة لما بيتم ال6 شهور بتقوم واخد الدفتر وتطلع على مستشفى الكلب بيطلعولك الرخصة وممكن الدكتور يديك الرخصة دى وهى عبارة عن ورقة او قطعة معدن

[MohammedAladel]

يا سلام الكلب ليه رخصة يا جماعة !!
الكلام دا لكل الكلاب طيب وباقى الحيوانات ليها رخص برضه ؟
وفيه ضريبة و تأمين صحى وكلام من دا ؟

[nouranwar]

اه ايها رخصة و اللي يفيد حضرتك اكتر استاذ almagico

[nouranwar]

لقيت جولدن بس عامل 2000 جنيه و لما كلمت صاحبه قالي نهايته 1900

[ALMAGICO]

يا سلام الكلب ليه رخصة يا جماعة !!
الكلام دا لكل الكلاب طيب وباقى الحيوانات ليها رخص برضه ؟
وفيه ضريبة و تأمين صحى وكلام من دا ؟

اة طبعا لية رخصة وفى ناس بتعملها وفى ناس مش بتعملها
الرخصة دى بقى بتفيدك فى اية مثلا لو فى يوم من الايام الكلب كان فى الشارع ومثلا عربية الكلاب خدتة او قتلتة الرخصة دى تخليك ترفع قضية عليهم وتجيبلك حقك
حاجة كمان لو لاقدر الله عض حد الرخصة بردة مش هدخلك فى مشاكل لان معنى الرخصة انة مطعم ومفيش من عضتة خطورة
حاجة كمان لو انت مثلا حاطيتة فى شقة والجيران زهقوا وبلغوا طالما الكلب معاة رخصة مفيش مشاكل بردة ودى واحد لسة قايلهالى قريب
مفيش ضريبة ولا تامين صحى اللى بيحصل ان حضرتك بطعم تطعيم ثمانى من سن 40 يوم وبتديلة حرعة تنشيطية ثمانى كمان عند 3 شهور فى ناس مش بتدى الجرعة دة بس اديهالوا وخلاص لان فى ناس قالت انها مفيدة وبطعم السعار لما يتم 6 شهور وبتروح بدفتر التطعمينات يدوك الرخصة وهى ب25 جنية
وبعد كدة بطعم ثمانى سنويا بس
واى استفسار انا تحت امر حضرتك
والله اعلى واعلم فيما قلت

[ALMAGICO]

لقيت جولدن بس عامل 2000 جنيه و لما كلمت صاحبه قالي نهايته 1900

ههههههههههه يا باشا منا قلتلك الجولدن لو نضيف مش هيقل عن 2000 انا كنت لسة شايف جراوى جولدن معروضة بس على 2500 بس طبعا مش دة الكلام النهائى بس كانوا حلوين والاب والام موجودين
نصيحة منى ادامك خيارين ياتزود الميزانية شوية يا اما تشوف حاجة تانى غير الجولدن
لان بافتراض ان حضرتك جبت جولدن بالسعر دة بس تقليب اقل من المتوسط او مهجن يبقى حرام اللى هتصرفة علية بعد كدة
انا مش عايز احبط حضرتك بس دة الواقع
والله اعلى واعلم فيما قلت

[eng/muhamad]

ممكن يجيبوا بس هيبقى تقليب اقل من المتوسط وممكن متوسط ياريت تزود المبلغ دة شوية حضرتك على الاقل يكون التقليب فوق المتوسط

عارف بس على قدى و مش هقدر ازود المبلغ