كسرلوا عربيتوا لانوا وقف قدام محلو في رمضان !!

[ابوإياد المصرى]

بلطجه عينى عينك

ربنا أخرجنا من هذه القرية الظالم أهلها

[amr011111]

بصراحه دمى محروق جدا وضغطى على
يعنى هوه الهلى عمل كده فى العربيه مش مثلا يكسر فانوس وخلاص
لا بيوظله العربيه كلها من سقف لشنطه لكبوت
ساعتها بقى لما صاحب العربيه يجى ويدوسه بالعربيه هيدخل السجن لا ن البلد مش فيها قانون كان يخدله حقه قبل ما هوه يخده بايده

زى الحادثه ديه اللى حصلت فى مدينة نصر من اهرام الجمعه


رفع الحصانة عن رئيس النيابة المتهم بقتل شاب وإصابة آخر بمدينة نصر

وافق مجلس القضاء الأعلي علي طلب النائب العام المستشار هشام بركات برفع الحصانة القضائية عن رئيس نيابة غرب القاهرة للتحقيق معه في واقعة مقتل شخص وإصابة آخر بالرصاص في مشاجرة بشارع مصطفي النحاس بمدينة نصر.
وكان جاسر المغربي مدير نيابة حوادث شرق القاهرة ـ قد بدأ التحقيقات في الواقعة بإشراف المستشار مصطفي خاطر ـ المحامي العام الأول لنيابات شرق القاهرة ـ والتي تتلخص في أن القتيل والمصاب كانا يقودان سيارتهما بسرعة واصطدما بسيارة رئيس النيابة التي كانت متوقفة أسفل منزله واحدث بها تلفيات جسيمة وعندما نزل والده لعتابهما وأصر علي طلب النجدة للمعاينة حدث بينهم مشاجرة واشتباك وقاما بضرب والد رئيس النيابة مما أدي لتصفية عينيه ثم سحله علي الأرض فاسرع للتدخل وانقاذ والده من بين ايديهما واستخدم سلاحه الناري المرخص في إرهابهما واطلق رصاصة في الهواء إلا أن الشخصين انقضا عليه وحاولا الاستيلاء وخطف مسدسه فأطلق رصاصة أصابت الأول وحينما حاول المصاب التشبث بيد رئيس النيابة لخطف المسدس اطلق رصاصة ثانية اصابته وتم نقله للمستشفي للعلاج ثم قام بعد ذلك المتهمون وأهاليهم بالحضور في نفس اليوم وأحرقوا شقة وكيل النيابة وسيارته وسيارة والده تحت المنزل وتولت النيابة تحقيقاتها في الواقعة والاستماع إلي اقوال الشهود وتحريات المباحث وتقرير المعمل الجنائي.

[Mr.Lawyer]

للأسف فالتشريع المصري واهن عاجز في مواجهة القضايا الخاصة باحراق الممتلكات العامة والخاصة ، ويجب على المشرع المصري مراجعة هذه التشريعات حتي يكون القضاء منصفا وعادلا في مثل هذه الحالات بتشريع عقوبات تناسب مثل هذه الجرائم ، بدلا من اهتمام المشرع المصرى بقوانين العزل وزواج القاصرات ... الخ ،
فى هذ الحاله يتوافر شرط القصد الجنائى وحاله تعمد اتلاف ممتلكات الغير وتنقسم الدعوى الى شقين : الشق الجنائى والشق المدنى ، الشق الجنائى سيكون حكما مخففا ولن يرضى المتضرر ، اما الشق المدنى فسيحكم له بالتعويض المدنى عن الاضرار التى حدثت بسيارته ولكن الدعوى المدنيه ستطول وخاصه اذا تم ارسالها الى مكتب الخبراء لتقدير التلفيات ،،، الخ
فللأسف السائد فى مصر هذه الايام البلطجــــه ، انهارت كل الاخلاقيات والاداب التى تربينا عليها وتم انتزاع الوازع الدينى من قلوبنا ، لم يعد احدا يخاف سواء من العقاب الالهى او عقبال الشرطه ، لذلك الكل اصبح يواجه العنف بالعنف والبلطجه بالبلطجه واصبحنا نعيش فى غابه
لذلك انا طبعا لا انصح صاحب السياره بخيار العنف والبلطجه ولكن يجب ان يحاول ياخد حقه بالطرق السلميه مع تهديدهم باللجوء الى الشرطه ، واذا لم يحصل على حقه فيجب عليه اللجوء الى الشرطه والقضاء مع الاهتمام كثيراااااااااا بمحضر اثبات الحاله وتسجيل التلفيات
أسف على الاطاله
تحياتى ....

[Elawany13]

مرة لاقيت عقب سيجارة مشتعلة مرمية على العربية حرقت جزء من غطاء العربية القماشى
وحرقت البوهيه اللى تحتها
مرة لاقيت فضلات حيوان أليف على الغطاء اعزكم الله

الواحد دمه بيتحرق من اللى بيشوفه فى الشارع
الواحد مش عارف هيلاقيها منين ولا منين
من اصحاب المحلات ... ولا بتوع بيزنش الاكشاش اللى كل يوم بيزرعوا كشك على نواصى الشوارع وفى مناطق مزدحمة وياريت على كده وبس وعايز ياكل عيش بجد .. تلاقيه بلطجة ووساخه وقلة أدب وواخد الرصيف بالكامل ونص الشارع وعامل مطب كمان قدامه
من انا احنا كمان اللى بيرمى عربيته فى ارى ركنه ولا قدام القهوة اللى قاعد فيها مع اصحابه ومعطل الطريق اللى المفروض اسمه سريع والله لما بلاقى كده بدعى عليه ان ربنا يبعتله لورى طائش يعلمه الأدب
حتى الناس فى بيوتها اللى معندهومش عربية مش طايقه حد يركن قدام بيته كده لله فى لله وعامل تل أتوار كبير وبعدها زراع شجرتين تلاته وعامل جنينه فى شارع ضيق عرضة 4 ولا 6 متر
والخيبه انك تلاقيه كمان بعد شوية ربنا كرمه وجاب عربية ووقفها فى 1.5 متر اللى باقى وطز فى الشارع واللى فيه
شعب ما يعلم بيه إلا ربنا مش عارف يفرق بين الملكية العامة والخاصة وكله فى البلوظة
واليد العليا للبلطجة والوساخة وقلة الأدب فى غابة مفيش فيها اى قانون يحمى البنى آدم المحترم
أنا عمال اتفرج على برنامج خواطر 5 ... 30 حلقة بيتكلموا عن اخلاق اليابانيين وعيشتهم وأدبهم ونظافتهم ونظامهم .. السلوك الحضارى المحترم هو القاعدة والسلوك غير سوى استثناء نادراً ما تجده
عندنا العكس تماماً
حسبنا الله ونعم الوكيل
اللهم ارفع مقتك وغضبك عنا
اللهم ارفع عنا البلاء

[hugan]

بصراحه دمى محروق جدا وضغطى على
يعنى هوه الهلى عمل كده فى العربيه مش مثلا يكسر فانوس وخلاص
لا بيوظله العربيه كلها من سقف لشنطه لكبوت
ساعتها بقى لما صاحب العربيه يجى ويدوسه بالعربيه هيدخل السجن لا ن البلد مش فيها قانون كان يخدله حقه قبل ما هوه يخده بايده

زى الحادثه ديه اللى حصلت فى مدينة نصر من اهرام الجمعه


رفع الحصانة عن رئيس النيابة المتهم بقتل شاب وإصابة آخر بمدينة نصر

وافق مجلس القضاء الأعلي علي طلب النائب العام المستشار هشام بركات برفع الحصانة القضائية عن رئيس نيابة غرب القاهرة للتحقيق معه في واقعة مقتل شخص وإصابة آخر بالرصاص في مشاجرة بشارع مصطفي النحاس بمدينة نصر.
وكان جاسر المغربي مدير نيابة حوادث شرق القاهرة ـ قد بدأ التحقيقات في الواقعة بإشراف المستشار مصطفي خاطر ـ المحامي العام الأول لنيابات شرق القاهرة ـ والتي تتلخص في أن القتيل والمصاب كانا يقودان سيارتهما بسرعة واصطدما بسيارة رئيس النيابة التي كانت متوقفة أسفل منزله واحدث بها تلفيات جسيمة وعندما نزل والده لعتابهما وأصر علي طلب النجدة للمعاينة حدث بينهم مشاجرة واشتباك وقاما بضرب والد رئيس النيابة مما أدي لتصفية عينيه ثم سحله علي الأرض فاسرع للتدخل وانقاذ والده من بين ايديهما واستخدم سلاحه الناري المرخص في إرهابهما واطلق رصاصة في الهواء إلا أن الشخصين انقضا عليه وحاولا الاستيلاء وخطف مسدسه فأطلق رصاصة أصابت الأول وحينما حاول المصاب التشبث بيد رئيس النيابة لخطف المسدس اطلق رصاصة ثانية اصابته وتم نقله للمستشفي للعلاج ثم قام بعد ذلك المتهمون وأهاليهم بالحضور في نفس اليوم وأحرقوا شقة وكيل النيابة وسيارته وسيارة والده تحت المنزل وتولت النيابة تحقيقاتها في الواقعة والاستماع إلي اقوال الشهود وتحريات المباحث وتقرير المعمل الجنائي.

اهي الحادثه د ي اللي ها تجنني
كل يوم اتابع اخبار الحوادث
اني الاقي خبر القبض علي وكيل النيابه والتحقيق معاه
مفيش
ولا حس ولا خبر
وفي الغالب القضيه هاتتشطب علي قتل خطاء
والباشا يرجع مكتبه وشغله بالسلامه
والاثنين اللي ارواحهم راحت في لحظه ولا ليها ثمن

[Elawany13]

معلش في اللفظ بس ربنا يعوض صاحب العربية و يلعن الوساخة الي بقت في الناس ديه !

الي بيحصل في مصر ده انذار من ربنا بجد و قريبا حيجي الطوفان يسويها بالارض و نخلص !

أنا مقتنع ان اللى بيحصلنا فى مصر من يوم 25 يناير لحد دلوقتى من انفلات امنى وصراعات مجنونه والهبل اللى احنا عايشينه ده ما هو إلا عقاب إلهى بسبب أخلاقنا المتدنية وبعدنا عن الدين الصحيح لذلك دائما دعائى هو
اللهم ارفع مقتك وغضبك عنا
اللهم ارفع عنا البلاء

[Elawany13]

ماهو دة لو واحد فاطر اصلا بمزاجة

انما واحد طول النهار عمل يشتم , ويزعق , ويسرق فى دة ويضرب فى دة الخ .........

وفى الاخر يقولك انا صايم , ويجى فى اذان المغرب وكأنة فعلا كان صايم

دول بقى للاسف اللى بقوا كتيييييييييييير جدا فى الشعب , والصراحة بستعجب لما وصلنا الية من حالة لا يرثى لها , مكناش كدة ابدا

والله بشوف خناقات فى شوارع مابين ناس فى نهار رمضان , وضرب بالشوم وافظع الشتائم , وفى الاخر يقولك الواحد مش عايز يضيع صيامة هههههههههههههههههههه

[aldesha989]

حتى لو عرفنا نركن يا جماعه فى سلام بتصحى الصبح تلاقى العربيه يا اما مخبوطه والله اعلم اللى خبطها

انا جوز اختى كان راكن بعيد عن بيتنا بشارع نزل لقى العربيه متغرقه زيت وفلفل ولمون واحد بتاع كبده متغاظ منه راح رامى عليها كده

انا كمان ركنت فى نفس الشارع بس بعيد عن اى حد فى حته فاضيه خالص
نزلت لقيتها عليها زيت بالعبيط رغم ان ماحدش عماره فوقى ولا محل جنبى ولا اى حاجه

امبارح راكن العربيه ومافيش فيها تراب ولا الهواء وكنت منضفها ومروقها

نزلت الصبح اتفجعت مكبوب عليها مايه ووساخه مش هقدر اعمل فيها حاجه غير انها تروح مغسله

طب العشرين جنيه رغم انها مش فلوس بس تمن الغسيل انا مش مسامح اللى وسخلى عربيتى وهأخدهم منه يوم القيامه حسانات مش علشان هى فلوس ولا هو مبلغ لكن علشان هو اذانى

حسبنا الله ونعم الوكيل والله احسن حاجه الواحد يقعد يأخد حسانات وحسبنا الله ونعم الوكيل وطز فى الدنيا نأخدهم حسانات احسن

[monamize4]

الناس بتقول الي بيحصل في مصر ده غليان سياسي وانا بقول لأ ده غضب من رب العالمين. ... والمفروض اننا نحمد ربنا انو مسخطناش قردة وخنازير من الي بنعملو في بعض ... حتت

ياااااااه ياباشا انت بتقول اللى انا حاسس بيه بالظبط

دا فى ناس بتعمل تصرفات , الخنازير و الكلاب مترضاش تعملها

[Elawany13]

أنت بتقول فيها
آخر زيارة ليا لإسكندرية صحيت الصبح لاقيت الكاوتش مضروب بالمطوه
حسبنا الله ونعم الوكيل فى المؤذيين ولاد الحرام

http://www.nilemotors.net/Nile/33303...post3874780849

[Anxs111]

شوية عيال من صهاج شمامة ...

. اني ممسكتش الواد الصعيدي ده ضربتو او سفختوا قلمين ....

أنا مش أنت ليه ربطت الموقف بأن العيال صعايدة ومن سوهاج ...هو بسبوره مكتوب فيه جنسية غير بتاعت حضرتك ما كله مصري يا برنس وكله قمة في اللبط ...
ولا يكونش بتوع سوهاج كلهم كدة وبتوع القاهرة هما الناس اللي ما بيطلعش منهم الغلط ....
حاجة غريبة جدا ....

[eleanor]

مصر وصلت لحاره سد ربنا يستر علينا

[aldesha989]

أنا مش أنت ليه ربطت الموقف بأن العيال صعايدة ومن سوهاج ...هو بسبوره مكتوب فيه جنسية غير بتاعت حضرتك ما كله مصري يا برنس وكله قمة في اللبط ...
ولا يكونش بتوع سوهاج كلهم كدة وبتوع القاهرة هما الناس اللي ما بيطلعش منهم الغلط ....
حاجة غريبة جدا ....

هو اكيد ما يقصدش لكن هو بيوصف الحاله وبيوصف شكل العيال لكن الصيع والشمامين فى كل مكان
فى كامل جمهورية مصر العربيه وسبحان الله فى تزايد مستمر


الواحد حاسس ان الشعب هيجى عليه هوجه كمان هيبقى كله شمام بما فيهم احنا

فعادى ياريس ما تأخدش فى بالك

[SAMEH_FOUAD]

تصدقوا بالله

والله العظيم انا فعلا بدأت اتيقن ان ربنا غضب علينا خلاص

حكام كلهم مايعلم بيهم الا ربنا " هو احنا هنفضل كدة على طول " كل مايجى حد نغيرة

اقتصاد فى النازل وكل يوم فى الارض

كل شعوب العالم بتتقدم واحنا بنتأخر وبسرعة الصاروخ كمان

امراض غريبة بدأت تنتشر فى البلاد واللى كان قليل اصبح بيكتر

الشعب كلة مابقاش طايق بعضة , خلاص ومش مستحمل للتانى كلمة , حتى الاخوات بقوا عايزين ياكلو حق بعض , وعايزين يموتوا ابوهم ولا امهم عشان يورثوا فلوسهم

الفقراء والمساكين , والله عشان بس فية ناس كويسين بتقوم بأعمال الخير , كان زمانهم ماتو من الجوع بجد , وللاسف كل يوم بكتروا

ينهار ابيض احنا مهما نعد فى مشاكل البلد دية والله ماهنخلص

الحمد لله ان الواحد عايش كدة " الف حمد وشكر ليك يارب "

فدة شىء طبيعى ان الناس تبقى كدة خلاص , كل حاجة حلوة بتروح , الناس مش هتتغير لية

لما يلاقوا الفساد فى البلد وصل لمرحلة ان الكلام البذيىئ بيتقال عادى جدااا فى الافلام وحاليا فى المسلاسلات بكل جرأءة , اشمعنا هما مايشتموش

لما تروح تعمل بلاغ فى القسم عشان يجيبلك حقك , تلاقى حاجة من الاتنين يالشرطة ماتتحركش وتقولك خد حقك بنفسك , يأما المدعى علية معاة واسطة تعدية من اى حاجة ومش بعيد انت اللى تلبس قضية

عفوا فقد انتهى عصر الادب والاخلاق والمبادىء

والشعب يرحب بعصر قلة الادب , والبلطجة , والمحسوبية , وانعدام الضمير

ربنا يسترها علينا فى البلد دية

[Y a r i s]

أنا مش أنت ليه ربطت الموقف بأن العيال صعايدة ومن سوهاج ...هو بسبوره مكتوب فيه جنسية غير بتاعت حضرتك ما كله مصري يا برنس وكله قمة في اللبط ...
ولا يكونش بتوع سوهاج كلهم كدة وبتوع القاهرة هما الناس اللي ما بيطلعش منهم الغلط ....
حاجة غريبة جدا ....

لا ياباشا بتوع القاهرة كوخه برضو هههه
بص يا باشا هقولك ليه الواد ده من سوهاج .... ماهو دي الكارثة والمصيبة التانية وموضوع تاني خالص دولة جوا الدولة ... في ٦اكتوبر في تالت مواقف رسميين الحكومة مخصصاها للميكروباصات ... المهم واحد من سوهاج بقه مش معترف بالمواقف دي. راح مؤجر قهوة وملاغي العيال السواقين ان العربيات تحمل من قدام القهوة في مقابل يدفعوا ارضية ٧٠ جنية لكل ميكروباص في التحميلة الوحدة طبعاً اجرة الميكروباص الواد صاحب القهوة هو الي بيحددها كمان ب ٥٠ جنية في الايام العادية وب ٦٠ و ٧٠ جنية في المناسبات والاعياد ... والواد السوهاجي ده نافش ريشو وكسر عربيت الراجل بقلب جامد لييه لان القهوة الي قدام منو كلهم بلدياتوا ... في اكتر من بتوع الفيوم السواقين والعمال الي خربينها خربينها في ٦ اكتوبر هنا بيتلاشو بتوع سوهاج رغم ان كثافة الفيومية اعلى من كثافة بتوع سوهاج واعلى كمان من السكان الاصليين .
والشهادة لله بتوع سوهاج محترمين وبيحترموا نفسهم بس العيال الشمامة دي الي عملوه النهرده ده ميرضيش لاربنا ولا رسولوا ... يا اخي ده بيقولك الشياطين ربنا بيحبسهم في. رمضان ... اهو انا متاكد الشيطان بذات نفسوا اكيد عمل لايك وشير للواد بتاع سوهاج بعد ما دش دش العربية . ... ومش بعيد يعملوا فولوو ( متابعة لبقية اعمالوا ) .
وتحياتي