كسرلوا عربيتوا لانوا وقف قدام محلو في رمضان !!

[Y a r i s]

النهرده كنت في الحي السادس في سته اكتوبر. بالضبط عند سنتر الحسيني
باشتري شوية حجات المهم وانا مروح بصيت لقيت الموقف كتالي واحد شايل غسالة شكلها كانت بتتصلح ورايح لعربيتوا الي كان راكنها قدام محل ملابس ... صاحب محل الملابس شوية عيال من صهاج شمامة ... اول ما شافوا صاحب العربية راجع للعربية وبيفتح الشنطة ... علقوا مع بعض وركنها هنا ليه ومش المفروض توقفها هنا ... الى اخرة

صاحب العربية : قالوا انتا صاااايم حد يقول الكلام ده ويتنرفز كده وهو صايم
صاحب المحل : ينعل ابو كده انا فاطر ياعم الحج انا ابن ستين تييييييييت بس متوقفش قدام محلي
المهم كل ده وماعلينا

كان في عربية فيرنا الي اسمها( فيفاا)ا لونها ازرق تيركواز جميلة
ركنة برضوا قدام المحل بتاع الملابس
قام واد صهاجي برضوا شغال في نفس المحل قام راح وقف فوق السقف بتعها وقعد يطنط على الشنطة .... انا شوفت المنظر ورغم عدم حبي لغبور بس بصراحة دمي اتحرق وفااار. .... قمت سايب الي في ايدي ورحت للواد شديتو من فوق سقف العربية .... واقولوا يا ابني حرام عليك فاضل ساعه على الفطار ... ياحبيبي ميصحش طب روح اتوضى واهدى كده .... يا اخي اتقي الله وهو بكل قلت ادب ماااالك انتا ياعم الحج عربيتك دي ... انا لأ ... يقولي طيب خليك في حالك ... قمت هاب فيه واقولوا حرام عليك ده مااال ناس. وصاحب العربية شقيان فيهاااا ايه يعني. وقف قدام باب محلك باظت الدنيا يعني ولا الشارع كان بتاع ابوك وهو مش سامعني اساساً وعمال يجري مني هنا وهنا ولا كاني واقف قدامو اساساً وعمال يرزع في العربية ويديها شلاليت على الرفرف على بونيات. على الفوانيس

وهوبا ينط فوق السقف زي القرد والواد الخالق الناطق شبه عبدو موتو بنفس العفانه والجرب كده
ومش ناقص وهو بيطنط فوق سقف العربية غير يقول من النهرده مفيش حكومة انا الحكومة
المهم فين وفين لغايت ما لقيت اصحاب المحلات التانين ابتدو يدخلوا ويهدوا في الهبلونه الي انا متصدي ليهم لوحدي فقمت سايبهم وقلت هيفيد بايه الوقفه حسبي الله ونعم الوكيل. حسبي الله ونعم الوكيل .... افتكرت موضوع كنت لسه مشارك فيه بتاع صديقنا وحبيبنا هنا وهو عاوز يجيب الينترا ٢٠١٣ وانا بقولوا لالالا هاتلك كورولا احسن او حته الماني ... بصراحة مكسوف من الراجل بجد وعاوز اقولوا هاااااااات توك تووك. ياباشا. هات توك توك البلد دي مش بتاعت عربيات محترمه خالص .... انا زعلان من نفسي بجد ... اني ممسكتش الواد الصعيدي ده ضربتو او سفختوا قلمين .... عيل واطي بجد .... ايه يعني صاحب العربية ركن قدام منك شووية هو بااات. يعني ولا ركنها وسافر .... ولا كان موقفها على حجرك وانا مش داري. بجد انا مقهور بالنيابة عن صاحب العربية الفيرنا ( الفيفا ) وحتى لو كانت عربية رخيصة ومفهاش امكانيات فالعربية دي عند صاحبها بالدنيا بالي فيها .... اكيد شقى وتعب في كل مليم ادفع فيها .... مش حرام الي اتعمل فيها ده ... وبسئل نفسي ازاي احنا بقينا كده يا مصررين
معقوله علشان الراجل ركن قدام منك شوية تقوم تكسرلوا عربيتوا
لا وكلو كوم والاعلان بتاع فودافون : قال ايه :( بيقولك المصري طول عمروا بيحب الشيييييرررر )
يا اخي كتر الف شيرررررررك.
شير بس ايه يا بيه اذا المصري مش قادر يشير او يتشارك الشارع مع الناس ولا كأن الشارع شارع ابوه
بجد حراااااام ... هو ربنا الي بيعملوا فينا ده من شوية
ماهو من سواد قلوبنا ووساخة تفكيرنا ونفوسنا السووودة وانانيتنا وحقدنا على بعض
الناس بتقول الي بيحصل في مصر ده غليان سياسي وانا بقول لأ ده غضب من رب العالمين. ... والمفروض اننا نحمد ربنا انو مسخطناش قردة وخنازير من الي بنعملو في بعض ... حتت شارع عاااام. شارع عام تكسر عربيت الراجل علشان وقف فيه شوية يالهوووووي. طب كسر عربية الراجل ابو غسالة. ولا خفت منوا واتشطرت على العربية الي صاحبها مش موجود. .... حسبي الله ونعم الوكيل في كل ظالم حسبي الله ونعم الوكيل
إلاهي يشل ايدوا ويكسرها لا لا حرام مش هقدر اقول غير ربنا يهدي الناس اجمعين ويصلح الحال يارب العالمين

@@@@@@@@@@@

واسف اني انفعلت
واسف على الاطالة
وتحياتي

[rotanamasoud]

ياباشا انت فهمت الاعلان غلط هو يقصد المصرى بيحب الشر بس بيدلعها ويقول شير على وزن شرير

[hugan]

ياباشا انت فهمت الاعلان غلط هو يقصد المصرى بيحب الشر بس بيدلعها ويقول شير على وزن شرير

+11111111
انا مش فاهم من اللي ابتدع ان المصريين من افضل شعوب الارض
طب يطلعوا الخليج ويتفرجوا المصريين بيعملوا ايه في بعض هناك

[el diesel]

ارفع تليفونك وصوره واطلب النجده وبلغ بحالة سرقة
للاسف حال البلد ساب لدرجة ربنا اللى عالم هتوصل لفين

[SAMEH_FOUAD]

المصرى اصبح مايهموش الا مصلحتة وبس

يعنى صاحب المحل دة فاكر ان العربية دية هية اللى موقفة رزقة ومش هتخلى الناس تشوف المحل بتاعة

ماهو لو يعرف ان ربنا هيبعتلة رزقة اينما كان , ماكنش عمل كدة , لكن تقول فى الجشع وقلة الضمير

وعلى فكرة دة مش حال اصحاب المحلات بس , لأ دة كمان الناس , تعالى انزل كدة وسط البلد فى الشوارع الجانبية , هتلاقى كل واحد حطلة حديدة قدام بيتة عشان محدش يركن فى الشارع , واقسم بالله الشوراع كلها بقت حديد , وكأن كل واحد اشترى الحتة دية مجانا , لمجرد انها قدام بيتة

انا بحد كرهت تصرفات الشعب المصرى , نرفزة على اقل حاجة , شعب مافيش تفاهم , مافيش دين خلاص

كل واحد بيعمل اللى على مزاجة

وعلى فكرة الناس مابقاش يهمها الصيام والله العظيم , يعنى الصيام دة لية شروطة واى اخلال بشرط من شروطة يعتبر الانسان فاطر

بس للاسف خلاص المصريين اصبحوا همج , بجد

المواطن المصرى اصبح شيطان بجد

الواحد مش عارف يلاقيها منين ولا منين

شعب استغفر الله العظيم " الا من رحم ربى "

[Y a r i s]

ارفع تليفونك وصوره واطلب النجده وبلغ بحالة سرقة
للاسف حال البلد ساب لدرجة ربنا اللى عالم هتوصل لفين

هاهاها ههههههه نجدة
دحكتني ياباشا. .. ليه هو في نجدة في البلد دي بتنجد انتا مقريتش موضوعي الواد الي خبط لي فنوسي وقعدت اتصل على النجدة. ان حد يرد عليا لغايت ماهو اتصل بزابط صاحبوا. وقام مزبطني في القسم وكان شوية شوية هيحجز على عربيتي. ويلبسني جناية مش فاكر ولا جنحة. المهم حكاية كده هبقى احكيهالك بعدين... القصد النهردة الجمعة وزي مانتو عارفين. يوم الجمعة. الشرطة ملهيهة ... وبقيت السنة بتبقى شغالة ياعيني وبتتعب .

بس السؤال هنا دلوقتي لو صاحب العربية الفيفا دي راح القسم هل يقدر ياخود حقوا بجد من العيال الشمامة دي. ولا القانون الشامخ بتعنا لا يحمي المغفلين الي بيسيبوا عربياتهم في الشارع قدام محلات الناس !!!!

القانون بجد غير منصف في البلد دي العيب مش في الناس العيب مش في الشرطة العيب مش في القضاء العيب في قوانين البلد دي مبتحاسبش حد خالص ولا بتجيب حق حددد ... واعتقد اذا صاحب العربية دي ربنا بيحبوا كبيروا هيسجن العيال دي شهر مع وقف التنفيذ ( قضية اتلاف ممتلكات ) وصلى الله وبارك .

ده اذا مكلفتوش المحضر في القسم. وقالولا قطنة ببوليش ياباشا والعربية ترجع فبريكة وزي الفل واذا كان على السقف الي اطبق افتحلنا يابيه الصالون نرزعهالك شلوت من جوا ننطرلك السقف لبره تاني ويبقى زي الفل واحسن من الاول كمان لاني هنطرهولك نطرة اوسعلك الصالون بتاع العربية علشان الي يقعد يقعد براحتوا ومرتاح .

ياترى حد من رجال القانون الي معانا هنا في المنتدى عندو حل تاني ( مقترح) . يقدر صاحب العربية الفيفا ده يجيب حقو غير موضوع. شهر حبس مع وقف التنفيذ اتلاف ممتلكات !!
تصور بقى الموضوع ده حصل لعربيتك هيكون ايه ردت فعلك ياترى ! ... وتحياتي لكم جميعاً يا اصدقائي

[sayco100]

احسن شئ (( انك قولت حسبى الله ونعم الوكيل ))
فعلا
لا دين ولا أخلاق
ربنا يرحمنا برحمته
اومال لو مكناش فالعشر الاواخر من رمضان كانوا عملوا ايه كمان
لاحول ولاقوة الا بالله

[aymanshebl]

اومال تقول ايه لما اروح اصلى الجمعة وابوص على العربية من باب الاطمئنان الاقى الازاز الخلفى متفتت متيت حتة من شوية عيال ولاد ........... و اسال على الازاز فى التوكيل الاقيه ب 2500 جنيه ده حلال ولا حرام ومين يرضى بكده هو الواحد جايب الفلوس من غير تعب الواحد من ساعتها مش عارف انطق نفسى اعمل اى حاجة اقتص من اللى عمل كده

[mshmshm3]

كل اللي بيحصل ده لان مفيش قانون و ردع
فاكرين لما كان المشي عكس فيها حبس ؟؟؟!!!!
كان حد بيفكر بس يمشي عكس ؟؟
طيب لو طبقنا القانون و النهاردة تروح اي قسم و تقوله حصلي اعتداء من اي حد و قام معاك و خدلك حقك والله هاتشوف قمة الاحترام و الادب في الشارع
لكن هو متخيل انك لوحدك و هو في ارض اللي جابوه انت مش هاتعرف تعمله حاجة بس لو انا ركنت عربيتي قدام محل و جيت لاقيت المنظر ده
مش هايتبقي في عمره 5 دقايق

[aldesha989]

حسبنا الله ونعم الوكيل احنا مش بنى ادمين
احنا عالم زباله
انا كل ما انزل للعربيه بقول يارب ما يكنش حصل فيها حاجه جديده

انزل الاقيها مرمى عليها زباله مرمى عليها مايه وسخه

متبهدله اخر بهدله علشان بس وقفتها جنب البيت طب اروح ارميها فى الزباله علشان اعجب ابوكو

حسبى الله ونعم الوكيل كل يوم خبطه وتجريح وكسر وخدوش وهى واقفه الواحد ما بيعملش فى عربيته قد ما الشارع بيعمل فيها

مره كنت هركن قدام جزار واتعارك معايا قولتله ايه ياعم انتا اشتريت الشارع

قالى اه اشتريته ورفع عليا ساطور ابن ال ................_)(*&

حسبنا الله ونعم الوكيل شعب غبى عايز ضرب الجزمه انانى مستفز متعجرف حسود مش بيحب الخير لحد

[aldesha989]

قال وبيقولك مصر دوله متدينه يخى ا ا

[aldesha989]

المصرى اصبح مايهموش الا مصلحتة وبس

يعنى صاحب المحل دة فاكر ان العربية دية هية اللى موقفة رزقة ومش هتخلى الناس تشوف المحل بتاعة

ماهو لو يعرف ان ربنا هيبعتلة رزقة اينما كان , ماكنش عمل كدة , لكن تقول فى الجشع وقلة الضمير

وعلى فكرة دة مش حال اصحاب المحلات بس , لأ دة كمان الناس , تعالى انزل كدة وسط البلد فى الشوارع الجانبية , هتلاقى كل واحد حطلة حديدة قدام بيتة عشان محدش يركن فى الشارع , واقسم بالله الشوراع كلها بقت حديد , وكأن كل واحد اشترى الحتة دية مجانا , لمجرد انها قدام بيتة

انا بحد كرهت تصرفات الشعب المصرى , نرفزة على اقل حاجة , شعب مافيش تفاهم , مافيش دين خلاص

كل واحد بيعمل اللى على مزاجة

وعلى فكرة الناس مابقاش يهمها الصيام والله العظيم , يعنى الصيام دة لية شروطة واى اخلال بشرط من شروطة يعتبر الانسان فاطر

بس للاسف خلاص المصريين اصبحوا همج , بجد

المواطن المصرى اصبح شيطان بجد

الواحد مش عارف يلاقيها منين ولا منين

شعب استغفر الله العظيم " الا من رحم ربى "

يا حبيبى ماحدش بيصوم اصلآ ده اللى انتا مش واخد بالك منه

اقسم بالله بمشى فى الشوارع تلاقى اللى مولع سيجاره واللى بيشرب شاى وفى قهاوى مخصوص بتفتح للناس دى

حسبنا الله ونعم الوكيل

[el diesel]

هاهاها ههههههه نجدة
دحكتني ياباشا. .. ليه هو في نجدة في البلد دي بتنجد انتا مقريتش موضوعي الواد الي خبط لي فنوسي وقعدت اتصل على النجدة. ان حد يرد عليا لغايت ماهو اتصل بزابط صاحبوا. وقام مزبطني في القسم وكان شوية شوية هيحجز على عربيتي. ويلبسني جناية مش فاكر ولا جنحة. المهم حكاية كده هبقى احكيهالك بعدين... القصد النهردة الجمعة وزي مانتو عارفين. يوم الجمعة. الشرطة ملهيهة ... وبقيت السنة بتبقى شغالة ياعيني وبتتعب .

بس السؤال هنا دلوقتي لو صاحب العربية الفيفا دي راح القسم هل يقدر ياخود حقوا بجد من العيال الشمامة دي. ولا القانون الشامخ بتعنا لا يحمي المغفلين الي بيسيبوا عربياتهم في الشارع قدام محلات الناس !!!!

القانون بجد غير منصف في البلد دي العيب مش في الناس العيب مش في الشرطة العيب مش في القضاء العيب في قوانين البلد دي مبتحاسبش حد خالص ولا بتجيب حق حددد ... واعتقد اذا صاحب العربية دي ربنا بيحبوا كبيروا هيسجن العيال دي شهر مع وقف التنفيذ ( قضية اتلاف ممتلكات ) وصلى الله وبارك .

ده اذا مكلفتوش المحضر في القسم. وقالولا قطنة ببوليش ياباشا والعربية ترجع فبريكة وزي الفل واذا كان على السقف الي اطبق افتحلنا يابيه الصالون نرزعهالك شلوت من جوا ننطرلك السقف لبره تاني ويبقى زي الفل واحسن من الاول كمان لاني هنطرهولك نطرة اوسعلك الصالون بتاع العربية علشان الي يقعد يقعد براحتوا ومرتاح .

ياترى حد من رجال القانون الي معانا هنا في المنتدى عندو حل تاني ( مقترح) . يقدر صاحب العربية الفيفا ده يجيب حقو غير موضوع. شهر حبس مع وقف التنفيذ اتلاف ممتلكات !!
تصور بقى الموضوع ده حصل لعربيتك هيكون ايه ردت فعلك ياترى ! ... وتحياتي لكم جميعاً يا اصدقائي

قريت يا باشا للاسف وزعلت بس انا مقتنع ان صوابعك مش زى بعضها وان لما تبقى النظرة العامة للاسوأ والسلبيات الموجودة بتغطى على ايجابيات كتير ممكن نستفاد بيها

[SAMEH_FOUAD]

يا حبيبى ماحدش بيصوم اصلآ ده اللى انتا مش واخد بالك منه

اقسم بالله بمشى فى الشوارع تلاقى اللى مولع سيجاره واللى بيشرب شاى وفى قهاوى مخصوص بتفتح للناس دى

حسبنا الله ونعم الوكيل

ماهو دة لو واحد فاطر اصلا بمزاجة

انما واحد طول النهار عمل يشتم , ويزعق , ويسرق فى دة ويضرب فى دة الخ .........

وفى الاخر يقولك انا صايم , ويجى فى اذان المغرب وكأنة فعلا كان صايم

دول بقى للاسف اللى بقوا كتيييييييييييير جدا فى الشعب , والصراحة بستعجب لما وصلنا الية من حالة لا يرثى لها , مكناش كدة ابدا

والله بشوف خناقات فى شوارع مابين ناس فى نهار رمضان , وضرب بالشوم وافظع الشتائم , وفى الاخر يقولك الواحد مش عايز يضيع صيامة هههههههههههههههههههه

[Deshahcoka]

معلش في اللفظ بس ربنا يعوض صاحب العربية و يلعن الوساخة الي بقت في الناس ديه !

الي بيحصل في مصر ده انذار من ربنا بجد و قريبا حيجي الطوفان يسويها بالارض و نخلص !