لو كنت مكانى هتتجوزها ؟

[miceg]

توكل على الله
المرض ليس بخطير للدرجة
الديباكين هو منهدأ وبيساعد على النوم
الموضوع بسيط جدااااااااا
انت بس مكبره زيادة عن اللزوم
بنا يوفقكو ويخليكو لبعض

[adelghanem]

انا بقولك ان مرض الصرع بيوجد على عدة صور
منها على سبيل المثال فقد الوعى المفاجىء
والبحلقه(starring look) التى تستمر لثوانى ولا يدرك الشخص ماذا حدث فى اثنائها
اما اشهر النوبات والتى تتبادر الى الذهن هى التشنجات الشديده التى تأتى فى الافلام وهى
قليله الحدوث ولمعلومك حاله الصرع ممكن علاجها او بالاصح تقليل حدوثها بحيث تصيح نادره
وذلك بالادويه مثل دواء الديباكين الذى ذكرته والتقليل من المنبهات مثل الشاى والقهوه والشيكولاته
ولمعلومك حياة مريض الصرع حياه طبيعيه ولاتستلزم ترك العمل ومتابعتها باستمرار ولكن تستمر على
متابعه الاتصال بها للاطمئنان مثلما تكون تارك مثلا احد الابناء بالمنزل
اما بالنسبه الى توريث هذا المرض الى الابناء فهذا غير مؤكد مثله مثل حدوثه مع ابوين طبيعيين
الا لو كانت هذا المرض منتشر بشكل كبير فى اسرة الفتاه
ويالنسبه للزواج فتوكل على الله فمن الممكن الزواج بفتاه سليمه ويحدث لاقدر الله اى شى
هذا هو الرأى الطبى لحالة الفتاه والله اعلم

[khaled_yassin]

1-صلى استخاره
2-مش معاك انك تعرف اهلك لانهم اكيد هيرفضوا من دلوقتى
3- ما تيجى نقلب الوضع بعد الشر عليك انت عندك مرض هى هتكون ايه وضعها
4- اخيرا خليك راجل وشيل المسؤليه يا تبقى ... وتهرب منها

[أحمد كمال]

المرض ليس بخطير للدرجة
الديباكين هو منهدأ وبيساعد على النوم

الله يكرمكم يا جماعة اللي ما يعرفش في حاجة ما يتكلمش كلام غلط

ديباكين ايه اللي مهدئ و يساعد عالنوم !!!!!!


و صرع ايه اللي مش خطير !!!!!!!

[amr011111]

بص يا باشا
مرحلة الخطوبه مش هتبين ليك حياتكم هتبقى شكلها عامل ايه بعد الجواز
واى اتنين متجوزين مهما كانوا بيحبوا بعض بتحصل بينهم مشاكل كتير ( الا من رحم ربى ) - يأخى ده الاخوات فى البيت بتشد مع بعضها فما بالك بالازواج -
المشكله بقى لو حصل بينكم خناقه بعد الجواز هتبقى حاطط فى مخك انها عيانه وانى عامل فيها جميله ( ربنا يشفيها طبعا محدش فينا بعيد عن اى مرض ) وكمان بتتخانق معايا فممكن ساعتها يبقى رد فعلك عنيف

لو انت متأكد من الصفات اللى فيها ديه توكل على الله بصرف النظر عن انها مريضه ام لا

[Gamal.Eid]

بص يا سيدي
مرض الصرع مع المواظبة على العلاج بشكل منتظم بتكون النوبات قليلة جدا جدا۔
مرض الصرع مرض وراثي۔
ولكن انا مثلا جدي كان عنده صرع۔ ابويا وعمي وعماتي واولادهم جميعا مجالهومش صرع۔

اختلف معك مرض الصرع ليس وراثيا انا ابنتى لديها هذا المرض ولا يوجد احد فى العائلتين يحمل هذا المرض وجاء لها نتيجة نقص اكسجين اثناء ولادتها والله يسامحها الدكتورة اللى ولدت امها فقد كانت اول طفلة لى واول مرة اشوف مولود بعد ثوانى من ولادته وقد اخبرت الطبيبة ان وجهها ازرق شوية ولكن قالت انها كويسة ومفيهاش شىء لكن مع تقدم سنها ظهر كل شىء واكتشفنا انه بسبب نقص الاكسجين اثناء الولادة سبب لها تلف بخلايا المخ وهو الذى يودى الى التشنجات الصرعية لها فهو مرض ليس وراثى

[Gamal.Eid]

الله يكرمكم يا جماعة اللي ما يعرفش في حاجة ما يتكلمش كلام غلط

ديباكين ايه اللي مهدئ و يساعد عالنوم !!!!!!


و صرع ايه اللي مش خطير !!!!!!!

فعلا الديباكين ليس مهدىء وابنتى تتعالج به فهو علاج لحالات الصرع ويقلل من حدوث الصرع ولكن لا يمنعه فالصرع ليس له علاج نهائى ينهى عليه مرة واحدة لكن مع العلاج المنتظم والطويل يقللها حتى تكاد تكون معدومة

[أحمد كمال]

فعلا الديباكين ليس مهدىء وابنتى تتعالج به فهو علاج لحالات الصرع ويقلل من حدوث الصرع ولكن لا يمنعه فالصرع ليس له علاج نهائى ينهى عليه مرة واحدة لكن مع العلاج المنتظم والطويل يقللها حتى تكاد تكون معدومة

شفاها الله و عافاها

[lonedoctor]

ما كنت اتخيل ان شعبنا الجميل يتجرأ على ان يفتى فيما لا يعلم ولم يدرس او يتخصص فيه مصيبة والله وكمان يجادل
الله المستعان

[طارق _عبد السلام]

استخير ربنا الاول اعمل صلاه استخاره
وعايز اقول حاجه انت ممكن تاخد واحده من الناحيه الصحيه (جمل ) وبعد الجواز تمرض وده شىء ليس بيد اى انسان انا تزوجت من 17 سنه وزوجتى ولله الامر من قبل ومن بعد والحمد لله على ما اعطى اصيبت بمرض
ليس له علاج على مستوى العالم وهو التصلب العصبى المتناثر عادى جدا والحمد لله على ما اعطى وربنا يقدرنى انى اخفف عنها المرض

ربنا معاك ويرشدك لما فيه الخير لك ولها ان شاء الله

[acqa12]

........................

مش هرد عليك , ولا اللى على عامل لايك على الكومنت ده , علشان تتكلم على بنات الناس كده

بس انا عملت تقرير مشاركة سيئة

[acqa12]

السلام عليكم اخى الكريم
معك د.شريف استشارى باطنة
استفاض الاخوة فى الحديث عن المشكلة من الناحية الاجتماعية ولذلك احدثك من الناحية الطبية
الصرع الاولى مجهول السبب بمعنى الذى لم يكن ناتجا عن اسباب ثانوية زى الالتهاب السحائى او الاصابات والنزيف المخى والاورام الخ يصيب تقريبا 0.5 الى 1 % من سكان العالم تقريبا وبالرغم من وجود ادوية كثيرة لعلاج الصرع فانه مايزال 40 % يعانون من النوبات الصرعية بالرغم من اخذ الادوية وبالجرعة العلاجية المنضبطة وبالتالى يمكن القول بان السيطرة على المرض من الناحية الطبية ليس امرا سهلا
تزداد نسبة حالات ما يعرف بالوفيات المبكرة لدى مرضى الصرع اذا ما قورن بالبشر الذين لا يعانون من المرض والاعمار فى النهاية بيد الله سبحانه وتعالى
تتغير طبيعة حياة المريض بشكل كبير اذا ما قورن بالشخص العادى حيث انه من المفروض عدم قيادة السيارة الا باشتراطات معينة كما فى بريطانيا وامريكا وولاسف الدول النامية لم تسن قوانين خاصة بهذا الامر بالرغم من خطورته
ينصح بعدم غلق الابواب للاماكن التى يتواجد فيها المريض كالحمام وغيره وعدم التعامل مع اشياء مؤذية مثل الماكينات والاجهزة ذات الشفرات الحادة وغيرها وكذلك ممارسة الرياضات العنيفة والغطس والسباحة وغير ذلك
تاتى مشكلة الحمل فى مرضى الصرع وكل ادوية الصرع قد تسبب تشوهات بالجنين دون استثناء ويجب ان يكون الزوج والزوجة على علم بهذا الامر قبل الشروع فى هذا الموضوع وهذا امر غير محسوب طبيا قد وقد لا يحدث
الناحية الوراثية ليست مباشرة فى هذا المرض حيث انه لا يورث كصفة سائدة او متنحية ولكن نسبة الاصابة تزداد اذا كان احد الابوين مصاب اذا ماقورن بابوين طبيعيين
اقرا جيدا هذه المعلومات واتخذ قرارك بعد الاستخارة واى سؤال انا فى خدمتك

شكرا جدا ليك يا دكتور وربنا يخليك

بص يا دكتور موضوع التعب او التشنج ده ممكن السيطرة عليه لانها حالتها مش سيئة وهى منتظمة فى العلاج جدا الحمد لله

بس هيا المشكلة انها لو فيه نور جامد ركز ف عنيها بتدوخ , وكمان لما بتروح للدكتور بتاعها الدكتور بيقرب من عنيها الوان معينة فالبنت تبدأ تعيط علشان بتشوف علامات الدوخة والتشنج

ياريت تشرحى برضه ايه ده

متأكد إنها بتحبك بالشكل الأسطوري ده؟
وإنك بالنسبة لها مش عريس كويس وخلاص؟
بص
الراجل حياته كلها شغل..والبنت حياتها كلها رومانسيات وحاجات من دي
يعني
البنت تقدر تقنع اي ولد..انها بتحبه بجنون.....حتى لو مابتحبوش
وموضوع المرض-وماتزعلش لو كلامي تقيل-..بنات كتير بتفتعل الرقة المبالغ فيها كنوع من استعطاف او انها بتحب تشوف الي قدامها قلقان وخايف ليها باستمرار
عن تجارب كتيرررررر معايا...ياما شوفت بنات بتعمل نفسها مغم عليها..والحوارات دي

إتأكد انها فعلا مريضة..فعلا
وانها بتحبك فعلا
وابقى رد علينا

احمد باشا

لا انا الحمد لله متاكد منها وشفت عيلتها اكتر من مرة , نظرية المؤامرة متنطبقش عليها

وبعدين هيا اسرتها مش مصرية واغلب حياتها مش ف مصر
علشان كده هيا مميزة الحمد لله

[acqa12]

استخير ربنا الاول اعمل صلاه استخاره
وعايز اقول حاجه انت ممكن تاخد واحده من الناحيه الصحيه (جمل ) وبعد الجواز تمرض وده شىء ليس بيد اى انسان انا تزوجت من 17 سنه وزوجتى ولله الامر من قبل ومن بعد والحمد لله على ما اعطى اصيبت بمرض
ليس له علاج على مستوى العالم وهو التصلب العصبى المتناثر عادى جدا والحمد لله على ما اعطى وربنا يقدرنى انى اخفف عنها المرض

ربنا معاك ويرشدك لما فيه الخير لك ولها ان شاء الله

ربنا يشفيها لحضرتك ويجعله فى ميزان حسناتك
مشاركتك اثرت فيا , انا ليه مفكرتش انى ممكن اكون الوحيد اللى اخفف عنها حتى لو كانت تعبانة

احب اوضح بس يا شباب كام حاجة :

انا اهلى عارفين العلاقة اللى بينى وبينها وانا شفت عيلتها اكتر من مرة وشفت البنت وقعدت معاها اكتر من مرة ف حضور اهلها والحمد لله مقتنع جداا

بشكركو جدااا يا شباب , لان هنا كل واحد قال رأيوا من وجهة نظروا وكان عندى اراء كتير خلتنى اشوف الصورة بشكل احسن

صحيح انا عرفت الوضع الصحيح بتاع المرض ومدى المسؤلية اللى هتكون عليا ومدى المصاعب اللى ممكن اشوفها , بس فعلا هو مفيش حاجة مضمونة , مين يضمن انى يحصلى حاجة اصلا بعد شوية

انا صليت استخارة كتييير , ومرتاح انى اتقدم وجوا نفسى اكتر من نية يمكن علشان ربنا يأجورنى عليها

ادعولى ان شاء الله انا هتقدم ليها وكلمت اهلى فى الموضوع وان شاء الله هحدد معاد مع اهلها علشان نروح زيارة رسمية

وربنا يقدم اللى فيه الخير

وشكرا ليكو يا شباب بجد
جميلكو على راسى من فوق

[Ahmed A Rahman]

تتلخص ف انها عندها صرع , بمعنى انها لو اتعصب اوى اوى ممكن تتشنج وتدوخ او ممكن تكسر حاجة قدامها وتفضل تترعش

هيا ف الفترة اللى فاتت ده محصلهاش حاجة من ده غير لما والدها زعقلها جامد واهانها فاتشنجت وراحت للمستشفى يومين
هيا متابعة مع دكتور اعصاب , وهو يعطيها دواء اسمه ديباكين , هيا بتاخد منه حبايتين , مرة الصبح ومرة بالليل
ياريت حد من الدكاترة يقولى ده بتاع ايه

ده غير انها ساعات بتدوخ فجاة لو شافت نور قوى يزغلل عنيها
وقلبها ضعيف بجانب انها حساسة جداااا

بص يا فندم
انا ضد التشخيص على النت ونظام الحالات المكتوبة بدون كشف
بس حمشي مع حضرتك
اللي انا شايفه مش صرع (يعني مين اللي قال اصلا ان ده صرع) ؟؟؟

مفيش مريض صرع بيكسر الحاجات لما بتجيله النوبة بالعكس
مفيش صرع بييجي بعد الخناقات الا انواع معينة مس حاسس ان ده منها
الديباكين نفسه اعتقد ان الدكتور بيستخدمه Mood stablizer مش Antiepileptic
قصدي لتثبيت الحالة المزاجية مش للوقاية من الصرع
وفي نفس الوقت (بيعيش المريض انه تعبان يا عيني وبياخد دوا صرع)


على حسب اللي حضرتك كاتبه وتشخيصي المبدئي القابل للخطأ دا اسمه Hysteria

الهستيريا مرض نفسي انفعالي تحويلي (تحويل انفعالات نفسية الى اعراض جسمانية هدفه استدرار العطف او الهروب من المسئولية لا يعي المريض انه غير مريض

مريض الهستيريا غير ناضج عقليا يعني اي خناقة او شد عصبي حتلاقي اللي ادامك
اترمى على الارض
اتشنج
فقد النطق
رقبته اتلوحت

مريض الهستريا يتميز بالمشاعر الجياشة والعاطفة الزائدة
انسان اناني بيحب الاستعراض وبيحب الناس تبص له وتقول (ياحرام) (هو لسه في ناس رقيقة للدرجة دي في الدنيا دي)

ولكن في الحقيقة هو شخص سطحي, بليد المشاعر لا يتحمل المسئوليات

حسألك سؤال واحد بس :
لو حصلت نوبة من دي امامك ووقعت على الارض
وجيت انت تشيلها او تساعدها باي صورة
هل بتحس ان المريض (بيقاومك) واعراضه بتزيد كل ما تحاول تساعده ؟ ولا بيستنجد بيك عشان تلحقه ؟؟؟


لو الاجابة نعم ردي القاطع هو : لا تمض في تلك الزيجة
مريضة الهستريا هي اسوأ شخص ينفع تتجوزه
انسان اناني غير متحمل المسئولية
بتحب في ثواني وتكره في ثواني
من نوعية اللي بتبهدل جوزها امام الناس

دا غير ان معظم مرضى الهستيريا عاطفته الجنسية صفر
في تاريخ الطب مارلين مونرو اشهر شخصية هسترية في التاريخ كانت بارده عاطفيا

انا آسف لو ضايقتك باي كلامي اللي ممكن جدا يبقى غلط
بس دا اللي حضرتك طالبه
وده اللي انا شايفه من كلامك


الهستريا - موسوعة ويكيبيديا