مشكلة مع موظفة كانت عندي

[Mostafa.Mahran]

قرارك سليم و هى الى تتحمل مسئولية الاستهتار و عدم الاهتمام بالشغل

[mohamed_selim]

كمان حضرتك روحت للاكبر و قالك افصلها .... متوجعش دماغك انت اللى كنت هتتعك لو فضلت موجوده

[aldesha989]

تفتكر شركه زى اللى انتا فيها عندها وقت للدلع وخصوصآ انك بتقول نصحتها ونبهتها كذى مره
العيب مش عليك العيب عليها هى ويسبك من حوار ان امها اتصلت دعت عليك
دعوة الظالم مش بتتحقق ولا كان كلنا دعينا على بعض ظلم وربنا نفذ
دعوة المظلوم بس هى اللى مافيش بينها وبين ربنا حجاب

تانى حاجه تفتكر لو شركة زى فودافون مثلآ وواحده زى دى شغاله فى خدمة العملاء كانت هتستنى عليها اسبوع ؟
اللى انتا عملته عين العقل بالعكس انتا بتقول انك نبهتها كتير يعنى انتا اتاخرت فى فصلها
واللى ما شوفش شغله يبقى ما يستحقهوش فى ناس هنا هتموت على ربع وظيفه مش وظيفه ودلع واكل وشرب
ياعم فى ناس هتموت علشان تشتغل واللى ما يشوفش شغله عدل فى داهيه

حالة تأنيب الضمير دى علشان انتا راجل محترم بس مش كلهم محترمين واللى عملته كان عين العقل وربنا يوفقك

وشوفلى شغلانه بقى :d

[SAMEH_FOUAD]

واحدة ماصانتش النعمة اللى هية فيها , انها تلاقى شغل فى شركة بمؤهلاتها وثقافتها المحدودة

وكمان عملالك مشاكل + عدم انضباط فى العمل + تصرفات غير لائقة + طريقة تحدث غير لائقة

هية تقريبا جاية ,فسحة وماشية او جاية نادى تفريهى

عموما انت نصحتها اكتر من مرة , وهية ماسمعتش الكلام , خلاص بقى براحتها كل واحد بيتحمل نتيجة اخطائة

ولو ضميرك مأنبك اوى ومتضايق , ممكن توديها اى قسم خفيف مافيش فية شغل كتير , بس تكلم والدتها الاول وتقولها بنتك بتعمل وبتعمل وبتعمل , عشان تبقى عارفة بنتها اتفصلت لية

ومافيش حاجة انت عملتها غلط , دية مصلحة شركة وواحدة كانت ممكن تضيعها بتصرفاتها

[MuhamedNabil]

عملت الصح ليك و ليها و للحيجى مكانها و متفكرش فى الموضوع ده تانى.

[Ahmed_selmy]

اللى انت عملته صح .....المفروض هى كانت تحمد ربنا ان جالها فرصة عمل فى شركه زى دى من غير انترفيو او اختبارات ....يعنى جايلها على طبق من فضه ......لو هى تستاهل كانت اثبتت انها فعلا جديرة بالمكان اللى هيا فيه مش تقعد تتدلع و تتمرقع.......المشكله ان الناس المستهترة دى مش بتضر نفسها وبس لاااااا...دى بتضر اللى حوليها كلهم وبتبقى عمله زى العفن فى الاكل لو متلحقش واتعالج علطول حيصيب الاكل كله .
وعلى فكرةاكيد والدتها لا تعلم شئ عن طريتقتها فى الشغل وممكن يكون دا سبب رد فعلها او دعائها عليك, وطبعا اكيد هى مفهماهم انها اللى شايله الشغل كله.....حركات قديمه ومعروفه.
انت صح واللى عملتوا دا فى صالح العمل.

[م. حاتم السباعي]

الاخ الكريم

سنة 2006 كان معي حالة مثل حالتك لكنه شاب وكنا في ليبيا في مشروع
واعدته لمصر بعد ان فصلته وظل يدعي عليا 6 شهور هو واهله وانا كنت حزين عليه لانه كان لسه متزوج حدبثا ولكن كنت حاسس اني لو تنازلت للحظة فلن استطيع ادارة العمل ومعي 22 مهندس وفني يعملون معي واما انهم سيسلكو مسلكه في التسيب وعدم الانضباط او ساضطر للتفرقة في المعاملة وحسمت امري بعد ان استنفزت كل شئ معه تحذير وخصم وتهديد بأنهاء عمله واخيرا حجزت له تذاكر العودة


عدت الشهور السته دي وانقطعت اخباره ولا انكر اني كنت انا من اسأل عن اخباره خلسه لان كان له اقارب معنا وكان الاحساس بالذنب عظيم حين علمت انه حين عاد كانت زوجته قد وضعت وظل بدون عمل


وفي نفس العام اظن بعد 9 شهور من بداية الموضوع وكان يوم عرفه الساعة 10 صباحا كنت في بيتي في مصر واذا برقم من السعودية فلما اجبت وجدته علي الخط يبكي ويطلب مني ان اسامحه بكيت معه وقلت له اني مسامحه

وعلمت منه انه سافر بعقد وربنا كرمه بالحج وشكرني لما فعلته معه لانه صحح له فكره والتزم ومن يومها وهو علي تواصل معي الي الان

الحمد لله ان وفقني لذلك واراك قد فعلت الصواب والرازق هو الله فلا تحزن