كسرلوا عربيتوا لانوا وقف قدام محلو في رمضان !!

[Y a r i s]

حتى لو عرفنا نركن يا جماعه فى سلام بتصحى الصبح تلاقى العربيه يا اما مخبوطه والله اعلم اللى خبطها

انا جوز اختى كان راكن بعيد عن بيتنا بشارع نزل لقى العربيه متغرقه زيت وفلفل ولمون واحد بتاع كبده متغاظ منه راح رامى عليها كده

انا كمان ركنت فى نفس الشارع بس بعيد عن اى حد فى حته فاضيه خالص
نزلت لقيتها عليها زيت بالعبيط رغم ان ماحدش عماره فوقى ولا محل جنبى ولا اى حاجه

امبارح راكن العربيه ومافيش فيها تراب ولا الهواء وكنت منضفها ومروقها

نزلت الصبح اتفجعت مكبوب عليها مايه ووساخه مش هقدر اعمل فيها حاجه غير انها تروح مغسله

طب العشرين جنيه رغم انها مش فلوس بس تمن الغسيل انا مش مسامح اللى وسخلى عربيتى وهأخدهم منه يوم القيامه حسانات مش علشان هى فلوس ولا هو مبلغ لكن علشان هو اذانى

حسبنا الله ونعم الوكيل والله احسن حاجه الواحد يقعد يأخد حسانات وحسبنا الله ونعم الوكيل وطز فى الدنيا نأخدهم حسانات احسن

ياباشا. اذا الموضوع زيت ومية وسخه فعادي .
بيني وبينك انتا المفروض تشكر الراجل ده الي بيدلقلك زيت وميه وسخه على العربية بتاعتك كل يوم ... واول ما تشوفوا تقولوا تسلم ايديك يا سيد الرجالة تسلم ايديك يا سيد المعلميين ... واذا في يوم رحت ما لقيتش العربية مدلوق عليها حاجة ياريت تسئل على الراجل وتطمن عليه ليكون عيان او مريض او تعبان ولا حاجة ( ميصحش ) لازم تتطمن على الراجل هههه واديك شفت للي حصل لبتاع الفيفا يدلق على العربية اي حاجة اهون مليون مره من انوا يطلع يطنطط فوق سقف العربية :)

هيا الناس دي بتكرهنا كده لييييه ... كل ده علشان احنا عندنا عربيات وهما لأه. ولا خلاص الاخلاق فعلاً انعدمت بهذا الشكل !!!
حتى بتاع عربية الكبدة حاطط راسوا براس صاحب عربية ملاكي حسبي الله ونعم الوكيل . .

[ashraf1212]

(سبب)
كل دة أن المصرى لا يعيش عيشة أدمية فيجد مهانة فى ركوب المواصلات الغير أدمية ويجد مهانة فى طابور العيش وفى جودتة واللى سايق عربية يجد مهانة فى زحمة الطرق وفى أن يجد مكان لركن سيارتة

(ألأسباب) عدم أنشاء مدن جديدة حتقولى أزاى دة فى مدن جديدة كتير حقولك دى بدون خدمات حقيقية ولا أى أهتمام ولا أمن وبتبقى كل ألأسعار بها أغلى بكتير عن القاهرة.

(الحل)
أعطاء ألأهمية والخدمات للمدن الجديدة يعنى مواصلات مجانية منها وأليها -كهرباء مدعمة -أعفاء 50% من جمارك السيارات الخاصة بتلك المدن.

[aymanshebl]

اهي الحادثه د ي اللي ها تجنني
كل يوم اتابع اخبار الحوادث
اني الاقي خبر القبض علي وكيل النيابه والتحقيق معاه
مفيش
ولا حس ولا خبر
وفي الغالب القضيه هاتتشطب علي قتل خطاء
والباشا يرجع مكتبه وشغله بالسلامه
والاثنين اللي ارواحهم راحت في لحظه ولا ليها ثمن

و الله لما يعنى ربنا يعافى الجميع تلاقى عربيتك اتكسرت من واحد سايق غلط و كمان بيتعدى على ابوك و يضربه هتعمل ايه خصوصا ان الناس دى مش هتسكت و تعترف بغلطها يعنى هتضربك انت كمان هتعمل ايه و كمان عاوزة تموتك ؟؟

الناس وحشة جدا بطريقة مش عارف تحس انهم متصلتين على بعض بطريقة غريبة عامل زى ما يكون مدفوعين على بعض واضح ان العيب من الناس و الناس بيجيلها حكام من نفس التوب و الصفات دى الفكرة ببساطة يعنى لا ينفع رئيس اليابان يحكم مصر و لا رئيس مصر يحكم اليابان لان الناس هنا غير هنا فى كل حاجة و الغريبة ان الناس اللى ما ينفعش نقول عليها ناس هى اللى مبسوطة باللى بيعملوه و احنا الناس اللى عايزين نبقى محترمين بنعانى و بيتحرق دمنا و اعصابنا كل يوم و الظاهر طول العمر

[manfromegy]

ياباشا. اذا الموضوع زيت ومية وسخه فعادي .
بيني وبينك انتا المفروض تشكر الراجل ده الي بيدلقلك زيت وميه وسخه على العربية بتاعتك كل يوم ... واول ما تشوفوا تقولوا تسلم ايديك يا سيد الرجالة تسلم ايديك يا سيد المعلميين ... واذا في يوم رحت ما لقيتش العربية مدلوق عليها حاجة ياريت تسئل على الراجل وتطمن عليه ليكون عيان او مريض او تعبان ولا حاجة ( ميصحش ) لازم تتطمن على الراجل هههه واديك شفت للي حصل لبتاع الفيفا يدلق على العربية اي حاجة اهون مليون مره من انوا يطلع يطنطط فوق سقف العربية :)

هيا الناس دي بتكرهنا كده لييييه ... كل ده علشان احنا عندنا عربيات وهما لأه. ولا خلاص الاخلاق فعلاً انعدمت بهذا الشكل !!!
حتى بتاع عربية الكبدة حاطط راسوا براس صاحب عربية ملاكي حسبي الله ونعم الوكيل . .

ياباشا هي جت علي بتاع عربيه الكبده.شفت بتوع المتوسيكلات ولا التكاتك بيعملوا إيه لو شاف عربيتك لسه مدهونه ولا حس بس إنك مؤدب ولا عندك شويه إحترام.يلااااااااهوي والله عندكوا حق في كل اللي بيتقولوه.مين اللي قال إن الشعب المصري أحسن شعب( أكبر كدبه في التاريخ)

[svneleven]

المشكلة مش في الناس. المشكلة أن القانون مش مطبق. ما فيش نظام و لا أي حاجة ماشيين عليه. هو الاسلام نزل علي مين. علي الكفار. يعني ما فيش أكتر من كده و لا أسوأ من كده و مع ذلك خلاهم ايه؟ طب ليه خلاهم أحسن الأمم؟ عشان نظام محترم و اتطبق صح. احنا بقي ما عندناش لا دين مطبق و لا قانون و لا نظام و بالتالي البلد أصبحت غابة و فيها حيوانات بتنهش في بعضها و تعتدي علي بعضها الا من رحم ربي. و طبعا الغابة ديه فيها شوية ناس محترمين زي حضراتكو و مش عارفين يعيشو وسط الحيوانات. ربنا يهدينا و يرحمنا.

[Mohamed_Hamid]

ومن كل ما سبق نستنتج ان العيب مش فى مبارك او مرسى او السيسى او اى حاكم هييجى. الشعب المصرى تجرد من الأخلاق والقيم ( الا من رحم ربى ) لذلك استحق الفساد والمرض وضيق العيش والظلم والفجور وظلم الحكام وسوء الحال.
اللهم أخرجنا من هذه القرية الظالم أهلها وأحسن خواتيمنا وعافنا واعف عنا واحفظنا وأهلينا من كل سوء وردنا الى دينك ردا جميلا.

[Ahmed_Adham]

اهي الحادثه د ي اللي ها تجنني
كل يوم اتابع اخبار الحوادث
اني الاقي خبر القبض علي وكيل النيابه والتحقيق معاه
مفيش
ولا حس ولا خبر
وفي الغالب القضيه هاتتشطب علي قتل خطاء
والباشا يرجع مكتبه وشغله بالسلامه
والاثنين اللي ارواحهم راحت في لحظه ولا ليها ثمن

أنا بقى اللي هيجنني بجد هوه تعليقك. خبطو عربيته وهيه راكنه ولما أبوه اعترض صفو عين الراجل الكبير وسحلوه على الارض في الشارع. عايز ابنه يتفرج على المنظر ويقولهم اسحلوه كمان ولا يعزمهم على الفطار معاه؟ أكيد واحد شاف أبوه في المنظر ده تتوقع منه رد فعل عنيف سواء كان وكيل نيابه ولا اوفيس بوي.

[tutankhamoun]

أنا متهيالي لو حصل كدا في عربيتي

اقل واجب هاحرقله المحل بالهدوم اللي فيه ....

الواحد من كمية الشر اللي بيشوفها ... أخلاقه بتتغير و صبره بينفذ

[S O P H O S]

للاسف مفيش تغير
دي ثقافة اولا واخيرا !

[SAMEH_FOUAD]

أنا متهيالي لو حصل كدا في عربيتي

اقل واجب هاحرقله المحل بالهدوم اللي فيه ....

الواحد من كمية الشر اللي بيشوفها ... أخلاقه بتتغير و صبره بينفذ

تصدق انت جيت على الجرح

والله العظيم انا اوقات بقعد مع نفسى كدة , ولما بشوف اى موقف قدامى شبيهة بالمواقف دية , بقول يعنى الواحد محترم , ومش بيحب يإذى غيرة , هل لو معرفش يتكلم مع الاشكال دية هيتهذأ , وحقة يضيع لمجرد انة محترم !!!!!!!! ومش عايز مشاكل على حاجات فى نظر العقلاء انها تافهة

يعنى الواحد الافضل لية انة يبقى بلطجى ويبجح فى اللى قدامة , وينزل يكسر الراجل عشان يتعملة الف حساب ومحدش يققدر يرفع عينة فية بعد كدة

وارجع واقول الواحد لو بقى كدة , والناس المحترمة كلها فكرت كدة, يبقى خلاص البلد بجد يطلق عليها لقب غابة فعلا , والدراع واللسان هما القانون السائد فى هذا البلد

الواحد والله مش عارف يعمل اية , دلوقتى ابسط حاجة تلاقى واحد خبط لواحد عربيتة تلاقية نازل ومطلعلة شومة قد كدة , حتى لو اللى قدامة بيكلمة بالراحة وبهدوء

منهم لله اللى وصلونا للحالة دية

[#MAAM#]

ربنا ينتقم من الواد ده اشد انتقام يارب ويعوض على صاحب العربية بإحسن منها يارب

[شاهين - بنز]

+11111111
انا مش فاهم من اللي ابتدع ان المصريين من افضل شعوب الارض
طب يطلعوا الخليج ويتفرجوا المصريين بيعملوا ايه في بعض هناك

بالضبط الله ينور عليك

[bekatcho]

يا راجل يا طيب
انا المنطقة الى ساكن فيها كلها خوازيق حديد وقدام عمارات مافيش عندهم عربيات بس علشان ماحدش يركن
للاسف بضر اركن برة بيتى ب3 شوارع على الاقل على ما الاقى ركنة
جيت النهاردة نازل لقيت الناس كتبالى على ايزاز العربية الى قدام ( كتير خيرهم طبعا ما كسروش حاجة فى العربية :) )
لا تركن هنا بلون طوبى كدة
مابفتش عارف اركنها فين والله
ولا عارف اركنها فى الشارع بتاعى ولا بلاقى ركنة على الشارع العمومى نهائى
انا الشارع بتاع متفرع من العمومى والفرق بالظبط 3 شوارع على ما بركن

[hugan]

أنا بقى اللي هيجنني بجد هوه تعليقك. خبطو عربيته وهيه راكنه ولما أبوه اعترض صفو عين الراجل الكبير وسحلوه على الارض في الشارع. عايز ابنه يتفرج على المنظر ويقولهم اسحلوه كمان ولا يعزمهم على الفطار معاه؟ أكيد واحد شاف أبوه في المنظر ده تتوقع منه رد فعل عنيف سواء كان وكيل نيابه ولا اوفيس بوي.

طب جبت التفاصيل دي منين
مفيش اي خبر عنها
ياخي لو فرضنا جدلا صحه كلامك
كان حتي يضربهم في رجليهم يصيبهم بس
انت فاهم يعني ايه تضرب نار بقصد القتل
يعني روح بني ادم ومش بني ادم واحد اثنين
بصراحه تفسيرك مش في محله

[Y a r i s]

من الواضح ان مشكلة الركنة دي بقت مشكلة عامة
وده ان كان حد يتحمل مسؤلية الكلام ده فحكامنا ومسؤولينا... واحد هيقول هو المفروض يتعمل ايه ... هقولك يحساب كل الي ادوا اصحاب العماير تصاريح يبنوا عماير من غير جرشات وان كان في جرشات ومعموله مخازن تلغى المخازن والمحلات على الفور وتعمل كراجات .... ايضاً المفروض البلدية تشتري اي ارض من ملاكيها ويبنوها چراش عمومي متعدد الطوابق او كراج تحت الارض وفوق الجراش يبقى جنينة .

الحلووول كتيرة حتى لو حفروا الشوارع وعملوها جراشات تحت الارض ... بالذات في الاماكن ذات الكثافة السكانية العالية حتى لو خدو من كل مالك عربية ١٠٠ جنية شهرياً في ناس كتير مستعده تدفع علشان تحافظ على عربيتها .... ففي الف حل وحل .... لكن انهيار الاخلاق ده حلو ايه .... ونيجي نقول المفروض نقوي الوعي الديني عند العيال الشمامة دي علشان يعرفوا ان لله حق .... ونفاجئ ان اذا قوينا الوعي الديني عندهم نبص نلاقيهم تحولوا من بلطجية الى اسلاميين متطرفيين وأرهابين كمان ... يعني هو يا كده يا كده مفيش حل وسط عند العيال دي خالص ' ' والحكومات المصرية والمشرعين المصريين الي عايشين في الطراااوة خالص ... هو مفيش مشرع دكرررر كده شارب من صدر ابوه كده. يشرع كام قانون يجيب حق الموطن تالت ومتلت .... ولا حق المواطن ده اخر اهتمامتهم ... وتحياتي